• Տոներն են մոտենում !!! Յուրաքանչուր տոնին ընդառաջ մենք շտապում ենք կարգի բերել մեր արտաքին տեսքը, լինել առավել գեղեցիկ և խնամված: Շուտով Ամանոր է, և այս տոնին մենք պատրաստվում ենք կրկնակի եռանդով և ջանասիրությամբ, քանի որ ցանկանում ենք Նոր տարին սկսել գեղեցիկ և լինել ինքնատիպ: MAGGO DELUXE գեղեցկության սրահը տոներին ընդառաջ իր հյուրընկալ դռներն է բացել բոլոր նրանց համար, ովքեր տոնական օրերին նախընտրում են լինել խնամված և գեղեցիկ: Սրահում գործում են նախատոնական հետաքրքիր և հաճելի զեղչեր: Սկսենք մաշկի խնամքից. ինչպես գիտենք գեղեցիկ արտաքինի գլխավոր գրավականը միանշանակ խնամված մաշկն է: MAGGO DELUXE սրահի փորձառու և բարեհամբյուր մասնագետի օգնությամբ կարող եք օգտվել կարբոնային պիլինգ ծառայությունից, այն իրակացվում է ածխի, նանոգելի և լազերի համադրությամբ: Արդյունքում հարթեցվում են մաշկի մանր կնճիռները, փոսիկները, պիգմենտացիան: Արդյունքը զգալի է առաջին իսկ պրոցեդուրայից հետո, սակայն առավել լավ արդյունքի հասնելու համար ցանկալի է կրկնել պրոցեդուրան ևս 3-4 անգամ: Կարբոնային պիլինգը կարելի է իրականացնել երկու շաբաթը մեկ։ Պրոցեդուրան տևում է շուրջ մեկ ժամ։ Այս ծառայությունից կարող եք օգտվել՝ 15 000 ՀՀ դրամով։ Խոսելով մաշկի խնամքի մասին չենք մոռանում իհարկե հոգալ անցանկալի մազերից ազատվելու մասին: Այս դեպքում ևս սրահում կարող եք օգտվել նախատոնական զեղչից՝ 7% : Մազահեռացումը իրականացվում է SHR, IPL գլխիկների միջոցով։ Մազահեռացումը կատարվում է անցավ, ճառագայթներն ազդում են մազարմատի ֆոլեկուլի վրա։ Կուրսն իր մեջ ընդգրկում է 5-6 այցելություն՝ կախված մազի տեսակից։ Բացի մազահեռացումից, սարքը կատարում է RF գործառույթը. այն իրենից ներկայացնում է մաշկի ձգում, կնճիռների վերացում։ Սարքի միջոցով կարելի է ազատվել նաև անցանկալի դաջվածքներից. կուրսը 8-10 այցելությամբ է։ Մաշկը խնամլուց հետո, հաջորդ, կարևոր նախապայմանը տոնական բարձր տրամադրության համար հանդիսանում է դիմահարդարումը 7000֊15000, վարսահարդարումը մատնահարդարում գելլակ ֊3500 ՀՀ դրամ։ Այցելելով MAGGO DELUXE դուք հնարավորություն կունենաք օգտվել այս ծառայություններից ևս հատուկ նախատոնական զեղչերով: Ինչպես նաև կարող եք օգտվել սրահում գործող թարթիչների լիցք ծառայությունից, ինչը շատ ակտուալ է և տոնական օրերին միշտ կապահովի Ձեր աչքերի գեղեցիկ տեսքը: Թարթիչների լիցքը մեր բնական թարթիչների սերտաճեցումն է. այսինքն՝ մեր բնական յուրաքանչյուր թարթչի վրա ավելացվում է ևս մեկը, որը պատրաստված է սիլիկոնե և բնական մետաքսից։ Maggo Deluxe գեղեցկության սրահում այն կարելի է կատարել ընդամենը 7000 դրամով: Ուլտրաձայնային մաքրում 7․000 դրամ Maggo Deluxe գեղեցկության սրահը գտնվում է Ազատության 4 հասցեում։ Մանրամասների համար այցելեք ֆեյսբուքյան էջ կամ զանգեք՝ (010) 203302 համարին։ ...

    Կարդալ ավելին
  • Լևոն Մնացականյանը նշանակվել է Արցախի Հանրապետության արտակարգ իրավիճակների պետական ծառայության տնօրեն: Այս մասին հայտնում է ԱՀ նախագահի մամուլի ծառայությունը: Հիշեցնենք, որ Բակո Սահակյանի մեկ այլ հրամանագրով՝ Լևոն Մնացականյանն ազատվել է ԱՀ պաշտպանության նախարարի պաշտոնից: Արցախյան պաշտպանական գերատեսչության նոր ղեկավարը Կարեն Աբրահամյանն է, ում այսօր Բակո Սահակյանը ներկայացրել է Պաշտպանության բանակի հրամկազմին: ...

    Կարդալ ավելին
  • Բելառուսի նախագահ Ալեքսանդր Լուկաշենկոն ռուսաստանցի լրագրողների հետ հանդիպման ժամանակ պատմել է Լեռնային Ղարաբաղի խնդրի կարգավորման հարցում Ռուսաստանի եւ Բելառուսի մասնակցության վերաբերյալ ավելի վաղ բարձրաձայնված առաջարկների մասին, հաղորդում է «Բելտա»-ն: Նա նշել է, որ այդ հարցը քննարկվել է Երեւանում ՀԱՊԿ գագաթաժողովներից մեկի ժամանակ, երբ դեռ ՀՀ նախագահը Սերժ Սարգսյանն է եղել: Բելառուսի նախագահ Ալեքսանդր Լուկաշենկոն ռուսաստանցի լրագրողների հետ հանդիպման ժամանակ պատմել է Լեռնային Ղարաբաղի խնդրի կարգավորման հարցում Ռուսաստանի եւ Բելառուսի մասնակցության վերաբերյալ ավելի վաղ բարձրաձայնված առաջարկների մասին, հաղորդում է «Բելտա»-ն: Նա նշել է, որ այդ հարցը քննարկվել է Երեւանում ՀԱՊԿ գագաթաժողովներից մեկի ժամանակ, երբ դեռ ՀՀ նախագահը Սերժ Սարգսյանն է եղել: Լուկաշենկոն կոչ է արել Հայաստանի եւ Ադրբեջանի նախագահներին միասին լուծել այդ հարցը՝ գնալով փոխզիջումների: Միաժամանակ, Բելառուսն ու Ռուսաստանը կոնսոլիդացված դիրքորոշում են որդեգրել՝ խոստանալով անհրաժեշտության դեպքում ռազմական ստորաբաժանում մտցնել՝ ապահովելու համար որոշակի երաշխիքներ: «Հետո արդեն անկեղծ ասացի՝ լսիր, ինչպես իրենք են ասում, օկուպացրել են 7 շրջաններ: Եվ մենք Պուտինի հետ կոնսոլիդացված դիրքորոշում որդեգրեցինք (դա եղել է Երեւանում, ՀԱՊԿ հանդիպմանը), ասելով՝ Սերժ, տուր այդ 5 շրջանները: Ինչ իմաստ ունի դրանք պահել, երբ դրանք դատարկ են: Ինքն ասաց՝ եթե ես վերադարձնեմ, նրանք ճանապարհը կփակեն, կօկուպացնեն Ղարաբաղը եւ այլն: Եվ մենք՝ Պուտինի հետ, հստակ խոստացանք, որ մենք զորքեր կմտցնենք եւ դա թույլ չենք տա (ադրբեջանցիների ներկայությամբ է ասվել): Նա ասաց. «Ոչ, մենք դրան չենք գնա, մենք դա չենք ուզում»,-ասել է Բելառուսի նախագահը՝ հավելելով, որ ինքը դրանից զարմացել է: «Ինչո՞ւ չեն ուզում: Դատարկ են այդ 5 շրջանները: Դա առաջին քայլն է: Այդ դեպքում եւ Ադրբեջանը, եւ Հայաստանը կլինեին ՀԱՊԿ-ում, եւ ԵՏՄ-ում: Դա պայմանն է եղել, որի դեպքում Ադրբեջանը կարող է անդամակցել կազմակերպությանը: Ինչու եք դուք հրաժարվում: Լավ, Բելառուսը թողնենք, Ռուսաստանն էր որպես երաշխավոր հանդես գալիս, որ երբեք այնտեղ պատերազմ չի լինի, եթե ազատվեն այդ շրջանները, որոնք դուք կճանաչեք ադրբեջանական: Խոսքը Ղարաբաղի մասին է»,-հավելել է Լուկաշենկոն: Նա ընդգծել է խաղաղ կարգավորման կարեւորությունը, որը նաեւ կարեւոր գործոն է օտարերկրյա ներդրումներ ներգրավելու համար: Լուկաշենկոն նաեւ առաջին անգամ պատմել է եւս մեկ չկայացած նախագծի մասին: Նրա ներկայացմամբ՝ խոսքը Ադրբեջանից Վրաստան ապրանքների հոսքուղու մասին է եւ Բելառուսի նախագահն այս հարցով խոսել է այդ երկու երկրների ղեկավարների հետ: «Նրանք խողովակաշար էին կառուցում, իմ կարծիքով՝ գազի, որը շրջանցում էր Հայաստանը»: Շարունակությունն՝ այստեղ ...

    Կարդալ ավելին
  • Արցախի նախագահ Բակո Սահակյանի հրամանագրով ՊԲ շտաբի պետ է նշանակվել Ջալալ Հարությունյանը: Նա բանակի հարավային ուղղությամբ տեղակայված միավորման հրամանատար էր նշանակվել 2016թ. հունիսին: ...

    Կարդալ ավելին
  • Արցախի պաշտպանության բանակի հրամանատար Լեւոն Մնացականյանն ազատվել է պաշտոնից: Արցախի Հանրապետության նախագահ Բակո Սահակյանն այսօր՝ դեկտեմբերի 14–ին, ՊԲ շտաբում տեղի ունեցած խորհրդակցության ընթացքում Պաշտպանության բանակի հրամկազմին է ներկայացրել նոր հրամանատարին՝ գեներալ–մայոր Կարեն Աբրահամյանին, որը մեկ տարի առաջ նշանակվել էր ՊԲ գլխավոր շտաբի պետի պաշտոնում, իսկ մինչև այդ ՀՀ ԶՈՒ 5–րդ բանակային կորպուսի հրամանատարն էր։ ...

    Կարդալ ավելին
  • Լեհական պետական հեռուստաընկերության տնօրեն Յացեկ Կուրսկին հայտարարել է, որ 2019 թվականին «Մանկական Եվրատեսիլ» միջազգային մրցույթն անցկացվելու է Լեհաստանում։ «Մենք պատրաստ ենք կազմակերպել, նաև ստեղծագործական առումով»,- ասել է  նա։ Յ. Կուրսկու խոսքով, «Մանկական Եվրատեսիլ-2019»-ը «կհիշվի երկար տարիներ»։ Հիշեցնենք, որ «Մանկական Եվրատեսիլ-2018»-ում հաղթել է Լեհաստանի ներկայացուցիչ  Ռոքսանա Վեյգելը։ ...

