Գովազդի համար զանգահարել 099 999 409

Էրդողանի «նախիջևանյան» հայտարարությունը ցնծություն է առաջացրել Բաքվում

Թուրքիայի նախագահ Ռ.Էրդողանի հայտարարությունը,որ Թուրքիայի անվտանգությունը սկսվում է ոչ թե երկրի սահմաններից,այլ Նախիջևանից,Բաթումից,Բալկաններից և Հալեպից մեծ ցնծություն է առաջացրել մեր արևելյան հարևանների մոտ...Բաքվում փորձում են կռահել,թե ինչու՞ է Էրդողանն իր այս հայտարարության մեջ օգտագործել "Նախիջևան" եզրույթը և մեկնաբանում են այն...
Ազերիները բոլորին հիշեցնում են,որ Էրդողանի հայտարարության հիմքում ընկած է ռուսների և թուրքերի միջև 1921 թ-ի հոկտեմբերի 13-ին ստորագրված Կարսի պայմանագրի կետերից մեկը,որն ըստ ադրբեջանցիների "միջազգային-իրավական երաշխիքներ" է ապահովում Նախիջևանի Ադրբեջանի կազմում լինելու համար...
Իր տգիտությամբ և անհոդաբաշխ մեկնաբանություններով հայտնի ազերի երեսփոխան Զահիդ Օրուջը ադրբեջանական կայքերից մեկին մեկնաբանելով Էրդողանի հայտարարությունը ասել է,որ Հայասատանը մշտապես սպառնում է Նախիջևանին և Էրդողանն այս հայտարարությամբ հասկացրել է Երևանին,որ չի հրաժարվելու իր պարտականություններից այդ երկրամասի անվտանգության ապահովման երաշխավորրը լինելուց...Օրուջը նաև առաջարկել է Էրդողանին իր հայտարարության մեջ նշել նաև Ղարաբաղը...
Գրեթե նույն "բովանդակությամբ" է մեկնաբանել Էրդողանի հայտարարությունը թուրք քաղաքագետ և լրագրող Բյուլենթ Էրենթաջը...

Հետաքրքիրն այն է,որ Հայաստանում ոչ ոք,գոնե վերջին տարիներին,չի սպառնացել Նախիջանին...Այդ "սպառնալիքների" մասին երևի տեղյակ են Բաքվում և Անկարայում,որոնք ինչ-որ սադրանքեր են նախապատրաստում Հայաստանի դեմ կամ էլ հիմքեր են նախապատրաստում,որ թուրքական զորքերը "օրինական" հայտնվեն Նախիջևանում...Պատահական չեմ համարում Էրդողանի այս հայտարարությունը,որում նա հատուկ նշեց Նախիջևանը...Թուրքիայի բռնապետը մինչ այս հայտարարում էր,որ Մոսուլը և Հալեպը ևս թուրքական են,որտեղ շատ արագ հայտնվում էին թուրքական զորքերը...
Ադրբեջանցի և թուրք կեղծարարները Կարսի պայմանագիրը փորձում են ներկայացնել որպես միջազգային-իրավական փաստաթուղթ,այնինչ այն հասարակ թղթի կտոր է...Կարսի պայմանագիրը վավեր է միայն Ռուսաստանի և Թուրքիայի համար...Իսկ միջազգային հանրությունն այն չի ճանաչում որպես իրավական փաստաթուղթ,քանի որ 1921 թ-ին նույն այդ միջազգային հանրությունը ՉԷՐ ՃԱՆԱՉՈՒՄ բոլշևիկների իշխանությունը Ռուսաստանում և քեմալականների իշխանությունը Թուրքիայում որպես լեգիտիմ իշխանություն,ինչպես նաև այդ պայմանագիրը ստորագրած Հայաստանի,Վրաստանի և Ադրբեջանի բոլշևիկների իշխանությունները,որոնք համարվում էին Ռուսաստանյան Բոլշևիկյան կուսակցության մասնաճյուղները Հարավային Կովկասում...

Այդ,ինչպես նաև Մոսկվայի պայմանագիրը իրավական ոչ մի ուժ չունեն...Այդ պայմանագրերը ժամանակին ստորագրվել են երկու "իզգոյների"՝Ռուսաստանի և Թուրքիայի միջև և ժամանակն է,որ հիմա Հայաստանը ջանքեր գործադրի դրանք չեղյալ հայտարարելու համար՝անտեսելով բոլոր ճնշումները Մոսկվայից... Ռուս-թուրքական "ֆլիրտը" շարունակվում է,և Անկարայում ՌԴ դեսպան Կառլովի սպանությունից հետ այն ավելի է խորացել...Իսկ թուրքերը շատ լավ գիտեն,որ երբ "հաճույքից" Մոսկվան "գլուխը կորցնում" է, նրանից կարելի է ավելին ստանալ,ինչպես դա եղավ 1921 թ-ին...Սակայն Մոսկվան այդ թուրքական կասկածելի "հաճույքի" դիմաց վարձահատույց է լինում ուրիշների հաշվին...
Էրդողանի կարծիքով հիմա իր և Պուտինի "ֆլիրտը" այնքան է խորացել,որ կարելի է հիշել Նախիջևանի մասին...Խայծը գցված է...Անկարայում հիմա սպասելու են Կրեմլի արձագանքին...

