• Նախագահ Սարգսյանը այսօր ելույթ ունեցավ Մոսկվայում կայացած ՀԱՊԿ Հավաքական անվտանգության խորհրդի նստաշրջանում: Արվեցին մի շարք կարևոր շեշտադրումներ, սակայն ամենևին նպատակ չունենալով խորանալ դրանց մեջ, կառանձնացնեմ մի շատ առանձնահատուկ, մի շատ ուշագրավ և հպարտության զգացում առաջացնող միտք, որն արվեց հանդիպման ընթացքում ՀԱՊԿ մնացյալ անդամ երկրների նախագահների ներկայությամբ: Նախագահը բերեց ռուսական Սու 24-ի խոցման օրինակը և ՆԱՏՕ-ի անդամ երկրների ու հատկապես Հունաստանի արձագանքը դրան: Մասնավորապես նշվեց, որ ինչքան էլ Թուրքիայի արարքը հարված էր ահաբեկչության դեմ պայքարող միջազգային հանրության ջանքերին, մեկ է ՆԱՏՕ-ի նրա բոլոր դաշնակիցները, այդ թվում Հունաստանը կասկածի տակ չդրեցին թուրքական կողմի գործողությունը: Նախագահը նշեց, որ դրանից պետք է դասեր քաղի նաև ՀԱՊԿ-ն: Այնուհետև, նախագահը իր խոսքում հարձակման թիրախ դարձրեց ՀԱՊԿ անդամ երկրներին և քննադատեց նրանց կրավորական պահվածքը Ղարաբաղյան հարցում Ադրբեջանի սանձարձակ գործողությունների նկատմամբ: «Ամեն անգամ, երբ Ադրբեջանի Զինված ուժերը Հայաստանի Հանրապետության դեմ կիրառում են ավտոմատներ, ականանետեր և հրետանային սարքավորումներ, նրանք կրակում են Աստանայի, Դուշանբեի և Բիշքեկի, Մոսկվայի և Մինսկի ուղղությամբ»-ավելացրեց նախագահը, նաև նշելով, որ ՀԱՊԿ անդամները (և հատկապես Ղազախստանը, Ղրղզստանը, Բելառուսը), նույնիսկ լսափողը չեն վերցնում և հետաքրքրվում, թե ինչ է կատարվում իրենց ՀԱՊԿ դաշնակից Հայաստանի սահմաններին: Այնինչ այդ երկրներից ոմանք կողմ են քվեարկում զանազան կազմակերպություններում ադրբեջանամետ հայտարարություններին: Մի բան հստակ կարելի է արձանագրել, այս կարգի հարված ՀՀ կողմից ՀԱՊԿ-ում չէր եղել: Պետք էր սա, ի վերջո սա ռազմաքաղաքական խմբավորում է, այլ ոչ թե ՆԱՏՕ-ի «չինական» ու անորակ տարբերակը: Նյութի աղբյուր՝ https://www.facebook.com/photo.php?fbid=191133017900711&set=a.146967822317231.1073741828.100010120427882&type=3&theater ...

    Կարդալ ավելին
  • Եղբայրնե՛ր, դուք ձեզ շատ երջանիկ համարեցեք, երբ զանազան փորձությունների մեջ ընկնեք: Իմացե՛ք, որ փորձությունը համբերություն է ծնում, երբ ձեր հավատը փորձությանը դիմանա: Իսկ համբերություն պետք է ունենալ մինչև վերջ, որպեսզի ամբողջական ու կատարյալ լինեք, և ձեզ ոչ մի բան չպակասի: Եթե ձեզնից մեկն զգում է, թե անհրաժեշտ իմաստությունը չունի, թող խնդրի Աստծուց, որ բոլորին տալիս է առատորեն և սիրահոժար կերպով, և Աստված կտա նրան: Բայց թող խնդրի հավատո՛վ, առանց երկմտելու, որովհետև երկմիտ մարդը նման է ծովի ալիքներին, որոնք շարժվում ու տարուբերվում են հողմերից: Այդպիսի մարդը թող չակնկալի, որ Տերը կտա իր խնդրածը, որովհետև երկմիտ մարդն անհաստատ է իր արած բոլոր քայլերում: (Հակոբոս առաքյալի նամակը 1:2-8) Նյութի աղբյուր՝ https://www.facebook.com/ruben.zargaryan/posts/1217127688314341 ...

    Կարդալ ավելին
  • Այսօր որդիներիս հետ մասնակցեցի հանրապետության գլխավոր տոնածառի լույսերի միացման արարողությանը: Հպարտ եմ, որ Երևանն Ամանորի տոներին ընդառաջ տարեցտարի ավելի գեղեցիկ ու լուսառատ է դառնում և մեծ հաճույք է պատճառում հատկապես փոքրիկներին:  Համոզված եմ, որ Երևանի ամանորյա այս մեկնարկով մեր համաքաղաքացիներին ու մայրաքաղաքի հյուրերին փոխանցեցինք մեր հոգու ողջ ջերմությունն ու տոնական տրամադրությունը: Նյութի աղբյուր՝https://www.facebook.com/photo.php?fbid=991320534247059&set=a.108502979195490.4452.100001073663265&type=3&theater ...

    Կարդալ ավելին
  • Ֆուտբոլի Արևմտյան Հայաստանի նորաստեղծ հավաքականն,որի կազմում արդեն 17 խաղացող է հավաքագրվել շատ շուտով իր առաջին պաշտոնական հանդիպումը կանցկացնի: Ինչպես տեղեկանում ենք Արևմտյան Հայաստանի ֆուտբոլի ֆեդերացիայի՝ ԱՀՖՖ –ի(FFWA-ի) ֆեյսբուքյան էջում՝ www.facebook.com/FFOWA/?fref=ts զետեղված տեղեկատվությունից, 2016 թվականի հունվարի 6-ին Ֆրանսիայի ժամանակով ժամը 16-ին Մարսելի FC Côte Bleue Stadium- մարզադաշտում ընկերական խաղում ուժերը չափելու է Մարսելի «Օլիմպիկի» հետ: Արևմտյան Հայաստանի հավաքականի կազմը համալրած հերթական ՝ 17-րդ ֆուտբոլիստը ֆրանսիական <Իսսի Արարատ> ակումբի կիսապաշտպան Տիգրան Օզկուլ Կապիկյանն է: Արևմտյան Հայաստանի ֆուտբոլի ֆեդերացիան՝ ԱՀՖՖ-ն, որն այս տարվա հունիսի 1-ից գրանցվել է չճանաչված երկրների ֆուտբոլի ընկերացությունում՝ ConIFA-ում , ֆեյսբուքյան իր էջի միջոցով հոկտեմբերի 15-ից պարբերաբար ներկայացնում է Արևմտյան Հայաստանի հավաքականի կազմը համալրած ֆուտբոլիստներին: Հիշեցնենք, որ ԱՀՖՖ-ն հայտարարել է , որ Արևմտյան Հայաստանի հավաքականը պատրաստականություն է հայտնել մասնակցելու ConIFA-ի կազմակերպած թե՛ աշխարհի, և թե՛ Եվրոպայի առաջնություններին, ինչպես նաև ընկերական հանդիպում ունենալ ՀՀ ազգային հավաքականի հետ: Պատրաստեց ՝ Արամ Ուգուջյանը: ...

    Կարդալ ավելին
  • Իսլամական Պետության ֆենոմենն իսկապես աննախադեպ մի իրավիճակ է ստեղծել աշխարհաքաղաքական գործընթացներն առանց կոնվենցիոնալ պատերազմների ուղղորդելու համար անհրաժեշտ պայմանները ստեղծելու տեսանկյունից: Կարելի է ասել, որ այդ անհասկանալի կրոնապետական կազմավորման առկայությունը պատճառ դարձավ դրա դեմ պայքարող երեք միջազգային կոալիցիաների ստեղծման համար, որոնցից երկուսը՝ ԱՄՆ-ի և Սաուդյան Արաբիայի գլխավորությամբ գործող համապատասխանաբար՝ Արևմտյան և իսլամական պետությունների հակաԻԼԻՊական դաշինքներն իրենց կազմում ներառում են ՄԱԿ-ի անդամների ցանկում ներառված պետությունների գրեթե կեսը: Երրորդ կոալիցիան բաղկացած է երեք գործուն անդամներից՝ դրանք են Ռուսաստանը, Իրանը և սիրիական գործող պաշտոնական իշխանությունը: Մեծ հաշվով, եթե Արևմտյան կոալիցիայի մեջ Ռուսաստանի բացակայությունն ընդգծում է սիրիական հարցում ռուսական և արևմտյան մոտեցումների միջև հակասությունների առկայությունը, ապա Սաուդյան Արաբիայի նախաձեռնությամբ և Թուրքիայի ակտիվ մասնակցությամբ ձևավորված իսլամական պետությունների հակաԻԼԻՊական դաշինքը կոչված է ընդգծել, որ իսլամական աշխարհի երկրների մի ստվար մասի համար անընդունելի է Իրանի ակտիվ մասնակցությունը սիրիական քաղաքացիական պատերազմին հօգուտ նախագահ Ասադի: Բազմանդամ հակաԻԼԻՊական դաշինքների ստեղծումն, անշուշտ, առավելապես քաղաքական-քարոզչական նպատակներ հետապնդող նախաձեռնություններ են, քանի որ տարածաշրջանային զարգացումների հետ կապված արմատական շահեր ունեցող դերակատարներն առանց այդ էլ ակտիվորեն ներքաշված են տարաբնույթ ռազմական, քաղաքական ու լրտեսա-դիվերսիոն գործողությունների մեջ, ընդ որում՝ Ռուսաստանը և Իրանն, ըստ էության, պայքարում են հին Սիրիայի պահպանման համար, իսկ մնացյալների քայլերն ուղղված են Ասադի վարչակազմի վերացմանն ու ողջ տարածաշրջանում ուժերի նոր հարաբերակցության ստեղծմանը: Այս համատեքստում շատ ուշագրավ է այն, որ, ըստ տարածվող լուրերի, օրերս տեղի է ունեցել թուրք-իսրայելական սկզբունքային հաշտեցումը և, համարյա միաժամանակ, հայտարարվել է այն մասին, որ Իրաքյան Քրդստանի առաջնորդ Մասուդ Բարզանին հրահանգել է սկսել այդ իրաքան ինքնավար շրջանի անկախության հանրաքվեի նախապատրաստման աշխատանքները: Իրաքի տարածքային ամբողջականության հաշվին քրդական անկախ պետության ստեղծումը, հավանաբար, կքաջալերվի նաև Թուրքիայի ու Սաուդյան Արաբիայի կողմից և կարող է իրականություն դառնալ այն պայմանով, որ իրաքյան քրդերի առաջնորդները կդաշնակցեն պաշտոնական Անկարայի հետ ընդդեմ Թուրքիայի քրդերի անկախական նկրտումների իրականացման: Բայց դա կլինի սկսվող նոր մեծ խաղի ընդամենը դրվագներից մեկը: Նյութի աղբյուր՝ https://www.facebook.com/arman.melikyan.33/posts/697090853759942 ...

    Կարդալ ավելին
  • Լավ ավտոների թանգնոց համարների վարորդներ, բադ ըլնեմ ձեր թանգնոց համարները չեն արգելում, որ ձեր անասուն ու անշնորհք վարելու պատճառով, մենք՝ համեստ վարորդներս, ձեզ քրֆենք։ Արա կսատկեք, որ շարքի մեջ համբերատար սպասեք՞ թե պալոժ չի, թե ձեր՝ ախպերները կասեն. «Արա դու էտ տղեն էիր պռոպկի մեջ կանգնում ես»։ Արա կսատկեք, որ ճանապարհ տալուց հետո մերսի ասեք, թե մենք պարտավոր ենք արա։ Արա կսատկեք, որ ճանապարհ ուզելուց պատուհանը իջացնեք նոր ուզեք, ոչ թե քիթներդ առաջ տաք։ Ես մի օր հաստատ բուլդուզեր եմ առնելու ու Երևանով մեկ ձեր սաղիդ ավիրելու եմ։ Արա, երբ կլինի ձեր տեսակը վերանա, մենք էլ հանգիստ ապրենք։ Հ.Գ.սա վերաբերվում է միայն էտ վարոչդներին, թե չէ թանկնոց համարներով լվ ավտո քշող համեստ լիքը մարդ կա։ Նյութի աղբյուր՝ https://www.facebook.com/vagrblogger/posts/776122765849011 ...

