• Արցախի Հանրապետության Նախագահ Բակո Սահակյանը նոյեմբերի 18-ին Լոս Անջելեսում այցելել է Հայ Առաքելական Եկեղեցու Հյուսիսային Ամերիկայի Արեւմտյան թեմի առաջնորդարան, մասնակցել Սուրբ Ղեւոնդաց տաճարում մատուցված կիրակնօրյա պատարագին, հանդիպել թեմի առաջնորդ Հովնան արքեպիսկոպոս Դերդերյանի, թեմական խորհրդի եւ հայ համայնքի մի խումբ ներկայացուցիչների հետ: Այս մասին տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից:  Հանդիպման ընթացքում արծարծվել են Արցախի ներքին եւ արտաքին քաղաքականությանը, սոցիալ-տնտեսական զարգացմանը, ադրբեջանա-ղարաբաղյան հակամարտության կարգավորմանը, Հայրենիք-Սփյուռք կապերին առնչվող հարցեր: Նախագահ Սահակյանը երախտագիտություն է հայտնել Հայ Առաքելական Եկեղեցու Հյուսիսային Ամերիկայի Արեւմտյան թեմին՝ Արցախին մշտական աջակցություն ցուցաբերելու համար՝ բարձր գնահատելով կառույցի դերակատարությունը Սփյուռքում հայ ազգային ինքնության պահպանման եւ Հայրենիք-Սփյուռք կապերի ամրապնդման գործում: Հանդիպմանը մասնակցում էին Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, Լոս Անջելեսում ՀՀ գլխավոր հյուպատոս Արմեն Բայբուրդյանը, պաշտոնատար այլ անձինք: ...

    Կարդալ ավելին
  • Ադրբեջանի ԱԳՆ-ն այսօր հայտարարել է, որ դիվանագիտական խողովակների միջոցով բողոք կներկայացնի ԱՄՆ-ին՝ Արցախի Հանրապետության նախագահ Բակո Սահակյանին ամերիկյան վիզա տալու համար: «Անօրինական ռեժիմի ներկայացուցչի մուտքը Միացյալ Նահանգներ և ԱՄՆ-ի տարածքում անջատական կառույցների խրախուսման թույլտվությունը հակասում է այդ երկրի պարտավորություններին որպես Մինսկի խմբի համանախագահի, ինչպես նաև անօրինական անջատական ռեժիմը չճանաչելու մասին ԱՄՆ-ի բազմիցս հայտնած պաշտոնական դիրքորոշմանը: Այդ քայլը նաև վնաս է հասցնում հակամարտության կարգավորմանը բանակցային ճանապարհով»,- նշված է Ադրբեջանի ԱԳՆ-ի հաղորդագրությունում: Ադրբեջանի արտաքին քաղաքականության գերատեսչությունը նաև նշել է, որ «անջատական ռեժիմների խրախուսմանն ուղղված նման քայլերը հարցեր են առաջացնում, կապված Ադրբեջանի հանդեպ ԱՄՆ-ի հարաբերությունների անկեղծության հետ»: ...

    Կարդալ ավելին
  • Արցախի Հանրապետության նախագահ Բակո Սահակյանը նոյեմբերի 16-ին աշխատանքային այցով ժամանել է Ամերիկայի Միացյալ Նահանգներ: Այս մասին տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից: ...

    Կարդալ ավելին
  • Նոյեմբերի 11-ից 17-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է ավելի քան 80 անգամ, որի ընթացքում տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 700 կրակոց: ԱՀ ՊՆ մամուլի ծառայության հաղորդմամբ՝ ՊԲ-ի առաջապահ զորամասերը խստորեն հետևում են հրադադարի պահպանման ռեժիմին և շարունակում վստահորեն իրականացնել մարտական հերթապահություն: ...

