• ուրքիայի Գեբզե քաղաքում շարունակվող աշխարհի մինչև 20 տարեկանների շախմատի առաջնությունում կայացան նախավերջին` 10-րդ տուրի պարտիաները: Տղաների պայքարում Արամ Հակոբյանը կիսեց միավորը մրցակցի հետ: Ոչ-ոքի խաղացին նաև Մանուէլ Պետրոսյանը և Շանթ Սարգսյանը: Միակ հաղթանակը տոնեց Հայկ Մարտիրոսյանը: 10-րդ տուրից հետո Արամ Հակոբյանը 3-րդ է և ունի 7,5 միավոր: Առաջատարը 9,5 միավորովՊարհամ Մաղսուդլուն է: ...

    Կարդալ ավելին
  • Հայազգի հարձակվող Յուրա Մովսիսյանը նոր ակումբ ունի: Նա վերադարձել է MLS և պայմանագիր կնքել «Չիկագո Ֆայրի» հետ: Մինչ այդ Մովսիսյանը նախորդ մրցաշրջանում վարձավճորվ հանդես էր գալիս շվեդական «Յուրգորդեն» ակումբում: Մրցաշրջանի վերջում խաղացողը ծանր վնասվածք ստացավ` չկարողանալով ամրապնդվել թիմի հիմնական կազմում: Մովսիսյանի նախորդ ակումբը` «Ռեալ Սոլթ Լեյքը», հրաժարվել էր խաղացողի ծառայություններից` նրան ընդգրկելով պահեստայինների թվում: ...

    Կարդալ ավելին
  • ԱՀ նախագահի բարձր հովանու ներքո և ԱՀ թեթև աթլետիկայի ֆեդերացիայի նախաձեռնությամբ սեպտեմբերի 15-16-ը Ստեփանակերտի Ստեփան Շահումյանի անվան հանրապետական մարզադաշտում տեղի է ունենալու հայազգի լեգենդար հեռացատկի ռեկորդակիրներ Իգոր Տեր-Հովհաննիսյանի և Ռոբերտ Էմիյանի անվան գավաթի մրցումներ: Այս մասին հայտնել են ԱՀ թեթև աթլետիկայի ֆեդերացիայից՝ նշելով, որ մրցումներին ԱՄՆ-ից, Ռուսաստանի Դաշնությունից, Բուլղարիայից, Հայաստանից և Արցախից մասնակցելու են  ավելի  քան  170 մարզիկ: Ըստ մեր զրուցակցի՝ մրցումներն աղջիկների և տղաների համար անց են կացվելու վազք (100, 200, 400, 800, 1000 մ) և հեռացատկ  մարզաձևերից: «Հատկանշական է այն, որ կազմակերպվող մրցումներին մասնակցելու է նաև միջազգային կարգի սպորտի վարպետ, աշխարհի ամենաարագավազ հայ մարզիկ Ալեքսանդր Դոնիկյանը: Նա ցանկություն է հայտնել նաև երկքաղաքացիություն սատանալ և այդ հարցով արդեն դիմել է ՀՀ կառավարություն: Եթե ընդունվի նրա ցանկությունը, ապա Հայաստանի հավաքականը կունենա օլիմպիական խաղերի մասնակից: Մեծ հույսեր ունենք, որ ապագայում կունենանք նաև Եվրոպայի մրցանակակիր: Մրցաշարին մասնակցելու է նաև եռացատկի Եվրոպայի չեմպիոն Լևոն Աղասյանը»,- ավելացրել է Ա. Թովմասյանը: Նա նշել է, որ նման մրցումների նպատակն է մասսայականացնել թեթև աթլետիկան և հասարակության կողմից հետաքրքրություն  առաջացնել  դեպի այդ մարզաձևը: ...

    Կարդալ ավելին
  • Շախմատի աշխարհի մինչև 20 տարեկանների առաջնությունում Հայաստանի ներկայացուցիչ Արամ Հակոբյանն ընթանում է երկրորդ տեղում: Մրցաշարի 9-րդ տուրում Արամ Հակոբյանը գերազանցել է Հայաստանի մեկ այլ ներկայացուցիչ Մանուէլ Պետրոսյանին: Հաղթանակ տարավ նաև Հայկ Մարտիրոսյանը: Միավորը կիսեց Շանթ Սարգսյանը: 9-րդ տուրից հետո 7 միավորով երկրորդ տեղում Արամ Հակոբյանն է: 6 միավոր ունի Մանուէլ Պետրոսյանը: 8,5 միավորով առաջին տեղում է Պարհամ Մաղսուդլուն: ...

    Կարդալ ավելին
  • Հայաստանի Հանրապետության վարչապետ Նիկոլ Փաշինյանը հայազգի ֆուտբոլիստ, աշխարհի և Եվրոպայի չեմպիոն Յուրի Ջորկաեֆին պարգևատրել է Երախտագիտության մեդալով: Հայաստանի Հանրապետության պետական պարգևների և պատվավոր կոչումների մասին» ՀՀ օրենքով որոշում եմ` Հայաստանի Հանրապետության անկախության տոնի առթիվ ֆուտբոլիստ Յուրի Ջորկաեֆին պարգևատրել Երախտագիտության մեդալով»,- ասված է վարչապետի որոշման մեջ: ...

    Կարդալ ավելին
  • Մադրիդի «Ռեալի» կիսապաշտպան Լուկա Մոդրիչը հերքել է մամուլում շրջանառվող այն լուրերը, որոնց համաձայն՝ պատրաստվում է տեղափոխվել «Ինտեր». «Հեռանա՞լ «Ռեալից»: Ես ընդհանրապես չեմ մտածում այդ մասին: «Ռեալն» աշխարհի լավագույն ակումբն է: Ինչո՞ւ պետք է ցանկանամ հեռանալ այստեղից»,- Մոդրիչի խոսքը մեջբերել է «Sky Sports»-ը: Հավելենք, որ Մոդրիչը «Ռեալի» հետ մինչև 2022 թվականը նախատեսված պայմանագիր ունի: Ավելի վաղ մադրիդյան ակումբի նախագահ Ֆլորենտինո Պերեսը հայտարարել էր, որ Մոդրիչը տրանսֆերը չի վաճառի 700 միլիոն եվրոյից պակաս գնով: ...

    Կարդալ ավելին
  • Հայաստանի ֆուտբոլի երիտասարդական հավաքականը կամային խաղով խուսափեց պարտությունից: Այս մասին FBH.am-ին հայտնում է ՀՀ ֆուտբոլի ֆեդերացիան: Սեպտեմբերի 11-ին, ՆՀՀ Մակեդոնիայի ֆուտբոլի ֆեդերացիայի տեխնիկական կենտրոնում կայացավ Եվրոպայի Մ-21 առաջնության ընտրական հանդիպումը Մակեդոնիայի և Հայաստանի հավաքականների միջև: Գրանցվեց ոչ-ոքի՝ 3:3: Հայաստանի ընտրանու կազմում դուբլի հեղինակ դարձավ Պետրոս Ավետիսյանը, իսկ Մակեդոնիայից ինքնագոլի հեղինակ՝ Ալեքսա Ամանովիչը: ...

    Կարդալ ավելին
  • Ֆուտբոլի եվրոպական ասոցիացիան` ՈՒԵՖԱ-ն, պլանավորում է նոր` երրորդ մրցաշարի անցկացում եվրոգավաթներում: Այս մասին գրում է BBC-sport-ը: Բացի Չեմպիոնների լիգայից և Եվրոպայի լիգայից կլինի նոր՝ երրորդ մրցաշար, որը կմեկնարկի 2021 թվականից: Ըստ ՈՒԵՖԱ-ի ներկայացուցիչների, եվրագավաթների ներկայիս մոդելը կարիք ունի թարմացման: 2019 թվականի ֆուտբոլի Չեմպիոնների լիգայի եզրափակիչը կկայանա«Ատլետիկո» ֆուտբոլային ակումբի  մարզադաշտում՝ «Վանդա Մետրոպոլիտան»-ում: ...

    Կարդալ ավելին
  • ՈւԵՖԱ-ն ցանկանում է առաջիկա տարիներին եվրոպական Չեմպիոնների լիգայի եզրափակիչ հանդիպում անցկացնել Նյու Յորքում՝ ամերիկյան շուկայի հսկայական հնարավորություններից օգտվելու նպատակով: Այդ մասին AS-ին հայտնել է իսպանական խոշոր մեդիա խմբերից մեկի ղեկավար Խաում Ռոուրսը: «Հիմա կողմերի միջեւ ընթանում են բանակցություններ այդ գաղափարը կյանքի կոչելու ուղղությամբ»,- Ռոուրսն ասել է Catalunya Rádio-ի եթերում: ՈւԵՖԱ-ի ներկայացուցիչները համախոհ են Իսպանիայի առաջնության ղեկավարների հետ, որոնք արդեն ամերիկյան կողմի հետ համաձայնության են հասել Պրիմերայի մի քանի հանդիպումներ ԱՄՆ-ում անցկացնելու հարցով: ...

    Կարդալ ավելին
  • Հայկական շախմատի առաջատար, աշխարհի գործող գավաթակիր Լևոն Արոնյանը ԱՄՆ-ում կմասնակցի հերթական մրցաշարին: Մինչև շախմատային օլիմպիադան Արոնյանը կմասնակցի Champions Showdown»մրցաշարին: Champions Showdown-ին մասնակցում են 10 շախմատիստներ, ովքեր կմրցեն արագ և կայծակնային շախմատում: Մրցաշարը կմեկնարկի սեպտեմբերի 11-ին և կավարտվի սեպտեմբերի 14-ին: ...

    Կարդալ ավելին

ՖԲՀ

Քաղաքականություն

  • /uploads/photos/kDr1wvn1qtfA3tknT6tN.jpg

    Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046

    Կարդալ ավելին