• «Սուր անկյուն» հաղորդաշարն այս անգամ անդրադարձել էր աղցանների շուկային: Նմուշառվել էին գրեթե բոլոր խոշոր սուպերմարկետներից աղցաններ։ Պատկերը կարելի է բնութագրել միայն մեկ բառով՝ խայտառակություն։ Հորդորում եմ բոլոր սպառողներին ձեռք չբերել պատրաստի աղցաններ․ բարդություն է, բայց ճիշտ է պատրաստել բնակարանում։ Հորդոր լիազոր մարմնին՝ անհապաղ քայլեր ձեռնարկել, վերացնել խնդիրներն ու պարզել խայտառակ պատկերի պատճառները։ Չի կարող այս վիճակը չունենալ մեղավորներ և պատասխանատուներ։ Հաղորդումն ավարտվեց «Պետությունը կարևորում է բիզնես շահն ավելի, քան օրենքն է» մտքով։ Պետք է տարանջատել պետական վերահսկողությունն ու աջակցությունը։ Վերահսկող մարմինը պարտավոր է համապատասխան առաջարկությունների ու գործողությունների հաջորդականություն առաջարկել՝ խնդիրներին լուծում տալու համար, հետո նոր «բիզնեսի շահի պաշտպանները» թող բերեն իրենց հակափաստարկները, իսկ եթե առաջարկներ չեն եղել, նշանակում է՝ վերահսկողը հենց ինքն է մարդու առողջությունից ավելի կարևորել բիզնես շահը։ Աղցանները պետք է վաճառվեն միայն ու միայն տարաներով։ Պե՞տք է օրենքի փոփոխություն, թող առաջարկեին, չե՞ն արել, թող հիմա ընդունեն սխալն ու առաջարկեն։ Հույս ունեմ, որ ի վերջո կներդրվի «պատասխանատվության ինստիտուտը», կլուծվի խնդիրն ու կհայտնաբերվեն «մեղավորները»։ ...

    Կարդալ ավելին
  • Նախագահ Արմեն Սարգսյանի հոկտեմբերի 15-ի հրամանագրերով՝ Տիգրան Խաչատրյանը նշանակվել է տնտեսական զարգացման և ներդրումների նախարար, Գեղամ Գևորգյանը՝ գյուղատնտեսության նախարար: Հրամանագրերի տեքստերը տեղադրված են նախագահի պաշտոնական կայքէջում։ Ազգայի ժողովի հոկտեմբերի 2-ին կայացած արտահերթ նիստում ձեռքով քվեարկությամբ՝ 67 կողմ ձայներով, ընդունվեց փոփոխությունները ԱԺ կանոնակարգ օրենքում: Կողմ քվեարկեցին արտահերթ նիստին ներկա Հանրապետական, «Ծառուկյան» և ՀՅ Դաշնակցության խմբակցությունների անդամները: Քվեարկությունից հետո ՀՅԴ կառավարությունից հետ կանչեց իր ներկայացուցիչներին: Վարչապետ Նիկոլ Փաշինյանը Բաղրամյան պողոտայում հրավիրած հանրահավաքում հայտարարեց ԲՀԿ և ՀՅԴ նախարարիներին և մարզպետներին աշխատանքից ազատելու մասին: Նախագահ Արմեն Սարգսյանի հրամանագրերով վեց նախարարներ ազատվեցին աշխատանքից։ Մասնավարպես, աշխատանքից ազատվեցին տրանսպորտի, կապի և տեղեկատվական տեխնոլոգիաների նախարար Աշոտ Հակոբյանը, տնտեսական զարգացման և ներդրումների նախարար Արծվիկ Մինասյանը, սպորտի և երիտասարդության հարցերի նախարար Լևոն Վահրադյանը, արտակարգ իրավիճակների նախարար Հրաչյա Ռոստոմյանը, գյուղատնտեսության նախարար Արթուր Խաչատրյանը և էներգետիկ ենթակառուցվածքների և բնական պաշարների նախարար Արթուր Գրիգորյանը: ...

    Կարդալ ավելին
  • Պանամայի մայրաքաղաքում 44-ամյա Սանդրա Մանուել Դա Կոստա Մասեդոն բարձրահարկ շենքի 27-րդ հարկից վայր է ընկել, երբ ցանկացել է սելֆի անել։ Չնայած հարևանների հորդորներին՝ նա նստել է բազրիքին, կորցրել հավասարակշռությունն ու վայր ընկել։ Հայտնում են, որ Մասեդոն աշխատում էր որպես ուսուցչուհի, ուներ 2 երեխա։ ...

