Քյարամ Սլոյանին գլխատած ադրբեջանցին դիմել է Էրդողանին

Ադրբեջանական որոշ լրատվակայքեր գրում են, որ Արցախի պաշտպանության բանակի զինծառայող Քյարամ Սլոյանին գլխատած հանցագործ Էլնուր Ֆարզալիեւը նամակով դիմել է Թուրքիայի նախագահ Ռեջեփ Թայիփ Էրդողանին՝ Թուրքիայի բանակում ծառայության անցնելու խնդրանքով։ 

Մեջբերում նամակից.

«...Հարգելի պարոն Նախագահ, ես` Էլնուր Ֆարզալիեւս, որպես Ադրբեջանի մի հայրենասեր զավակ եւ մարտիկ, ձեզ դիմելով ցանկանում եմ ասել, որ որպես հոգով սրտով, հայրենիքի հետ կապված հերոսություններով պատմություն գրող մի տոհմի ներկայացուցիչ, խիզախ մարտիկ, մահվան աչքերին ուղիղ նայելով հայրենիքի ամեն թիզի համար թշնամու դեմ հոգով-արյունով կռվել եմ։
Թշնամու սարսափ ուրվականը լինելու համար՝ թշնամին գլխիս համար բազմիցս մեծ պարգեւներ է խոստացել։ Ցուցաբերածս տղամարդկության ու հերոսության համար մեր համազգային առաջնորդ Հեյդար Ալիևի եւ գերագույն գլխավոր հրամանատար Իլհամ Ալիեւի կողմից պարգեւատրվել եմ մեդալներով։ Պատմության ընթացքում Ադրբեջանն ու Թուրքիան մի ազգ՝ երկու պետություն լինելով «մեր ընկերը ընկեր է, թշնամին էլ թշնամի» ասելով՝ ամուր ընկերական եւ եղբայրական հարաբերություններ են ձեւավորել։
Այսօր, որպես հետախուզության պահեստային մարտիկ, ցանկանում եմ ծառայել մեծ թուրքական բանակում, մեր թուրք մարտիկների մոտ լինել, նրանց հետ միասին թշնամու դեմ կռվել։ Տա Ալլահ, որ այս բարձր պատվին արժանանամ՝ սպասելով դիմումիս դրական պատասխանին։ Կանխավ շնորհակալ եմ.. »
Ֆարզալիեւի դիմումը կապված չէ հայրենասիրության, կամ էլ ոնց ինքն է գրել «մի ազգ՝ երկու պետություն», «մեր ընկերը ընկեր է, թշնամին էլ թշնամի» կարգախոսների հետ։ Ադրբեջանի իշխանությունները հանցագործին պարզապես օգտագործել եւ դեն են շպրտել, իսկ նա ստիպված ապաստան է խնդրում Թուրքիայից։ Այն, որ ընտանիքը գտնվում է սոցիալապես ծանր վիճակում եւ որ ադրբեջանական իշխանությունները շարունակական արհամարանք են ցուցաբերում նրա նկատմամբ, Ֆարզալիեւն օրեր առաջ հայտնել է ադրբեջանական APA լրատվական գործակալությանը տված հարցազրույցի ժամանակ։
Կարծում եմ, որ Էրդողանը չի մերժելու Ֆարզալիեւին, քանի որ Սիրիայում թուրքական բանակը մեծ հաճույքով է օգտվելու նրա «ծառայություններից», չնայած վերջում «օգտագործվածը» կրկին դեն է շպրտվելու...

Նյութի աղբյուր՝ https://www.facebook.com/photo.php?fbid=219193378925572&set=a.100635750781336.1073741828.100025047330722&type=3&theater

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին