Գովազդի համար զանգահարել 099 999 409
  • Այսօր՝ դեկտեմբերի 11-ին, ավտովթար է տեղի ունեցել Երևանում: Ժամը 08:30-ի սահմաններում Գեներալ Գասպարյան փողոցում՝ Զվարթնոց օդանավակայանի մոտ, բախվել են BMW մակնիշի 13 ԼՏ 408 համարանիշի և Opel Astra մակնիշի 35 ՕD 195 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են հիվանդանոցներ: Վիրավորներին ավտոմեքենաներից դուրս են բերել ոստիկանության Զվարթնոցի բաժնի աշխատակիցները՝ բաժնի պետ Անդրանիկ Ազարյանի և քրեական հետախուզության բաժանմունքի պետ Լայերտ Խաչատրյանի գլխավորությամբ: Մինչ շտապ օգնության ժամանումը վիրավորներին Զվարթնոցի ոստիկանները տեղափոխել էին օդանավակայանի հիվանդանոց, որից հետո ժամանած շտապ օգնությունը տեղափոխեց նրանց հիվանդանոցներ: Դեպքի վայր է ժամանել նաև ՀՀ Տարածքային կառավարման և արտակարգ իրավիճակների նախարարության փրկարար ծառայության թիվ 1 հրշեջ-փրկարարական ջոկատի 2-րդ խումբը՝ խմբի պետ Հովիկ Խաչատրյանի գլխավորությամբ: Օպերատիվ են գործել նաև շտապ օգնության գրիգադները: Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Երևանի քննչական վարչություն, որտեղից ժամանել է հատկապես կարևոր գործերով քննիչ Արթուր Գասոյանը, ում կողմից փաստի առթիվ նյութեր են նախապատրաստվում: Ոստիկանությունն ու քննչական բաժինը պարզում են վիրավորների ու վարորդների ինքնությունը: Ըստ նախնական տեղեկությունների՝ վթարի մեղավորը եղել է Opel-ի վարորդը, ով չթույլատրելի հատվածում փորձել է շրջադարձ կատարել՝ ստեղծելով վթարային իրավիճակ, ինչի հետևանքով էլ BMW-ն բախվել է Opel-ին:  Նյութի աղբյուր՝ http://shamshyan.com/hy/article/2015/12/11/72610/ ...

    Կարդալ ավելին
  • Հակառակորդը շարունակում է խախտել հրադադարի պահպանման ռեժիմը՝ օգտագործելով զենիթային կայանքներ և տարբեր տրամաչափի ականանետեր: Դեկտեմբերի 10-ին և լույս 11-ի գիշերը ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 130 անգամ, որի ընթացքում, տարբեր տրամաչափի հրաձգային զինատեսակներից, ինչպես նաև 60 /55 արկ/, 82 /36 արկ/ միլիմետրանոց ականանետերից և ՀԱՆ-17 /84 արկ/ տիպի նռնականետից, հայ դիրքապահների ուղղությամբ արձակվել է ավելի քան 1100 կրակոց: Հակառակորդը կիրառել է նաև ԶՈւ-23-2 տիպի զենիթային կայանք /1 արկ/: ՊԲ առաջապահ զորամասերը համարժեք պատասխան են տվել հակառակորդի նախահարձակ գործողություններին և անհրաժեշտ քայլեր ձեռնարկել մարտական դիրքերի պահպանությունը հուսալիորեն կազմակերպելու համար: ԼՂՀ ՊՆ մամուլի ծառայություն Նյութի աղբյուր՝ https://www.facebook.com/m.yalanuzyan/posts/627518737351047 ...