    Կարդալ ավելին
  • Հայաստանը պետք է պահպանի ՀԱՊԿ գլխավոր քարտուղարի պաշտոնը, դրա համար նա լավ ներուժ ունի։ Այս մասին ՏԱՍՍ–ի հետ հարցազրույցում հայտարարել է ՀՀ արտաքին գործերի նախարար Զոհրաբ Մնացականյանը։ Պատասխանելով հարցին, թե հնարավոր է արդյոք համարել, որ Հայաստանը զրկվել է այդ պաշտոնում իր թեկնածուին առաջադրելու հնարավորությունից  եւ ընդունվել է արդյոք ՀԱՊԿ գլխավոր քարտուղարի պաշտոնում Հայաստանին ներկայացուցչին առաջադրելուց  զրկելու որոշում՝ հաշվի առնելով Ղազախստանի նախագահի հայտարարությունը ՀԱՊԿ անդամ երկրների ղեկավարների գագաթնաժողովի ամփոփմանը, Մնացականյանը նշել է, որ ՀԱՊԿ–ն ներկայացնում է անվտանգության ոլորտում 6 գործընկերների ռազմատեխնիկական համագործակցության հարթակ. «ՀԱՊԿ գլխավոր քարտուղարի պաշտոնը պետք է Հայաստանին մնա եւ դրա համար մենք լավ կադրային ներուժ ունենք։ Միաժամանակ հարցի հիմքում հետեւյալն է՝ առաջին հերթին, նորմատիվ բազան չի նախատեսում ինչ–որ կոնկրետ լուծում այն դեպքի համար, եթե ՀԱՊԿ գլխավոր քարտուղարի կողմից իր լիազորությունների կատարումն անհնար է: Երկրորդ՝ որոշումները ՀԱՊԿ-ում ընդունվում են կոնսենսուսով։ Երրորդ՝ ՀԱՊԿ հեղինակությունը, կենսունակությունը եւ արդյունավետությունը չափազանց կարեւոր է Հայաստանի համար։ Որպես ՀԱՊԿ անդամ մենք հետաքրքրված ենք ուժեղ կազմակերպության գոյության գործում  եւ մեր ներդրումն ենք կատարում դրանում։ Հայաստանը նախաձեռնել է ՀԱՊԿ գործող քարտուղարի լիազորությունների վաղաժամկետ դադարեցումը, քանի որ ծագել էին ներքին բնույթի իրավական խնդիրներ: Հայաստանն ամեն ինչ արել է, որպեսզի հենց սկզբից տարանջատի կազմակերպությունն ու մեր երկրի ներքին խնդիրները: Մեր մոտեցումն ուղղված է ընդհանուր առմամբ կազմակերպության գործունեության ամրապնդմանը, լայն իմաստով բոլոր 6 անդամների միասնականության ուժեղացմանը։ Այնպես որ պատասխանելով հարցին կասեմ, որ ոչ՝ չի նշանակում։ ՀԱՊԿ կազմում 6 իրավահավասար անդամներ են եւ որոշումներն այստեղ կոնսենսուսով են ընդունվում»,–հավելել է Մնացականյանը։ ...

    Կարդալ ավելին
  • Վարչապետի պաշտոնակատար Նիկոլ Փաշինյանն այսօր հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ: Ինչպես  տեղեկացրին ՀՀ վարչապետի աշխատակազմի տեղեկատվության և հասարակայնության հետ կապերի վարչությունից, քննարկվել են եվրասիական ինտեգրացիոն միավորումների շրջանակում փոխգործակցությանը վերաբերող արդիական հարցեր: ...

    Կարդալ ավելին
  • ԱՄՆ-ի Կալիֆոռնիայի նահանգի հյուսիսի Բյութի օկրուգում բնական հրդեհի զոհերի թիվը հասել Է 63-ի: Այդ մասին նոյեմբերի 15-ին հայտնել Է Բյութի շերիֆ Քորի Հոնեան մամուլի ասուլիսում, որը հեռարձակում Էր ABC հեռուստաընկերությունը: Այսպիսով Կալիֆոռնիայում հրդեհներից զոհվածների ընդհանուր թիվը ներկայում կազմում Է 66: «Այսօր հայտնաբերվել են եւս յոթ մարդու մարմնամասեր: Դա Բյութի օկրուգում զոհվածների թիվը հասցնում Է 63-ի»,- տեղեկացրել Է Հոնեան: Նրա խոսքով՝ ներկայում ճանաչված Է 53 զոհված: Դրա հետ մեկտեղ կտրուկ աճել Է անհայտ կորածների թվաքանակը՝ նոյեմբերի 14-ի 297-ից մինչեւ 631՝ ներկա պահի դրությամբ: Իշխանությունները պարզաբանում են, որ այս տեղեկությունները այնքան Էլ ստույգ չեն, քանի որ կարող են կրկնորդել նույն անուններով ու ազգանուններով մարդկանց: «Քեմպ» հրդեհից Բյութի օկրուգում ամբողջովին այրվել Է 566 քառակուսի կիլոմետր մակերեսով տարածք եւ ոչնչացվել ավելի քան 11,8 հազար շինություն: Նահանգի անտառտնտեսության եւ հրշեջ պահպանության վարչության տվյալներով՝ կրակի ճարակ Է դարձել 9,7 հազար բնակելի շենք: «Քեմպը» հաջողվել Է արգելափակել 40 տոկոսով: Կրակի դեմ պայքարելու համար Բյութի օկրուգում մոբիլիզացվել են ավելի քան 5,4 հազար հրշեջներ, 620 միավոր հատուկ տեխնիկա, 24 ուղղաթիռ, 105 բուլդոզեր եւ 75 ավտոցիստեռն ջրի փոխադրման համար: Ավելի վաղ ԱՄՆ-ի նախագահ Դոնալդ Թրամփը տարերային աղետի գոտի Է հայտարարել Կալիֆոռնիայի նահանգը, որտեղ անցած շաբաթվանից մոլեգնում են անտառային հրդեհները: ...

