• Աշխարհի 11-րդ ռակետ Կարեն Խաչանովը հայտարարել է, որ առողջական խնդիրների պատճառով չի կարողանա մասնակցել Մարսելի մրցաշարին, որը կայանալու է փետրվարի 18-24-ը: «Ցավոք, առողջական խնդիրների պատճառով ստիպված էի հրաժարվել Մարսելի մրցաշարից: Հատկապես անցյալ տարվա հաջողությունից հետո անհամբերությամբ էի սպասում այստեղ խաղալու հնարավորությանը: Ներողություն եմ խնդրում երկրպագուներից, որոնք ցանկանում էին տեսնել իմ խաղը»,- Twitter-ի իր պաշտոնական էջում գրել է Խաչանովը: Կարեն Խաչանովը Մարսելի մրցաշարի գործող չեմպիոնն է: Նախորդ խաղարկության եզրափակչում նա 7:5, 3:6, 7:5 հաշվով հաղթել է ֆրանսիացի Լյուկա Պուին: Հավելենք, որ Խաչանովի՝ մասնակցությունից հրաժարվելուց հետո Մարսելի մրցաշարի հիմնական ցանցում հայտնվել է Ռուսաստանի մեկ այլ ներկայացուցիչ՝ Անդրեյ Ռուբլյովը: ...

    Կարդալ ավելին
  • Լոնդոնի «Արսենալի» գլխավոր մարզիչ Ունայ Էմերին մեկնաբանել է Անգլիայի Պրեմիեր լիգայի 26-րդ տուրում «Հադերսֆիլդի» (2:1) նկատմամբ տարած հաղթանակը: «Այս հաղթանակը շատ կարևոր էր մեզ համար: 3 միավորը մեզ մոտեցրեց առաջին քառյակին, ինչը և համարվում է «Արսենալի» նպատակն ընթացիկ մրցաշրջանում: Մենք պետք է կայուն արդյունքներ ունենանք թե՛ տանը, և թե՛ դրսում: Այսօրվա հաղթանակը մեզ վստահություն ներշնչեց: Անչափ երջանիկ եմ: Մեր ֆուտբոլիստները շատ լավ աշխատեցին խաղադաշտում` օգնելով միմյանց: Ես այսօր հպարտանում եմ նրանցով: Իհարկե, միաժամանակ ես միշտ ավելին եմ ցանկանում:  Մրցաշրջանի արդյունքում լավագույն քառյակում տեղ զբաղեցնելը հնարավոր է: 26 տուրից հետո մենք հետ ենք մնում «Մանչեսթեր Յունայթեդից» 1 միավորով: «Արսենալի» ֆուտբոլիստները մոտիվացված են»,- Էմերիի խոսքն է մեջբերում լոնդոնյան ակումբի պաշտոնական կայքը:  ...

    Կարդալ ավելին
  • 2018 թվականին 1793 մարզիկ մասնակցել է սպորտային մրցաշարերի և առաջնությունների. նրանցից 1438-ը մասնակցել է Հայաստանի Հանրապետության, 75-ը` Եվրոպայի, 78-ը` աշխարհի, 202-ը` միջազգային: Այս մասին փետրվարի 6-ին տեղի ունեցած մամուլի ասուլիսի ժամանակ ասել է ԱՀ կրթության, գիտության և սպորտի նախարար Նարինե Աղաբալյանը՝ նշելով, որ Արցախում կազմակերպվել և անց են կացվել 30 ուսումնամարզական հավաքներ և 2 սեմինար-պարապմունքներ: Ըստ նախարարի՝ ֆիզկուլտուրայի և սպորտի ոլորտում աշխատանքներ են տարվել մարզական ֆեդերացիաների և մարզադպրոցների գործունեության պայմանների բարելավման, տեխնիկական վերազինման, մարզական միջոցառումների կազմակերպման, ինչպես նաև ՀՀ, Եվրոպայի, աշխարհի առաջնություններին և միջազգային մրցաշարերին ԱՀ մարզիկների մասնակցությունն ապահովելու ուղղությամբ: «Պետական բյուջեի միջոցների հաշվին խրախուսվել են հաշվետու ժամանակաշրջանում մարզական բարձր նվաճումներ արձանագրած 110 մարզիկներ և 25 մարզիչներ»,-նշել է Ն. Աղաբալյանը և հավելել, որ բարեգործական միջոցներով անհրաժեշտ մարզագույք է ձեռք բերվել հանրապետության 52 դպրոցների համար: ...

    Կարդալ ավելին
  • Կրեմենչուգում անցկացված հունահռոմեական ըմբշամարտի Ուկրաինայի առաջնությունում օլիմպիական 60 կգ քաշային կարգում չեմպիոն է դարձել Զապորոժիեի հայ համայնքի ներկայացուցիչ Ժորա Աբովյանը։ Նա եզրափակչում 8։6 հաշվով հաղթել է աշխարհի առաջնության բրոնզե մեդալակիր Լենուր Թեմիրովին։ Առաջնությանը մասնակցել է Ուկրաինայի տարբեր մարզերի մոտ 200 մարզիկ, որոնք պայքարում էին երկիրն աշխարհի ու Եվրոպայի առաջնություններում ներկայացնելու հնարավորության համար։ Ուկրաինայի հայերի միությունում շնորհավորել են Ժորա Աբովյանին և նրա մարզիչներ Լավրենտի Մայլամյանին ու Մուրադ Սարգսյանին։ ...

