Մոսկվայում ափսոսանք են հայտնել, որ «տարբեր պատրվակների ներքո ՆԱՏՕ-ի զորավարժություններին ներգրավվել են Վրաստանի հարևան երկրները». Զախարովա

Ռուսաստանի արտաքին գործերի նախարարության խոսնակ Մարիա Զախարովան արձագանքել է Վրաստանում ՆԱՏՕ-ի հետ համատեղ անցկացվող «Արժանի գործընկեր» զորավարժություններին: Այս մասին հայտնում է ՌԻԱ Նովոստին:

«Մենք չենք կարող համաձայնվել հայտարարություններին, այդ թվում՝ Վրաստանի պաշտպանության նախարարության, որ զորավարժությունների նպատակը Սևծովյան տարածաշրջանում կայունությանն ու անվտանգությանը գործակցելն է», – ասել է Զախարովան՝ նշելով, որ զորավարժությունների նպատակը Աբխազիայի, Հարավային Օսիայի և Ռուսաստանի վրա ճնշում գործադրելն է: Նրա խոսքով, այդ զորավարժությունների իրական հետևանքը լարվածության անխուսափելի էսկալացիան է:

Մոսկվայում ափսոսանք են հայտնել նաև, որ «տարբեր պատրվակների ներքո այդ զորավարժություններին ներգրավվել են Վրաստանի հարևան երկրները»:

Հեղինակ

Հեղինակի այլ գրառումներ

Մեկնաբանություններ

Քաղաքականություն