• Հայաստանի Հանրապետության նախագահ Արմեն Սարգսյանը ստորագրել է հրամանագրեր նախարարներ նշանակելու և վերանշանակելու մասին: Ինչպես տեղեկացրին ՀՀ նախագահի աշխատակազմի հասարակայնության հետ կապերի վարչությունից, նախագահի հրամանագրերով՝ Զոհրաբ Մնացականյանը վերանշանակվել է արտաքին գործերի նախարարի պաշտոնում, Դավիթ Տոնոյանը՝ պաշտպանության նախարարի պաշտոնում, Արայիկ Հարությունյանը՝ կրթության և գիտության նախարարի պաշտոնում, Սուրեն Պապիկյանը՝ տարածքային կառավարման և զարգացման նախարարի պաշտոնում, Էրիկ Գրիգորյանը՝ բնապահպանության նախարարի պաշտոնում, Ֆելիքս Ցոլակյանը՝ արտակարգ իրավիճակների նախարարի պաշտոնում, Հակոբ Արշակյանը՝ տրանսպորտի, կապի և տեղեկատվական տեխնոլոգիաների նախարարի պաշտոնում, Տիգրան Խաչատրյանը՝ տնտեսական զարգացման և ներդրումների նախարարի պաշտոնում, Ատոմ Ջանջուղազյանը՝ ֆինանսերի նախարարի պաշտոնում, Արսեն Թորոսյանը՝ առողջապահության նախարարի պաշտոնում, Արտակ Զեյնալյանը՝ արդարադատության նախարարի պաշտոնում: Աշխատանքի և սոցիալական հարցերի նախարարի պաշտոնում է նշանակվել Զարուհի Բաթոյանը: ...

    Կարդալ ավելին
  • Հունվարի 13-ից 19-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է շուրջ 180 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 1300 կրակոց: ԱՀ ՊՆ մամուլի ծառայության փոխանցմամբ՝ ՊԲ առաջապահ զորամասերը շարունակում են լիակատար վերահսկողություն պահպանել առաջնագծում և վստահորեն իրականացնել մարտական հերթապահություն: ...

    Կարդալ ավելին
  • Հունվարի 16-ից տեղացող ձյան պատճառով ներկա դրությամբ ներհանրապետական և միջպետական փակ և դժվարանցանելի ճանապարհներ չկան: Այս  մասին  «Արցախպրես»-ի  թղթակցի  հետ  զրույցում  ասել է   ԱՀ  քաղաքաշինության  նախարարության  ճանապարհային  քաղաքականության  բաժնի գլխավոր  մասնագետ Մհեր  Համբարձումյանը: Նա  նշել է, որ     այսօր   վաղ  առավոտից  Սոթք-Քարվաճառ    ճանապարհահատվածում   մաքրել  և  աղ  են  ցանել   «Հայկ-Շին»  և   «Կապավոր»  ընկերությունների  աշխատակիցները:   Իսկ   «Արցախուղի»  ընկերությունն  էլ     Ստեփանակերտ-Դրմբոն-Գետավան, Մարտունի-Ննգի-Ստեփանակերտ   և   այլ   ներհանրապետական  ճանապարհահատվածներում   է  իրականացրել   մաքրման    և  աղապատման  աշխատանքներ: Մեզ   հետ զրույցում  Ստեփանակերտի կենտրոնական ավտոկայանի անվտանգության ապահովման և շահագործման բաժնի պետ Շահեն Գասպարյանն  էլ  ասել է, որ ներհանրապետական երթուղնիերը, բացի   Մուշկապատ-Ստեփանակերտից,   բոլորն  էլ   սպասարկվել   են   ուղևորափոխադրող  ընկերությունների կողմից: Նա  նաև  տեղեկացրել  է, որ  միջպետական երթուղիներն   սպասարկվել են ըստ չվացուցակի. Ստեփանակերտ-Երևան ուղղությամբ նախատեսված բոլոր ուղևորափոխադրումներն  իրականացվել են ըստ  գրաֆիկի: ...

    Կարդալ ավելին
  • Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) Շանլըուրֆա (Ուրֆա-Եդեսիա) քաղաքից պատգամավոր ընտրված Օսման Բայդեմիրը Մարդու իրավունքների եվրոպական դատարանում շահել է դատն ընդդեմ Թուրքիայի Հանրապետության։ 2006 թ.-ին քիմիական զենքի կիրառման արդյունքում Թուրքիայի կողմից ահաբեկչական համարվող «Քուրդիստանի բանվորական կուսակցության» (ՔԲԿ-PKK) 14 գրոհայինների մահվան կապակցությամբ Բայդեմիրը հանդես էր եկել ելույթով։ Ըստ Թուրքիայի պատկան մարմինների՝ «Բայդեմիրը այդ ելույթով խրախուսել է հանցագործությունը և հանցագործներին»։ Բայդեմիրը դատապարտվել էր երկու ամիս բանտարկության, որը փոխարինվել էր տուգանքով։ Պատգամավորի փաստաբանները դիմել էին Մարդու իրավունքների եվրոպական դատարան։ ՄԻԵԴԸ-ը այս որոշումը համարել է խոսքի ազատության ոտնահարում։ Թուրքական պետությունը Բայդեմիրին  2.975 եվրո փոխհատուցում պետք է տրամադրի։ ...

    Կարդալ ավելին
  • Եվրասիական տնտեսական միությունն ու Եգիպտոսը հաջողությամբ ավարտել են Ազատ առևտրի համաձայնագրի ստորագրման շուրջ բանակցությունների առաջին փուլը: Բանակցությունների առաջին փուլն անցել է Կահիրեում՝ հունվարի 15-17-ը:     Բանակցությունների նպատակով Կահիրե են մեկնել Հայաստանի փոխվարչապետ, Եվրասիական տնտեսական հանձնաժողովի խորհրդի նախագահ Մհեր Գրիգորյանն ու ԵՏՀ առևտրի գծով կոլեգիայի անդամ Վերոնիկա Նիկիշինան: Կողմերը քննարկել են համաձայնագրի հիմնական մեխանիզմները, ամրագրել համաձայնեցված կետերը և նախանշել հետագա աշխատանքների ժամանակացույցը: ԵԱՏՄ-ն և Եգիպտոսը կառուցողական երկխոսության պատրաստակամություն են հայտնել և հաստատել իրենց նպատակամղվածությունը մշակելու բազմաֆորմատ առաջադիմական համաձայնագիր:    Առևտրային համաձայնագիրը ԵԱՏՄ երկրների համար նոր հնարավորություններ կստեղծի Եգիպտոսի հետ առևտրի զարգացման և դիվերսիֆիկացման համար: ԵԱՏՄ երկրների և Եգիպտոսի միջև առևտրաշրջանառությունը 2018 թվականի 10 ամիսների ընթացքում կազմել է 5,8 մլրդ դոլար՝ 2017-ի նույն ժամանակահատվածի համեմատ աճելով 21,2 տոկոսով:   ...

    Կարդալ ավելին
  • Հուսով ենք, որ այս տարի վերջնականապես իրական քայլեր կարվեն այս հին (ղարաբաղյան) հակամարտության լուծման համար, որը խանգարում է ողջ տարածաշրջանի տնտեսական զարգացմանը։ Այս մասին ՏԱՍՍ-ին տված հարցազրույցում հայտարարել է ՌԴ-ում Ադրբեջանի դեսպան Փոլադ Բյուլբյուլօղլին։ Նրա խոսքով, անկասկած, հակամարտության շուտափույթ կարգավորումը կնպաստի ողջ տարածաշրջանի զարգացմանը։ «Ադրբեջանական կողմը ակնկիալում է, որ Ռուսաստանի Դաշնությունը, որպես մեր տարածաշրջանի ամենախոշոր եւ հզոր երկիր, որպես ԵԱՀԿ Մինսկի խմբի համանախագահ, իրական առավելագույն ջանքեր կգործադրի այս հակամարտության միջազգային օրինական լուծման համար»,- նշել է նա։ ...

    Կարդալ ավելին
  • Նախօրեին տեղի ունեցած Հայաստանի և Ադրբեջանի ԱԳ նախարարների հանդիպման, և այդ առթիվ ԵԱՀԿ Մինսկի խմբի համանախագահների տարածած հայտարարության շուրջ «Արցախպրես»-ը զրուցել է Արցախի հանրապետության նախագահի խորհրդական Տիգրան Աբրահամյանի հետ: Հարցազրույցը ստորև. -Պարոն Աբրահամյան, ինչպե՞ս կմեկնաբանեք Հայաստանի և Ադրբեջանի ԱԳ նախարարների հունվարի 16-ին կայացած փարիզյան հանդիպման վերաբերյալ ԵԱՀԿ Մինսկի խմբի համանախագահների տարածած հայտարարությունը: - Անկեղծ ասած՝ տեղյակ չեմ, թե ինչ փոխըմբռնման կամ փոխվստահության մասին է խոսքը, առավել ևս, որ դրա մասին որպես փաստ է խոսվում, խոսվում դրա «լայն բնույթի» մասին: Այդ փոխվստահությունն ու փոխըմբռնումը պետք է լինեն եռակողմ՝ ներառեն Արցախը, իսկ Արցախի և Ադրբեջանի միջև վստահության մակարդակի մասին չեմ ցանկանում հավելյալ խոսել, որովհետև նման բան, առհասարակ, գոյություն չունի: Ամեն դեպքում տարբեր խողովակներից եկող լուրերն ու վերլուծությունները հակառակի մասին են խոսում: Միգուցե համանախագահների հորդորն է, որ կողմերը գոնե այս փուլում միմյանց հետ դրական ուղերձներ փոխանակեն, չեմ կարող ասել: Ընդհանուր ֆոնի առումով, դա միգուցե վատ չէ, բայց բովանդակային առումով, ինձ ոչինչ չի հուշում: - Իսկ կա՞ փաստաթուղթ, ինչի շուրջ քննարկում է գնում: - Որքան ես եմ հասկանում, կողմերից առնվազն մեկը չի ցանկանում նախկին փաստաթղթերով շարժվել, նորի մասին գոնե պաշտոնական մակարդակով ոչինչ չկա, Արցախին նոր բան չի ներկայացվել: Կուլիսային լուրերն էլ չեմ ցանկանում մեկնաբանել: -Իսկ այս պարագայում արժե՞ խոսել Ադրբեջանի հետ, ի՞նչ իմաստ ունի հանդիպել, քննարկել: - Փորձեմ կարճ ասել. ավելի լավ է խոսել, խոսել երկար, քան կրակել, իհարկե, ասածս հանգամանքը երկարաժամկետ բնույթ չի կարող կրել: Ամեն դեպքում, կարծում եմ, որ Ադրբեջանը պետք է հստակ հայտարարի, թե պատրաստ է՞ բանակցությունների, պատրաստ է՞ իրական երկխոսության և արդյո՞ք իրականում իր խնդիրը ժամանակ շահելն ու հարմար առիթի դեպքում այլ ճանապարհով գնալը չէ: Ամեն դեպքում ըմբռնում ու վստահություն կձևավորվի այն դեպքում, երբ հարցադրումներիս պատասխանները լինեն, իսկ այսօր դրանք չկան: ...

    Կարդալ ավելին
  •  Նախատեսվում է ՀՀ վարչապետ Նիկոլ Փաշինյանի մասնակցությունը Դավոսի միջազգային տնտեսական համաժողովին։ Այդ մասին հաղորդում են ՀՀ վարչապետի աշխատակազմի տեղեկատվության և հասարակայնության հետ կապերի վարչությունից: «Նախատեսվում է վարչապետի մասնակցությունը Շվեյցարիայի Դավոս քաղաքում հունվարի 22-25-ը տեղի ունենալիք միջազգային տնտեսական համաժողովին»,- նշեցին վարչությունից: Համաժողովի թեման է «Գլոբալացում 4:0. գլոբալ ճարտարապետության կառուցումը չորրորդ ինդուստրիալ հեղափոխության ժամանակաշրջանում»: ...

    Կարդալ ավելին
  • Ադրբեջանի նախագահ Իլհամ Ալիևը հունվարի 15-ի երեկոյան հանդիպել է Ֆրանսիայի նախկին նախագահ Նիկոլա Սարկոզիի հետ։ Հանդիպմանը նշվել է, որ Նիկոլա Սարկոզիի նախագահության տարիներին ամրապնդվել են Ադրբեջանի ու Ֆրանսիայի հարաբերությունները, շատ ոլորտներում փոխհարաբերությունները զգալիորեն զարգացել են։ Սարկոզին շեշտել է Բաքվում իրականացված զգալի շինարարական աշխատանքները, որոնք իրականացվել են Ալիևի նախագահ լինելու ընթացքում իր՝ վերջին անգամ Բաքվու այցելելու ժամանակից ի վեր և որ այդ աշխատանքները մեծ տպավորություն են թողնում։ ...

    Կարդալ ավելին
  • Մենք շրջապատված ենք ավտորիտար Թուրքիայով, ավտորիտար բնույթի Իրանով, ավտորիտար Ադրբեջանով։ Այս մասին այսօր՝ հունվարի 16–ին, ԱԺ–ում ասել է «Իմ քայլը» խմբակցության պատգամավոր Հայկ Կոնջորյանը։ «Մենք շրջապատված ենք ավտորիտար Թուրքիայով, ավտորիտար բնոյւթի Իրանով, ավտորիտար Ադրբեջանով, և մեր անմիջական հարևան Վրաստանն է միայն, որ ժողովրդավարական ճանապարհով է գնում: Եվ այս շուրջ 160 միլիոնանոց ավտորիտար երկրներով շրջապատված Հայաստանը, եթե ժողովրդավարության առաջանցիկ զարգացումը դարձնում է իր հաղթաթուղթը, կարողանում է նաև միջազգային հանրության կողմից ընկալվել որպես տարածաշրջանի առաջատար ժողովրդավարական երկիր, որը ևս անպայման ունենալու է իր դրսևորումները դիվանագիտության մեջ»,– ասաց նա։ Նրա խոսքով՝ մի շարք միջազգային կառույցներ Եվրոպայում և Արևմուտքում Ադրբեջանին ու Հայաստանին հաճախ նույնացնում են։ Կոնջորյանի խոսքով՝ ԱԺ արտաքին հարաբերությունների հանձնաժողովը կարող է հանրությանը մի շարք հարցերի շուրջ հանրությանը իրազեկել ու յուրահատուկ կարծիքների գեներացման կենտրոն դառնալ: ...

    Կարդալ ավելին

ՖԲՀ

Քաղաքականություն