• Բարև Ձեզ Հարգելի Ալինա, դուք ֆեյսբուքում հայտնի եք որպես ձեր սուր և պոզիտիվ գրառումներով: Որքա ՞ն ժամանակ է գրանցված եք ֆեյսբուքում - Ֆեյսբուքում գրանցվել եմ 2009թվականին, արտերկրում բնակվող ծանոթիս հետ շփվելու համար, բայց կյանքի հեգնանքն էր, որ նրա հետ մի բառ անգամ այդպես էլ չփոխանակեցի այս տիրույթում)))   Ի ՞սկ կհիշեք ինչի մասին է եղել ձեր առաջին գրառումը - Անկեղծ ասած`չեմ հիշում, իրականում շատ ամաչկոտ եմ, երկար ժամանակ չէի համարձակվում մտքերս կիսել, միայն կարդում էի: Հետո, մի երկու տարի անց երևի, նոր սկսեցի գրել, արդեն վստահ լինելով, որ նոր ընկերներս կհասկանան ինձ:   Ի ՞նչ առավելություններ և բացասական կողմեր ունի ֆեյսբուքը ըստ ձեզ - Առավելության առումով կընդգծեի օպերատիվությունը: Ցանկացած տեղեկատվություն լույսի արագությամբ տարածվում է Բացի այդ, կարող ես ցանկացած թեմայի շուրջ բազմակողմանի քննարկման մասնակցել, կամ հետևել: Իսկ բացասականն այն է, որ շատ արագ, սևեռվում են որևէ թեմայի շուրջ, մտնում այսպես ասած փակ շղթայի մեջ: Ամենավատը այն է, որ ամեն մեկն իրեն իրավունք է վերապահում քննադատելու և կարծիք հայտնելու: Պետք է կարողանալ սերֆինգիստի նման այդ ալիքների վրայով սահել : )))   Հիմնականում Ֆեյսբուքում ակտիվ գրառումներ են կատարում և բանավիճում, 20-30 տարեկանները, դժվար չէ ՞ ավելի ավագ սերնդի ներկայացուցիչ լինելը, երբ ձեր և ակտիվ մասսայի միջև տարիքային տարբերություն կա - Այսպես ասեմ, ջահելները թող բանավիճեն, իրար խելք սովորեցնեն : ) ես ավելի հաճախ դրանց չեմ խառնվում, կողքից դիտորդի դերում եմ լինում: Որպես օրինակ` որքան էլ պարել սիրեմ, կպարեմ իմ սիրած երաժշտության տակ, ոչ թե տեխնոյի, իհարկե դրա նշանակությունն ու արժեքը չնվազեցնելով:   Ֆեյսբուքահայության շրջանում ի ՞նչն է ձեզ նյարդայնեցնում - Վերջին ժամանակներս սկսել եմ նյարդերս գնահատել, իզուր չեմ նյարդայնանում: Եթե մեկի գրառումներն ինձ հաճելի չեն`ուղղակի կարգավորումների շնորհիվ չեմ հետևում իրեն: Դա երկուստեք արդյունավետ է: Ես իզուր չեմ նեղվում, իրենց էլ զահլա չեմ տանում դաստիարակչական զրույցներ վարելով : ) Ի վերջո, բոլորս էլ այստեղ շփման համար ենք, ոչ մեկը մյուսին ոչինչ պարտք չի: Որքան էլ ուզենամ, որ մարդն իրեն կոռեկտ պահի, չեմ կարող ստիպել, ավելի լավ է իներտ մնալ: Ժամանակն ամեն բան իր տեղն է դնում:   Ունե ՞ք Մուսա ֆրենդներ - Ունեմ «լակմուս» ֆրենդներ: Նրանց շնորհիվ եմ գնահատում որքանով էր կարևոր ու տեղին այդ պահին իմ մտքերը կիսելը: Կան այնպիսիք էլ, ում ուշադրություն դարձնելով` հասկանում եմ, թե կոնկրետ ո'ր օգտատիրոջից պիտի հեռու մնամ: Իսկ եթե լուրջ`ամեն մեկն էլ կարող է մուսա լինել:   Եղե ՞լ է դեպք, երբ ձեր գրառումը բուռն քննարկման առարկա դառնա, որի պատճառով ստիպված լինեք հեռացնել ձեր գրառումը - Իհարկե))) ֆեյսբուքում առանց նախադասության իմաստը վերլուծելու, եզրակացություն անել, թշնամական բանակների կիսվել ու իրար վիրավորել սիրում են))) Այդ պահին նեղվում եմ, որ մի բան գրել եմ`լրիվ ուրիշ թեմա են քննարկում, բայց արդյունքում դրանով սովորեցնում են հնարավորինս դիվանագիտական ու երբեմն էլ բազմանշանակ գրառումներ անել ))))   Լրատվական տիրույթում ի ՞նչը տանել չեք կարողանում - Մի քանի բան կա: Առաջինն իհարկե` քլիքոմանիան, չմանրանամ, գիտեք: Երկրորդը, որ ներկայումս լրագրությամբ զբաղվում են մարդիկ, ովքեր հաճախ բացարձակ անտեղյակ են թեմաներից, որոնց շուրջ խոսում են: Դա իմ կարծիքով ամենամեծ խնդիրն է: Ցանկացած թեմայի շուրջ, ցանկացած մարդու հետ խոսելու ամբարտավանությունն է անդուր:   Շնորհակալություն բավականին հետաքրքիր հարցազրույցի համար և վերջին հարցը, հաջորդ հարցազրույցը ձեր ֆեյսբուքյան ընկերներից ու ՞մ հետ կցանկանաք անցկացնենք - Ինձ նույնպես շատ հաճելի էր, իրոք : ) իսկ ում հետ հարցազրույց անեք... այ դա մի փոքր բարդ է, ես շատերին եմ շատ սիրում այս տարածքում,բայց, կասեմ Արթուր Եղիազարյանին : ) ...

    Կարդալ ավելին
  • Բարև Ձեզ հարգելի Կարեն, դուք ֆեյսբուքում հայտնի եք, որպես Կիլիկիա Հայաստան կեղծանունով, ի՞նչու հենց այդ անունով - Բարև Ձեզ, միշտ ոգեշնչված եմ եղել Կիլիկիան Հայկական թագավորությամբ և շատ մեծ ցանկություն ունեմ տեսնելու Կիլիկիա Հայաստան երրորդ Հայկական պետությունը: Ընդամենը սերն է դեպի Կիլիկիան, դրա համար էլ հենց այդ կեղծանունն եմ ընտրել:   Որքա՞ն ժամանակ է որ գրանցված եք Ֆեյսբուքում - 2008 թվականից, բայց ի սկզբանե եղել է նպատակ ներկայացնել Էրգրի նկարները և իմ ֆոտոներից չեն եղել   Ի՞նչ հնարավորություններ և առավելություններ է տալիս ձեզ ֆեյսբուքը - Ֆեյսբուքի հնարավորությունները պետք է ճիշտ օգտագործել: Այն ինձ համար տալիս է նախ և առաջ մեծ լսարան` ընթերցող: Հնարավորություն է տալիս հանրությանը ի ցույց դնել այս կամ այն արատավոր երևույթը, ինչպես նաև ինձ հնարավորություն է տալիս բոլորին ներկայացնել մեզ հարևան, բայց ոչ բարեկամ երկրում ընթացող իրադարձությունները, որոնք չեն երևում պաշտոնական հաղորդագրություններում:   Դուք պարբերաբար նկարներ եք հրապարակում Թուրքիայում տեղի ունեցող իրադարձություններից, որոնք չկան հայկական լրատվական կայքերում և համաշխարհային կայքերում, ձեզ դա ուղարկում են ? - Ով փնտրում է նա գտնում է :))))   Երբևե եղել եք Թուրքիայում? - Այո, թե Թուրքիայում, թե Էրգրում   Ինչն է նյարդայնացնում ձեզ Ֆեյսբուքում ? - Գրանտակեր ընդդիմությունը   Ֆեյսբուքահայության ո՞ր բնավորությունը չեք սիրում - Որ կուրորեն ,առանց գրառումն ընթերցելու լայքում են, երբ ես շատ լավ գիտեմ, որ այդ գրառման հետ իրենք բացարձակ համաձայն չեն, սակայն առանց ընթերցելու լայքում են: Պետք է ուշադիր լինեն և ամեն գրառում չարժանացնեն իրենց հավանությանը: Դա վիրտուալ տիրույթում մեծ նշանակություն ունի:   Ունեք այնպիսի ֆրենդներ ում գրառումները միշտ կարդում եք և եթե գաղտնիք չէ, ովքեր են նրանք : )))) - Իհարկե ունեմ այդպիսի ֆրենդներ, սակայն անուններ չեմ տա, կներեք : ))   Լրատվական տիրույթում ինչն է ձեզ նյարդայնացնում ? - Շատ տեղին հարց տվեցիք: Ինձ ամենից շատ հունից հանում է զինվորի մահվան լուրի վրա ընթերցանություն ապահովելու մոլուցքը, իսկ նյարդայնացնում է ,երբ տեսնում եմ իմ գրառումները որպես լուր են ներկայացրել, առանց ինձ հարցնելու:   Շնորհակալություն հետաքրքիր հարցազրույցի համար - Ես էլ եմ շնորհակալ հետաքրքիր հարցերի համար ...

    Կարդալ ավելին
  • Բարև Ձեզ Հարգելի ՝ Էդգար, Ի ՞նչ է Ձեզ տվել ֆեյսբուքը, և ի ՞նչ եք ըստ Ձեզ դուք տվել Ձեր ֆեյսբուքյան ընկերներին - Առաջին հերթին ֆեյսբուքն ինձ համար խոսքս ավելի մեծ լսարանի ներկայացնելու ամենաարագ միջոցն է, բայց ամենամեծ ձեռքբերումն այն հետաքրքիր ծանոթություններն են, որոնց պատճառը ֆեյսբուքն է եղել: Լավը չեմ կարող լինել բոլորի համար` մեկին տվել եմ դրական էմոցիաներ, մեկին` բացասական, բայց ուրախ եմ, որ երկու դեպքում էլ լումա ունեմ նրանց տրամադրության մեջ (գոնե պահի կտրվածքով) սակայն հույս ունեմ, որ դրականը գերակշռել է, իսկ բացասականը ես չտայի ուրիշն էր տալու, մարդ եթե վատն է տեսնում, ուրեմն վատն է գտնում նաև դրականի մեջ:   Որքանով որ տեղյակ ենք, նաև ՖԱՖ-ի անդամ եք: Կպատմեք թե ի ՞նչ էր տեղի ունեցել Բուլղարիա-Հայաստան խաղի ժամանակ: Եթե չեմ սխալվում, Դուք այդ խաղին ներկա էիք: - Խաղին ներկա չեմ եղել, ներկա էի Ալբանիա Հայաստան խաղին: Բուլղարիայում հայ երկրպագուները ճնշումների էին ենթարկվել: Փառք Աստծո ոչ ոք չէր տուժել:   Չենք սխալվի եթե ասենք որ Ձեր ամենամոտ ֆեյսբուքյան ընկերներից մեկը Գագիկ Մամուլյանն է: Ի՞նչ կցանկանաք նրան գալիք տարում: - Հենց նոր իր հետ խոսացի ու ինքը ասեց, որ իրեն լիքը Փող ցանկանամ))) Բացի այդ ինքը իմ ոչ միայն ֆեյսբուքյան այլ նաև ֆեյսբուքից դուրս ընկերն է:   Եթե չլիներ ֆեյսբուքը, ապա ինչպե ՞ս  և  ո ՞րտեղ կդրսևորեիք Ձեր հասարակական ակտիվությունը? - Ֆեյսբուքից դուրս)))   Ո ՞ր հայ պաշտոնյան է, որ ամենից շատ տպավորվել է Ձեր մեջ: Ու ՞մ հետ մեծ սիրով թեյ կխմեյիք - Իմ համար տպավորիչ է Վազգեն Սարգսյանը որպես հզոր քաղաքական գործիչ, բայց ավաղ թեյելու հնարավորություն չկա:   Պատմեք Ձեր կյանքից մի հետաքրքիր իրադարձություն, որը ըստ Ձեզ կհետաքրքրի նաև մեր ընթերցողին: - Ինչ էլ պատմեմ հետաքրքրելու է, որովհետև հայ ազգը բացի իր կյանքից հետաքրքրվում է բոլորի կյանքով: Հետաքրքիր է հայկական գյուղերով շրջելը, վերջին թարմ օրինակը Անտառամեջ ճանապարհորդությունն էր... Ամեն անգամ նորովի ես բացահայտում գյուղացու պարզությունն ու հյուրընկալությունը:   Արդյո ՞ք պատկերացնում եք ձեզ քաղաքականության մեջ: - Այո, պատկերացնում եմ ինձ քաղաքականության մեջ, բայց միևնույն ժամանակ չեմ պատկերացնում... Պետք է մտնել մի ոլորտ հետո նոր վերջնական պատասխան տալ: Ես ինձ օդաչու էլ եմ պատկերացնում, ինչպես նաև տիեզերագնաց, բայց պատկերացնելը քիչ է պետք է հստակ և ճիշտ քայլերով առաջ շարժվել:   Ունե ՞ք մուսա ֆրենդներ: - Մուսա ֆրենդներ ոչ: Ինձ համար մուսա հիմնականում կյանքի այս կամ այն երևույթներն են հանդիսանում: Մուսան իմ կարծիքով պետք է լինի մեկը ոչ թե մի քանիսը:   Ո ՞վ է ձեր ամենասիրելի և ամենազզվելի օգտատերը Ֆեյսբուքում: - Ոչ առաջինն ունեմ ոչ երկրորդը)))   Եվ վերջում ի՞նչ կմաղթեք մեր ընթերցողներին և առհասարակ հայ ազգին: - Ձեր ընթերցողին կմաղթեմ ուրախ տարեմուտ և տարվա խաղաղ ընթացք: Մենք`հայերս, ամեն ինչ բարդացնելու մեծ վարպետներ ենք, ցանկանում եմ, որ կյանքին մի քիչ թեթև նայենք ու շատ ժպտանք: Ձեզ էլ հաջողություն եկող տարում: Եվ բարի լուրեր 2016 թվականին)))) ...

