• «Հեղափոխության» վախճանը Վաղն երեկոյան ութին` «Նոր Հայաստանը» հրավիրում է իր վճռորոշ հանրահավաքը: Ըստ չգրված օրենքների` այդ հանրահավաքից առաջ կամ հետո` պետք է սպասել իշխանությունների վճռորոշ քայլերին: Այսօր հրապարակ գյումրեցի երկրապահնեիի ներխուժումը` դրա նախերգանքն է:  Միշտ այդպես է. երբ հայտնվում են կեղծ հեղափոխականներ, նրանց պատասխանում են կեղծ ուժայիններ: Մի բան գիտեմ, որ ասում եմ... Նյութի աղբյուր՝ https://www.facebook.com/surenyants/posts/905387149510830 ...

    Կարդալ ավելին
  • ՀԱԿ շտաբը լայն թափով «Հատուկ կարծիքներ »է բաժանում Ինչպես կասեր հայտնի «Տղամարդիկ» ֆիլմի հերոսը՝ մտածել է պետք։ ՀԱԿ-ը մտածել-մտածել ու շրջաբերականներ, ավելի շուտ՝ շպառգալկաներ է իջեցրել իր բոլոր վստահված անձանց, մշակել «գերստեղծարար» մի մարտավարություն, որը գործի է դնելու վաղը՝ ընտրությունները սկսելուն պես։ Շպառգալկաներում գրված են տեքստեր՝ հնարավոր և անհնար խախտումների մասին։ Ու հանձնարարված է վստահված անձանց բոլոր ընտրատեղամասերի հատուկ կարծիքի մատյանները ողողել այդ գրություններով։ «Տեղամասերի մոտ կուտակումներ են», «անցկացվում է կարուսել», «մեռած հոգիներ՝ ընտրացուցակներում»՝ հրահանգված է ահա այսպիսի բովանդակությամբ տեքստերով հանդես գալ։ ՀԱԿ-ի կրեատիվությանը թարմություն հաղորդելու համար մեր կողմից հատուկ կարծիքի մի քանի նմուշ առաջարկենք՝ «կրկին շատ անսպասելի ձյուն տեղաց և խոչընդոտեց ընտրողների ակտիվությանը», «իշխանության ներկայացուցիչը գողացել է Պետրոս պապի ակնոցը, որպեսզի վերջինս չկարողանա քվեարկել», «ՀՀԿ վստահված անձինք ընտրատեղամասերի մուտքի մոտ բանանի կլեպներ են գցել, որ ընտրողները սոտ տան, ընկնեն ու չհասնեն քվեատուփին»…   Նյութի աղբյուր՝ https://www.facebook.com/avagyankaren/posts/944387315634918 ...

    Կարդալ ավելին
  • Իրաքի հյուսիսի Բաշիկայի շրջանը, որտեղ մուտք են գործել թուրքական զորքերը, ավանդաբար բնակեցված է միմյանց հետ բավական սերտ և բարիդրացիական հարաբերություններ պահպանող եզդիների, ծայրահեղ շիայական դավանական հոսանքներից մեկի հետևորդ շաբաքների և քրիստոնյա ասորիների մեծամասնությամբ: Ինչպիսի ճակատագիր է սպասում նշված էթնիկ-դավանական խմբերին վերջիններիս բնօրրանում «Իսլամական պետության» հետ հազար ու մի թելերով կապված Էրդողանի վարչակարգի զորքերի ներկայության պայմաններում դժվար չէ կռահել: Ըստ էության, լրջագույն ներքրդական քննարկման առարկա պետք է դառնա նաև Իրաքի քրդական ինքնավարության ղեկավարների դիրքորոշումը, ում փաստացի հրավերով էլ տարածաշրջան են մտել հենց նույն այն թուրքական զինված ուժերը, որոնք մի կողմից ճնշում են Թուրքիայի քրդական բնակչությանը և հարվածներ հասցնում «Քրդստանի բանվորական կուսակցության» պարտիզաններին Թուրքիայում, Սիրիայում և Իրաքում, իսկ մյուս կողմից՝ պատրաստվում մարզել և օժանդակել «Քրդստանի դեմոկրատական կուսակցության» փեշմարգային: Նյութի աղբյուր՝ https://www.facebook.com/vardan.voskanian/posts/1010164425688683 ...

    Կարդալ ավելին
  • «Իսլամական պետություն» ահաբեկչական խմբավորումը ստանձնել է Կալիֆորնիայի Սան Բերնարդինո բնակավայրում տեղի ունեցած զանգվածային սպանության պատասխանատվությունը։ Եթե Reuters-ի այս տեղեկատվությունը ճիշտ է, ապա ահաբեկչական այս խմբավորման թիրախ շատ կարճ ժամանակահատվածում դարձել են այնպիսի հզոր երկրներ, ինչպիսիք են` ԱՄՆ-ը, Ռուսաստանը, Ֆրանսիան: Ոի մինչ աշխարհի հզորները վիճում են աշխարհաքաղաքական ու արժեքային խնդիրների շուրջ` ահաբեկիչները գործում են ստորի նպատակասլացությամբ... Նյութի աղբյուր՝ https://www.facebook.com/surenyants/posts/905256696190542 ...

