ՄԱԿ-ը Եվրոպայում հումանիտար աղետ է կանխատեսում

Загрузка...

Ըստ ՄԱԿ-ի Փախստականների հարցերով բարձր հանձնակատարի վարչության տվյալների՝ այս տարեսկզբին էականորեն աճել է մերձավորարևելյան գաղթականների ներհոսքը դեպի Եվրոպա՝ Թուրքիայից Հունաստան և Մաղրիբի երկրներից՝ Իտալիա հիմնական ուղիներով. միջազգային կառույցի կանխատեսումների համաձայն՝ նման միտումների շարունակականության պայմաններում Եվրամիությանը հումանիտար աղետ է սպառնում: Հատկապես իրավիճակը լուրջ է Հունաստանում, որը հանդիսանում է Թուրքիայից գաղթականների ներհոսքի առաջին հանգրվանը Եվրոպայում, և, դրանով պայմանավորված, փախստականների հարցերով վարչությունն ահազանգում է՝ եվրոպական երկրները պետք է արագացնեն միգրանտների փաստաթղթավորման և ԵՄ երկրներում տեղաբաշխման գործընթացն, այլապես իրավիճակը կարող է դուրս գալ վերահսկողության սահմաններից: 
Այսպես, միջազգային կառույցի հաղորդմամբ՝ 2016 թ. առաջին 2 ամիսների ընթացքում ԵՄ տարածք մուտք են գործել 131726 գաղթական, որոնց հիմնական մասը (122637)՝ Թուրքիայից՝ հունական կղզիներ: Փաստորեն, ըստ հրապարակված պաշտոնական տվյալների, նույն ժամանակահատվածում Եվրոպա է հասել ավելի շատ թվով անօրինական ներգաղթյալ, քան 2015-ի առաջին 6 ամիսների ընթացքում. այս հարցը լուրջ խմորումների և հակասությունների պատճառ է դարձել նաև հենց ԵՄ անդամ երկրների շրջանում:
Վերոնշյալի համատեքստում, կասկածից վեր է, որ սիրիական հիմնախնդրի շրջանակներում առկա իրավիճակի շարունակականության պայմաններում, մեծ հավանականությամբ, միգրանտների հոսքերն առնվազն կպահպանեն ներկա ծավալները: Դատելով հնչող արձագանքներից՝ այս խնդիրը և դրանից բխող բոլոր հետևանքները շատ քաջ գիտակցում են նաև Արևմուտքում՝ որպես դրա հանգուցալուծման կարևորագույն միջոց դիտարկելով մերձավորարևելյան հակամարտությունների կարգավորումը կամ ներգաղթյալների հոսքերի զսպումը հենց տարածաշրջանում:
Հետևաբար, եթե սիրիական հակամարտության շրջանակներում ներկայում ծավալվող գործընթացները՝ Սիրիայում հռչակված մասնակի հրադադարի ռեժիմը, «Ժնև 3» բանակցային ձևաչափը, վերջնականապես տապալվեն, ապա մեծ հավանականությամբ ականատես կլինենք անվտանգության կամ թռիչքազերծ գոտիների ստեղծման հենց Սիրիայի տարածքում՝ գուցե միաժամանակ Թուրքիային և Հորդանանին սահմանամերձ շրջաններում՝ անգամ հաշվի առնելով դրանից բխող բոլոր սպառնալիքները:

Հ.Գ. Գրառմանը կից՝ ներկայացված է շատ ուշագրավ ֆոտոշարք՝ Հունաստանում հանգրվանած ապօրինի ներգաղթյալների առօրյայի վերաբերյալ՝

Կից նյութն`այստեղ

Նյութի աղբյուր՝ https://www.facebook.com/armen.petrosyan.05/posts/987849674585580?pnref=story

Հեղինակ

Հեղինակի այլ գրառումներ

Մեկնաբանություններ

Загрузка...

