• Արցախի նախագահ Բակո Սահակյանը փետրվարի 16-ին ստորագրել է հրամանագիր, համաձայն որի` Արցախում փրկարար ծառայության ստեղծման, զարգացման ու կայացման գործում ներդրած նշանակալի ավանդի համար եւ ծննդյան 70-ամյակի կապակցությամբ փրկարար ծառայության նախկին ղեկավար Ասլան Գրիգորյանը պարգեւատրվել է «Մեսրոպ Մաշտոց» շքանշանով։ ...

    Կարդալ ավելին
  • Աշխատանքային այցով Գերմանիայի Դաշնային Հանրապետությունում գտնվող՝ Հայաստանի Հանրապետության նախագահ Արմեն Սարգսյանը փետրվարի 15-ին հանդիպել է Ալբանիայի նախագահ Իլիր Մետայի հետ՝ ալբանական կողմի նախաձեռնությամբ։ Ինչպես տեղեկացրին ՀՀ նախագահի աշխատակազմի հասարակայնության հետ կապերի վարչությունից, զրուցակիցները նշել են, որ երկկողմ հարաբերություններում չիրացված մեծ ներուժ կա և կարևորել են հետևողական աշխատանքը փոխգործակցության զարգացման ուղղությամբ։ Խոսելով տարածաշրջանային հակամարտությունների, մասնավորապես ղարաբաղյան հիմնախնդրի մասին՝ նախագահ Սարգսյանն ընդգծել է. «Որևէ երկրի կողմից ի նպաստ հակամարտության այս կամ այն կողմի հայտարարությունները չեն կարող որևէ կերպ օգնել խնդրի խաղաղ կարգավորմանը։ Գոյություն ունի ձևաչափ, որի շրջանակում տեղի են ունենում բանակցությունները»։ Նշելով, որ Ալբանիան լավ հարաբերություններ ունի թե' Հայաստանի, թե' Ադրբեջանի հետ՝ նախագահ Իլիր Մետան ասել է. «Երկու երկրներին մաղթում ենք հաջողություններ՝ լուծումներ գտնելու այս խնդրում »։ ...

    Կարդալ ավելին
  • Մյունխենում ՀՀ արտաքին գործերի նախարար Զոհրաբ Մնացականյանը փետրվարի 15-ին հանդիպում է ունեցել Ֆրանսիայի նախագահի դիվանագիտական հարցերով խորհրդական Ֆիլիպպե Էտիենի հետ: Ինչպես տեղեկացրին ՀՀ արտաքին գործերի նախարարության մամուլի, տեղեկատվության եւ հասարակայնության հետ կապի վարչությունից, հանդիպման ընթացքում տեղի ունեցավ մտքերի հանգամանալից փոխանակում հայ-ֆրանսիական ավանդական բարեկամական հարաբերությունների ընդլայնման, երկկողմ բազմոլորտ փոխգործակցության օրակարգն առավել հարստացնելու վերաբերյալ: Այդ համատեքստում զրուցակիցները բարձր գնահատեցին երկկողմ քաղաքական երկխոսության ծավալումը՝ գոհունակությամբ նշելով, որ այն նշանավորվում է երկու երկրների միջև բարձր մակարդակներում տեղի ունեցող պարբերական շփումներով և փոխայցելություններով: Կողմերը համակարծիք էին, որ հայ-ֆրանսիական միջպետական հարաբերությունների և երկու երկրների ժողովուրդների ավանդաբար բարեկամական կապերի գործում մեծ ներդրում ունի Ֆրանսիայի հայկական համայնքը՝ որպես Հայաստանը և Ֆրանսիան իրար կապող յուրօրինակ կամուրջ: Անդրադառնալով Հայաստան-Եվրոպական Միության հարաբերություններին՝ Հայաստանի ԱԳՆ ղեկավարը և Ֆրանսիայի նախագահի խորհրդականը կարևորեցին ՀՀ-ԵՄ Համապարփակ և ընդլայնված գործընկերության համաձայնագիրը, որը տարբեր բնագավառներում համագործակցության զարգացման նոր հնարավորություններ է ընձեռում ԵՄ անդամ պետությունների հետ: Հայաստանի արտգործնախարարը զրուցակցին ներկայացրեց նաև Հայաստանի կառավարության առաջնահերթությունները՝ որպես զարգացման օրակարգի գերակայություններ մատնանշելով բարձր տեխնոլոգիաների, նորարարության և ստեղծագործ կրթության ոլորտները: Երկուստեք գոհունակություն հայտնվեց, որ այս ոլորտներում արդեն իսկ արձանագրվել են հայ-ֆրանսիական համագործակցության լավ օրինակներ, որոնք մատնանշում են այս ասպարեզում առկա մեծ ներուժը: Զոհրաբ Մնացականյանն ու Ֆիլիպպե Էտիենն անդրադարձ կատարեցին նաև միջազգային հարթակներում փոխգործակցությանը՝ այդ առումով մասնավորապես կարևորելով Ֆրանկոֆոնիայի միջազգային կազմակերպության հարթակը: ՀՀ ԱԳՆ ղեկավարը վերահաստատեց Հայաստանի հանձնառությունը ԵԱՀԿ Մինսկի խմբի համանախագահության հովանու ներքո ղարաբաղյան հիմնահարցի բացառապես խաղաղ հանգուցալուծմանը՝ կարևորելով Ֆրանսիայի, ԵԱՀԿ Մինսկի խմբի համանախագահ մյուս երկրների՝ Ռուսաստանի և Միացյալ Նահանգների հետ միասին գործադրվող ջանքերն այս ուղղությամբ: ...

