Գովազդի համար զանգահարել 099 999 409

Վրաստանի կառավարությունն այսօր որոշում կկայացնի «ԳԱԶՊՐՈՄ»-ի հարցում

Արդեն տասը օր է Հայաստանին՝ Վրաստանի տարածքով ռուսական գազ է մատակարարվում վրաց-ռուսական «գազային անհամաձայնության» պայմաններում: Թվում է, թե իրավիճակը վախեցնող է, բայց իրականում այդպես չէ, քանի որ նախկինում ևս նման իրավիճակ պատահել է, իսկ խնդիրը կայանում է նրանում, որ վրացական կողմն իր շահերն է առաջ մղում՝ հրաժարվելով 10 տոկոս տրանզիտային հումքային չափաբաժնի փոխարեն գումար ստանալ ռուսական ընկերությունից Հայաստան եկող գազի համար: Մինչ անցյալ տարեսկիզբ Վրաստանի էներգետիկայի նախարար Կ.Կալաձեն պնդում էր, որ իրենք ընդլայնելու են համագործակցությունը ռուսական կողմի հետ, քանզի ադրբեջանական «ՍՈԿԱՐ»-ը չի կարող ապահովել Վրաստանին անհրաժեշտ կապույտ վառելիքի լրացուցիչ ծավալը: Գարնանը, սակայն, ադրբեջանական կողմը, որն ամեն գնով փորձում էր ձախողել ռուս-վրացական հիշյալ բանակցությունները՝ նպատակ ունենալով էլ ավելի մեծացնել իր մոնոպոլ դիրքերը Վրաստանի գազապահովման տիրույթում, գայթակղիչ առաջարկ արեց վրացական կողմին՝ խոստանալով ոչ միայն գազի անհրաժեշտ ծավալների պակասը լրացնել, այլ նաև որոշակիորեն նվազեցնել նաև գները: Կնքվեց նույնիսկ պայմանագիր: Մինչ այս պահը, սակայն, պարզ չէ՝ արդյո՞ք ադրբեջանական կողմը կատարել է իր խոստումը, թե ոչ:

Փաստ է, սակայն, որ Վրաստանն անցյալ տարվա ընթացքում արդեն իսկ ավելացրել է Հայաստանի տարածքով իրանական գազի ներկրման ծավալները: Այդուհանդերձ, եթե հարցը դիտարկելու լինենք Կալաձեի հայտարարությունների բովանդակային փոփոխությունների տեսանկյունից, կարող ենք առանձնացնել մի հետաքրքիր հանգամանք, այն է՝ եթե վրաց-ադրբեջանական պայմանավորվածությունից հետո Կալաձեն այլևս նույն ոգևորությամբ չէր խոսում էներգետիկ ոլորտի դիվերսիֆիկացման անհրաժեշտության մասին և հայտարարում էր, որ իրենք կարիք չունեն ռուսական գազի ծավալների ավելացման, ապա նրա վերջին հայտարարություններից պարզ է դառնում, որ իրենք կրկին շահագրգռված են նշված ոլորտում այլընտրանքների ներգրավմամբ և դիվերսիֆիկացմամբ, ավելին՝ Կալաձեն չի բացառել, որ տրանզիտային 10 տոկոս հումքի փոխարեն իրենք կընդունեն գումարային հատուցման տարբերակը, եթե իհարկե Վրաստանին բաժին ընկնող օգուտի չափը դրանով չփոխվի:
Կրկին, փաստ է, որ մինչ օրս կողմերը չեն պայմանավորվել պայմանագրի երկարացման հարցի շուրջ:

Ի դեպ՝ Վրաստանի կառավարությունն այսօր պատրաստվում է որոշում կայացնել վերոնշյալ պայմանագրի հետ կապված:

Նյութի աղբյուր՝ https://www.facebook.com/alik.eroyants/posts/1075232125932572

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/XGNPHybjZr7dhjoMy7JS.jpg

    Ադրբեջանի բանակում խնդիրներ կան: Դա հասկանալու համար ինչ-որ հավաստի տեղեկություններ պետք չեն: Բավական է նայել փաստերին: Զորամասերից եկող տվյալների ամփոփման համաձայն՝ ոչ կանոնադրական հարաբերություններով պայմանավորված միջադեպերի քանակի ավելացման ֆոնին զորամասերից մեկում ծեծելով զինվոր են սպանում, արդյունքում այդ սպանվածը հռչակվում է հերոս, իսկ նրա ընտանիքը որպես պարգև ստանում է բնակարան: 9 օր առաջ Զաքիր Հասանովը կոլեգիալ նիստ է հրավիրում իր մոտ, որին մասնակցում են կորպուսների ու զորամասերի հրամանատարները, ովքեր խիստ հանձնարարական են ստանում հետևել բարոյահոգեբանական վիճակին: Ահա այսօր Զաքիրը նորից մեկնում է առաջնագիծ՝ ծանոթանալու անձնակազմի ծառայությանը: Նրան զեկուցում են, պատվում, հարգում են, ինքն էլ կանգնում, ոգևորիչ ճառ է ունենում զինվորների առաջ: Եթե տեղեկատվության միջից մաքրում ենք պաթետիզմը, ստացվում է, որ խնդիրը լուրջ է, իսկ Զաքիրը իր՝ կինեմատոգրաֆիայի նկատմամբ ունեցած թուլությամբ թերևս ապացուցել է, որ հարց լուծող չէ, այլ իր մոտ շատ լավ է ստացվում խնդիրը դիմափոշու միջոցով ծածկելը, ինչը Ադրբեջանում թե՛ հանրության և թե՛ իշխանության մոտ ընդունելի ու աշխատող տարբերակ է: Մենք էլ ենթադրում ենք, որ բանակի բարոյահոգեբանական վիճակն այնքան էլ չի հուզում ռազմական ղեկավարությանը, այլ դրա պատճառով արված ծախսերն են ավելի խնդրահարույց: Այլ կերպ ասած՝ ոչ թե անհանգիստ են, որ զինվոր կամ զինվորներ են մահանում թիկունքում, ոչ առաջնագծում, այլ անհանգիստ են, որ այդ մահացած զինվորին պետք է ինչ-որ կերպ տեղավորեն, որ դրա պատճառով մնացած այլ կեղտերը չբացահայտվեն, և ինչպես տեսնում ենք, դա բնակարան է արժենում, ինչը Բաքվի շուկայական պարզ հարաբերության տեսանկյունից թանկ է մի զինվորի համեմատ: Նյութի աղբյուր՝ https://www.facebook.com/vahagnavan/posts/1602630949777339

    Կարդալ ավելին