• Նոյեմբերի 18-ից 24-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է ավելի քան 150 անգամ, որի ընթացքում տարբեր տրամաչափի հրաձգային զինատեսակներից հայ դիրքապահների ուղղությամբ արձակել է շուրջ 2000 կրակոց: ՊԲ-ի առաջապահ զորամասերը խստորեն հետևում են հրադադարի պահպանման ռեժիմին և շարունակում վստահորեն իրականացնել մարտական հերթապահություն:  ԱՀ ՊՆ մամուլի ծառայություն ...

    Կարդալ ավելին
  • 2019 թվականի պետական բյուջեի նախագծով՝ առողջապահության ոլորտի ծախսերի մասով նախատեսվում է հատկացնել 6 մլրդ 923.4 մլն դրամ, որը 2018 թվականի պլանավորված ցուցանիշը գերազանցում է 771.7 մլն դրամով կամ 12.5 %-ով: Այս մասին երեկ՝ նոյեմբերի 22-ին, «ԱՀ 2019թ. պետական բյուջեի մասին» ԱՀ օրենքի նախագծի քննարկմանն ասել է ֆինանսների նախարար Արթուր Հարությունյանը՝ մանրամասնելով, որ այստեղ ծախսերի ավելացումը հիմնականում պայմանավորված է բուժանձնակազմի աշխատավարձերի՝ շուրջ 15 %-ի չափով բարձրացմամբ, ինչպես նաև մի շարք նոր ծրագրերի իրականացմամբ: Մասնավորապես՝ արյան մեջ հեպատիտ B և C վիրուսի նկատմամբ ռիսկային խմբերում ընդգրկված անձանց պարտադիր հետազոտությունների անցկացումը (54 մլն դրամ), «Հանրապետական բժշկական կենտրոն» և «Ուռուցքաբանական դիսպանսեր» փակ բաժնետիրական ընկերությունների կանոնադրական կապիտալի համալրումը (177.2 մլն դրամ), որն ուղղվելու է այդ ընկերությունների կողմից ձեռք բերված ժամանակակից բժշկական սարքավորումների մասով վճարումների իրականացմանը, մինչև 18 տարեկան, հազվադեպ հանդիպող հիվանդություններով տառապող անձանց բուժման դիմաց անհրաժեշտ գումարի նախկինում 50 տոկոսի դիմաց 100 տոկոսի չափով փոխհատուցումը (36.2 մլն դրամ) և բժշկական թափոնների ու ժամկետանց դեղորայքի կենտրոնացված կարգով ոչնչացումը (36.5 մլն դրամ): ...

    Կարդալ ավելին
  • Մեծ Բրիտանիայում չաու-չաու շան ձագին ուղարկել են շնաբուծարան այն պատճառով, որ նա կծել է ոստիկանին: Կենդանուն կալանավորել են 1991 թվականին ընդունված «Վտանգավոր շների մասին» ակտի հիմքով։ Նշվում է, որ շունը բուծարան է ուղարկվել 9 ամսով։ Նշենք, որ շան տերերը մտադիր են իրավաբանների միջոցով հասնել կենդանու ազատ արձակմանը։ ...

    Կարդալ ավելին
  • «Հեռուստամարաթոն-2018»-ի կապակցությամբ ուրախությամբ ուզում եմ հայտարարել, որ այս տարի արցախահայության կողմից նվիրաբերվելիք գումարը, նախնական գնահատումների համաձայն, կազմել է ավելի քան 780.000 ԱՄՆ դոլար՝ զգալիորեն գերազանցելով նախորդ տարվա արդյունքը։ Այս մասին իր ֆեսբուքյան էջում գրել է Արցախի Հանրապետության պետական նախարար Գրիգորի Մարտիրոսյանը և ավելացրել, որ ավելի մեծ ցուցիչ, քան ժողովրդի վստահությունն է «Հայաստան» համահայկական հիմնադրամի ծավալած արդյունավետ աշխատանքի նկատմամբ դժվար է նշել: «Ուստի, արձանագրելով համայն հայության հոգածությունն ու նախանձախնդրությունն Արցախի զարգացման հարցում, ևս մեկ անգամ կոչ եմ անում Մայր Հայաստանում, Արցախում և Սփյուռքում ապրող մեր հայրենակիցներին ակտիվորեն մասնակցել համահայկական հանգանակությանը»,- գրել է Գ. Մարտիրոսյանը։ ...

