• Reddit-ի օգտատերերից մեկը հայտնել է iOS օպերացիոն համակարգի նոր տարբերակում արտասովոր խնդրի մասին։ Նա նկատել է, որ iOS 11-ում հաշվիչը չի կարողանում կատարել պարզագույն գործողություններ։ 1 + 2 + 3 գործողությունը կատարելիս՝ հավելվածը տալիս է սխալ պատասխան՝ 24։ Քննարկման մասնակիցները կարծում են, որ հավելվածի նոր տարբերակը չի հասցնում ընկալել հրամանը սիմվոլների արագ հավաքման ժամանակ, ինչի պատճառով, հավանաբար, հրամանն ընկալում է որպես 1+23։ Մշակողները դեռևս չեն արձագանքել այդ խնդրին, ինչի պատճառով շատերը հայտարարել են, որ կհրաժարվեն հաշվիչից՝ հօգուտ կողմնակի հավելվածների։ ...

    Կարդալ ավելին
  • Քիչ առաջ խոշոր ավտովթար-հրդեհ է տեղի ունեցել Արմավիրի մարզում: Ժամը 18:30-ի սահմաններում Երևան -Արմավիր ավտոճանապարհի 18-րդ կմ հատվածում բախվել են Nissan Altima մակնիշի 22 ՍՏ 454 համարանիշի և ВАЗ 2106 մակնիշի 34 ՍF 820 համարանիշի ավտոմեքենաները: Ինչպես հայտնում է Shamshyan.com-ը, բախման հետևանքով Nissan-ում խոշոր հրդեհ է բռնկվել և կրակն այնքան ուժեղ է, որ տեսանելի է մոտ 500 մետրից: Դեպքի վայր են ժամանել Արտակարգ իրավիճակների նախարարության փրկարար ծառայության Վաղարշապատի հրշեջ-փրկարարական ջոկատը, ովքեր մարել են Nissan-ում առաջացած հրդեհը, սակայն մեքենան ամբողջովին վերածվել է մոխրակույտի: Ըստ նախնական տեղեկությունների՝ վթարի հետևանքով 1 հոգի մահացել է: Ոստիկանությունն ու քննչական բաժինը պարզում են մահացածի և վարորդների ինքնությունը: ...

    Կարդալ ավելին
  • ՀՀ տրանսպորտի և կապի նախարար Վահան Մարտիրոսյանն անդրադարձել է աջ ղեկային համակարգով մեքենաների շահագործումն արգելելու մասին խոսակցություններին: ՀՀ կառավարության լրատվական վարչության «Հրապարակում» հեռուստածրագրին տված հարցազրույցում հայտարարել է, որ այդպիսի իրավական ոչ մի ակտ դեռ ստորագրած չկա, նման որոշում չկա: «Խնդիրը միայն քննարկումների փուլում է: Կլինի այնպիսի որոշում, որ ոչ մեկի իրավունքների իրավունքները չեն ոտնահարվի, և ոչ ոք իրեն այդ որոշումից վատ չի զգա»,- ասել է նախարարը: Կառավարությունը պատրա՞ստ է փոխհատուցել վարորդներին եթե, այնուամենայնիվ, աջ ղեկային համակարգով մեքենաների շահագործումն արգելելու որոշում կայացվի: Վահան Մարտիրոսյանն այս հարցին պատասխանել է. «Փոխհատուցելու բան չի լինի: Չի արգելվելու մեքենաների շահագործումը»: Հստակեցնող հարցին, թե կարո՞ղ ենք որոշակիորեն նշել, որ աջ ղեկով մեքենաները Հայաստանում չեն արգելվելու, նախարարը պատասխանել է. «Ինչ-որ փոփոխություն կկատարվի, բայց վարորդները կարող են վստահ լինել, որ իրենք կշարունակեն վարել իրենց մեքենաները»: ...