    Կարդալ ավելին
  • Ադրբեջանում փետրվարի 11-ին ձերբակալվել է լրտեսության մեջ կասկածվող Մինգեչաուրի բնակիչ Ալեքբերով Անար Վագիֆ օղլուն: Այս մասին հայտնում են ադրբեջանական ԶԼՄ-ները: Ալեքբերովը կասկածվում է օտարերկրյա հատուկ ծառայություններին Ադրբեջանի տարբեր պետական մարմինների աշխատակիցների, բանակի և արտասահմանում տարբեր կապեր ունեցող ադրբեջանցի պաշտոնյաների մասին օտարերկրյա հատուկ ծառայություններին տեղեկություններ տալու համար: Տեղեկության համաձայն` կասկածյալն ընդունել է իր մեղքը և ձերբակալվել է: ...

    Կարդալ ավելին
  • Ռուսաստանի պաշտպանության նախարար Սերգեյ Շոյգուն աշխատանքային այցով մեկնել է Անկարա, որտեղ Թուրքիայի ազգային պաշտպանության նախարար Հուլուսի Աքարի հետ բանակցություններ կվարի Սիրիայի իրավիճակի շուրջ: Հիմնական ուշադրությունը հանդիպման ընթացքում նախատեսվում է հատկացնել սիրիական կարգավորման տարբեր ուղղություններին»,- news.am-ի փոխանցմամբ՝ երկուշաբթի լրագրողներին տեղեկացրել է ՌԴ պաշտպանության նախարարի մամուլի քարտուղար Ռոսիյանա Մարկովսկայան։ Աշխատանքային այցը կտեւի մեկ օր, ասել է նա։ ...

