• Օգոստոսի 30-ին Հայաստանի ազգային հավաքականի գլխավոր մարզիչ Վարդան Մինասյանը հրապարակել է Հայաստանի ազգային հավաքականի կազմը, որը նախապատրաստվելու է Լիխտենշտեյնի և ՆՀՀ Մակեդոնիայի հետ Ազգերի Լիգայի ընտրական հանդիպումներին: Սեպտեմբերի 3-ին ՀՖՖ տեխնիկական կենտրոնում՝ Ֆուտբոլի ակադեմիայում սկսվելու է նախապատրաստական հավաքը, որին մասնակցելու են հետևյալ 24 ֆուտբոլիստները՝ Դարպասապահներ. Արսեն Բեգլարյան («Լիեպայա», Լատվիա), Արամ Հայրապետյան («Բանանց»), Անատոլի Այվազով («Բանանց»), Պաշտպաններ. Վարազդատ Հարոյան («Ուրալ», Ռուսաստան),Արարատ Մոնրոյ («Բոյակա Չիկո», Կոլումբիա), Անդրե Չալըշըր («Գյոտեբորգ», Շվեդիա), Հրայր Մկոյան («Ալաշկերտ»), Արտակ Եդիգարյան («Ալաշկերտ»), Արմեն Մանուչարյան («Փյունիկ»), Տարոն Ոսկանյան («Ալաշկերտ»), Կիսապաշտպաններ. Իվան Յագան («ԿԱՍ Էուպեն», Բելգիա), Գևորգ Ղազարյան («Շավիշ», Պորտուգալիա), Հենրիխ Մխիթարյան, («Արսենալ», Անգլիա), Մարկոս Պիզելլի («Ակտոբե», Ղազախստան), Էդգար Մալաքյան («Ժետիսու», Ղազախստան), Արաս Օզբիլիս («Վիլլեմ II», Հոլանդիա), Կառլեն Մկրտչյան («Փյունիկ»), Գոռ Մալաքյան («Արարատ Արմենիա»), Ալիկ Առաքելյան («Փյունիկ»), Էրիկ Վարդանյան («Փյունիկ»), Ռումյան Հովսեփյան («Փյունիկ»), Հարձակվողներ. Սարգիս Ադամյան («Յան Ռեգենսբուրգ», Գերմանիա), Տիգրան Բարսեղյան («Վարդար», ՆՀՀ Մակեդոնիա), Արթուր Սարկիսով («Ենիսեյ», Ռուսաստան) ՀՖՖ-ի պաշտոնական կայքի փոխանցմամբ, ակումբ չունենալու պատճառով չեն հրավիրվել Գաել Անդոնյանը, Հովհաննես Համբարձումյանը և Յուրա Մովսիսյանը: Կամո Հովհաննիսյանը ենթարկվել է կույր աղիքի վիրահատության և դեռ ապաքինվում է: Հավաքին վնասվածքների պատճառով չեն մասնակցելու Ռուսլան Կորյանը, Էդգար Բաբայանը և Պետրոս Ավետիսյանը: Հայաստանի Բարձրագույն խմբի առաջնության 7-րդ տուրից հետո հավաքականի կազմում կարող են լինել փոփոխություններ: ...

    Կարդալ ավելին
  • «Արսենալի» գլխավոր մարզիչ Ունայ Էմերին որոշել է իր ֆուտբոլիստներին արգելել հյութ խմել: Այս կերպ, իսպանացի մասնագետն ավելի է խստացրել ֆուտբոլիստների դիետան: Նախկինում` Արսեն Վենգերի օրոք, լոնդոնյան թիմի ֆուտբոլիստներին արգելվել է ուտել կարտոֆիլ, կետչուպ և շոկոլադ: Էմերին կարծում է, որ մրգային խտանյութն իր մեջ չափազանց շատ շաքարավազ է պարունակում, այդ իսկ պատճառով իր ֆուտբոլիստներին խորհուրդ է տվել սովորական ջուր օգտագործել, հայտնում է «Mirror»-ը: «Զինագործների» գլխավոր մարզիչը նաև ավելի ինտենսիվ մարզումների գրաֆիկ է կազմել` խաղերի և ֆուտբոլիստների անհատական մարզումների միջև: Երեք տուրից հետո «Արսենալն» անգլիական Պրեմիեր-լիգայի մրցաշարային աղյուսակի 9-րդ հորիզոնականն է զբաղեցնում` վաստակած ընդամենը 3 միավորով: «Արսենալը» սեփական հարկի տակ հաղթել է «Վեսթ Հեմին» (3:1): ...