    Կարդալ ավելին
  • Ռուս սահմանապահները հայ-թուրքական սահմանին հերթական սահմանախախտին են ձերբակալել: Հայաստանում ՌԴ անվտանգության դաշնային ծառայության սահմանապահ վարչության մամուլի ծառայությունից հայտնում են, որ հեկտեմբերի 15-ին Գյումրիի սահմանապահ ջոկատի սահմանապահները անհայտ մարդու են նկատել, որը հատում էր պետական սահմանը: Սահմանախախտն ուշադիր զննում էր տեղանքը եւ աշխատում աննկատ առաջ շարժվել՝ օգտագործելով տեղանքի անհարթությունները: Որոշ ժամանակ անց նրա շարժման ենթադրվող երթուղու վրա սահմանապահները դարանակալել են: Սահմանախախտը ձերբակալվել է սահմանապահ ջոկատի զինծառայողների պրոֆեսիոնալ գործողությունների շնորհիվ: Նախնական տեղեկություններով՝ ձերբակալված անձը Թուրքիայի քաղաքացի է: Ապօրինի սահմանախախտման դրդապատճառները կպարզեն իրավասու մարմինները: Օրենսդրությամբ սահմանված կարգով սահմանախախտին հանձնել են Հայաստանի իրավապահ մարմիններին: ...

    Կարդալ ավելին
  • Հայաստանը Արցախին կապող նոր՝ երրորդ մայրուղին է կառուցվելու. այս մասին ասել է Արցախի նախագահ Բակո Սահակյանը՝ հոկտեմբերի 15-ին լիբանանահայ գործարարների հետ հանդիպմանը։ Ավելի քան 200 սփյուռքահայ (հիմնականում՝ լիբանանահայ և Լիբանանից հեռացած) գործարարներից կազմված ԱՐԻ՝ «Արցախ ռութս ինվեսթմենթ» (Artsakh Roots Investment) ներդրումային ընկերության բաժնետերերի խումբը՝ շուրջ 25 հոգի, հերթական այցով, հոկտեմբերի 13-ից 16-ը, ժամանել է Արցախ՝ տեղում ծանոթանալու նախորդ տարիների գործունեության արդյունքներին, հանդիպումներ ունենալու Արցախի իշխանությունների հետ և քննարկելու «Արցախ-2028» խորհրդաժողովի անցկացման մանրամասները: ԱՐԻ-ի բաժնետերերի հետ հանդիպմանը Բակո Սահակյանը նշել է, որ առաջիկայում նախատեսվում է կառուցել Հայաստանն ու Արցախը միմյանց կապող երրորդ՝ հարավային մայրուղին՝ Արաքսի ափամերձ հատվածով: Բակո Սահակյանը նշել է, որ Վարդենիս-Մարտակերտ ճանապարհը ոչ միայն մեկ աստիճանով բարձրացրել է Արցախի անվտանգությունը, այլև իր հետ բերել է տնտեսական էֆեկտ, մասնավորապես՝ աճել է զբոսաշրջությունը, Թարթառ և Լև գետերի երկայնքով կառուցվել ու կառուցվում են սննդի, սպասարկման օբյեկտներ, հիդրոէլեկտրակայաններ: Արցախյան պատերազմի ավարտից հետո Հայաստան համահայկական հիմնադրամը սկսեց կառուցել Գորիս-Ստեփանակերտ մայրուղին: Վերջերս ավարտվեց և շահագործման հանձնվեց Վարդենիս-Մարտակերտ ճանապարհը: ...

