Ղալաթը մնաց «օդում կախված»

Загрузка...

Երեկվանից ամբողջ համացանցն ու լրատվական դաշտը ցնցված էր ԼՂՀ ԱԺ պատգամավոր Հայկ Խանումյանին ծեծի ենթարկելու փաստից: Հնչեցին տարբեր մեկնաբանություններ: Շատերը քննադատեցին եղելությունը: Երեկ երեկոյան անսպասելի հայտարարություն էր արել նաև օրերս ԼՂՀ ժամանակ Սամվել Բաբայանը, ում ԼՂՀ Պնախարար նշանակելու պահանջի բարձրացման արդյունքում էր, որ Հ. Խանումյանը ենթարկվեց բռնության:

Ս. Բաբայանն իր հայտարարության մեջ նշել էր. «Ղալաթ է արել Հայկ Խանումյանը, որ իմ թեկնածությունն է առաջադրել ԼՂՀ պաշտպանության նախարարի պաշտոնում»: Դրանով՝ հերիք չէ Խանումյանը հայտնվել էր ծեծված ջարդված վիճակում, մի կոշտ հարված էլ ստացավ Ս. Բաբայանից, հայտնվելով «քցվածի» կարգավիճակում:

Որևէ մեկի համար կասկած չի հարուցում այն հանգամանքը, որ Հ. Խանումյանի այդ ակտիվությունն ու քայլերը պայմանավորված և մանրամասնորեն մշակված էին Ս. Բաբայանի հետ: Այս ամենից հետո հետաքրքիր էր, թե ինչպես են դասավորվելու Խանումյանի ու Բաբայանի հարաբերությունները, ովքեր ամիսներ շարունակ միասին ծրագրել էին այս քաղաքական պրոեկտը, սակայն Բաբայանը Խանումյանին հանձնեց այդքան արագ, առանց որևէ «ճակատամարտ» տալու: Ի զարման շատերի, Խանումյանը ոչ միայն ադեկվատ չարձագանքեզ Ս. Բաբայանի՝ իրեն հասցված այդ հարվածին, այլև մի բան էլ շարունակեց պաշտպանել նրան, նշելով. «Պարոն Բաբայանի ասածով չէր, որ մենք առաջադրում էինք նրան պաշտպանության նախարարի պաշտոնում, դա հասարակության, մեր ընտրողների պահանջն էր, որը մենք ձևակերպել և ներկայացրել ենք»:

Սա մի տեսակ նման է անսկզբունքային քաղաքական գործչի պահվածքի, ով դաշնակցի կողմից հարվածներ ստանալուց հետո էլ շարունակում է պաշտպանել նրա շահերը: Անհասկանալի է՝ ինչպիսի շահերով են փոխկապակցված Բաբայանն ու Խանումյանը, որ նրանց դաշինքը միմյանց «քցելուց» հետո էլ չի քայքայվում:

Նյութի աղբյուր՝ https://web.facebook.com/tigranuhi.davtyan.7/posts/1645461535778871

Հեղինակ

Հեղինակի այլ գրառումներ

Մեկնաբանություններ

Загрузка...

ՖԲՀ

  • /uploads/photos/T2YlVukG5AqmxDOBLom4.jpg

    1920-ի սկզբից սկսվեց Հայաստանի 1-ին Հանրապետության միջազգային ճանաչման նոր շրջանը: Հունվարի 19-ին Փարիզի խորհրդաժողովում Անտանտի դաշինքի երկրների Գերագույն խորհուրդը (ներկայիս Եվրամիության նախատիպը) դե ֆակտո և դե յուրե պաշտոնապես ճանաչեց Հայաստանի Հանրապետության անկախությունը Հայաստանի գերակայության տակ գտնվող տարածքներում: Մեր երկրի պետական սահմաններն այդ պահին ընդգրկում էին նախկին Ռուսական կայսրության Երևանի նահանգի (ներառյալ Նախիջևանի մարզը և Իգդիրի շրջանը) և Կարսի մարզի (ներառյալ Կարս, Սարիղամիշ, Արդահան քաղաքները) վարչական սահմաններն ամբողջությամբ՝ 60 հազար քառակուսի կիլոմետրից ավելի տարածք: Նշենք նաև, որ բացարձակապես գերակշռող հայկական բնակչություն ունեցող Սյունիքն ու Արցախն այդ պահին դե ֆակտո հայկական անկախ ինքնավարությունների կարգավիճակներ ունեին, և նրանց դե յուրե Հայաստանին միանալը ընդամենը մոտակա ժամանակի հարց էր հանդիսանում: Հայաստանի Հանրապետության պառլամենտն Անտանտի դաշինքի երկրների Գերագույն խորհրդի այդ որոշման կապակցությամբ Հայաստանի մայրաքաղաք Երևանում 1920-ի հունվարի 25-ին հրավիրեց հանդիսավոր նիստ, որտեղ նախ կարդացվեց եվրոպական երկրների պաշտոնական ուղերձը՝ ուղղված անկախ Հայաստանի ժողովրդին, որից հետո ելույթ ունեցան պառլամենտի պատգամավորները: Ներկայացնենք մի հատված Սիմոն Վրացյանի ելույթից, որի դրույթները, կարծում եմ, զարմանալիորեն արդի են այսօրվա համար. «Մենք հասել ենք վերջին հանգրվանին: Այն, ինչ որ հայ ժողովուրդը ձևակերպել է իբրև անխախտ կամք, սկսում է իրականանալ: Ազատ Հայաստանը այլևս փաստ է ոչ միայն մեզ, այլև ուրիշների համար: Այն, ինչ որ հայ աշխատավորությունն իր արյան գնով է նվաճել, ընդունում և հաստատում են նրանք, որոնց ձեռքին է գտնվում այսօր աշխարհի ղեկը, և ավելի մեծ սիրով նրանք, որոնց պիտի անցնի վաղը պատմության ղեկավարությունը: Եվ եթե մինչև այժմ մեզնից պահանջվել է հեղափոխական եռանդ և անձնազոհություն, ապա այսուհետև մենք պետք է ցուցահանենք քաղաքական հասունություն ու պետական շինարարության կարողություն: Կյանքը մեր առջև դնելու է նոր պահաջներ և մեզանից է կախված մեր չափով անկախ Հայաստանի բարիք կամ չարիք դառնալը հայ ժողովրդի համար: Ես հավատում եմ, որ անկախ Հայաստանը չի փակվի նեղ պատյանի մեջ, և հայ դեմոկրատիան հավասար մեկ անդամը կլինի համաշխարհային ազատ դեմոկրատիայի ընդհանուր ընտանիքում»: Նյութի աղբյուր՝ https://www.facebook.com/photo.php?fbid=1512476025533591&set=a.500519483395922.1073741831.100003136245699&type=3

    Կարդալ ավելին

Քաղաքականություն