• Ապրիլի 11-16-ը ՌԴ-ի Անապա քաղաքում անցկացվեց 17-18տարեկանների (1998-1999թթ ծնվածների) բռնցքամարտի միջազգային մրցաշար ՝ Նիկոլայ Պավլյուկովի միջազգային 9-րդ հուշամրցաշարը: Այս անգամ ստուգատեսում 10 քաշային կարգի մրցանակաների համար պայքարեցին 14 երկրի( Ավստրալիայի, ՀՀ-ի Վրաստանի, Ռուսաստանի, Իռլանդիայի, Ղազախստանի, Կուբայի, Ղրղզստանի, Սերբիայի, Ուզբեկստանի, Ֆինլանդիայի, Ֆրանսիայի, Շվեդիայի ու Շոտլանդիայի) 147 բռնցքամարտիկներ:  Հուշամրցաշարին ՀՀ երիտասարդական հավաքականի գլխավոր մարզիչ Վազգեն Բադալյանի ղեկավարությամբ հանդես եկան նաև ՀՀ 8 պատվիրակներ: Նրանից առավել հաջողը ելույթ ումեցավ գերծանր`+91կգ քաշային Գուրգեն Հովհաննիսիանը:Նա 2 հաղթանակ տարավ ու մտավ եզրափակիչ ,և միայն այստեղ զիջելով ռուսաստանցի Ալեքսանդր Մուրավինին արժանացավ արծաթե մեդալի: Մրցաշարի վերջին օրը հանդես եկան եզրափակիչ մտած ևս երկու հայազգի բռնցքամարտիկներ ,ովքեր ներկայացում էին Ռուսաստանը՝ 69կգ քաշային Վարդգես Անդրեասյանն ու 81կգ քաշային Վլադիմիր Ուզունյանը:Ցավոք, նրանք ևս Գուրգեն Հովհաննիսյանի նման վճռորոշ մրցամարտում զիջեցին իրենց մրցակիցներին ու նույնպես ստիպված եղան բավարարվել արծաթե պարգևով : Վարդգեսը եզրափակչում պարտվեց ղազախստանցի Օլեգ Մատվեյչուկին , իսկ Վլադիմիրն էլ՝ կուբացի Օսվարի Մորել Գուտիերեսին: Ռուսաստանբնակ ևս մեկ հայազգի բռնցքամարտիկ էլ ՝ 49կգ քաշային Վլադիրմիր Մնացականյանը պարտություն էր կրել կիսաեզրափակչում ու արժանցել էր բրոնզե մեդալի: Նյութի աղբյուր`https://www.facebook.com/aram.ugujyan/posts/930251240426867 ...

    Կարդալ ավելին
  • Մարտի14-20-ը Ռուսաստանում՝ Թաթարստանի մայրաքաղաք Կազանում ընթանում է 40 հազար դոլար մրցանակային հիմադրամով տղամարդկանց թենիսի <Չելենջեր> շարքի KAZAN KREMLIN CUP անվանումով միջազգային մրցաշարը: Ստուգատեսի մենախաղի մրցաշարում հաջող մեկնարկեց ATP-ի դասակարգման ցուցակում 146-րդ հորիզոնականը զբաղեցնող ռուսաստանցի 19-ամյա հայազգի թենիսիստ Կարեն Խաչանովը: Նրանից ընդամենը 50 րոպե պահանջվեց 1/16-րդ փուլում ՝ 1-ին շրջանում 6:2,6:2 հաշվով իր հասակակից ղազախստանցի Դմիտրի Պոպկոյին հաղթելու համար:Վերջինս ներկայում վարկանիշային ցուցակում 230-րդ հորիզոնականն է զբաղեցնում:  Այս հաղթանակի շնորհիվ Կարենը ապահովեց 690 դոլար պարգևավճարն ու վարկանիշային 6 միավորը: 2-րդ շրջանում հայ թենսիստը քառորդ եզրափակչի ուղեգրի համարկ մրցի 21-ամյա իսպանացի Դավիթ Պերես Սանսի հետ ,ով հիմա վարկանիշային աղյուսակում 263-րդ տեղում է ընթանում;  Ստուգատեսի մենախաղի հաղթողը ,ում բաժին կհասնի 5750 դոլար պարգևավճար և վարկնիշային 80 միավոր հայտնի կդառնա մարտի 20-ին: Նյութի աղբյուր`https://www.facebook.com/aram.ugujyan/posts/930204353764889 ...

    Կարդալ ավելին
  • ՀՀ պաշտպանության նախարար Սեյրան Օհանյանի հրամանով ՀՀ առաջատար երիտասարդ երկու ըմբիշներ միջազգային ասպարեզում ՀՀ մարզական պատիվը բարձր պահելու համար պարգևատրվել են ՀՀ զինված ուժերի մեդալներով: 2015թ հոկտեմբերին Հարավային Կորեայի Մունգյոնգ քաղաքում կայացած Համաբանակային համաշխահային 6-րդ խաղերում հունահռոմեական ոճի ըմբիշներ Կարեն Ասլանյանը և Սարգիս Քոչարյանը նվաճել էին համապատասխանաբար արծաթե և բրոնզե մեդալներ, որի համար ՊՆ-ի կողմից պարգևատրվեցին «Վազգեն Սարգսյան» մեդալով:Այս մասաին տեղեկացնում է ՀԱՕԿ լրատվկան ծառայությունը: Իսկ հունահռոմեական ոճի ըմբշամարտի ՀՀ երիտասարդական հավաքականի գլխավոր մարզիչ Արմեն Բաբալարյանն ,ում ղեկավարությամբ վերոհիշյալ ըմբիշները հանդես էին եկել համաբանակային պատասխանատու ստուգատեսին պարգաևտվել է «Գարեգին Նժդեհ» մեդալով: Մարտի 12-ին նմանատիպ բարձր պատվի էին արժանացել նաև տղամարդկանց ծանրամարտի ՀՀ ազգային հավաքականի մի խումբ լավագույն ծանրորդներ: ՀՀ զիված ուժերի Մարշալ Բաղրամյան և Վազգեն Սարգսյան մեդալներին արժանացածների թվում էին Տիգրան Գ. Մարտիրոսյանը,Գոռ Մինասյանը, Ռուբեն Ալեքսանյանը,Անդրանիկ Կարապետյանը, Վանիկ Ավետիսյանը, Սմբատ Մարգարյանը, Սիմոն Մարտիրոսյանն ու ՀՀ ընտրանու գլխավոր մարզիչ Փաշիկ Ավաերդյանը:  Նյութի աղբյուր`https://www.facebook.com/aram.ugujyan/posts/930152217103436 ...

    Կարդալ ավելին
  • Հունգարիայի Դեբրեցեն քաղաքում երեկ երեկոյանը իրենց մրցելույթները սկսեցին գեղասահքի աշխարհի պատանեկան (մինչև 19 տարեկանների) առաջնության մասնակցիները: Մրցումային 1-ին օրը իրենց կարճ ծրագրերի կատարումով հանդես եկան տղաների մենասահքի և զուգասահքի մրցաշարերի մասնակիցները:  Հատկապես գերազանց մեկնարկեց զուգասահքի մրցումների մասնակից Ուկրաինան ներկայացնող Ռենատա Հովհաննիսյան/ Մարկ Բարդեյ երկյակն, որը կարճ ծրագրում վաստակած 59,3 միավորով 9 երկրի 15 զույգերի պայքարում ետ մնաց միայն այս ստուգատեսում Չեխիան ներկայացնող Աննա Դուսկովա/Մարտին Բիդար (64,71 միավոր) և ռուսաստանյան ՝ ԱնաստսիաՄիշինա/Վլադիսլավ Միրզոև (59,5 միավոր)զույգերից և զբաղեցրեց 3-րդ տեղը: Դնեպրոպետրովսկի գեղասահքի մարզադպարոցի սաներ ՝ 15-ամյա Ռենտան և նրա 19-ամյա զուգընկերՄարկը առաջնության մրցանակակիր դառնալու լուրջ հայտ ներկայացրին: Զուգասահքի ազատ՝ կամավոր ծրագրի կատարման մրցումը կսկսվի այսօր՝ մարտի 17-ին Հունգարիայի ժամանակով ժամը 19-ին: Տղաների մենասահքի կարճ ծրագրի կատարման մրցմանն ,որը նաև որակավորման փուլ է համարվում այս մրցաձևի մասնակիցների համար, հանդես են գալիս 30 երկրի 39 գեղասահորդ:Վրաստանը նախնական հայտերում մասնակիցների շարքում նշել էր երկու թբիլիսցիների ՝ 19-ամյա Արմեն Աղայանի և 15-ամյա Իրակլի Մայսուրաձեի անունները: Այս երկրի մարզիչները ի վերջո նախընտրեցին մրցասպարեզ հանել Մայսուրաձեին ,ով թեև ներկայացում է Վրաստանը ,սակայն ներկայումս բնակվում և մարզվում է ԱՄՆ-ում գեղասահքի հայտնի մասնագետներ ՝ Ռաֆայել և Վերա Հարությունյանների ղեկավարությամբ: Այստեղ կարճ ծրագրում 80,74 միավորով 1-ին հորիզոնականը զբաղեցեց 16-ամյա ռուսաստանցի Դմիտրի Ալիևը: Իրակլի Մայսուրաձեն հաջողությամբ հաղթահարեց որակավորման փուլի արգելքն ու 24 ուժեղագույնների շարքում վաղը՝ մարտի 18-ին Հունգարիայի ժամանակով ժամը18-ին իրավունք ստացավ մասնակցելու եզրափակիչ փուլին՝ ազատ ՝ կամավոր ծրագրի կատարման մրցմանն, որտեղ և կխաղարկվեն այս մրցաձևի մեդալները: Վաղը ՝ մարտի 18-ին այս ստուգատեսում կմեկնարկի նաև ՀՀ պատվիրակը՝ 16-ամյա Անաստասիա Գալուստյանը ,ով կմասնակցի աղջիկների մենասահքի մրցմանը:Այստեղ մեդալների համար պայքարին մասնակցելու համար հայտավորվել են 39երկրի 46 գեղասահորդուհի: Մենասահորդուհիների կարճ ծրագրի կատարման մրցումը սկսվելու է մարտի 18-ին Հունգարիայի ժամանակով առավոտյանը ժամը 10:15-ին: Գալուստյանը ընթացիկ մրցաշրջանում բավական հաջող է հանդես գալիս : Նա հունվարին ի կանանց գեղասահաքի 2016թ Եվրոպայի առաջնությունում 36մասնակիցների պայքարում գրավել է 15-րդ տեղը , իսկ փետրվարին էլ Նորվեգիայում ձմեռային պատանեկան օլիմպիական 2-րդ խաղերում 16 մասնակիցների շարքում զբաղեցրել է 10-րդ հորիզոնականը: Անաստասիան նաև աշխարհի պատանեկան առաջնություններին մասնակցելու զգալի փորձ ունի: Նա 2014թ աշխարհի պատանեկան առաջնությունում գրավել է 27-րդ , իսկ 2015թ-ին էլ ՝ 12-րդ տեղերը: Նյութի աղբյուր`https://www.facebook.com/aram.ugujyan/posts/930148863770438 ...

    Կարդալ ավելին
  • Հայաստանի ԱՄՆ շրջանավարտների ասոցիացիայի և ԱՄՆ դեսպանատան շախմատի երկրպագուները հանդիպել են տղամարդկանց 2016թ շախմատի ՀՀ չեմպիոն,մինչև 16 տարեկանների 2005թ Եվրոպայի չեմպիոն, մինչև 20տարեկանների 2006թ աշխարհի չեմպիոն,2010թ ՌԴ-ի գավաթակիր,2013թ համաշխարհային ունիվերսիադայի փոխչեմպիոն , Երևանի Էրեբունու շախմատի մանկապատանեկան մարզադպրոցի տնօրեն ,տղամարդկանց շախմատի ՀՀ ազգային հավաքականի անդամ, 27-ամյա գրոսմայստեր Զավեն Անդրիասյանի հետ: ՀՀ չեմպիոնը շախմատի միաժամանակյա խաղաշար է անցկացրել Երևանում ԱՄՆ դեսպանատանը:Այս մասին հայտնում են շախմատի ՀՀ ֆեդերացիայի մամուլի ծառայությունից: Հայ գրոսմայստերը խաղաշարի ընթացքում հաղթեց իր բոլոր մրցակիցներին, սակայն նշեց որ մասնակիցներից ոմանք արժանի դիմադրություն էին ցույց տվել: Միաժամանկյա խաղաշարի ավարտից հետո ԱՄՆ գործերի ժամանակավոր հավատարմատար Քլարկ Փրայսը շնորհակալություն հայտնեց գրոսմայստերին այս միջոցառմանը մասնակցելու համար և իր խոսքում նշեց. «Ես կարծում եմ, որ շախմատը Հայաստանի ուժն է, իսկ այն, որ շախմատի գրոսմայստերներն այստեղ հայտնի մարդիկ են՝ դա շատ հազվադեպ և յուրահատուկ երևույթ է»: Նյութի աղբյուր`https://www.facebook.com/aram.ugujyan/posts/929363470515644 ...

