• Այսօր՝ նոյեմբերի 19-ին, սպանություն է տեղի ունեցել Լոռու մարզում։ Ժամը 01։05-ի սահմաններում Վանաձոր բժշկական կենտրոնից Ոստիկանության Լոռու մարզային վարչություն ահազանգ է ստացվել, որ մահացած վիճակում իրենց մոտ է տեղափոխվել մի երիտասարդ։ Ինչպես Լոռու մարզից հայտնում է ֆոտոլրագրող Գագիկ Շամշյանը, հիվանդանոց են մեկնել Ոստիկանության Լոռու մարզային վարչության օպերատիվ խումբը՝ վարչության պետ, Ոստիկանության գնդապետ Արամ Ղազարյանի գլխավորությամբ։  Ժամանել են նաև Հայաստանի քննչական կոմիտեի Լոռու մարզային քննչական վարչության խումբը՝ վարչության պետ, Արդարադատության գնդապետ Թաթուլ Շուշանյանի գլխավորությամբ։  Շարունակությունն՝ այստեղ Նյութի աղբյուր՝   http://shamshyan.com/hy/article/2017/11/19/1082578/ ...

    Կարդալ ավելին
  • Երեկ՝ նոյեմբերի 18-ին, արտակարգ դեպք է տեղի ունեցել Սյունիքի մարզում։ Կապան քաղաքի «Սուրբ Գրիգոր Լուսավորիչ» եկեղեցու հոգևոր հովիվը, այցելելով եկեղեցի, հայտնաբերել է, որ անհայտ անձը կամ անձինք տեխնիկական միջոցների գործադրմամբ Վահանավանքի եկեղեցու ներսում կոտրել են այնտեղ տեղադրված ողորմությունների համար նախատեսված գանձանակի դուռը։  Ինչպես հայտնում է ֆոտոլրագրող Գագիկ Շամշյանը, ստահակները գանձանակի միջից գողացել են այնտեղ եղած գումարը։  Շարունակությունն՝ այստեղ Նյութի աղբյուր՝   http://shamshyan.com/hy/article/2017/11/19/1082580/ ...

    Կարդալ ավելին
  • ՀՀ քննչական կոմիտեի Լոռու մարզային քննչական վարչությունում հարուցվել է քրեական գործ՝ Վանաձորի բնակիչ Վոլոդյա Քոչինյանի սպանության դեպքի առթիվ։ Ձեռնարկված անհետաձգելի քննչական եւ օպերատիվ-որոնողական միջոցառումների արդյունքում պարզվել են սպանության մի շարք հանգամանքներ, այդ թվում՝ ենթադրյալ հանցագործություն կատարած անձի ինքնությունը։ Այս մասին FBH.am-ին տեղեկացրին ՀՀ քննչական կոմիտեից՝ հավելելով. «2017 թվականի նոյեմբերի 19-ին «Վանաձորի բժշկական կենտրոն» ՓԲ ընկերությունից հաղորդում է ստացվել, որ ժամը 01:05-ին բժշկական կենտրոն է տեղափոխվել Վանաձոր քաղաքի բնակիչ, 1981 թվականի ծնված Վոլոդյա Քոչինյանի դիակը՝ որովայնի շրջանում ծակած-կտրած վնասվածքով: Անմիջապես մեկնել է քննչական-օպերատիվ խումբը՝ ՀՀ ՔԿ Լոռու մարզային քննչական վարչության պետ՝ արդարադատության գնդապետ Թաթուլ Շուշանյանի գլխավորությամբ: ՀՀ ՔԿ Լոռու մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով, հանցագործության բացահայտման ուղղությամբ մշակվել քննչական գործողությունների և օպերատիվ-հետախուզական միջոցառումների պլան։ Ձեռնարկված անհետաձգելի գործողությունների արդյունքում պարզվել է, որ 36-ամյա տղամարդուն կյանքի հետ անհամատեղելի մարմնական վնասվածքը պատճառվել է 2017 թվականի նոյեմբերի 19-ին՝ ժամը 00:30-ի սահմաններում, Վանաձոր քաղաքի Վարդանանց 2 հասցեում գտնվող «Քիմպրոմ» գործարանի մոտ տեղի ունեցած վիճաբանության ժամանակ։ Կատարվել է դեպքի վայրի զննություն, հարցաքննվել մի շարք անձինք, եւ ձեռնարկվել դատավարական այլ գործողություններ, որոնց արդյունքում փաստական տվյալներ են ձեռք բերվել ենթադրյալ հանցագործություն կատարած անձի ինքնության վերաբերյալ, ով եւս Վանաձոր քաղաքի բնակիչ է, 24 տարեկան։ Ձեռնարկվում են համապատասխան միջոցառումներ՝ նրան հայտնաբերելու ուղղությամբ: ...