    Կարդալ ավելին
  • Դատելով ռուսաստանյան ԶԼՄ-ների հակաթուրքական քարոզարշավի շեշտադրումների բյուրեղացումից և Վ. Պուտինի ելույթից՝ ակնհայտ է, որ Ռուսաստանը փորձում է ըստ էության տեղայնացնել կամ սահմանափակել իր թիրախավորումը հիմնականում միայն Ռ. Թ. էրդողանի և Թուրքիայում ներկայում իշխող կուսակցության շրջանակներով՝ փորձ կատարելով գործընկերներ կամ դաշնակիցներ գտնել ոչ միայն ի դեմս ըստինքյան հակաթուրքական ուժերի (քրդեր, Հայաստան, Հունաստան և այլն), այլ հենց թուրքական քաղաքական դաշտում գործող հակաէրդողականակ վերնախավերի: Վերջինների թվում կարծես թե առաջնայնությունը տրվում է քեմալականներին և թուրք բարձրաստիճան զինվորականությանը, որոնց հետ էլ, ըստ ռուսական քաղաքականությունը ծրագրավորողների, հավանաբար պետք է կառուցվեն և զարգացվեն նոր տիպի հարաբերություններ՝ ի հեճուկս Թուրքիայի այժմյան իշխող վարչակարգի: Ակնհայտ է, որ նման ծրագրավորումը միգուցե և կարճաժամկետ հեռանկարում հնարավորություն ընձեռի ինչ-որ հաջողությունների հասնելու կամ, ավելի ճիշտ, որոշակի անախորժություններ ստեղծելու Ռ. Թ. Էրդողանի և վերջինիս քաղաքական ուղեգծի համար, բայց նման մոտեցումն ըստ էության չի կարող լուծել ռուս-թուրքական աշխարհաքաղաքական մրցակցության կամ, եթե իրերն իրենց անունով կոչելու լինենք, թշնամանքի գորդյան հանգույցը: Կարծում եմ՝ դժվար չէ կանխատեսել, որ նույնիսկ վերոնշյալ քաղաքականության հաջողությամբ պսակվելու դեպքում հյուսիսային գերտերությունը կրկնելու է մոտավորապես բոլշևիկյան Ռուսաստանի՝ քեմալականների հետ համագործակցության դառը փորձը՝ ի վերջո հենց ռուսական առածի իմաստնությամբ՝ «երկրորդ անգամ կոխ տալով միևնույն փոցխը» և արդյունքում կրկին ունենալով հակառուսական Թուրքիա: Այս համատեքստում որոշումներ ծրագրավորող և դրանք իրագործող ռուսական քաղաքական վերնախավը որքան արագ գիտակցի, որ թուրքական համայնապատկերում ուղղակի չկա և չի կարող լինել ոչ ռուսատյաց ուժ, այնքան ավելի արագ կազատվի անիմաստ պատրանքներից բխող մեկը մյուսին հաջորդող համակարգային սխալներից և կկարողանա իրոք սերտ հարաբերություններ կառուցել Ռուսաստանի իրական դաշնակիցների հետ: Նյութի աղբյուր՝ https://www.facebook.com/vardan.voskanian/posts/1009376845767441?pnref=story ...

    Կարդալ ավելին
  • Այսօր կառավարությունը որոշում է ընդունել 83մլն. վարկ վերցնել էլեկտրահաղորդման գծերի և էլ. ցանցերի վերանորոգման համար 15 տարով: Հերթական պարտքն աղքատացող ժողովրդի ուսերին: Եթե էլ. ցանցերը պետական սեփականություն չեն, ապա ինչո՞ւ է Հայաստանի կառավարությունը ժողովրդին, նույն ժողովրդի լեզվով ասած, «նորից պարտքի տակ գցում»: Նյութի աղբյուր՝ https://www.facebook.com/mher.shahgeldyan/posts/771850976291766?pnref=story ...

