• Անցած տարի դրական տեղաշարժեր են գրանցվել գյուղատնտեսության ոլորտում: Այս մասին փետրվարի 1-ին տեղի ունեցած կառավարության անդրանիկ նիստին ասել է Արցախի Հանրապետության նախագահ Բակո Սահակյանը: Հանրապետության Նախագահի խոսքով՝ կարևորելով գյուղատնտեսության ինտենսիվ զարգացման հայեցակարգային մոտեցումները՝ ԱՀ կառավարությունն իրականացրել է մի շարք միջոցառումներ՝ ուղղված բուսաբուծության համալիր զարգացմանը: Մասնավորապես, ցանքաշրջանառության շնորհիվ հողի բերրիության պրոգրեսիվ աճի և բերքատվության ապահովմանը, կաթիլային ոռոգման համակարգերի ներդրման խթանմամբ պտղաբուծության զարգացման համար նախադրյալների ստեղծմանը, ինչպես նաև անասնաբուծության ոլորտի կանոնակարգմանը: «Բուսաբուծության համալիր զարգացման ծրագրերի շրջանակներում 2018 թվականին շուրջ 1 մլրդ դրամի չափով պետական աջակցության շնորհիվ ապահովվել է կաթիլային ոռոգման համակարգերի կառուցումը 622,5 հա տարածքի վրա, որից 500 հա՝ այգի և 122,5 հա ծխախոտ և բանջարանոցներ: Այս ամենը, անշուշտ, նպաստել է այգեգործության զարգացմանը: 2018 թ.-ին, 2017-ի համեմատ, ավելի քան 11 %-ով աճել են նռենու մշակման տարածքները՝ կազմելով 1360 հա: Նռան բերքը կազմել է ավելի քան 2600 տ՝ նախորդ տարվա նկատմամբ ապահովելով 80% աճ: Այդ ծրագիրը կիրականացվի նաև այս տարի: Ոլորտի պատասխանատուները, իրականացնելով անհրաժեշտ աշխատանքներ, պետք է ցուցաբերեն հոգատար մոտեցում և անվերապահորեն ապահովեն հատկացվելիք միջոցների նպատակային և արդյունավետ օգտագործումը, ինչը թույլ կտա ներկայիս 1000 հա-ի դիմաց տարեվերջին ունենալ ավելի քան 1400 հա կաթիլային համակարգով ոռոգովի այգիներ»,- մասնավորապես ասել է Բ. Սահակյանը: ...

    Կարդալ ավելին
  • Արցախում գործող առևտրային բանկերի և վարկային կազմակերպությունների կողմից Արցախի ռեզիդենտ հաճախորդ 272 ֆիզիկական և 13 իրավաբանական անձանց 2018 թվականին ներվել է ավելի քան 210 մլն 813 հազ. դրամ: «Արմենպրես»-ի հաղորդմամբ, այս մասին ֆեյսբուք սոցիալական ցանցի իր էջում գրառում է կատարել Արցախի Հանրապետության պետական նախարար Գրիգորի Մարտիրոսյանը: «Անցած տարվա ընթացքում հայտարարվել էր առևտրային բանկերի կողմից սկսված մի գործընթացի մասին, որի համաձայն՝ բանկի կողմից սահմանված որոշակի պայմանների կատարման դեպքում, կզիջվեն ֆիզիկական և առանձին բանկերի պարագայում նաև իրավաբանական անձ հանդիսացող հաճախորդների անհուսալի վարկերի տույժերն ու տուգանքները: Ամփոփելով 2018թ.-ին այս ուղղությամբ իրականացված աշխատանքների արդյունքները՝ հայտնում եմ, որ Արցախում գործող առևտրային բանկերի և վարկային կազմակերպությունների կողմից Արցախի ռեզիդենտ հաճախորդ 272 ֆիզիկական և 13 իրավաբանական անձանց 2018 թ.-ին ներվել է ավելի քան 210 մլն 813 հազ. դրամ (համապատասխանաբար՝ մոտ 169 մլն․ և մոտ 42 մլն․ դրամ)»,-նշել է Գրիգորի Մարտիրոսյանը: Նշվածը որակելով որպես կարևոր գործընթաց, Գրիգորի Մարտիրոսյանն ընդգծել է, որ Արցախի կառավարությունը խստագույնս հարգում է բանկային համակարգի լինելիության և անկախության դերը երկրի ֆինանսատնտեսական զարգացման գործում: « Շնորհակալ ենք այս սեկտորի մեր գործընկերներին կառավարության առաջարկին ականջալուր լինելու և խոսքի առարկա տույժ-տուգանքների ներման համար։ Միևնույն ժամանակ կոչ ենք անում մեր քաղաքացիներին բանկային և վարկային կազմակերպությունների հետ իրավահարաբերվելիս, այդ թվում՝ վարկային կամ այլ պարտավորություններ ստանձնելիս ցուցաբերել ավելի մեծ շրջահայացություն և սոցիալական ինքնապատասխանատվություն»,-նշել է նա: ...

    Կարդալ ավելին
  • Ռուսաստանի Կալուգայի մարզում ավտոբուսի շրջվելու հետևանքով տուժածների թվում նաև ազգությամբ հայ Ռուսաստանի քաղաքացիներ կան: Այս մասին հայտնում է ՌԴ-ում ՀՀ դեսպանատունը: Ավտոբուսի շրջվելու հետևանքով տուժել են 2008թ. ծնված Մարիա Առաքելյանը և 1988թ. ծնված Սոնա Ադամյանը: Նրանք գտնվում են Կալուգայի քաղաքային հիվանդանոցում: Այլ տուժածների մասին տեղեկատվությունը ճշտվում է: ՀՀ-ում ՌԴ դեսպանատունը մշտական կապի մեջ է ՌԴ համապատասխան մարմինների հետ: Վթարը տեղի է ունեցել փետրվարի 3-ի առավոտյան Կալուգայի մարզում: Ավտոբուսը, որում 48 մարդ է եղել, որից 33-ը երեխա, դուրս է եկել երթևեկելի գոտուց և շրջվել: Վթարի հետևանքով զոհվել է 7, վիրավորվել 32  մարդ: ...

    Կարդալ ավելին
  • Ոստիկանության Թալինի բաժին անհայտ քաղաքացուց փետրվարի 3-ին, ժամը 19.35-ին ահազանգ է ստացվել, որ Նոր Արթիկ-Բագրավան ճանապարհին Արագածավան գյուղի բնակիչ ոմն Ժիրո դանակահարել է եղբորը: Ինչպես տեղեկացրին ՀՀ ոստիկանության լրատվության և հասարակայնության հետ կապերի վարչությունից, մեկնած օպերատիվ խումբը պարզել է, որ ոմն Ժիրոն 1970 թ. ծնված Ժիրայր Նազարեթյանն է, իսկ եղբայրը՝ 1973 թ. ծնված Ղևոնդ Նազարեթյանը: Նրանք նույն օրը, ժամը 19.00-ի սահմաններում, Նոր Արթիկ-Բագրավան ճանապարհին՝ Նոր Արթիկ գյուղի վարչական տարածքում, «ՎԱԶ-2106» մակնիշի ավտոմեքենայում կենցաղային հարցերի շուրջ վիճաբանել են, որի ընթացքում Ժիրայր Նազարեթյանը դանակահարել է եղբորը, որն ավելի ուշ մահացել է: Ժամը 22.30-ին Ժիրայր Նազարեթյանը բերման է ենթարկվել ոստիկանության Թալինի բաժին, տվել է խոստովանական բացատրություն և ձերբակալվել: Դեպքի առթիվ հարուցվել է քրեական գործ: Կատարվում է նախաքննություն: ...

    Կարդալ ավելին
  • Վենեսուելայում բողոքի ակցիաների ժամանակ զոհերի թիվը հասել է 35-ի։ Այս մասին նշված է Վենեսուելայի սոցիալական կոնֆլիկտի դիտորդական խումբի Թվիթերում 35 զոհը «հաստատված է»։ Նշվում է, որ նրանք զոհվել են Վենեսուելայի տաս նահանգում։ Առավել շատ՝  տաս մարդ, զոհվել է երկրի կենտրոնական շրջանում, ութ մարդ զոհվել է Բոլիվար նահանգում։ Վենեսուելայի իշխանությունները չեն հաստատում ակցիաների ժամանակ զոհերի մասին տեղեկատվությունը։ Վենեսուելայի ընդդիմության առաջնորդ Խուան Գուայդոն հայտարարել է իրեն երկրի ժամանակավոր նախագահ։ Դա տեղի է ունեցել հունվարի 23-ին Կարակոսում նախագահ Մադուրոյի դեմ ցույցի ժամանակ։ Ավելի ցաղ Գուայդոն աբողջ աշխարհով նոր ցույցերի կոչ էր արել։ ...

    Կարդալ ավելին
  • Facebook-ը հունվարի 28-ին հայտարարել է իր գլոբալ քաղաքականության մեջ մի շարք կարեւոր փոփոխությունների մասին: Այն բանից հետո, որբ ընկերությունը 2016թ․ ամերիկյան նախագահական ընտրություններից հետո քննադատության ենթարկվեց իր գործողությունների համար, այժմ հայտնել է, որ իր նպատակն ամբողջ աշխարհում «ընտրությունների մաքրությունը եւ ազնվությունն» ապահովելն է, փոխանցում է news.am-ը: Փոփոխություններն ուժի մեջ կմտնեն մարտին։ Յուրաքանչյուր էջ, որը կհամարվի «քաղաքական», պարտավոր կլինի ներկայացնել կոնտակտային տվյալներ։ Facebook-ը կստուգի, որ խոսքը իրական եւ ողջ մարդու մասին է։ Նաեւ տեղեկատվություն կհրապարակվի այն մասին, թե քանի քաղաքական գովազդ է նա հրապարակել եւ ինչ գնով։ Այս տեղեկատվությունը կպահպանվի յոթ տարի եւ բաց կլինի որոնողական համակարգերի համար։ Ընկերությունը քաղաքական գովազդի իր արխիվը կներկայացնի Եվրոպայում, Հնդկաստանում, Ուկրաինայում եւ Իսրայելում ընտրություններից առաջ։ Ընկերությունը նաեւ փոփոխել է կոդերը, որպեսզի սահմանափակի երրորդ անձանց հասանելիությունը այն տեղեկատվությանը, թե ինչու եւ ինչպես է օգտագործողների վրա ազդում քաղաքական գովազդը։ Ինչպես նաեւ, որոշ մոնիթորինգային խմբեր օգնել են պարզել գովազդային մարտավարությունը, որոնցից անցյալում օգտվել են քաղաքական գործիչները։ Երկու այդպիսի խմբեր՝ WhoTargetsMe-ն եւ ProPublica կայքը, որոնք ներկայացրել են, թե ինչպես են 2017թ․ Բրիտանիայի ընտրություններում Պահպանողականները շեշտադրում ստվերային քաղաքական գործիչ Դիանա Աբոտի վերաբերյալ քննադատությունները, որպեսզի ստանան ընտրողների ձայները։ Facebook-ն այս գործառույթը թողարկում է այն տարում, երբ «Երկրի մոտ երրորդ մասը քվեարկելու է ընտրություններում, ներառյալ՝ Եվրոպան, Հնդկաստանը, Կանադան, Ավստրալիան, ՀԱՀ-ը, Իսրայելը եւ Ուկրաինան»։ ...

    Կարդալ ավելին
  • Հայաստանում 65 տարեկանում մահացել է ԱՍԱԼԱ-ի մարտիկ Վարուժան Կարապետյանը։ Ինչպես հաղորդում է «Արևելք»-ն այս մասին տեղեկացել է Վարուժան Կարապետյանի  մերձավորներից: Վարուժան Կարապետյանը 80-ականների սկզբին ղեկավարել է Հայաստանի  Ազատագրության  հայ գաղտնի բանակի   Ֆրանսիայի  շրջանի մարմինը։ 1983  թվականին  Փարիզի  «Օռլի» օդանավակայանում տեղի ունեցած պայթյունից հետո նա ձերբակալվել է եւ Փարիզում կայացած դատավարությամբ դատապարտվել ցմահ ազատազրկման: Բանտարկությունից 17 տարի անց, հայկական կողմի դիմումներին ընդառաջելով, պաշտոնական Փարիզը 2011թ.  ազատ է արձակել նրան  և արտաքսել  Հայաստան: ...

    Կարդալ ավելին
  • Հռոմի պապ Ֆրանցիսկոսը վերջնականապես բացառել է Կաթոլիկ եկեղեցու՝ հոգևորականներին կուսակրոնություն պարտադրող օրենքի փոփոխության ցանկացած հնարավորություն: «Անձամբ ես կարծում եմ, որ կուսակրոնությունը պարգև է եկեղեցուն: Համաձայն չեմ նրանց հետ, ովքեր ասում են, որ ոչ պարտադիր կուսակրոնությունը պետք է թույլատրվի»,- հայտարարել է Հռոմի պապը՝ հավելելով, որ իրեն կարող են նեղմիտ համարել, սակայն ինքը չի կարող Աստծո առաջ նման որոշում կայացնել: Ոչ պարտադիր կուսակրոնության կողմնակիցներն ասում են, որ ամուսնանալու հնարավորությունը հոգևոր աստիճաններում ավելի շատ տղամարդկանց կներգրավի: Գաղափարի հակառակորդներն էլ համոզված են, որ նման փոփոխությունը թույլ չի տա հոգևորականին ամբողջությամբ նվիրվել եկեղեցուն: Հայտնի է, որ կուսակրոնությունը լայն տարածում է գտել 12-րդ դարում: ...

    Կարդալ ավելին
  • Արցախի Հանրապետության Քաշաթաղի հարավային շրջանի Իշխանաձոր համայնքը գտնվում է ռազմավարական տեսանկյունից շատ կարևոր տարածքում՝ Գորիս-Հադրութ, Բերձոր-Կովսական ճանապարհների խաչմերուկում: Գյուղը հիմնադրվել է 1998թ-ին, և ժամանակի ընթացքում այնտեղ կառուցվել են տասնյակ առանձնատներ, միջնակարգ դպրոց, հիվանդանոց, մեքենա-տրակտորային կայաններ, ջրային տնտեսության մասնաճյուղ և այլն։ Հաշվի առնելով ռազմավարական նշանակություն ունեցող համայքների զարգացման և վերաբնակեցման անհրաժեշտությունը՝ պետությունը հատուկ ուշադրության է արժանացնում ինչպես Իշխանաձորում, այնպես էլ Կովսական, Միջնավան, Սոնասար, Աղավնո և մի շարք այլ համայքներում բնակարանաշինության պետական ծրագրերի իրականացան հարցին: Պետության գործադրած ջանքերի արդյունքում է, որ վերաբնակեցման գործընթացը լայն թափ է հավաքել: Այդ ամենը տեսանելի է նաև Իշխանաձորում, որտեղ վերաբնակիչների թվի մեծ աճ է գրանցվել: Վերաբնակիչները հիմնականում Լիբանանից, Սիրիայից և Հայաստանի տարբեր մարզերից եկածներն են։ 2018թ.-ին հիմնականում պետական միջոցներով կառուցված 52 առանձնատների շնորհիվ բնակավայրի բնակչության մեխանիկական աճը կազմել է 400-ից հասել է 600-ի: Թերևս Իշխանաձոր համայնքի զարգացման համար մեծ նշանակություն ունի նաև ճանապարհների խաչմերուկում գտնվելու հանգամանքը, որը հնարավորություն է տալիս կոմունիկացիոն կարևոր դերակատարություն ստանձնել այլ բնակավայրերի հետ շփումներում և առևտրում: Իշխանաձոր համայնքի զարգացման տեմպը նոր հեռանկար է բացում մոտ ապագայում այն ավելի բազմամարդ ու բազմաֆունկցիոնալ բանկավայր դառնալու համար։ Նյութի աղբյուր՝ https://www.facebook.com/photo.php?fbid=2073339536112732 ...