    Կարդալ ավելին
  • Մարտի 1-9-ը Մոսկվայում ընթացած շախմատի «Աերոֆլոտ օփեն» հեղինակավոր փառատոնում ՀՀ 16 պատվիրակներից և ոչ մեկին ճիշտ է չհաջողվեց ստուգատեսի 3 խմբերի մրցաշարերում նվաճել գլխավոր մրցանակներից որևէ մեկը, սակայն իրենց հասուն խաղով ու վստահ ելույթներով ուրախացրին, հատկապես պատանի շախմատիստներ՝ միջազգային վարպետներ 15-ամյա արտաշատցի Հայկ Մ.Մարտիրոսյանն ու 18-ամյա երևանցի Տիգրան Կ.Հարությունյանը: Տիգրանը Բ խմբում առանց պարտության անցկացրեց ողջ մրցաշարը, 9 հնարավորից վաստակեց 6,5 միավոր( 4 հաղթանակ, 5 ոչ-ոքի) և 94 մասնակիցների մեջ գրավեց 4-րդ տեղն ու նաև 26 կետով բարելավեց իր անհատական ընթացիկ վարկանիշը :  Իսկ Հայկը գլխավոր ՝ Ա խմբի մրցաշարում 86 մասնակիցների պայքարում ,որից 69 գրոսմայստեր էր, վաստակեց 5 միավոր և զբաղեցրեց 33-րդ հորիզոնականը:Նա էլ իր անհատական ընթացիկ վարականիշը բարելավեց 19կետով:  Սակայն շատ ավելի կարևոր էր ,որ այս երկու տաղանդաշատ պատանի շախմատիստները լրացրին նաև գրոսմայստերի նորմա, ու եթե նրանց հաջողվի առաջիկայում ևս մեկ անգամ կատարել այդ նորման, ապա նրանք կհամալրեն Հայաստանի գրոսմայստերների ընտանիքը: Իսկ շախմատային գերտերությունների շարքին դասվող Հայաստանն ներկայումս ունի 37 գրոսմայստեր ու 28 միջազգային վարպետ և այդ ցուցանիշով գերազանցում է Անգլիային ,Ադրբեջանին ,Վրաստանին, Հոլանդիային, Թուրքիային , Իրանին, Բուլղարիային ,Կուբային ու էլի շատ ու շատ երկրների:  Նյութի աղբյուր`https://www.facebook.com/aram.ugujyan/posts/929364773848847 ...

    Կարդալ ավելին
  • Մոսկվայում շարունակվող տղամարդկանց շախմատի աշխարհի չեմպիոնի կոչման հավակնորդների մրցաշարի 1-ին շրջանը մոտենում է ավարտին: Այսօր կայացած 5-րդ տուրի բոլոր 4հանդիպումներում էլ ոչ-ոքիներ գրանցվեցին :Ընդ որում դրանցից 3-ում հետաքիրքիր զուգադիպությամբ կողմերը խաղաղ դաշն կնքեցին միևնույն ՝ 30-րդ քայլում: Ընդհանապես մրցաշարում արդյունվետ ելք ունեցած պարտիաների քանակը դեռ միայն 4-ն է: Խաղացած 20 պարտիաներից 16-ում ոչ-ոքիներ են գրանցվել:  Այսօր սպիտակ խաղաքարերով հանդեսեկող հայկական շախմատի առաջատար Լևոն Արոնյանը ՖԻԴԵ-ի դասակարգման աղյուսակում հիմա 3-րդ հորիզոնականը զբաղեցնող ԱՄՆ ներկայացնող, 23-ամյա իտալացի Ֆաբիանո Կարուանայի հետ պարտիայում հաղթանակի հասնելու ուղիներ էր փնտրում ,սակայն նրա մրցկացին հաջողվեց հավասարեցնել խաղն ու 30-րդ քայլում նրանք համաձանեցին ոչ-ոքիի: Սա այս մրցաշարում առանց պարտության ընթացող Արոնյանի ստուգատեսում խաղացած արդեն 4-րդ ոչ-ոքին էր:  30-րդ քայլում ոչ-ոքինեչր գրացվեցին նաև Անանդ-Նակամուրա, Գիրի-Սվիդլեր պարտիաներում: Ու միայն մրցաշարի առաջատար ռուսաստանցի Սերգեյ Կարյակինի ու աշխարհի նախկին չեմպիոն բուլղարացի Վեսլին Տոպալովի միջև ընթացած պարտիան մի փոքր ավելի երկար շարունակվեց: Սակայն այստեղ ևս կողմերի հնարավորություններ լիովին հավասարվեցին ու 41-րդ քայլում նրանք ևս խաղաղ դաշն կնքեցին:  5 տուրի հետո վաստկած 3,5 միավորով առաջատարի դիրքը պահպանեց Սերգեյ Կարյակինը: Արոնյանը 3 միավորով ընթանում է 2-րդ տեղում և շարունակում է առաջատարի հետապնդումը: 3-6-րդ տեղերը 2,5-ական միավորով կիսում են Անանդը,Կարուանան ,Գիրին և Սվիդլերը : Իր ակտիվում 2 միավոր գրանցած գլխավոր ֆավորիտներից մեկը համարվող Նակամուրան առայժմ զբաղեցնում է 7-րդ հորիզոնականը , իսկ աշխարհի նախկին չեմպիոն բուլղարացի Տոպալովը 1,5 միավորվո եզրափակկում է մրցաշարային աղյուսակը: Վաղը ՝ մարտի 17-ին 6-րդ տուրում Արոնյանը սպիտակներով ուժերը կչափի Նակամուրայի հետ : Տուրի մյուս հանդիպումներում մրցելու են ՝ Կարուանա –Կարյակին, Անանդ –Սվիդլեր և Տոպալով –Գիրիի զույգերը: Նյութի աղբյուր`https://www.facebook.com/aram.ugujyan/posts/929761280475863 ...

