Գովազդի համար զանգահարել 099 999 409
  • Հանրապետությունում իրականացվող շաբաթական մշտադիտարկման տվյալներով դիտվում է սուր շնչառական վարակների և գրիպի բնականոն, օրինաչափ ընթացք: Այս մասին Tert.am-ին տեղեկացրին Առողջապահության նախարարության հասարակայնության հետ կապերի բաժնից՝ պատասխանելով հարցին, թե արդյոք հարևան Իրանում H1N1 վիրուսի՝ նույն խոզի գրիպի տարածումը, իր ազդեցությունը ունի նաև Հայաստանում: Նախարարությունից տեղեկացրին, որ գրիպի Ա տեսակի H1N1 ենթատեսակը այսօր առավել քիչ է շրջանառում, քան 2014-2015 թվականների գրիպի սեզոնին: Նմանատիպ իրավիճակ է դիտվում նաև տարածաշրջանի երկրներում՝ Ռուսաստանի Դաշնությունում և Վրաստանում: Հայաստանում գրիպով և սուր շնչառական վարակներով համաճարակային իրավիճակը համահունչ է եվրոպական տարածաշրջանում համաճարակային իրավիճակին:   Նախարարությունից նաև վստահեցրին՝ հանրապետության բժշկական կազմակերպություններում, այդ թվում` վերակենդանացման բաժանմունքներում, հետգրիպային բարդություններով հիվանդներ չեն բուժվում: «Իրականացված լաբորատոր հետազոտությունների տվյալներով, այսօր մեր երկրում շրջանառում են ինչպես շնչառական վարակների հարուցիչներ, այնպես էլ գրիպի Ա և Բ տեսակի վիրուսներ: Հանրապետությունում առկա են գրիպի ցանկացած տեսակի և ենթատեսակի բուժման համար նախատեսված հակավիրուսային պատրաստուկներ»,-տեղեկացրին ԱՆ-ի հասարակայնության կապերի բաժնից:   Հիշեցնենք, որ Իրանում խոզի գրիպի հետևանքով մահացածների թիվն ավելացել է` հասնելով 42-ի: Նյութի աղբյուր՝http://health.tert.am/am/news/2015/12/14/hh/4157 ...

    Կարդալ ավելին
  • Դեկտեմբերի 9-ին ԱՄՆ Կոնգրեսի «Rayburn» մասնաշենքում կայացավ Արցախի անկախության տարեդարձին նվիրված ամենամյա միջոցառումը: Ելույթներով հանդես եկան Լեռնային Ղարաբաղի արտաքին գործերի նախարար Կարեն Միրզոյանը, ԱՄՆ-ում ՀՀ դեսպան Տիգրան Սարգսյանը, ԱՄՆ կոնգրեսականներ Էդ Ռոյսը, Ռոբերտ Դոլդը, Ֆռանք Փըլոնեն, Ադամ Շիֆը, Քեթրին Քլարքը, Ջուդի Չուն, Դինա Թիթուսը և Ջիմ Կոստան: Իր ելույթում դեսպան Տիգրան Սարգսյանը երախտիքի խոսքեր ուղեց Արցախի անկախությանը մշտական աջակցություն ցուցաբերող ԱՄՆ օրենսդիր իշխանության մարմնի ներկայացուցիչներին և ԱՄՆ հայ համայնքի անդամներին: Դեսպանը խորհրդանշական համարեց նաև այն հանգամանքը, որ Արցախի անկախությանը նվիրված միջոցառումն անցկացվում է դեկտեմբերի 9-ին` Ցեղասպանության հանցագործության զոհերի հիշատակման և հարգանքի միջազգային օրը, ինչը հնարավորություն է տալիս նաև հիշատակել և հարգանքի տուրք մատուցել Հայոց ցեղասպանության զոհերի հիշատակին:  Նյութի աղբյուր՝ http://shamshyan.com/hy/article/2015/12/14/72880/ ...