    Կարդալ ավելին
  • Բարև Ձեզ դուք ֆեյսբուքում հայտնի եք որպես պոզիտիվ գրառումներ կատարող օգտատեր,   որքա ՞ն ժամանակ է, որ գրանցված եք ֆեյսբուքում - Բարև Ձեզ, Գրանցված եմ 2010-ից, բայց 2013-ին առանջին անգամ, աշխատանքի բերումով սկսեցի ակտիվություն ցուցաբերել:   Ձեր գրառումները պոզիտիվ են, դուք ֆեյսբուքից դուրս նույնպե ՞ս պոզիտիվ եք - Բնականաբար, քանի որ ես երբեք Ֆեյսբուքում չեմ գրում բաներ, որոնք հեռու են իմ ներաշխարհից, իմ կենսակերպից ու մոտեցումներից, սակայն ճիշտ չի լինի այդ հարցին ուղիղ պատասխանել: Միայն համզված եղեք, որ երբեք չեմ կեղծում ինձ ոչ մի տեղ :)   Ձեր գրառումների մեծամասնությունը կարդում և մեկնաբանում են աղջիկները, եղե ՞լ է դեպք երբ հավանեք ձեր գրառումներում կոմենտ թողած աղջիկներից մեկին - Նախ ասեմ, որ չէի պատկերացնի, որ այդ փաստը էդպես «աչք է ծակել», որ դուք էլ եք նկատել, բայց կա նման բան )) ես այն երջանիկներից եմ, ում ստատուսները աղջիկների ուշադրության կենտրոնում է գտնվում ու միշտ հաճելիորեն շրջապատված եմ գեղեցիկ սեռի ներկայացուցիչների սքանչելի ու անփոխարինելի ներկայությամբ: Եղել է իհարկե, ու առհասարակ ծանոթություններիս, ընկերներիս մի ստվար մասը Ֆեյսբուքն է բերել. քանի որ կամա թե ակամա, աշխատանքի բերումով պետք է գտնվեմ ֆեյսբուքում:   Դուք ընդդիմախոս եք, արդյոք, ունե ՞ք իշխանական ընկերներ? - Ես ընդդիմախոս չեմ: Առհասարակ չեմ հարում ոչ մի քաղաքական ուժի, ոչ մի կուսակցության անդամ չեմ: Ես երբեմն քննադատում եմ թե՛ իշխանություններին, թե՛ ընդդիմությանը: Եթե գովելի արարք են անում, գովաբանում եմ նույն հաջողությամբ: Ընկերությունը առհասարակ չեմ խառնում քաղաքական հայացքների հետ ունեմ թե իշխանական ընկերներ, թե ծայրահեղ ընդդիմադիր:   Քաղաքական հումորը ձեր էջում ունի զգալի մաս, դուք հավանու ՞մ եք որևե քաղաքական գործչի գործունեություն և ունե ՞ք այնպիսի քաղաքական գործիչ որին հաճույքով եք տրոլլինգի ենթարկում - Անկեղծ ասած մեր քաղաքական դաշտն ինձ համար բացի տրոլլինգից ու ֆեյսբուքահյաերի հորինած շատ տեղին «սոցիալ-կայֆավատ» եզրից այն կողմ չի անցնում, քանի որ քաղաքականության, քաղաքագիտության առումով ոչ մի հետաքրքրություն չի ներկայացնում: Նպատակաուղղված տրոլլինգ չեմ անում ոչ ոքի, ուղղակի. կախված տվյալ քաղաքական գործչի այս կամ այն ասածից, գործողությունից, եթե ասելիք ունենում եմ, ասում եմ: Չկա այս պահին մի քաղաքական ուժ, որին լուրջ եմ վերաբերում, քանի որ եթե լիներ, ես էլ կլինեի քաղաքականության մեջ, չեմ թաքցնում, որ ես էլ որպես երիտասարդ ունեմ բավականին լուրջ ամբիցիաներ քաղաքականությամբ զբաղվելու, բայց դեռ չեմ տեսնում մի քաղաքական ուժ, որի գործունեությունը, գաղափարները ինձ հետաքրքրում են:   Ինչու՞ Մամուլյանս քլաբը ունեցավ մի քանի օրվա կյանք, դուք ձեր գրառման մեջ շատ աղոտ կերպով պարզաբանեցիք այդ փաստը, բազմաթիվ մարդկանց կարծումեմ կհետքրքրի իրական պատճառները,խնդրում ենք պարզաբանեք - Մի քիչ կարող է անհավատալի էլ թվալ, բայց առաջնահերթ չէ ինձ համար գումար աշխատելը: Բնականաբար սխալ կլինի պնդել, թե կարևոր չէ գումարը, բայց ես ամենաառաջին հերթին պիտի հաճույք ստանամ նրանից, ինչից գումար եմ աշխատում: Պատճառները մի շարք էին, որոնց անդրադառնալու կարիք չեմ տեսնում, քանի որ կապված են միայն իմ հետ ու իմ ընկերների ու պոտենցիալ հյուրերի հետ առհասարակ կապ չունեն: Հուսով եմ մոտ ապագայում կկարողանամ բացել, արդեն իմ նկատած ու ներսի մարդու աչքերով տեսած թերությունները շտկած: Հայցում եմ բոլորի ներողամտությունը, ովքեր մինչ այսօր էլ ուզում են այցելել, բայց ես էդպիսին եմ: Բոլորը, ով այցել էր ու պիտի այցելեր, ինձ համար հաճախորդներ չէին այլ հյուրեր, իսկ իմ հյուրերին ես միշտ ընդունում եմ հավուր պատշաճի: Երբ կունենամ նրանց հավուր պատշաճի ընդունելու հնարավորություն, կտեղեկացնեմ բոլորին: Ընկերներս ինձնից շատ են ափսոսում ակումբի կարճ կյանքի համար, բայց այդպես էր պետք, ես այդպիսին եմ, անգամ եթե դա թերություն է :)   Թող անհաջողությունները մնան անցած տարում : )), ի՞սկ դուք Ձմեռ Պապիկից ինչ եք ցանկացել - Թող : )) ... Ձմեռ Պապիկից խնդրել եմ միշտ ու նաև այս տարի, որ ամենքս ստանանք այն, ինչին արժանացել ենք: Թող կարողանանք ինքներս մեզ օբյեկտիվ գնահատենք ու աշնանը ճտերը հաշվելիս պակաս ճուտ չունենանք: Անկորուստ տարի լինի 2016-ը կամ եթե դա հնարավոր չէ, գոնե կորուստները տանելի ու ցանկալի է նյութական լինեն:   Ի՞նչ կցանկանաք 2016-ին ձեր ֆրենդներին և մեր նորաստեղծ կայքին - Ֆռենդներիս կցանկանամ խաղաղություն` ֆեյսբուքում: Կուզեմ, որ բանավեճերը երբեք չվերաճեն փոխադարձ վիարվորանքների, միմյանց կարծիքը հարգվի: Ես էլ եմ մեղկ, ամբողջ օրը էստեղ եմ ու խնայեն ինձ, մի քիչ ավելի կառուցողական ու հանդուրժող լինեն միմյանց ու խնդիրների նկատմամբ: Ձեր կայքին կցանկանամ, որ լինեք առանձնահատուկ, վեր լինեք քլիքամոլություն կոչվող սարսափելի որակից, հետաքրքիր նյութեր ունենաք ու հասնեք այն նպատակին, ինչի համար կայքը ստեղծել եք: Ես արդեն երեք տարի է իմ ուժերի ներածին չափով փորձում եմ առողջացնել բլոգոլորտը, կուզեի դուք էլ միանաք իմ նման մտածող մի շարք ֆեյսբուքում ակտիվ, լրատվականներում աշխատող մարդկանց ու միահամուռ ուժերով դաշտը մաքրենք մոլախոտերից, ովքեր մի քանի ավել քլիքի համար երբեմն կարող են անգամ մարդկանց կյանքի ու պատվի հետ խաղալ: Կայքի անունն շատ լավն ա, կուզեի որ Ֆեյսբուքահայ եզրույթը որակապես էլ կազմված լինի մարդկանցից, ովքեր լավ եղանակ են ստեղծում Ֆեյսբուքի հայկական տիրույթում: Ֆեյսբուքահայը վաղուց արդեն բառից վեր է ածվել ուժի, թող այդ ուժը միշտ լավ նպատակների ծառայի ու դուք էլ լինեք այդ ուժի կրողն ու ձայնը տեղ հասցնողը :)   Շնորհակալություն բարեմախթանքների համար, մեր կայքը ստեղծված է հենց Ֆեյսբուքահայության ձայնը հանրությանը հասցնելու , ինչպես նաև առողջ բլոգոլորտի ձևավորման համար :) - Բավականին հաճելի զրույց ստացվեց, շնորհակալ եմ զրույցի համար ))) ...