    Կարդալ ավելին
  • Մարտի 18-20-ը Գերմանիայի Շտուտգարդ քաղաքի Porsche-Arena մարզասրահում անցկացվելու է սպորտային մարմնամարզության ամենահեղինակավոր մրցաշարերից մեկը ՝աշխարհի գավաթի խաղարկությունը՝ 2016 Stuttgart World Cup-ն , որին մասնակցելու են մարզաձևի մեծ թվով հռչակավոր վարպետներ: Մարզաձևի գերտերությունների շարքին դասվող Ռուսաստանի ազգային ընտրանու գլխավոր մարզիչ Վալենտինա Ռադիոնենկոն արդեն հրապարակել է այն մարզիկների անուններն, ովքեր այդ պատասխանատու ստուգատեսում կպաշտպանեն Ռուսաստանի մարզական պատիվը: Այստեղ կանանց անհատական մրցման բազմամարտի մրցաշարում մարզիչը վստահել ու մեծ պատվի է արժանացրել 16-ամյա Սեդա Թութխալյանին, իսկ տղամարդկանց բազմամարտի մրցաշարում՝26-ամյա Նիկոլյայ Կուկսենկոյին: Սեդան 2014թ Նանկինի ամառային պատաեկան օլիմպիական 2-րդ խաղերի բազմամարտի չեմպիոնուհին է, 2015թ Բաքվի Եվրոպական 1-ին խաղերի չեմպիոնուհին, միջազգային բազմաթիվ մրցաշարերի հաղթող ,կանանց 2015թ ՌԴ-ի առաջնության բրոնզե մեդալակիր, ՌԴ-ի գավաթի խաղարկության թիմային ոսկե, ու բազմամարտի արծաթե մեդալակրուհին է, իսկ Գլազգոյում ընթացած օլիմպիական վարկանիշային մրցաշարի կարգավիճակ ունեցող աշխարհի առաջնությունում էլ մեծապես օգնեց կանանց ՌԴ-ի հավաքականին առավելագույն քանակի օլիմպիական ուղեգրեր նվաճելու գործում: Անցած մրցաշրջանը ամենահաջողվածներից էր մոսկվաբնակ դեռատի հայ մարմնամարզուհի, սպորտային մարմնամարզության կանանց ՌԴ-ի օլիմպիական հավաքականի թեկնածու, 16-ամյա Սեդա Թութխալյանի համար: Նա գյումրեցի անվանի սամբիստ, աշխարհի քառակի չեմպիոն Գուրգեն Թութխալյանի դուստրն է , ով ծնվել է Գյումրիում, սակայն հետո ընտանիքի հետ մեկնել ու բնակվում է ՌԴ-ի մայրաքաղաք Մոսկվայում: Այստեղ հայուհին հնարավորություն ունեցավ կատարելագործելու իր վարպետությունն ու հասնելու մարզական խոշոր նվաճումների: Նոր մրցաշրջանին ՝ օլիմպիական 2016թվականին հայ մարմնամարզուհին լավատեսորեն, մեծ հավատով ու հույսերով է սկսել նախապատրաստվել: Ինչպես հայտնեց անվանի մարմնամարզուհու հայրիկը՝ տիտղոսակիր մարզիկ Գուրգեն Թութխալյանը, քանի որ կանանց ՌԴ-ի օլիմպիական հավաքականում ընդգրկվելու համար հիմա թեժ մրցակացություն է ծավալվում նոր տարում Սեդան փոխել է իր մարմնամարզական վարժությունների բոլոր ծրագրերը, դրանց թարմանցումով, բարդ տարրերի ու համակցությունների ընդգրկումով ջանում է հասնել կատարելիության: Մասնավորապես, արդեն հայտնի է, որ Սեդա Թութխալյանը իր ազատ վարժության նոր ծրագիրը կկատարի անվանի երգահան Արա Գևորգյանի հանրահայտ <Արցախ> ստեղծագործության խրոխտ ու հոգեպարար հնչյունների ներքո, որը տաղանդաշատ մարզուհուն անկասկած մեծ ոգևորություն, վստահություն ու համարձակություն կհաղորդի և հուսանք նաև մեծ հաջողություն կբերի:Գուրգեն Թութխալյանը համոզված է, որ Արա Գևորգյանի այս հրաշալի ստեղծագործության նվագակցությունը իր դստեր ՝ Սեդայի համար հաղթաբեր կլինի, ու կօգնի նրան անպայման առավելության հասնել իր բոլոր մրցակիցների նկատմամբ: Շտուտգարդում ելույթը նոր մրցաշրջանում Սեդայի համար միջազգային առաջին խոշոր մեկնարկը կլինի, որին կհաջորդի ապրիլի 5-9-ը Պենզայում ունենալիք ելույթն արդեն մեծահասակների ՌԴ-ի առաջնությունում: Նյութի աղբյուր`https://www.facebook.com/aram.ugujyan/posts/929412027177455 ...

