• Վերջին շրջանում աշխարհահռչակ թրենդսեթեր Քիմ Քարդաշյանը բոլոր նորաձև աղջիկներին վարակել է ձիգ հյուսքերով: Նրա օրինակին են հետևել ինչպես համաշխարհային շատ աստղեր, այնպես էլ հայկական շոու բիզնեսի մի շարք գեղեցկուհիներ, որոնցից է նաև Տաթևիկ Ադումյանը: Դերասանուհին այն քչերից է, ով չի վախենում համարձակ էքսպերիմենտներից ու հաճախակի է անում կերպարային կտրուկ փոփոխություններ: Սակայն պետք է նկատել, որ Տաթևիկն այս անգամ բացահայտ կրկնօրինակում է Քիմին՝ ընտրելով ոչ միայն սեզոնի թրենդ աֆրիկյան հյուսքերը, այլև փոխելով մազերի երանգը՝ դառնալով շիկահեր: Քանի որ դերասանուհին արևայրուքով է, կատարել է թեթև արևոտ դիմահարդարում, ինչը նույնպես ակտուալ է այս ամռանը: Տաթևիկը հոնքերն ընդգծել է մատիտով կամ թաց գելով։ Չի մոռացել նաև բրոնզերի մասին. այտերն ընդգծել է ծիրանագույն բրոնզով, որը թարմ տեսք է հաղորդել նրան: Դիմահարդարման այս տեսակը ևս նորաձևություն է բերել Քիմը: Ի՞նչ եք կարծում, Տաթևիկին սազո՞ւմ է նոր սանրվածքը: ...

    Կարդալ ավելին
  • Դերասանուհի Ժաննա Բուտուլյանը հանգստյան օրերին կարծես թե որոշել է սադրել տղամարդկանց, ու դա նրան հաջողվել է: Ժաննան նոր ֆոտոշարքում չափազանց  գայթակղիչ ու սեքսուալ տեսք ունի: Դերասանուհին ներկայանում է սև կարճ զգեստով ու խորը դեկոլտեով՝ ցուցադրելով մարմնի ողջ շքեղությունն ու ընդգծելով սլացիկ ոտքերը: ...

    Կարդալ ավելին
  • Երգչուհի Սիլվա Հակոբյանը երեկ նոր տեսահոլովակ է ներկայացրել երկրպագուների դատին: «Հարբել եմ». այսպես է կոչվում պարային երգը, որը հարսանեկան թեմայով է: Անվանումը երկիմաստ է. Սիլվան արբել է թե՛ սիրուց, թե՛ գինուց: Երգչուհին ներկայանում է հարսի կերպարով, փեսային մարմնավորում է ամուսինը` Նորայրը։   ...

    Կարդալ ավելին
  • Պրեմիերա․ Արա Մարտիրոսյան - «Սրտի բանալի»: ...

    Կարդալ ավելին
  • Ամերիկահայ աշխարհահռչակ ռոք երաժիշտ և երգահան Սերժ Թանկյանն Facebook-ի իր էջում գրառում է կատարել, որն էլ FBH.am-ը ներկայացնում է Ձեր ուշադրությանը։ Ամերիկահայ երգիչն իր գրառման մեջ անդրադարձել է Սյունիքի մարզի Շուռնուխ գյուղում տեղի ունեցած վերջին աղմկահարույց դեպքերին, երբ 30 գյուղացիներ հարձակվել էին 9 ԼԳԲՏ (Լեսբուհի, Գեյ, Բիսեքսուալ և Տրանսգենդեր) ակտիվիստների վրա և ծեծի ենթարկել իրենց։ Ինչպես հայտնում է FBH.am-ը՝ Սերժ Թանկյանը գրել է. «Այսպիսի հարվածն անընդունելի է որտեղ էլ, որ լինի: Հայաստանում ԼԳՏԲ հարցերի շուրջ արդարություն պետք է հաստատվի՝ հիմնված լուրջ գիտելիքների վրա: Զզվելի է»: ...

    Կարդալ ավելին
  • Տաղանդավոր երգչուհի Սրբուհի Սարգսյանը նոր, գայթակղիչ ֆոտոշարք է ներկայացրել երկրպագուներին: Երգչուհին ներկայանում է վայրի ու կրքոտ կերպարում: Սրբուհին կրում է 2018 նորաձևության թրենդներից  պուտավոր շրջազգեստ, որն էլ ավելի է ընդգծում նրա կանացիությունն ու գրավչությունը: Հագուստը Սրբուհին համադրել է սպորտային կոշիկների հետ, ինչև ևս նորաձև է վերջին շրջանում: Նշենք, որ երգչուհին ֆոտոշարքերի սիրահար է և աշխատանքին զուգահեռ հաճույքով մասնակցում է լուսանկարահանումների: Լուսանկարները՝ Էմին Արիստակեսյանի ...

    Կարդալ ավելին
  • Քիմ Քարդաշյանն ակտիվորեն երկրպագուներին է ներկայացնում իր առօրյա կյանքի լուսանկարները։ Հետևորդները հատկապես շատ բան են իմանում աստղի Instagram Story-ից։ Քիմը նոր լուսանկար է հրապարակել, որտեղ մոխրագույն երանգի ներքնազգեստով է։ Լուսանկարում Քիմը գայթակղիչ դիրքով նստած է սենյակի հատակին։ ...

    Կարդալ ավելին
  • Երգիչ, ՀՀ վաստակավոր արտիստ Արամեն ու նրա կինը՝ Աննա Թովմասյանը միկրոբլոգի իրենց էջերում հաճախ են կիսվում սիրառատ, ջերմ լուսանկարներով, հետեւորդներին ցույց են տալիս ընտանեկան առօրյան: Այսօր Արամեն իր Instagram-ում նոր լուսանկար է հրապարակել կնոջ հետ, որում զույգը ջերմ գրկախառնված է: Նրանք երկուսն էլ կրում են ճերմակ հագուստ: Այս ռոմանտիկ լուսանկարին կից երգիչը կատարել է հետեւյալ գրառումը. «Երկու տարի առաջ՝ այս օրը, մենք ստացանք Աստծո օրհնությունը և կատարվեց հրաշքը։ Ուզում եմ, որ հրաշքները միշտ ուղեկցեն մեզ մեր կյանքում։ Աստված բոլորին պահապան»: ...

    Կարդալ ավելին
  • Ասում են, մահվանից հետո մարդու հոգին 40 օր ճախրում է երկրի վրա։ Դա չի վերաբերում մեր ծնողներին։ Նրանք միշտ են մեր կողքին։ Նրանց հոգին մեր մեջ է։ Արյունն ու մարմինը մենք ենք` նրանց զավակները։ Մարդն ապրում է այնքան, քանի դեռ մենք հիշում ենք նրա մասին (անվերջ մխիթարող խոսքեր, որ լսում եմ բոլորից) ։ Հեշտ չէ՛ ։ Ու էլ երբեք հոգիս չի թեթևանալու։ Ես 8 տարի առաջ հրաժեշտ տվեցի հորս։ Ցավը չի պակասել, հազարապատկվել է։ Դավիթ, Նադյա   ...

    Կարդալ ավելին
  • Երգչուհի Նարե Գրիգորյանը երեկ ամուսնացել է: Նրա ընտրյալն Արամ Շամիլյանն է, ում հետ նշանադրվել էր դեռ 2016 թվականին: Հարսանեկան խնջույքին ներկա էին նաև հայկական շոու բիզնեսի ներկայացուցիչները՝ Արթուր Գրիգորյանը, Լիլիթ Կարապետյանը, Սուրեն Առուստամյանը, Անահիտ Շահբազյանն՝ ամուսնու հետ:  ...