    Կարդալ ավելին
  • Դեկտեմբերի 14-ին ոստիկանության հասարակայնության հետ կապի և լրատվության վարչության մամլո սրահում լրագրողներին ներկայացվեցին ՀՀ Սահմանադրության փոփոխությունների հանրաքվեի նախապատրաստման և անցկացման ընթացքում ՀՀ ոստիկանության կատարած աշխատանքները, ինչպես և ոստիկանությունում ստացված հաղորդումներով ձեռնարկված ուսումնասիրությունների և քննությունների արդյունքները: Հանդիպմանը մասնակցում էին ՀՀ Սահմանադրության փոփոխությունների հանրաքվեի նախապատրաստման և անցկացման օպերատիվ շտաբի պետ, ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը, ոստիկանության իրավաբանական վարչության պետ Հովհաննես Քոչարյանը և ոստիկանության անձնագրային և վիզաների վարչության պետ Մնացական Բիչախչյանը: Հունան Պողոսյանը ներկայացրեց ՀՀ Սահմանադրության փոփոխությունների հանրաքվեին նախորդած շրջանում եւ հանրաքվեի ընթացքում ոստիկանության օպերատիվ շտաբի աշխատանքը: Ոստիկանության իրավաբանական վարչության պետ Հովհաննես Քոչարյանը ներկայացրեց հանրաքվեի ընթացքում ոստիկանությունում ստացված իրավախախտումների վերաբերյալ հաղորդումների եւ տեղեկությունների քննարկման արդյունքները: Ժամանակավոր վկայականներով, այլ կերպ ասած՝ 9-րդ ձեւով կրկնակի քվեարկության վերաբերյալ ստացված ահազանգերի վերաբերյալ պարզաբանումներ տվեց ոստիկանության անձնագրային եւ վիզաների վարչության պետ Մնացական Բիչախչյանը: «Առաջին հերթին հենց ոստիկանությունն է շահագրգռված, որ օրինազանցության յուրաքանչյուր դեպք բացահայտվի: Ոչ մի ահազանգ մեր կողմից անուշադրության չի մատնվել, ուսումնասիրվել է, հիմնավոր լինելու դեպքում՝ ընթացք է տրվել»,- ընդգծեց Հունան Պողոսյանը՝ հավելելով, որ ահազանգը դեռեւս քրեական գործ հարուցելու հիմք չէ. այն պետք է հիմնավորվի: Հունան Պողոսյանը գոհունակություն հայտնեց հանրաքվեի ընթացքում լրատվամիջոցների կատարած աշխատանքից՝ նշելով, որ շատ դեպքերում հենց լրագրողներն օգնեցին իրավախախտումներ բացահայտելուն: Նա նաեւ նշեց, որ ստացված ահազանգերով ուսումնասիրությունները շարունակվում են, իսկ արդյունքների մասին կտեղեկացվի հանրությանը: Հունան Պողոսյանը գնահատեց մասնավորապես այն փաստը, որ համապետական նման ծավալուն միջոցառման ընթացքում ոստիկանների ծառայության վերաբերյալ որեւէ բողոք չի արձանագրվել: Հանդիպմանը սպառիչ պատասխաններ տրվեցին լրագրողների հարցերին: ՀՀ ոստիկանության լրատվական ծառայություն    Նյութի աղբյուր՝ http://shamshyan.com/hy/article/2015/12/14/72882/ ...

    Կարդալ ավելին
  • ՀՀ պաշտպանության նախարարի հրամանով ՀՀ պաշտպանության նախարարին առընթեր հասարակական խորհրդի հովանու ներքո ստեղծվել է 2015թ. ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով: Հանձնաժողովի նախագահ է նշանակվել հասարակական խորհրդի նախագահ, պաշտպանության նախարարի խորհրդական Գեղամ Հարությունյանը: Հանձնաժողովի նիստերը կանցկացվեն Մոսկովյան 5 հասցեում տեղակայված հասարակական խորհրդի աշխատավայրում:: Առաջին նիստը կկայանա ս.թ. դեկտեմբերի 16-ին, ժամը 10:00-ին: Դիմում-բողոքներն ընդունվում են հասարակական խորհրդում շաբաթվա բոլոր աշխատանքային օրերին: Հանձնաժողովի նիստերը բաց են լրատվամիջոցների համար: Տեղեկությունների համար զանգահարել 010523482 հեռախոսահամարով:    Նյութի աղբյուր՝ http://shamshyan.com/hy/article/2015/12/14/72874/ ...