    Կարդալ ավելին
  • Բարև Ձեզ հարգելի՛ Անժելա: Վերջին շրջանում հաջողության անիվը ձեր շուրջն է պտտվում և դուք վերջերս շահել էիք 3 միլիոն դրամ <<Ինեկոբանկ>>ից: Խնդրում եմ մանրամասնեք: - Հաջողության անիվից դժգոհել չեմ կարող, քանի որ այն միշտ իմ շուրջն է պտտվում, որքան էլ դա տարօրինակ և օտարների համար անտրամաբանականա կթվա առաջին հայացքից։ "Ինեկոբանկ"-ի հայտարարած մրցույթի հաղթանակն ինձ համար թվով երրորդն էր՝ մրցանակի խոշորությամբ։ Նախանցած տարի գրեթե նույն ժամանակահատվածում մեքենա էի շահել, իսկ անցած տարի այս մրցանակի ուղիղ կեսը՝ մեկ ու կես միլիոն դրամ՝ "ԱԿԲԱ" բանկի կողմից կազմակերպված մրցույթում հաղթող դառնալով։ Մրցույթին մասնակցել եմ բոլորի պես, և իմ հաղթանակի գրավականը կարող եմ համարել հաղթելու շատ ուժեղ ցանկությունը, հնարավորությունների առավելագույն օգտագործումն ու շատ լավ և պատրաստակամ ընկերների առկայությունը։   Ինչպե՞ս եք պատրաստվում ծախսել այդ գումարը - Դեռ չեմ որոշել։ Հարազատներիս նվերներ կգնեմ, իսկ գումարի մեծ մասը երևի կպահեմ, հետագայում, որևէ գործի մեջ ներդնելու նպատակով։   Ֆեյսբուքում հայտնի եք որպես կրեատիվ խաղալիքներ պատրաստող անձ, շարունակելո՞ւ եք ձեր խաղալիքների պատրաստումը և վաճառքը: - Հայտնի՞, չգիտեի)); Մեկ-երկու ամիս է, ինչ սկսել եմ խաղալիքներ պատրաստել, բայց արդեն վստահ եմ, որ դա այն է, ինչով ես ուզում եմ զբաղվել։ Այո՛, շարունակելու եմ և փորձելու եմ ավելի զարգացնել։ Ինչպե՞ս պատահեց, որ ձեր խաղալիքը հայտնվեց <<Արմենիա>> հեռուստաընկերության <<Ժամը>> լրատվականի տաղավարում: - Իմ լավ ընկեր Խաչիկ Եղոյանը պարբերաբար պատվիրում է ինձ մոտ փոքրիկ ձնեմարդուկներ՝ իր ընկերներին նվիրելու համար։ Այդ օրը նա հյուր էր իր՝ "100 դուռ" լուսանկարչական ցուցահանդեսի մասին խոսելու նպատակով, և որոշել էր մեկ ձնեմարդուկ նվիրել հաղորդավարուհի Գայանե Ասլամազյանին, ում թեթև ձեռքով էլ խաղալիքը հայտնվեց ուղիղ եթերում։   Դուք նաև <<Ռեսո>> ապահովագրական ընկերությունից շահել էիք ապահովագրություն, այդ մեկը ինչպե՞ս շահեցիք :)))) - Արդեն մի տեսակ անհավատալի է չէ այս ամենը))) Ինձ համար էլ) "Ռեսո"-ն էլ հայտարարել էր լավագույն լուսանկարի մրցույթ՝ միայն աղջիկների համար։ Լուսանկարում պետք է լինեի ես և իմ մեքենան։ Նկարն ուղարկեցի, բայց ոչ հետաքրքրվել եմ մրցույթի ընթացքով, ոչ լայքեր եմ հավաքել, քանի-որ նախ չեմ սիրում լայքերով մրցույթներ, հետո էլ, անկեղծ ասած, Ինեկոյի մրցույթով էր ամբողջ ուղեղս զբաղված։ Իսկ հաղթանակի մասին շատ պատահական եմ իմացել, նույն օրը երեկոյան։ Ու շատ ավելի հաճելի էր իմանալ, որ ոչ թե հաղթել եմ լայքերով, այլ ինձ ընտրել էին չորս կազմակերպությունների ներկայացուցիչները։   Առջևում Նոր տարի է, բայց այսքանից հետո անիմաստ է ձեզ հարցնելը թե ի՞նչ եք ցանկանում Ձմեռ Պապիկից, ինչպես դուք էիք կատակել ձեր վերջին գրառումներից մեկում, որ Ձմեռ Պապիկը ձեզանից պետք է ինչ-որ բան ցանկանա,համենայնդեպս ի՞նչ ակնկալիքներ ունեք Ձմեռ Պապուց: - Ավելի շուտ կուզեի շնորհակալություն հայտնել ինձ ամեն Նոր տարվա շեմին մեծ նվեր մատուցելու համար։ Ու կցանկանայի, որ այդ ավանդույթը երբեք չխախտվեր))))   Հաջողակ միլիոնատերը Նոր տարին նշելու է տանը, թե՞ այլ վայրում :))) - Ցավոք սրտի, այս տարի միակ տարին է, որ ամանորը նշելու եմ աշխատանքի վայրում,բայց դա ինձ չի խանգարի հաջորդ օրը հարազատներիս հետ նշել: )))   Հավատու՞մ եք, այն ասացվածքին, որ <<Ինչպես սկսեք տարին այնպես էլ կշարունակվի>>: - Ավելի շուտ վստահ եմ, որ ամեն ինչ կախված է մեզնից։ Ինչպես տրամադրվես անցկացնել տարին, այնպես էլ կանցնի; Ու կարևորը, որ դա չեզրափակվի միայն տրամադրվելով։ Դեպի նպատակը պետք է գնալ հաստատուն քայլերով և պետք է ներդնել ուժերի առավելագույնը։   Դուք ունեք ձեր ընկերներում <<մուսա>> ընկերներ, ինչպես շատ ֆեյսբուքահայեր: - Ես ինքս եմ մուսա : )) Բայց ունեմ ընկերներ, որոնք ինձ ուժ են տալիս և ստիպում են, որ հավատամ իմ ուժերին։   Շնորհակալություն հետաքրքիր հարցազրույցի համար և վերջում ի՞նչ կցանկանաք ֆեյսբուքահայերին և մեր կայքին: - Ձեզ նույնպես շնորհակալություն։ Կցանկանայի, որ իրենց մեջից հանեին անհավատությունը մրցույթների նկատմամբ։ Հենց դա է, որ խանգարում է։ Եվ շատ կուզեի, որ դիմացինի հաղթանակն էլ չընդունեին, որպես իրենց պարտություն, այլ որպես խթան՝ հետագայում նույն իրավիճակում հայտնվելու համար։ Թող Նոր Տարին բոլորիդ հաղթանակներ բերի,իսկ Ձեր կայքին կմաղթեմ հետաքրքիր զրուցակիցներ, շատ-շատ այցելուներ և միայն դրական նյութեր։ Շնորհակալ եմ որպես զրուցակից ինձ ընտրելու համար : ) ...

