Հայերը արդեն եկել են (մի նկարի պատմություն)

Ապրիլ ամիս , 1993 թվական , Քարվաճառ / Քելբաջար / : Հայ զինվորը և ադրբեջանցի կինը: Նկարում պատկերված է Արցախյան մարտերին մասնակից Սարգիս Հացպանյանը: Երբ հայկական զորքերը ազատագրում են Քարվաճառը, քաղաքից փախչում են ադրբեջանական զորքերը և քաղաքի տղամարդիկ, թողնելով այնտեղ անզեն կանանց , մանուկներին ու ծերերին: Սարգիսը մոտենում է բակում նստած կանանց և թուրքերեն ողջունում է նրանց: 80 տարեկան մի կին, նայում է Սարգսին ու հարցնում ՝ Ինչու՞ այսքան ուշացաք, շուտով հայերը կմտնեն քաղաք...մերոնք գնացին , ասեցին մեր հետևից ինքնաթիթ կգա, նրանք գնացին , մեզ թողեցին այստեղ...տղամարդիկ փախել էին , թողնելով կանանց քաղաքում:
Ծեր կինը հայ զինվորներին շփոթել էր ադրբեջանցիների հետ:
Սարգիսը ՝ մոտենալով կնոջը, պատասխանում է .
- Հայերը արդեն եկել են:
Հենց Սարգիս Հացպանյանն էլ սկսեց զբաղվել գերիների անվտանգությամբ, նրանք տեղավորվեցին քաղաքի երկու շենքերում: Սարգսի խոսքերով նրանք այդտեղ ապրեցին 20 օր, որից հետո գերիներին հանձնեցին Կիրովաբադ /Գյանջա/: Բայց մինչ հանձնելը նրանց թույլ են տվել վերադառնալ իրենց տները և վերցնել իրենց իրերը: Հայերը շատ անգամ են ստիպված եղել թողնել իրենց տները ու հեռանա, դա շատ դաժան բան է:
Կիրովաբադում ֆրանսիացի լրագրողին հարցազրույց տալուց, անկախ ամեն տեսակ ճնշումներին Շեյխա խանումը պատմել է իրականությունը, որ իր հետ հայերը ավելի լավ են վարվել Քելբաջարում, քան ադրբեջանցիները Կիրովաբադում:

Հ.Գ՚. Մայրը, ինչ ազգության էլ որ պատկանի, մայր է մնում, և մայրական սեր է տածում այն տղայի հանդեպ , ով որդու նման է վերաբերվում նրան: Ձեռքերը, որոնք գրկել են զինվորին, մոր ձեռքեր են, լի մայրական սիրով , հոգատարությամբ ու ջերմությամ: Ս. Հացպանյան:

Նյութի աղբյուր` https://www.facebook.com/ashot.asatryan.7549/posts/972591469456256?from_close_friend=1&notif_t=close_friend_activity&notif_id=1459527926863755

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին