• Գերմանիայի Գավաթի խաղարկության եզրափակիչ փուլում «Բավարիան» «Օլիմպիաշտադիոնում» ընդունեց Դորտմունդի «Բավարիային»: Չնայած սուր ու լարված պայքարին, հանդիպման հիմնական եւ լրացուցիչ ժամանակներն ավարտվեցին 0:0 հաշվով եւ հաղթողը որոշվեց հետխաղյա 11 մետրանոց հարվածաշարի արդյունքում: «Բորուսիայից» վրիպեցին Սվեն Բենդերը եւ Սոկրատիսը: Դիպուկ գտնվեցին Սինձի Կագավան, Պյեր-Էմերիկ Օբամեյանգը եւ Մարկո Ռոյսը: «Բավարիայից» վրիպեց Ջոշուա Կիմիխը: Դիպուկ գտնվեցին Արտուրո Վիդալը, Ռոբերտ Լեւանդովսկին, Թոմաս Մյուլերը եւ Դուգլաս Կոստան: Հայաստանի հավաքականի եւ «Բորուսիայի» կիսապաշտպան Հենրիխ Մխիթարյանն ընդգրկված է եղել դորտմունդցիների մեկնարկային կազմում եւ մասնակցել է ամբողջ հանդիպմանը: Այսպիսով, հետխաղյա 11 մետրանոցների արդյունքում Գերմանիայի գավաթակիր դարձավ Մյունխենի «Բավարիան»: Թիմերը խաղադաշտ էին դուրս եկել հետեւյալ մեկնարկային կազմերով. «Բավարիա». Նոյեր, Լամ, Բոատենգ, Ալաբա, Կիմիխ, Ռիբերի, Վիդալ, Կոստա, Ալկանտարա, Մյուլեր, Լեւանդովսկի «Բորուսիա». Բյուրկի, Հումելս, Պիշչեկ, Սոկրատիս, Շմելցեր, Բենդեր, Մխիթարյան, Կաստրո, Վայգլ, Օբամեյանգ, Ռոյս «Բավարիա»-«Բորուսիա»՝ 0:0 (11 մետ.՝ 4:3) Նյութի աղբյուր՝ http://www.armsport.am/hy/news/2016/05/22/%D4%B2%D5%A1%D5%BE%D5%A1%D6%80%D5%AB%D5%A1%D5%B6-%D5%B0%D5%A5%D5%BF%D5%AD%D5%A1%D5%B2%D5%B5%D5%A1-11-%D5%B4%D5%A5%D5%BF%D6%80%D5%A1%D5%B6%D5%B8%D6%81%D5%B6%D5%A5%D6%80%D5%B8%D5%BE-%D5%B0%D5%A1%D5%B2%D5%A9%D5%B8%D6%82%D5%B4-%D5%A7-%D4%B2%D5%B8%D6%80%D5%B8%D6%82%D5%BD%D5%AB%D5%A1%D5%B5%D5%AB%D5%B6/711773 ...

    Կարդալ ավելին
  • Գերմանական Մյունխեն քաղաքում մեկնարկել է հրաձգության աշխարհի գավաթի խաղարկությունը՝ հրացան և ատրճանակ ձևերից:  Աշխարհի գավաթում Հայաստանը ներկայացնում են՝ Հրաչ Բաբայանը, Քրիստիան և Իրինա (Աղաջանյան) Լաուերները:  Մայիսի 21-ին Հայաստանը ներկայացնող 3 մարզիկներն էլ մասնակցել են մրցման մեկնարկին: 10մ, օդամղիչ հրացան, 60 կրակոց, տղամարդկանց վարժությունում 114 մրցակցից Հրաչ Բաբայանը 627,6 միավորով գրավել է 9-րդ տեղը. հավասար միավոր են խոցել նաև 7-րդ և 8-րդ տեղերը գրաված մարզիկները, սակայն կրակոցների դիպուկությամբ առավելությունը տրվել է նրանց և եզրափակչից դուրս է մնացել Հրաչ Բաբայանը: Նույն վարժությունում 623.1 միավորով 36-րդ տեղ է գրավել Քրիստիան Լաուերը: 10մ, օդամղիչ հրացան, 40 կրակոց կանանց վարժությունում Իրինա Լաուերը (Աղաջանյան) 137 մրակցուհուց գրավել է 105-րդ տեղը՝ խոցելով 406.7 միավոր: Մայիսի 22-ին Հրաչ Բաբայանը և Քրիստիան Լաուերը կմասնակցեն 50մ, փոքր տրամաչափի հրացան, պառկած դիրքից տղամարդկանց վարժությանը, վերջինիս եզրափակիչը տեղի կունենա մայիսի 23-ին: ՀԱՕԿ լրատվության բաժին ...

