• Սեպտեմբերի 7-ից ջերմաստիճանը մի փոքր կնվազի։  Այս մասին հայտնում է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։ «Ամսի 7-ից մի փոքր հովանում է, Երևանում կդառնա +33...+34»,–Facebook կայքի իր էջում գրել է պաշտոնյան: Հիշեցնենք, որ Արտակարգ իրավիճակների նախարարությունից ավելի վաղ զգուշացրել էին, որ սեպտեմբերի 3-ից 7-ը հանրապետությունում սպասվում է բարձր կարգի հրդեհավտանգ իրավիճակ: ...

    Կարդալ ավելին
  • News.am-ը գրում է` ՀՀ պետական սահմանն ապօրինի հատելու մեջ մեղադրվող Օզգյուլ Դումանն այդ քայլին է դիմել, քանի որ ըստ նրա, Թուրքիայում իրեն հալածել են: Այս մասին NEWS.am-ին ասաց նախաքննության ընթացքում Դումանի պաշտպան Արարատ Գրիգորյանը: «Դումանը պատմել է, որ Հայաստան է եկել քաղաքական ապաստան խնդրելու համար, քանի որ Թուրքիայում նրան հալածել էին»,- ասաց Արարատ Գրիգորյանը: Նշենք, որ ըստ մեղադրանքի՝ երիտասարդ Օզգյուլ Դումանը մայիսի 23-ին Թուրքիայի կողմից հատել է Արաքս գետը և հաղթահարելով սահմանային ինժեներատեխնիկական կառույցները` սողանցելով փշալարերի տակով, առանց սահմանված փաստաթղթերի և առանց պատշաճ թույլտվության ապօրինի հատել է Հայաստանի Հանրապետության պահպանվող պետական սահմանը: Դումանին այդ հարցում օգնել է Աբդուլբարի Կանատը: Շարունակությունն՝ այստեղ Նյութի աղբյուր՝   https://news.am/arm/news/407772.html ...

    Կարդալ ավելին
  • ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում հարուցվել է քրեական գործ՝ «Նաիրիտ գործարան» ՓԲ ընկերության դյուրավառ նյութերի պահեստարաններում բռնկված հրդեհի դեպքի առթիվ. քննություն է տարվում՝ պարզելու հրդեհի առաջացման պատճառները: Ինչպես FBH.am-ին տեղեկացրին ՀՀ քննչական կոմիտեի դեպարտամենտի տեղեկատվության և հասարակայնության հետ  կապերի բաժնից, ՀՀ ՔԿ ԵՔՔՎ Շենգավիթ վարչական շրջանի քննչական բաժնում նյութեր են ստացվել առ այն, որ 2017թ. օգոստոսի 28-ին՝ ժամը 13:10-ի սահմաններում, Երևան քաղաքում գտնվող «Նաիրիտ գործարան» ՓԲ ընկերության դյուրավառ նյութերի պահեստարաններում առաջացել է հրդեհ, որի հետևանքով այրվել է ընկերության 2-11 տեղամասի դյուրավառ նյութերի պահեստավորման տարողություններում պահեստավորված քիմիական՝ լաք-էթինոլ դյուրավառ նյութը, մասամբ փլուզվել բետոնե տարողությունների տանիքները, դեֆորմացվել տանիքի մետաղական ճաղավանդակները, այրվել հարակից տարածքի չոր բուսածածկույթը: Սեպտեմբերի 1-ին ՀՀ ՔԿ ԵՔՔՎ Շենգավիթ վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 240-րդ հոդվածի 1-ի մասի(դյուրավառ կամ այրիչ նյութերի պահպանման, հաշվառման, փոխադրման, առաքման կամ օգտագործման կանոնները խախտելը, ինչպես նաեւ նշված նյութերի ապօրինի փոխադրումը կամ առաքումը, եթե դրանք անզգուշությամբ առաջացրել են ծանր հետեւանքներ) հատկանշներով, մշակվել են աշխատանքային վարկածներ և ձեռնարկվում են անհետաձգելի քննչական միջոցառումներ՝ հրդեհի բռնկման պատճառները պարզելու համար։ Կատարվել է դեպքի վայրի զննություն, նշանակվել են հրդեհատեխնիկական, քիմիական, շինարարատեխնիկական և ապրանքագիտական փորձաքննություններ: ...