    Կարդալ ավելին
  • ՀՀ սփյուռքի նախարարությունը հայկական գաղթօջախների հետ մշտական կապ է պահպանում նորագույն տեխնոլոգիաների կիրառմամբ: Այդ մասին հրավիրված ասուլիսում նշեց Սփյուռքի նախարարի պաշտոնակատար Մխիթար Հայրապետյանը: «Առաջին անգամ Սփյուռքի նախարարության պատմության մեջ տեսակապով միացումներ եղան Ուրուգվայի հայ համայնքի և Հնդկաստանի հայերի հետ, որոնք մեծ ոգևորություն առաջացրեցին համայնքներում»,- ասաց նա: Այս շարքը շարունակվում է: Տեսաժողովներ են տեղի ունեցել նաև Դոնի Ռոստովի հայկական համայնքի և Ֆրանսիայի «Հայասա» ֆեդերացիայի ներկայացուցիչների հետ: Մի քանի ամսից նախարարությունը կունենա նոր կայքէջ՝ կառուցված նորարարական տեխնոլոգիաների կիրառմամբ, գերժամանակակից հարթակի հիման վրա. նպատակն է հասանելի դառնալ աշխարհի բոլոր հայերին: ...

    Կարդալ ավելին
  • Facebook բջջային հավելվածում բավականին հետաքրքիր նորույթ կհայտնվի՝ «Ձեր ժամանակը Facebook-ում» գործիք։ Այն թույլ կտա սոցցանցից կախվածություն ունեցող մարդկանց արդյունավետորեն պայքարել դրա դեմ։ Պորտալի տվյալներով՝ այդ գործիքից կարող են օգտվել Facebook-ի բոլոր օգտատերերը, որոնք օգտվում են սոցցանցի բջջային հավելվածներից Android եւ iOS օպերացիոն համակարգերում։ «Ձեր ժամանակը Facebook-ում» գործառույթը կարելի կլինի գտնել հավելվածի կարգավորումներում՝ համապատասխան կետը հայտնվի «Գաղտնիություն» բաժնում։ Գործառույթն ակտիվացնելով՝ օգտատերերը կտեսնեն, թե որքան ժամանակ են անցկացնում սոցցանցում, իսկ անհրաժեշտության դեպքում կարող են սահմանափակումներ մտցնել։ ...

    Կարդալ ավելին
  • Արցախի Հանրապետության Նախագահ Բակո Սահակյանը նոյեմբերի 21-ին Լոս Անջելես քաղաքում հանդիպում է ունեցել Ամերիկայի հայկական համագումարի Արեւմտյան ափի ներկայացուցիչների հետ: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ, Նախագահը բարձր է գնահատել հայկական համագումարի գործունեությունը համազգային խնդիրների լուծման եւ Հայրենիք- Սփյուռք կապերի ամրապնդման գործում՝ գոհունակությամբ նշելով Արցախի հետ համագործակցության բարձր մակարդակը: Հանդիպմանը մասնակցում էին Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, պաշտոնատար այլ անձինք: ...

    Կարդալ ավելին
  • Նոյեմբերի 22-ին Ազգային ժողովում մեկնարկել են «Արցախի Հանրապետության 2019թ. պետական բյուջեի մասին» ԱՀ օրենքի նախագծի քննարկումները՝ համաձայն նախապես հաստատված  ժամկետացանկի: Մշտական հանձնաժողովների եւ խմբակցությունների անդամների մասնակցությամբ ընդլայնված նիստը վարել է խորհրդարանի ֆինանսաբյուջետային եւ տնտեսական կառավարման հանձնաժողովի նախագահ Արամ Գրիգորյան: Նիստին մասնակցել են ԱԺ նախագահ Աշոտ Ղուլյանը, փոխնախագահ Վահրամ Բալայանը, պետնախարար Գրիգորի Մարտիրոսյանը, գործադիր իշխանության պատասխանատուներ: ԱՀ Կառավարության լիազոր ներկայացուցիչ՝ ֆինանսների նախարար Արթուր Հարությունյանը, ներկայացնելով նախագիծը, նշել է, որ գալիք տարվա բյուջեն կազմելիս առաջնորդվել են Հանրապետության նախագահի 2017-2020թ-ի ծրագրային դրույթներից: Նախարարի խոսքով՝ 2019թ-ին համախառն ներքին արդյունքը (ՀՆԱ) կանխատեվում է 333,2 մլրդ դրամ՝ ապահովելով շուրջ 8% իրական աճ: Գնաճը կկազմի շուրջ 4%: Գալիք տարվա պետական բյուջեի եկամուտները կկազմեն 112մլրդ 340,9մլն դրամ, ծախսերը՝ 110մլրդ 987,7մլն դրամ, որն ավել է ընթացիկ տարվա ցուցանիշից 4,2%-ով:  Բյուջեով նախատեսվող հավելուրդը (պրոֆիցիտ) կկազմի 1մլրդ 353,3 մլն դրամ, որը կուղղվի նախկինում  ներգրաված փոխառու միջոցների մարմանը: Ֆինանսների նախարարի խոսքով՝ 2019թ-ի հարկային եկամուտների պլանավորման ժամանակ հաշվի է առնվել նաեւ այս տարվա հունիս ամսում կառավարության կողմից հաստատված հարկային համակարգի բարեփոխումների հայեցակարգում նախատեսված փոքր եւ միջին ձեռնարկատիրության համար հարկային բեռի թեթեւացմանն ու գործարար միջավայրի բարելավմանն ուղղված հարկային օրենսդրության փոփոխությունների փաթեթը, որի ընդունման պարագայում էականորեն կնվազեցվի արտոնագրային եւ հաստատագրված վճար վճարողների հարկային բեռը: Այս արտոնությունից կօգտվեն  մոտ 2000 հարկ վճարող կամ հարկատուների ավելի քան 35%-ը: Արթուր Հարությունյանը նաեւ ներկայացրել է 2019-ի ոլորտային ցուցանիշները եւ պատասխանել պատգամավորների հարցերին: ԱՀ պետական նախարար Գրիգորի Մարտիրոսյանը, ամփոփելով բյուջեի ներկայացումը անդրադարձել է պատգամավորների հնչեցրած հարցերին եւ առանձնացրել գալիք տարվա բյուջեի առանձնահատկություններն ու սպասվող փոփոխությունները: Պետնախարարը նշել  է, որ գալիք տարվա բյուջեն ունի ընդգծված տնտեսական ուղղվածություն՝ ավելացել են տնտեսությանն ուղղված ծախսերը՝ ոչ միայն բացարձակ թվով, այլ՝ տեսակարար կշռի մակարդակով: Գրիգորի Մարտիրոսյանի խոսքով՝ առաջին անգամ ներկայացվում է պրոֆիցիտային բյուջե, որը կնպաստի պետական պարտքի նվազմանը: Գալիք տարվա բյուջեի խոշոր ձեռքբերումներից պետնախարարը առանձնացրել է նաեւ առողջապահության բնագավառում նախատեսված աշխատավարձերի աճը: Նոյեմբերի 23-ից ԱԺ-ում նախատեսվում են 2019թ.-ի բյուջեի նախագծի քննարկումները Ֆինանսաբյուջետային եւ տնտեսական կառավարման հարցերի մշտական հանձնաժողովի ու գլխադասային մշտական հանձնաժողովների համատեղ նիստերում: ...

