• ՀՀ հատուկ քննչական ծառայությունում քրեական գործեր են հարուցվել ՀՀ ոստիկանության աշխատակիցների կողմից խոշտանգում կատարելու և բռնությամբ զուգորդված պաշտոնեական լիազորություններն անցնելու դեպքերի առթիվ: Այս մասին FBH.am-ին տեղեկացրին ՀՔԾ լրատվական ծառայությունից: Այսպես, ՀՀ քաղաքացիներ Օ. Ա.-ն և Հ. Դ.-ն ոստիկանությունում բացատրություններ են տվել այն մասին, որ 2017 թվականի սեպտեմբերի 18-ին` ժամը 00:50-ի սահմաններում, Երևան քաղաքի Բաղրամյան պողոտայում իրենց են մոտեցել ոստիկանության աշխատակիցները և նշված վայրում մի քանի երիտասարդների հետ վիճաբանելու կասկածանքով իրենց բերման ենթարկել ՀՀ ոստիկանության Արաբկիրի բաժին: Օ. Ա.-ն և Հ. Դ.-ն հայտնել են, որ բերման ենթարկելու ընթացքում ոստիկանության ծառայողները բռնություն են գործադրել իրենց նկատմամբ. ձեռքերով հարվածներ են հասցրել և պատճառել մարմնական վնասվածքներ՝ պահանջելով հայտնել, թե ում հետ են վիճաբանել: Պետական հատուկ ծառայություն իրականացնող մի խումբ պաշտոնատար անձանց կողմից խոշտանգում կատարելու հիշյալ դեպքի առթիվ ՀՀ հատուկ քննչական ծառայությունում քրեական գործ է հարուցվել ՀՀ քրեական օրենսգրքի 309.1-րդ հոդվածի 2-րդ մասի 1-ին և 4-րդ կետերով: Մեկ այլ ՀՀ քաղաքացի` ՀՀ ԱՆ «Վանաձոր» քրեակատարողական հիմնարկի կալանավոր Ա. Շ.-ն ՀՀ հատուկ քննչական ծառայությունում հաղորդում է տվել, որ 2017 թվականի սեպտեմբերի 06-ին, գողության փորձի կասկածանքով բերման ենթարկելու համար, իր տուն են այցելել ՀՀ ոստիկանության Գուգարքի բաժնի մի քանի ոստիկաններ: Ա. Շ.-ն հայտնել է, որ երբ հրաժարվել է ենթարկվել բաժին ներկայանալու վերաբերյալ ոստիկանների պահանջին, նրանցից մեկը ձեռքերով և ոտքերով հարվածներ է հասցրել իր մարմնի տարբեր մասերին՝ դիտավորությամբ պատճառելով մարմնական վնասվածքներ: ՀՀ ոստիկանության պաշտոնատար անձի կողմից խոշտանգում կատարելու նշված դեպքի առթիվ քրեական գործ է հարուցվել ՀՀ քրեական օրենսգրքի 309.1-րդ հոդվածի 1-ին մասով: Եվս մեկ քրեական գործ էլ հարուցվել է «Արմավիր» ՔԿՀ կալանավոր Է. Մ.-ի  նկատմամբ բռնություն գործադրելու ենթադրյալ հանցագործության դեպքի առթիվ: Մասնավորապես, ըստ քրեական գործի նյութերի, 23.08.2017թ.-ին Է. Մ.-ն գողություն կատարելու կասկածանքով բերման է ենթարկվել ՀՀ ոստիկանության Արագածոտնի մարզային վարչության Աշտարակի բաժին, որտեղ ոստիկանության աշխատակիցները ծեծի ու բռնության են ենթարկել վերջինիս: Միաժամանակ կալանավորի շահերի պաշտպանը դիմումով հայտնել է, որ ոստիկանության պաշտոնատար անձանց կողմից բռնություն գործադրելու հետևանքով Է. Մ.-ի ծնոտը կոտրվել է, և վերջինս կալանավայրում չի կարողանում օգտվել սննդից: Այսպիսով, ՀՀ ոստիկանության պետական հատուկ ծառայություն իրականացնող պաշտոնատար անձանց կողմից բռնությամբ զուգորդված պաշտոնեական լիազորություններն անցնելու դեպքի առթիվ ՀՀ հատուկ քննչական ծառայությունում հարուցվել է քրեական գործ` ՀՀ քրեական օրենսգրքի 309-րդ հոդվածի 2-րդ մասով: Բոլոր երեք քրեական գործերով նախաքննությունը շարունակվում է: ...

    Կարդալ ավելին
  • ՀՀ մարդու իրավունքների պաշտպանն անթույլատրելի է համարում «ArmDay.am» լրատվական կայքի լրագրող Փայլակ Ֆահրադյանի լրագրողական գործունեությունը խոչընդոտելը: Այդպիսի արարք կատարած ցանկացած անձ ենթակա է պատասխանատվության: Այս մասին FBH.am-ին տեղեկացրին Մարդու իրավունքների պաշտպանի աշխատակազմից: «Լրագրողի հրապարակած տեղեկության համաձայն՝ Վայոց ձորի մարզի Շատին համայնքի բժշկական կենտրոնի տնօրեն Զոյա Մարտիրոսյանին դուր չեն եկել իր հարցերը, և Զոյա Մարտիրոսյանը, նրա քույրն ու փեսան՝ Վայոց ձորի մարզի Քարագլուխ համայնքի ղեկավար Արթուր Ստեփանյանը, փորձել են խլել լրագրողի տեսախցիկն ու նրան փակել են սենյակում՝ պահանջելով ջնջել կրիչի պարունակությունը։ Լրագրողը հանցագործության մասին հաղորդում է տվել Ոստիկանություն։ Լրագրողի գործունեությունը խոչընդոտելու վերաբերյալ տեղեկությունների հիման վրա Պաշտպանի աշխատակազմում սկսվել է քննարկման ընթացակարգ՝ սեփական նախաձեռնությամբ՝ իրավապահ մարմինների կողմից ձեռնարկված միջոցների ընթացքի և արդյունքի վերաբերյալ տեղեկություններ ստանալու համար»,- ասվում է ՄԻՊ հաղորդագրության մեջ։ ...

    Կարդալ ավելին
  • Մարտունու գյուտարարարի փայտահատ սարքը մեծ պահանջարկ ունի ...

    Կարդալ ավելին
  • Այսօր՝ հոկտեմբերի 9-ին, արտակարգ դեպք է տեղի ունեցել Երևանում։ Ժամեր առաջ Ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ անհայտ անձը Սայաթ-Նովա պողոտայում գտնվող «Կոնվերս բանկ»-ի մասնաճյուղ է մտել և սպառնացել է, որ եթե իրեն 60 հազար եվրո գումար չտան, բանկը պայթեցնելու է։ Ինչպես հայտնում է ֆոտոլրագրող Գագիկ Շամշյանը, այս պահին նշված բանկ են ժամանել Ոստիկանության Երևան քաղաքի վարչության օպերատիվ խումբը՝ Երևանի ոստիկանապետի օպերգծով տեղակալ Արտակ Պողոսյանի և քրեական հետախուզության բաժնի պետ Գարիկ Ղուկասյանի գլխավորությամբ։ Ժամանել են նաև Ոստիկանության Կենտրոնական բաժնի օպերատիվ խումբը՝ բաժնի պետ Արամ Հովհաննիսյանի գլխավորությամբ։ Տեղում աշխատում են նաև քննիչներ ու փորձագետներ։ Շարունակությունն՝ այստեղ Նյութի աղբյուր՝ http://shamshyan.com/hy/article/2017/10/09/1079381/ ...

    Կարդալ ավելին
  • Սեպտեմբերի 27-ին արտակարգ դեպք է տեղի ունեցել Կոտայքի մարզում: Կարենիս գյուղին հարակից Արջաձոր թաղամասից 6 տան բնակիչներ իրենց՝ ընդհանուր թվով 19 անասունները հովվի հետ ուղարկել են արածելու, սակայն կեսօրին անասուններն անհետ կորել են:  Ինչպես Արջաձորից հայտնում է ֆոտոլրագրող Գագիկ Շամշյանը, անասուններից մեկն է ընդհամենը վերադարձել, այն էլ, ամենայն հավանականությամբ, նախրի հետ չի եղել:  Ֆոտոլրագրողի հետ զրույցում հուսահատ գյուղացիները ասում էին. «Առավոտյան անասունները հովվի հետ ուղարկեցինք սար՝ արածելու: Կեսօրին հովիվը անասուններին իջեցրել է գյուղ, որպեսզի ջուր խմեն, այնուհետև բարձրացրել տներից մի քիչ վերև՝ հանգստի, ինքն էլ գնացել է հաց ուտելու. այդպես են անում բոլոր հովիվները: Քիչ հետո, ժամը 16:00-ի սահմաններում, վերադարձել է և նկատել, որ անասունները չկան: Իջել է գյուղ, իմաց տվել բոլորին։ Սկսել ենք փնտրտուքները, սակայն մինչ օրս արդյունք չկա: Հենց իմացանք, որ անասունները չկան, դիմեցինք Ոստիկանություն, նրանք էլ սկսեցին որոնողական աշխատանքներ կատարել։ Մեր միակ ապրուստի միջոցն է անասնապահությունը, հիմա չգիտենք` ինչ անենք: Ամեն օր սպասում ենք մի բարի լուրի: Գիշեր-ցերեկ չունենք, սար ու ձոր ման ենք գալիս, ոչ մի հետք չկա։ Կարծես մեր կովերը թև են առել ու թռել: Խնդրում ենք, որ եթե անգամ չգտնենք, գոնե մեր կառավարությունը փոխհատուցում տրամադրի, վերջիվերջո, դրանով ենք ապրում»:  Շարունակությունն՝ այստեղ Նյութի աղբյուր՝   http://shamshyan.com/hy/article/2017/10/09/1079366/ ...

    Կարդալ ավելին
  • Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց միջազգային գրոսմայստեր, աշխարհի կրկնակի գավաթակիր Լևոն Արոնյանին և նրա տիկնոջը՝ Արիանա Կաոիլիին: Ամենայն Հայոց Հայրապետը, շնորհավորելով տաղանդավոր շախմատիստին, ընդգծեց, որ նրա հերթական հաղթանակը մեծ ուրախություն պարգևեց ամենքին՝ փառք և պատիվ հավելելով հայոց ազգին և հայրենի երկրին։ Նորին Սրբությունը նշեց, որ նման ձեռքբերումները ոգեշնչող են շախմատով հետաքրքրվող մանուկների համար, ովքեր ձգտում են նմանվել Արոնյանին։ Ամենայն Հայոց Կաթողիկոսը նաև իր շնորհավորանքներն ուղղեց նորապսակ զույգին՝ մաղթելով, որ Աստված ուղեկից լինի նրանց և պարգևի մշտական հաղթանակներ անձնական կյանքում և շախմատի ոլորտում: Իր հերթին Լևոն Արոնյանը, շնորհակալություն հայտնելով հայրապետական գնահատանքի համար, Նորին Սրբությանը տեղեկություններ փոխանցեց առաջիկա մրցումների մասին։ Խոսելով արձանագրած հաջողություններից՝ գրոսմայստերը շեշտեց, որ ժողովրդից ստացած սերն ու հարգանքը պետք է ջանա այսուհետ ևս վերադարձնել հաղթանակների տեսքով։   ...

    Կարդալ ավելին
  • SHAMSHYAN.com-ի տեղեկություններով՝ Ոստիկանության Արմավիրի մարզային վարչությունում հետաքննություն է սկսվել Արմավիրի մարզի գյուղերից մեկի 11-րդ դասարանի աշակերտուհու նկատմամբ սեռական բնույթի գործողություններ կատարելու փաստով։  Ինչպես հայտնում է ֆոտոլրագրող Գագիկ Շամշյանը, Ոստիկանությունը փնտրում է 16-ամյա աղջկա համագյուղացի՝ 15-ամյա Գ. Ս.-ին, ով կասկածվում է գյուղի եկեղեցու հետնամասում Հ. Մ.-ի նկատմամբ բռնաբարություն կատարելու մեջ։ Գ. Շամշյանի տեղեկություններով՝ աղջիկն իրավապահներին հայտնել է, որ բուժօգնություն ստանալու նպատակով դիմել է Արմավիրի հիվանդանոց, սակայն բժիշկը նրան ոչ միայն օգնություն չի ցուցաբերել, այլ նաև համոզել է, որ կատարվածի մասին ոչ ոքի չբողոքի։  Շարունակությունն՝ այստեղ Նյութի աղբյուր՝   http://shamshyan.com/hy/article/2017/10/09/1079359/ ...