    Կարդալ ավելին
  • Այսօր` դեկտեմբերի 14-ին, Հայաստանի քննչական կոմիտեի Կոտայքի մարզային քննչական վարչության հատկապես կարևոր գործերով քննիչ Արման Հարությունյանի որոշմամբ հարուցվել է քրեական գործ` ՀՀ քր. օր.-ի 177 հոդվածի 3-րդ մասի հատկանիշներով: Ինչպես հայտնում է ֆոտոլրագրող Գագիկ Շամշյանը, նշված քրգործը հարուցվել է` դեկտեմբերի 13-ին անհայտ անձի կամ անձանց կողմից Կոտայքի մարզում տեղի ունեցած խոշոր չափի գողության փաստով: Ինչպես հայտնում է ֆոտոլրագրող Գագիկ Շամշյանը, այդ օրը 01:25-ի սահմաններում Լեռնանիստ գյուղի 1-ին փողոցի 26/1 տան բնակիչ, 66-ամյա Միհրան Ադամյանը ոստիկանության Հրազդանի բաժին ահազանգել է, որ դեկտեմբերի 12-ին 16:00-ից դեկտեմբերի 13-ի ժամը 00:30-ն ընկած ժամանակահատվածում անհայտ անձը կամ անձինք կոտրել են տան ննջասենյակի պատուհանի ապակին, բացել լուսամուտը և մտել տուն: Ննջասենյակներից գողացել են 100 հազար ՀՀ դրամ, ոսկյա և արծաթյա զարդեր, որից հետո դիմել են փախուստի: Գ. Շամշյանի տեղեկություններով` Մ. Ադամյանը ընտանիքի անդամների հետ մասնակցելիս է եղել Հրազդանում թոռան հարսանիքին ու այդ մասին, հավանաբար, հանցագործություն կատարած անձը կանմ անձինք իմացել են և կատարել են իրենց սև գործը` թոշակառու ամուսիններին պատճառելով 4 մլն դրամի նյութական վնաս: Ոստիկանության Հրազդանի բաժնի և Կոտայքի մարզային քննչական վարչության աշխատակիցները ձեռնարկում են օպերատիվ-հետախուզական և քննչական համատեղ գործողություններ` հանցագործությունը կատարած անձին կամ անձնաց հայտնաբերելու ուղղությամբ:  Նյութի աղբյուր՝ http://shamshyan.com/hy/article/2015/12/14/72878/ ...

    Կարդալ ավելին
  • ՀՀ քննչական կոմիտեի Երևանի քննչական վարչության Մալաթիա-Սեբաստիա վարչական շրջանի քննչական բաժնում հարուցվել է քրեական գործ՝ Երևան քաղաքի թիվ 8/08 ընտրատեղամասում այլ անձի փոխարեն քվեարկելու դեպքի առթիվ։ 2015 թվականի դեկտեմբերի 6-ին «hetq.am» տեղեկատվական հարթակում հրապարակվել է տեղեկույթ առ այն, որ քաղաքացի Հասմիկ Ռաֆայելյանն իր ընտանիքի անդամների՝ մայրիկի և քույրիկի հետ գնացել է թիվ 8/08 ընտրատեղամաս՝ մասնակցելու հանրաքվեին, որտեղ պարզել են, որ իրենց փոխարեն արդեն քվեարկել են. նշված են եղել այլ անձանց անձնագրային տվյալներ ու ստորագրություններ: Ըստ ահազանգի՝ հանձնաժողովի անդամների կողմից որևէ գործողություն չի ձեռնարկվել՝ ապահովելու իրենց սահմանադրական իրավունքի իրացումն ու մասնակցությունը հանրաքվեին, թեև բարձրաձայնել են արձանագրված խախտման մասին՝ պահանջելով կազմել արձանգրություն։ Նկատի ունենալով, որ սույն նյութերում առկա են ՀՀ քրեական օրենսգրքի 153-րդ հոդվածով նախատեսված հանցագործության հատկանիշներ՝ Մալաթիա-Սեբաստիա վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 153-րդ հոդվածի հատկանիշներով։ Ձեռնարկվում են անհրաժեշտ քննչական գործողություններ՝ դեպքի բոլոր հանգամանքները, առերևույթ հանցագործություն կատարած անձի ինքնությունը պարզելու ուղղությամբ։ Քննության արդյունքներով կայացվող դատավարական որոշումների մասին տեղեկություն կտրամադրվի լրացուցիչ։  Նյութի աղբյուր՝ http://shamshyan.com/hy/article/2015/12/14/72869/ ...