    Կարդալ ավելին

ՖԲՀ

Քաղաքականություն

  • /uploads/photos/DgVDL2KCp45t6uG4Anem.jpg

    Նիկոլ Փաշինյանի վարչապետության 100 օրն ավարտվում է հայ-ռուսական հարաբերություններում լարվածությամբ: Թեև այդ լարվածությունն առավել ակնառու դարձավ վերջին մի քանի շաբաթների ընթացքում` ՌԴ ԱԳ նախարար Սերգեյ Լավրովի` ներհայաստանյան զարգացումների մասին բավականին կոշտ հայտարարությունից հետո, սակայն ոչ պաշտոնական մակարդակում այն զգացվում էր Փաշինյանի վարչապետության առաջին օրերից`չնայած սկզբնական շրջանում հնչող պաշտոնական հայտարարությունների դրական բնույթին:  Ռուսական կողմի գործողությունները Փաշինյանի՝ Մոսկվա այցի ժամանակ և դրանից հետո վկայում են, որ Սոչիում վարչապետին, ով խորհրդարանում ղեկավարում էր ԵԱՏՄ-ից Հայաստանի դուրս գալու գործընթաց նախաձեռնած «Ելք» դաշինքը, չի հաջողվել Մոսկվային համոզել, որ իր այդ դիրքորոշումները վերանայված են, որ հայ-ռուսական ռազմավարական գործընկերությունում հետքայլ չի լինելու: Ռուսական կողմի ընկալումներով՝ իրենք մտահոգությունների համար լուրջ հիմքեր ունի: Դրանցից է, օրինակ, կարևորագույն պաշտոններում Փաշինյանի կողմից հակառուսական հայացքներով աչքի ընկած ակտիվիստներին նշանակելը, որոնցից «ամենատպավորիչներից» էր Ազգային անվտանգության խորհրդի քարտուղարի պաշտոնում Արմեն Գրիգորյանի նշանակումը: Ըստ մամուլում հայտնված չճշտված տեղեկությունների` Մոսկվայի մոտ այնքան մեծ է անվստահությունը վերջինիս անձի նկատմամբ, որ արգելել է ՀԱՊԿ և ԱՊՀ երկրների միջև փոխանակվող գաղտնի տեղեկատվությունը տրամադրել ՀՀ ԱԱԽ քարտուղարին:  Բավականին հետաքրքիր է ՀՀ առաջին փոխվարչապետ Արարատ Միրզոյանի շուրջ ստեղծված իրավիճակը: ԱՊՀ միջկառավարական խորհրդի նիստին վերջինիս մասնակցությունից հետո ԵԱՏՄ միջկառավարական խորհրդի նիստին գործընկերների պահանջով ստիպված եղավ մասնակցել վարչապետը, չնայած որ դա իր պաշտոնի համար ցածր ձևաչափ էր: Արարատ Միրզոյանը նույնիսկ չկար Փաշինյանի գլխավորած պատվիրակությունում, ինչը լուրջ հարցեր է առաջացնում:  ՀՀ նոր իշխանությունների մյուս գործողությունը, որը Մոսկվայի մոտ մեծացրել է անվստահությունը, առանց նախնական քննարկումների համանախագահ երկրների կամ համանախագահ երկրներից ոչ բոլորի հետ Ղարաբաղյան հակամարտության կարգավորման բանակցային գործընթացում նոր տարրեր մտցնելու ՀՀ իշխանությունների փորձն է, ինչին ականատես եղանք մայիսի 9-ին Ստեփանակերտում և հունիսի 1-ին Ազգային ժողովում կառավարության ծրագիրը ներկայացնելու ժամանակ վարչապետ Փաշինյանի ելույթներում: Ռուսական կողմը հայաստանյան իշխանությունների այս «բացթողմանը» շտապեց ոչ պաշտոնական արձագանք տալ: Ռուս հանրային, քաղաքական գործիչների, փորձագետների այցը 2016 թվականի ապրիլին Ադրբեջանի վերահսկողության տակ անցած Լելե Թեփե նաև ազդանշան էր, որ Ղարաբաղյան հակամարտության համատեքստում չհամաձայնեցված, անկախ գործողություններ, որոնք կարող են վնասել գործընթացին կամ ունենալ բացասական ֆոնային ազդեցություն վերջինիս վրա, կարող են անել նաև ռուսները: Ռուսական կողմի անվստահության մյուս պատճառը ՆԱՏՕ գագաթնաժողովին, այնուհետև զորավարժություններին Հայաստանի մասնակցությունն է: Իհարկե, սա առաջին անգամը չէր, երբ Հայաստանը մասնակցություն էր ունենում ՆԱՏՕ միջոցառումներին, սակայն հայ-ռուսական հարաբերություններում անվստահության առկայության պայմաններում այս գագաթնաժողովին մասնակցությունն առանց ռուսական կողմի հետ սլաքները ճշտելու Մոսկվայում դրական չընկալվեց: Հետաքրքիր է, որ ինչ-որ «զուգադիպությամբ» դրան հետևեցին Փանիկի դեպքերը, երբ ռուսական ռազմաբազան «առանց նախազգուշացման» զորավարժություններ սկսեց` վախեցնելով գյուղի բնակիչներին: Սա, ակնհայտորեն, որոշակի մեսիջներ էր պարունակում` ուղղված ՀՀ իշխանություններին: Ինչ վերաբերում է Հայաստանի ներքաղաքական