    Կարդալ ավելին
  • Բարև Ձեզ, հարգելի Լյուսի: Դուք համարվում եք ամենաազատ արտահայտվող օգտատերը և ամենասկանդալայինը: Որքա՞ն ժամանակ է՝ գրանցված եք ֆեյսբուքում: - Ողջույն: Եթե ազատ արտահայտվող եմ համարվում, ապա անթաքույց շնորհակալություն հաճոյախոսության համար: Ազատությունն ինձ համար բացարձակ արժեք է: Գրանցված եմ 2010-ից:   Ձեր ցանկացած գրառում ֆեյսբուքում բուռն քննարկման առիթ է դառնում: Ի՞նչ եք կարծում՝ ինչո՞վ է դա պայմանավորված: - Հայաստանում սկանդալի պոտենեցիալ աղբյուր ու հախուռն քննարկման առիթ են այնպիսի թեմաները, որոնք բնականոն են եվրոպական առաջադեմ երկրներում: Խոսում եմ սեքսի մշակույթից, հաշմանդամությամբ կամ հոգեկան խնդրով երեխաներից, ամուսնալուծությունից, տարբեր խտրականություններից և այլն. սրանք պայթյունավտանգ թեմաներ են հայ հասարակության մեծ մասի համար:   Դուք երեկ մի գրառում կատարեցիք, որտեղ նշված էր, որ առանց աչք թարթելու գրում եք կունիլինգուսի մասին: Արդյոք չե՞ք վախենում արձագանքներից: - Ի նկատի ունեի կունիլինգուսի մասին այն նյութս, որը մի քանի օրում մոտ 30.000 դիտում ունեցավ: Այսինքն այդ թեմայի նկատմամբ հետաքրքրություն ու գրագետ լուսաբանման կարիք հաստատ կա: Վախենալու եմ համարում միայն քրեական օրենսգիրք ու սահմանադրության որևէ կետ խախտելը, այլ ոչ սեքսի ամենանուրբ հատվածներից մեկի մասին նյութ գրելը:   Ֆեյսբուքում շատերն են խոսում այն մասին, որ եթե այդպիսի գրառումներ եք անում, ուրեմն այնքան էլ «տան աղջիկ» չեք, և եթե պահը գա դավաճանելու Ձեր ամուսնուն կդավաճանեք նույնիսկ առանց աչք թարթելու: Ի՞նչ կասեք այդ մասին: - «Տան աղջիկ» երբեք չեմ եղել, համենայն դեպս հոգեբանական դիմագծով: Շատ ավելի առողջ, ազատ ու ինքնաբավ եմ այդ մակերեսային պսևդոարժեքից: Իսկ ֆեյսբուքում «շատերն են խոսում»-ն ինձ առհասարակ չի հետաքրքրում, հակառակ դեպքում չէի կարողանա աշխատել ու նյութեր գրել:   Ձեր գրառումները հաճախ են համեմված լինում վիրավորանքներով, որոնք անգամ տղաներից շատերն ամաչելով են կարդում, երբևէ մեր հասարակության մեջ նմանատիպ երևույթ չէր եղել, և Դուք առաջինն եք, ինչ-որ խնդիրներ ունեցե՞լ եք ձեր գրառումների պատճառով: - Ինչ-որ մի մեծ թյուրիմացության հետ գործ ունենք, կարծում եմ: Իմ ոչ մի գրառման կամ հոդվածի մեջ երբեք չի եղել ու չի լինի որևէ անպատվություն, հայհոյանք կամ անձնային վիրավորանք որևէ մեկի հասցեին: Պարզապես հիվանդագին երևույթներին տրված բնութագրերս են սուր կամ տպավորիչ, այդքան բան:   Դուք ամուսնացած եք, ունեք երեխա, բայց անկեղծ զրույցներ եք վարում ֆեյսբուքյան այլ օգտատերերի հետ սեքսի մասին: Ձեր ամուսինն ինչպե՞ս է վերաբերվում այդ ամենին: - Ի՞նչ կապ ունի ընտանիք ու երեխա ունենալը նյութերիս վերաբերյալ օգտատերերի հարցերին պատասխանելու, խնդիրը լսելու ու որևէ մասնագետի մոտ ուղղորդելու կամ խնդրի վերաբերյալ անձնական կարծիք հայտնելու հետ: Ինչ վերաբերում է ամուսնուն, ապա վստահաբար կարող եմ ասել, որ ինձ հետ ապրում է երկրի ամենաադեկվատ մարդը, ով երբեք չի մտնում ֆեյսբուքյան իմ էջը:   Ինչպես երևում է Ձեր նկարներից, սիրում եք գիշերային կյանքը: Ամուսնությունից և երեխա ունենալուց հետո ժամանակ գտնու՞մ եք զվարճանալու գիշերային ակումբներում: - Գիշերային կյանքն ու ժամանցն ամուսնանալ-չամուսնանալու հետ չեմ կապում: Եթե որևէ միջոցառում հետաքրքիր է, կազմակերպման ժամն ինձ որևէ կերպ չի խանգարի: Իսկ այ երեխայից հետո տանից գրեթե դուրս չեմ գալիս:   Հայ հասարակությունը սովոր չէ, երբ աղջիկը ծխում է, գիտի քֆուրներ և խոսում է սեքսի մասին, առավել ևս կունիլինգուսի մասին: Չե՞ք կարծում, որ Ձեր ֆեյսբուքյան գրառումները ապագայում կարող են վատ ազդել Ձեր աղջկա վրա: - Ըստ իս՝ ծխելը սեռի հետ որևէ աղերս չունի: Հայհոյանքների կարելի է հանդիպել ամեն 10-րդ ֆբ-յան օգտատիրոջ գրառման մեջ, որն ինձ մոտ սրտխառնոց է առաջացնում: Իսկ աղջիկս հեռու կմնա վայրի-քարվանսարային մտածելակերպից:   Առջևում Նոր Տարի է, Դուք որտե՞ղ եք պատրաստվում նշել այն: - Տանն եմ նշելու:   Առհասարակ որտե՞ղ եք սիրում նշել Նոր Տարին, տա՞նը, թե՞ մեկ այլ վայրում: - Առհասարակ, նախընտրում եմ մեծ ընկերախմբով նշել ցանկացած իրադարձություն կամ միջոցառում:   Ձմեռ Պապիկից ինչ-որ բան խնդրե՞լ եք: - Երբեք մտքովս չի անցել Ձմեռ Պապից որևէ բան խնդրել: Դասական առումով, ռոմանտիկ ու սենտիմենտալ չեմ:   Սիրու՞մ եք Նոր Տարին: - Կարելի է ասել՝ անտարբեր եմ:   Եթե գաղտնիք չէ, ի՞նչ եք նվիրելու Ձեր ամուսնուն Նոր Տարվա կապակցությամբ: - Արդեն նվիրել եմ. hand-made բրդյա տաքուկ շարֆ:   Շնորհակալություն բովանդակային հարցազրույցի համար, և վերջում՝ ի՞նչ կցանկանաք Ձեր ֆրենդերին և ընդհանրապես հայերին ու մեր նորաստեղծ կայքին: - Ես էլ եմ շնորհակալ հարցերի համար: Ֆեյսբուքյան ընկերներիս, հայերին ու կայքին շատ կարևոր երկու բան եմ մաղթում՝ բարձր ինքնագնահատական և ադեկվատություն ամեն հարցում :)    ...