    Կարդալ ավելին
  • Երեկ՝ հոկտեմբերի 22-ին, Ադրբեջանի զինված ուժերը, խախտելով վերջերս ԵԱՀԿ Մինսկի խմբի համանախագահների միջնորդությամբ Հայաստանի և Ադրբեջանի նախագահների միջև Ժնևում տեղի ունեցած հանդիպման ժամանակ ձեռք բերված պայմանավորվածությունը, հակամարտ զորքերի շփման գծի հյուսիսարևելյան (Մարտակերտ-Մատաղիս) ուղղությամբ կիրառել են հրետանային զինատեսակներ՝ հայկական դիրքերի վրա արձակելով ականանետի 5 արկ և «ՍՊԱՅԿ» տիպի մեկ հակատանկային հրթիռ:  Այս մասին հայտնում են Արցախի Հանրապետության պաշտպանության նախարարության լրատվական ծառայությունից։  «Կատարվածը փաստում է, որ, ինչպես միշտ, Բաքուն ոչ միայն հակված չէ ձեռքբերված պայմանավորվածությունը նպատակաուղղել հակամարտության խաղաղ կարգավորմանն ու չարդարացված կորուստների բացառմանը, այլև հակառակը՝ կանխամտածված սադրանքների միջոցով գնում է իրադրության ապակայունացմանը: Հաշվի առնելով միջազգային հանրության և, մասնավորապես, ԵԱՀԿ Մինսկի խմբի կողմից ադրբեջանա-արցախյան հակամարտության խաղաղ կարգավորմանն ուղղված գործընթացների արդյունավետ իրականացման անհրաժեշտությունը՝ Արցախի զինված ուժերը ձեռնպահ են մնացել պատասխան գործողություններից: Սակայն դա ամենևին չի նշանակում, որ դեպքերը նման տրամաբանությամբ զարգանալու պարագայում հակառակորդի նախահարձակ գործողությունները մնալու են անպատասխան: Արցախի Հանրապետության պաշտպանության նախարարությունն ամենայն պատասխանատվությամբ Բաքվի ռազմաքաղաքական ղեկավարությանն զգուշացնում է, որ սադրանքները շարունակվելու դեպքում պատասխանը լինելու է անհամարժեք և բավականին ցավոտ»,- ասվում է հաղորդագրությունում: ...

    Կարդալ ավելին
  • Hraparak.am-ը գրում է՝ Մեզ դիմել էր մեր ընթերցողներից մեկը` նշելով, որ ԱԻՆ-ի շենքի ճակատային մասում փակցված է ՀՀ-ի եւ ԼՂԻՄ-ի քարտեզը, որտեղ ոչ միայն Արցախը առանձին է Հայաստանից, այլև բացակայում են ազատագրված տարածքները։ Ընթերցողը վրդովված պատմում էր. «Սրանք հիմա էլ ուզում են մարդկանց գիտակցության մեջ սա մտցնեն ու այս ձեւով»։ Շարունակությունն՝ այստեղ ...

    Կարդալ ավելին
  • Ռուսաստանի Դաշնությունում Հայաստանի դեսպան Վարդան Տողանյանն այցելել է ԽՍՀՄ ժողովրդական արտիստ, Հայաստանի ժողովրդական արտիստ Արմեն Ջիգարխանյանին, ով այժմ գտնվում է Մոսկվայի բուժհաստատություններից մեկում: «Արմեն Բորիսովիչը կազդուրվում է: Նա պահպանում է իր անսպառ հումորի զգացումն ու մտածում է նոր նախաձեռնությունների մասին»,- նշվում է ՌԴ-ում Հայաստանի դեսպանության ֆեյսբուքյան էջում: ...

    Կարդալ ավելին
  • Լիբերիացի Կուլա Պելիման մեղադրվում է առաջին աստիճանի սպանության մեջ այն բանից հետո, երբ նրա 3-ամսեկան որդին և 5 տարեկան խորթ տղան մահացած են հայտնաբերվել: Ողբերգությունից ոչ շատ առաջ 30-ամյա կինը ոստիկանություն է զանգահարել՝ վախենալով, որ իրեն կարող են արտաքսել, հայտնում է The Sun-ը: Ավելի ուշ անհանգստացած մայրը, ով օրինական կերպով ԱՄՆ-ում է ապրել 1997 թվականից, երկրորդ անգամ է զանգահարել ոստիկանություն: Նա հայտնել է, որ խեղդել է երկու տղաներին: Կուլան անհանգստացել է, թե իր հետ ինչ կարող է պատահել, քանի որ իր ընկերը (և երկու տղաների հայրը) հոկտեմբերի 6-ին ձերբակալվել էր ներգաղթի հետ կապված որոշ հարցերով: Ոստիկանների խոսքով՝ կինը երեխաների սպանության մասին հայտնել է բացարձակ հանգիստ տոնով՝ հատատելով իր մեղքը տեղի ունեցածի մեջ: Նրա բնակարանից գազի ուժեղ հոտ է եկել, բայց չի հաջողվել պարզել՝ արդյոք գազի վառարանը դիտավորյալ է միացված եղել: ...

