• Հայաստանի ֆուտբոի ֆեդերացիայի 17-րդ արտահերթ համաժողովի ժամանակ ֆեդերացիայի նախագահի պաշտոննում ընտրվեց ԱԱԾ տնօրեն Արթուր Վանեցյանը: ՀՖՖ ժողովը կայացավ ֆուտբոլի ակադեմիայում, որի ընթացում Հայաստանի ֆուտբոլի ֆեդերացիայի  փոխնախագահ Արմեն Մինասյանը գլխավորեց ֆեդերացիայի արտահերթ նիստը, որի ընթացքում  վերակազմակերպվեց ՀՖՖ-ն: Ժողովին ներկա չէր Ռուբեն Հայրապետյանն, ով 16 տարի շարունակ գլխավորել է ֆեդերացիան: Մինչ կսկսվեին ՀՖՖ նախագահի և գործկոմի ընտրությունները Դավոր Շուկերը փոխանցեց ՈՒԵՖԱ-ի նախագահի՝ Ալեքսանդր Չեֆերինի ողջույնները և շեշտեց, որ ՀՖՖ նախկին նախագահ Ռուբեն Հայրապետյանը մեծ դեր է ունեցել ՈՒԵՖԱ-ի և ՀՖՖ համագործակցությունում:    «Իմ կողմից ես ամեն ինչ անելու եմ, որ միասին հաջողենք մեր սկսած գործը: Իմ թիմի հետ նախորդ երկու ամիսներին մշակել ենք հաջող ծրագրեր:  Մեր տեսլական է, որ ֆուտբոլ խաղալու հնարավորություն տանք յուրաքանչյուրին: Մեր երկրի ամեն մի համայնքում լինեն գոնե մեկ ֆուտբոլային դաշտ: Մեր նպատակն է լայն զանգվածներին հնարավորություն տալ ֆուտբոլ խաղալ»,-իր ելույթում նշեց ՀՖՖ նախագահի միակ թեկնածու Արթուր Վանեցյանը: Վերջինիս խոսքով՝ ՀՖՖ այսուհետ փակելու է ֆեդերացիայի և ակումբների միջև եղած թշնամանքը: «Մենք չենք օգտագործել մեր ամբողջ ներուժը մինչ այս: Լուրջ ուշադրություն ենք դարձնելու աղջիկների ֆուտբոլի զարգացման վրա:  Համագործակցելու ենք նաև Առողջապահության նախարարության հետ: Աշխատելու ենք թափանցիկ, ՀՖՖ-ն բաց է լինելու բոլոր առաջարկների համար»,-եզրափակեց Վանեցյանը: 24 անդամներից քվեարկության արդյունքում ՀՖՖ նախագահ ընտրվեց  Արթուր Վանեցյանը: ՀՖՖ գործկոմի անդամներ ընտրվեցին Արսեն Թորոսյանը, Արմեն Մելիքբեկյանը, Արեն Մկրտչյանը, Ալեն Սիմոնյանը, Հակոբ Սիմիդյանը, Հրաչ Յագանը, Ժաննա Անդրեասյանը, Սուրեն Պապիկյանը, Թովմաս Գրիգորյանը, Խաչատուր Ադումյանը, Արթուր Օհանյանը, Ռուբեն Ռուբինյանը, Սուրեն Աբրահամյանը, Կարեն Շաբոյանը, Մարինա Թաշչյանը: Մինչ այս Հայաստանի ֆուտբոլի ֆեդերացիայի նախագահի պաշտոնը 2002 թվականից ստանձնել էր Ռուբեն Հայրապետյանը: 2006, 2010 և 2015 թվականներին Ռուբեն Հայրապետյանը վերընտրվել է Հայաստանի ֆուտբոլի ֆեդերացիայի նախագահի պաշտոնում:  ...

    Կարդալ ավելին
  • Հայաստանի ֆուտբոլի ազգային թիմի ավագ և Լոնդոնի «Արսենալ»-ի ֆուտբոլիստ Հենրիխ Մխիթարյանը վնասվածք է ստացել: Հայ կիսապաշտպանի աջ ոտնաթաթի բուժզննման արդյունքում պարզվել է, որ Մխիթարյանը վնասվածք ունի և որոշ ժամանակ չի խաղա: Նա կարող է բաց թողնել «Էվերտոն»-ի դեմ առաջիկա հանդիպումը, որը նախատեսված է սեպտեմբերի 23-ին: Ֆուտբոլի Եվրոպայի լիգայի խմբային փուլի անդրանիկ տուրում Լոնդոնի «Արսենալ»-ը հաղթեց «Վորսկլա»-ին (4:2): Մխիթարյանը դարձավ երկու գոլային փոխանցման հեղինակ: ...