    Կարդալ ավելին
  • Պետական և մունիցիպալ կառավարումը իրականացնող անձանց միավորող գործոններից մեկը կառավարիչի կողմից ոչ պոպուլյար որոշում կայացնելու ունակությունն է: Ցանկացած կառավարում իրականացվում է սուբյեկտի կողմից և հետևաբար որոշումները նույնպես սուբյեկտիվ են և կարող են ընդունելի չլինել բոլորի կողմից: Երբեք չեմ պատկերացրել, որ Հայկ Մարությանը կարող է լինել Երևանի քաղաքապետ: Անձամբ իրեն չեմ ճանաչում, չունեմ իր դեմ ոչինչ, սակայն մունիցիպալ և պետական կառավարման ոլորտում փորձի բացակայությունը ստիպել է անվստահությամբ վերաբերվել իր թեկնածությանը: Այնուամենայնիվ ընտրությունների արդյունքում Հայկը դարձավ քաղաքապետը, ինչը նվազագույնը պետք է ընդունել և արձանագրել: Հոկտեմբերի 13-ին, երբ կայացավ քաղաքապետի երդման արարողությունը՝ Հայկը, խոսելով տրանսպորտի հնարավոր թանկացումից, նշել էր, որ այդ հարցը, ինչպես նաև կարմիր գծերի առկայությունը (իր ՖԲ գրառման մեկնաբանություններում) պետք է որոշվի հանրաքվեով: Իհարկե հանրաքվեների առկայությունը պետության համար կարող է ծառայել որպես ժողովրդավարության իրականացումը արձանագրող (ոչ միանշանակ) գործընթաց, սակայն այն չի լուծում մի շատ կարևոր խնդիր: Խնդիրը փորձեմ նկարագրել օրինակով. Իմ շատ սիրելի դասախոսներից մեկը, խոսելով պետական կառավարումից, բերում է մի շատ լավ օրինակ: Լսարանում առկա ուսանողներին նշանակելով նախարարներ, հայտարարում է, որ պետական ապարատում առկա է աշխատատեղերի խնդիր և ստեղծված իրավիճակին պետք է ինչ-որ կերպ արձագանքել. ա) Ընդունել աշխատանքի երիտասարդերին և ազատել թոշակառուներին բ) Թողնել թոշակառուներին և չընդունել աշխատանքի երիտասարդներին գ) Մնալ ձեռնպահ Առաջին տարբերակի կողմնակից ուսանողները քննադատության արժանացան թոշակառուներին առանց աշխատանքի թողնելու համար, իսկ երկրորդ տարբերակինը՝ երիտասարդների ապագայի վրա խաչ քաշելու: Երեք տարբերակների մեջ ամենաշատը քննադատության արժանացան այն ուսանողները, ովքեր մնացին ձեռնպահ: Այս իրավիճակային խաղի իմաստը այն էր, որ կառավարիչը չի կարող միշտ կայացնել բոլորի համար ընդունելի որոշումներ: Վատ կառավարիչը նա է, ով ընդունում է կրավորական կեցվածք և չունի որոշում կայացնելու պատասխանատվություն: Իհարկե կարող եք ասեք, որ նշված օրինակը խիստ ռադիկալ է և կարող է լինել ոսկե միջին: Այո, երբեմն կարող է լինել, սակայն երբեմն՝ ոչ:   Հայկ Դերզյան ՀՀ ՊԿԱ հանրային կառավարման ամբիոնի մագիստրանտ Շարունակությունն՝ այստեղ ...

    Կարդալ ավելին
  • Վանաձորի բնակիչ 60-ամյա Տիգրան Պեպանյանը Վանաձոր քաղաքի ոստիկանության Տարոնի բաժին հայտարարություն է տվել, որ հոկտեմբերի 5-ին նույն օրը՝ ժամը 16:30-ից մինչեւ 20:40-ն ընկած ժամանակահատվածում անհայտ անձը կամ անձինք իր բնակարանի մուտքի դուռը կոտրելու միջոցով մտել են բնակարան եւ այնտեղից հափշտակել խոշոր չափի գումար եւ ոսկյա ու արծաթյա զարդեր: Shamshyan.com-ի փոխանցմամբ, գողոնը կազմում է մի քանի միլիոն դրամ: Դեպքի վայրի հարեւանությամբ բնակվողները հայտնել են, որ գողը կամ գողերը տունը թալանելուց հետո դռան վրա թողել են գրություն, որում գրված է եղել. «Գողը գողից գողացավ, Աստված տեսավ, զարմացավ: Իսկ մենք գնում ենք դբա լավը»: Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական եւ քննչական համատեղ գործողություններ՝ հանցագործությունը բացահայտելու, կատարողին եւ գողոնը հայտնաբերելու ուղղությամբ: Աղբյուրի տեղեկություններով, թալանված բնակարանը պատկանում է Վանաձորի նախկին քաղաքապետ Սամվել Դարբինյանի քրոջը՝ Սուսաննա Դարբինյանին, ով Վանաձորի թիվ 30 դպրոցի տնօրենն է, իսկ նրա ամուսինը՝ Վանաձորի քաղաքապետարանի նախկին ճարտարապետն է: ...