    Կարդալ ավելին
  •  Հայտնի են դարձել Գերմանիայի Գավաթի եզրափակչի՝ «Բավարիա»-«Բորուսիա» հանդիպման մեկնարկային կազմերը. «Բավարիա» - Նոյեր, Լամ, Բոատենգ, Ալաբա, Կիմիխ, Ռիբերի, Վիդալ, Կոստա, Ալկանտարա, Մյուլեր, Լեւանդովսկի Պահեստայիններ. Ուլրայխ, Կոման, Ալոնսո, Ռաֆինյա, Բենատիա, Ռոդե, Բերնատ «Բորուսիա» - Բյուրկի, Հումելս, Պիշչեկ, Սոկրատիս, Շմելցեր, Բենդեր, Մխիթարյան, Կաստրո, Վայգլ, Օբամեյանգ, Ռոյս Պահեստայիններ - Վայդենֆելեր, Ռամոս, Կագավա, Գինտեր, Դուրմ, Պուլիշիչ, Շահին Հիշեցնենք, որ հանդիպումը կմեկնարկի Երեւանի ժամանակով 22:00-ին: ...

    Կարդալ ավելին
  • «Բարսելոնան» ու ակումբի տեխնիկական հովանավոր Nike-ը հայտարարել են գործող պայմանագիրը երկարաձգելու մասին: Marca-ի համաձայն՝ նոր համաձայնագիրը նախատեսված է 10 տարով: Մինչև 2017/18 մրցաշրջանի ավարտը կատալոնական ակումբը կստանա տարեկան 80-85 միլիոն եվրո, իսկ դրանից հետո՝ 105 միլիոն: Բացի այդ, Nike-ը «Բարսելոնային» է զիջել ֆիրմային խանութների լիցենզավորման իրավունքը, ինչը կարող է ևս 50 միլիոն եվրո եկամուտ բերել կատալոնական ակումբին: Եթե այդ պայմանագիրը ստորագրվի կարող է տեխնիկական հովանավոր ու ակումբի միջև ամենաթանկը դառնալ ֆուտբոլի պատմության մեջ: ...

    Կարդալ ավելին
  • Ռուսաստանի ֆուտբոլի առաջին դիվիզիոնի առաջնության 38-րդ  տուրում Նիժնի Նովգորոդի «Վոլգա»-ն սեփական հարկի տակ 4:0 հաշվով պարտության է մատնել Կրասնոյարսկի «Ենիսեյ»-ին: Ինչպես հաղորդում է «Արմենպրես»-ը. «Վոլգա»-ի կազմում առաջին գոլը հեղինակել է Հայաստանի ազգային հավաքականի հարձակվող Արթուր Սարկիսովը: Հանդիպման 22-րդ րոպեին Հայաստանի հավաքականի ֆուտբոլիստը առաջ է մղել իր թիմին: Թիմերն ընդմիջման են գնացել 1:0 հաշվով: Երկրորդ խաղակեսի մեկնարկից մի քանի րոպե անց դաշտի տերերը կրկնապատկել են իրենց առավելությունը: 51-րդ րոպեին գոլի հեղինակ է դարձել Եվգենի Կոզլովը: Հանդիպման 90-րդ րոպեին Մալյական հաշիվը դարձրեց 3:0, իսկ մրցավարի ավելացրած ժամանակում ևս մեկ գոլի հեղինակ դարձավ Եվգենի Կոզլովը: Հանդիպումն ավարտվեց 4:0 հաշվով:  Ռուսաստանի ֆուտբոլի առաջին դիվիզիոնի առաջնության 38 տուրերի արդյունքներով «Վոլգա»-ն վաստակել է 51 միավոր և  առաջնության մասնակից 20 թիմերի մեջ զբաղեցնում է մրցաշարային աղյուսակի 9-րդ հորիզոնականը: ...