    Կարդալ ավելին
  • Արցախի Հանրապետության Նախագահ Բակո Սահակյանը նոյեմբերի 21-ին այցելել է Լոս Անջելեսում ՀՀ գլխավոր հյուպատոսություն եւ հանդիպել դիվանագիտական անձնակազմի հետ՝ գլխավոր հյուպատոս Արմեն Բայբուրդյանի գլխավորությամբ: Ինչպես  տեղեկացրին Արցախի Հանրապետության նախագահի տեղեկատվության գլխավոր վարչությունից, հանդիպման ընթացքում քննարկվել են Արցախ-Ամերիկա կապերի ամրապնդմանը վերաբերող հարցեր: Այս համատեքստում Նախագահ Սահակյանը կարեւորել է Լոս Անջելեսում ՀՀ գլխավոր հյուպատոսության եւ ԱՄՆ-ում ԱՀ մշտական ներկայացուցչության սերտ փոխգործակցությունը՝ այն համարելով նախանշված ծրագրերի հաջող իրականացման կարեւոր գրավական: Նույն օրը հյուպատոսությունում տեղի է ունեցել համայնքային ընդունելություն՝ ի պատիվ Նախագահ Սահակյանի: Ջերմ եւ անմիջական մթնոլորտում քննարկվել են Արցախի պետականաշինությանը, Հայրենիք-Սփյուռք կապերին, տարածաշրջանային գործընթացներին առնչվող խնդիրներ: Նախագահը նաեւ պատասխանել է ներկաների կողմից բարձրացված տարաբնույթ հարցերին: Հանդիպմանը մասնակցում էին Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ԱՄՆ-ում ՀՀ արտակարգ եւ լիազոր դեսպան Վարուժան Ներսեսյանը, ԱՄՆ-ում եւ Կանադայում ԱՀ մշտական ներկայացուցիչ Ռոբերտ Ավետիսյանը, պաշտոնատար այլ անձինք: ...

    Կարդալ ավելին
  • Հայաստանի Հանրապետության նախագահ Արմեն Սարգսյանը հրամանագիր է ստորագրել Վիկտոր Բիյագովին Հավաքական անվտանգության պայմանագրի կազմակերպությունում Հայաստանի Հանրապետության մշտական և լիազոր ներկայացուցիչ նշանակելու մասին: Այս մասին տեղեկացրին ՀՀ նախագահի աշխատակազմի հասարակայնության հետ կապերի վարչությունից: «Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի՝ Վիկտոր Բիյագովին նշանակել Հավաքական անվտանգության պայմանագրի կազմակերպությունում Հայաստանի Հանրապետության մշտական և լիազոր ներկայացուցիչ (նստավայրը՝ Մոսկվա)»,- ասված է ՀՀ նախագահի հրամանագրում:  ՀՀ նախագահի մեկ այլ հրամանագրով Դավիթ Վիրաբյանը հետ էր կանչվել ՀԱՊԿ-ում ՀՀ մշտական և լիազոր ներկայացուցչի պաշտոնից: ...

    Կարդալ ավելին

ՖԲՀ

Քաղաքականություն