ԱԺ ընտրությունների բանաձևը` Արփինե Հովհաննիսյանի ներկայացմամբ. 51+3 տոկոս= է կայուն մեծամասնություն

ԱԺ ընտրությունների ժամանակ խորհրդարան անցած քաղաքական ուժերի մանդատների 51 տոկոսին ավելացվում է ևս 3 տոկոս, որպեսզի հնարավորություն ստեղծվի ապահովել կայուն մեծամասնություն: Այս մասին այսօր` Ընտրական օրենսգրքի նախագծի հանրային քննարկմանը հայտարարեցարդարադատության նախարար Արփինե Հովհաննիսյանը: 

«Կարևոր է այն հանգամանքը, որ այդ մանդատները լրացուցիչ են բաշխվում և որևէ կուսակցությունից ձայներ չեն նվազեցվում, նրանց ձայները կամ նրանց մանդատները չեն նվազեցվում կամ պակասեցվում: Այն դեպքում, երբ որեւէ կուսակցություն չի ստանում 53 մանդատ կամ 51 տոկոսը, Ընտրական օրենսգրոքով հնարավորություն է ստեղծվում, որպեսզի ձևավորվեն կոալիցիաներ՝ հաշվարկով, որ կոալիցիաներն ունենան 51 տոկոս քվե կամ 53 մանդա և այդ սկզբունքով միավորվեն»,-ասաց նախարարը:

Ըստ Արփինե Հովհաննիսյանի` կոալիցիաներ կարող են ձևավորվել 3 կուսակցությունների միջև, որոնք ագելապատնեշը հաղթահարել են ընտրությունների արդյունքում. այդ 3 կուսակցությունները, եթե միասին ունեն 51 տոկոս կամ 53 մանդատ, ապա ԱԺ-ն կարող է ձևավորվել: Իսկ եթե կուսակցությունները չեն ստանում 51 տոկոս կամ կոալիցիներ չեն ձևավորվում, ապա անցկացվում է ընտրությունների երկրորդ փուլ: 

Հիշեցնենք, որ առաջրկայում ՀՀ տարածքը բաժանվի 13 ընտրատարածքների, 9` մարզերում և 4-ը՝ Երևանում: 

Ըստ Արփինե Հովհաննիսյանի` Ընտրական օրենսգրքով փորձ է արվել լուծում տալ այն հարցերին, որոնք ժամանակի ընթացքում այս կամ այն անգամ բարձրաձայնվել ու խնդրահարույց են համարվել:

«Գործող ընտրական համակարգի հիմնական թերություններից մեկը համամասնական ընտրակարգի դեպքում համարվում է ընտրողի և ընտրատարածքի միջև կապի բացակայությունը, իսկ մեծամասնական ընտրական համակարգի պարագայում գործ ունենք անհատի գործոնի ընդգծման կամ շեշտման հետ: Այն մոդելը, որ մենք առաջարկել ենք, կարող եմ ասել, որ ներկայացնում է կուսակցության և անհատի սկզբունքների համադրման հաջողված մոդել»,-ասաց Արփինե Հովհաննիսյանը: 

«Սրանով կերաշխավորվեն համամասնական ընտրական համակարգի առավելությունները և հնարավորություն կունենա ընտրողը հասկանալ, թե ով է իր պատգամավորը և որ տարածքից: Մենք նախատեսում ենք, որ յուրաքանչյուր կուսակցություն կամ կուսակցությունների դաշինք պիտի ներկայացնի համապետական ցուցակ և տարածքային ցուցակներ: Տարածքային ցուցակներում ընդգրկված յուրաքանչյուր թեկնածու առկա է նաև համապետական ընդհանուր ցուցակում: Համապետական ցուցակում կարող են լինել նաև թեկնածուներ, որոնք տարածքային ցուցակներում ընդգրկված չեն»,-ասաց նա:

Քննարկմանը մասնակցում էին նաև ԵԱՀԿ երևանյան գրասենյակի գործող ղեկավար Բարբարա Դևիսը, ՀՀ կառավարության աշխատակազմի ղեկավար Դավիթ Հարությունյանը։ 

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին