• Թուրքիայի խորհրդարանի հայ պատգամավոր Կարո Փայլանը մեջլիսում տուրիզմի եւ մշակույթի նախարարության բյուջեի քննարկումների ժամանակ ելույթով է հանդես եկել։ Ինչպես տեղեկանում ենք «Ժողովուրդների դեմոկրատական» կուսակցության պաշտոնական էջից, Կարո Փայլանը, անդրադառնալով արեւելքում տուրիզմի զարգացումից, նշել է, որ Վանի օդանավակայանն իր ծանրաբեռնվածությամբ կարող է Անթալիայի օդանավակայանին անցնել։ «Վանում լուրջ քաղաքակրթություններ կան։ Այնտեղ լուրջ նախագիծ իրականացվի, Հայաստանի, Վրաստանի հետ համատեղ նախագիծ լինի, Վանի օդանավակայանը ամենամեծ օդանավակայանը կլինի։ Վանի Արտամեդը դրախտի մի անկյուն է։ 3000 տարվա ուրարտական պատմություն է ֆիքսվել։ Հայերի եկեղեցիները կան, Արշիլ Գորկու գյուղն է այնտեղ»,–նշել է Կարո Փայլանը։ ...

    Կարդալ ավելին
  • «Արցախպրես» լրատվական գործակալությունը այս առթիվ նոյեմբերի 20-ին Արցախի դրոշի հեղինակ Վահե Ֆատտալի կողմից ստացել է նամակ, ով գրում է, որ օգտագործվող տարբերանշանի իրական հեղինակային իրավունքը պատկանում է իրեն: Հեղինակի խնդրանքով նամակն ամբողջությամբ ներկայացնում ենք ստորև՝ «Իմ անունը Վահե Ֆատտալ է: Ես փաստացի հեղինակն եմ «Բարձրացած բռունցք, Արցախ-Ղարաբաղ» խորագրով տարբերանշանի, որը գողացվել է Նինա Շահվերդյանի ու Արմեն Ղուկասյանի կողմից և օգտագործվել Արցախյան շարժման 30-ամյակին նվիրված պաստառի վրա: Ես նրանց չեմ ճանաչում: Փաստն այն է, որ մի քանի տարի առաջ նախագծել եմ Ղարաբաղի մասին երկու պաստառ՝ օգտագործելով այդ տարբերանշանը: Փարիզում այդ երկու պաստառները տպել եմ արծաթագույն ֆոնի վրա և սփռել Սփյուռքում՝ Ղարաբաղի համար գումար հավաքելու նպատակով: Ամոթալի է վերը նշած անձանց համար, քանի որ նրանք կեղծորեն պնդում են, որ իրենք են հեղինակել տարբերանշանը: Ես խնդրում եմ գործակալությանը, որ իմ՝ տարբերանշանի մասին տված տեղեկատվությունը փոխանցեք հանձնաժողովի անդամներին, քանի որ իմ հեղինակած տարբերանշանը այժմ օգտագործվում է 30-ամյակին նվիրված պաստառի վրա: Հավելեմ նաև, որ ես եմ նախագծել  Ղարաբաղի դրոշը, որը Ղարաբաղի Գերագույն Խորհրդի կողմից ընդունվել է որպես պետական դրոշ»: Լուսանկարները՝ հեղինակի ...

