• ՀՀ Հարկային օրենսգրքում փոփոխություններ և լրացումներ կատարելու մասին օրենքի նախագծով անդրադարձ է կատարվում մեքենաների առքուվաճառքով զբաղվող ֆիզիկական անձանց հարկման համակարգին: Այս մասին լրագրողների հետ զրույցում ասաց ՀՀ ֆինանսների նախարարի տեղակալ Արման Պողոսյանը: «Նախատեսվում է վաճառքի գնից 1 տոկոս եկամտային հարկի վճարման կանոնի ամրագրում, որը չպետք է լինի ավելի պակաս, քան յուրաքանչյուր ձիաուժի հաշվով 100 դրամը: Զուգահեռաբար նախատեսվում է հետադարձ ուժ տալ այս կանոնին, այսինքն՝ կիրառել 2018 թվականի հուլիսի 1-ից հետո, որպեսզի այն քաղաքացիները, որոնք այս ընթացքում զբաղվել են առքուվաճառքով և կուտակել են հարկային պարտավորություններ, կարողանան կատարել դրանք»,- ասաց նա: Համաձայնելով դիտարկմանը, որ նրանց համար սահմանվող հարկային բեռը բավական ցածր է, Պողոսյանը տվեց դրա հիմնավորումները: «Առաջինը, որպեսզի նրանք նախ կարողանան մարել իրենց առաջ կուտակված հարկային պարտավորությունները, որովհետև եթե դրանք լինեն ավելի բարձր դրույքաչափերով հաշվարկվող պարտավորություններ, իրատեսական չեն դառնա դրանց մարումները: Դրա այլընտրանքն այն է, որ նորից կատարվի հարկային համաներում, ինչը խիստ անցանկալի է, քանի որ այս անձանց համար վերջին 2-3 տարիների ընթացքում արդեն երկու անգամ համաներում կատարվել է: Երկրորդ, ավտոմեքենաների առքուվաճառքն առանձնահատուկ է այն առումով, որ գուցե վաճառքի գինը բարձր է, սակայն միջնորդավճարը, որն այս մարդիկ աշխատում են, բարձր չէ, հետևաբար եթե մենք դրույքաչափը կիրառում ենք վաճառքի գնի նկատմամբ, բարձր դրույքաչափի միջոցով հաշվարկվող հարկը կարող է ստացվել ավելի մեծ գումար, քան նրանց միջնորդավճարն է»,- նշեց նա: ...

    Կարդալ ավելին
  • Այսօր մեկնարկած ԵԽԽՎ ձմեռային նստաշրջանում ԵԽԽՎ հայկական պատվիրակության անդամ Նաիրա Զոհրաբյանը խոսել է Թուրքիայում Գարո Փալյանին պատգամավորական անձեռնմխելիությունից զրկելու գործընթացից, պահանջելով Վեհաժողովից անհապաղ միջամտել և թույլ չտալ, որ թուրքական տխրահռչակ 301 հոդվածով լռեցնեն այլախոհներին։ «Միջնադարյան ինկվիզիցիայի ժամանակները անցել են և «թյուրքականությունը» վիրավորելու կեղծ մեղադրանքներով Թուրքիայում լռեցվում է ազատ խոսքը»,- Panorama.am-ի փոխանցմամբ՝ հայտարարել է Զոհրաբյանը։       Նաիրա Զոհրաբյանն իր ելույթում մասնավորապես ասել է. «Ես այսօր ուզում եմ բողոքի իմ ձայնը բարձրացնել Թուրքիայում քաղաքական գործիչների,  պատգամավորների հանդեպ սկսված վհուկների աննախադեպ որսի կապակցությամբ, որոնց թվում ՝ Լեյլա Գյուվենի Էրթուգլու Քուրքչուի, Սելահաթին Դեմիտրասի դեմ: Թուրքիայում   Դիարբեքիր քաղաքի  դատախազությունը միջնորդություն է ներկայացրել Թուրքիայի խորհրդարան՝ 8 պատգամավորի պատգամավորական անձեռնմխելիությունից զրկելու համար, որոնց թվում է նաև հայազգի պատգամավոր Գարո Փալյանը։ Գարո Փալյանին պատգամավորական անձեռնմխելիությունից զրկելու միջնորդություն է ստացվել նաև  Թուրքիայի նախագահի նստավայրից։ Հերթական անգամ գործի է դրվել Թուրքիայի քրեական օրենսգրքի տխրահռչակ 301 հոդվածը, որով այդ երկրում լռեցնում և բանտերն են նետում  այլախոհներին, լրագրողներին, ընդդիմախոսներին։ Այս խայտառակ հոդվածով ժամանակին քրեական գործ հարուցվեց թուրքահայ հայտնի մտավորական և լրագրող Հրանտ Դինքի հանդեպ, ով  սպանվեց միայն նրա համար, որ հայ էր։ «Թյուրքականությունը վիրավորելու» անհեթեթ հոդվածով նաև բազմաթիվ թուրք մտավորականների հանդեպ են հարուցվել կեղծ քրեական գործեր։   Մարդու իրավունքների Եվրոպական դատարանը,  Եվրոպական խորհրդարանն ու մեր Վեհաժողովը բազմաթիվ անգամներ անդրադարձել են միջնադարյան ինկվիզիցիային բնորոշ այդ հոդվածին, սակայն թուրքական քաղաքական էլիտան մնաց անդրդվելի։ և, հարգելի գործընկերներ,  ի՞նչ է ասել Գարո Փալյանը, որ Էրդողանն ու թուրքական արդարադատությունը ընկալել են որպես թուրք ազգությանը վիրավորանք։ Իսկ Գարո Փալյանն ընդամենը ներկայացրել է Դիարբեքիր քաղաքում տիրող իրավիճակն ու ասել՝ «Դիարբեքիրի ամեն անկյունում կարելի է զրահատեխնիկա և ջրցան մեքենաներ տեսնել, ինչը հիշեցնում է Հիտլերի և Մուսոլինիի ժամանակները»։ Ընդամենը սա։ Հիմա, հարգելի գործընկերներ, կարո՞ղ եք ասել, փաստի պարզ արձանագրումը ինչպե՞ս կարող է նսեմացնել  թուրք ազգին և Թուրքիային։ Բայց, պարզվում է, Էրդողանը որոշել է, որ թուրք ազգն ու համայն Թուրքիան Փալյանի այս նախադասությունից  մեծապես նվաստացած ու անարգված են և պահանջում է պատգամավորին զրկել անձեռնմխելիությունից։ Հարգելի գործընկերներ, 21-դարում, երբ թվում էր, թե միջնադարյան ինկվիզիցիայի ժամանակները անցել են, մենք տեսնում ենք, թե ինչպես են Թուրքիայում փորձում լռեցնել ազատ խոսքն ու ազատ միտքը։ Թուրքիան ԵԽ անդամ է և ես դիմում եմ, ես խնդրում եմ,  ոչ, ես պահանջում եմ մեր Վեհաժողովից  թույլ չտալ, որ  Գարո Փալյանի և մնացյալ քաղաքական գործիչների հանդեպ տեղի ունենան հակաիրավական  գործողություններ և պահանջել Թուրքիայից հրաժարվել խայտառակ 301 հոդվ ...

    Կարդալ ավելին
  • Արտակարգ իրավիճակների նախարարությունը տեղեկացնում է, որ հունվարի 24-ին՝ ժամը 20:00-ի դրությամբ ՀՀ տարածքում կան դժվարանցանելի և փակ ավտոճանապարհներ: Վարդենյաց լեռնանցքը փակ է միայն կցորդիչով ավտոմեքենաների համար, իսկ մարդատարների համար՝ դժվարանցանելի: Սոթք-Քարվաճառ ավտոճանապարհին, Շիրակի մարզի Աշոցքի և Ամասիայի տարածաշրջանների, Սյունիքի մարզի ավտոճանապարհներին տեղ-տեղ առկա է մերկասառույց: Վարորդներին խորհուրդ է տրվում երթևեկել բացառապես ձմեռային անվադողերով։ Վրաստանի տարածաշրջանային զարգացման և ենթակառուցվածքների նախարարության ավտոճանապարհային դեպարտամենտից ստացված տեղեկատվության համաձայն Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար: ...

    Կարդալ ավելին
  • ԵԱՏՄ-ի համար առաջնահերթություն է միասնական թվային շուկայի ձևավորումը, և Հայաստանն այստեղ կարող է իր ներդրումն ունենալ։ Անդրադառնալով Նիկոլ Փաշինյանի` Եվրասիական տնտեսական հանձնաժողովի կենտրոնակայանում կայանալիք ելույթին, այս մասին լրագրողների հետ զրույցում ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը: «ԵԱՏՄ-ի համար ամենակարևորը միասնական թվային շուկա ստեղծելն է: Սա այն ոլորտն է, որը Հայաստանում բավականին լավ զարգացած է, և այդ առումով մեր երկիրը կարող է սեփական ներդրումն ունենալ»,- ընդգծեց Իսկանդարյանը: Ընդհանուր առմամբ, նրա կարծիքով, կազմակերպությունը կշարունակի զարգանալ այնպես ինչպես զարգացել է մինչ օրս: Խոսելով Ռուսաստանի և Հայաստանի հարաբերությունների մասին՝ քաղաքագետն ընդգծեց, որ դա նորմալ քաղաքական գործընթաց է: «Խնդիրներ կան Ռուսաստանի և Ղազախստանի, Ռուսաստանի և Բելառուսի, Ռուսաստանի և Ղրղզստանի միջև: Այդ դժվարությունները չեն կարող չլինել: Դա նորմալ աշխատանքային ֆորմատ է յուրաքանչյուր միությունում»,- հավելեց նա: ...

    Կարդալ ավելին
  • Պակիստանի զինված ուժերը «ցամաք-ցամաք» դասի «Նասր» բալիստիկ հրթիռի ուսումնամարտական արձակում են իրականացրել: Այս մասին տեղեկացնում  է Պակիստանի Հասարակայնության հետ կապերի միջգերատեսչական ծառայությունը (ISPR), հաղորդում է «ՌԻԱ Նովոստին»: «Այսօր Պակիստանը հաջողությամբ իրականացրել է գործողության փոքր շառավղով «ցամաք-ցամաք» դասի «Նասր» բալիստիկ հրթիռի ուսումնամարտական արձակումը՝ ռազմավարական ուժերի հրամանատարության մարտունակության բարձրացման եւ ցանկալի տեխնիկական պարամետրերի վերստուգման համար», - news.am-ի փոխանցմամբ՝ ասվում է ծառայության հաղորդագրությունում: «Նասրը» կոշտ վառելիքով, օպերատիվ-մարտավարական հրթիռ է, որը կարող է արձակվել շարժական  գործարկման սարքերից եւ մոտ 180 կմ շառավիղ ունի: Հրթիռը տարբերվում  է խոցման առանձնապես բարձր ճշգրտությամբ: Պակիստանցի զինվորականների տվյալներով՝ նոր սերնդի այս համակարգը հատուկ ստեղծվել է ցանկացած սպառնալիքների արագ արձագանքման համար: «Նասրի» առաջին փորձնական արձակումն իրականացվել է 2011 թվականի ապրիլին: ...

    Կարդալ ավելին
  • Հայ Յեղափոխական Դաշնակցության Ստեփանակերտում անցկացված 33-րդ Ընդհանուր ժողովը հայտարարություն է ընդունել, որով հրատապ անհրաժեշտություն է համարել Հայաստանի եւ Արցախի Հանրապետությունների միջև ռազմաքաղաքական դաշինքի մասին համաձայնագրի սեղմ ժամկետներում կնքումը։ Ինչպես տեղեկացրին ՀՅԴ հանրային կապերի գրասենյակից, կուսակցության ընդհանուր ժողովը նաև նշել է, որ Արցախի Հանրապետության Անկախության հռչակագրով եւ Սահմանադրությամբ ամրագրված Անկախ պետականության կարգավիճակն ու տարածքային ամբողջականությունն անսակարկելի են: «Աշխարհասփյուռ իր կառույցով, ՀՅԴաշնակցոթյունն անվերապահ աջակցություն է հայտնում Արցախի Հանրապետության իշխանություններին՝ երկրի սոցիալ-տնտեսական զարգացման, անվտանգության և տարածքային ամբողջականության ապահովման հարցերում և հայտնում է իր պատրաստակամությունը՝ շարունակելու այդ հանձնառությունը»,- ասվում է հայտարարության մեջ: Նկատի ունենալով վերջին ամիսներին Արցախի շուրջ բանակցությունների ակտիվացումը, այդ ընթացքում հակամարտության կողմերի և միջնորդների արված հայտարություններով ու քայլերով պայմանավորված մտահոգությունները, ՀՅԴ 33-րդ Ընդհանուր ժողովը նաև արձանագրել է, որ բանակցությ ...

