• Ֆուտբոլի աշխարհի ակումբային առաջնության մասնակից բոլոր թիմերի անունները հայտնի են:  Աշխարհի ակումբային առաջնությունում կմասնակցեն «Ռեալ»-ը (Իսպանիա, Եվրոպա), «Էսպերանս»-ը (Թունիս, Աֆրիկա), «Գվադալախարա» (Մեքսիկա, ԿՈՆԿԱԿԱՖ), «Կասիմա Անտլերս»-ը (Ճապոնիա, Ասիա), «Թիմ Վելինգտոն»-ը (Նոր Զելանդիա, Օվկիանիա) և «Ալ-Այն»-ը (ԱՄԷ, մրցաշարը հյուրընկալող թիմ): Այն կկայանա դեկտեմբերի 12-22-ը Արաբական Միացյալ Էմիրություններում: ...

    Կարդալ ավելին
  • Երևան-Կենտրոն» քրեակատարողական հիմնարկում գտնվող ՀՀ երկրորդ նախագահ Ռոբերտ Քոչարյանը չի մասնակցել Հայաստանում դեկտեմբերի 9-ին տեղի ունեցած Ազգային Ժողովի արտահերթ ընտրությունների քվեարկությանը: Այս մասին հայտնեց ՀՀ  արդարադատության  նախարարության  քրեակատարողական  վարչության  հանրային  կապերի  բաժնի  պետ  Նոնա  Նավիկյանը։ «ՌոբերտՔոչարյանըընտրությունների քվեարկությանըչիմասնակցել»,- ասաց Նավիկյանը։ ...

    Կարդալ ավելին
  • Շախմատի Հայաստանի տղամարդկանց թիմի առաջատար, աշխարհի գործող գավաթակիր Լևոն Արոնյանը մեկնարկում է Լոնդոնի միջազգային մրցաշարում: Մրցաշարի շրջանակներում անցկացվող ՖԻԴԵ Օփեն մրցաշարին կմասնակցեն Հայաստանի տղամարդկանց հավաքականի անդամ Հրանտ Մելքումյանը, կանանց հավաքականի անդամ Սիրանուշ Ղուկասյանը և ՖԻԴԵ-ի վարպետ Դավիթ Միրզոյանը: Մրցաշարի մրցանակային ֆոնդը կազմում է 300 հազար: Այն անցկացվում է նոկաուտ մրցակարգով` պարտվողը դուրս է մնում հետագա պայքարից: ...

    Կարդալ ավելին
  • ՀՀ երկրորդ նախագահ Ռոբերտ Քոչարյանը դիմելու է Մարդու իրավունքների եվրոպական դատարան: Այս մասին լրագրողների հետ զրույցում նշեց Քոչարյանի պաշտպան Հայկ Ալումյանը՝ ներկայացնելով իրենց առաջիկա քայլերն այն բանից հետո, երբ ՀՀ վերաքննիչ դատարանը դեկտեմբերի 7-ին վճռել էր ՀՀ երկրորդ նախագահ Ռոբերտ Քոչարյանի խափանման միջոցի վերաբերյալ առաջին ատյանի դատարանի  որոշումը  թողնել անփոփոխ: «Միանշանակ դիմելու ենք Մարդու իրավունքների եվրոպական դատարան: Ընդ որում, դիմելու ենք Վճռաբեկ դատարանի հետ զուգահեռ: Չենք սպասելու մինչև Վճռաբեկ   դատարանը մեր բողոքները քննի, որովհետև տվյալ դեպքում Վճռաբեկ դատարանը չենք համարում արդյունավետ դատական ատյան»,- նշեց Հայկ Ալումյանը: ՀՀ վերաքննիչ դատարանը վճռել էր ՀՀ երկրորդ նախագահ Ռոբերտ Քոչարյանի խափանման միջոցի վերաբերյալ առաջին ատյանի դատարանի  որոշումը  թողնել անփոփոխ: Առաջին ատյանի դատարանը նախկինում որոշել էր որպես Ռոբերտ Քոչարյանի խափանման միջոց ընտրել կալանքը: 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով նախաքննության ընթացքում ձեռք բերված ապացույցների բավարար համակցության հիման վրա 2018 թվականի հուլիսի 26-ին Հայաստանի Հանրապետության պաշտոնաթող Նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը: ...

