• Հայաստանի ֆուտբոլի ազգային թիմի կիսապաշտպան Հենրիխ Մխիթարյանն այս շրջանում չի տեղափոխվի ռուսական ակումբ: Նման կարծիք է հայտնել մարզական մեկնաբան Գենադի Օռլովը: «Լուրեր հայտնվեցին, որ Մխիթարյանը կարող է տեղափոխվել «Զենիթ»: Ես փորձեցի իմ կապերով ճշտել այդ լուրը: Մխիթարյանը չի թաքցնում, որ կխաղա Ռուսաստանում, բայց ոչ հիմա, այլ մոտ 2 տարի անց: Նա կխաղա այն ակումբում, որի հետ համաձայնության կգա: Մխիթարյանը  շատ ուժ է ծախսել, որպեսզի Անգլիայում հեղինակություն ձեռք բերի»,-ասել է Օռլովը: Վերջին շրջանում միջազգային մի շարք ԶԼՄ-ները գրում են, որ Մխիթարյանը հնարավոր է կհեռանա «Արսենալ»-ից, եթե «զինագործները» պայմանագիր կնքեն «Բարսելոնա»-ի կիսապաշտպան Դենիս Սուարեսի հետ: Այժմ Մխիթարյանը նոր-նոր սկսել է մարզումները վնասվածքից, սակայն վերջնականապես խաղադաշտում կլինի փետրվարին: ...

    Կարդալ ավելին
  • Ստամբուլի դատարանը թուրքական ընդդիմադիր «Cumhuriyet» թերթի նախկին թղթակից Փելին Ունքերին դատապարտել է 1 տարի և 1 ամսվա ազատազրկման և պարտավորեցրել վճարել մոտ 8600 լիրա (1500 դոլար) փոխհատուցում: Այս մասին տեղեկացնում է էրմենիհաբերը։ Պատճառն այն է, որ Ունքերը «Cumhuriyet»-ում Թուրքիայի նախկին վարչապետ Բինալի Յըլդըրըմի (այժմ Թուրքիայի Ազգային ժողովի նախագահ) որդիների օֆշորային սկանդալում ներգրավվածության մասին լուրեր էր հրապարակել: Ինչպես հայտնի էր դարձել ավելի վաղ «Paradise Papers» անվանումը ստացած փաստաթղթերի հրապարակումից հետո օֆշորային սկանդալի կենտրոնում էին հայտնվել Թուրքիայի վարչապետ Բինալի Յըլդըրըմը և նրա որդիները: Փաստաթղթերից հայտնի էր դարձել որ վարչապետի որդիները՝ Էրքամ Յըլդըրըմը, Բյուլենթ Յըլդըրըմը Մալթայում ունեն 5 ընկերություններ (Hawke Bay Marine Co,  Black Eagle Marine, South Seas Shipping N.V., Dertel Shipping Limited, Nova Warrior Limited.): Պարզվել էր նաև, որ Յըլդըրըմի որդիներից բացի  նրա հորեղբայր Յըլմազ Յըլդըրըմը նույնպես օֆշորային գոտում իր անվամբ գրանցված 2 ընկերություն ունի: Կայացրած որոշումից հետո լրագրողներից հետ զրույցում Ունքերը ասել է, որ վճիռն անարդար է, ինքը կատարել է իր լրագրողական պարտականությունները և պահանջելու է, որ իրեն արդարացնեն: Թուրք թղթակիցը ազատազրկման է դատապարտվել «պետական ծառայողին վիրավորելու» հոդվածով: ...

    Կարդալ ավելին
  • Ինչպես հաղորդում է INTERFAX.RU-ն, այս մասին հայտարարել է երկրի ՆԳՆ-ը: «Օպերատիվ գործողությունների արդյունքում բացահայտվել է Բաքվի տներից մեկում Ռուսաստանի 9-ը քաղաքացու կողմից անօրինական կրոնական հավաքներ կազմակերպելու փաստը», - ասվում է գերատեսչության հաղորդագրության մեջ: Ինչպես հաղորդվում է, տանն իրականացված խուզարկության արդյունքում իրավապահները հայտնաբերել և առգրավել են քրիստոնեություն քարոզելու համար կրոնական ուղղվածության հինգ գիրք, 113 ձայնասկավառակ և 28 000 այցեքարտ: Ռուս քաղաքացիների նկատմամբ արձանագրություն է կազմվել վարչական իրավախախտումների օրենսգրքի համաձայն, և նրանց արտաքսել են երկրից: Այլ մանրամասներ չեն հաղորդվում: ...