    Կարդալ ավելին
  • Հայաստանի ազգային հավաքականի գլխավոր մարզիչ Վարդան Մինասյանը հրաժարական է ներկայացրել, որն ընդունվել է ՀՖՖ նախագահ Ռուբեն Հայրապետյանի կողմից, տեղեկանում ենք ՀՖՖ լրատվական կայքից։ Նշենք, որ Վարդան Մինասյանը նաև հրաժարականի դիմում է ներկայացրել ՀՖՖ տեխնիկական տնօրենի պաշտոնից, որը նույնպես ընդունվել է ՀՖՖ նախագահի կողմից: «Ես ցանկանում եմ շնորհակալություն հայտնել ՀՖՖ նախագահին և ՀՖՖ Գործկոմին վստահության համար»: «Շնորհակալ եմ Հայաստանի ազգային հավաքականի ֆուտբոլիստներին համատեղ աշխատանքի համար: Ցանկանում եմ նորանոր հաջողություններ Հայաստանի ազգային հավաքականին»,  - ասել է Վարդան Մինասյանը: ...

    Կարդալ ավելին
  • Հայաստանի չեմպիոն «Ալաշկերտ»-ը պատասխան հայտարարությամբ է հանդես եկել «Փյունիկ»-ի մարզչի քննադատական արտահայտության վերաբերյալ: FBH.am-ի հաղորդմամբ` ակումբը հայտնում է. ««Ալաշկերտ» մարզադաշտում կայացած` ՀՀ Բարձրագույն խմբի առաջնության 8-րդ տուրի` «Արարատի» դեմ խաղից հետո «Փյունիկի» գլխավոր մարզիչ Անդրեյ Տալալաևը նշել էր հետևյալը. «Ինձ դուր եկավ խաղը: Շատ լավ մարզադաշտ, խաղի մեկնարկի հաջող ժամ, ֆուտբոլիստները կարող էին ցուցադրել իրենց վարպետությունը, շոգ էր, բազմաթիվ երկրպագուներ էին եկել»: Ռուսաստանցի մասնագետի հերթական սարկաստիկ արտահայտությունները ոչ մի կերպ մեզ չէին հետաքրքրի, եթե չհնչեր արտահայտություն` ուղղված «Ալաշկերտ» մարզադաշտին: Առաջին հայացքից դրական «Շատ լավ մարզադաշտ» նախադասությունը միանգամայն փոխում է իր իմաստը նույն նախադասությունում հնչած այլ բնութագիրները կարդալուց հետո: «Խաղի մեկնարկի հաջող ժամ, ֆուտբոլիստները կարող էին ցուցադրել իրենց վարպետությունը, շոգ էր»,- այս միտքը կապված էր հանդիպման վաղ մեկնարկի հետ (14:00), իսկ ահա «Բազմաթիվ երկրպագուներ էին եկել» նախադասությունը` սակավաթիվ հանդիսատեսի հետ: Այսպիսով, ոչ մի կասկած չի հարուցում ամբողջ նախադասության սարկաստիկ լինելը, այնպես որ, հարկ ենք համարում պարզաբանում մտցնել: Նախ, հարգելով «Փյունիկ» ակումբի սեփականատեր Արթուր Սողոմոնյանին և իր ներդրումը հայկական ֆուտբոլի զարգացման գործում, խաղի նախօրեին «Ալաշկերտ» ակումբը տրամադրել էր իր մարզադաշտը, որպեսզի առանց մարզումային խաղադաշտ մնացած «Փյունիկը» կարողանա նախապատրաստվել ինչպես «Արարատի», այնպես էլ` «Ալաշկերտի» դեմ (սեպտեմբերի 19) հանդիպումներին, ինչն աննախադեպ երևույթ է հայկական ֆուտբոլում: Եվ երկրորդ, հարց է առաջանում, այդ ինչ մարզադաշտերում է մարզվում կամ խաղում «Փյունիկը», որ թիմի մարզիչն իրեն իրավունք է վերապահում սարկաստիկ ոճով արտահայտվել «Ալաշկերտի» մարզադաշտի մասին, որը, ևս մեկ անգամ ընդգծենք, սիրով տրամադրվել էր «Փյունիկին»` թիմի մարզումային պրոցեսը չխախտելու համար: Համարում ենք Տալալաևի արտահայտությունն անընդունելի և ոչ կոռեկտ` կոչ անելով մարզիչին ապագայում ավելի զուսպ գտնվել իր գնահատականներում և «հումորային արտահայտություններում»»: ...