    Կարդալ ավելին
  • Չէ՛, ինչ որ բան այն չէ: Կամա թե ակամա Հայոց բանակի դեմ հակաքարոզչություն է գնում համացանցում: Գիտե՞ք ինչ կա, եթե բանակին օգնում եք ինչ որ կերպով լավ եք անում, շատ լավ եք անում, բայց դա արեք սուս ու փուս, կամ առնվազն ձեր շրջապատում բարձրաձայնելով, ոչ թե համացանցով , ի լուր աշխարհի հայտարարել, թե բանակի համար մի հատ էս առա , մի հատ էն առա: Սխալ ա, շատ սխալ նման մոտեցումը: Դրանով նախ դուք անվստահություն եք ներշնչում բանակի նկատմամբ, քաղաքացիները կսկսեն կարծել թե մեր բանակը կարիք ունի պրիմիտիվ բաների՝ հեռադիտակ ու նմանատիպ բաներ, բայց խոսում է միլիոնավոր դոլարների հասնող զենքերի առկայությունից իր զինանոցում...Զգում եք չէ՞ ինչ տիպի հակաքարոզչություն է այդ հրապարակավ օգնությունները... Զարմանում եմ մեր ՊՆ-ի վրա, եթե իրականում ունի հեռադիտակների խնդիր, թող սուս ու փուս դիմի մի մեծահարուստի հենց Հայաստանից...Մի արեք նման բան, հետո կասեք մի կասկածեք մեր բանակի հզորության վրա, երբ ինքներդ եք տալիս կասկածի տեղիք ձեր գործողություններով, չի կարելի տղե՛րք... Նյութի աղբյուր՝https://www.facebook.com/karen.hovhannisyan4/posts/1072910926092577 ...

    Կարդալ ավելին
  • Բայց էս տեսախցիկների ու արագաչափերի դեմ պայքարի համազգային ոգեւորությունը մի քիչ անհասկանալի է: Էլ օրենք են ընդունում, էլ քննարկում են, էլ պայքարում են: Տեսախցիկների դեմ պայքարը դարձրել են նոր Ավարայր: Մինչդեռ իմ մարծիքով տեսախցիկների եւ արագաչափերի դեմ պայքարի շատ պարզ եւ արդյունավետ լուծում կա՝ պետք է ընդամենը մեքենան վարել առանց երթեւեկության կանոնները խախտելու: Մի խախտեք էդ կանոնները ու հաստատ ոչ ոք Ձեր գրպանը չի դատարկի: Խախտումներ մի արեք ու կտեսնեք, թե էդ տեսախցիկների բիզնեսը ոնց է կարճ ժամանակում ոչ եկամտաբեր դառնում սեփականատերերի համար: Ու պետք չի ասել, թե հնարավոր չէ առանց խախտումների մեքենա վարել, համոզված եմ ցանկացած մարդ իր շրջապատում կգտնի վարորդների որոնք գրեթե չեն խախտում երթեւեկության կանոնները: Նյութի աղբյուր՝ https://www.facebook.com/mkrtich.israyelyan/posts/1036101346454712 ...

    Կարդալ ավելին
  • Ամեն ինչ, կամ ոչինչ: Կարծես վերջերս Ռուսաստանի Դաշնության պաշտոնական շրջանակներում թուրքիայի հետ կապված շեշտադրումները աննկատ փոխվել են : Կարծես ռուսական քարոզչամեքենան իր լսարանին սկսել է տրամադրել, որ իրենց թշնամին և չարակամը, ոչ թե թուրքն ու թուրքիան են, այլ`ոչ ադեկվատ Էրդողանը և իր ռեժիմը: Նախ հետաքրքիր է հիշել, թե ինչպես էր կիսելյովը մեկ ամիս առաջ փրփուրը բերանին պաշտպանում բարի քեռի էրդողանին և համարում նրան ամերիկյան մայդանագործների թիրախ, իսկ խեղճ ու կրակ թուրքիան`զոհ երկիր: Ինչևէ:Հասկանալի է, ոտքը տրորեցին, իսկ որպես հետևանք շահերը հակասեցին:Այժմ վատը հենց այն է, որ մեր դաշնակցին պետք է գործընկեր թուրքիա, առանց էրդողանի, իսկ սա իր մեջ մեզ համար վտանգ է պարունակում. պատմական հիշողության մեջ կա քեմալը, իսկ հիմա չլինի այնպես, որ էրդողանին մի նոր ազգայնական, աշխարհիկ գեներալ տապալի, իսկ Ռուսաստանի զիջումը լինենք մենք: Մի խոսքով, ըստ իս մեզ ձեռնտու է կամ թուրքական պետական կազմավորման մասնատում, կործանում, կամ էրդողանի իշխանության պահպանում: Հ. Գ. Պետք է խոստովանել, որ Էրդողանը այն նախագահն է, ում օրոք թուրքիայում հայերը դատեր են շահել, շատ ծպտված հայեր ինքնացահայտվել են, հայեր ստացել են պետական պաշտոններ, քրդաբնակ որոշ բնակավայրերում հայերեն ցուցանակներ կան և այլն : Չարյաց փոքրագույն, իսկ Քեմալ իստիստների օրոք դա նման էր Իսրայելի խորհրդարանում Հիտլերի նկարը կախելուն: Նյութի աղբյուր՝ https://www.facebook.com/tigran.mkrtchyan.378/posts/530429477138682 ...