    Կարդալ ավելին
  • Վարչապետ Կարեն Կարապետյանի գլխավորությամբ Գյումրիում տեղի ունեցած խորհրդակցության ընթացքում քննարկվել են մարզի և համայնքների զարգացման ծրագրերի ընթացքը, կատարված աշխատանքներն ու անելիքները: Ինչպես FBH.am-ին տեղեկացրին ՀՀ կառավարության տեղեկատվության և հասարակայնության հետ կապերի վարչությունից, ներկայացնելով մարզի սոցիալ-տնտեսական իրավիճակը և մակրոտնտեսական ցուցանիշները` Շիրակի մարզպետ Արթուր Խաչատրյանը նշել է, որ մարզում ապահովվել է մեկ շնչի հաշվով ՀՆԱ-ի 48 տոկոսը, մեկ շնչին ընկնող մարզի տարածքային ՀՆԱ կազմում է 800.9 հազ դրամ: Արդյունաբերական արտադրանքի ծավալը 2016-ին կազմել է 40 մլրդ 252.3 մլն դրամ, մեկ շնչի հաշվարկով՝ 165.5 հազ. դրամ: Արդյունաբերության հիմնական ուղղությունը` մշակող արդյունաբերությունը՝ 31 մլրդ 910.1 մլն. դրամ, որից սննդամթերքի արտադրությունը՝ 25 մլրդ  542.4 մլն դրամ, խմիչքի արտադրությունը՝ 2 մլրդ 592 մլն 931 հազ դրամ, հագուստի արտադրությունը՝ 1 մլրդ 959.2 մլն դրամ: Մարզպետի խոսքով, մարզի զարգացման գերակա ուղղություններից է գյուղատնտեսությունը: 2016թ.-ին մարզի համախառն գյուղատնտեսության արտադրանքի ծավալը կազմել է 100.7 մլրդ դրամ, որից մեկ շնչին բաժին է հասնում 414.1 հազ. դրամ: Նշվել է, որ մարզում ցածր է ոռոգելի հողատարածքների թիվը. Այն կազմում է առկա վարելահողերի 23 տոկոսը: ՀՀ տարածքային կառավարման և զարգացման նախարարության ու մարզպետարանի համատեղ աշխատանքի արդյունքում կառավարություն է ներկայացվել 9 ներդրումային ծրագիր՝1 մլրդ 815.4 մլն դրամի չափով: Նշված ծրագրերից կառավարության հավանությանն է արժանացել 7-ը՝ 1 մլրդ 485,9 մլն դրամ: Եվս 6 ներդրումային ծրագիր ընթացիկ քննարկման փուլում են գտնվում Տարածքային կառավարման և զարգացման նախարարությունում և ընթացիկ 3 նոր ծրագիր այս շաբաթ ներկայացվելու է: Մարզի տնտեսավարող սուբյեկտների և օտարերկրյա  ներդրողների  կողմից մարզում իրականացվել ու իրականացվում են մի շարք ծրագրեր, այդ թվում՝  Եվրամիության աջակցությամբ «Մայքրոսոֆթ» ինովացիոն կենտրոնը սկսել է ծրագրավորման դասընթացներ Գյումրիի ու Շիրակի մարզի 200 գործազուրկների համար, Բավրա գյուղում կառուցվել է հնդկաձավարի արտադրության գործարան, որտեղ նախատեսվում է իրականացնել տարեկան շուրջ 9 հազար տոննա հնդկաձավարի վերամշակում և փաթեթավորում: Գյումրիում և Արթիկում կառուցվում են կարի արտադրամասեր: Գյումրիի նախկին երկաթգծի հիվանդանոցի շենքը վերանախագծվել է որպես կարի արտադրամաս, որն ապահովելու է 1500 աշխատատեղ: Նախատեսվում է «Թումո» ստեղծարար տեխնոլոգիաների կենտրոնի կառուցումը:   Արթուր Խաչատրյանը նշել է, որ մարզի զարգացման գերակա ուղղություններից է նաև զբոսաշրջությունը՝ նկատի ունենալով, որ մարզը հարուստ է պատմամշակութային և հնագիտական հուշարձաններով: Այս առումով կարևորվել է Գյումրի քաղաքի «Կումայրի»  պատմաճարտարապետական արգելոց-թանգարանի, Հառիճի և Մարմաշենի վանական համալիրների, Երերույքի տաճարի դերը, որոնք հանդիսանում են նպաստավոր պայմաններ զբոսաշրջության զարգացման համար, իսկ «Արփի լիճ» ազգային պարկն իր ուրույն կենսաբազմազանությամբ էկոզբոսաշրջային կլաստերի կազմակերպման լավագույն տարածքն է: Անդրադառնալով զեկույցում ներկայացված տարբեր ոլորտներին՝ վարչապետը նախ անդրադարձել է մարզում ոռոգելի տարածքների ցածր մակարդակին և Ջրային տնտեսության պետական կոմիտեի նախագահ Արսեն Հարությունյանից հետաքրքրվել այդ խնդրի լուծման հնարավորությունների մասին: Կոմիտեի նախագահը նշել է, որ այժմ Կապսի ջրամբարի կառուցման հետ կապված ուսումնասիրություններ են կատարվում՝ պարզելու դրա տնտեսական արդյունավետությունը: Արսեն Հարությունյանի խոսքով, մարզում քայլեր են ձեռնարկվելու ներտնտեսային ցանցի զարգացման, ոռոգելի տարածքների