    Կարդալ ավելին
  • Ադրբեջանի զինուժը կորուստ ունի. Ըստ տեղեկությունների՝ համածառայակիցների կողմից սպանվել է Ադրբեջանի զինված ուժերի ժամկետային զինծառայող, Բեյլողանի շրջանի Աշիղալի գյուղի բնակիչ՝ Ազար Ավթանդիլ օղլու Բաբաևը (Azər Aftandil oğlu Babayev)։ Ադրբեջանի պաշպանության նախարարությունը շարունակում է լռել։ Նյութի աղբյուր՝ https://www.facebook.com/archakh.armenia/posts/2009511042468499 ...

    Կարդալ ավելին
  • Այսօր Արցախի Հանրապետության առողջապահության նախարար Արայիկ Բաղրյանն այցելել է «Արևիկ» մանկական բուժմիավորում` տեսակցել վերակենդանացման բաժանմունքում բուժում ստացող երեխաներին և վերջերս Շուշիում շմոլ գազով թունավորված Նատալի Մուսայելյանին, հայտնում են ԱՀ ԱՆ լրատվական ծառայությունից: Մասնագետները նրա վիճակը գնահատում են միջին ծանրության, օրգան-համակարգերի հետ կապված խնդիրներ չկան: Երեխայի հետ աշխատում է նաև հոգեբանը: Այնուհետև նախարարը մանկական բուժմիավորումում հանդիպել է մանկապարտեզների ու դպրոցների բուժքույրերի հետ: Հանրապետությունում շարունակվում է սուր շնչառական վարակների նկատմամբ օրական մշտադիտարկումը: Համաճարակաբանական իրավիճակը հանգիստ է և վերահսկելի: Հաշվի առնելով, որ ձմեռային արձակուրդներից հետո դպրոցներում և մանկապարտեզներում վերսկսվել է ուսումնական գործընթացը, ինչպես նաև հիմք ընդունելով գրիպի և սուր շնչառական վարակների ներկայիս սեզոնային իրավիճակը, դպրոցներում և մանկապարտեզներում հիվանդության հետագա տարածումը կանխելու համար նախարար Արայիկ Բաղրյանը պատասխանատուներին հանձնարարել է իրականացնել «համաճարակային ֆիլտր»: ...

    Կարդալ ավելին
  • Հունվարի 6-ին փոխվարչապետի պաշտոնակատար Տիգրան Ավինյանը Գլխավոր շտաբի պետի տեղակալ Անդրանիկ Մակարյանի ուղեկցությամբ այցելել է Հայաստանի հյուսիս-արևելքում տեղակայված ՀՀ Զինված ուժերի N զորամաս և առաջնագիծ: Տիգրան Ավինյանը շնորհավորել է Հայոց բանակի սպաներին ու զինվորներին Ամանորի և Սուրբ ծննդյան տոների կապակացությամբ: Նա շնորհակալություն է հայտնել անձնվեր և պատասխանատու ծառայության համար՝ նշելով, որ հզոր և մարտունակ բանակն ապահովում է սահմանների անդորրը և անհրաժեշտ պայմաններ ստեղծում հայ ժողովրդի առաջըթնացի և զարգացման համար։ Տիգրան Ավինյանը զինծառայողներին մաղթել է անվտանգ ծառայություն և տոկունություն։ Փոխվարչապետի պաշտոնակատարը շրջայց է կատարել զորամասում և ճաշել զինծառայողների հետ։ Նա այնուհետև այցելել է մարտական հենակետեր, շփվել դիրքապահ անձնակազմի հետ և ծանոթացել մարտական հերթապահության անցկացման պայմաններին։ Փոխվարչապետ Տիգրան Ավինյանի գրասենյակ ...