    Կարդալ ավելին
  • Դիտեք Սուր անկյուն. Հատուկ դեպքեր հաղորդաշարի ամբողջական թողարկումը:    Նյութի աղբյուր՝ http://shamshyan.com/hy/article/2015/12/14/72832/ ...

    Կարդալ ավելին
  • Երևանի քաղաքապետարանում տեղի ունեցած խորհրդակցության ժամանակ, որը վարել է քաղաքապետ Տարոն Մարգարյանը, ամփոփվել են մայրաքաղաքի վարչական շրջանների 2015թ. նոյեմբեր ամսվա ընթացքում կատարած աշխատանքների գնահատման և վերլուծության արդյունքները: Ներկայացնելով ամփոփ ցուցանիշները, որոնք ձևավորվել են շինարարության և բարեկարգման, կրթության, մշակույթի, բնապահպանության, կոմունալ տնտեսության, սեփական եկամուտների հավաքագրման ու քաղաքային տնտեսության մի շարք այլ ոլորտներում իրականացված աշխատանքների արդյունքում, քաղաքապետի խորհրդական Արայիկ Քոթանջյանը նշել է, որ գնահատման աղյուսակային ընդհանուր սանդղակում առաջին հորիզոնականը զբաղեցրել է Դավթաշեն, երկրորդը՝ Շենգավիթ, իսկ երրորդ տեղը` Էրեբունի վարչական շրջանը: 2015թ. նոյեմբեր ամսվա ամփոփիչ գնահատման և վերլուծության արդյունքներով վերջին՝ տասներորդ, տասնմեկերորդ և տասներկուերորդ տեղերն էլ համապատասխանաբար զբաղեցրել են Աջափնյակ, Արաբկիր և Կենտրոն վարչական շրջանները: Առանձնակի կարևորելով վարչական շրջանների համակարգված աշխատանքը՝ Երևանի զարգացման քառամյա ծրագրում ընդգրկված ու բնակիչներին ներկայացված բոլոր աշխատանքների կյանքի կոչման հարցում քաղաքապետ Տարոն Մարգարյանը մեկ անգամ ևս հանձնարարել է գնահատման համակարգի համաձայն համապատասխան ցուցանիշներն ապահովելու համար ամենօրյա հետևողականություն ցուցաբերել: «Երևանի զարգացման քառամյա ծրագրի շրջանակում 2016թ.-ին ևս մեր անելիքները շատ են: Ուստի, մայրաքաղաքի համաչափ զարգացմանն ուղղված ծրագրերի շարունակականությունն ապահովելու, ինչպես նաև բնակիչների կողմից առաջադրվող խնդիրներին հետզհետե լուծումներ տալու նպատակով մենք պետք է ամենօրյա հետևողական աշխատանք կատարենք: Վստահ եմ, որ թիմային աշխատանքի արդյունքում մենք կկարողանանք ամբողջությամբ կյանքի կոչել բոլոր այն ծրագրերը, որոնք ներկայացրել ենք մեր բնակիչներին»,- ընդգծել է քաղաքապետը: Անդրադառնալով ցածր ցուցանիշներ գրանցած վարչական շրջաններին՝ Տարոն Մարգարյանը հանձնարարել է վարչական շրջանների ղեկավարներին լինել առավել հետևողական ու կարճ ժամանակահատվածում շտկել բացթողումները: Քաղաքապետը նաև նկատել է, որ վարչական շրջանների գործառույթների գնահատման այս մոտեցումը լավագույնս արտացոլում է տարվա ընթացքում վարչական շրջանների աշխատակազմերի կողմից կատարած աշխատանքների արդյունավետությունը: Խորհրդակցության շրջանակում ներկայացվել են նաև քաղաքապետարանի աշխատակազմի վարչությունների ու բաժինների գործառույթների 2015թ. նոյեմբեր ամսվա գնահատման արդյունքները: Ամփոփման շրջանակում վերլուծվել են տարեկան ծրագրերի, ՀՀ օրենքների, կառավարության, Երևանի ավագանու և Երևանի քաղաքապետի որոշումների կատարման, փաստաթղթաշրջանառության, այդ թվում քաղաքացիներից, գերատեսչություններից ստացված դիմումներին և գրություններին, նաև «Թեժ գծով» ստացված ահազանգերին տրված պատասխանները, ինչպես նաև քաղաքացիների ընդունելության կազմակերպման ու աշխատանքային կարգապահության ցուցանիշները: Անդրադառնալով ընդհանուր առմամբ դրական գնահատված ցուցանիշներին՝ քաղաքապետ Տարոն Մարգարյանն, այնուամենայնիվ, աշխատակազմի վարչությունների և բաժինների պատասխանատուներին հորդորել է չբավարարվել գրանցած ցուցանիշներով և ամենօրյա հետևողական աշխատանք տանել դրանց բարելավման ուղղությամբ:    Նյութի աղբյուր՝ http://shamshyan.com/hy/article/2015/12/14/72863/ ...

    Կարդալ ավելին
  • Այսօր` դեկտեմբերի 14-ին, Երևանի քաղաքապետի 1-ին տեղակալ Կամո Արեյանը, Շենգավիթ վարչական շրջանի ղեկավար Արմեն Սարգսյանը, «Երևան Ջուր» ընկերության տնօրեն Գոռ Գրիգորյանը ձեռնարկել են անհրաժեշտ գործողություններ, որպեսզի Շենգավիթ վարչական շրջանի Շիրակի 45 հասցեում ապրող (Աէրացիա թաղամաս) մոտ 150 բնակիչ վերջնականապես մոռանան նշված հատվածով անցնող կոյուղաջրերի անմխիթար վիճակի մասին: Հարևանները ֆոտոլրագրողի հետ զրույցում ասում էին. «Արդեն մի քանի օր է` կոյուղաջրերը գարշահոտությամբ անհանգստացնում է մեզ` բնակիչներիս: 60 տարուց ավելի է բնակվում ենք նշված տներում ու կոմունիստնրի ժամանակ, չգիտես ինչու, ում կարճ խելքով որոշվել է, որ նշված հանտվածով անցնող կոյուղաջրերի հեռացման խողովակները փակել, ինչի հետևանքով էլ էս օրն ենք ընկել: Մեր միակ հույսը Երևանի քաղաքապետ Տարոն Մարգարյանն է, քանի որ վարչական շրջանի ղեկավարությունն ու «Երևան Ջուր»-ը ինչքան էլ ուզենան բարի կամք դրսևորեն ու վերացնեն այդ խոտանը, միևնույն է` այն ծախսատար է և մեծ գումարների հետ է կախված ու դրա համար հուսով ենք, որ քաղաքապետը օգնության ձեռք կմեկնի իր բնակչին: Այսօր արդեն պատկան մարմինները այցելել են, ծանոթացել խնդրին ու խոստացել են, որ խնդիրը հնարավոր սահմաններում կլուծեն: Մենք էլ հավատում ենք, թե Երևանի քաղաքապետարանին, թե Շենգավիթ վարչական շրջանի ղեկավարությամը և թե «Երևան Ջուր» ընկերությանը»: Ֆոտոլրագրողը հայտնում է, որ Երևանի քաղաքապետարանի ու Շենգավիթ վարչական շրջանի աշխատակիցները այսօր այցելության ժամանակ իրավիճակի մասին անընդհատ հեռախոսով տեղեկություններ էին փոխանցում Երևանի փոխքաղաքապետ Կ. Արեյանին, Շենգավիթ վարչական շրանի ղեկավար Ա. Սարգսյանին, ինչպես նաև «Երևան Ջուր» ընկերության տնօրեն Գ. Գրիգորյանին:  Նյութի աղբյուր՝ http://shamshyan.com/hy/article/2015/12/14/72872/ ...