    Կարդալ ավելին
  • Հարգելի՛ Սեյ Բարև Ձեզ, ինչպե՞ս եղավ, որ դուք որոշեցիք գրանցվել Ֆեյսբուքում և ի՞նչը դրթեց ձեզ կատարել ձեր առաջին գրառումը - Բարև Ձեզ, Ես գրանցվել եմ ՖԲ-ում մոտ 3 ու կես տարի առաջ, երբ ֆեյսում հայերը շատ քիչ էին: Ես առհասարակ սեր չունեի ոչ գրառումների հետ, ոչ էլ ֆեյսի հետ, ուղղակի գրանցվել էի զուտ նորություններին ու հայտնի մարդկանց գրառումներին հետևելու համար, բայց հետո կամաց-կամաց ավելի հաճախ այցելեցի կայք ու էդպես առաջին գրառում կայքերի մասին, տեղեկություններ,թարգմանություններ, հետո արդեն սեփական էջ ու էդպես շարունակ:   Ինչեք կարծում ինչու՞մ է կայանում ձեր գրառումների շառմը, որ ձեր ամեն գրառում հավաքում է 100ավոր հավանումներ և ունեք այդքան շատ հետևորդներ - Ես հարցազրույցներից մեկում ասել եմ, հիմա էլ կասեմ. ես գրում եմ էն, ինչ էտ պահին մտածում եմ, ու գտնում եմ, որ իմ նման մտածող մարդիկ միգուցե և գտնվեն ՖԲ հետևորդներիս ու ընկերներիս մեջ, ու արդյունքը Դուք տեսնում եք : Հարցը էստեղ լայքերի մեջ չէ, լայքը զուտ համաձայնության նշան է այն ամենին, ինչը դու գրում ես, ու ինչը քո հետ կիսող շատ մարդիկ են գտնվում : Էսքան բան   Հաշվի առնու՞մ ես քննադատությունները - Միանշանակ. շատ են եղել էդպիսի դեպքեր, երբ սուր քննադատության են արժանացել գրառումներս, հատկապես նրանք, որոնք իրենց մեջ նահապետական ու պապենական հին արժեքների հակադրումն է պարունակել էսօրվա նոր արժեքների ու գաղափարների դեմ: Քննադատությունները միշտ էլ ընդունել եմ, ու անգամ եղել են դեպքեր, երբ փոխել եմ կարծիքս թե գրածիս վերաբերյալ, թե մտածելակերպիս: Չէ՞ որ մենակ հիմարները երբեք կարծիք չեն փոխում   Եղե՞լ են այնպիսի սուր քննադատություններ, որի պատճառով նույնիսկ ստիպված ես եղել գրառումդ ջնջել - Անկեղծ ասած այո ։) Հետո որ կարդում ես գրառումդ արդեն ուղեղիդ մեջ ֆիլտրացիա անելով թե դրական թե բացասական կարծիքները, լինում են դեպքեր, երբ ջնջում եմ գրառումս սեփական իսկ որոշմամբ։   Ֆեյսբուքահայերից շատերը ունեն մուսա ֆրենդներ, դու ունե՞ս այդպիսի ֆրենդներ - Իհարկե ։) Ինչ կալիբրի ու ձևի ֆռենդ ասես որ չունեմ` ծայրահեղությունից - ծայրահեղություն։ Ես իրենց իսկ գրառումներով և՛ ոգևորվում են, և՛ հիասթափվում, և՛ նոր մտքեր են առաջանում։   Ինչպիսի՞ գրառումներն են ձեզ հունից հանում - Շատ պաթոսային գրառումներն ու օտարամոլ արժեքների վերաբերյալ դրական արտահայտվող մարդկանց գրառումները։ Սխալ չհասկանաք, թե դեմ եմ եվրոպական արժեքների ներթափանցմանը, ուղղակի իրոք կան թաբուներ, որոնցից այն կողմ ոտնահարվում տվյալ ազգի էթնիկական առանձնահատկությունը մյուսներից։ Այս դեպքում հենց հայերինս։ Բայց չեմ հուսալքվում, քանի որ կան դեռ էնպիսի մարդիկ, ովքեր պայքարում են այդ ամենի դեմ, որպեսզի պահպանվի ամեն ինչի համն ու հոտը։   Առջևում Նոր Տարի է, ի՞նչ եք խնդրել Ձմեռ Պապիկից - Անկեղծ ասած, մենակ խաղաղ ու անփորձանք ծառայություն թե՛ ինձ, թե համայն հայոց բոլոր զինվորներին : )   Նոր Տարին սիրում եք տանը նշել, թե՞ այլ վայրում - Միանշանակ տանը։ Նոր Տարին այն տոնն է, որը տուն է սիրում, տան ջերմություն։ Երազանք ունեմ, որ կգա մի տարի, երբ մի տան մեջ կհավաքվեն իմ բոլոր հարազատները` մեծից փոքր, ու այդ տարին գերդաստանի բոլոր ներկայացուցիչներով կնշենք, այն էլ Հայաստանում։   Շնորհակալություն հարցազրույցի համար և վերջում ի՞նչ կմախթեք ձեր ֆրենդներին և մեր նորաստեղծ կայքին - Բոլորին, ոչ միայն ֆռենդներին, կմաղթեմ քաջառողջություն, որովհետև էսօր ամենաթանկը առողջությունն է, ու առանց դրա էլ լրիվ անիմաստ։ Ու միշտ մի կորցրեք պայքարելու ու հաղթելու գաղափարը։ Իսկ կայքին կմաղթեմ անխափան գործունեություն, նորանոր հաջողություններ, ու կանաչ ճանապարհ։ Ձեր կայքը ինձ եզակի թվաց այն առումով, որ Դուք տարբերվում եք մյուս լրատվականներից նրանով, որ Ձեր նորություններն ու գրառումները վերաբերվում են հենց հայկական ֆեյսբուքյան միջավայրին։ Շնորհավորում եմ նաև Ձեր գալիք Ամանորն ու Սուրբ Ծնունդը ։ ) ...

