Նիկոլ Փաշինյանը՝ Ռոբերտ Քոչարյանի հայտարարության մասին

ՀՀ վարչապետ Նիկոլ Փաշինյանը կարծում է, որ իր կառավարման 100 օրվա ամենակարևոր ձեռքբերումը այն ժողովուրդն է, որն այսօր իր հետ երթով շարժվում է դեպի Հանրապետության հրապարակ ու մասնակցում հանրահավաքին։ Երթով Արցախի պողոտայից Հանրապետության հրապարակ քայլելու ժամանակ ասաց Նիկոլ Փաշինյանը:

Փաշինյանը նաև ասաց, որ փայլուն տրամադրություն ունի, Հայաստանում բռնություն չի լինելու, և մարդիկ, ովքեր մասնակցում են երթին իրենց կամքով են եկել։

Լրագրողների դիտարկմանը, թե նախօրեին ՀՀ երկրորդ նախագահ Ռոբերտ Քոչարյանը հարցազրույցի ժամանակ ասաց, որ ինքը կարող է նոր Հայաստանի առաջին քաղբանտարկյալը լինել՝ Փաշինյանը պատասխանեց. «Նոր Հայաստանում քաղբանտարկյալներ չեն լինելու»։

Հեղինակ

Հեղինակի այլ գրառումներ

Մեկնաբանություններ

Քաղաքականություն