Ճնշված ժողովրդին կառավարելը հեշտ է, բայց ճնշված ժողովուրդը վաղը ճնշված զինվոր է լիելու

Ճնշված ժողովրդին կառավարելը հեշտ է, բայց ճնշված ժողովուրդը վաղը ճնշված զինվոր է լիելու: Երբ երկիրդ գտնվում է պատերազմի մեջ, ապա ամենաառաջինը պետք է մտածես ազգիդ մարտունակության մասին: Ամեն առիթով մեծ ու փոքր ծեծելով, վախեցնելով ու դատելով, հաստատ մի օր մենակ ես մնալու իրական թշնամու դեմ:

Այսքան ծեծ ու ջարդից հետո, եթե վաղը հայ երիտասարդը սահման չբարձրանա, թքի բոլորիդ վրա ու գնա արտասահման , բա ո՞վ է պահելու երկրի սահմանները: Միշտ պատերազմի վերսկսմամբ վախեցնում եք ժողովրդին, բայց դուք պատերազմից չե՞ք վախենում: Ախր վաղը մենակ եք մնալու , մարդ չի գալու հետներդ խրամատ մտնի , ու չեկող ոչ մեկ իրավունք չունի մեղադրի: Դուք մեզ ծեծեք, մենք ձեզ պաշտպանե՞նք:

Մի քանի օր առաջ զոհված ոստիկանի ընտանիքը ծանր ֆինանսական խնդիրների մեջ է: Պետությունը նույնիսկ չի կարողանում իր համար կյանք տված երիտասարդի ընտանիքին ապահովի ու նորից ընկնում է ժողովրդի ոտքերը , որպեսզի գումար հավաքեն: Աչքը հանած տղայի ծնողն է գումար փոխանցելու, թե՞ վիրավորներն ու ձերբակալվածները: Եթե պետությունը մեկ ոստիկանի ընտանիք չի կարողանում պահի, բա մնացած բնակչությանը ո՞նց պետքա պահի:

Մի տարօրինակ բան էլ է կատարվում: Ոստիկանը կամ այլ պաշտոնյան, եթե մի սխալ բան է անում ու բացահայտվում է, ապա բավարարվում ենք նրան աշխանատքից հեռացնելով: Այ քեզ բան: Հիմա Սասնա Ծռերը , որ ներողություն խնդրեն իրենց բանտից կազատե՞ք: Վերջին շրջանում մեկը եղե՞լ է , որ իրա արածների համար պատասխանատվության ենթարկվի, բացի աշխատանքից ազատվելը:

Նյութի աղբյուր՝ https://www.facebook.com/ashot.asatryan.7549/posts/1044992525549483

Հեղինակ

Հեղինակի այլ գրառումներ

Մեկնաբանություններ

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին