Իրանի նախագահ Հասան Ռուհանին կմեկնի Նյու Յորք՝ մասնակցելու ՄԱԿ-ի ԳԱ 72-րդ նստաշրջանին

Загрузка...

Իրանի նախագահ Հասան Ռուհանին կմեկնի Նյու Յորք՝ մասնակցելու ՄԱԿ-ի ԳԱ 72-րդ նստաշրջանին: Պաշտոնական հաղորդագրության համաձայն՝ Ռուհանիի նյույորքյան այցը կլինի կարճատև, բայց հագեցած:
Իրանի նախագահները ՄԱԿ-ի ամբիոնը լավագույնս օգտագործել են ԻԻՀ արտաքին քաղաքական առաջնահերթությունները ներկայացնելու և միջազգային հանրության առջև նոր առաջարկություններով հանդես գալու համար, ինչպես նաև նմանատիպ միջազգային կարևորագույն համաժողը հարմար առիթ է ընձեռել, որպեսզի Իրանի նախագահները ոչ պաշտոնական հանդիպումներ ունենան հակառակորդ երկրների ղեկավարների հետ: 

Նյու Յորքում էր, որ իսլամական հեղափոխությունից ի վեր առաջին անգամ 2013թ. սեպտեմբերին տեղի ունեցավ Իրանի և Միացյալ Նահանգների նախագահներ Հասան Ռուհանիի և Բարաք Օբամայի պատմական հեռախոսազրույցը, որն էլ ի վերջո հանգեցրեց միջուկային համաձայնության: 

Հաշվի առնելով Իրանի և Միացյալ Նահանգների միջև առաջացած լարվածությունը և միջուկային համաձայնության կատարմանը սպառնացող վտանգները՝ ՄԱԿ-ի ԳԱ նստաշրջանը կարող է Իրանի և Միացյալ Նահանգների դիրքորոշումները ճշտելու, առկա լարվածությունը թուլացնելու հնարավորություն ընձեռել:

Նյութի աղբյուր՝ https://www.facebook.com/armen.israyelyan.9/posts/1498913743525961

Հեղինակ

Հեղինակի այլ գրառումներ

Մեկնաբանություններ

Загрузка...

ՖԲՀ

  • /uploads/photos/NzH8QgWUKbiazeJTSsd2.jpg

    Ամփոփվեց «ԱԽՈՒՐՅԱՆ» ԵՀԿ-ի կողմից իրականացվող «Մարտունակ երիտասարդ՝ հզոր բանակ» ռազմահայրենասիրական ծրագիրը: Ծրագրի շահառու՝ ՀՀ 10 մարզերից, Արցախից, Ջավախքից և Երևան քաղաքից, 16-18 տարեկան 40 երիտասարդները Շիրակի մարզի Թորոսգյուղի «Երեքնուկ» հանգստյան գոտում մասնակցեցին վրանային ճամբարին, որի ընթացքում ինտերակտիվ սեմինարների միջոցով ծանոթացան զինծառայությանն առնչվող բոլոր թեմաներին, հնարավորություն ստացան իրենց հուզող հարցերն ուղղել ոլորտի փորձագետներին: Մասնակիցների օրակարգը բացառապես զինվորական ծառայության հիման վրա էր կառուցված` իր մեջ ներառելով առողջ ապրելակերպի, զինվորական պատրաստակամության, ճանաչողության, հայոց պետականության պահպանման և հայրենասիրության տարրեր: Ճամբարի վերջին օրը մասնակիցներն այցելություններ կատարեցին ՀՀ ՊՆ ԶՈւ Գյումրի քաղաքում տեղակայված N զորամաս, որի արդյունքում հնարավորություն ունեցան պրակտիկորեն ծանոթանալու զինվորական առօրյային, և Ազատամարտի փառքի թանգարան, որտեղ երիտասարդներին ներկայացվեցին Արցախյան հերոսամարտում կռված հերոսներն ու հերոսուհիները, նրանց կատարած սխրանքները, հայոց բանակի հիմնադիրներն ու հիմնադրման պայմանները: Ծրագրի ավարտին երիտասարդներին հանձնվեցին ծրագրի մասնակցության հավաստագրերը:  Ծրագրի նպատակն է` երիտասարդների մեջ սերմանել հայրենասիրություն, ազգասիրություն՝ նպատակ ունենալով վերջիններիս շրջանում բարձրացնել հայկական բանակի հանդեպ հարգանքը, սերը և հայկական բանակում ծառայելու պատրաստակամությունը։  Ծրագիրն իրականացվեց ՀՀ Սպորտի և Երիտասարդության հարցերի նախարարության ֆինանսավորմամբ և  Հայաստանի, Վրաստանի, Ռուսաստանի և Արևելյան Եվրոպայի Հայ Կաթողիկե Առաջնորդարանի աջակցությամբ։

    Կարդալ ավելին

Քաղաքականություն