Ինչպե՞ս բուժել հազը

Загрузка...

Ինչպե՞ս բուժել հազը: Այս հարցը շատերին է անհանգստացնում: Նույնիսկ թանկարժեք դեղամիջոցները միշտ չեն օգնում ազատվել ձանձրացնող հազից: Ձեզ ենք ներկայացնում եզակի ժողովրդական միջոց, որն օգտագործում են հազը բուժելու համար:

Թրջոցի ջերմային ներգործության շնորհիվ ակտիվանում է արյան շրջանառությունը: Մեղրով թրջոցը առողջացման շատ թեթև և արդյունավետ միջոց է: Այն բուժում է գրեթե աննկատ և վնասակար ազդեցություն չի թողնում:

Նման թրջոցն ունակ է բուժել մեկ գիշերվա ընթացքում: Այն կարելի է ինչպես մեծահասակներին, այնպես էլ վեց ամսեկանից մեծ երեխաներին: Խորհուրդ չի տրվում թրջոցն անել բարձր ջերմաստիճանի դեպքում, բաղադրիչներից որևէ մեկի նկատմամբ ալերգիա ունենալու դեպքում, ինչպես նաև մաշկային հիվանդություններ ունեցողներին:

Թրջոց՝ հազի դեմ

1

Ձեզ պետք կգան

  • 1 ճաշի գդալ մեղր
  • 1 ճաշի գդալ ալյուր
  • 1 թեյի գդալ բուսայուղ
  • Թանզիվ (մարլյա)
  • Անձեռոցիկ
  • Կպչուն ժապավեն

Օգտագործման եղանակը

Երեխաներին այս թրջոցները պետք է դնել երեկոյան՝ քնելուց 2-3 ժամ առաջ: Մեծահասակները կարող են թողել թրջոցը ողջ գիշերվա ընթացքում և հանել առավոտյան: Առավել արդյունավետ լինելու համար, մեծահասակները կարող են մանանեխի փոշի ավելացնել:

Խառնեք մեղրն ալյուրի հետ այնպես, որ ստացված զանգվածը չկպչի ձեռքերին: Ավելացրեք բուսայուղ: Անհրաժեշտության դեպքում մի փոքր էլ ալյուր ավելացրեք: Լցրեք այդ զանգվածն անձեռոցիկի վրա և փաթաթեք այն թանզիֆով:

Դրեք թրջոցը կրծքավանդակի կամ թիկունքի վրա և ամրացրեք կպչուն ժապավենով: Թրջոցը պետք է սրտից վերև լինի:

Հագեք շապիկ կամ գիշերազգեստ: Պատրաստվեք առատ քրտնարտադրության:

Ակտիվ նյութերը արդյունավետորեն դադարեցնում են օրգանիզմի բորբոքային գործընթացը: Թրջոցը տաքացնող ազդեցություն ունի: Այս գործընթացից հետո արդյունքն անմիջապես զգացվում է: Սա կօգնի խուսափել հետագա բարդություններից:

Հեղինակ

Հեղինակի այլ գրառումներ

Մեկնաբանություններ

Загрузка...

ՖԲՀ

Քաղաքականություն