    Կարդալ ավելին
  • Հոկտեմբերի 20-ին Երևանի Կենտրոն վարչական շրջանի ղեկավար Արա Սադոյան նախաձեռնությամբ կազմակերպվել էր հերթական հանդիպումը վարչական շրջանի դպրոցների աշակերտների հետ: Դպրոցականների հետ: Հանդիպմանը Արա Սադոյանի հրավերով ներկա էր նաև պրոֆեսիոնալ բռնցքամարտի աշխարհի չեմպիոն Արթուր Աբրահամը: Կենտրոն վարչական շրջանի ղեկավարը Ջ. Կիրակոսյանի անվան հ.20 , Ա. Չեխովի անվան հ.55 և Գ. Էմինի անվան հ.182 դպրոցների աշակերտներին ծանոթացրել է վարչական շրջանում իրականացվող աշխատանքներին, բաժինների գործառույթներին և ընթացիկ ծրագրերին: IBF վարկածով աշխարհի չեմպիոն Արթուր Աբրահամը դպրոցականներին պատմել է իր հաջողությունների և անցած ճանապարհի մասին, ինչպես նաև ներկայացրել հաջողության իր բանաձևն ու ապագայի իր ծրագրերը, որոնք կապված են հայրենիքում ապագայում լավ մարզիկներ պատրաստելու հետ: Կենտրոն վարչական շրջանի ղեկավար Արա Սադոյանը և պրոֆեսիոնալ բռնցքամարտիկ Արթուր Աբրահամը պատասխանել են աշակերտների բոլոր հարցերին, ոգևորել նրանց՝ խորհուրդ տալով երբեք չհանձնվել և վստահ քայլերով գնալ երազանքի հետևից: Հանդիպումը անցել է ջերմ և անմիջական միջավայրում: Երեխաները ստացել են իրենց հուզող և հետաքրքրող հարցերի պատասխանները, արել բացահայտումներ և ստացել արժեքավոր խորհուրդներ: Կենտրոն վարչական շրջանի ղեկավար Արա Սադոյանը և պրոֆեսիոնալ բռնցքամարտիկ Արթուր Աբրահամը նաև շնորհակալագրեր հանձնեցին Երևանի Կենտրոնի աթլետիկայի մանկապատանեկան համալիր մարզադպրոցի սաներին «Երևանի կիսամարաթոն» մրցավազքում և Կենտրոն վարչական շրջանի Բ. Կանաչյանի անվան արվեստի դպրոցի սաներին Մոլդովայում կայացած «Golden Apple 2017» երաժշտության միջազգային մրցույթ-փառատոնում արձանագրած հաջողությունների համար: Կենտրոն վարչական շրջանի ղեկավար Արա Սադոյանը շնորահավորել է Կենտրոն վարչական շրջանի անունը հայաստանյան և միջազգային մրցույթներում բարձր պահած ներկայացուցիչներին և հույս հայտնել, որ արձանագրած հաջողությունները կունենան նույնքան հաջող շարունակություն և առաջիկայում ևս կլինեն փայլուն հաղթանակներ: Անվանի բռնցքամարտիկ Արթուր Աբրահամը ոգևորիչ և փայլուն է գնահատել մարզական միջոցառման մասնակիցների ցուցաբերած արդյունքները և մաղթել նրանց նոր հաջողություններ: ...