ՖԲՀ

  • /uploads/photos/RkBjpEusmKj77wgxmjD0.jpg

    Ինձ ճանաչողները գիտեն, որ մաքսիմալ անկողմնակալ եմ ու էմոցիաներով չեմ առաջնորդվում։ Ու էս պոստը անում եմ, որովհետև մենակ ուղիղ եթերները նայելով, առանց ստեղ լինելու, չի կարելի հասկանալ՝ ինչ է կատարվում։ Գրում եմ, որովհետև պարտքս եմ համարում՝ չեմ ուզում լուրջ խնդիրներ ունենանք։ Ուրեմն էսպես. 1. 1996 թվականից սկսած մասնակցել եմ գրեթե բոլոր քիչ թե շատ լուրջ հանրահավաքներին։ Էսքան մարդ երբեք չեմ տեսել, անգամ 2008 թվականի փետրվարի 26-ին։ Մարդկանց հաշվելու մասնագետ չեմ, բայց համեմատելով մի քանի օր առաջ դռոնով արված նկարը, կարծում եմ 100 հազարից պակաս մարդ չի լինի։ 2. Մարդկանց թիվը գնալով աճում է. գալիս են մենակ, խմբերով, ընտանիքներով, կոլեկտիվներով։ 3. Հիմնական մասը երիտասարդներ են։ Կանայք ու աղջիկները իրենց թվով չեն զիջում տղամարդկանց։ 4. Ի տարբերություն այլ հավաքների, որտեղ ակտիվ մասը 20-30% է, մնացածը՝ թամաշա անողներ, էստեղ 70-80%-ը ակտիվ մասնակիցներ են։ 5. Կան ամենատարբեր շերտերի մարդիկ. բանվորներ, գյուղացիներ, արհեստավորներից մինչև արվեստի, գիտության մարդիկ, գործարարներ և այլն։ 6. Մարդիկ տրամադրված են խաղաղ ցույցի։ Շատերը երեխեքի հետ են։ Բնականաբար, կան նաև ոչ բավարար իրավագիտակցության մակարդակ ունեցող մարդիկ, որոնք քիչ են, բայց կարող են անկանխատեսելի քայլեր անել։ 7. Խոսակցություններից հասկացա, որ մարդկանց ամենաշատ զայրացրել է Մարտի 1-ի հիշատակումը։ Շատերը դա ընկալել են որպես կոնկրետ սպառնալիք։ 8. Էս մարդիկ առանց ընդգծված լիդերի են։ ՓԱՍՏ. Հայաստանում իրավիճակ է փոխվել։ Ներկա Ազգային ժողովը չի արտացոլում ուժերի ու տրամադրությունների նոր բալանսը։ ԿՈՉ, ՀՈՐԴՈՐ կամ ԽՈՐՀՈՒՐԴ՝ ոնց կուզեք, ընդունեք Հարգելի քաղաքական ու հասարակական գործիչներ՝ իշխանական, ընդդիմադիր կամ չեզոք։ Էս մարդկանց նկատմամբ ՉԻ ԿԱՐԵԼԻ ՈՒԺ ԿԻՐԱՌԵԼ, որովհետև վախենում եմ պատկերացնել, թե ինչ կլինի, Էս մարդկանց ՉԻ ԿԱՐԵԼԻ ԱՐՀԱՄԱՐՀԵԼ, Էս մարդկանց բերման ենթարկելով ԽՆԴԻՐԸ ՉԻ ԼՈՒԾՎԻ, ՉԻ ԿԱՐԵԼԻ էս իրականության հետ հաշվի չնստել։ Պրովոկացիաներ անել չի կարելի։ Ֆեյսբուքյան ստատուսներով կամ մեկնաբանություններով չի կարելի կրքերը թեժացնել։ Մտածեք, մի նորմալ, իրական կոմպրոմիս առաջարկեք։ Էս վիճակից կամ ազգովի պարտված ենք դուրս գալու, կամ շահած։ Հ.Գ.- Որպեսզի կարողանայի գրածս պոստել, իջել եմ Կենտրոնական բանկի մոտ, որտեղ մարդիկ քիչ են, որ ինտերնետը միանա։ Նյութի աղբյուր՝ https://www.facebook.com/babken.tunyan/posts/1119413641532918

    Կարդալ ավելին

Քաղաքականություն