    Կարդալ ավելին
  • Ռուսաստանի մայրաքաղաքում կկանգնեցնեն Մոսկվայի գլխավոր ճարտարապետ Կարո Հալաբյանի հուշարձանը: Այս մասին հայտնում է Интерфакс-ը: Հուշարձանի կանգնեցման առաջարկը կքննարկվի Հուշարձանների արվեստի հանձնաժողովի փորձագետների կողմից՝ հաջորդ շաբաթ: Նշենք, որ հայ խորհրդային ճարտարապետ Կ. Հալաբյանը 1932 թվականից ստեղծագործական, գիտական և հասարակական գործունեությունը ծավալվել է Մոսկվայում։  Հայրենական պատերազմի տարիներին Հալաբյանը ճարտարապետական ակադեմիայի ղեկավար աշխատանքը համատեղել է կարևորագույն արդյունաբերական և պաշտպանական կառույցների քողարկման նախագծման հետ՝ գլխավորելով ակադեմիային առընթեր հատուկ արվեստանոցը։  1943 թվականին նրա ղեկավարմամբ սկսվել է Վոլգոգրադի վերակառուցման նախագծի մշակումը։  1936 թվականին ընտրվել է ճարտարապետների Բրիտանական թագավորական ինստիտուտի պատվավոր թղթակից անդամ։ ...

    Կարդալ ավելին
  • Սեպտեմբերի 27-ին Կալուգայի մարզի Բորովսկի քաղաքային դատարանի որոշմամբ 40-ամյա «օրենքով գող» Արսեն Մկրտչյանը մեղավոր է ճանաչվել խոշոր չափի թմրամիջոցների պահման մեջ: Արսեն Երևանսկի մականունով հայտնի տղամարդը դատապարտվել է 3.5 տարվա ազատազրկման, հայտնում է Prime Crime գործակալությունը: Նշվում է, որ ավելի վաղ «օրենքով գող»-ին 3 անգամ փորձել են կալանավորել, սակայն քրեական գործունեության այդ բոլոր երեք դրվագները տապալվել են դատարաններում։ Դրանից հետո նա տեղափոխվել է Կալուգա։ ...

    Կարդալ ավելին
  • Ընդհանուր իրավասության դատարանի վճռով` Երևանում 21-ամյա աղջիկը մեղավոր է ճանաչվել շորթում կատարելու մեջ: Դատարանը վճռել է նրան դատապարտել 2 տարի ժամկետով ազատազրկման: Միևնույն ժամանակ՝ նրա նկատմամբ պատիժը պայմանականորեն չի կիրառվել և սահմանվել է 3 տարի ժամկետով փորձաշրջան: Ամբաստանյալի նկատմամբ ընտրված՝ ստորագրություն չհեռանալու մասին խափանման միջոցը թողնվել է անփոփոխ՝ մինչև դատավճռի օրինական ուժի մեջ մտնելը: 21-ամյա աղջկան նախաքննության ընթացքում ՀՀ Քրեական օրենսգրքի 182-րդ հոդվածի 1-ին մասով մեղադրանք է առաջադրվել այն բանի համար, որ շորթմամբ տղամարդու զգալի չափերով գույքը հափշտակելու դիտավորությամբ, Երևանում իր բջջային հեռախոսով տղամարդուց գաղտնի տեսանկարահանել է իրենց միջև տեղի ունեցած սեռական հարաբերությունը և նշված վարկաբեկող տեսանյութերը տղամարդու կնոջը և այլ անձանց հրապարակելու սպառնալիքով՝ նրանից մաս-մաս պահանջել է ընդհանուր 800 դոլար գումար, որից մի մասը ստացել է, իսկ մյուս մասը տղամարդը հրաժարվել է տալ: Արագացված դատական քննություն Ըստ դատական ակտի` մինչ դատաքննությունը սկսելն ամբաստանյալը միջնորդել է դատական քննությունն անցկացնել արագացված կարգով` հայտարարելով, որ միջնորդությունը ներկայացրել է կամավոր, խորհրդակցել է պաշտպանի հետ, գիտակցում է արագացված կարգով դատաքննություն անցկացնելու բնույթն ու իրավական հետևանքները, առաջադրված մեղադրանքն իրեն պարզ է, համաձայն է մեղադրանքի հետ և ընդունում է այն ամբողջ ծավալով: Դատական նիստի ընթացքում տուժող տղամարդը հայտարարել է, որ ամբաստանյալի կողմից փոխհատուցվել է իրեն պատճառված վնասը, վերջինիս նկատմամբ բողոք և պահանջ չունի և չի առարկում դատական քննության արագացված կարգ կիրառելու միջնորդության դեմ: Դատարանը գտել է, որ սույն քրեական գործի քննությունը պետք է անցկացնել արագացված դատական քննության կարգով: ...

    Կարդալ ավելին

ՖԲՀ

Քաղաքականություն