    Կարդալ ավելին
  • Ֆիլիպիններն ու Հայաստանը քննարկում են երկկողմ աշխատանքային պայմանագիր կնքելու հնարավորությունը: Հայտնում են Մոսկվայի ֆիլիպինցի դիվանագետները: Անցյալ շաբաթ Մոսկվայում Ֆիլիպինների դեսպանատունը հայտարարել է, որ Հայասատնի ԱԳՆ ներկայացուցիչների հետ հոկտեմբերի 30-ին Երեւանում ունեցած հանդիպման ժամանակ քննարկել են աշխատանքային պայմանագիր կնքելու հնարավորությունները, NEWS.am-ի փոխանցմամբ, հաղորդում է  Business World կայքը։ Ռուսաստանում Ֆիլիպինների դեսպան Կառլոս Սորետան ասել է, որ դեսպանությունը ցանկանում է մեծացնել Հայաստանի օրենսդրությամբ ֆիլիպինցիներին տրվող աջակցությունը, ինչը կարեւոր քայլ է երկրների միջեւ երկկողմ հարաբերությունների բարելավման ուղղությամբ: Առաջարկը արվել է Ֆիլիպինցիների կողմից` նպատակ ունենալով ավելացնել Հայաստանում ապրող եւ աշխատող ֆիլիպինցիների թիվը: Դեսպանությունը հայտնել է, որ Միջին Արեւելքի ֆիլիպինցիների շրջանում Հայաստանը ավելի ճանաչված է դառնում որպես տուրիստական երկիր, եւ ֆիիպինցիները ցանկություն են հայտնում հաստատվել Հայաստանում: Մոսկվայում Ֆիլիպինների դեսպանության տվյալներով` այժմ Հայաստանում մոտ 300 ֆիլիպինցի է բնակվում: ...

    Կարդալ ավելին
  • Եվրասիական տնտեսական հանձնաժողովի առևտրի հարցերով Կոլեգիայի անդամ (նախարար) Վերոնիկա Նիկիշինան և Եգիպտոսի առևտրի ու արդյունաբերության նախարար Ամր Նասսարը ստորագրել են փաստաթուղթ  հետագա բանակցությունների անցկացման վերաբերյալ: Փաստաթղթում ամրագրվել են հետագա աշխատանքի հիմնական նպատակներն ու սկզբունքները: Նիկիշինան կարևորել է Եգիպտոսի դերակատարումը՝ որպես ԵԱՏՄ առևտրային գործընկեր՝ ընդգծելով, որ Միության անդամ շատ երկրներ արդեն պաշտոնական Կահիրեի հետ ունեն ամուր առևտրատնտեսական կապեր: Ամր Նասսարը նշել է, որ եգիպտական կողմը մեծ կարևորություն է տալիս ԵԱՏՄ հետ բանակցություններին: Կողմերը համաձայնության են եկել Եգիպտոսի ու ԵԱՏՄ միջև ազատ առևտրի մասին համաձայնագրի շուրջ բանակցությունների առաջին փուլն անցկացնել 2019-ի հունվարի երկրորդ կեսին: ...

    Կարդալ ավելին
  • Արցախ այցելած հունգարացի լրագրող Դավիդ Դերշենին, ով հունգարական ամենախոշոր կայքերից մեկը՝ «Hvg.hu»-ն է ներկայացնում, իր՝ «Լեռնային Ղարաբաղ. մենք գտանք հիանալի գանձեր չճանաչված երկրում» հոդվածում նկարագրել է սեպտեմբերին Արցախ կատարած այցից ստացած տպավորությունները: Ղարաբաղի «ֆանտաստիկ բնության գեղեցկությունը, պատմական հուշարձանները, որոնք գրավում են աշխարհի ավելի ու ավելի շատ թվով մարդկանց»: Լրագրողը համառոտ անդրադառնում է Լեռնային Ղարաբաղի հակամարտության պատմությանը՝ ընդգծելով, որ 1920-ականների սկզբին «Արցախն ու հայկական պատմական այլ հողեր Ստալինի կողմից են բռնակցվել Ադրբեջանին»: Հունգարացի լրագրողը անդրադարձել է Արցախի պետնախարար Գրիգորի Մարտիրոսյանի, արտգործնախարար Մասիս Մաիլյանի հետ ունեցած հանդիպումներին, որոնց ժամանակ պաշտոնյաները ներկայացրել են Արցախի տնտեսության զարգացման հեռանկարները, արտաքին քաղաքականության ուղղությունները: Հոդվածագիրը հատուկ ուշադրություն է դարձրել Թումո տեխնոլոգիական կենտրոնին՝ նկարագրելով պատանիներին անվճար մատուցվող բարձրակարգ տեխնոլոգիական կրթությունն ու նորարարական կենտրոնի աշխատանքները: Հոդվածում հատուկ անդրադարձ է կատարվել Արցախի պատմամշակութային ժառանգությանը: Հեղինակը նշում է, որ հայերն աշխարհում քրիստոնեությունն ընդունած ամենահին ազգն են, հիացմունքով նկարագրում այցերը հինավուրց վանքեր (Ամարաս, Դադիվանք, Գանձասար, Շուշիի Սբ. Ամենափրկիչ), Արցախի տեսարժան այլ վայրեր (Ջդրդուզ, Տնջրի): Արցախի համեղ սննդով հիացած հունգարացի լրագրողը միաժամանակ նշում է, որ երկրի տուրիստական ներուժի փոքր մասն է օգտագործվում: Դերշենին ընդգծում է արցախահայության քրիստոնեական հավատքի պատմական դերը, նշում Արցախի թեմի առաջնորդ Պարգև Սրբազանի հետ ունեցած հանդիպման մասին, անդրադառնում հայկական ազգային ավանդույթներին, արժեքներին, ընտանիքի նկատմամբ առանձնահատուկ վերաբերմունքին: ...