    Կարդալ ավելին
  •  Երևանի «Բանանց»-ի  կիսապաշտպան Զավեն Բադոյանը հրավիրվել է Հայաստանի ֆուտբոլի ազգային հավաքական՝ մայիսի 22-ից հունիսի 2-ը կայանալիք ուսումնամարզական հավաքին մասնակցելու համար:  Հայաստանի ազգային հավաքականը մայիսի 28-ին և հունիսի 1-ին ԱՄՆ-ում ընկերական հանդիպումներ կանցկացնի Գվատեմալայի և Էլ Սալվադորի հավաքականների հետ: ...

    Կարդալ ավելին
  • Բռնցքամարտի Հայաստանի կանանց հավաքականի անդամ Անուշ Գրիգորյանն աշխարհի առաջնության 1/8 եզրափակչում է: Ղազախստանի մայրաքաղաք Աստանայում ընթացող բռնցքամարտի կանանց աշխարհի առաջնությունում Հայաստանը ներկայացնող 51 կգ քաշային Անուշ Գրիգորյանը հաղթանեց ճանոպացի Վադա Մադոկային և դուրս եկավ 1/8 եզրափակիչ: Կիսեզրափակիչ դուրս գալու դեպքում Անուշը կնվաճի օլիմպիական ուղեգիր: Ավելի վաղ Գրիգորյանը հաղթել էր ուկրաինացի Տատյանա Կոբուն: ՀԱՕԿ լրատվության բաժին ...

    Կարդալ ավելին
  • Իսպանիայի գավաթի եզրափակիչ «Բարսելոնա»-«Սևիլիա» խաղում կատալոնական ակումբի երկրպագուները հնարավորություն կունենան Մադրիդի «Վիսենտե Կալդերոն» խաղադաշտ մտցնել Կատալոնիայի դրոշները: Ինչպես հաղորդում է «Արմենպրես»-ը, վկայակոչելով իսպանական AS պարբերականը, «Բարսելոնա»-ն բողոքարկել է Իսպանիայի ֆուտբոլի ֆեդերացիայի որոշումը գավաթի եզրափակիչ խաղում «Վիսենտե Կալդերոն» մարզադաշտ Կատալոնիայի դրոշը մտցնելն արգելելու վերաբերյալ: Կատալոնական ակումբի ներկայացուցիչները իրենց բողոքը հիմնավորել են նրանով, որ Իսպանիայի ֆուտբոլի ֆեդերացիայի նման որոշումը կայացվել է առանց լուրջ հիմքերի և խախտում է ազատ արտահայտման իրավունքը: Արդյունքում Մադրիդի դատարանը չեղյալ է հայտարարել Կատալոնիայի դրոշը մարզադաշտ մտցնելու արգելքը: Իսպանիայի գավաթի եզրափակիչ խաղը տեղի կունենա մայիսի 22-ին, Մադրիդի «Վիսենտե Կալդերոն» մարզադաշտում: Եզրափակիչ խաղում միմյանց դեմ կմրցեն կատալոնական «Բարսելոնա»-ն և «Սևիլիան»: ...