    Կարդալ ավելին
  • ԱՀ պետական բյուջեի ֆինանսավորմամբ Մարտակերտի շրջանի Դրմբոն համայնքում ավարտվել են հանդիսությունների տան և գյուղապետարանի վերակառուցման շինաշխատանքները: Այս  մասին   «Արցախպրես»-ի թղթակցի հետ զրույցում  ասել է  Դրմբոնի համայնքի ղեկավար Սուրեն Շաբոյանը: Նա   նշել  է, որ   շինությունը  նախկինում  եղել է  դպրոցի  հին   շենքը, որտեղ   այժմ  տեղակայված  են  համայնքապետարանը և  հանդիսությունների   տունը: «Վերակառուցման  աշխատանքներն  սկսվել   են    2016  թվականից: Ամբողջովին փոխվել  է շենքի տանիքը, դռներն  ու  պատուհանները: Սալահատվել   է   հատակը:  Տարածքում  կառուցվել  է  նաև  սանհանգույց: Մեքենանների համար   հատկացվել  է  կայանատեղի: Առաջիկայում նախատեսվում  է  նաև բարեկարգել շենքի հարակից  տարածքը: Իրականացվել  են  ներքին և  արտաքին  հարդարման աշխատանքներ:  Շենքը   մեկհարկանի  է, այն  նախատեսված  է  շուրջ  300  հոգու  համար: ԱՀ կառավարությունը հանդիսությունների  տան  համար   տրամադրել  է   նաև աթոռներ, սեղաններ  և  սպասք»,-մանրամասնել  է  համայնքի  ղեկավարը: Համայնքապետի  հավաստմամբ՝  գյուղապետարանին   հատկացված   մասի   վերակառուցման  աշխատանքները  ևս  ավարտված  են. մնում   է  կահավորելը: Ս.  Շաբոյանը   տեղեկացրել  է  նաև, որ    Դրմբոնում    2013  թվականից   սկսվել   և   օրերս   ավարտին է  հասցվել    նաև  Մեծ Հայրենականի    և   Արցախյան   պատերազմների   ժամանակ զոհված  ազատամարտիկների  հիշատակին  կառուցված    հուշահամալիրը: Այն  իրականացվել  է  ԱՀ  պետբյուջեի  և    համագյուղացի ռուսաստանաբնակ  Վյաչիսլավ  Լազարյանի  ընտանիքի  հովանավորությամբ: Հուշահամալիրը  կառուցվել  է   ԱՀ  ժողովրդական  նկարիչ  Լավրենտ  Ղալայանի  նախագծով:    ...

    Կարդալ ավելին
  • Արցախի Հանրապետության Նախագահ Բակո Սահակյանը դեկտեմբերի 11-ին այցելել է մայրաքաղաք Ստեփանակերտում կառուցվող Աստվածամոր Սուրբ Հովանի Մայր Տաճարի շինհրապարակ եւ ծանոթացել իրականացվող աշխատանքների ընթացքին: Այս մասին հայտնում են Արցախի Հանրապետության նախագահի աշխատակազմի տեղեկատվության գլխավոր վարչությունից: Նախագահին ուղեկցում էին Հայ Առաքելական Եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, Ստեփանակերտի քաղաքապետ Սուրեն Գրիգորյանը, քաղաքաշինության նախարար Կարեն Շահրամանյանը, պաշտոնատար այլ անձինք: ...

    Կարդալ ավելին
  • Հասարակական կազմակերպության նախկին ղեկավար Քեմալ Օքսուզը, ով զբաղվում է Ադրբեջանի շահերի լոբբինգով, ընդունել է իր մեղքը։ Այս մասին հայտնում է ԱՄՆ արդարադատության դեպարտամենտը։ Օքսուզը մեղադրվում է կեղծարարությունների սխեմա կազմելու, էթիկայի հանձնաժողովի տրամադրած փաստերը կոծկելու, ինչպես նաեւ Կոնգրեսին ներկայացված սուտ հայտարարությունների համար։ Դատական վճիռը կկայացվի փետրվարի 11-ին։ Հիշեցնենք, որ Օքսուզը կալանավորվել էր այս տարվա օգոստոսին։ Ոստիկանության մամուլի ծառայությանը հայտնել են, որ Թուրքիայի քաղաքացին հիմնավորվել է Հայաստանում եւ այստեղ ԲԲԸ է ստեղծել։ Վերջերս նա արտաքսվել է ԱՄՆ։ ...

    Կարդալ ավելին
  • Թուրքիայի Ռիզե նահանգում պետավտոտեսուչը սպանել է ոստիկանապետին և վիրավորել 3 ոստիկանի: Այս մասին հայտնում են թուրքական ԶԼՄ-ները: Սպանության պատճառը եղել է այն, որ ոստիկանապետը չի կատարել պետավտոտեսուչի ծառայության վայրի որոշման հետ կապված պահանջը: Միջադեպը տեղի է ունեցել Ռիզեի ոստիկանականը: Դեպքի առթիվ հարուցվել է քրեական գործ: ...

    Կարդալ ավելին

ՖԲՀ

Քաղաքականություն