    Կարդալ ավելին
  • Բնության մեջ յուրաքանչյուր մարդ արարած իր ինքնզինքը պաշտպանում է որևէ հագուստով, այդ թվում կրում է ներքնաշորեր ընդհանրապես, տրուսիկ մասնավորապես: Ներքոնշյալ տրուսիկի երբեմնի բացակայությունը վերոհիշյալ մարդ արարածների մոտ տոտալ բնույթ չի կրում, ուստի մարդկության ծանրակշիռ մեծամասնությունը, այնուամենայնիվ, շարունակում է իր գենետիկ կոդը թաքցնել այդ լաթակտորի ներքո... Իհարկե, տրուսիկների էվոլյուցիոն փոփոխությունները ավելի տեսանելի են դարձրել մարդկության ունայնությունները, բայց դրանից հարցի էությունը չի փոխվում... Հիմա հարցի բուն էության մասին... Պարմաններ ու պարմանուհիներ, միջեր ու միջահասակներ, զառեր ու զառամյալներ ջան, մարդկության պատմությունը ֆիքսել է, որ այդ տրուսիկների տակ սարսափելի ոչինչ թաքնված չէ ու միշտ նույն բանն է՝ պլյուս մինուս մի շարք տարածաշրջանային առանձնահատկություններ՝ աֆրիկյան երկրներ, ԱՄՆ-ի աֆրոամերիկացիներ և այլն, բայց այդ լաթակտորները միշտ թաքցնում են ՆՈՒՅՆ ԲԱՆԸ, և եթե գեթ մեկ անգամ բախտ ենք ունեցել մեր սեփական աչքով նայել լաթակտորի տակ կամ բնական եղանակով ֆիքսել հակառակ սեռի ֆիզիոլոգիական առանձնահատկությունները՝ պետք չի ֆեյսբուքում ամեն տրուսիկի ֆիքսմամբ վիդեո սեղմել՝ դառնալով վիրուսների տարածման և ձեր ֆեյսբուքյան ընկերներին տրուսիկախեղդ անելու պատճառ, ամեն անգամ, երբ մատը սեղմում եք մկնիկի համապատասխան կոճակին՝ միշտ հիշեք, որ տեսանյութում եթե անգամ ականատես լինեք տրուսիկակրի տրուսիկազերծմանը՝ մեկ է, նույն զիբիլն եք տեսնելու, ինչ մինչ այդ տեսել եք այլ լաթակտորների պաշտպանության տակ... Իսկ եթե այդ լինքերին սեղմողները առաջին անգամ են ԴԱ տեսնում ու իրանք այսքան շատ են մեր քաղաքում՝ պետք է անհապաղ արտագաղթել, որովհետև էդ ապասնի լակոտների երեսից մթնաժոռին քաղաք դուրս գալը արդեն վտանգավոր ա... Նյութի աղբյուր՝ https://www.facebook.com/varuzhan.babajanyan/posts/1046705305374164 ...

    Կարդալ ավելին
  • «Ժամանակ»-ը գրում է. «Մեր տեղեկություններով ՝ ՀՀ և Ադրբեջանի նախագահներ Սերժ Սարգսյանի և Իլհամ Ալիևի հանդիպումը տեղի կունենա դեկտեմբերի 19-ին՝ Շվեյցարիայում: Ավելի վաղ Մինսկի խմբի ամերիկացի համանախագահ Ջեյմս Ուորլիքը իր միկրոբլոգում գրել էր, որ համանախագահներն անում են հնարավոր ամեն ինչ՝ այդ հանդիպումը մինչև տարեվերջ կազմակերպելու համար»: Նյութի աղբյուր՝ http://shamshyan.com/hy/article/2015/12/11/72608/ ...

    Կարդալ ավելին
  • Առևտրի միջազգային բորսաներում այսօր առավոտյան գրանցվել է Brent և WTI նավթի գնի անկում: Այդ են վկայում տվյալները, հաղորդում է gazeta.ru-ն: Մասնավորապես, Brent նավթի հունվարյան ֆյուչերսների գինը նվազել է 0.2 տոկոսով և 1 բարելի դիմաց կազմել 39.42 ԱՄՆ դոլար: WTI տեխասյան թեթև նավթի հունվարյան ֆյուչերսների գինը Նյու Յորքի NYMEX բորսայում նվազել է 0.79 տոկոսով՝ 1 բարելի դիմաց կազմելով 36,47 ԱՄՆ դոլար: Նյութի աղբյուր՝ http://shamshyan.com/hy/article/2015/12/11/72607/ ...