    Կարդալ ավելին
  • Սպասվում է, որ ՀԱՊԿ նոր գլխավոր քարտուղարի նշանակման հարցը մինչեւ տարվա վերջը պետք է որոշված լինի։ Այս մասին «Բելառուս 1» հեռուստաալիքին տված հարցազրույցում ասել է Բելառուսի նախագահի մամուլի քարտուղար Նատալյա Էյսմոնտը՝ տեղեկացնում է ԲԵԼՏԱ-ն։ «Այդ հարցի քնարկումը ոչ թե բուռն էր, այլ շատ բուռն էր։ Կրքերի բորբոքումն այնպիսին էր, որ վերջում բոլորը ստիպված էին բոլորից ներողություն խնդրել»,- նշել է մամուլի քարտուղարը։ «Ինչպես երեկ հայտարարեց մեր նախագահը (Ալեքսանդր Լուկաշենկոն-խմբ․), այդ հարցն արդեն լուծված է։ Եւ լուծված է այն իմաստով, որ ամեն ինչ կլինի բացարձակապես կազմակերպության կանոնադրության հիման վրա։ Այսօրվա դրությամբ որոշակի է, որ ՀԱՊԿ գլխավոր քարտուղարի նշանակման որոշումը անդամ երկրների կողմից կստորագրվի աշխատանքային կարգով։ Մեխանիզմը կլինի այսպիսին՝ տվյալ պաշտոնի թեկնածուն (նա Բելառուսի ներկայացուցիչն է) մոտակա ժամանակներս կշրջի բոլոր անդամ-երկրներով, կծանոթանա երկրների ղեկավարների հետ, ինչ-որ իմաստով հարցազրույց կանցնի։ Դրանից հետո իրադարձությունների դրական զարգացման դեպքում անդամ-երկրի ղեկավարը կստորագրի նրա նշանակման հրամանագիրը»,- ասել է Էյսմոնտը։ «Ինչ վերաբերում է քվորումին, որքան ես գիտեմ, այդ մասին խոսել է Ղազախստանի նախագահը՝ եթե մասնակից երկրներից մեկը որեւէ որոշման տակ չի ստորագրում, ապա իրավունք ունի այն չկատարել։ Ինչը պետությունների ղեկավարների կողմից միանշանակ որոշվել եւ բոլորի կողմից, այդ թվում ՌԴ նախագահի կողմից հավանության է արժանացել, այն է, որ տվյալ հարցը կլուծվի մինչեւ Նոր տարի։ Իսկ որոշման մեխանիզմը, որի մասին պատմեցի, առաջարկել է մեր նախագահը։ Դա եւս հավանության է արժանացել»,- պարզաբանեց մամուլի քարտուղարը։ ...

    Կարդալ ավելին
  • «Զինուժ» մեդիան տեսանյութ է պատրաստել, որում ներկայացնում է ներկայացնում է հայկական զինված ուժերի սպառազինության ամենահզոր հրթիռային համակարգերը, որոնք ի զորու են մի քանի մետրի ճշգրտությամբ մոխրակույտի վերածել հսկայական տարածքներ` մի քանի հարյուր կիլոմետր հեռավորության վրա: Տեսանյութում ներկայացվում են «Իսկանդեր», «Սկադ» հրթիռային համակարգերը: ...

    Կարդալ ավելին
  • Հայաստանի Հանրապետության պաշտպանության նախարարության մամուլի խոսնակ Արծրուն Հովհաննիսյանը «Ֆեյսբուք»-ի իր էջում անդրադարձել է Հայաստանի զինված ուժերին տրամադրվող նոր ներքնազգեստին և զորամասերի լվացքատներին: Արծրուն Հովհաննիսյանը հրապարակել է զինված ուժերին տրամադրվող նոր ներքնազգեստի լուսանկարները և գրել, որ նոր ներքնազգեստները որակապես էականորեն տարբերվում են նախորդից: «Զորքերում ստանում են այս նոր ներքնազգեստը։ Այն որակապես էականորեն տարբերվում է նախորդից։ Զորամասերում ստեղծվում են այսպիսի լվացքատներ, որտեղ զորքը կարողանա լվացք անել։ Անհատական ցանցերով պարկը այն բանի համար է, որ ամեն մեկը իր շորերը լվա ու չխառնի ուրիշի հետ»,-նշված է Հովհաննիսյանի գրառման մեջ։ Արծրուն Հովհաննիսյանը լուսանկարներ է հրապարակել նաև զորամասերի լվացքատներից: ...