    Կարդալ ավելին
  • Բելառուսը եւ Ադրբեջանը բելառուսական ռազմական տեխնիկայի հերթական խմբաքանակի մատակարարման մասին գործարք են նախապատրաստում: Այս մասին Բելառուսի նախագահ Ալեքսանդր Լուկաշենկոյի հետ բանակցություններից հետո լրագրողների հետ զրույցում ասել է  Ադրբեջանի նախագահ Իլհամ Ալիեւը, NEWS.am-ի փոխանցմամբ, այս մասին հաղորդում է ԲԵԼՏԱ-ն: Աղբյուրը հաղորդում է, որ այսօր բանակցություններից հետո Բելառուսի պետական ռազմարդյունաբերական կոմիտեի եւ Ադրբեջանի ՊՆ-ի հետ սպառազինությունների եւ հակաօդային պաշտպանության տեխնիկայի սպառազինությունների ոլորտում երկկողմ փոխշահավետ համագործակցության մասին փոխըմռնման հուշագիր է ստորագրվել: «Ամենակարճ ժամանակում այն Բելառուսից ռազմական տեխնիկայի հերթական խմբաքանակի ձեռքբերման գործարքի կվերածվի», - ասել է Իլհամ Ալիեւը: Նրա խոսքով Ադրբեջանը գոհ է այս ոլորտում Բելառուի հետ համագործակցությունից, քանի որ նրա արտադրանքը շատ որակյալ եւ արդյունավետ է: «Ուստի պատահական չէ, որ մեր երկրների միջեւ ռազմատեխնիկական համագործակցությունը լավ պատմություն ունի, բավականին մեծ ծավալներ եւ ընդլայնման միտում», - ասել է Ալիեւը: ...

    Կարդալ ավելին
  • Համաեվրոպական հեռախոսամարաթոն 2018-ին նվիրաբերվել է 1 242 460 եվրո Այս մասին տեղեկացրին «Հայաստան» համահայկական հիմնադրամից: Ավարտվել է «Հայաստան» համահայկական հիմնադրամի համաեվրոպական հեռախոսամարաթոնը: Նոյեմբերի 14-18-ն ընկած ժամանակահատվածում Եվրոպայի հայությունը հանգանակել է ընդհանուր առմամբ 1 մլն 242 հազար 460 եվրո: Հեռախոսամարաթոն-2018-ը մեկնարկել է Մարսելից՝ ընդգրկելով Թուլուզը, Լիոնը, Փարիզը: Այնուհետև ֆոնեթոնի էստաֆետը վերցրել են Շվեյցարիայի, Գերմանիայի, Հունաստանի հայերը: Այս տարի հեռախոսամարաթոնի մասնակիցների թիվը ավելացել է 700-ով՝ հատելով 10. 000-ի սահմանը: Համահայկական հիմնադրամի Հեռախոսամարաթոն-2018-ի գումարներն ուղղվելու են Տավուշի մարզի գյուղատնտեսական ծրագրերի զարգացմանը, Արցախում արևային էներգիայի ներդրմանը, նաև Հալեպի հայերի կարիքներին: Ստորև ներկայացնում ենք  համաեվրոպական Հեռախոսամարաթոն 2018-ի արդյունքներն ըստ տարածաշրջանի. Փարիզ՝   686 162 եվրո Մարսել՝   207 149 եվրո Լիոն՝       177 988 եվրո Թուլուզ՝   66 447 եվրո Ֆրանսիա ընդհանուր՝  1 137 746 եվրո Գերմանիա՝ 73 845 եվրո Շվեյցարիա՝ 19 717 եվրո Հունաստան՝ 11 150 եվրո ...