    Կարդալ ավելին
  • ԱՀ ՊՆ մամուլի ծառայության փոխանցմամբ՝ ռազմական  խորհրդի նիստին ներկա էին բանակի հրամանատարի տեղակալները, շտաբի բաժինների և ծառայությունների պետերը, միավորումների, զորամասերի և գումարտակների հրամկազմը, զինկոմիսարիատների և ռազմաիրավապահ մարմինների ներկայացուցիչներ: Հրապարակելով նիստի աշխատակարգը ԱՀ ՊՆ, ՊԲ հրամանատար, գեներալ-մայոր Կարեն Աբրահամյանը  կարևորել է բոլոր ելույթները, նշելով, որ առաջիկա մեր բոլոր ձեռքբերումները կախված կլինեն նաև այն հանգամանքից, թե ինչ հետևություններ կարվեն նախորդ տարվա արդյունքներից և ըստ այդմ՝ ինչպիսի հերթականությամբ կպլանավորվեն նոր բանակային տարվա առաջնահերթությունները: Բանակի հրամանատարի ներածական խոսքին հաջորդել են օրակարգային ելույթները: ՊԲ-ի 2018 թվականի ուսումնական տարվա մարտական ու զորահավաքային պատրաստականության, մարտական հերթապահության, օպերատիվ և շտաբների պատրաստության, հետախուզության, կապի, ռադիոէլեկտրոնային պայքարի կազմակերպման, զորքերի ծառայության և ինժեներական աշխատանքների վիճակի մասին համապարփակ ելույթով, հանդես է եկել բանակի հրամանատարի 1-ին տեղակալ-շտաբի պետ, գնդապետ Ջալալ Հարությունյանը: Այնուհետև ըստ ուղղությունների և առանձին ոլորտների  վերլուծական ելույթներ են ունեցել բանակի հրամանատարի տեղակալները` անդրադարձ կատարելով հաշվետու ժամանակահատվածում մարտական պատրաստության վիճակին, գաղափարադաստիարակչական և հասարակական-պետական պատրաստության, զինվորական կարգապահության ու բարոյահոգեբանական ապահովման հարցերին, սպառազինության և ռազմական տեխնիկայի պահպանման, թիկունքային ապահովման և հարակից այլ ուղղությունների: Բանախոսները ընդգծել են, որ չնայած նշված բնագավառներում ակնհայտ են դրական զարգացումներն ու արձանագրված հաջողությունները, սակայն առկա են նաև մի շարք ոլորտներ, որոնք պահանջում են առավել համակարգված ու հետևողական աշխատանքներ: Բանակային 2018 թվականը ամփոփել ու ընթացիկ տարվա խնդիրներին անդրադարձել է հանրապետության պաշտպանական գերատեսչության ղեկավարը: Կարեն Աբրահամյանը մասնավորապես նշել է, որ 2019 թվականի ընթացքում բանակի հրամանատարության ուշադրության կենտրոնում են լինելու պետական սահմանի պահպանության, ղեկավարման համակարգի հետագա զարգացման, շտաբների պատրաստության և փոխգործակցության մակարդակի բարձրացման, անձնակազմի հետ տարվող աշխատանքների, սպառազինության ու թիկունքային ապահովման հետ առնչվող խնդիրների համալիրը: Այնուհետև ելույթ է ունեցել ԱՀ նախագահը: Բակո Սահակյանը բավարար գնահատելով 2018 թվականի ընթացքում արձանագրված հիմնական ցուցանիշները, հավաստիացրել է, որ պետությունը այսուհետ ևս կշարունակի իր հետևողական ուշադրության կենտրոնում պահել ՊԲ-ի մարտական հնարավորությունների կատարելագործմանն ու զինծառայողների սոցիալ-կենցաղային ապահովվածությանը վերաբերող հարցերը: Ռազմական խորհրդի նիստի ավարտին հրապարակվել է բանակի հրամանատարի հրամանը, որի համաձայն դրամական պարգևներ, արժեքավոր նվերներ ու պատվոդրոշներ են հանձնվել անցած բանակային տարվա ընթացքում առավելագույն բարձր արդյունքներ ունեցած զորամասերին, ստորաբաժանումներին ու անհատ զինծառայողներին:   ...

    Կարդալ ավելին

ՖԲՀ

Քաղաքականություն