Ադրբեջանն այն երկիրը չէ, որին կարող ենք վստահել.Դավիթ Բաբայան

ԱՊՀ գործադիր կոմիտեի նախագահ Սերգեյ Լեբեդևը հայտարարել է, որ Դուշանբեում տեղի ունեցած ԱՊՀ երկրների ղեկավարների գագաթաժողովի ժամանակ ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը նվազեցրել է լարվածությունն Արցախում։

Արդյոք պաշտոնական Ստեփանակերտը համամի՞տ է այս դիտարկման հետ։ Պարզաբանում ստանալու նպատակով Panorama.am-ի թղթակիցը թեմայի շուրջ խոսեց Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանի հետ։

«Հայաստանի վարչապետի և Ադրբեջանի նախագահի բանավոր պայմանավորվածությունից հետո սահմանին վերջին ժամանակահատվածում, այո, կրակոցների և խախտումների քանակը մի քանի անգամ նվազել է։ Սա, իհարկե, ողջունելի է, բայց միևնույն ժամանակ մենք պետք է հաշվի առենք մի պարզ ճշմարտություն. Ադրբեջանն այն երկիրը չէ, որին կարող ենք վստահել։ Ադրբեջանը բազմիցս խախտել է ցանկացած՝ ոչ միայն բանավոր, այլ նաև գրավոր պայմանավորվածություն՝ միջազգային փաստաթղթեր, պայմանագրեր, ՄԱԿ-ի կանոնակարգը։

Մի քանի անգամ եղել է, որ սահմանին համեմատաբար հանգիստ է եղել, սակայն նորից սկսել են»,- ասաց Դավիթ Բաբայանը։

ԱՀ նախագահի աշխատակազմի տեղեկատվության գլխավոր վարչության պետը ուշադրություն հրավիրեց այն հանգամանքի վրա, որԱդրբեջանի նախագահ Իլհամ Ալիևն այսօր կրկին հանդես է եկել ռևանշիստական, հայատյաց գաղափարներով։

Բաբայանի խոսքով, Ալիևը հայտարարել է, որ Հայաստանը փորձել է փոխել բանակցային ձևաչափը, սակայն չի ստացվել, որ Ադրբեջանն Արցախի հետ երբևէ հանդիպում չի ունենալու, բանակցությունենր չի վարելու։

«Սա ոչ այլ ինչ է, քան ահաբեկչական քաղաքականության շարունակությունը։ Հետևաբար, կարելիէ  փաստել, որ սահմանին միջադեպերը նվազել են, բայց հաշվի առնելով մեր փորձը և այն, թե Ադրբեջանն ինչ երկիր է, մենք պետք է շատ զգույշ լինենք, որպեսզի կարողանանք ցանկացած պահի դիմագրավել այդ երկրի ոտնձգություններին»,- ամփոփեց նա։

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին