Գովազդի համար զանգահարել 099 999 409

Հայաստանի ազգային հերոս. «Այո՛, վաճառում ենք Ադրբեջանին զենք, և ի՞նչ...»

Հայաստանի ազգային հերոս. «Այո՛, վաճառում ենք Ադրբեջանին զենք, և ի՞նչ...»

ՌԴ Դաշնային խորհրդի անդամ, Հայաստանի ազգային հերոս Նիկոլայ Ռիժկովն ԱԺ-ում լրագրողների հարցերին պատասխանելիս անդրադարձել է ՌԴ-ի կողմից Ադրբեջանին միլիարդավոր դոլարի զենք վաճառելուն, որին շատ տարօրինակ պատասխան է տվել. «Դա հին հարց է։ Այո՛, զենք է վաճառում, և ի՞նչ։ Դա չի նշանակում, որ մենք դիտմամբ զենք ենք վաճառում, որպեսզի կռիվ լինի»,- ասել է մեր երկրի ազգային հերոսը։
Իսկ որպեսզի ազերիներին զենք չվաճառեն, Ռիժկովը խորհուրդ է տվել արագ լուծել ղարաբաղյան կոնֆլիկտը։

Ռուսաստանցի օրենսդիրը կրկին փորձում է մեզ համոզել, որ Ադրբեջանին զենք վաճառելն ընդամենը բիզնես է և Մոսկվայի կողմից հակահայկական քայլ չէ։ Ռիժկովի կարծիքով՝ Մինսկի խմբի համանախագահներից ամենախելացին ռուսներն են, քանի որ մյուս երկուսը՝ ԱՄՆ-ն և Ֆրանսիան, չեն «հասկանում», որ կարելի է գումար աշխատել և զենք վաճառել հայերին և ադրբեջանցիներին։ Հիշեցնեմ, որ պաշտոնական Փարիզը և Վաշինգտոնը զենք չեն վաճառում Արցախյան հակամարտության կողմերից ոչ մեկին։ Ռիժկովն ակամայից ընդունում է, որ հենց իրենց կողմից ազերիներին վաճառված զենքն է, որ հրահրում է Բաքվին նոր պատերազմ սանձազերծել Արցախյան հակամարտության գոտում։ Իսկ վերջում Հյաստանի ազգային հերոսը դիմում է տարրական շանտաժի՝ կլուծեք ղարաբաղյան կոնֆլիկտը, էլ զենք չենք վաճառի Բաքվին։ Այսինքն, եթե չլուծվի, ապա, ըստ Ռիժկովի, Մոսկվան կշարունակի սպառազինությունների մրցավազքը տարածաշրջանում՝ միլիարդավոր դոլլարների զենք վաճառելով թե՛ մեզ, թե՛ թուրքերին։

Ռիժկովի այս հայտարարությունն ապացուցում է, որ ԱԶԳԱՅԻՆ ՀԵՐՈՍԻ կոչում շնորհելուց առաջ պետք է շատ երկար մտածել և նոր այն տրամադրել։
Ռիժկովը որքան էլ «սիրի» մեր երկիրը, ամենից առաջ կմտածի իր հայրենիքի՝ Ռուսաստանի շահերի մասին, որոնք շատ դեպերում չեն համընկնում մեր շահերի հետ։ Այս պարագայում Ն. Ռիժկովի նման մոտեցումը ուժեղացնում է մեր թշնամուն և թուլացնում է այն երկիրը՝ Հայաստանը, որի ազգային հերոսն է հենց ինքը՝ Ռիժկովը...