    Կարդալ ավելին
  • ԱՄՆ քաղաքացի, ազգությամբ թուրք, հակահայ լոբբիստ Քևին Օքսուզի վերաբերյալ դատավճիռը Կոլումբիայի նահանգի շրջանային դատարանը կհրապարակի փետրվարի 11-ին: Օքսուզն իրեն մեղավոր է ճանաչել ԱՄՆ իրավապահների կողմից ներկայացված մեղադրանքում: «Օքսուզի դատավճիռը հրապարակվելու է Կոլումբիայի նահանգի շրջանային դատարանի կողմից 2019 թ. փետրվարի 11-ին: ԱՄՆ արտաքին գործերի գրասենյակը և ԱՄՆ պետքարտուղարությունը, համագործակցելով Հայաստանի իշխանությունների հետ, զգալի աջակցություն են ցուցաբերել արտահանձնման գործընթացին»,- նշված է հաղորդագրության մեջ: Հայաստանի Հանրապետության գլխավոր դատախազի կողմից որոշում էր կայացվել Քևին (Քեմալ) Օքսուզի նկատմամբ քրեական հետապնդում իրականացնելու նպատակով նրան հանձնել Ամերիկայի Միացյալ Նահանգների իրավասու մարմիններին: Հայաստանի Հանրապետության իրավասու մարմիններին հանձնարարվել էր իրականացնել Ք. Օքսուզի փոխանցումը ԱՄՆ իրավասու մարմիններին: ԱՄՆ իրավասու մարմինների կողմից հետախուզվող Օքսուզի նկատմամբ Երևան քաղաքի ընդհանուր իրավասության առաջին ատյանի դատարանի օգոստոսի 31-ի որոշմամբ կիրառվել էր կալանավորում: The Sena Group ՍՊ ընկերության (հիմնադիր՝ Քևին (Քեմալ) Օքսուզ) տնօրինության կողմից խոշոր չափերով հարկեր չվճարելու առերևույթ հանցագործության դեպքի առթիվ ՀՀ ոստիկանության կազմակերպված հանցավորության դեմ պայքարի գլխավոր վարչության կողմից ՀՀ քրեական օրենսգրքի 205-րդ հոդվածի 1-ին մասի հատկանիշներով հարուցվել էր քրեական գործ: Քևին Օքսուզի նկատմամբ Հայաստանի Հանրապետության ոստիկանության կազմակերպված հանցավորության դեմ պայքարի գլխավոր վարչությունում հարուցված և Պետական եկամուտների կոմիտեի քննչական վարչությունում քննվող քրեական գործի վարույթը կարճվել է հանցակազմի բացակայության հիմքով: ...

    Կարդալ ավելին
  • Փարիզում բախումներ են տեղի ունեցել «դեղին բաճկոններ» շարժման ցուցարարների և իրավապահ մարմինների միջև: Այս մասին գրում է  РИА Новости-ն՝ հղում անելով ֆրանսիական աղբյուրին, մայրաքաղաքում և մյուս քաղաքներում 13-րդ շաբաթն է, ինչ շարունակվում են «դեղին անթև բաճկոնների» բողոքի ակցիաները: Երթն այսօր մեկնարկել է 10:30-ին (երևանյան 13:30) Շառլ դը Գոլի հրապարակից: Առաջին բախումներն իրավապահ մարմինների հետ տեղի են ունեցել Ազգային ժողովի մոտակայքում: Հաղորդվում է, որ ոստիկանությունն արցունքաբեր գազ է կիրառել ցուցարարների կողմից նետված «պայթուցիկներին» ի պատասխան: Բախումներից հետո ցուցարարները շարժվել են Սենատի շենքի ուղղությամբ: Ֆրանսիական ռադիոկայանի տվյալներով՝ բողոքի ակցիաներն այս շաբաթ այդքան ակտիվ չեն, որքան նախորդ շաբաթ, երբ ողջ երկրով մեկ 58 000 մարդ էր փողոց դուրս եկել: Հիշեցնենք, որ «դեղին բաճկոնների» զանգվածային ցույցերը սկսվել են նոյեմբերի 17-ին՝ վառելիքի գները չբարձրացնելու պահանջով: Երկրի իշխանությունների սոցիալական քաղաքականությունից դժգոհ ցուցարարները շարունակում են փողոց դուրս գալ, թեև Ֆրանսիայի ղեկավարությունը հայտարարել էր նրանց հանգստացնելու համար միջոցներ ձեռնարկելու մասին: ...

    Կարդալ ավելին
  • Ստամբուլի Քարթալ շրջանում բնակելի շենքի փլուզման հետևանքով զոհերի թիվը հասել է 21-ի:Այս մասին հաղորդում է թուրքական «Հյուրրիյեթ» պարբերականը: Ավելի վաղ հաղորդվել էր 14 զոհի մասին:  Նշվում է, որ որոնողա-փրկարարական աշխատանքները շարունակվում են, չի բացառվում, որ զոհերի ու վիրավորների թիվը կաճի: Ներկա պահին տուժածների թիվը 14 է: Ավելի վաղ հայտնի էր դարձել, որ շենքի փլուզումից գրեթե 2 օր անց փրկարարները փլատակների տակից դուրս են բերել 16-ամյա դեռահասի, որը հրաշքով ողջ է մնացել:  Շենքում 12 ընտանիք է բնակվելիս եղել (43 մարդ), շենքում ընդհանուր առմամբ կար 24 բնակարան: Հատկանշական է, որ շենքի փլուզման պատճառների մասին դեռևս տեղեկություններ չկան: Ավելի վաղ հայտնի էր դարձել, որ 1992 թվականին կառուցված շենքը վթարային չէր: Դեպքի առնչությամբ տարվող հետաքննության լուսաբանումն արգելված է լրագրողների համար: ...

    Կարդալ ավելին
  • ԱՄՆ-ի Պետդեպարտամենտը Twitter-ում հայտնել է առաջին հումանիտար օգնությունը Կոլումբիա ուղարկելու մասին «Հպարտությամբ հայտնում ենք, որ Վենեսուելայի բնակչության համար օգնության պարագաների առաջին խմբաքանակը հասել է Կուկուտա, Կոլումբիա»,-հայտնել են Պետդեպում: Այնտեղ նշել են, որ կշարունակեն աշխատել Խուան Գուայդոյի հետ, ինչպես նաեւ ԱՄՆ-ի գործընկերների հետ հումանիտար օգնություն ուղարկելու համար: Թե ինչ են հատկապես ուղարկել, վարչությունում չեն մանրամասնել: ...

    Կարդալ ավելին
  • Փետրվարի 9-ին ԱՀ գյուղատնտեսության նախարար Ժիրայր Միրզոյանն ընդունել է հայաստանյան «Փափուկ շինշիլ» շինշիլաբուծական տոհմային տնտեսության հիմնադիրներ Մհեր Միրզոյանին (գործադիր տնօրեն), Քրիստափոր Արթինին և Արման Քարամյանին:   ԱՀ գյուղատնտեսության նախարարության մամլո ծառայության փոխանցմամբ՝ հանդիպման ընթացքում քննարկվել են Արցախում անասնաբուծության այս ճյուղի զարգացման հեռանկարները: Նախարարը նշել է, որ կարևորում է Արցախում շինշիլաբուծության զարգացումն ու արմատավորումը, քանզի, որպես փոքր բիզնես, այն կարող է բազմաթիվ տնտեսավարողների համար դառնալ հիմնական եկամտի աղբյուր, առավելևս, որ այն մեծ ներդրումներ չի պահանջում և արագ զարգանալու լուրջ հեռանկար ունի: Սակայն, նշել է Ժիրայր Միրզոյանը, կան նաև ռիսկեր՝ կապված պոտենցիալ տնտեսավարողների մոտ բուծման հետ կապված անհրաժեշտ գիտելիքների բացակայության հետ: Ոլորտի զարգացման մեկնարկին զուգընթաց, տնտեսավարողների և անասնաբույժների համար կկազմակերպվեն սեմինարներ և անհրաժեշտ վերապատրաստում: Քիստափոր Արթինն անդրադարձավ շինշիլաբուծության առավելություններին՝ նշելով, որ տվյալ դեպքում տնտեսավարողների համար ռիսկերը քիչ են նաև այն պատճառով, որ միջազգային շուկայում մեծ պահանջարկ ունեցող՝ թանկարժեք մորթատու այս կենդանիների բուծումն իրականացվում է փակ պահվածքով ու բարդ գործընթաց չէ: Մորթու վերամշակումն էլ կիրականացվի տեղում: Այնուհետև հանրապետության շրջաններից ժամանած հինգ տասնյակ տնտեսավարողների համար անցկացվեց սեմինար-պարապմունք՝ նվիրված շինշիլաբուծության վարման առանձնահատկություններին: ...

    Կարդալ ավելին

ՖԲՀ

Քաղաքականություն