    Կարդալ ավելին
  • Ռուսաստանը ներկայացող թենիսիստ Կարեն Խաչանովը շարունակում է պայքարը ԱՄՆ բաց առաջնությունում: Տղամարդկանց մենախաղի երկրորդ փուլում Խաչանովի մրցակիցը իտալացի Լորենցո Սոնեգոն էր: Խաչանովը հաղթել է 7:5, 6:3, 6:3 հաշվով և դուրս եկել երրորդ փուլ: ...

    Կարդալ ավելին
  • Մադրիդի «Ռեալը» նոր հարձակվող ունի: Ինչպես հայտնում է ակումբի պաշտոնական կայքը, «սերուցքայինները» ձեռք են բերել «Լիոնի» ֆուտբոլիստ Մարիանո Դիասի տրանսֆերը: Խաղացողի հետ կնքվել է 5 տարվա պայմանագիր: Պաշտոնական այլ մանրամասներ չեն հաղորդվում: ...

    Կարդալ ավելին
  • «Ակտոբեի» կիսապատպան Մարկոս Պիզելին Ղազախստանի առաջնության 24-րդ տուրի` «Ժետիսուի» հետ խաղից սռաջ ստացել է հուլիս ամսվա լավագույն գոլի հեղինակի մրցանակը: Հիշեցնենք` լավագույնն է ճանաչվել ՂՊԼ-ի 16-րդ տուրի` «Շախտյորի» հետ խաղում Պիզելիի հեղինակած երկրորդ գոլը: Այդ խաղում Հայաստանի հավաքականի ֆուտբոլիստը դուբլ էր ձևակերպել և հաղթանակ պարգևել «Ակտոբեին», իսկ երկրորդ գոլը հեղինակել էր տուգանայինի մատույցներից կատարած փայլուն հարվածով: Պիզելիի այդ գոլը ճանաչվել էր նաև 16-րդ տուրի լավագույնը` երկրպագուների քվեարկության արդյունքում ստանալով ձայների 54%-ը: ...

    Կարդալ ավելին
  • ԱՄՆ-ի Սենթ Լուիս քաղաքում անցկացված «Սինքֆիլդի գավաթ» սուպերմրցաշարում տարած հաղթանակի շնորհիվ հայկական շախմատի առաջատար Լեւոն Արոնյանը Grand Chess Tour-ի ընդհանուր հաշվարկում գրավեց երկրորդ տեղը: Grand Chess Tour-ի 4 փուլերի արդյունքում հայ գրոսմայստերը հավաքեց 34 միավոր եւ զիջեց միայն ամերիկացի Հիկարու Նակամուրային (34.5 միավոր): Երրորդ տեղը գրավեց  ֆրանսիացի Մաքսիմ Վաշյե-Լագրավը, որը հավաքեց 31 միավոր: Նակամուրան, Արոնյանը եւ Վաշյե-Լագրավը նվաճեցին Լոնդոնում կայանալիք Grand Chess Tour-ի եզրափակիչ փուլի ուղեգիր: Այդ մրցաշարի վերջին ուղեգիրը կվիճարկեն ԱՄՆ-ը ներկայացնող Ֆաբիանո Կարուանան եւ Ուեսլի Սոն, որոնք 26-ական միավորով բաժանում են 4-5-րդ տեղերը: Grand Chess Tour ընդհանուր հաշվարկում երկրորդ տեղը գրավելու համար Լեւոն Արոնյանը կստանա 95 հազար դոլար պարգեւավճար: Հիշեցնենք, որ Grand Chess Tour-ի վերջին փուլ «Սինքֆիլդի գավաթում» Արոնյանը, աշխարհի չեմպիոն Մագնուս Կարլսենը եւ Ֆաբիանո Կարուանան 9 հնարավորից վաստակել էին 5.5-ական միավոր եւ բաժանել 1-3-րդ տեղերը: Հավասար միավորների դեպքում հաղթողը պետք է որոշվեր թայ-բրեյքում, սակայն մրցաշարի կազմակերպիչները որոշեցին չեղյալ հայտարարել այն եւ ունենալ 3 հաղթող: ...