    Կարդալ ավելին
  • ՀՀ արտակարգ իրավիճակների նախարարությունը նոյեմբերի 19-ին, ժամը 14:25-ին ահազանգ է ստացել, որ «Կարեն Դեմիրճյանի անվան Երևանի Մետրոպոլիտենում» տեղի է ունեցել պայթյուն: Դեպքի վայր է մեկնել արտակարգ իրավիճակների արձագանքման խումբը: Ինչպես FBH.am-ը տեղեկացավ ՀՀ արտակարգ իրավիճակների նախարարության պաշտոնական կայքից, հետադարձ զանգով կապ է հաստատվել մետրոպոլիտենի գլխավոր տնօրեն՝ Փ. Յայլոյանի և գնացքային կարգավար Մարտիրոսյանի հետ, ովքեր տեղեկացրել են, որ «Հանրապետության Հրապարակից» դեպի «Զորավար Անդրանիկ» կայարան մեկնող գնացքի շարժակազմում առկա է տեխնիկական խնդիր, ինչի հետևանքով դադարեցվել է գնացքի ընթացքը: Ուղևորներն անվնաս դուրս են բերվել գնացքից: Ժամը 15:10-ի դրությամբ մետրոպոլիտենի բնականոն աշխատանքը վերականգնվել է. գնացքները շարունակում են իրենց ընթացքը:  ...

    Կարդալ ավելին
  • SHAMSHYAN.com-ի տեղեկություններով՝ հոկտեմբերի 30-ին Հայաստանի հատուկ քննչական ծառայությունում ՀՀ քր.օր-ի 311 հոդվածի 4-րդ մասի 3-րդ կետի, 312 հոդվածի 2-րդ մասի, 313 հոդվածի 2-րդ մասի հատկանիշներով հարուցվել է քրեական գործ։ Ինչպես հայտնում է ֆոտոլրագրող Գագիկ Շամշյանը, երեկ՝ նոյեմբերի 18-ին, ՀՀ քր.օր-ի 38-311 հոդվածի 4-րդ մասի 3-րդ կետի հատկանիշով որպես կասկածյալ ձերբակալվել է Երևան քաղաքի Նոր Արեշ թաղամասի բնակիչ՝ 69-ամյա Վաղինակ Աթոյանը։ Գ. Շամշյանի տեղեկություններով՝ վերջինս Փաստաբանների պալատի փաստաբան է և կասկածվում է ՀՀ Արդարադատության նախարարության Նուբարաշենի բանտում կալանքի տակ գտնվող կալանավորվածի քրոջից՝ Երևանի բնակիչ, 32-ամյա Ս. Մ.-ից խոշոր չափի՝ մոտ 450 հազար դրամ գումար պահանջելու և ստանալու մեջ։ Շարունակությունն՝ այստեղ Նյութի աղբյուր՝   http://shamshyan.com/hy/article/2017/11/19/1082581/ ...

    Կարդալ ավելին
  • Ուկրաինայի Օդեսսա քաղաքում ծառահատումների դեմ բողոքի ակցիայի մասնակիցները կոտրել են ոստիկանության պետի գլուխը: Ծեծկռտուքը դեռևս շարունակվում է:  ...