    Կարդալ ավելին
  • Թուրքական «Ռադիքալ» (Radikal) պարբերականի սյունակագիր Այշե Հյուրն անդրադարձել է Թուրքիայի Հանրապետության հիմնադիր Մուստաֆա Քեմալ Աթաթուրքի հոգեզավակներից մեկի` Սաբիհա Գյոքչենի ինքնությանը` նշելով, որ որոշ վարկածների համաձայն նա ծագում է հայ էր` Հաթուն Սեբիլջիյան անունով: Հոդվածի հեղինակը նշում է, որ հենց ինքը` Սաբիհան, ժամանակին իր տված հարցազրույցներից մեկում պատմել է, որ Աթաթուրքն իրեն որդեգրել է 12 տարեկան հասակում 1925թ. Բուրսա կատարած այցի ժամանակ: Գյոքչենը պատմել է, որ ծնողներ չի ունեցել և այդ ժամանակ ապրել է մեծ եղբոր հետ: Տեսնելով Աթաթուրքին` վազել նրա մոտ: Աթաթուրքը զրուցել է աղջնակի հետ և այնքան է հավանել նրան, որ որոշել է որդեգրել ու իր հետ տանել Անկարա: Հոդվածում ներկայացվում է Սաբիհայի կենսագրության մյուս տարբերակը ևս, որի մասին հանրությանը ժամանակին իրազեկել էր լուսահոգի Հրանտ Դինքը: «2004-ին Հրանտ Դինքի ստորագրությամբ հրապարակվեց «Սաբիհա Գյոքչենի գաղտնիքը» հոդվածը: Այդ հոդվածը մեկն էր այն մյուսներից, որոնք քայլ առ քայլ Հրանտին դեպի մահ էին տանում»,-գրում է Այշե Հյուրն: Դինքի հոդվածում ներկայացվում էր մի պատմությունը, որը Դինքին պատմել էր Սաբիհա Գյոքչենի մորաքույրը` Հռիփսիմե Սեբիլջյանը: Այդ պատմության համաձայն` Ներսես Սիբիլջյանի (Սաբիհայի հայրը) ընտանիքը Հալֆեթի Ջիբիլ գյուղում է բնակվել: 1915թ. հուլիսի 17-ին գյուղապետը շրջել է տնետուն և հանձնել մի փաստաթուղթ, որում գրված է եղել, որ նրանք 24 ժամվա ընթացքում պետք է լքեն իրենց տներն ու ճանապարհ դուրս գան դեպի Հալեպ: Սեբիլջիյան ընտանիքը ճարահատյալ ճանապարհ է դուրս գալիս: Նրանց առաջին կանգառը լինում է  Այնթափը, որտեղ շատ այլ հայերի նման նրանք էլ որոշում են  երեխաներին հանձնել միսիոներական որբանոց` նրանց անվտանգությունն ապահովելու համար: Եվ այսպես` 6-ամյա Տիրուհին և 2-ամյա  Հաթունը հայտնվում են որբանոցում: 1918 հոկտեմբերի 30-ին Մուդրոսի զինադադարի ստորագրումից հետո, իրենց տները վերադառնալ խիզախած հայերից էին նաև Սեբիլջյան ընտանիքի անդամները: Նրանք հասնելով Այնթափ` գնում են միսիոներական որբանոց, որպեսզի վերցնեն երեխաներին: Սակայն այնտեղ իմանում են, որ Աթաթուրքը շրջել է որբանոցներով  ու ասել, թե ում ամենաշատը հավանի, նրան հոգեզավակության կառնի: Եվ այդպես որդեգրել է Հաթունին` նրան տալով նոր անուն` Սաբիհա, իսկ ավելի ուշ` նոր ազգանուն` Գյոքչեն:  Հաթունն այդ օրվանից ապրել է Աթաթուրքի մոր Զուբեյդեյի մոտ, որի մահից հետո 1923թ. տեղափոխվել է Բուրսա, իսկ 1925թ. Բուրսա կատարած այցի ժամանակ Աթաթուրքը նրան Անկարա է տարել:  Դինքի հոդվածում ասվել է, որ Հաթունի (Սաբիհա) մորեղբոր որդին Աբրահամ Կարապետյանը 1955թ. Հաթունին գտնելու համար գալիս է Անկարա և հանդիպում Սաբիհա Գյոքչենի հետ: Նրանք զրուցում են, նկարվում: Նշենք, որ Սաբիհա Գյոքչենը Թուրքիայի ռազմական համակարգում բարձր դիրք է զբաղեցրել և մեծ ճանաչման հասել։ Նա Թուրքիայի առաջին կին օդաչուն է, ճանաչվել է աշխարհի հայտնի 20 օդաչուներից մեկը, ընդ որում` այս տիտղոսին արժանացած առաջին և միակ կինն է։ Ներկայումս նրա անունով օդանավակայան կա Թուրքիայում։ Սակայն ամենակարևոր հանգամանքը, որ հստակ առանձնացվում է նրա կենսագրության մեջ, այն է, որ 1938թ. Դերսիմի ալևիների ապստամբության ժամանակ Սաբիհան կործանիչով ռմբակոծել է ապստամբներին, ինչը մեծապես օգնել է թուրքական բանակին վերահսկողության տակ վերցնել Դերսիմը և ճնշել խռովությունը։ Այս առնչությամբ օրեր առաջ հրապարակվել էր Քազիմ Գյունդողանի հոդվածը`որտեղ առաջ էր քաշվում այն գաղափարը , թե պատահական չէ, որ Դերսիմի կոտորածներում որպես գործիք օգտագործվել է հայկական ծագումով օդաչուն. «Հանրապետության հիմնադրման գաղափարախոսությունը հասկանալու տեսանկյունից չափազանց ուշագրավ է, որ կարմրագլուխների (ղըզըլբաշ), քրդերի, զազաների, հայերի և թուրքմենների համատեղ բնակավայր համարվող Դերսիմի թուրքականացման և սուննիականացման համար որպես զենք, գործիք հայ է ընտրվել և այդ ջարդը իրագործելու համար նրան «աշխարհի առաջին կին ռազմական օդաչու» կոչումն է տրվել»,- գրում է Գյունդողանը: Քազիմ Գյունդողանը հոդվածում նշում է, որ Սաբիհա Գյոքչենի անվան օդանավակայանը պետք է անվանափոխել Հաթուն Սեբիլջյանի: «Օսմանյան ժամանակշրջանից մինչև մեր օրերը որպես իրենց արմատներից պոկված ժողովուրդների երեխաների, «հոգեզավակության» անվան տակ թուրքացված  «կորած աղջիկների»  խորհրդանիշ Հաթուն Սեբիլջյանի անվամբ օդանավակայանի կոչումը առերեսվելու և ցավերը բուժելու համար կարևոր քայլ կլինի: Բացի այդ Դերսիմի ջարդերը ընդունելու մասին խոսող և «խաղաղության գործընթացը» առաջ տանել ցանկացող իշխանությունների այս հարցում ունեցած անկեղծության չափորոշիչն է: 21-րդ դարում մտքի և խղճի անհրաժեշտությունը է, որպեսզի նախապատվություն տրվի անմեղ և տառապյալ Հաթուն Սեբիլջյանին, քան մարդկանց անխղճորեն ռմբահարող ռազմական օդաչու Սաբիհա Գյոքչենին»,- ընդգծում է հոդվածի հեղինակը: ...