    Կարդալ ավելին
  • Քաղաքական վերլուծաբան Մենուա Հարությունյանը Ֆեյսբուքյան իր էջում գրել է. Սամվել Կարապետյանը РБК Daily թերթին տված հարցազրույցում մի քանի կարևոր չակերտներ է բացել` մասնավորապես նշելով, որ «Հայկական էլէկտրական ցանցերը» իր ընկերությունը գնել է այն պարագայում, երբ ՀԷՑ-ը միլինավոր դոլարների պարտքեր ունի և գտնվում է ոչ բարվոք վիճակում` հայտարարելով, որ այս գործարքն իր համար ոչ միայն բիզնես նշանակություն ունի, այլ նաև` սեփական հայրենաիքի կողքին կանգնելու մոտիվացիա: Մյուս կողմից պարոն Կարապետյանն ընդգծել է, որ իր ենթակայությամբ ՀԷՑ-երը շատ արագ կվերափոխվեն` դառնալով շահույթ բերող բիզնես: Փաստացի Սամվել Կարապետյանն ընդգծում է , որ Հայաստանի համար ռազմավարական նշանակություն ունեցող էներգետիկ համակարգում ահռելի գումարներ են ներդնում` սեփական պետության կողքին կանգնելու նպատակով: Սա հայրենանվեր և բարի գործ է: Մյուս կողմից, Սամվել Կարապետյանն ընդգծել է, որ իր ընտանիքի կողմից իրականացվող բարեգործական և բիզնես ներդրումները Հայաստանում որևէ քաղաքական ենթատեքս չունեն և Կարապետյանները չեն օգնում սեփական հայրենիքին որևէ պաշտոնի ակնկնալիքով, և անկախ այն բանից Կարեն Կարապետյանը Հայաստանում քաղաքական պաշտոն կունենա, թե` ոչ, Կարապետյանների ընտանիքը շարունակելու է կանգնել սեփական պետության կողքին: Ի դեպ, ժամանակին Կարեն Կարապետյանը կամովի հրաժարվեց նախագահի աշխատակազմի ղեկավարի ազդեցիկ պաշտոնից , իսկ հետագայում չցանկացավ զբաղեցնել երկրի թիվ երկրորդ քաղաքական Ազգային ժողովի նախագահի պաշտոնը: Բարերարի իմիջը շատ ավելի թանկ է, քան շատ և շատ պաշտոններ:  Նյութի աղբյուր՝ http://shamshyan.com/hy/article/2015/12/14/72873/ ...