    Կարդալ ավելին
  • Արմավիրի մարզի ընդհանուր իրավասության դատարանում Արթուր Ադամյանի նախագահությամբ ավարտվել է Արթուր Մ.-ի գործի դատական քննությունը: 43-ամյա Արթուրին մեղադրանք էր առաջադրված դիտավորյալ սպանության համար՝ ՀՀ քրեական օրենսգրքի 104 հոդվածի 1-ին մասով: Տուժողը Արթուրի կինն էր՝ նրա 3 անչափահաս երեխաների մայրը: Քննության ընթացքում հաստատված է գնահատվել, որ Արթուրը տուժող Նարինե Դ.-ի հետ համատեղ ամուսնական կյանքի ընթացքում ունեցել է երեք երեխա: Արթուրը մշտապես անհիմն խանդել է կնոջը, հաճախ վիճել է նրա հետ: Վեճերին հաճախ ականատես են եղել նաև երեխաները: 2016 թվականի սեպտեմբերի 16-ին Արթուրը դարձյալ խանդի պատճառով վիճել է Նարինեի հետ: Վեճը շարունակվել է նաև հաջորդ օրը՝ սեպտեմբերի 17-ին: Նարինեն ասել է, թե այդպես համատեղ ապրելն անհնար է, ինքն ուզում է բաժանվել: Նա զանգել, կանչել է ամուսնու ծնողներին, վերջիններս նախատել են Արթուրին: Երբ Նարինեն նորից է ասել, որ ուզում է բաժանվել, Արթուրը սպառնացել է, թե կսպանի նրան: Սեպտեմբերի 18-ի առավոտյան Արթուրը հոր հետ աշխատել է հողամասում, Նարինեն զբաղվել է տնային գործերով: Սեպտեմբերի 19-ին Արթուրը համոզել է կնոջը, որ իրենց «Ֆորդ Տրանզիտ» մեքենայով գնան Արմավիրի մարզի Զարթոնք գյուղ՝ բանջարեղեն գնելու: Զարթոնքից նրանք գնացել են Արևիկ գյուղ՝ խաղող գնելու: Այնտեղից Արթուրն ու Նարինեն նորից գնացել են Զարթոնք, հանդիպել են Արթուրի հարազատներին, իսկ հետո մեքենայով շարժվել են դեպի Երևան: Օրվա ընթացքում երեխաները մի քանի անգամ զանգել են իրենց մայրիկի հեռախոսին՝ հարցնելով, թե երբ են տուն վերադառնալու: Ճանապարհին Արթուրը նորից վիճել է կնոջ հետ՝ անհիմն խանդի պատճառով: Արթուրը սկզբում մեքենայի մեջ, ապա դաշտամիջյան հատվածում ծեծի է ենթարկել Նարինեին, ապա ձեռքով սեղմել է նրա պարանոցը ու շնչահեղձ անելով՝ սպանել է: Արթուր Մ.-ն առաջադրված մեղադրանքում՝ դիտավորյալ սպանության համար իրեն մեղավոր չի ճանաչել: Ապա դատարանում նա իրեն մեղավոր է ճանաչել մասնակի: Նա հայտնել է, թե Նարինեն անչափահաս էր, երբ իրենք ամուսնացել էին: Համատեղ կյանքի ընթացքում հաճախ են վիճել: Դեպքի օրը կնոջ հետ երեխային տարել են մանկապարտեզ, հետո բանկ են գնացել՝ վարկի գործով: Հետո տուն են վերադարձել: Այդ ընթացքում իրենց աղջիկը դպրոցից տուն է եկել, ասել է, թե վատ է զգում: Կինն ու դուստրը մնացել են տանը, ինքը հայրական տուն է գնացել, արկղերի մեջ պոմիդորներ է դասավորել, դրանք տեղավորել է մեքենայի մեջ, որ տանեն վաճառելու: Հետո տուն է գնացել: Կնոջ հետ պոմիդորները տարել են Երրորդ մաս, որտեղ պոմիդորի գնորդ ունեին: Այնուհետև մեքենայով գնացել են Զարթոնք գյուղ՝բարեկամի տուն, ապրանքափոխանակության համար բանջարեղեն գնելու: Այդտեղից գնացել են Արևիկ գյուղ, խաղող են գնել, վերադարձել են Զարթոնք, այցելել են մի քանի բարեկամի: Հետո մեքենայով շարժվել են դեպի Երևան: Ըստ Արթուրի՝ ճանապարհին ինքը զգացել է, որ մեքենան լավ չի աշխատում, մտել է մեքենայի տակ, որ տեսնի՝ ինչ է եղել: Փորձել է նորոգել մեքենան: Մինչ ինքը մեքենան էր նորոգում, կնոջ հեռախոսին զանգեր էին գալիս: Ինքը հարցրել է՝ ով է զանգում, կինը պատասխանել է՝ երեխաները: Երբ մեքենայի տակից դուրս է եկել, կնոջ հեռախոսին նորից զանգ է եկել: Ինքը պահանջել է, որ նա հեռախոսն իրեն տա: Կինը հեռախոսն անջատել ու իրեն չի տվել: Ինքը կնոջը խնդրել է մեջքը թափ տալ, կինը պատասխանել է. «Ինքդ թափ տուր»: Ինքը նկատել է, որ կինը ինչ-որ բան է ուզում անել հեռախոսով: Հարցրել է՝ ով էր զանգում: Կինը զայրացրել է իրեն: Ինքը ապտակել է նրան: Կինը վիրավորական խոսք է ասել անհասցե: Ինքը նրան մեկ անգամ էլ է ապտակել: Դրանից հետո կինը ոտքերով ու ձեռքերով հարվածել է իրեն ու գոռալով պահանջել է, որ թույլ տա՝ մեքենայից իջնի: Ինքը ափով փակել է կնոջ բերանը, որ նա «սուս մնա»: Կինը կծել է իր ձեռքը: Ինքը ձեռքը հետ է քաշել ու մի քանի անգամ հարվածել է կնոջը: Դրանից հետո կինը ցանկացել է մեքենայից իջնել, նա ասում էր, թե բաժանվելու է: Նա իջել է մեքենայից, նորից ասել է, թե բաժանվելու է: Կինը «ագրեսիվ շարժումներ է արել», փորձել է հեռանալ, ինքը քաշել է նրա շորերից, մի քանի անգամ էլ է խփել, որ չհեռանա: Իրար քաշքշելու ժամանակ երկուսով ընկել են , կինը վեր է կացել ու գնացել է դեպի ջրատարը: Ինքն էլ է գնացել: Տեսել է, որ կնոջ աչքը արյունոտ է, առաջարկել է գնալ մեքենայի մոտ, որ աչքը լվանան: Կինը կանգնել ու հրել է իրեն: Ինքը հետ-հետ է գնացել ու ընկել է ջրատարը: Կինն էլ է ընկել ջրատարը: Ինքը տեսել է, որ ջրատարի մեջ կնոջ մազերը փաթաթվել են ծառի ճյուղերին, նա անկանոն շարժումներ է անում, մոտեցել ու փորձել է փրկել նրան: Մի կերպ նրան դուրս է բերել ջրատարից, դրել է ափին ու տեսել է, որ կինը չի շարժվում: Փորձել է նրա կուլ տված ջուրը հանել՝ նրան պառկեցրել է բերանի վրա, փորին սեղմել է մի քանի անգամ: Ոչ մի փոփոխություն չի եղել: Ինքը նրա կողքին չոքած մնացել է: Հետո մեքենայի ազդանշանի ձայն է լսել: Վազելով գնացել է իր մեքենայի մոտ: Այնտեղ արդեն մարդիկ էին հավաքվել: Իրեն հարցրել են՝ ինչո՞վ կարող են օգնել: Ինքը խնդրել է շտապօգնություն կանչել, որովհետև կինը ջրատարի մեջ խեղդվել է: Արթուրն ընդունել է, որ կնոջը ծեծել է, բայց ասել է, թե նրան չի սպանել, սպանելու դիտավորություն չի ունեցել: Տուժողի իրավահաջորդը՝ Նարինեի քույրը, հայտնել է, որ քրոջ ընտանիքում գրեթե միշտ լարված մթնոլորտ է եղել, վեճերը երեխաների աչքի առաջ էին տեղի ունենում: Արթուրը խանդից Նարինեի առաջ արգելքներ է դրել՝ մոտակա խանութ չգնալ, պատուհանից դուրս չնայել, մարդկանց չբարևել, չաշխատել: Նա ծեծել է Նարինեին՝ հիվանդագին խանդի պատճառով: Նարինեն մշտապես տան գործերով, երեխաներով էր զբաղված, նա շատ հավատարիմ կին էր: Դեպքի օրը քույրը Նարինեի հետ խոսել է ժամը 17-ն անց 40-ին: Նարինեն ասել է, թե ամեն բան նորմալ է: Իսկ հաջորդ առավոտյան բարեկամներից մեկն ասել է, որ զանգի քրոջ տուն, ինչ-որ բան է կատարվել: Քույրը զանգել է Նարինեի մեծ աղջկան, վերջինս ասել է. «Մաման մահացել ա, մորքուր, պապան իրան սպանել ա»: Դեպքից մեկ օր առաջ Արթուրը Նարինեին սպառնացել էր, որ նա կամ իր հետ է լինելու, կամ ինքը նրան մորթելու, կոկորդը կտրելու է… Երեխաներն ասել են, թե դեպքից առաջ իրենք անընդհատ զանգել են մայրիկին: Վերջին խոսակցության ժամանակ մայրն ասել է, թե քսան րոպեից տանը կլինեն: Մեկ ժամ անց երեխաները զանգել են, մայրը չի պատասխանել: Նրա հեռախոսն անհասանելի է դարձել… Երեխաներն ասել են, թե դեպքից մեկ օր առաջ վեճի ժամանակ հայրը մորն իրենց ներկայությամբ ասել է. «Վիզդ կկտրեմ, դանակը կկոխեմ, թոք ու ջիգյարդ կխառնեմ»… Դատաբժշկական փորձաքննության եզրակացությամբ՝ Նարինե Դ.-ի մահը վրա է հասել պարանոցի օրգանները բութ առարկայով սեղմելու հետևանքով առաջացած մեխանիկական շնչահեղձությունից: Տուժողի մարմնին առկա են եղել նաև բազմաթիվ վնասվածքներ՝ մահվան հետ անմիջական պատճառական կապի մեջ չգտնվող… Ըստ եզրակացության՝ կինը ջրահեղձ չի եղել… Դատարանը Արթուր Մ.-ին մեղավոր է ճանաչել դիտավորյալ սպանության համար՝ ՀՀ քրեական օրենսգրքի 104 հոդվածի 1-ին մասով: Արթուր Մ.-ն դատապարվել է 9 տարի ազատազրկման: Պատժի սկիզբը՝ 2016 թվականի սեպտեմբերի 20-ից: ...

    Կարդալ ավելին
  • Չինաստանի Սանյա քաղաքում կայացավ «Միսս Աշխարհ-2017» գեղեցկության մրցույթը: Մրցույթի հաղթող ճանաչվեց Հնդկաստանի ներկայացուցիչ Մանուշի Չհիլարը: Գեղեցկության 20-ամյա թագուհին ուսանողուհի է, սովորում է բժշկի մասնագիտությամբ: Ծագումով Մանուշին Հարյանա նահանգից է, տիրապետում է հինդի և անգլերեն լեզուներին: Զբաղվում է հնդկական դասական պարերով: Մրցույթում երկրորդ տեղ զբաղեցրեց Անդրեա Մեզեն՝ Մեքսիկայից, երրորդը՝ բրիտանուհի Ստեֆանի Հիլն է:  ...

    Կարդալ ավելին
  • Դեռևս 2014 թվականից Ռուսաստանի Դաշնության քաղաքացի, 27-ամյա Մարիամ Ավետիսյանը դիմել էր ընկերուհուն՝ Ալավերդի քաղաքի բնակչուհի Կարինե Թորոսյանին, որպեսզի նա օգներ մինչև 10 հազար ԱՄՆ դոլարի սահմաններում բնակարան ձեռք բերել Լոռու մարզի Ալավերդի քաղաքում։  Կ. Թորոսյանը գտել է հարմար տունը Ալավերդու Սանահին թաղամասում և այդ մասին տեղեկացրել է Մ. Ավետիսյանին։ Վերջինս Հայաստանում հանդիպում է տանտիրոջ՝ Սուրիկ Միկոյանի հետ և պայմանավորվածություն է ձեռք բերվում։  Նախնական գինը գնահատվում է 8 հազար ԱՄՆ դոլար, Մարիամը տանտիրոջը հայտնում է, որ կարող է մաս-մաս վճարել տան գումարը և տանտերը համաձայնվում է։ Վերջինս Մ. Ավետիսյանին է հանձնում տան բանալիները, ինչից հետո Մարիամը նախքան այդ տուն տեղափոխվելը, լուծում է էլեկտրականության, գազաֆիկացման և ջրամատակարարման հարցերը։  Շարունակությունն՝ այստեղ Նյութի աղբյուր՝   http://shamshyan.com/hy/article/2017/11/18/1082537/ ...

    Կարդալ ավելին
  • Երեկ՝ նոյեմբերի 17-ին, Ոստիկանության Երևան քաղաքի վարչությոն օպերատիվ կառավարման կենտրոն է ահազանգել Երևանի բնակիչ, 63-ամյա Կարապետ Շաքարյանը և հայտնել, որ իր աշխատասենյակից գողացել են իրեն պատկանող Samsung Galaxy G5 տեսակի բջջային հեռախոսը:  Ինչպես հայտնում է ֆոտոլրագրող Գագիկ Շամշյանը, Կ. Շաքարյանը աշխատում է ՀՀ ֆինանսների նախարարությունում՝ որպես բաժնի վարիչ: Նրա աշխատավայր է ժամանել Ոստիկանության կենտրոնական բաժնի օպերատիվ խումբը՝ բաժնի պետ Արամ Հովհաննիսյանի գլխավորությամբ: Շարունակությունն՝ այստեղ Նյութի աղբյուր՝   http://shamshyan.com/hy/article/2017/11/18/1082520/ ...

    Կարդալ ավելին
Загрузка...

ՖԲՀ

Քաղաքականություն