    Կարդալ ավելին
  • Աշխարհի 26-րդ ռակետ Կարեն Խաչանովը US Open-ի մեկնարկում հաղթել է իսպանացի թենիսիստ Ալբերտ Ռամոսին` 6:3, 6:2, 6:3: Մրցախաղը տեւել է 1 ժամ 43 րոպե: Այդ ընթացքում Կարենը դարձել է 7 էյսի և 5 բրեյքի հեղինակ: Այսպիսով, մրցող թենիսիստների միջև անձնական հաշիվը դարձել է 4:1` հօգուտ Կարենի: Երկրորդ շրջանում Խաչանովը կմրցի Ժիլ Մյուլերի և Լորենցո Սոնեգոյի զույգի հաղթողի հետ: ...

    Կարդալ ավելին
  • Այսօր 72 տարեկան հասակում կյանքից հեռացել է «Արարատ»-ի լեգենդար դարպասապահ Ալյոշա Աբրահամյանը։ «Արարատ-73»-ի դարպասապահը տևական ժամանակ բուժվում էր հիվանդությունից։ ...

    Կարդալ ավելին
  • «Whoscored» հեղինակավոր կայքը ներկայացրել է «Արսենալի» հայ կիսապաշտպան Հենրիխ Մխիթարյանի գնահատականն ու վիճակագրությունն ԱՊԼ-ի 3-րդ տուրի` «Վեսթ Հեմի» հետ տնային խաղում: «Արսենալը», հիշեցնենք, 3:1 հաշվով հաղթանակ է տարել, իսկ Մխիթարյանը մասնակցել է ամբողջ հանդիպմանը: Մխիթարյանն, ընդհանուր առմամբ, 3 հարված է կատարել, որից մեկը` մրցակցի դարպասի ուղղությամբ: Հայ ֆուտբոլիստը 48 փոխանցում է կատարել թիմակիցների ուղղությամբ` 85,4% ճշգրտությամբ: Սակայն, դրանցից ոչ մեկը սրող չի եղել: Մխիթարյանը 4 անգամ խախտել է կանոնները, իսկ նրա նկատմամբ մրցակցի խաղացողները խախտում թույլ չեն տվել: Մխիթարյանը բավականին ցածր` 6,2 գնահատականն է ստացել «Whoscored»-ի փորձագետների կողմից: ...

    Կարդալ ավելին
  • Հանդիպումից հետո «զինագործների» գլխավոր մարզիչ Ունայի Էմերին կիսվել է իր տպավորություններով. «Երջանիկ ենք, քանի որ սա մեր առաջին 3 միավորն է երկու պարտություններից հետո: Շատ կարևոր էր հաղթանակ տանելը, և մենք ցույց տվեցինք խաղի ընթացքում, որ կարող ենք հաղթել 0:1 հաշվով պարտվելուց հետո: Երկրորդ խաղակեսն ավելի լավ խաղ ցուցադրինք: Մենք պետք է կատարելագործվենք, որպեսզի կարողանանք մեծացնել տեղաշարժումն ու ստանանք կայունություն»,- իսպանացի մասնագետի խոսքն է մեջբերում «BBC»-ն: ...

    Կարդալ ավելին

ՖԲՀ

Քաղաքականություն