    Կարդալ ավելին
  • Այսօր Թուրքիայում ինձ ոչ այդքան հետաքրքրեց թե որտեղ քանի մարդ է զոհվել , ի՞նչ առաջխաղաղցում են ունեցել թուրքերը կամ քրդերը, որքան այն փաստը, որ թերևս առաջին անգամ PKK-ն իրականացրել է ձերբակալություններ: PKK-ի զինյալները ձերբակալել են Ջիզրեյի նահանգապետ Ահմեդ Ադանուրուն, ով մեղավոր է Ջիզրեի անկաման համար և PKK-ի զինյալների սպանության համար: Նյութի աղբյուր՝ https://www.facebook.com/karen.hovhannisyan4/posts/1066824046701265 ...

    Կարդալ ավելին
  • ՀՀ տարածքային կառավարման և արտակարգ իրավիճակների նախարարությունը տեղեկացնում է, որ դեկտեմբերի 11-ի ժամը 09.00-ի դրությամբ ՀՀ տարածքում ավտոճանապարհները հիմնականում անցանելի են: Դժվարանցանելի Է Սոթք-Քարվաճառ ավտոճանապարհը: Վայք-Սարավան ավտոճանապարհի «Զանգեր» կոչվող հատվածում, Սիսիանի տարածաշրջանում, Գորիս-Շուռնուխ-Կապան, Ապարան-Ալագյազ ավտոճանապարհին, և Վարդենյաց լեռնանցքում տեղ-տեղ առկա է մերկասառույց: Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին կատարում են աղով և ավազով մշակման աշխատանքներ: Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար անվաշղթաների կիրառման դեպքում:  Նյութի աղբյուր՝ http://shamshyan.com/hy/article/2015/12/11/72606/ ...