    Կարդալ ավելին
  • Երրորդ կայազորային քննչական բաժնում ձեռնարկված անհետաձգելի քննչական գործողությունների արդյունքում պարզվել են պարտադիր ժամկետային զինծառայող, 1998թ. ծնված Արամ Սիրեկանի Խաչատրյանի մահվան՝ էական նշանակություն ունեցող մի շարք հանգամանքներ։ Զինծառայողը հրազենային վնասվածքն ստացել է 20.10.2017թ.՝ ժամը 12:40-ի սահմաններում, N զորամասի պահպանության տեղամասի մարտական դիրքում, աջ ուսագոտու շրջանում։  Զինհոսպիտալ տեղափոխվելու ճանապարհին զինծառայողն ստացած հրազենային վնասվածքից մահացել է: Մահացու հրազենային վնասվածք ստանալու դեպքի բոլոր հանգամանքների բազմակողմանի, օբյեկտիվ և լրիվ հետազոտումն ապահովելու ուղղությամբ ձեռնարկված մեծածավալ քննչական գործողությունների արդյունքում բավարար փաստական տվյալներ են ձեռք բերվել, որ Ա.Խաչատրյանն սպանության զոհ է դարձել, պարզվել է առերևույթ հանցագործություն կատարած անձի ինքնությունը։ Սպանության կասկածանքով ձերբակալվել է նույն զորամասի պարտադիր ժամկետային զինծառայող, կրտսեր սերժանտը։ Նախաքննությունը շարունակվում է: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։ ...

    Կարդալ ավելին

ՖԲՀ

Քաղաքականություն