    Կարդալ ավելին
  • Այս մասին facebook-ի իր էջում գրել է պաշտպանության նախարարի պաշտոնակատարի մամուլի քարտուղար Արծրուն Հովհաննիսյանը: «ՀՀ պաշտպանության նախարարի պաշտոնակատար Դավիթ Տոնոյանին ընդունեց Աֆղանստանի իսլամական հանրապետության պաշտպանության նախարար Թարիք Շահ Բահրամին։ Նախարարները քննարկեցին տարածաշրջանային զարգացումները, երկրում ստեղծված ռազմաքաղաքական իրավիճակը, հայ խաղաղապահների առաքելության եւ այլ հարցեր։ Դավիթ Տոնոյանը առաջարկեց երկկողմ հարաբերությունների զարգացման համատեքստում քննարկել Հայաստանում աֆղանստանցի ուսանողների ուսուցանման հնարավորությունները եւ հումանիտար համագործակցության խորացումը։ Հանդիպման ընթացքում Դավիթ Տոնոյանը շնորհակալություն հայտնեց իր գործընկերոջը ջերմ ընդունելության համար։ Թարիք Շահ Բահրամին իր հերթին շնորհակալություն հայտնեց Դավիթ Տոնոյանին այցի ինչպես նաեւ հայ խաղաղապահների առաքելության համար»,-գրել է Արծրուն Հովհաննիսյանը: ...