Հ.Գ.Շատ լավ առիթ է ընձեռվել,որ պաշտոնական Երևանը որևէ ձևաչափով կրկին բարձրաձայնի այդ պայամանագրերի ոչ լեգիտիմության մասին...

Նյութի աղբյուր` https://www.facebook.com/gagik.hambaryan/posts/1229687630448517

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/Pcqc2r4IchH1WEBl20ci.jpg

    Բելառուսա-ադրբեջանական համատեղ «Լապշին» օպերացիան պարտություն էր երկու երկրների համար:  Այսպես՝ Ադրբեջանում լրջորեն հավատում են, որ լրագրողի ու բլոգերի դեմ արշավ իրականացնելով հասարակական կարծիքի նկատմամբ կարող է ունենալ տոտալ վերահսկողություն և, ունենալով քիչ թե շատ հաջողություն իր երկրի ներսում, Ադրբեջանը փորձեց այդ նույնը կիրառել ավելի մեծ միջավայրում՝ դուրս գալով միջազգային ասպարեզ: Արդյունքում ունեցանք Լապշինի դեպքը: Թե ինչպես արձագանքեց քաղաքակիրթ աշխարհը այդ երևույթին, բոլորին հայտնի է: Բնականաբար, Ադրբեջանը բոլոր տեղեկատվական տիրույթներում չէր դադարում շրջանառել ու շարունակ պտտեցնել իր «սկզբունքներին դեմ գնացած» մի «փոքրիկ բլոգերի» (նկատի ունեմ մի բլոգերը մի ամբողջ երկրի համեմատ) բերման ենթարկելու դեպքը: Ծիծաղելի է, սակայն փաստ, քանի որ Ադրբեջանը լրջորեն պատրաստվել էր այդ բեմականացմանը: Նպատակը մեկն էր՝ այ թե ինչ կլինի յուրաքանչյուրի հետ, ով կայցելի Արցախ: Այստեղ ևս ի դերև ելան Ադրբեջանի հաշվարկները՝ ոչ թե նվազեցին, այլ ավելացան դեպի Արցախ այցելությունները, ավելացավ Արցախի նկատմամբ հետաքրքրությունը. Ստեփանակերտում կազմակերպված ֆորումը դրա վառ ապացույցն է: Հանուն արդարության պետք է նշենք, որ բազմաթիվ է բլոգերների ու լրագրողների այն բանակը, որոնք թքած ունեն Ադրբեջանի սև ցուցակների ու Արցախ այցելելու նկատմամբ ադրբեջանական դիրքորոշման վրա: Բլոգերների այցը Արցախ այս տեսանկյունից արդեն նշանակում է Ադրբեջանի պարտություն: Արցախ ժամանած բլոգերների այցն ավարտվեց: Նրանց ոգևորությունն ու անթաքույց սերն առ Արցախ շուտով կարտացոլվեն իրենց հեղինակած հոդվածներում: Պետք է փաստենք, որ ադրբեջանական մեդիատիրույթում պանիկայի տպավորություն էին թողնում Արցախ այցելած բլոգերների ֆորումի վերաբերյալ նյութերը: Քանզի այն էֆեկտը, որ ակնկալում էր Բաքվի ղեկավարությունը ոչ թե չիրականացավ, այլ հակառակը տեղի ունեցավ: Կարող ենք պայմանականորեն անվանել «Լապշինի էֆեկտ»:  Աշխարհը հասկանում է, որ այդ սև ցուցակներն ու բռնության ոգով հռետորաբանությունն ու գործողությունները, որոնք կիրառվում է Արցախ այցելած արտասահմանցիների նկատմամբ, Ադրբեջանին տանում է դեպի մարգինալացում, այլ կերպ ասած՝ քաղաքակիրթ աշխարհը հասկանալով մերժում է Ադրբեջանի հակաքաղաքակրթական գործողությունները: Բլոգերներն ապացուցեցին դա: Ինչպես Ադրբեջան պետությունն է հնարովի, այնպես էլ նրա գործողությունները: Ադրբեջանում հնարովի է ամեն ինչ՝ պատմությունից սկսած մինչև Մեհրիբան Ալիևայի հավատարմությունը: Ու այս ամենը նշանակում է, որ Ադրբեջանում ցանկացած գործողություն միտված է մի բանի՝ քարոզչություն անելուն, որպեսզի ապացուցեն, որ իրենք հնարովի չեն, որ իրենք ուժեղ են, որ իրենք չեն պարտվել, որ իրենք ազգ են, սակայն չի ստացվում: Հոգեբաններն այս դրսևորումն անվանում են չկայացվածության բարդույթ: Ադրբեջանը չկայացվածության բարդույթ ունի: Նյութի աղբյուր՝ https://www.facebook.com/vahagnavan/posts/1601141036592997

    Կարդալ ավելին