    Կարդալ ավելին
  • Զարահ Իլիեւի եւ Գոդ Նիսանովի ընկերությունը, որին պատկանում է «Ֆուդ Սիթի» առեւտրային համալիրը, «Եվրոպական» առեւտրի կենտրոնը եւ մի շարք այլ օբյեկտներ, ութ տարի անընդմեջ առաջին տեղն է զբաղեցնում անշարժ գույքի արքաների վարկանիշում՝ ըստ Forbes-ի։ Ընկերության՝ վարձակալությունից ստացվող ընդհանուր եկամուտը վերջին տարվա ընթացքում աճել է՝ 1,535 մլրդ դոլարից հասնելով 1, 1,565 մլրդ դոլարի, news.am-ի փոխանցմամբ, հայտնում է РБК-ն։ Իրավիճակը չի փոխվել նաեւ առաջին հնգյակում։ Երկրորդ տեղը նախկինի պես զբաղեցնում է Ingka Centres-ը (նախկին «Իկեա Մոս»)՝ Ռուսաստանի տարբեր քաղաքներում առեւտրային համալիրներով։ Այստեղ վարձակալությունից ստացվող եկամուտները 840 մլն դոլարից հասել են 865 մլն դոլարի: Երրորդ տեղում Սամվել Կարապետյանի «Տաշիր»-ն է (670մլն դոլարով)։ 2018թ․ ընկերությունը բացել է իր առաջին Family Room կահույքի կենտրոնը։ Սկզբում Մոսկվայի Կիեւյան մայրուղում աշխատում էր «Ռիո» առեւտրի կենտրոնը, սակայն ընկերությունը որոշեց փոխել ձեւաչափը։ «Տաշիրը» պլանավորում է մինչեւ 2023թ․ հանձնել «Հաղթանակի այգի» համալիրը՝ կազմված երեք 35 հարկանի աշտարակներից, որոնց տանիքները կմիավորվեն մեկ հարթակում՝ ստեղծելով ալիքների վրա սերֆի տպավորություն, ինչպես դա արված է Սինգապուրի Marina Bay Sands-ում։ Չորրորդ տեղում Միխայիլ Գուցերիեւի «Սաֆմար» ընկերությունն է (575 մլն դոլար), հինգերորդ տեղում՝ Արազ Աղալարովի Crocus Group-ը (410 մլն դոլար)։ ...

    Կարդալ ավելին
  • Քաղաքագետ Ալեքսանդր Իսկանդարյանը առաջիկայում պաշտոնական հանդիպում է կանխատեսում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև։ Այս մասին նա ասաց հունվարի 24-ին լրագրողների հետ հանդիպման ժամանակ: «Կարծում եմ, որ նրանք մոտ ապագայում պաշտոնական հանդիպում կունենան ու հիմքեր ունեմ կարծելու, որ այդ հանդիպմանն արդեն նախապատրաստվում են»,- նշեց քաղաքագետը: Անդրադառնալով Դավոսում Փաշինյանի և Ալիևի ոչ պաշտոնական հանդիպմանը՝ նա այն յուրահատուկ անվանեց՝ ի համեմատություն այն հանդիպումների, որոնք կազմակերպվում էին մինչև հեղափոխությունը։ «Այն նաև սովորական էր, քանի որ առանց հստակ արդյունքի հանդիպումները հատուկ են բանակցային գործընթացներին»,- նշեց Իսկանդարյանը: Եզրափակելով խոսքը՝ Իսկանդարյանն ընդգծեց, որ Արցախն է զանգվածային գիտակցության և քաղաքական հայտարարությունների որոշիչը:   ...