ավելացման ուղղությամբ և համապատասխան ծրագիրն առաջիկայում  կներկայացվի կառավարության հաստատմանը: Կարեն Կարապետյանը հանձնարարել է Շիրակի մարզի նկատմամբ ցուցաբերել հատուկ ուշադրություն, քանի որ ոռոգելի տարածքների մակարդակն այստեղ խիստ ցածր է: Վարչապետը կարևորել է Գյումրիի սելեկցիոն կայանի զարգացումը և ավելացրել, որ կառավարության նպատակն է սերմարտադրության ոլորտում նվազեցնել արտաքին աշխարհից կախվածությունը: Գյուղատնտեսության նախարարության պատասխանատուն զեկուցել է, որ այժմ իրականացվում է սերմաբուծության զարգացման ծրագիրը, որով նախատեսվում է Գյումրիի սելեկցիոն կայանի, Սյունիքի սերմնաբույծների միության և էջմիածնի կայանի գործունեության արդյունքում արտադրել բարձր վերարտադրության սերմեր, որի նպատակն է Հայաստանում գյուղացիական տնտեսություններին ապահովել տեղական արտադրության սերմերով: Վարչապետին ներկայացվել է նաև մարզում տեսքտիլի ոլորտի զարգացման ծրագիրը: Խոսելով զբոսաշրջության զարգացման մասին՝ Կարեն Կարապետյանն ընդգծել է, որ Գյումրին մեր ամենահեռանկարային տուրիստական ուղղություններից է, և պետք է հետևողական աշխատանքներ իրականացվեն այդ ամենը ներկայացնելու ուղղությամբ: Զեկուցվել է, որ ներկայում ընթացքի մեջ է Գյումրիում զբոսաշրջային կետերի տեղեկատվական կենտրոնի կառուցումը, այժմ աշխատում են նաև վրացական տուրօպերատորներին ներգրավելու ուղղությամբ: Տեղեկացվել է, որ մարզում ընթացիկ տարվա առաջին 7 ամիսների ընթացքում արձանագրվել է համայնքների սեփական եամուտների 15 տոկոսի աճ, մեկ շնչին ընկնող եկամուտը կազմում է 9 հազար 500 դրամ, ինչը բավականին բարձր է մի շարք մարզերի մարզերի ցուցանիշներից: Վարչապետը հետաքրքրվել է այլ մարզերի նկատմամբ համայնքների սեփական եկամուտների հետ կապված վերլուծությունների ընթացքից և գոհունակություն հայտնել կատարվող աշխատանքներից: «2018 թվականին համայնքների բյուջեների պլամանավորման ժամանակ համայնքնապետերին մաքսիմալ պետք է օգնենք և հիմնավորենք, որ նրանք ունեն զարգացման մեծ հնարավորություններ: Սեփական եկամուտների հորիզոնը հստակ սահմանելու ենք ու քայլ առ քայլ գնալու ենք առաջ», - ասել է Կարեն Կարապետյանը:  Անդրադառնալով աղբահանության խնդիրներին՝ պատասխանատուները զեկուցել են, որ մարզում առկա 5 հազար 800 իրավաբանական անձանցից աղբահանության պայմանագրեր են կնքվել 1763-ի հետ: Վարչապետը կարևորել է աղբահանության ուղղությամբ տեղական բյուջեների ճիշտ կազմակերպումը: «Խնդիրը դնում ենք շատ կոշտ և մեկ ամսվա ընթացքում բոլոր իրավաբանական անձանց մարզպետարանը պետք է բերի իրավական դաշտ»,- ընդգծել է կառավարության ղեկավարը: Վարչապետին զեկուցվել են նաև Շիրակի մարզում առողջապահության, կրթության, ճանապարհաշինության, տեղեկետվական տեխնոլոգիաների ոլորտներում, Գյումրիի տեխնոլոգիական կենտրոնի, համայնքային զարգացման բնագավառներում իրավիճակի և առկա խնդիրների լուծման ուղղությամբ տարվող աշխատանքները: Տեղեկատվություն է ներկայացվել կրթական և առողջապահական համակարգերի գործունեության և օպտիմալացման աշխատանքների մասին: Խորհրդակցությունից հետո Կարեն Կարապետյանը ծանոթացել է «Կումայրի» պատմական կենտրոնի զարգացման ծրագրի շրջանակում Գյումրու Ռուսթավելի փողոցում իրականացվող հիմնանորոգման աշխատանքների ընթացքին: Վարչապետին զեկուցվել է, որ ամբողջովին ավարտված են կոմունիկացիոն համակարգի նորացման աշխատանքները, կատարվել է հետլիցք, որոշ հատվածներում փողոցը խճապատվել ու բետոնապատվել է: Զուգահեռաբար իրականացվում են նաև մայթերի վերանորոգման աշխատանքներ: Կարեն Կարապետյանն ընդգծել է, որ շինաշխատանքների ընթացքը շարունակելու է գտնվել իր ուշադրության կենտրոնում և հանձնարարել պատասխանատուներին անել հնարավորը, որպեսզի դրանք ավարտվեն ըստ սահմանված ժամանակացույցի: ...

    Կարդալ ավելին
  • Ադրբեջանական կողմից հնչած կրակոցները Տավուշի մարզում ԵԱՀԿ դիտորդական առաքելության ընթացքում հարված էին ԵԱՀԿ-ի ուղղությամբ ու կառույցը հերթական անգամ հեղինակազրկելու փորձ։ FBH.am-ի հաղորդմամբ՝ նման կարծիք հայտնեց ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը։  «Սրանք կրակոցներ էին ԵԱՀԿ-ի ուղղությամբ։ Սա կառույցը հեղինակազրկելու հերթական փորձ էր։ Ադրբեջանական ղեկավարությունը դիվանագիտական առումով բանակցային գործընթացում մտցրել է փակուղի, և Ադրբեջանն էլ դե ֆակտո չի կարող տալ իր համաձայնությունը հայտնի դրույթներին։ Դա երկակիության հետևանք է՝ հասարակությանը «կերակրել» այլ հայտարարություններով, դրսում անել այլ հայտարարություններ։ Ադրբեջանի կողմից բանակցային խաղը փոխելու ջանքեր են գործադրվում»,- ասաց Արմեն Աշոտյանը։  Նա նշեց, որ ԵԱՀԿ-ն և ՄԱԿ-ն այսօր զբաղված են իրենց կորցրած ազդեցությունը վերականգնելու գործով և չեն կարողանում ավելի արագ արձագանքել նմանատիպ միջադեպերին։  Աշոտյանի կարծիքով՝ ԵԱՀԿ-ն խուսափում է Ադրբեջանի հետ կապերը վերջնականապես կտրելուց։ Նրա խոսքով՝ ԵԱՀԿ-ն շատ լավ գիտի, թե ով է կրակում, պարզապես խուսափում է հակադրվել, որպեսզի Ադրբեջանին առիթ չտա՝ ԵԱՀԿ կարգավորիչ մանդատը հարցականի տակ դնելու։  ...

    Կարդալ ավելին
  • SHAMSHYAN.com-ի տեղեկություններով՝ երեկ՝ սեպտեմբերի 1-ին, արտակարգ դեպք է տեղի ունեցել Երևանում։ Ժամը 16։00-ի սահմաններում Երևանի պետական համալսարանի մասնաշենքի մոտից Opel մակնիշի ավտոմեքենայի վարորդը առևանգել է ԵՊՀ-ի դասախոս, Կոտայքի մարզի բնակիչ, 30-ամյա Տաթև Ավետիքի Աբրահամյանին։  Ինչպես հայտնում է ֆոտոլրագրող Գագիկ Շամշյանը, փաստի առթիվ Ոստիկանության Կենտրոնական բաժնի հետաքննչական բաժանմունքում հետաքննություն է սկսվել։  Շարունակությունն՝ այստեղ Նյութի աղբյուր՝   http://shamshyan.com/hy/article/2017/09/02/1076318/ ...

    Կարդալ ավելին
  • Ադրբեջանի խորհրդարանի կողմից Եվրանեսթի ԽՎ-ի համանախագահներին տրված անվտանգության երաշխիքները հիմք են տալիս շարունակելու Բաքվում անցկացվելիք համաժողովին մասնակցելու նախապատրաստական աշխատանքները։  FBH.am-ի հաղորդմամբ՝ լրագրողների հետ զրույցում այս մասին ասաց ՀՀ ԱԺ արտաքին հարաբերությունների մշտական հանձնաժողովի նախագահ Արմեն Աշոտյանը։  «Մենք չունենք բարդույթներ, որպեսզի մեզ սահմանափակենք, եթե որոշվել է միջոցառումը կազմակերպել Բաքվում, ապա մենք ուզում ենք և կարող ենք գնալ այնտեղ։ Օրերս Ադրբեջանի խորհրդարանի կողմից համանախագահներին ուղղված նամակում բոլոր մասնակիցներին տրվել են անվտանգության երաշխիքներ»,- նշեց Աշոտյանը։  Նրա խոսքով՝ Հայաստանը հայտ է ներկայացրել Եվրանեսթի չորս հանձնաժողովների նիստերը հաջորդ տարի ՀՀ-ում անցկացնելու մասին։ ...

    Կարդալ ավելին
  • Հայտնի դերասանուհի, բազմաթիվ մրցույթների դափնեկիր, ՀՀ վաստակավոր արտիստ Լուսինե Կիրակոսյանը դարձել է խաբեության զոհ: Հանուն հարազատ եղբոր ընտանիքի՝ կորցնելով ամբողջ ունեցվածքը, ոսկեղենը, հիմա էլ կանգնած է բաց երկնքի տակ մնալու վտանգի առաջ:  SHAMSHAYN.com-ի թղթակցի հետ զրույցում նա ասաց. «Տարիներ առաջ հարազատ եղբայրս իր տղայի հարսանիքի համար մի կնոջից տոկոսով գումար է վերցնում, սակայն տոկոսները գնալով կուտակվում են և դառնում մի կլորիկ գումար: Եղբայրս չի կարողանում հետ վճարել այդ գումարը ու կինը, ով գումարը տվել էր, սկսում է փորձեր անել՝ տիրանալ նրա տներին և նրանց ամբողջ ունեցվածքին, իսկ աշխատավարձների վրա կալանք է դրվում:  Շարունակությունն՝ այստեղ Նյութի աղբյուր՝   http://shamshyan.com/hy/article/2017/09/02/1076280/ ...