զարգացումների, մասնավորապես նախկին իշխանության ներկայացուցիչների նկատմամբ աղմկահարույց դատական գործերին ռուսական կողմի կոշտ արձագանքին, ապա նշենք, որ Մոսկվայում դրանք ինչ-որ տեղ դիտվում են նաև որպես ՌԴ դեմ ուղղված քայլեր: Ընդ որում, Խաչատուրովի դեպքում ոչ թե վերջինիս անձն է պայմանավորում ռեակցիան, այլ զբաղեցրած պաշտոնը. Խաչատուրովն, այսպես կոչված, «Պուտինի ՆԱՏՕ»-ի գլխավոր քարտուղարն է, և առանց ռուսական կողմին տեղեկացնելու, այդ պաշտոնից նրա հեռացման հարցը նախապես կարգավորելու Խաչատուրովի նկատմամբ դատական գործընթաց սկսելը Ռուսաստանում դիտում են որպես «ՆԱՏՕ-ի հետ հարաբերություններ զարգացնող Հայաստանի» կողմից թիրախավորված հարված ՀԱՊԿ հեղինակությանը: Պատահական չէ, որ այս դեպքերից հետո ռուսական լրատվամիջոցները սկսեցին գրել` Ռուսաստանի կողմից Հայաստանին զենքի մատակարարումների դադարեցման մասին, որն, իհարկե, պաշտոնապես հերքվեց, սակայն պարզ է, որ Ռուսաստանն այլևս չի բացառում Հայաստանի հետ հարաբերություններում նման գործիքակազմի կիրառման հնարավորությունը: Իսկ ռուսական կողմի ավելի «շոշափելի նախազգուշացումն» այս օրերին տեսնում ենք Լարսում, երբ արագ փչացող սննդամթերքով բեռնված հայկական բեռնատարները ստիպված են լինում օրերով հերթ կանգնել ռուսական անցակետն անցնելու համար: Խնդիրը կարելի կլիներ մեծ հոսքերով բացատրել, միայն թե հայ վարորդները միանգամայն այլ տպավորություն ունեն, բացի այդ՝ ՌԴ-ում ՀՀ հյուպատոսի միջամտությունը խնդրին ևս խոսում է, որ Լարսի մի քանի կիլոմետրանոց հերթերը բնավ տեխնիկական խնդիրներով չեն պայմանավորված:  Նշենք, որ Ռուսաստանից ոչ պաշտոնական աղբյուրներով զգուշացնում են նաև գազի գների բարձացման մասին, քննարկվում է աշխատանքային օրենսգրքում համախատասխան փոփոխությունների նախագիծը, որը կարող է ազդել այդ թվում նաև Ռուսաստանում աշխատող տասնյակ հազարավոր հայերի վրա, և սրանք ռուսական կողմի տնտեսական ազդեցության միակ լծակները չեն:  Այս համատեքստում բավականին հետաքրքիր է Հարավկովկասյան երկաթուղու շուրջ ստեղծված իրավիճակը. օգոստոսի 14-ի լույս 15-ի գիշերը ՊԵԿ-ը դիմակավորված անձանց ուղեկցությամբ մտել է Հարավկովկասյան երկաթուղի և, ինչպես նշում է երկաթուղու ղեկավարությունը, Հայաստանի օրենսդրության խախտումներով խուզարկություն է իրականացրել, առգրավել է փաստաթղթեր, ինչը չէր կարող չվրդովեցնել ռուսական իշխանություններին, քանի որ երկաթուղու կառավարումը հանձնված է Ռուսաստանին։ Հուսանք՝ խնդիրը հարթվել է օգոստոսի 15-ին Հարավկովկասյան երկաթուղու տնօրեն Սերգեյ Վալկոյի և վարչապետ Նիկոլ Փաշինյանի հանդիպման ժամանակ. բոլորս հասկանում ենք, թե ինչ նշանակություն ունի երկաթուղին Հայաստանի համար: Նման պայմաններում մենք խնդիր ունենք Վրաստանի կամ Ուկրաինայի սցենարը չկրկնելու համար ձեռնարկել գործողություններ, որոնց ռիսկերը նախապես լավ հաշվարկված և չեզոքացված կլինեն: Կարիք ունենք արտաքին քաղաքական հարցերում լինելու ավելի ընկալելի, ընդ որում՝ ոչ միայն Ռուսաստանի, այլ նաև մյուս երկրների հետ հարաբերություններում: Կարծես թե այս հարյուր օրվա ընթացքում որևէ գիծ դեռևս անդառնալիորեն անցած չէ: Այս մասին է խոսում, օրինակ, առաջին հայացքից ոչ էական թվացող վերաբերմունքը, որը ռուսական կողմը ցուցաբերեց Հայաստանի Հանրապետության նախագահ Արմեն Սարգսյանին Ֆուտբոլի աշխարհի առաջնության փակման արարողության և դրան նախորդած համերգի ժամանակ. եթե վարչապետ Փաշինյանը Ֆուտբոլի աշխարհի առաջնության ժամանակ նստած էր երրորդ շարքում՝ Հյուսիսային Կորեայի ԱԺ նախագահի կողքին, ապա Արմեն Սարգսյանը` առաջին շարքում՝ ՌԴ վարչապետ Դմիտրի Մեդվեդևի կողքին, ինչպես ենթադրում է դիվանագիտական արարողակարգը ռազմավարական գործընկերների պարագայում: Նյութի աղբյուր՝ https://www.facebook.com/klara.abgarian.9/posts/148642326039090

    Կարդալ ավելին