    Կարդալ ավելին
  • Վարչապետ Նիկոլ Փաշինյանը Դավոսում ընթացող Համաշխարհային տնտեսական համաժողովի շրջանակում մասնակցել է Համաշխարհային տնտեսական առաջնորդների «Աշխարհը գլոբալիզացիայի ժամանակաշրջանում» խորագրով ոչ պաշտոնական ճաշին: Միջոցառման ընթացքում ելույթներով հանդես են եկել Համաշխարհային տնտեսական համաժողովի հիմնադիր և գործադիր նախագահ Կլաուս Շվաբը ու ՄԱԿ-ի գլխավոր քարտուղար Անտոնիո Գուտերեշը: Ինչպես տեղեկացրին ՀՀ կառավարության տեղեկատվության և հասարակայնության հետ կապերի վարչությունից, Նիկոլ Փաշինյանը մասնակցել է նաև Համաշխարհային տնտեսական առաջնորդների ոչ պաշտոնական հավաքին, որն անցկացվել է «Եվրոպայի շրջադարձային պահը» խորագրի ներքո: Դրա շրջանակում զեկույցներով հանդես են եկել Իսպանիայի վարչապետ Պեդրո Սանչեսը և Գերմանիայի պաշտպանության նախարար Ուրսուլա ֆոն դեր Լեյեն: ...

    Կարդալ ավելին
  • Վարչապետ Նիկոլ Փաշինյանը Դավոսում հանդիպել է Լեհաստանի կառավարության ղեկավար Մատեուշ Մորավեցկիին: Ինչպես տեղեկացրին ՀՀ կառավարության տեղեկատվության և հասարակայնության հետ կապերի վարչությունից, զրուցակիցները կարևորել են երկու երկրների միջև բազմակողմանի համագործակցության զարգացումն ու ընդլայնումը` ընդգծելով առևտրատնտեսական կապերի խորացման անհրաժեշտությունը: Հայաստանի և Լեհաստանի վարչապետները պայմանավորվել են հանձնարարել երկու երկրների էկոնոմիկայի նախարարներին մշակել տնտեսական համագործակցության նոր օրակարգ: Երկու երկրների գործադիր մարմինների ղեկավարներն անհրաժեշտ են համարել նոր ազդակ հաղորդել հայ-լեհական միջկառավարական հանձնաժողովի աշխատանքներին: Նիկոլ Փաշինյանը և Մատեուշ Մորավեցկին քննարկել են նաև բազմակողմ մակարդակում փոխգործակցությանը վերաբերող հարցեր, մասնավորապես, ԵՄ-Հայաստան Համապարփակ և ընդլայնված գործընկերության համաձայնագրի (CEPA) շրջանակում: Վարչապետ Փաշինյանը նշել է, որ Հայաստանում գրեթե բոլոր ոլորտներում իրականացվում են համապարփակ բարեփոխումներ և հավելել, որ դրանց արդյունավետ կյանքի կոչմանն էապես կնպաստեն վերը նշված համաձայնագրով նախատեսված ծրագրերը: Այդ համատեքստում, կառավարության ղեկավարը կարևորել է ԵՄ երկրների կողմից CEPA-ի հնարավորինս սեղմ ժամկետներում վավերացումը: Մատեուշ Մորավեցկին ողջունել է մեր երկրում տեղի ունեցող ժողովրդավարական զարգացումները և նշել, որ Լեհաստանը կանի ամեն ինչ համաձայնագրի վավերացմանը և բարեփոխումներին օժանդակելու գործում: Միաժամանակ, Լեհաստանի կառավարության ղեկավարը նշել է, որ տպավորված է Հայաստանում տեղի ունեցած իրադարձություններով: Մատեուշ Մորավեցկին Նիկոլ Փաշինյանին հրավիրել է Լեհաստան` երկկողմ հարաբերությունների օրակարգային հարցերն առավել հանգամանալից քննարկելու նպատակով: ...

    Կարդալ ավելին

ՖԲՀ

Քաղաքականություն