    Կարդալ ավելին

ՖԲՀ

  • /uploads/photos/mcERGvAwmwUVACAU1NZr.jpeg

    Երկու օր առաջ ոստիկանապետը նախագահին ներկայացրել է Ճանապարհային ոստիկանությունում կատարված փոփոխությունները։ Իմ կողմից մի ցանկ առաջարկեմ, որոնց մի մասը, ոնց հասկացա, արվում է արդեն. ԱՆՀՐԱԺԵՇՏ ՓՈՓՈԽՈՒԹՅՈՒՆՆԵՐ 1. Ոստիկանությանը իրավասություն տալ կոպիտ խախտումների համար խոշոր տուգանք սահմանելու, կրկնվելու դեպքում՝ վարորդական վկայականից զրկելու, առանց վկայականի վարելու դեպքում խախտողներին որոշ ժամանակով բանտարկելու իրավունք։ Օրինակ՝ ԱՄՆ-ում միլիարդատեր հաբրգած, խմած/ուռած վարորդներին, անկախ նրանից՝ ովքեր են (Փերիս Հիլթոնը, Բեն Աֆլեքը), բանտարկում են, որ խելքները գլուխը հավաքեն։ Մեզ մոտ տուգանք են սահմանում, որը մուծելուց հետո նույն դեմքերը նորից ու նորից խուժանավարի քշում են, քանի որ գումարը խնդիր չէ։ Տուգանեք, էլի կմուծենք։ 2. Ճանապարհային ոստիկաններին իրավասություն տալ հաբրգած լափառոշներին տեղում բերման ենթարկելու բաժին։ Հիմա անպատժելի հաբրգած դեմքերից ոստիկանները փորձում են խուսափել, չեն տուգանում, իսկ լուրջ խուլիգանության դեպքում կապվում են պարեկային խմբերի հետ՝ իրենց էդ պատմությունից դուրս հանելու համար։ 3. Ոստիկաններին զինել պլանշետներով, որ կարողանան արագ ճշտեն՝ ինչ մեքենա է իրենց դիմաց, ով է վարորդը, ինչ խախտումներ ունի արած, ունի վկայական, թե չունի, վճարել է գույքահարկը, թե ոչ, այլ ոչ հարցնեն փաստաթուղթը, որը եթե չունես, բերման ենթարկեն։ Ֆաշիստական Գերմանիան չէ, որ թղթով ապացուցես, որ հրեա չես, թուղթ չունես, գնա բաժին։ ID քարտը պետք է լինի միակ փաստաթուղթը, որի առկայության դեպքում հնարավոր լինի իմանալու ամեն ինչ։ 4. Ոստիկաններին զինել ալկոհոլ ստուգող սարքերով, որոնց գինը ծիծաղելի է պարզապես, որ մինչ օրս չունեն, որ ստուգելուց չասեն՝ «Մի հատ ՀՈ արա»։ Ի՞նչ «ՀՈ»։ Ձե՞ռ եք առնում։ Այսօրվա գործող կարգը այսպիսին է. «Խմած ես», «Խմած չեմ», «Դե գնացինք հիվանդանոց, արյան անալիզ հանձնես, երկու ժամ սպասես, հետո եթե պարզվի խմած չես, քշի գնա»։ Ո՞ր թիվն ա։   ՑԱՆԿԱԼԻ ՓՈՓՈԽՈՒԹՅՈՒՆՆԵՐ 5. Ստիպելու վերջապես սևացրած պատուհաններով չքշելու, քանի որ սևացրած պատուհանի հետևում, որպես կանոն, թաքնվում են, թե չեմ երևում, ոնց կուզեմ, կքշեմ, մեկա չեն տեսնում՝ ով եմ, թող մտածեն՝ եսիմ ով եմ, վախենան, ես էլ ոնց կուզեմ, կքշեմ։ Պարզերես քշեք, պարզերես եղեք։ Համոզված եմ՝ վնաս էս որոշումից չկա, իսկ օգուտը բացահայտ է։ 6. Տուգանելու դեղինի տակ անցնող վարորդներին։ Մանրուք է, բայց համոզված եմ, որ խցանումների շատ մեծ մասը դրանից է լինում։ Թեքվել պատրաստվող մեքենաները կանգնած սպասում են, սպասում են, որ մեքենաների հոսքը ավարտվի, թեքվեն ձախ, դեղին լույսը միանում է։ Ու սկսվում է։ Մի կողմից դեղինի տակ սկսում են մտնել մինչ այդ կարմիրի տակ կանգնած մեքենաները, մյուս կողմից դեղինի տակ մտնում է մինչ այդ կանաչ լույսի տակ եկող մեքենան։ Արդյունքում սպասում ես, մինչ սա գա, գնա, որ 3-4 մեքենա իրար հետևից կանգնած սկսեն թեքվել, բայց նորերը գալիս հասնում են, ու մեքենաները ստիպված մնում են խաչմերուկի մեջտեղում։ Դեղինը պետք է լինի, որ կանաչի տակ մտածները գան անցնեն, այլ ոչ, որ նորերը մտնեն ու կարմիրի տակ նոր դատարկեն խաչմերուկը։ 7. Սովորեցնել մարզերում աշխատող ոստիկաններին վարորդների հետ նորմալ շփվելու։ Միգուցե միայն ինձ հետ է նման իրավիճակ, միգուցե սխալվում եմ, բայց Երևանում ոչ մի անգամ նման խնդիրների առաջ չեմ եկել, բայց մարզերում երկու անգամ կանգնեցրել են, մի անգամ հետևի լույսն էր փչացել, խորհուրդ են տվել սարքել, մյուս անգամ ուղղակի ստուգում էին, բայց երկու անգամ էլ էն տպավորությունն էր, որ հազար տարվա ընկերներ ենք։ Չեմ ուզում, ընկեր ջան։ Ես «դու»-ով չեմ խոսում, ինձ հետ էլ պետք չի տնավարի խոսել։ Ես վարորդ եմ, դուք՝ ոստիկան։ Այլ առաջարկնե՞ր․․․ Նյութի աղբյուր՝ https://www.facebook.com/517design/posts/10155070207089273

    Կարդալ ավելին

Քաղաքականություն