• Մոսկվան կոչ է անում բոլոր երկրներին կտրականապես հրաժարվել Վենեսուելայում զինված միջամտության գաղափարից: Այս մասին հինգշաբթի հայտարարել է Ռուսաստանի արտգործնախարար Սերգեյ Լավրովը: «Մասնավորապես մտահոգիչ են ազդանշանները, որոնք հնչում են որոշ մայրաքաղաքներից՝ այն թեմայով, որ դրսից զինված միջամտությունը չի բացառվում: Մենք կոչ ենք անում կտրականապես հրաժարվել նման մտքերից», - ընդգծել է նա: «Ավելորդ անգամ համոզվում ենք, թե ինչպես է Միացյալ Նահանգները, որը պարանոիկ կերպով անհանգստանում է, երբ իբր ինչ-որ մեկը միջամտում է իր ընտրություններին՝ ոչ մի ապացույց չունենալով իր ձեռքում, իրենք իսկ հերթական անգամ՝ սա առաջին դեպքը չէ վերջին ամսվա ընթացքում, Վենեսուելայում դա անում են չափազանց կոպտորեն`փորձելով հանդես գալ որպես այլ ազգերի ճակատագրի տնօրինողներ։ Մինչդեռ իրականում նրանք պարզապես միջամտում են նրանց ներքին գործերին», - նշել է նախարարը: «Այստեղ Մյուլլերի ոչ մի հանձնաժողով չկա (ԱՄՆ հատուկ դատախազ Ռոբերտ Մյուլլերը վարում է 2016-ին ամերիկյան ընտրություններում Ռուսաստանին վերագրված միջամտության հետաքննությունը), եւ նույնիսկ ստեղծել էլ պետք չէ»: Այն փաստը, որ Միացյալ Նահանգները եւ մի շարք այլ երկրներ՝ առաջին հերթին, տարածաշրջանի երկրները, անհապաղ ճանաչում են նախագահի ինքնահռչակ ժամանակավոր պաշտոնակատարին, խոսում է միայն այն մասին, որ նրանք ուղղակիորեն մատը դրել են երկիշխանության արհեստական ​​ստեղծման վրա, որը հղի է քաոսով եւ ներքաղաքական իրավիճակի շատ լուրջ ապակայունացմամբ», - հայտարարել է Լավրովը՝ Ալժիրի արտաքին գործերի նախարար Աբդելքադեր Մեսախելի հետ բանակցությունների արդյունքների ամփոփիչ մամլո ասուլիսի ժամանակ,  հաղորդում է  «ՌԻԱ Նովոստին»։ «Մենք դիմում ենք Վենեսուելայի ընդդիմությանը՝ ընդդիմության, որը հուսով եմ, որ իր երկրի ազգային շահերը դնում է առաջին տեղում, այլ ոչ թե խաղաքարտ է դառնում օտարի կեղտոտ, հանցավոր խաղի մեջ», - ասել է Լավրովը: ...

    Կարդալ ավելին
  • Ֆրանսիայում հունվարի 19-ին «դեղին բաճկոնների» ցույցերի ժամանակ մոտ 300 մարդ է ձերբակալվել։ Նրա խոսքով՝ իրավապահները բախվել են «չտեսնված բռնության», այդ իսկ պատճառով ռետինե փամփուշտների օգտագործումն արդարացված է։ Հունվարի 19-ին Ֆրանսիայում անցկացվել է «դեղին բաճկոնների» 10-րդ ակցիան։ Ողջ երկրով մեկ բողոքի ակցիայի էր դուրս եկել մոտ 84 հազար մարդ։ ...

    Կարդալ ավելին
  • Առնվազն 15 իրավապահներ են զոհվել և վնասվածքներ ստացել Աֆղանստանի արևելյան Լոգար նահանգի նահանգապետի ավտաշարասյան վրա կատարված հարձակման հետևանքով։ Հարձակումը կատարվել է Մուհամմադ Ագա շրջանում։ Անվտանգության ծառայությունների աշխատակիցները փակել են մայրուղին, որտեղ տեղի է ունեցել հարձակումը։ Նահանգապետ Անվար Իսհակզայն անվտանգության նահանգային վարչության պետի հետ վերադառնում էր Քաբուլից։ Նրանք չեն տուժել։ Հարձակումն իրականացրել է մահապարտ-ահաբեկիչը՝ պայթուցիկով լցոնված մեքենայով։ Պայթյունի հետևանքով վնասվել են ավտոշարասյան 6 մեքենաներ։ Հարձակման պատասխանատվությունը ստանձնել է «Թալիբան» շարժումը։ ...