    Կարդալ ավելին
  • Հարգելի՛ Զոհրապ, բարև Ձեզ: Նախ շնորհակալություն, որ գործուղման մեջ գտնվելով՝ չմերժեցիք մեզ հարցազրույց տալ: Դուք արդեն մեկ տարուց ավելի է, ինչ ԿԳՆ նախարար՝ Արմեն Աշոտյանի մամլո խոսնակն եք: Հե՞շտ է լինել պարոն Աշոտյանի մամլո խոսնակը : - Բարև Ձեզ, մամուլի խոսնակը պարտավոր է նույնիսկ արձակուրդի ընթացում պատասխանել լրագրողների հարցերին : ) Իհարկե, ես դա անում եմ հաճույքով, քանի որ շատ եմ սիրում իմ աշխատանքը: Այո՛, Դուք ճիշտ եք հիշում, արդեն մեկ տարուց ավել է, ինչ զբաղեցնում եմ պարոն Աշոտյանի մամուլո խոսնակի պաշտոնը և կարող եմ ասել, որ իմ նախարարի հետ աշխատելը և՛ շատ հեշտ է, և՛ շատ բարդ: Հեշտ է, որովհետև լրագրողների հետ ուղղակի շփումը շատ է: Նախարարը մշտապես շփվում է լրատվամիջոցների հետ, և վստահաբար կարող եմ ասել, որ իմ ղեկավարը ( հայոց պատմության ողջ ընթացում) ԶԼՄ ների հետ ամենաբաց աշխատող պաշտոնյաներից մեկն է : ) Սա իհարկե , շատ է հեշտացնում խոսնակի գործը ( թերևս լրագրողներն ինձ լավ կհասկանան), իսկ բարդ է այն առումով, որ գործ ունես 3 օտար լեզուներ փայլուն տիրապետող , միջազգային լրատվականների ու տարբեր կազմակերպությունների սերտ շփվող ղեկավարի հետ, ուստի ստիպված ես ամեն օր մոնիտորինգի ենթփարկել մի շարք մոտ և հեռու հարևանների լրատվամիջոցները, և կատարելագործել օտար լեզվի գիտելիքներդ : ) Ես ունեմ «ԱՐՄԵՆ ԱՇՈՏՅԱՆ» բառակապացկության թարգմանությունը 6 լեզունեով և ամեն օր որոնողական համակարգերով փնտրում եմ , ու շաբաթը գոնե երկու-երեք անգամ լինում են հրապարակումներ, որտեղ նշվում է իմ նախարարի անունը: Բնականաբար, լինում են նաև հիստերիայի հասնող հրապարակումներ, հատկապես մեր և Արցախի արևելյան հարևանի լրատվականներում: Բարդ է նաև այն, որ պարոն Աշոտյանն ամեն ինչ է նկատում ու աշխատանքում շատ խստապահանջ է: Անհնար է որևէ հանձնարարություն կամ որևէ թեմա, որ բարձրաձայնվել է մամուլով կամ սոցցանցերով, համապատասխան ուշադրության չաժանացնել կամ փորձել չզեկուցել՝ համապատասխան կարևորություն չտալով : )   Ինչ-որ բան փոխվե՞ց ձեր կյանքում,պաշտոնյայի խոսնակ դառնալուց հետո: Ինչ-որ առավելություններ կամ պարտականություններ առաջացա՞ն: - Խոսնակի աշխատանքը ես շատ եմ սիրում և շնորհակալ եմ իմ ներկա ու նախորդ ղեկավարներից՝ Գյումրու քաղաապետ Սամվել Բալասանյանից և ԿԳ նախարար՝ Արմեն Աշոտյանից, որ ինձ հնարավորություն տվեցին մտնել այս ոլորտ և զարգանալ՝ որպես մասնագետ: Շնորհակալությունը զուտ խոսքեր չեն, և այս մասին ես խոսում եմ ամենուր:     Քանի՞ տարեկանում եք իմացել, որ Ձմեռ պապի չկա և իմանալուց հետո շա՞տ եք տխրել: - Իսկ ո՞վ է ասել, որ չկա Ձմեռ պապին: Դուք առաջին անգամ ապատեղեկատվություն եք տարածում ))))) Ինձ Ձմեռ պապն այս տարի խոստացել է BMW x5, և անպայման իր խոստումը կատարելու է:   Ձեր փոքրիկները այս տարի սպասո՞ւմ են Ձմեռ պապիկի գալուն, և ի՞նչ ենք խնդրել նրանից: - Խնդրանքները բազմաթիվ են եղել՝ սկսած մանկական գնացքից, մինչև իսկ վերոնշյալ BMW x5-ը )))))))   Ֆեյսբուքահայությունը հայտնի է, թե դուք որքան հոգատար հայրիկ եք: Եթե գաղտնիք չէ, որտե'՞ղ եք տանելու ձեր երեխաներին Նոր տարվա օրերին : )     - Նոր տարին միշտ դիմավորել եմ տանը` բացառությամբ բանակում ծառայելու տարիներին անցկացրած երկու ամանորերի: Առհասարակ, կարծում եմ՝ Նոր տարին պետք է նշել տանը, և հենց Հայաստանում, խոստովանենք, որ բոլորս էլ այն շատ ենք սիրում, հատկապես՝ Նոր տարվա ծախսերը, միմյանց տուն գնալը՝ «ԿԵ՛Ր, ՄԵՐ ԲՈՒԴԸ ՈՒՐԻՇ է», «ԵԹԵ ՄԵՐ ՏՈԼՄԱՆ ՉՈՒՏԵՍ, ԿՆԵՂԱՆԱ՛Մ» և նմանատիպ այլ արտահայտությունները ))))   Նոր տարվա գիշերը պատրաստվո՞ւմ եք ձեր փոքրիկների համար դառնալ Ձմեռ պապի : ) - Մեկ անհաջող փորձ արել եմ. Ինձ տեսնելուց հետո՝ մայրը սարսափած երեխաներիս երկար ժամանակ չէր կարողանում հանգստացնել , ուստի այս տարի դժվար թե վախեցնեմ իմ բալիկներին : )   Դուք ձեր ֆրենդներում ունե՞ք այնպիսի մարդիկ , որոնց էջերին հետևում եք, և իրենց բոլոր գրառումները կարդում եք: - Իհարկե, կա՛ն: Ասեմ ավելին, ես ունեմ մուսա ֆրենդներ, որոնք միշտ լավ գաղափարներ ու գրառումների թեմաներ են հուշում:   Ինչպիսի՞ գրառումներից եք նյարդայնանում: - Բացասական լիցքեր հաղորդող գրառումներից, երբ մարդիկ իրենց վատ տրամադրությունը կամ անձնական խնդիրները սկսում են տարածել այլոց վրա:   Քանի՞ օգտատեր ունեք սև ցուցակում և ինչի՞ համար եք նրանց արգելափակել: - Մոտ 68 օգտատերեր կան իմ սև ցուցակում, և մինչև վերջերս հիմնականում ադրբեջանա-թուրաքկան վիրտուալ տիրույթից էին, բայց այսօր արդեն 4 հայեր էլ կան ))))   Ի՞նչ կցանկանաք ձեր ֆրենդներին այս Նոր Տարում և մեր Նորաստեղծ կայքին: - Ֆրենդներիս ցանկանում եմ շատ լայքեր,շատ ստատուսներ որտեղ կերևան որ նրանք ամուսնացել են,նրանք հարաբերությունների մեջ են,իրենց երխան ծնվեց,շատ չեքիններ օդանավակայաններում և նմանատիպ լավ բաներ,իսկ Ձեզ ցանկանում եմ,որ ինչպես ձեր նորամուտը եղավ շատ գեղեցիկ ու շատ դրական,այնպես էլ ձեր զարգացումը շարունակվի դրական ու գեղեցիկ ֆոնի ներքո,որը կարողացել եք այս կարճ ժամանակում ստեղծել: ...

