Գովազդի համար զանգահարել 099 999 409

Կիսատ...

Քեզ չուղարկված նամակները փոշոտվել են արդեն, ու թղթին հատուկ հնության հոտ ունեն...
Անհասցե տառեր են, որ ամեն բառից կաթում ես, բայց այդ տուփում նրանք փոշոտվում են առանց քո մատների...
Քո նվիրած ծաղկից բորբոսներ են կախվել, բայց նամակներիս պես չի հնացել, կիսակոկոն փռվել է տուփի մեջ ու ամեն օր հիշեցնում է ինձ այն օրը ու մեզ համար բացված այդ արևը, անձրևն ու անձրևանոցը, որ ձեռումդ էր, մեծ ու գեղեցիկ ձեռքերումդ, որ այդքան քիչ ինձ գրկեցին...
Քո ասած բոլոր բառերը աշխարհի ինձ բաժին հասած օդի հետ ձուլվել է ու ամեն վայրկյան շնչել է տալիս իրեն...
Քո ամեն ծիծաղից երջանկություն եմ ապրել, և որտե՞ղ է այսօր այդ երջանկությունը՝ ուրիշ ձեռքերում, գուցե լքված, մենակ, սպասում է գուցե...
Քեզ ուղարկված բոլոր կարոտները պատուհանիցդ ներս չեկան.. քեզ ուղարկած ոչ մի սիրո կաթիլը չդիպչեց այտերիդ այնքան նուրբ, որքան կարող էի նրբոտել այտերդ ես...
Քեզ հասցեագրված համբույները, որ ոչ մի նամակով պատմել չէր լինի, այդպես էլ չծնվեցին, չապրեցին նրանք, չապրեցի՜ն...

Նյութի աղբյուր` https://www.facebook.com/SevnarAghajanyan/posts/896658287142597

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/XGNPHybjZr7dhjoMy7JS.jpg

    Ադրբեջանի բանակում խնդիրներ կան: Դա հասկանալու համար ինչ-որ հավաստի տեղեկություններ պետք չեն: Բավական է նայել փաստերին: Զորամասերից եկող տվյալների ամփոփման համաձայն՝ ոչ կանոնադրական հարաբերություններով պայմանավորված միջադեպերի քանակի ավելացման ֆոնին զորամասերից մեկում ծեծելով զինվոր են սպանում, արդյունքում այդ սպանվածը հռչակվում է հերոս, իսկ նրա ընտանիքը որպես պարգև ստանում է բնակարան: 9 օր առաջ Զաքիր Հասանովը կոլեգիալ նիստ է հրավիրում իր մոտ, որին մասնակցում են կորպուսների ու զորամասերի հրամանատարները, ովքեր խիստ հանձնարարական են ստանում հետևել բարոյահոգեբանական վիճակին: Ահա այսօր Զաքիրը նորից մեկնում է առաջնագիծ՝ ծանոթանալու անձնակազմի ծառայությանը: Նրան զեկուցում են, պատվում, հարգում են, ինքն էլ կանգնում, ոգևորիչ ճառ է ունենում զինվորների առաջ: Եթե տեղեկատվության միջից մաքրում ենք պաթետիզմը, ստացվում է, որ խնդիրը լուրջ է, իսկ Զաքիրը իր՝ կինեմատոգրաֆիայի նկատմամբ ունեցած թուլությամբ թերևս ապացուցել է, որ հարց լուծող չէ, այլ իր մոտ շատ լավ է ստացվում խնդիրը դիմափոշու միջոցով ծածկելը, ինչը Ադրբեջանում թե՛ հանրության և թե՛ իշխանության մոտ ընդունելի ու աշխատող տարբերակ է: Մենք էլ ենթադրում ենք, որ բանակի բարոյահոգեբանական վիճակն այնքան էլ չի հուզում ռազմական ղեկավարությանը, այլ դրա պատճառով արված ծախսերն են ավելի խնդրահարույց: Այլ կերպ ասած՝ ոչ թե անհանգիստ են, որ զինվոր կամ զինվորներ են մահանում թիկունքում, ոչ առաջնագծում, այլ անհանգիստ են, որ այդ մահացած զինվորին պետք է ինչ-որ կերպ տեղավորեն, որ դրա պատճառով մնացած այլ կեղտերը չբացահայտվեն, և ինչպես տեսնում ենք, դա բնակարան է արժենում, ինչը Բաքվի շուկայական պարզ հարաբերության տեսանկյունից թանկ է մի զինվորի համեմատ: Նյութի աղբյուր՝ https://www.facebook.com/vahagnavan/posts/1602630949777339

    Կարդալ ավելին