    Կարդալ ավելին
  • Շախմատի աշխարհի չեմպիոնի համար մրցախաղի մրցավարը կլինի Աշոտ Վարդապետյանը: Նոյեմբերի 9-28-ը Լոնդոնում տեղի կունենա աշխարհի չեմպիոնի կոչման մրցախաղը: Մրցախաղում աշխարհի չեմպիոն Կարլսենը կփորձի պահպանել իր տիտղոսը, նրա մրցակիցն է լինելու Ֆաբիանո Կարուանան: Շախմատային կարևորագույն այս ստուգատեսում ՖԻԴԵ-ն գլխավոր մրցավար է նշանակել Հայաստանի ներկայացուցիչ, միջազգային մրցավար Աշոտ Վարդապետյանին:  Նշենք, որ Աշոտ Վարդապետյանը գլխավոր մրցավար է եղել 2012 թվականի Անանդ - Գելֆանդ և 2013 թվականի Անանդ - Կարլսեն չեմպիոնական մրցախաղերում: ...

    Կարդալ ավելին
  • Իտալիայի Ա Սերիայի առաջնության 4-րդ տուրում Թուրինի «Յուվենթուս»-ը սեփական հարկի տակ 2։1 հաշվով հաղթեց «Սասուոլո»-ին: Թուրինցիների կազմում դուբլ ձևակերպեց Կրիշտիանու Ռոնալդուն՝ բացելով իտալական ակումբում իր գոլերի հաշիվը: ...

    Կարդալ ավելին
  • Ստամբուլում ընթացող բռնցքամարտի միջազգային մրցաշարում 91 կգ քաշային Նարեկ Մանասյանը հաղթեց անգլիացի բռնցքամարտիկին և նվաճեց ոսկե մեդալ: Այս մասին տեղեկացնում է Հայաստանի բռնցքամարտի ֆեդերացիան: Հիշեցնենք, որ ավելի վաղ ոսկե մեդալ էր նվաճել 52 կգ քաշային Արթուր Հովհաննիսյանը, ով հաղթել էր թուրք մարզիկին: ...

    Կարդալ ավելին
  • Ֆուտբոլի Անգլիայի առաջնության 5-րդ տուրի «Նյուքասլ»-«Արսենալ» խաղի մեկնարկային կազմը հայտնի է: «Արսենալ»-ը խաղադաշտ դուրս կգա հետևյալ կազմով` Չեխ, Բելերին, Մուստաֆի, Սոկրատիս, Մոնրեալ, Խակա, Ռեմզի, Գենդուզի, Օզիլ, Օբամեյանգ, Լակազետ: Հայաստանի հավաքականի կիսապաշտպան Հենրիխ Մխիթարյանը պահեստայինների շարքում է: Հանդիպումը կմեկնարկի Երևանի ժամանակով 18:00-ին: ...

    Կարդալ ավելին
  • ուրքիայի Գեբզե քաղաքում շարունակվող աշխարհի մինչև 20 տարեկանների շախմատի առաջնությունում կայացան նախավերջին` 10-րդ տուրի պարտիաները: Տղաների պայքարում Արամ Հակոբյանը կիսեց միավորը մրցակցի հետ: Ոչ-ոքի խաղացին նաև Մանուէլ Պետրոսյանը և Շանթ Սարգսյանը: Միակ հաղթանակը տոնեց Հայկ Մարտիրոսյանը: 10-րդ տուրից հետո Արամ Հակոբյանը 3-րդ է և ունի 7,5 միավոր: Առաջատարը 9,5 միավորովՊարհամ Մաղսուդլուն է: ...

    Կարդալ ավելին
  • Հայազգի հարձակվող Յուրա Մովսիսյանը նոր ակումբ ունի: Նա վերադարձել է MLS և պայմանագիր կնքել «Չիկագո Ֆայրի» հետ: Մինչ այդ Մովսիսյանը նախորդ մրցաշրջանում վարձավճորվ հանդես էր գալիս շվեդական «Յուրգորդեն» ակումբում: Մրցաշրջանի վերջում խաղացողը ծանր վնասվածք ստացավ` չկարողանալով ամրապնդվել թիմի հիմնական կազմում: Մովսիսյանի նախորդ ակումբը` «Ռեալ Սոլթ Լեյքը», հրաժարվել էր խաղացողի ծառայություններից` նրան ընդգրկելով պահեստայինների թվում: ...

    Կարդալ ավելին

ՖԲՀ

Քաղաքականություն