    Կարդալ ավելին
  • ԱՄՆ նախագահ Դոնալդ Թրամփն ու Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել, որի ընթացքում պայմանավորվել են շարունակել փնտրել Սիրիայի հյուսիս-արևելքում անվտանգության ապահովման խնդրի լուծումը: Այս մասին հաղորդում է Սպիտակ տան մամուլի ծառայությունը։ «Երկու առաջնորդները պայմանավորվել են շարունակել փնտրել համաձայնեցված լուծում Սիրիայի հյուսիս-արևելքում անվտանգության ապահովման համար: Նրանք նաև քննարկել են ԱՄՆ-ի և Թուրքիայի միջև առևտրային հարաբերությունների ընդլայնման փոխադարձ հետաքրքրվածության հարցը», - ասվում է Սպիտակ տան մամուլի ծառայության հաղորդագրության մեջ: «Նախագահ Էրդողանը ցավակցություններ է հայտնել այս շաբաթ սիրիական Մանբիջում ամերիկացիների ողբերգական մահվան կապակցությամբ: Նախագահ Թրամփն ընդգծել է Սիրիայում դեռ մնացած ահաբեկիչների ամբողջական ոչնչացման կարևորությունը», - հայտնել է ամերիկյան վարչակազմի մամուլի ծառայությունը: Ավելի վաղ, Reuters գործակալությունը հայտնել էր, որ հեռախոսազրույցի ընթացքում Էրդողանը հայտարարել է, որ Թուրքիան պատրաստ է անմիջապես ստանձնել Մանբիջում անվտանգության ապահովման պարտավորությունը: ...

    Կարդալ ավելին
  • ՄԱԿ-ի 8 խաղաղապահներ են սպանվել, եւս մի քանիսը՝ վիրավորվել Մալիի հյուսիսային հատվածում գյուղի վրա ահաբեկիչների զինված հարձակումը ետ մղելիս: Կիրակի Ագուելհոքի մոտակայքում բախում է տեղի ունեցել՝ զինված տրանսպորտային միջոցներով ահաբեկիչների հարձակումից հետո, ասվում է Մալիում խաղաղություն ապահովելու հարցով ՄԱԿ-ի առաքելության ներկայացուցիչների հայտարարության մեջ, հայտնում է News.am-ը: Խաղաղապահները ետ են մղել հարձակումը, սակայն ութ մարդ զոհվել է, եւս մի քանիսը՝ վիրավորվել: Առաքելության ղեկավար Մահամաթ Սալեհ Անադիֆը պահանջել է «վճռական, արագ եւ համակարգված արձագանք»: ...

    Կարդալ ավելին
  • Հորդառատ անձրեւների եւ ձյան պատճառով ԱՄՆ-ում հազարից ավելի չվերթ է չեղարկվել: Այս մասին հաղորդում է «Կոմմերսանտ»-ը՝ հղում կատարելով Ռուսաստանի ԱԳՆ-ի Ճգնաժամային կենտրոնի վարչության թվիթերյան հրապարակմանը: Նշվում է, որ եղանակային պայմանները խոչընդոտել են օդանավակայանների աշխատանքը երկրի կենտրոնական եւ հյուսիս-արեւելյան մասերում, այդ թվում՝ Չիկագոյում, Բոստոնում եւ Նյու Յորքում: «Նյու Ջերսի եւ Փենսիլվանիա նահանգներում արտակարգ դրություն է հայտարարվել»,-news.am-ի փոխանցմամբ՝ հավելել են վարչությունում: Ըստ FlightAware հարթակի տվյալների՝ Միացյալ Նահանգներում հունվարի 19-ին չեղարկվել է ավելի քան 2 հազար չվերթ, գրեթե 3 հազարը՝ հետաձգվել: ...

    Կարդալ ավելին
  • ՀՀ վարչապետ Նիկոլ Փաշինյանը Կոմիտասի անվան պանթեոնում մասնակցել է Սիլվա Կապուտիկյանի 100-ամյակին նվիրված հիշատակի արարողությանը։ «Արմենպրես»-ի հաղորդմամբ՝ Նիկոլ Փաշինյանն այս մասին հայտնեց «Ֆեյսբուք»-ի իր էջի ուղիղ եթերում։ Նա ընթերցեց բանաստեղծուհու 100-ամյակի կապակցությամբ հրատարակված ժողովածուում ընդգրկված «Հայոց աշխարհ» բանաստեղծությունը։ «Ես այս բանաստեղծությունը կարդում եմ՝ ի նշանավորումն և իմ հարգանքի տուրքը մատուցելով Սիլվա Կախուտիկյանին»,- նշեց Նիկոլ Փաշինյանը։ ...