    Կարդալ ավելին
  • Երևանում սեպտեմբերի 21-23-ը տեղի կունենա ուտեստների «Yerevan Food Fest»  առաջին փառատոնը: Միջոցառումը կտևի երեք օր։  Առաջին երկու օրվա ընթացքում ոլորտի հրավիրված հայտնի փորձագետները կվարեն վարպետության դասեր փառատոնի մասնակիցների համար: Դրանք տեղի կունենան երկու հարթակներում ՝ The LOFT-ում և Complex Bar-ում։ Խոսնակների շարքում ոլորտի այնպիսի մասնագետներ են, ինչպիսիք են Աննա Ելովիկովան (Հյուսիսային Կովկասի ռեստորանատերերի և հյուրանոցատերերի ասոցիացիայի նախագահ), Աննա Ձյուբան (հայտնի գաստրո-բլոգեր), Լիլիթ Հարությունյանը («Դոլմաստեր»-ի սեփականատեր և բրենդ-շեֆ), ինչպես նաև լրագրողներ, ռեստորանատերեր և ոլորտի փորձագետներ։ Փառատոնի գլխավոր իրադարձությունը կլինի սեպտեմբերի 23-ին կայանալիք մեծ բացօթյա միջոցառումը մայրաքաղաքի ամենահայտնի կենտրոնական այգիներից մեկում՝ Անգլիական այգում, որին կմասնակցեն Երևանի ռեստորանները, շեֆ-խոհարարները և գաստրոնոմիկ ոլորտի այլ ներկայացուցիչները։  Salon Armenian, Dragon Garden, Crumbs և այլ հայտնի ռեստորանների շեֆ-խոհարարները կվարեն բաց վարպետության դասեր փառատոնի հյուրերի համար, միջոցառման մասնակիցները նաև կլինեն Hans&Franz, Rafaello, Tsirani, Ingredient, Pub 37 և այլ ռեստորաններ։ Երևանում փառատոնին կմասնակցեն շուրջ 30 երևանյան ռեստորան, որոնք հանդիսատեսի դատին կհանձնեն ոչ միայն արդեն սիրված ուտեստները, այլև փառատոնի համար կազմված հատուկ մենյուն՝ ուտեստներ, որոնք կվաճառվեն հատուկ սովորականից ավելի ցածր փառատոնային գնով։ Այգու տարածքում, ռեստորաններից բացի, անցկացվելու են հայ շեֆ-խոհարարների թեմատիկ վարպետության դասերը, կլինեն տեղակայված հանգստի և մանկական գոտիներ, երաժիշտներով բեմը և այլն, ինչպես նաև հատուկ լուսանկարների համար նախատեսված հատված կլինի, որը հայտնի Marashlyan PhotoStudio-ի ղեկավարության տակ կլինի։ Փառատոնը ոլորտի մասնագետների համար կդառնա անմիջական շփման մի հարթակ, որտեղ կքննարկվեն ոլորտի կարևոր հարցերը և որը կնպաստի նոր բիզնես կապերի ձևավորմանը։ Փառատոնի կարևորագույն խորհուրդներից է այն, որ Երևանը տարածաշրջանային մասշտաբով կարող է դառնալ կարևոր միջոցառումների անցկացման մի հարթակ, ինչպես նաև կարող է նպաստել ռեստորանային ոլորտի և գաստրոնոմիկ զբոսաշրջության զարգացմանը։ .  «Yerevan Food Fest» փառատոնը լինելու է ամենամյա ։ ...

    Կարդալ ավելին
  • ՀՀ վարչապետ Կարեն Կարապետյանի շնորհավորական ուղերձ է հղել Արցախի անկախության տոնի առթիվ: Ինչպես FBH.am-ին տեղեկացրին ՀՀ կառավարության տեղեկատվության և հասարակայնության հետ կապերի վարչությունից, ուղերձում ասված է. «Սիրելի՛ հայրենակիցներ, ՀՀ կառավարության և իմ անունից ջերմորեն շնորհավորում եմ բոլորիս՝ Արցախի Հանրապետության անկախության 26-րդ տարեդարձի կապակցությամբ: Խոնարհվում ենք Արցախի անկախության ու ազատության համար մարտնչած հերոսների առջև: Նրանց անձնվիրությունը մեզ պարտավորեցնում է ամենօրյա աշխատանքով ամրապնդել մեր հաղթանակները, ուժեղացնել մեր անվտանգությունն ու մարտունակությունը և առաջ շարժվել մեր ընդհանուր ազգային նպատակների իրականացման լավատեսական ձգտումներով: Հայաստանի կառավարությունը միշտ կանգնած է Արցախի կողքին ու պատրաստ է հնարավորինս աջակցել ու սատարել տնտեսական զարգացմանը վերաբերող ծրագրերի իրականացման հարցում: Կրկին շնորհավորում եմ բոլորիս այսօրվա մեծ տոնի առթիվ՝ մաղթելով Արցախի մեր հայրենակիցներին խաղաղություն, առաջընթաց և նորանոր հաջողություններ»: ...

    Կարդալ ավելին

ՖԲՀ

Քաղաքականություն