• Շախմատի աշխարհի վետերանների առաջնության հաղթողը Հայաստանի է: Սլովենիայի Բլեդ քաղաքում ավարտվեցին վետերանների տղամարդկանց և կանանց աշխարհի առաջնությունները: Մրցաշարերն անցկացվում էին 2 տարիքային խմբերով՝ 50-ից բարձր և 65-ից բարձր: Տղամարդկանց 50-ից բարձր ենթախմբում հիանալի հաջողության հասավ Հայաստանի ներկայացուցիչ, գրոսմայստեր Կարեն Մովսիսյանը, ով 11 հնարավորից վաստակեց 8.5 միավոր և հռչակվեց վետերանների աշխարհի չեմպիոն: Նույն ենթախմբում 2-րդ հորիզոնականը զբաղեցրեց Վրաստանը ներկայացնող մեր հայրենակից Գեորգի Բագատուրովը: ...

    Կարդալ ավելին
  • Հայաստանի ֆուտբոլի ազգային թիմը Եվրոպայի 2020 թվականի առաջնության վիճակահանության ժամանակ կլինի 5-րդ զամբյուղում: Նույն զամբյուղում մեր ընտրանու հետ են նաև Ադրբեջանի, Ղազախստանի, Մոլդովայի, Ջիբրալթարի, Ֆարերյան կղզիների, Մակեդոնիայի, Կոսովոյի, Բելառուսի, Լյուքսեմբուրգի հավաքականները: Ահա մնացած զամբյուղները. 1-ին զամբյուղ. Խորվաթիա, Պորտուգալիա, Իտալիա, Անգլիա, Շվեյցարիա, Նիդեռլանդներ, Ֆրանսիա, Իսպանիա, Լեհաստան, Բելգիա: 2-րդ զամբյուղ. Ռուսաստան, Ուելս, Իսլանդիա, Ուկրաինա, Դանիա, Բոսնիա եւ Հերցեգովինա, Շվեդիա, Գերմանիա, Ավստրիա, Չեխիա: 3-րդ զամբյուղ. Շոտլանդիա, Թուրքիա, Հյուսիսային Իռլանդիա, Նորվեգիա, Սերբիա, Սլովակիա, Ֆինլանդիա, Բուլղարիա, Իռլանդիա, Իսրայել: 4-րդ զամբյուղ. Ալբանիա, Չեռնոգորիա, Կիպրոս, Ռումինիա, Հունաստան, Լիտվա, Էստոնիա, Սլովենիա, Վրաստան, Հունգարիա: 6-րդ զամբյուղ. Անդորա, Սան Մարինո, Լատվիա, Լիխտենշտեյն, Մալթա: Եվրո-2020 վիճակահանությունը կկայանա դեկտեմբերի 2-ին Իռլանդիայի մայրաքաղաք Դուբլինում: ...

    Կարդալ ավելին
  • Երևանում կայացած ֆուտբոլի միջազգային մրցաշարում հաղթեց Հոլանդիայի ընտրանին: Վ. Սարգսյանի անվան «Հանրապետական» մարզադաշտում տեղի ունեցավ Մ-19 տարեկանների ընկերական մրցաշարի եզրափակիչ հանդիպումը։ Հոլանդիայի հավաքականը հետաքրքիր և լարված պայքարում 2։1 հաշվով գերազանցեց Պորտուգալիայի թիմին և դարձավ մրցաշարի հաղթող: Հայաստանի հավաքականն այս մրցաշարում ոչ մի հաղթանակ չտոնեց: ...

    Կարդալ ավելին
  • Վոլեյբոլի տղամարդկանց աշխարհի առաջնությունը 2022 թվականին կանցկացվի Ռուսաստանում, որը պատմության մեջ առաջին անգամ կընդունի այս մրցաշարը: Վոլեյբոլի աշխարհի առաջնություններ նախկին ԽՍՀՄ-ում անցկացվել են երկու անգամ՝ 1952-ին և 1962-ին: Ռուսաստանը աշխարհի առաջնության անցկացման իրավունքի համար պայքարում հետ է թողել Քաթարին և Մեքսիկային: ...

    Կարդալ ավելին
  • Արգենտինահայ հայտնի թենիսիստ Դավիթ Նալբանդյանը լուսանկար է հրապարակել Բարսելոնայի ֆուտբոլիստներ Լիոնել Մեսիի եւ Ժերար Պիկեի հետ: «Շնորհակալ եմ ձեզնից՝ Լիոնել Մեսի եւ Ժերար Պիկե, որ մեզ ընդունեցին ձեր մարզումների ժամանակ: Չնայած նկատելի չէ, բայց Թեոն հիացած էր», - այսպես է մեկնաբանել ՆալբանդյանըInstagram-ում գհրապարակած լուսանկարը: Հիշեցնենք, որ Դավիթ Նալբանդյանը արգենտինահայ հայտնի թենիսիստ է, ում պապիկը ԲուենոսԱյրես է արտագաղթել Արեւմտյան Հայաստանից: 2008 թվականին Արգենտինայում Հայաստանիդեսպանը Դավիթ Նալբանդյանին հայկական անձնագիր է հանձնել: Նալբանդյանը մասնակցել է «Մեծ սաղավարտի» չորս կիսաեզրափակչի, 2002 թ.  նա դարձել է առաջին  արգենտինացին,  ով հայտնվել է Ուիմբլդոնի եզրափակիչում: Թենիսիստը կարիերանավարտել է 2013 թվականին: ...

    Կարդալ ավելին
  • Հայկական շախմատի առաջատար, աշխարհի գործող գավաթակիր Լևոն Արոնյանը շարունակում է ելույթները Կալկաթայի մրցաշարում: Արագ շախմատից հետո այժմ շախմատիստներն ուժերն են չափում բլիցում: 9 տուրի արդյունքում Արոնյանն ունի 5,5 միավոր և 3-րդ տեղում է: 6,5 միավորով առաջատարը ԱՄՆ ներկայացուցիչ Հիկարու Նակամուրան է: Երկրորդ տեղում Ուսելի Սոն է՝ 6 միավորով: ...

    Կարդալ ավելին
  • Ֆուտբոլի Անգլիայի առաջնության 12-րդ տուրում «Արսենալ»-ը չպարտվեց Մխիթարյանի գոլի շնորհիվ: Այս տուրում «զինագործները» մրցում էին «Վուլվերհեմփթոն»-ի հետ: Խաղի 13-րդ րոպեին լոնդոնյան ակումբը գնդակ ընդունեց սեփական դարպասը: «Վուլվերհեմփթոն»-ից աչքի ընկավ Կավալյերոն: Սակայն հանդիպման վերջնամասում՝ 86-րդ րոպեին, Հայաստանի ազգային թիմի ավագ Հենրիխ Մխիթարյանի գեղեցիկ գոլն օգնեց «Արսենալ»-ին հանդիպումն ավարտել ոչ-ոքի 1:1 հաշվով: Այս խաղից հետո «Արսենալը» 24 միավորով 5-րդն է: ...

    Կարդալ ավելին
  • Հայաստանի ֆուտբոլի ազգային թիմի և Լոնդոնի «Արսենալ»-ի կիսապաշտպան Հենրիխ Մխիթարյանը ճանաչվել է Եվրոպայի լիգայի 4-րդ տուրի «Սպորտինգ»-ի դեմ խաղի լավագույն ֆուտբոլիստ: Եվրոպայի լիգայի խմբային փուլում «Արսենալ»-ը 4-րդ տուրում հյուրընկալել էր Լիսաբոնի «Սպորտինգ»-ին: Հանդիպումն ավարտվեց ոչ-ոքի` 0:0 հաշվով: Խաղի լավագույն ֆուտբոլիստ է ճանաչվել է Մխիթարյանը: Այս տուրից հետո «Արսենալ»-ն ապահովեց տեղն Եվրոպայի լիգայի փլեյ-օֆում: ...