    Կարդալ ավելին
  • Panorama.am-ի զրուցակիցը Արցախի Հանրապետության նախագահի խորհրդական Տիգրան Աբրահամյանն է: Հարց-Պարոն Աբրահամյան, ԵԱՀԿ ՄԽ համանախագահները հանդես են եկել հայտարարությամբ։ Նրանք հույս են հայտնել, որ Հայաստանի և Ադրբեջանի առաջնորդների միջև ինտենսիվ, արդյունքների ուղղված, բարձր մակարդակի երկխոսությունը կնպաստի մոտ ապագայում հակամարտության արդարացի և հարատև կարգավորմանը: Ավելին՝ կոչ են արել կողմերին ժողովուրդներին պատրաստել խաղաղության: Արդյոք բանակցություններում նո՞ր շունչ եք նկատում, նոր գործընթացնե՞ր կան: Պատասխան-Ժողովուրդներին խաղաղության, այլ ոչ թե պատերազմի նախապատրաստելու մասին համանախագահները առաջին անգամ չեն հնչեցնում: Համանախագահ երկրների ղեկավարների՝ ամենամյա համատեղ հայտարարությունում մշտապես դրա մասին կոչեր հնչեցվել են: Ադրբեջանում պետական մակարդակով հասարակության մեջ թշնամություն սերմանելու մշտական պրոցես է, իսկ այդ պարագայում խոսել խաղաղության մասին, ուղղակի անհնար է: Դա է պատճառը, որ միջնորդների կողմից այս ուղերձը մշտապես հնչեցվում է: Ինչ վերաբերվում է հայտարարության՝ «մոտ ապագայում հակամարտության արդարացի և հարատև կարգավորում» ձևակերպմանը, ապա մի փոքր անհասկանալի է, թե առկա  իրավիճակում ինչն է համանախագահների դրդել նման լավատեսական մեկնաբանությունների: Հարց-Տեղեկատվություն հնչեց, որ Հայաստանի ու Ադրբեջանի ԱԳ նախարարները բավականին երկար խոսել են, բանակցել: Պատասխան-Անկեղծ ասած մանրամասների չեմ տիրապետում, ես մեկնաբանում են այն, ինչն իմ իրավասությունների շրջանակներում է: Ամեն դեպքում Արցախում բանակցությունների նոր շունչ չեն նկատում, նոր գործընթացներ տեսանելի չեն: Հարց-Գանք ներհայաստանյան իրադարձություններին: Հետևո՞ւմ եք քարոզարշավի ընթացքին, ինչպե՞ս եք գնահատում: Պատասխան-Քարոզարշավին գրեթե չեմ հետևում, մի փոքր աչքի եմ անցկացրել քարոզարշավին մասնակցող քաղաքական ուժերի նախընտրական ծրագրերի՝ զինված ուժերին վերաբերող դրույթները: Շարունակությունն՝ այստեղ ...

    Կարդալ ավելին
  • Արցախի Հանրապետության Նախագահ Բակո Սահակյանը դեկտեմբերի 5-ին ցավակցական հեռագիր է հղել ՀՀ ԶՈՒ ռազմական ինքնաթիռի վթարի հետեւանքով զոհված օդաչուների ընտանիքներին: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ, հեռագրում ասված է. «Արցախի ողջ բնակչությունը խոր ցավով ու կսկիծով տեղեկացավ Հայաստանի Հանրապետության զինուժի օդաչուներ Արմեն Բաբայանի եւ Մովսես Մանուկյանի ողբերգական մահվան մասին: Նրանք երկուսն էլ եղել են բարձր կարգի օդաչուներ՝ օժտված մեծ հայրենասիրությամբ ու քաղաքացիական բարձր գիտակցությամբ: Հայրենիքի նվիրյալ զավակների պայծառ հիշատակը միշտ վառ կմնա մեր հիշողության մեջ: Արցախի ժողովրդի, իշխանությունների եւ անձամբ իմ անունից ցավակցություն ու զորակցություն եմ հայտնում անդառնալի կորստի կապակցությամբ եւ մաղթում տոկունություն ու ոգու կորով»: ...

    Կարդալ ավելին
  • ՀՀ զինված ուժերի ՍՈՒ-25 մարտական ինքնաթիռի վթարի վայրը հայտնաբերվել է. այն Մարալիկի տարածաշրջանում է, լեռներում։ Մահացած օդաչուներն են փոխգնդապետ Արմեն Բաբայանն ու մայոր Մովսես Մանուկյանը։ Այս մասին ֆեյսբուքի իր էջում գրել է ՀՀ ՊՆ մամուլի քարտուղար Արծրուն Հովհաննիսյանը: Հիշեցնենք,  որ  դեկտեմբերի 4-ին, ժամը 10.20-ի սահմաններում, կորել է կապը ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈՒ-25 մարտական ինքնաթիռի հետ:Ինքնաթիռը թռիչքային երթուղի էր դուրս եկել ժամը 10.06-ին` Գյումրիի օդանավակայանից: ...

    Կարդալ ավելին

ՖԲՀ

Քաղաքականություն