    Կարդալ ավելին
  • Շատ մաքսավորներ և մեղավորներ Հիսուսի մոտ էին գալիս, որպեսզի լսեին նրան: Փարիսեցիներն ու Օրենքի ուսուցիչները սկսեցին տրտնջալ՝ ասելով. -Ինչպե՞ս է լինում, որ այս մարդն ընդունում է մեղավորներին և ճաշում նրանց հետ: Հիսուս հետևյալ առակը ասաց նրանց. -Ենթադրենք, որ ձեզնից մեկը հարյուր ոչխար ունի: Երբ նրանցից մեկը կորցնի, իննսունիննին արոտավայրում չի՞ թողնի և չի՞ գնա կորածի հետևից, մինչև որ գտնի այն: Եվ երբ գտնի, ուրախությամբ իր ուսերի վրա կդնի և կվերադառնա տուն, կկանչի իր բարեկամներին ու հարևաններին և կասի նրանց. «Ուրախացե՛ք ինձ հետ, որովհետև գտա իմ կորած ոչխարը»:  Ասում եմ ձեզ, որ այդպես էլ երկնքում ուրախություն պիտի լինի մեկ ապաշխարող մեղավորի համար, քան իննսունինը արդարների համար, որոնք ապաշխարության պետք չունեն: (Ղուկասի ավետարան 15:1-7) Մեր Տիրոջ՝ Հիսուս Քրիստոսի անունով պատվիրում եմ ձեզ, եղբայրնե՛ր, որ հեռու մնաք ամեն մի հավատակից եղբորից, որ ծուլությամբ է ապրում և ոչ թե ըստ այն օրինակի, որ մենք տվեցինք ձեզ, որովհետև դուք լավ գիտեք, թե ինչպիսի օրինակ տվեցինք ձեզ, որպեսզի հետևեք դրան։ Երբեք ծուլությամբ չապրեցինք ձեզ մոտ և ոչ մեկի հացը ձրի չկերանք, այլ քրտինքով ու տքնությամբ գիշեր-ցերեկ աշխատում էինք՝ ձեզնից ոչ մեկի վրա բեռ չլինելու համար։ Ոչ թե նրա համար, որ իրավունք չունեինք մեր սնունդն ու բնակարանը ձեզնից ստանալու, այլ ուզում էինք, որ մեր անձերն օրինակ դառնան ձեզ համար և հետևեիք մեր օրինակին։ Արդարև, ձեզ մոտ եղած ժամանակ էլ շարունակ պատրաստում էինք ձեզ՝ ասելով. «Չաշխատողը թող չուտի»։ Մինչդեռ հիմա լսում ենք, թե ձեզնից ոմանք ծուլությամբ են ապրում՝ առանց որևէ գործ անելու, ուրիշների գործին խառնվելը իրենց միակ գործը դարձրած։ Այդպիսիներին Տեր Հիսուս Քրիստոսի անունով պատվիրում ենք և խնդրում, որ վերադառնան սովորական աշխատանքին և իրենց իսկ աշխատանքով վաստակեն իրենց հացը։ Սակայն դուք, եղբայրնե՛ր, մի՛ ձանձրացեք բարիք գործելուց։ Իսկ եթե որևէ մեկը չհնազանդվի այս նամակով մեր տված պատվերին, նկատի՛ ունեցեք նրան և բարեկամություն մի՛ արեք նրա հետ, որպեսզի ամաչի։ Բայց և այնպես նրան թշնամու տեղ մի՛ դրեք, այլ խրատեցե՛ք իբրև եղբոր։ (Պողոս առաքյալի երկրորդ նամակը թեսաղոնիկեցիներին 3:6-15) Նյութի աղբյուր` https://www.facebook.com/ruben.zargaryan/posts/1210864082274035 ...

    Կարդալ ավելին
  • Հետաքրքիր է, որ սահմանային բախումների, բանակցային գործընթացի և առհասարակ արցախյան հակամարտությանը վերաբերող դիսկուրսը Հայաստանում տարիներ շարունակ չի փոխվում: Լրագրողները մշտապես նույն հարցերն են բարձրացնում, փորձագետները նույն մեկնաբանությունները տալիս, քաղաքական գործիչները նույն հայտարարություններով հանդես գալիս: Ամեն անգամ հենց սահմանին մի բան է տեղի ունենում, սկսում ենք Ալիևի նման քայլի պատճառներ որոնել` մոռանալով, որ հիմնական պատճառը հայ-ադրբեջանական թշնամությունն է... Մի խոսքով, ոչինչ չի փոխվում ներհայկական քննարկումներում, ոչինչ չի փոխվում բանակցությունների սեղանին, բայց շատ բան է փոխվել սահմանում: Պետք է ետ չմնալ այդ իրականությունից: Ամենակարևորը հիմա դա է: Նյութի աղբյուր՝ https://www.facebook.com/HrantBek/posts/10207810484239763 ...

    Կարդալ ավելին
  • Հանրապետության տարածքում դեկտեմբերի 11-15-ին սպասվում է առանց տեղումների եղանակ, 14-ին արևելյան շրջաններում սպասվում է թույլ ձյուն: Քամին՝ հյուսիս-արևմտյան‵ 2-7 մ/վրկ արագությամբ: Օդի ջերմաստիճանը 11-13-ին էապես չի փոխվի, 14-ի գիշերը կբարձրանա 3-4 աստիճանով, 14-ի ցերեկը և 15-ի գիշերը կնվազի 4-5 աստիճանով: Երևանում դեկտեմբերի 11-15-ին սպասվում է առանց տեղումների եղանակ:  Նյութի աղբյուր՝ http://shamshyan.com/hy/article/2015/12/11/72605/ ...

    Կարդալ ավելին

ՖԲՀ

Քաղաքականություն