    Կարդալ ավելին
  • Ամանորյա հանգստյան այս օրերին լրատվական կայքերում ու սոցիալական ցանցերում 2 սկանդալային թեմաներ են շրջանառվում, որոնք, իմ կարծիքով, պետք է արժանանան պետական մարմինների ուշադրությանը և նրանց կողմից այդ ուղղությամբ քայլեր պետք է ձեռնարկվեն: Նախ, մի քանի օր առաջ տխրահռչակ Ասյա Խաչատրյանը իր հերթական սկանդալային լուսանկարը հրապարակեց՝ այս անգամ լուսանկարված ադրբեջանական դրոշի ֆոնին: Նրա կողմից ազերի ընկերների հետ տարբեր շփումները, ադրբեջանական դրոշի հետ լուսանկարվելը, նույնիսկ ադրբեջանցի բառը մեծատառով գրելու, հայ-ադրբեջանական սիրո, բարեկամության ու ընկերության մասին խոսելու փաստերը անկասկած պետք է որ արժանացած լինեն ուժային կառույցների ուշադրությանը. նա այդքան էլ 18 տարեկան երեխա չէ շատ ուրիշների նման: Հետաքրքրական է, որ այս թեմային զուգահեռ սոցցանցերում կայծակնային արագությամբ տարածվեց ֆեյսբուքյան մի կեղծ լուր՝ «Արցախում դաժան ծեծի են ենթարկել ՝ ֆրանսիահայ , ամանորը Արցախում անցկացնելու նպատակով Հայաստան ժամանած՝ համասեռամոլ Ջեյմ Մարկոսյանին» վերնագրով: Պարզ է, որ միտումնավոր կեղծված այդ լուրը շրջանառության մեջ է դրվել՝ նպատակ ունենալով սլաքները կրկին ուղղել դեպի Արցախ: Այն ավելի շատ ինֆորմացիոն դիվերսիա էր՝ ուղղված արցախահայության դեմ սադրանքներ հրահրելուն:  Հիմնականում օտար ֆինանսավորմամբ սնվող մի շարք կայքեր և սոցցանցերի օգտատերեր միտումնավոր մոլորության մեջ են գցում հասարակության որոշ մասին, արհեստական տարբերակում են մտցնում ՀՀ և Արցախի հայության միջև, փորձում «հայաստանցի-ղարաբաղցի» տերմինը կրկին շահարկել: Կարծում եմ՝ լուրջ ահազանգ է, որ Կապույտ մազերով աղջիկ «օպերացիայի ռեստարտի», ադրբեջանական դրոշի ֆոնին արված «հայ իրավապաշտպանի» լուսանկարով ենք սկսում 2019 թվականը…. Նյութի աղբյուր՝ https://web.facebook.com/hunan.hakobyan.921/posts/591541627951895 ...

    Կարդալ ավելին
  • Ս.թ.հունվարի 6-ին ՀՀ որոշ էլեկտրոնային լրատվամիջոցներ հաղորդագրություն էին տարածել՝ ֆրանսիահայ Ջեյմ Մարկոսյանին Արցախում ծեծի ենթարկելու վերաբերյալ։ ԱՀ ոստիկանությունից հաղորդում են, որ նման տվյալներով անձնավորություն իր իսկ ծեծի ենթարկելու մասին ԱՀ ոստիկանություն հայտարարություն չի ներկայացրել։ Նշենք նաև, որ բուժհաստատություններից նման ահազանգ չի ստացվել։ Հիշեցնենք, որ ավելի վաղ լուրը հերքել էր Արցախի մարդու իրավունքների պաշտպան Արտակ Բեգլարյանը: ...

    Կարդալ ավելին
  • Արցախա-ադրբեջանական հակամարտ զորքերի շփման գծում այս տարվա առաջին օրերին իրավիճակն ընդհանուր առմամբ կայուն է, կան թեթև խախտումներ։Panorama.am-ին ասաց Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանը՝ պատասխանելով հարցին, թե ինչպե՞ս կգնահատեք իրավիճակը շփման գծում։ «Այդ խախտումները, իհարկե, երբևէ իսպառ չեն վերացվել, բայց համեմատական առումով ցածր են։ Ընդհանուր առմամբ կայուն է իրավիճակը»,-ասաց նա։ Դ. Բաբայանի խոսքով, կարելի է ասել, որ նախորդ տարվա նույն ժամանակաշրջանի համեմատ իրավիճակն ավելի հանգիստ է։ Հարցին, թե այս օրերին զինվորների տրամադրությո՞ւնն էլ է տոնական, Դ. Բաբայանն ասաց. «Երկակի տրամադրություն։ Իհարկե, տոնական, զուգահեռաբար կրկնակի զգոնության իրավիճակ է։ Իհարկե, զգոնությունն ամեն օր, ամեն ժամ, ամեն րոպե պետք է բարձր լինի, բայց տոնական օրերին կրկնապատկվում, եռապատկվում է  այդ զգոնությունը։ Հակառակորդը սովորություն ունի՝ միշտ տոնական, ազգային, կրոնական տոներին, նույնիսկ միջազգային տոների օրերին խախտումներ է իրականացնում, ահաբեկչական իր քաղաքականությունն ավելի թեժացնում է։ Այդ պատճառով զինվորների տրամադրությունը երկակի է՝ տոնական գումարած կրկնակի, եռակի զգոնության  մթնոլորտ»։ ...

    Կարդալ ավելին
  • Մեխակավանում մեծ շուքով մեկնարկել են ամանորյա միջոցառումները։ ...

    Կարդալ ավելին

ՖԲՀ

Քաղաքականություն