    Կարդալ ավելին
  • Կարծում եմ, որ ՀՀ Ազգային ժողովը պետք է հայտարարություն ընդունի՝ դատապարտելով սահմանում ադրբեջանական զինուժի կողմից ծանր սպառազինության օգտագործումը և միջազգային հանրության ուշադրությունը հրավիրի այդ փաստի վրա: Հայտարարության մեջ պետք է արձանագրվի Եվրախորհրդարանի կողմից հակահայկական երկու զեկույցների պատրաստման և ադրբեջանական սահմանային ագրեսիաների միջև անմիջական կապի առկայությունը: Նյութի աղբյուր՝ https://www.facebook.com/vakhtang.siradeghyan/posts/10204977060057151 ...

    Կարդալ ավելին

ՖԲՀ

Քաղաքականություն

  • /uploads/photos/DgVDL2KCp45t6uG4Anem.jpg

    Նիկոլ Փաշինյանի վարչապետության 100 օրն ավարտվում է հայ-ռուսական հարաբերություններում լարվածությամբ: Թեև այդ լարվածությունն առավել ակնառու դարձավ վերջին մի քանի շաբաթների ընթացքում` ՌԴ ԱԳ նախարար Սերգեյ Լավրովի` ներհայաստանյան զարգացումների մասին բավականին կոշտ հայտարարությունից հետո, սակայն ոչ պաշտոնական մակարդակում այն զգացվում էր Փաշինյանի վարչապետության առաջին օրերից`չնայած սկզբնական շրջանում հնչող պաշտոնական հայտարարությունների դրական բնույթին:  Ռուսական կողմի գործողությունները Փաշինյանի՝ Մոսկվա այցի ժամանակ և դրանից հետո վկայում են, որ Սոչիում վարչապետին, ով խորհրդարանում ղեկավարում էր ԵԱՏՄ-ից Հայաստանի դուրս գալու գործընթաց նախաձեռնած «Ելք» դաշինքը, չի հաջողվել Մոսկվային համոզել, որ իր այդ դիրքորոշումները վերանայված են, որ հայ-ռուսական ռազմավարական գործընկերությունում հետքայլ չի լինելու: Ռուսական կողմի ընկալումներով՝ իրենք մտահոգությունների համար լուրջ հիմքեր ունի: Դրանցից է, օրինակ, կարևորագույն պաշտոններում Փաշինյանի կողմից հակառուսական հայացքներով աչքի ընկած ակտիվիստներին նշանակելը, որոնցից «ամենատպավորիչներից» էր Ազգային անվտանգության խորհրդի քարտուղարի պաշտոնում Արմեն Գրիգորյանի նշանակումը: Ըստ մամուլում հայտնված չճշտված տեղեկությունների` Մոսկվայի մոտ այնքան մեծ է անվստահությունը վերջինիս անձի նկատմամբ, որ արգելել է ՀԱՊԿ և ԱՊՀ երկրների միջև փոխանակվող գաղտնի տեղեկատվությունը տրամադրել ՀՀ ԱԱԽ քարտուղարին:  Բավականին հետաքրքիր է ՀՀ առաջին փոխվարչապետ Արարատ Միրզոյանի շուրջ ստեղծված իրավիճակը: ԱՊՀ միջկառավարական խորհրդի նիստին վերջինիս մասնակցությունից հետո ԵԱՏՄ միջկառավարական խորհրդի նիստին գործընկերների պահանջով ստիպված եղավ մասնակցել վարչապետը, չնայած որ դա իր պաշտոնի համար ցածր ձևաչափ էր: Արարատ Միրզոյանը նույնիսկ չկար Փաշինյանի գլխավորած պատվիրակությունում, ինչը լուրջ հարցեր է առաջացնում:  ՀՀ նոր իշխանությունների մյուս գործողությունը, որը Մոսկվայի մոտ մեծացրել է անվստահությունը, առանց նախնական քննարկումների