    Կարդալ ավելին
  • Դորտմունդի «Բորուսիա»-ի պաշտոնական կայքը ներկայացրել է Գերմանիայի գավաթի եզրափակիչ «Բորուսիա»-«Բավարիա» խաղում թիմերի հավանական մեկնարկային կազմը: Ինչպես հաղորդում է «Արմենպրես»-ը, «Բորուսիա»-ի  հավանական մեկնարկային կազմում ընդգրկված է Հայաստանի ազգային հավաքականի կիսապաշտպան Հենրիխ Մխիթարյանը: Ըստ կայքի ներկայացրած հավանական կազմի` Դորտմունդի «Բոերուսիա»-ի դարպասը «Բավարիա»-ի դեմ խաղում կպաշտպանի Ռոման Բյուրկին, պաշտպանության աջ եզրում կխաղա Մարսել Շմելցերը, ձախ եզրում՝ Լուկաս Պիշչեկը: Պաշտպանության կենտրոնում հանդես կգան Մաթս Հումելսը և Սոկրատիս Պապաստապուլոսը: Թոմաս Տուխելի թիմը «Բավարիա»-ի դեմ խաղը կսկսի մեկ հենակային կիսապաշտպանով: Հենակետային կիսապաշտպանի դիրքում հանդես կգա Յուլիան Վայգլը: Խաղադաշտի կենտրոնական հատվածում հարձակվողներին կօգնեն Շինջի Կագավան և Գոնսալո Կաստրոն: Հարձակման աջ եզրում կխաղա Հենրիխ Մխիթարյանը, ձախ եզրում՝ Մարկո Ռոյսը, իսկ կենտրոնում կխաղա Պիեռ Էմերիկ Օբամեյանգը: Մյունխենի «Բավարիա»-ի դարպասը գավաթի եզրափակիչ խաղում կպաշտպանի Մանուել Նոյերը, պաշտպանության ձախ եզրում հանդես կգա Դավիթ Ալաբան, աջ եզրում՝ Ֆիլիպ Լամը, պաշտանության կենտրոնում՝ Բենատիան և Ժերոմ Բոատենգը: Մյունխենյան ակումբի հենակետային կիսապաշտպանի դիրքը կփակի Խաբի Ալոնսոն: Կիսապաշտպանությունից հարձակվողներին կօգնեն Թոմաս Մյուլերը և Արտուրո Վիդալը, հարձակման ձախ եզրում հանդես կգա  Ֆրանկ Ռիբերին, աջ եզրում Դուգլաս Կոստան, կենտրոնում՝ Ռոբերտ Լևանդովսկին: ...