    Կարդալ ավելին
  • Լոնդոնի «Արսենալ»-ի գլխավոր մարզիչ Ունայ Էմերին հերթական տուրում «Չելսի»-ն հաղթելուց հետո խոսել է «զինագործների» խաղի մասին: «Ուզում էինք հաղթել այս խաղը մեր երկրպագուների համար: Հիմա, երբ «Չելսի»-ին զիջում ենք միայն երեք միավորով, այս հաղթանակը թույլ կտա լավ տրամադրությամբ առաջ շարժվել: Գոհ եմ խաղից, բայց պետք է բարելավենք մեր խաղն ամեն հանդիպումից հետո: Մեզ հավասարակշռություն է պետք տնային և արտագնա խաղերում»,- էմերիի խոսքերը փոխանցում է «Արսենալ»-ի պաշտոնական կայքը:     Ֆուտբոլի Անգլիայի առաջնության 23-րդ տուրի շրջանակներում «Արսենալ»-ը սեփական հարկի տակ հյուրընկալել էր «Չելսի»-ին:  «Զինագործները» հաղթեցին 2:0 հաշվով: Հայաստանի ֆուտբոլի ազգային թիմի կիսապաշտպան Հենրիխ Մխիթարյանը վնասվածքի պատճառով բաց թողեց հանդիպումը: Այս հաղթանակից հետո «Արսենալ»-ը 44 միավորով 5-րդ տեղում է: ...

    Կարդալ ավելին
  • Արցախի Հանրապետության Նախագահ Բակո Սահակյանը հունվարի 20-ին շնորհավորական ուղերձ է հղել Դատական համակարգի աշխատողի օրվա կապակցությամբ: Ինչպես FBH.am-ին տեղեկացրին Արցախի Հանրապետության Նախագահի աշխատակազմի տեղեկատվության գլխավոր վարչությունից, ուղերձում ասված է. «Դատական համակարգի հարգելի՛ աշխատակիցներ եւ վետերաններ, Արցախի Հանրապետության իշխանությունների եւ անձամբ իմ անունից ի սրտե շնորհավորում եմ ձեզ Դատական համակարգի աշխատողի օրվա կապակցությամբ: Սա եւս մեկ առիթ է արժեւորելու ու կարեւորելու ձեր առանցքային դերակատարությունը օրինականության, իրավունքի գերակայության եւ մարդու իրավունքների պաշտպանության,  մեր երկրում ժողովրդավարական ինստիտուտների զարգացման եւ պետականաշինության  գործում։ Տարիներ շարունակ իրականացված բարեփոխումների եւ սկզբունքային քաղաքականության նպատակն էր ունենալ անկախ ու արհեստավարժ դատական իշխանություն, որի զարգացմանն ու կատարելագործմանը, դատական մարմինների եւ դատավորի լիարժեք անկախության ու ինքնուրույնության ապահովմանն ուղղված աշխատանքներն այսուհետ եւս պետք է լինեն հետեւողական ու կրեն շարունակական բնույթ: Դատական համակարգի եւ գործող դատավորների առաջնահերթ խնդիրներից եղել եւ մնում է օրենքի տառին ու ոգուն, արդարադատության սկզբունքներին խստագույնս հետեւելն ու դրանցով առաջնորդվելը: Համոզված եմ, որ դա մշտապես կլինի ձեր գործունեության հիմքում եւ կօգնի արդյունավետորեն իրականացնել ձեր գործառույթները։ Պետությունը կշարունակի անհրաժեշտ միջոցներ ձեռնարկել դատական համակարգի աշխատողների աշխատանքային եւ  սոցիալ-կենցաղային խնդիրների լուծման ուղղությամբ: Թանկագի՛ն բարեկամներ, Մեկ անգամ եւս շնորհավորում եմ ձեզ մասնագիտական տոնի առթիվ եւ մաղթում բոլորիդ հաջողություններ աշխատանքում ու ընտանիքում»: ...

    Կարդալ ավելին
  • Եվրոպայի խորհրդի խորհրդարանական վեհաժողովում Հայաստանի պատվիրակությունը կղեկավարի Ազգային ժողովի «Իմ քայլը» խմբակցության պատգամավոր, արտաքին հարաբերությունների մշտական հանձնաժողովի նախագահ Ռուբեն Ռուբինյանը: ՀՀ ազգային ժողովի պաշտոնական կայքից տեղեկանում ենք, որ պատվիրակության կազմում ընդգրկված են Հովհաննես Իգիթյանը («Իմ քայլը»), Նաիրա Զոհրաբյանը («Բարգավաճ Հայաստան») եւ Էդմոն Մարուքյանը («Լուսավոր Հայաստան»): Որպես փոխարինող անդամներ պատվիրակության կազմում կլինեն Վլադիմիր Վարդանյանը («Իմ քայլը»), Սոս Ավետիսյանը («Իմ քայլը»), Տաթեւ Հայրապետյանը («Իմ քայլը») եւ Միքայել Մելքումյանը («Բարգավաճ Հայաստան»): ...

    Կարդալ ավելին

ՖԲՀ

Քաղաքականություն