    Կարդալ ավելին
  • Մարտի 8-ից Իսլանդիայի մայրաքաղաք Ռեյկյավիկում ընթացող շախմատի միջազգային ավանդական խոշոր ու ներկայացուցչական ՝Reykjavik Open 2016 մրցաշարն այսօր կհատի վերջնագիծը:  Արդեն 31-րդ անգամ կազմակերպվող բարձրակարգ այս մրցաշարին 31երկրի 235շախմտիստ է մասնակցում ,այդ թվում 28գրոսմասյտեր, ու 24 միջազգային՝24, և ՖԻԴԵ-ի՝ 22 վարպետ:  Ստուգատեսի մասնակիցների թվում են նաև տարբեր 4երկրներ ներկայացնող հայազգի 6 հայ շախմատիսիտներ ՝ տղամարդկանց շախմատի ՀՀ ազգային հավաքականի անդամներ ՝ հայտնի գրոսմայստերներ Գաբրիել Սարգսյանը,Սերգեյ Մովսիսյանն ու Հրանտ Մելքումյանը, կանանց ԱՄՆ-ի ազգային հավաքականի անդամ,կանանց ԱՄՆ-ի առաջնությունների բազմակի մրցանակակիր,գրոսմայստեր Տաթև Աբրահամյանը, մինչև16տարեկան աղջիկների 2015թ Եվրոպայի չեմպիոնուհի, կանանց Հոլանդիայի ազգային հավաքականի անդամ, ՖԻԴԵ-ի վարպետ 15-ամյա Աննա-Մայա Ղազարյանն ու ռուսաստանցի 32–ամյա գրոսմայստեր Սերգեյ Գրիգորյանցը: Այս մրցաշարը առանձահատուկ է նաև նրանով, որ այստեղ հերթական անգամ հանդես է գալիս նաև տղամարդկանց աշխարհի գործող չեմպիոն նորվեգացի գրոսմայստեր Մագնուս Կառլսենի հայրիկը՝ 54-ամյա Հենրիկ Կառլսենը: Մինչև 8-րդ տուրը ՀՀ ընտրանու 3 անդամ էլ անպարտելի էին ու ընթանում էին առաջատարների խմբում:Սակայն 8-րդ տուրում «սայթաքեց » մինչ այդ փայլուն հանդես եկած Սերգեյ Մովսիսյանը , իսկ երեկ նախավերջին՝ 9-րդ տուրում էլ անհաջողոթւյան մատվեց Գաբրիել Սարգսյանը: Վերջինս սևերով պարտվեց իրեն անհատական ընթացիկ վարկանիշով 161 կետով զիջող 16-ամյա իտալացի գրոսմյաստեր, Իտալիայի շախմատի ծագող աստղ համարվող Ֆրանչեսկո Ռամբալդիին: Մովսիսյանը, Մեքումյանն ու Գրիգորյանցն այս տուրում միավորը կիսեցին մրցակիցների հետ: Այժմ մրցաշարին մասնակցող հայազգի 6շախմատսիստներից Հրանտ Մելքումյանն ու Սերգեյ Գրիգորյանց են անպարտելի մնացել : 9-րդ տուրում հաղթանակներ տարան ստուգատեսի մասնակցող երկու հայուհիներն՝ Աննա –Ամյա Ղազարյանն ու Տաթև Աբրահամյանն,ովքեր իրենց ակտիվում գրանցած 5,5-ական միավորով ընդհանուր հաշվարկով զբաղեցնում են 54-րդ և 63-րդ տեղերը , իսկ գեղեցիկ սեռի 24 ներկայացուցիչների պայքարում համապատասխանբար 5-րդ և 7-րդ տեղերը: Մրցաշարային աղյուսակը 8 միավորսվ միանձնյա գլխավորում է հնդիկ գրոսմայստեր Աբիջեթ Գուպտան,ով իրեն հետապնդող մերձակա 5մրցակիցներից առաջ է անցել 1 միավորով: Մովսիսյանը ,Գրիգորրյանն ու Մելքումյաննն ունեն 6,5-ական միավոր և ընթանում են համապատասխանաբար 7,9,և 10 –րդ հորիզոնականներում: Գաբրիել Սարգսյանը 6 միավորով հանգրվանել է 22-րդ հորիզոնականում, իսկ Հենրիկ Կառլսենն էլ 4,5 միավորով 113-րդ տեղում:  Այսօր տեղի կունենան մրցաշարի եզրափակիչ ՝ 10-րդ տուրի հանդիպումներն ,որոնց արդյունքներով ի հայտ կգան ստուգատեսի մրցանակակիրները:  Մովսիսյանը սպիտակներով մրցելու է ամերիկացի Ավոնդեր Լիանի, Մելքումյանը՝ բրազիլացի Դի Բեռարդինոյի, Սարգսյանը՝իսլանդացի Բրագի Տորֆինսոնի ,Գրիգորյանցը ՝ ռուսաստանցի Նիկիտա Պետրովի , Աբրահամյանը՝ իտալուհի Մարիա Բրունելոյի,իսկՂազարյանն էլ՝ իսլանդացի Բյոռն Տորֆինսոնի հետ:  Մրցանակային են 1-10-րդ տեղերը: Բացի այդ սահմանված են նաև մեծ թվով հատուկ մրցանակներ: Հաղթողին բաժին կհասնի 5հազար, 2-րդ տեղը գրավողին ՝ 2 հազար, 3-րդին՝ 1250,4-րդին՝ 800, 5-րդին՝ 600,6-րդին՝ 450,7-10-րդ տեղերին 350, կանանց մեջ լավագույն եռյակում տեղեր զբաղեցրածներին ՝ համապատասխանաբար 350,200 և125, իսկ մինչև 17տարեկան մասնակիցների մեջ 1-ին և 2-րդ տեղերը զբաղեցնողներին էլ 200 և 125 եվրո պարգևավճար: Նյութի աղբյուր`https://www.facebook.com/aram.ugujyan/posts/929546553830669 ...