Նյութի աղբյուր՝ https://www.facebook.com/gagik.hambaryan/posts/1167767213307226

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/Pcqc2r4IchH1WEBl20ci.jpg

    Բելառուսա-ադրբեջանական համատեղ «Լապշին» օպերացիան պարտություն էր երկու երկրների համար:  Այսպես՝ Ադրբեջանում լրջորեն հավատում են, որ լրագրողի ու բլոգերի դեմ արշավ իրականացնելով հասարակական կարծիքի նկատմամբ կարող է ունենալ տոտալ վերահսկողություն և, ունենալով քիչ թե շատ հաջողություն իր երկրի ներսում, Ադրբեջանը փորձեց այդ նույնը կիրառել ավելի մեծ միջավայրում՝ դուրս գալով միջազգային ասպարեզ: Արդյունքում ունեցանք Լապշինի դեպքը: Թե ինչպես արձագանքեց քաղաքակիրթ աշխարհը այդ երևույթին, բոլորին հայտնի է: Բնականաբար, Ադրբեջանը բոլոր տեղեկատվական տիրույթներում չէր դադարում շրջանառել ու շարունակ պտտեցնել իր «սկզբունքներին դեմ գնացած» մի «փոքրիկ բլոգերի» (նկատի ունեմ մի բլոգերը մի ամբողջ երկրի համեմատ) բերման ենթարկելու դեպքը: Ծիծաղելի է, սակայն փաստ, քանի որ Ադրբեջանը լրջորեն պատրաստվել էր այդ բեմականացմանը: Նպատակը մեկն էր՝ այ թե ինչ կլինի յուրաքանչյուրի հետ, ով կայցելի Արցախ: Այստեղ ևս ի դերև ելան Ադրբեջանի հաշվարկները՝ ոչ թե նվազեցին, այլ ավելացան դեպի Արցախ այցելությունները, ավելացավ Արցախի նկատմամբ հետաքրքրությունը. Ստեփանակերտում կազմակերպված ֆորումը դրա վառ ապացույցն է: Հանուն արդարության պետք է նշենք, որ բազմաթիվ է բլոգերների ու լրագրողների այն բանակը, որոնք թքած ունեն Ադրբեջանի սև ցուցակների ու Արցախ այցելելու նկատմամբ ադրբեջանական դիրքորոշման վրա: Բլոգերների այցը Արցախ այս տեսանկյունից արդեն նշանակում է Ադրբեջանի պարտություն: Արցախ ժամանած բլոգերների այցն ավարտվեց: Նրանց ոգևորությունն ու անթաքույց սերն առ Արցախ շուտով կարտացոլվեն իրենց հեղինակած հոդվածներում: Պետք է փաստենք, որ ադրբեջանական մեդիատիրույթում պանիկայի տպավորություն էին թողնում Արցախ այցելած բլոգերների ֆորումի վերաբերյալ նյութերը: Քանզի այն էֆեկտը, որ ակնկալում էր Բաքվի ղեկավարությունը ոչ թե չիրականացավ, այլ հակառակը տեղի ունեցավ: Կարող ենք պայմանականորեն անվանել «Լապշինի էֆեկտ»:  Աշխարհը հասկանում է, որ այդ սև ցուցակներն ու բռնության ոգով հռետորաբանությունն ու գործողությունները, որոնք կիրառվում է Արցախ այցելած արտասահմանցիների նկատմամբ, Ադրբեջանին տանում է դեպի մարգինալացում, այլ կերպ ասած՝ քաղաքակիրթ աշխարհը հասկանալով մերժում է Ադրբեջանի հակաքաղաքակրթական գործողությունները: Բլոգերներն ապացուցեցին դա: Ինչպես Ադրբեջան պետությունն է հնարովի, այնպես էլ նրա գործողությունները: Ադրբեջանում հնարովի է ամեն ինչ՝ պատմությունից սկսած մինչև Մեհրիբան Ալիևայի հավատարմությունը: Ու այս ամենը նշանակում է, որ Ադրբեջանում ցանկացած գործողություն միտված է մի բանի՝ քարոզչություն անելուն, որպեսզի ապացուցեն, որ իրենք հնարովի չեն, որ իրենք ուժեղ են, որ իրենք չեն պարտվել, որ իրենք ազգ են, սակայն չի ստացվում: Հոգեբաններն այս դրսևորումն անվանում են չկայացվածության բարդույթ: Ադրբեջանը չկայացվածության բարդույթ ունի: Նյութի աղբյուր՝ https://www.facebook.com/vahagnavan/posts/1601141036592997

    Կարդալ ավելին