    Կարդալ ավելին
  •  Ռուս սահմանապահները ձերբակալել են հայ-թուրքական սահմանն ապօրինի հատած անձին: Ինչպես տեղեկացրել են  Հայաստանում ՌԴ դաշնային անվտանգության ծառայության սահմանապահ վարչության մամուլի ծառայությունից, 2018թ. հոկտեմբերի 14-ին Արտաշատի սահմանապահ ջոկատներից մեկում պետական սահմանի պահպանության տեխնիկական միջոցներից տագնապի ազդանշան է ստացվել: Տագնապի ազդանշանը ստանալուց մի քանի րոպե անց միջադեպի վայր է հասել սահմանապահների տագնապային խումբը և հայտնաբերել դեպի Հայաստանի Հանրապետության տարածք խորացող հետքեր: Որոնողական աշխատանքների համար օգտագործվել է ծառայողական շուն, որը կարճ ժամանակում հայտնաբերել է սահմանախախտին: Սահմանապահները նրա մոտ անձը հաստատող փաստաթղթեր չեն հայտնաբերել: Նախնական տեղեկություններով սահմանախախտն Իրանի Իսլամական Հանրապետության քաղաքացի է: Նա հայտնել է, որ սահմանը հատել է զինվորական ծառայությունից խուսափելու համար: Ռուս սահմանապահները նրան փոխանցել են Հայաստանի իրավապահ մարմիններին: ...

    Կարդալ ավելին
  • Ավտոճանապարհային ոստիկանությանը տվեք ավելի շատ իրավունքներ, թող աշխատեն, կոպիտ խախտողներին թող զրկեն, բացահայտ խախտողներին տուգանեն, բայց քանի դեռ մեր երկրի փողոցները նշանները, լուսավորումը, ասֆալտի որակը, լուսարձակները, գծանշումները համապատասխան մակարդակի չեք հասցրել իրավունք չունեք ինձ տուգանել, քանի դեռ չեք սարքել կայանատեղիներ, իրավունք չունեք ինձ տուգանել կայանելու համար: Կամերաները պահեք բացահայտելու համար հանցագործություններ, և խուլիգանական դիտավորյալ կոպիտ խախտում անողներին որպեսզի հատուկ ուշադրություն դարձվի և նրանց դեմն առնվի, իսկ մարդկանց ձեր իսկ սխալ նշանների, գծանշումների, բավականաչափ և պատշաճ ձևով արագությունը կարգավորող նշանների բացակայության պատճառով մի տուգանեք, մի թալանեք: Թալան-թալան էիք գոռում` դուք փաստորեն դեմ էիք, որ իրենք թալանեն, դուք ցանականում էիք, որ դուք թալանեք: Թալանը, մնում է թալան` Ալոն է թալանում, թե Բլոն՝ ժողովրդի համար կապ չունի… Հայտարարեք, որ դուք ձևի համար էիք «պայքարում» դրանց դեմ, որ ժողովրդի աչքը մտնեիք, կամ էլ խոստովանեք, որ ձեզ էլ է դուր եկել դրանից «օգտվելը» Կամ էլ եղեք սկզբունքային և վերացրեք այդ թալանը մինչև ոլորտը կկարգավորվի, միայն օրինազանցներին ամնիստիա տալով չի, փաստորեն դուք օրինավոր քաղաքացիների դեմ էիք, եթե ներել եք չմուծված գումարները, խախտումների, ապա վերադարձրեք բոլոր իմ նման մուծողների գումարները, որ արդար լինի, թե չէ դուրս է գալիս՝ օրինավոր քաղաքացին պատժվում է, անօրենը՝ պարգևատրվում, նման «ժողովրդավարության» վրա ես թքած ունեմ…»: Նյութի աղբյուր՝  ...

    Կարդալ ավելին
  • Պրեմիերա․ Արսեն Սաֆարյան - «Էս ինչ սիրուն ես»: ...

    Կարդալ ավելին

ՖԲՀ

Քաղաքականություն