    Կարդալ ավելին
  • Մայիսի 19-22-ը Շվեյցարիայի Մոնտրեուքս քաղաքում անցկացվելու է մեծ տարածում ունեցող արևելյան մարտարվեստներից մեկի ՝ թաեքվոնդոյի նախաօլիմպիական՝ Եվրոպայի 22-րդ առաջնությունն,որը G 4 կարգի մրցաշարերի շարքին է դասվում: Թաեքվոնդոյի ՀՀ պատվիրակությունը հավաքականի գլխավոր մարզիչ Գևորգ Դանիելյանի գլխավորությամբ մրցավայր է մեկնել մայիսի 17-ին: Առաջնությունում ՀՀ ներկայացնում են 6մարզիկ՝ Վարագ Աղաջանյանը( 54կգ), Հայկազ Սամվելյանը (58 կգ ), Սերգեյ Ավանեսովը(63կգ), Սերգեյ Վարդազարյանը (68 կգ), Դավիթ Վարդումյանը (74 կգ), Արման Երեմյանը ( 87 կգ): Նախաօլիմպիական այս կարևոր ստուգատեսին ըստ ներկայացրած նախնական հայտերի տղամարդկանց և կանանց 8-ական քաշային կարգերում պատրաստվում են մասնակցելու 46 երկրի 387մարզիկ, որոնցից 41 –ը ՌԻՈ- 2016-ի ուղեգիր նվաճածներն են , ու նրանց համար սա օլիմպիադայից առաջ ուժերի փորձակման վերջին հնարավորությունը կլինի:  Առաջնության մասնակիցների թվում են նաև Լոնդոնի 2012թ օլիմպիական 30-րդ խաղերի 4 չեմպիոններ: Հատկանշական որ այս մրցաշարում օլիմպիական ուղեգրեր չեն խաղարկվելու: Երեկ մրցումային 3-րդ օրը վերջապես ուրախանալու առիթ տվեցին նաև մեր պավիրակները: Իրեն գերազանց դրսևորեց 68կգ քաշային կարգի 35 թաեքվոնդոյիստների մրցապայքարին մասնակցող 23-ամյա ՍերգեյՎարդազարյանը: Արսեն Ավետիսյանի շնորհալի սանը, ով անցյալ տարի Չելյաբինսկում կայացած աշխարհի առաջնությունում 5-րդ տեղն էր գրավել ,ու կարողացել էր կրկնել Ավետիսյանի երկու այլ հայտնի սաների Վարդան Վարդանյանի (2003թ,78կգ) և Արման Երեմյանի (2013թ,80կգ) հայկական թաեքվոնդոյի պատմության մեջ առայժմ գրանցած լավագույն արդյունքը, շվեյցարական ստուգատեսում արժանացավ բրոնզե մեդալի:  Շվեյցրաիայում Վարդազարյանն ապացուցեց ,որ Չելյաբինսկում ունեցած իր հաջողությունն ամենևին էլ պատահական չէր: Նա 3հաղթանակ տարավ ու մեկը մյուսի ետևից պայքարից դուրս մղեց՝ իտալացի Դավիթ Սպինոզյաին (15:2), Թուրքիայի պատրվիրակ Բերկայ Ակյոլին (14:12) ,ու ադրբեջանցի Այխան Թաղիզադեին (1:0) և մտավ կիսաերզփակիչ:  Այստեղ մեր թեաքվոնդոյիստի առաջընթացը կանգեցրեց մրցաշարի հայտնությունը դարձած Գերմանիան ներկայացող 19-ամյա Համզա Քարիմ Ադնան: Սերգեյն այս անգամ բավարարվեց բրոնզե մեդալով, որը մեծ նվաճում է երիտասարդ ու խոստումնալից հայ թաեքվոդոյիստի համար: Իսկ Գերմանիայի պատվիրակը եզրափակչում համառ պայքարում 5:6 հաշվով զիջեց 5-րդ անգամ Եվրոպայի չեմպիոն հռչակված 2012թ օլիմպիական խաղերի չեմպիոն, աշխարհի կրկնակի չեմպիոն 27-ամյա թուրք մարզիկ Սերվեթ Թազեգյուլին ու տուն է վերադառնալու արծաթե մեդալով: 63կգ քաշային կարգում վերջերս Իրանում ընթացած միջազգային մրցաշարում բրոնզե մեդալ նվաճած Սերգեյ Ավանեսովը պորտուգալացի Նունո Կոստայի նկատմամբ 3:1 հաշվով հաղթանակ տոնելուց հետո պարտությաւոն կրեց ու դուրս մնաց հետագա մրցապայքարից: Նման արդյունյք արձանագրեց նաև 54կգ քաշային Վարագ Աղաջանյանն ,ով 4:3 հաշովո Բելառուսի պատվիրակ Իլյա Կոկշինցովին հաղթելուց հետո, 2:3 հաշովով զիջեց իսպանացի Խորխե Տորրեսին: Իսկ ահա 58կգ քաշային Հայկազ Սամվելյան անհաջողության մատնվեց հենց 1-ին մենամարտում:  Այսօր մրցասպարեզ կելնի Դավիթ Վարդումյանը (74կգ), ում առաջին մրցակիցը Սերբիայի ներկայացուցիչ Դամիր Ֆեյզիչն է, իսկ վաղը մայիսի 22-ին ստուգատեսի եզրափակիչ օրը ելույթ կունենա իր համար նոր ՝87կգ քաշային կարգում հանդես եկող 2008թ Եվրոպայի չեմպիոն 2015թ Եվրոպայի փոխչեմպիոն, 30 –ամյա Արման Երեմյանը:    Պատրաստեց ՝ Արամ Ուգուջյանը: ...

    Կարդալ ավելին

Քաղաքականություն