    Կարդալ ավելին
  • Արցախի Հանրապետության Մարդու իրավունքների պաշտպանը հայտարարում է լուսանկարների և տեսանյութերի մրցույթ՝ «Մարդու իրավունքներն իմ աչքերով» խորագրով՝ նվիրված ԱՀ Սահմանադրության 12-րդ և Մարդու իրավունքների համընդհանուր հռչակագրի 70-րդ տարեդարձերին: Այս մասին «Արցախպրես»-ին տեղեկացրին ԱՀ ՄԻՊ աշխատակազմից: Մրցույթն անցկացվում է Թուֆենկյան հիմնադրամի հոգաբարձուների խորհրդի անդամներ Ջուտիթ և Վիկտոր Սարյանների հովանավորությամբ, որոնք լուսանկարների և տեսանյութերի առանձին անվանակարգերում առաջին հորիզոնականը զբաղեցրած մասնակիցներին հատկացնելու են 150,000-ական, երկրորդ հորիզոնականին՝ 100,000-ական, իսկ երրորդ հորիզոնականին՝ 50,000-ական ՀՀ դրամ: Մրցույթի մասնակցության պայմաններն են՝ Մրցույթին կարող են մասնակցել Արցախի Հանրապետության դպրոցների բոլոր աշակերտները. Լուսանկարները և տեսանյութերը պետք է վերաբերեն մարդու իրավունքներին, իսկ թե կոնկրետ ինչ իրավունքի և ինչպիսի դրսևորմամբ՝ թողնվում է հեղինակի հայեցողությանն ու ստեղծագործականությանը. Մրցույթին ներկայացվող լուսանկարի ու տեսանյութի հեղինակը պետք է տվյալ մասնակիցը լինի. Մրցույթին ներկայացվող լուսանկարները և տեսանյութերը չպետք է որևէ տեղ հրապարակված լինեն. Լուսանկարները պետք է ունենան նկարագրություն, իսկ տեսանյութերը՝ վերնագիր, որոնք կարտացոլեն ներկայացվող նյութի հիմնական ասելիքը. Տեսանյութերի տևողությունը չպետք է գերազանցի 2 րոպեն. Լուսանկարի ծավալը չպետք է գերազանցի 10 MB-ը, իսկ տեսանյութի ծավալը՝ 100 MB-ը. Նկարահանման համար կարելի է օգտագործել ցանկացած սարք. Մեկ մասնակիցը կարող է ուղարկել մեկական լուսանկար և (կամ) տեսանյութ: Վերոնշյալ պայմաններին չհամապատասխանող հայտերը չեն ընդունվելու: Մրցույթի ընթացակարգը հետևյալն է՝ Լուսանկարներն ու տեսանյութերը պետք է մինչև ս.թ. դեկտեմբերի 5-ը ուղարկվեն info@ombudsnkr.am էլեկտրոնային փոստի հասցեին՝ կա՛մ կից ֆայլով, կա՛մ հղմամբ: Նամակի մեջ պետք է նշվի լուսանկարի նկարագրությունն ու տեսանյութի վերնագիրը, հեղինակի անուն ազգանունը, ծննդյան տարեթիվը, դպրոցի անվանումը, հեղինակի բնակության հասցեն և հեռախոսահամարը, իսկ նամակի վերնագրի դաշտում պետք է գրվի մասնակցի անուն ազգանունը և մրցույթի խորագրի անվանումը. Նամակը ստանալուց հետո Պաշտպանի աշխատակազմը պատասխան նամակով կծանուցի մասնակցին հայտի ստացման մասին, այնուհետև տվյալ լուսանկարը կամ տեսանյութը կտեղադրի ՄԻՊ ֆեյսբուքյան պաշտոնական էջում՝ https://www.facebook.com/ArtsakhOmbuds/. Դեկտեմբերի 5-ի ժամը 23:59-ի դրությամբ ամփոփվելու են ֆեյսբուքյան էջում տեղադրված լուսանկարների և տեսանյութերի ստացած հավանումները, և ամենաշատ հավանում ստացած 5-ական լուսանկարներն ու տեսանյութերն անցնելու են երկրորդ փուլ. Երկրորդ փուլում մրցութային հանձնաժողովը քննելու է ֆեյսբուքյան օգտատերերի ամենաշատ հավանումներին արժանացած 5-ական լուսանկարներն ու տեսանյութերը՝ խորագրին համապատասխանելիության և ստեղծագործականության չափորոշիչների հիման վրա որոշելով լուսանկարի ու տեսանյութի անվանակարգերի լավագույն 3 հայտերը: Մրցութային հանձնաժողովի կազմում են մի խումբ հանրային գործիչներ Արցախի ու Հայաստանի Հանրապետություններից և Սփյուռքից՝ ԱՀ երկրորդ մարդու իրավունքների պաշտպան Ռուբեն Մելիքյանի գլխավորությամբ. Ս.թ. դեկտեմբերի 10-ին Մարդու իրավունքների պաշտպանի աշխատակազմը հայտարարելու է հաղթողների անունները՝ նրանց տրամադրելով նախատեսված մրցանակները: Մրցույթին ներկայացնելով իրենց լուսանկարներն ու տեսանյութերը՝ մասնակիցները դրանով համաձայնություն են տալիս, որ Մարդու իրավունքների պաշտպանի աշխատակազմը կարող է տվյալ նյութերն օգտագործել մարդու իրավունքների պաշտպանությանն առնչվող իրազեկման ցանկացած աշխատանքներում: ...

    Կարդալ ավելին
  • «Չի կարելի թույլ տալ, որ այս նախագիծը կյանքի կոչվի». Արփինե Հովհաննիսյանը՝ Կառավարության ներկայացրած աղմկահարույց նախագծի մասին: ...

    Կարդալ ավելին

ՖԲՀ

Քաղաքականություն