    Կարդալ ավելին
  • Բարև Անկախ ջան, Դուք ֆեյսբուքում ամենահայտնի օգտատերն եք, ում ոչ մեկ չի ճանաչում, բայց կուրորեն հավատում է Ձեր ամեն խոսքին, ինչպե՞ս է դա Ձեզ հաջողվում: Բարև Ձեզ, ես ինձ չեմ համարում ամենահայտնի օգտատերը, ես ինձ համարում եմ ֆեյք օգտատերերից ամենահայտնիներից մեկը: Կուրորեն հավատալու խնդիր չկա, ուղղակի ունեմ ընթերցողների «բանակ» ովքեր ոչ միշտ են կիսում իմ կարծիքը ու ովքեր կարողանում են սթափ դատողությամբ քննադատել ինձ, որին էլ ես շատ ադեկվատ եմ մոտենում: Հե՞շտ եք կարողանում Ձեզ վերահսկել և չբացահայտել Ձեր ինքնությունը, երբ ամբողջ ֆեյսբուքահայությունը խոսում է «Անկախ Հայաստան»-ի մասին Միշտ չէ, որ հեշտ է, բայց ինչպես կասեին մեր լավ ախպերները՝ «Պետքի հմար է»: Ինչու՞ են Արմեն Աշոտյանը և Թևան Պողոսյանը Ձեզ համար քիֆեր Ի’, բ՞ա Ստյոպա Սաֆարյանը ու Կարմեն Դավթյանը: Իրանք իմ քիֆերն են ի վերուստ, դրան բացատրություն չկա, ամեն մեկը մի արժանիքի համար: ՖԲՀ-Հանրությունը շատ զարմացավ, որ Արմեն Աշոտյանին և Թևան Պողոսյանին հայտարարեցիք, որ Ձեր քիֆերն են,այդ իսկ պատճառով առանձնացրեցինք նրանց: Պատահե՞լ է,որ խանութում,կամ մեկ այլ վայրում լսեք,որ խոսում են ձեր մասին:   Չէ ես անձամբ չեմ լսել, բայց լսողներ եղել են Եթե լսեք ի՞նչ-որ ռեակցիա կտաք: 99 տոկոսով՝ ՈՉ, բայց մեջս ինձ լավ կզգամ: Ի՞նչը չեք կարողանում հանդուրժել: Անիմաստ քննադատությունները ու, որ սիրուն ֆռենդուհիներս երկար ժամանակ նկար չեն տեղադրում   Շատ շատերը ձեզ ու «Individuum casting»-ի տնօրեն Աշոտ Սարգսյանին համարում են նույն մարդը,ի՞նչ կասեք այդ մասին: Այ ՖԲՀ ջան, տենց, որ լինի շատերը ասում են, թե իմ էջը մի 100 հոգով մի կերպ յոլա ենք տանում, իսկ իմ՝ ստատուս գրելու «գների» մասին լեգենդներ են ֆռֆռում: Էնպես, որ ամեն խոսքի մի հավատացեք: Համ էլ դեմ չեմ լինի, որ Աշոտը իմ ֆեյքը լինի :)) Մենք գիտենք որ Անկախ Հայաստանը շատ <<բաբնիկ>> է, շատ աղջիկների ե՞ք հուսախափ արել՝ տեղ ասել չգնալով: Ես կյանքում ինձ թույլ չեմ տա աղջկա հետ պայմանավորվել ու չգնալ՝ ստիպելով իրեն վատ զգալ... Կյանքում չհավատաք. տենց բան չի լինի: Եթե ասել եմ ուրեմը գնացել եմ, բայց թե եղել է տենց դեպք, կամ ոչ, չեմ ասի: Անկախ Հայաստանը շա՞տ գեղեցիկ ֆռենդուհիների է խոսացնում,իր ռեյտինգը օգտագործելով Ես չեմ խոսացնում, ես շփվում եմ ու, ինչ մեղքս թաքցնեմ, Անկախը լինելը օգնում է: Շնորհակալություն հարցազրույցի համար և վերջում ի՞նչ կցանկանաք ֆեյսբուքահայերին և մեր նորաբաց կայքին Ձեր նորաբաց կայքին ցանկանում եմ, որ երբեք վատ իմաստով իմ «պատին» չհայտնվեք, իսկ ֆեյսբուքահայերին էլ ամեն օր իմ ցանկությունները կամաց-կամաց հայտնում եմ: ...

    Կարդալ ավելին
  • Միքանի օր է ինչ ֆեյսբուքահայության շրջանում լայն տարածում է գտել Կարպիս Փաշոյանին աշխատանքից հեռացնելու թեման: Մեր կայքը զրուցեց Կարպիս Փաշոյանի հետ ֆեյսբուքահայությանը հուզող հարցերին պատասխաններ տալու նպատակով: Բարև Ձեզ, դուք մինչ այս դեպքը,այլ խնդիրներ ունեցել եք դպրոցում, տնօրենի կամ ուսուցիչների հետ ?  Մինչև ՈՉ-ի շարժումը, երբևէ խնդիրներ չեն եղել, ավելին՝ բոլորի հետ ունեցել եմ ջերմ հարաբերություններ Իսկ դուք դպրոցում ՈՉ-ի քարոզ կատարել եք,ինչպես պնդում են ուսուցիչները? Աշակերտները տեսանյութերում այդ հարցին պատասխանել են, ոչ երբեք նման գործունեությամբ չեմ զբաղվել: ԿԳՆ-ից ինչ-որ արձագանքներ կան այս դեպքի առթիվ, ձեր հետ չեն փորձել կապնվել? ՈՉ Եթե նախարարի հրաման լինի, ըստ որի դուք վերականգնվեք աշխատանքի,պատրաստ եք ետ գնալ դպրոց? Այլևս չեմ կարող աշխատել այդ նույն տնօրենի և ուսուցիչների հետ: Ձեզ առաջարկ եղավ Անանիա Շիրակացու անվան ճեմարան-ում աշխատելու, արդեն կապնվել եք ճեմարանի տնօրինության հետ? Հանդիպում եղել է, բայց հարցը դեռ վերջնականապես քննարկված չէ, մասնավորապես կան մի շարք ընթացակարգեր: Շնորհակալություն հարցերին սպառիչ պատասխաններ տալու համար Շնորհակալություն հարցերի համար Հ.Գ. Մեր կայքը դատապարտում է նմանօրինակ դեպքերը, երբ ուսուցչին հանում են աշխատանքից զուտ իր քաղաքական հայացքների համար և պատրաստ է լուսաբանել այս խնդիրը: ...

    Կարդալ ավելին

Քաղաքականություն