    Կարդալ ավելին
  • Կատալոնական «Բարսելոնա»-ի արգենտինացի հարձակվող Լիոնել Մեսսին բաց չի թողնի «Էլ կլասիկո»-ն: Այս մասին գրում է AS-ը: Մեսսին վնասվածք էր ստացել Իսպանիայի առաջնության 22-րդ տուրի «Վալենսիա»-ի դեմ խաղում: «Կապտանռնագույնների» պաշտոնական կայքը հայտնում է, որ հարձակվողի վնասվածքը լուրջ չէ: Ֆուտբոլի Իսպանիայի գավաթի խաղարկության կիսաեզրափակիչի շրջանակներում «Ռեալ»-«Բարսելոնա» խաղը կկայանա փետրվարի 6-ին: ...

    Կարդալ ավելին
  • Լոնդոնի «Արսենալի» և Հայաստանի ազգային հավաքականի կիսապաշտպան Հենրիխ Մխիթարյանը վերսկսել է մարզումները խոտածածկի վրա: Հայ ֆուտբոլիստն այսօր լուսանկարներ է հրապարակել մարզումից:  Չնայած մարզումներին, կիսապաշտպանը, ամենայն հավանականությամբ, բաց կթողնի «Արսենալի» առաջիկա հանդիպումը: Այս մասին մամուլի ասուլիսի ժամանակ հայտարարել է Ունայ Էմերին: Հիշեցնենք, որ Մխիթարյանը վնասվածք էր ստացել Անգլիայի լիգայի Գավաթի՝ «Տոտենհեմի» հետ դեկտեմբերին կայացած խաղում:  Նշենք, որ «զինագործները» վաղը՝ հունվարի 25-ին, Անգլիայի Գավաթի շրջանակում կհյուրընկալեն «Մանչեսթեր Յունայթեդին»:  ...

    Կարդալ ավելին
  • Ատլետիկայի Հայաստանի հավաքականի անդամ Լևոն Աղասյանը ոսկե մեդալ է նվաճել միջազգային մրցաշարում: Ղազախստանում կայացած Օլգա Ռիպակովայի անվան միջազգային մրցաշարում Աղասյանը տղամարդկանց եռացատկում գրանցել է 16.63 արդյունք և գրավել առաջին տեղը: Սա Լևոնի լավագույն արդյունքն է ամբողջ կարիերայի ընթացքում: «Ընդհանուր առմամբ լավ մասնակցություն ունեցա, սակայն գիտեմ, որ կարող եմ ավելին անել: Հիմա ավելի մեծ աշխատանք պետք է կատարել՝ նախապատրաստվելու Եվրոպայի առաջնությանը»,-«Արմենպրես»-ի հետ զրույցում ասաց Աղասյանը: Աղասյանն այժմ լրացրել է Եվրոպայի առաջնության վարկանիշ: ...

    Կարդալ ավելին
  • Շախմատի Հայաստանի կանանց առաջնության նոր չեմպիոնը Մարիա Գևորգյանն է: 8 հնարավորից հավաքելով 7 միավոր Մարիա Գևորգյանը երկրորդ անգամ դարձավ Հայաստանի չեմպիոն: Մրցաշարի վերջին տուրում հաղթանակներ տոնեցին Մարիամ Ավետիսյանը, Սիրանուշ Ղուկասյանը և Սուսաննա Գաբոյանը: Երկրորդ և երրորդ տեղերը 6-ական միավորով կիսեցին Սիրանուշ Ղուկասյանը և Սուսաննա Գաբոյանը: 5,5 միավոր հավաքեց Մարիամ Ավետիսյանը: ...

    Կարդալ ավելին
  • Լոնդոնի «Արսենալի» մամուլի քարտուղարությունը շնորհավորել է Հայաստանի ազգային հավաքականի ավագ Հենրիխ Մխիթարյանին, որն այսօր` հունվարի 21-ին, նշում է ծննդյան 30-րդ տարեդարձը: «Ծնունդդ շնորհավոր, Միկի: Մխիթարյանն այսօր դառնում է 30 տարեկան. հուսով ենք լավ ծնունդ կանցկացնես:  Անհամբերությամբ ենք սպասում շուտով քեզ տեսնել խաղադաշտում»,- ասվում է «զինագործների» տարածած հաղորդագրության մեջ:   ...

    Կարդալ ավելին
  • Ռուս թենիսիստ Մարիա Շարապովան դուրս չեկավ Ավստրալիայի բաց առաջնության քառորդ եզրափակիչ: Կանանց մենախաղի 4-րդ շրջանում Շարապովայի հակառակորդը ավստրալուհի Էշլի Բարտին է: 2 ժամ 22 րոպե ձգված մրցախաղում Շարապովան հաղթեց մեկ սեթում, զիջելով ևս երկուսը: Բարտին հաղթեց ռուս թենիսիստին 6:4, 1:6, 4:6 հաշվով: Ավստրալիայի բաց առաջնությունը թենիսի «Մեծ սաղավարտի» չորս մրցաշարից հերթականն է, որն անցկացվում է Մելբուռն քաղաքի համանուն այգու կորտերում: Մրցաշարն անցկացվում է արդեն 107-րդ անգամ: Ավստրալիայի բաց առաջնության տղամարդկանց մենախաղի գործող չեմպիոնը շվեյցարացի Ռոջեր Ֆեդերերն է, իսկ կանանց պայքարում` Կարոլին Վոզնյացկին: ...

    Կարդալ ավելին

ՖԲՀ

Քաղաքականություն