    Կարդալ ավելին
  • ՀՀ Լոռու մարզում նոյեմբերի 4-ին կայացել է ձյուդոյի հանրապետական մրցաշար, որին մասնակցել է նաև 4 արցախցի մարզիկ: Այս  մասին  «Արցախպրես»-ի  թղթակցի  հետ զրույցում  ասել  է Արցախի ձյուդոյի ֆեդերացիայի գլխավոր մարզիչ Իվան Ազիզբեկյանը՝   տեղեկացնելով, որ մրցաշարին  ՀՀ  տարբեր  մարզերից    մասնակցել  են   շուրջ  200  մարզիկ: Նա  նշել  է, որ  մրցաշարի  արդյունքում  արցախցի   4  մարզիկներից  Աշոտ  Պարսիյանցը  գրավել է  առաջին  մրցանակային  տեղ՝  արժանանալով   ոսկե  մեդալի և պատվոգրի: Խոսելով  անցկացված մրցաշարի  մասին՝  մարզիչն  նաև ասել է, որ  այն  բավականին   դժվար  էր, քանի  որ  կային  ուժեղ  և  փորձառու  մրցակիցներ: «Նման  մրցաշարերին   մասնակցելը   մեծ  հնարավորություն  է  տալիս   մարզիներին, իմանալու  իրենց թերություններն  ու  բացթողումները: Մեզ՝  մարզիչներիս    համար  էլ,  հասկանալի  է  դառնում, թե  որ  ուղղությամբ   պետք  է  ավելի  շատ  աշխատենք  մարզիկների  հետ, որպեսզի   հաջողությունների հասնենք»,-ավելացրել  է  Ի.  Ազիզբեկյանը՝  հայտնելով, որ իրենք առաջիկայում  պատրաստվում  են Երևանում  նոյեմբերի  11-12-ը   մասնակցել  Հայաստանի  ձյուդոյի  առաջնությանը: ...

    Կարդալ ավելին
  • Ռուսաստանի երկրորդ ռակետ Կարեն Խաչանովը Փարիզի մրցաշարի եզրափակիչում սերբ Նովակ Ջոկովիչին հաղթելուց ու «Մասթերս-100» շարքի մրցաշարերում առաջին տիտղոսը նվաճելուց հետո կիսվել է տպավորություններով: «Ինձ համար սա ամենակարեւորն է այս աշխարհում: Հնարավոր չէ լինել ավելի երջանիկ, քան մրցաշրջանն ավարտել այս կերպ, հայտնում է News.am-ը: Ջոկովիչի հետ խաղալիս չի կարելի հենց այնպես մոտենալ ցանցին, քանի որ նա տիրապետում է անհավանական գրոհների: Դու պեքտ է նախապատրաստես քո գործողությունները: Ավելի լավ է գնդակն ուղարկել աջ կամ ձախ, իսկ հետո հարվածել ցանցին մոտ: Երբեմն այդպես չես կարող խաղալ, սակայն որոշ դեպքերում դա շատ հաջող էր ստացվում ինձ մոտ: Ընդհանուր առմամբ, ցուցադրեցի ագրեսիվ խաղ: Եվ եթե ցանկանում եմ շարժվել առաջ, պետք է շարունակեմ նույն ոգով»,- Խաչանովի խոսքը մեջբերում է ATP World Tour-ը: Հիշեցնենք, որ 1 ժամ 38 րոպե տեւողությամբ եզրափակիչում մոսկվացի 22-ամյա թենիսիստը 7:5, 6:4 հաշվով հաղթել էր աշխարհի երրորդ ռակետին, որը նոյեմբերի 5-ին կգլխավորի ATP-ի դասակարգման աղյուսակը: Այս հաղթանակի շնորհիվ հայ մարզիկն առաջին անգամ կռառնա աշխարհի 11-րդ ռակետ: Կարեն Խաչանովը եւ Նովակ Ջոկովիչը մրցեցին երկրորդ անգամ: Նրանք հանդիպել էին նաեւ Ուիմբլդոնի մրցաշարի չորրորդ շրջանում, որտեղ սերբ թենիսիստը հաղթել էր 6:4, 6:2, 6:2 հաշվով: Սա Կարեն Խաչանովի կարիերայի չորրորդ տիտղոսն էր եւ առաջինը՝ «Մասթերս» շարքի մրցաշարերում: Աշխարհի 18-րդ ռակետ Խաչանովը վերջերս նվաճել էր նաեւ Մոսկվայում անցկացված Կրեմլի գավաթի խաղարկության հաղթողի կոչումը: 2009 թվականից հետո Կարեն Խաչանովն առաջին ռուսաստանցին է, որը հաղթում է «Մասթերս» շարքի մրցաշարում: Նախորդ անգամ դա հաջողվել էր Նիկոլայ Դավիդենկոյին, որը 12 տարի առաջ հաղթել էր Շանհայի մրցաշարում:  Բացի այդ, Խաչանովը Անդրեյ Չեսնոկովից, Նիկոլայ Դավիդենկոյից ու Մարատ Սաֆինից հետո չորրորդ ռուսաստանցին, որը տիտղոս է նվաճում «Մասթերս» շարքի մրցաշարում: ...

    Կարդալ ավելին

ՖԲՀ

Քաղաքականություն