Օսիպյանը պնդելու է նախաքննության ժամանակ ներկայացրած ցուցմունքները

Հայաստանի ոստիկանապետ Վալերիj Օսիպյանին այսօր լրագրողների հետ հանդիպման ժամանակ անդրադառնալով  ՊՊԾ գնդի գրավման գործին՝ ասաց, որ  անմիջական առնչություն ունի այդ գործին, քանի որ  7-8 օր որպես պատանդ մնացել է այդ գնդում:

Ինչ վերաբերում է Սասնա ծռերի գործով դատական գործընթացներին, և նրանց կատարած արարքին, Օսիպյանն ասաց․ «Արդարադատությունը Հայաստանում իրականացնում է դատական համակարգը, ես չեմ կարող գնահատականներ տալ։ Այդ հարցով դիմեք դատարանին: Ես այդ գործով չեմ հրավիրվել դատարան, կաշկանդված չեմ և հրավիրվելու դեպքում կներկայացնեմ և կպնդեմ նախաքննության ժամանակ իմ ցուցմունքները»:

Հարցին, թե իրեն պատանդ համարո՞ւմ է, Օսիպյանն ասաց. «Միանշանակ, ես պատանդ եմ եղել, այդ թվում՝ իմ գործընկերները»:

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն