Ռոբերտ Քոչարյանին ազատ արձակեցին

Քիչ առաջ վերաքննիչ դատարանը, դատավոր Ալեքսանդր Ազարյանի նախագահությամբ, հրապարակեց որոշումը՝ Հայաստանի երկրորդ նախագահ Ռոբերտ Քոչարյանի հանդեպ խափանման միջոց կալանքն ընտրելու առաջին ատյանի որոշման վերաբերյալ:

Դատարանը բավարարեց Ռոբերտ Քոչարյանի պաշտպանների բողոքները և Ռոբերտ Քոչարյանի հանդեպ ընտրված կալանքը փոփոխվեց:

Այսպիսով, Ռոբերտ Քոչարյանը ազատության մեջ կլինի:

Հիշեցնենք, որ Ռոբերտ Քոչարյանին Մարտի 1-ի գործով մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը: Նույն օրը միջնորդություն է ներկայացվել Երևան քաղաքի ընդհանուր իրավասության առաջին ատյանի դատարան` Ռոբերտ Քոչարյանի նկատմամբ կալանավորումը որպես խափանման միջոց ընտրելու համար:

Հեղինակ

Հեղինակի այլ գրառումներ

Մեկնաբանություններ

Քաղաքականություն