համանախագահ երկրների կամ համանախագահ երկրներից ոչ բոլորի հետ Ղարաբաղյան հակամարտության կարգավորման բանակցային գործընթացում նոր տարրեր մտցնելու ՀՀ իշխանությունների փորձն է, ինչին ականատես եղանք մայիսի 9-ին Ստեփանակերտում և հունիսի 1-ին Ազգային ժողովում կառավարության ծրագիրը ներկայացնելու ժամանակ վարչապետ Փաշինյանի ելույթներում: Ռուսական կողմը հայաստանյան իշխանությունների այս «բացթողմանը» շտապեց ոչ պաշտոնական արձագանք տալ: Ռուս հանրային, քաղաքական գործիչների, փորձագետների այցը 2016 թվականի ապրիլին Ադրբեջանի վերահսկողության տակ անցած Լելե Թեփե նաև ազդանշան էր, որ Ղարաբաղյան հակամարտության համատեքստում չհամաձայնեցված, անկախ գործողություններ, որոնք կարող են վնասել գործընթացին կամ ունենալ բացասական ֆոնային ազդեցություն վերջինիս վրա, կարող են անել նաև ռուսները: Ռուսական կողմի անվստահության մյուս պատճառը ՆԱՏՕ գագաթնաժողովին, այնուհետև զորավարժություններին Հայաստանի մասնակցությունն է: Իհարկե, սա առաջին անգամը չէր, երբ Հայաստանը մասնակցություն էր ունենում ՆԱՏՕ միջոցառումներին, սակայն հայ-ռուսական հարաբերություններում անվստահության առկայության պայմաններում այս գագաթնաժողովին մասնակցությունն առանց ռուսական կողմի հետ սլաքները ճշտելու Մոսկվայում դրական չընկալվեց: Հետաքրքիր է, որ ինչ-որ «զուգադիպությամբ» դրան հետևեցին Փանիկի դեպքերը, երբ ռուսական ռազմաբազան «առանց նախազգուշացման» զորավարժություններ սկսեց` վախեցնելով գյուղի բնակիչներին: Սա, ակնհայտորեն, որոշակի մեսիջներ էր պարունակում` ուղղված ՀՀ իշխանություններին: Ինչ վերաբերում է Հայաստանի ներքաղաքական զարգացումների, մասնավորապես նախկին իշխանության ներկայացուցիչների նկատմամբ աղմկահարույց դատական գործերին ռուսական կողմի կոշտ արձագանքին, ապա նշենք, որ Մոսկվայում դրանք ինչ-որ տեղ դիտվում են նաև որպես ՌԴ դեմ ուղղված քայլեր: Ընդ որում, Խաչատուրովի դեպքում ոչ թե վերջինիս անձն է պայմանավորում ռեակցիան, այլ զբաղեցրած պաշտոնը. Խաչատուրովն, այսպես կոչված, «Պուտինի ՆԱՏՕ»-ի գլխավոր քարտուղարն է, և առանց ռուսական կողմին տեղեկացնելու, այդ պաշտոնից նրա հեռացման հարցը նախապես կարգավորելու Խաչատուրովի նկատմամբ դատական գործընթաց սկսելը Ռուսաստանում դիտում են որպես «ՆԱՏՕ-ի հետ հարաբերություններ զարգացնող Հայաստանի» կողմից թիրախավորված հարված ՀԱՊԿ հեղինակությանը: Պատահական չէ, որ այս դեպքերից հետո ռուսական լրատվամիջոցները սկսեցին գրել` Ռուսաստանի կողմից Հայաստանին զենքի մատակարարումների դադարեցման մասին, որն, իհարկե, պաշտոնապես հերքվեց, սակայն պարզ է, որ Ռուսաստանն այլևս չի բացառում Հայաստանի հետ հարաբերություններում նման գործիքակազմի կիրառման հնարավորությունը: Իսկ ռուսական կողմի ավելի «շոշափելի նախազգուշացումն» այս օրերին տեսնում ենք Լարսում, երբ արագ փչացող սննդամթերքով բեռնված հայկական բեռնատարները ստիպված են լինում օրերով հերթ կանգնել ռուսական անցակետն անցնելու համար: Խնդիրը կարելի կլիներ մեծ հոսքերով բացատրել, միայն թե հայ վարորդները միանգամայն այլ տպավորություն ունեն, բացի այդ՝ ՌԴ-ում ՀՀ հյուպատոսի միջամտությունը խնդրին ևս խոսում է, որ Լարսի մի քանի կիլոմետրանոց հերթերը բնավ տեխնիկական խնդիրներով չեն պայմանավորված:  Նշենք, որ Ռուսաստանից ոչ պաշտոնական աղբյուրներով զգուշացնում են նաև գազի գների բարձացման մասին, քննարկվում է աշխատանքային օրենսգրքում համախատասխան փոփոխությունների նախագիծը, որը կարող է ազդել այդ թվում նաև Ռուսաստանում աշխատող տասնյակ հազարավոր հայերի վրա, և սրանք ռուսական կողմի տնտեսական ազդեցության միակ լծակները չեն:  Այս համատեքստում բավականին հետաքրքիր է Հարավկովկասյան երկաթուղու շուրջ ստեղծված իրավիճակը. օգոստոսի 14-ի լույս 15-ի գիշերը ՊԵԿ-ը դիմակավորված անձանց ուղեկցությամբ մտել է Հարավկովկասյան երկաթուղի և, ինչպես նշում է երկաթուղու ղեկավարությունը, Հայաստանի օրենսդրության խախտումներով խուզարկություն է իրականացրել, առգրավել է փաստաթղթեր, ինչը չէր կարող չվրդովեցնել ռուսական իշխանություններին, քանի որ երկաթուղու կառավարումը հանձնված է Ռուսաստանին։ Հուսանք՝ խնդիրը հարթվել է օգոստոսի 15-ին Հարավկովկասյան երկաթուղու տնօրեն Սերգեյ Վալկոյի և վարչապետ Նիկոլ Փաշինյանի հանդիպման ժամանակ. բոլորս հասկանում ենք, թե ինչ նշանակություն ունի երկաթուղին Հայաստանի համար: Նման պայմաններում մենք խնդիր ունենք Վրաստանի կամ Ուկրաինայի սցենարը չկրկնելու համար ձեռնարկել գործողություններ, որոնց ռիսկերը նախապես լավ հաշվարկված և չեզոքացված կլինեն: Կարիք ունենք արտաքին քաղաքական հարցերում լինելու ավելի ընկալելի, ընդ որում՝ ոչ միայն Ռուսաստանի, այլ նաև մյուս երկրների հետ հարաբերություններում: Կարծես թե այս հարյուր օրվա ընթացքում որևէ գիծ դեռևս անդառնալիորեն անցած չէ: Այս մասին է խոսում, օրինակ, առաջին հայացքից ոչ էական թվացող վերաբերմունքը, որը ռուսական կողմը ցուցաբերեց Հայաստանի Հանրապետության նախագահ Արմեն Սարգսյանին Ֆուտբոլի աշխարհի առաջնության փակման արարողության և դրան նախորդած համերգի ժամանակ. եթե վարչապետ Փաշինյանը Ֆուտբոլի աշխարհի առաջնության ժամանակ նստած էր երրորդ շարքում՝ Հյուսիսային Կորեայի ԱԺ նախագահի կողքին, ապա Արմեն Սարգսյանը` առաջին շարքում՝ ՌԴ վարչապետ Դմիտրի Մեդվեդևի կողքին, ինչպես ենթադրում է դիվանագիտական արարողակարգը ռազմավարական գործընկերների պարագայում: Նյութի աղբյուր՝ https://www.facebook.com/klara.abgarian.9/posts/148642326039090

    Կարդալ ավելին