    Կարդալ ավելին
  • Անթալիայում (Թուրքիա) մարտի 14-ից Tennis Europe Development Championship պատանեկան ներկայցուցչկան միջազգային մրցաշարին մասնակկում են նաև ՀՀ 3 պատվիրակներ ՝ Արթուր Սողոյանը ,Հովաննես Մադանյանն ու Եվա Ավետիսյանը:  Ստուգատեսում առայժմ վստահ են հանդես գալիս Սողոյանն ու Ավետիսյանը ,ովքեր երկուական հաղթանակ են տարել ու մտել են քառորդ եզրափակիչ , և այսօր երկուսն էլ կմրցեն Մակեդոնիայի պատվիրակների հետ: Արթուրը 1/16-րդ փուլում 6:3,6:2հաշվով առավելութայն է հասելկ մոլդովացի Բոգդան Բոկլինչային նկատմամբ, իսկ հաջորդ ՝1/8-րդ փուլում էլ 6:3,6:0 հաշվով պարտության է մատնել ու պայքարից դուրս է մղել Թուրքիայի ներկայացուցիչ Օրհան Գուր Ումուրին: Երևանի թենիսի Incourt Tennis Club ակումբի անդամ,մինչև 14 տարեկանների 2015թ ՀՀ չեմպիոն Արթուր Սողոյանն, ում մարզում է Թորգոմ Աստրյանն այսօր քառորդ եզրափակչում ուժերն է չափելու մակեդոնացի Գեորգի Յանկուլովսկու հետ: Աղջիկների մենախաղի մրցաշարի 1/16-րդ փուլում ԵվաԱվետիսյանը 6: 0,6:1 հաշվով հաղթեց Չեռնագորիայի պատվիրակ Սոֆյա Ռաջենովիչին ,իսկ 1/8-րդ փուլում էլ՝3:6,6:2,6;3 հաշվով տանտերերի՝ Թուրքիայի ներկայացուցուիչ Բեյդա Բայկալին :Այսօր Եվան քառորդ եզրափակչում կիսաեզրափակչի ուղեգիրը կվիճարկի մակեդոնուհի Անա Ռիցեսկայի հետ մրամարտում :  Մինչ այս այստեղ մարտի 8-12-ն ընթացած նմանատիպ 1-ին մրցաշարում առավել հաջող հանդես էր եկել Եվա, ով աղջիկների մենախաղում գրավել էր 4-րդ տեղը:Նա 3-րդ տեղի համար պայքարում 0:6,4:6 հաշվով տանուլ էր տվել մոլդովուհի Ռենատա Ֆարմային: Արթուր Սողոյանը տղաների մենախաղում զբաղեցրել էր 9-րդ , իսկ Հովհաննես Մադանյանը ՝26-րդ տեղը: Հովհաննեսը ամհաջող է հանդես գալիս նաև այստեղ շարունակվող ընթացիկ 2-րդ մրցաշարում: Նա մենախաղղում 2 անընդեջ պարտոոթւոյւն է կրել ու 25-28-րդ տեղերի համար մրցավեճում կհանդիպի Կոսովոյի պատվիրակ Դիել Մեհմեդի հետ: Սողոյան/ Մադանյան զույգը տղաների զուգախաղի 1/8-րդ փուլում 5:7,7;6(4),12:14 հաշվով զիջել է Կիպրոսի Ստիլյանոս Չրիցոդօղլու/Անդիրաս Ջակուրիս զույգին: Նյութի աղբյուր`https://www.facebook.com/aram.ugujyan/posts/929544807164177 ...

    Կարդալ ավելին
Загрузка...

ՖԲՀ

  • /uploads/photos/NzH8QgWUKbiazeJTSsd2.jpg

    Ամփոփվեց «ԱԽՈՒՐՅԱՆ» ԵՀԿ-ի կողմից իրականացվող «Մարտունակ երիտասարդ՝ հզոր բանակ» ռազմահայրենասիրական ծրագիրը: Ծրագրի շահառու՝ ՀՀ 10 մարզերից, Արցախից, Ջավախքից և Երևան քաղաքից, 16-18 տարեկան 40 երիտասարդները Շիրակի մարզի Թորոսգյուղի «Երեքնուկ» հանգստյան գոտում մասնակցեցին վրանային ճամբարին, որի ընթացքում ինտերակտիվ սեմինարների միջոցով ծանոթացան զինծառայությանն առնչվող բոլոր թեմաներին, հնարավորություն ստացան իրենց հուզող հարցերն ուղղել ոլորտի փորձագետներին: Մասնակիցների օրակարգը բացառապես զինվորական ծառայության հիման վրա էր կառուցված` իր մեջ ներառելով առողջ ապրելակերպի, զինվորական պատրաստակամության, ճանաչողության, հայոց պետականության պահպանման և հայրենասիրության տարրեր: Ճամբարի վերջին օրը մասնակիցներն այցելություններ կատարեցին ՀՀ ՊՆ ԶՈւ Գյումրի քաղաքում տեղակայված N զորամաս, որի արդյունքում հնարավորություն ունեցան պրակտիկորեն ծանոթանալու զինվորական առօրյային, և Ազատամարտի փառքի թանգարան, որտեղ երիտասարդներին ներկայացվեցին Արցախյան հերոսամարտում կռված հերոսներն ու հերոսուհիները, նրանց կատարած սխրանքները, հայոց բանակի հիմնադիրներն ու հիմնադրման պայմանները: Ծրագրի ավարտին երիտասարդներին հանձնվեցին ծրագրի մասնակցության հավաստագրերը:  Ծրագրի նպատակն է` երիտասարդների մեջ սերմանել հայրենասիրություն, ազգասիրություն՝ նպատակ ունենալով վերջիններիս շրջանում բարձրացնել հայկական բանակի հանդեպ հարգանքը, սերը և հայկական բանակում ծառայելու պատրաստակամությունը։  Ծրագիրն իրականացվեց ՀՀ Սպորտի և Երիտասարդության հարցերի նախարարության ֆինանսավորմամբ և  Հայաստանի, Վրաստանի, Ռուսաստանի և Արևելյան Եվրոպայի Հայ Կաթողիկե Առաջնորդարանի աջակցությամբ։

    Կարդալ ավելին

Քաղաքականություն