    Կարդալ ավելին
  • Ռուսաստանի նախագահ Վլադիմիր Պուտինը նոյեմբերի 13-ին ժամանել էր Սինգապուր՝ մասնակցելու երկու գագաթնաժողովների՝ Ռուսաստան- Հարավարևելյան Ասիայի պետությունների ասոցիացիայի, ինչպես նաև Արևելյան Ասիայի։ Ժամանման օրը Պուտինը պետք է հանդիպեր Սինգապուրի վարչապետ Լի Սյան Լունի հետ, սակայն վերջինս Պուտինի ուշանալու պատճառով չեղարկել է բանակցությունները։ Արդյունքում Պուտինին հաջողվել է հանդիպել Լի Սյան Լունի հետ 1 օր ուշ՝ նոյեմբերի 14-ին: Պուտինին Սինգապուրում ևս մեկ փորձություն էր սպասվում։ Ինչպես գրում է Deutsche Welle-ն,Հարավարևելյան Ասիայի պետությունների ասոցիացիայի գագաթնաժողովի անվտանգության աշխատակիցները Պուտինին ստիպել են անցնել մետաղական դետեկտորի միջով։ Սա իսկապես յուրահատուկ իրավիճակ է եղել, քանի որ, սովորաբար պետության ղեկավարների համար լինում է առանձին մուտք՝ առանց անտվանգության ստուգման։ ...

    Կարդալ ավելին
  • Բաքվի պետական համալսարանի ռեկտոր Աբել Մագերամովը երկրի նախագահի որոշմամբ հեռացվել է զբաղեցրած պաշտոնից։ Ավելի վաղ լրատվամիջոցները հայտնել են, որ Աբել Մագերամովը պատգամավոր Սիյավուշ Նովրուզովի հետ միասին հարբած վիճակում վիճաբանություն են կազմակերպել Մադրիդի հյուրանոցներից մեկում, որտեղ համաժողովի էին մասնակցում: ...

    Կարդալ ավելին
  • Արցախի Հանրապետության սպառողական շուկայում 2018 թվականի հունիս-սեպտեմբեր ամիսներին արձանագրվել է գնանկում: «Արցախպրես»-ի թղթակցի հաղորդմամբ՝ այս մասին, այսօր  տեղի ունեցած մամուլի ասուլիսի ժամանակ ասել է  ԱՀ  ազգային  վիճակագրական  ծառայության  (ԱՎԾ) նախագահ   Մանուշ  Մինասյանը: Ըստ  ոլորտի  պատասխանատուի՝  սպառողական գների ընդհանուր մակարդակի փոփոխությունը պայմանավորված է համաշխարհային շուկայում  տեղի  ունեցող  զարգացումների, պարենային որոշ ապրանքատեսակների գնաճի, առանձին պարենային ապրանքատեսակների սեզոնայնության, սպառման կառուցվածքի, պահանջարկի և առաջարկի հարաբերակցության փոփոխության հետ: «2018  թվականի  հունվար-սեպտեմբեր  ամիսների  սպառողական գների ինդեքսը  2017 թվականի նույն  ժամանակահատվածի  համեմատ  կազմել է 102.2 %, այդ թվում պարենային ապրանքներինը (ներառյալ ոգելից խմիչք և ծխախոտ)՝ 103.3%, ոչ պարենային ապրանքներինը՝ 102.5%, ծառայությունների սակագներինը՝ 99.9%»,-հավելել  է   Մ. Մինասյանը: Խոսելով արտաքին առևտրաշրջանառության ծավալների  մասին՝ ԱՀ  ԱՎԾ  նախագահն  ասել է, որ այն 2018 թվականի  հունվար-սեպտեմբերին, փաստացի գներով, կազմել է 194.2մլրդ դրամ կամ 402.8 մլն ԱՄՆ դոլար, այդ թվում՝ ապրանքների արտահանումը՝ 70.7 մլրդ դրամ (146.7մլն ԱՄՆ դոլար), իսկ ներմուծումը՝ 123.5մլրդ դրամ(256.1 մլն ԱՄՆ դոլար): «2018  թվականի հունվար-սեպտեմբեր  ամիսներին   գրանցված  արտաքին առևտրաշրջանառության ծավալը  նախորդ  տարվա  նույն  ժամանակահատվածի  համեմատ   աճել է 24.6 %-ով, ընդ որում` արտահանումը աճել է 37.8 %-ով, իսկ ներմուծումը՝ 18.1%-ով: Բացասական առևտրային հաշվեկշիռը նվազել է  1  %-ով»,-տեղեկացրել  է  Մ.  Մինասյանը:  ...

    Կարդալ ավելին

ՖԲՀ

Քաղաքականություն