    Կարդալ ավելին
  • Թուրքիայի՝ Ադրբեջանին օգնելու ցանկությունը զգալիորեն մոտ կլինի իրականացմանը, եթե Թուրքիան իր մեջ կարողություն գտնի հանգիստ թողնել Ադրբեջանին, թողնի, որ այդ նորաստեղծ երկիրն ու նորաստեղծ ժողովուրդը կայանա առանց թուրքական ճնշիչ հոգատարության: Ադրբեջան երկիրն ու ադրբեջանցի ժողովուրդը պետք է սեփական փորձառություն կուտակեն, ինքնուրույն հասկանան իրենց համակրանքների ու հակակրանքների պատճառներն ու հետևանքները, ինքնուրույն փնտրեն իրենց ինքնության կայացման ընթացքը: ԽՍՀՄ ճնշիչ «հոգատարության» հետևանքով ինքնուրույն որոշումներից ազատված Ադրբեջանն ընկել է թուրքական բարուրի թակարդը և «մեկ ազգ-երկու պետություն» թելադրանքի տակ ադրբեջանցի-թուրք-թաթար-մահմեդական-շիա-սուննի-կովկասալեզու-թրքալեզու-իրանալեզու աղվանական-իրանական-թուրքական ծագումնաբանական խմբերում խմորվող, երբեմն միմյանց հակասող ինքնություններով մեծ ու փոքր խմբերին էթնոգոյացման մեկ ընդհանուր հայտարարելի բերելու դժվարին գործում հիմնական ուղղորդողը դարձել է Թուրքիան: Մեր ժամանակներին բնորոշ ժամանակի վազքը միջնադարյան չէ, շա՜տ արագ է, և վաղը շփոթահար Ադրբեջանը, որտեղ դեռ էթնոգոյացման հիմնական ակունքների շուրջ վերջնական համաձայնություն չկա, և կշեռքի նժարները շարունակում են երեքը մնալ՝ իրանական, թուրքական, կովկասյան, փնտրելու է նոր ինքնության փաստարկները՝ հնարավոր է՝ նաև թուրքականին հակադրելու համար: Թուրքիան Ադրբեջանի համար պետք է օրինակ լինի. հարյուր տարի քեմալիզմը կոփեց թուրքական հասարակության թրքությունը և զգալի հաջողության հասավ. այսօր այդ երկրի բնակչության մոտ կեսն ինքն իրեն թուրք է անվանում: Հարյուր տարի ունի՞ Ադրբեջանն այդ արդյունքին հասնելու համար: Եվ հարց է՝ ո՞ր արդյունքին՝ «թուրքակա՞ն», թե՞ «ադրբեջանական», և արդյո՞ք ստիպված չի լինելու «թրքականից» ազատվելու պատմա-մշակութային և քաղաքական գործընթաց սկսել: Նյութի աղբյուր՝ https://www.facebook.com/hranush.kharatyan/posts/572564426229171 ...

    Կարդալ ավելին
  • Մինչ բուն հարցին անդրադառնալս ասեմ՝ չեմ հասկանում էն կլոուն Ժիրինովսկու ասածները խի՞ եք տարածում ու երջանկությունից մեռնում: Հա մեկ էլ էն Պուտինի ամեն արարքը վերածում եք հերոսության ու նենց եք գովում աստվածացնում, փարթի եք անում, որ ի՞նչ: Ռուսաստանը վերջին տարիներին շատ ագրեսիվա դարձել էդ թեմայով մի ուրիշ անգամ կասեմ: ՌԴ կառավարությունը մի քանի օր առաջ հաստատեց գյուղատնտեսական այն արտադրանքների ցանկը, որոնց ներկրումը ՌԴ տարածք արգելվելու է 2016-ի հունվարի 1-ից: Շատ քննարկումների առիթ դարձավ, որ Հայաստանի համար լավ հնարավորություններ է ստեղծվելու ռուսական շուկայում էլ ավելի մեծանել արտահանման ծավալները: Իսկ մինչ ռուս-թուրքական հարաբերությունների սրումը ի՞նչն էր խանգարում մեր արտահանման ծավալների ավելացմանը, ավելացնեմ՝ ՌԴ-ն արգելել էր, նաև ԵՄ-ից եկող գյուղատնտեսական արտադրանքի ներմուծումը (բայց Բելառուսիայի տարածքով ներմուծվում է ՌԴ ինչ-որ քանակ): Իհարկե ՌԴ-ում գերակշիռ մաս է կազմում թուրքական գյուղմթերքները հասնելով՝ միլիոնավոր տոննայի: Այս առումով իրոք մեզ համար լայն հնարավորություններ է ստեղծվում այդ բացը լրացնելու համար, սակայն մենք չունենք այնպիսի ծավալներ, որ միանգամից տեղը գրավենք դա պահանջում է երկարաժակետ գործըթաց, թե՛ ֆինանսական, թե՛ նյութական, թե՛ այլ ներդրումային առումներով, բայց մենք նույնպես արտադրում ենք՝ լոլիկ, վարունգ, ծիրան, դեղձ, սալոր, խաղող, ելակ և այլ գյուղմթերքներ, բայց կարևորը ինքնաբավ ենք և արտահանում ենք համեմատաբար քիչ քանակությամբ: Հիմա անդրադառնամ մյուս խանգարող հանգամանքներին: Շատ գործարքներ կատարվում է ռուսական ռուբլով, գիտենք որ դոլարի նկատմամբ ռուբլին արժեզրկվել է 100%-ից ավել և շարունակվելու է արժեզրկվել, քանի որ ԱՄՆ դաշնային պահուստային համակարգը վերաֆինանսավորման տոկոսադրույքը բարձրացնելու է, և Իրանի նավթի արտահանման ծավալները կտրուկ աճելու են, ինչը նույնպես հարվածելու է ռուսական ռուբլուն, բայց դրա հետևանքով արտահանվող ապրանքի գինն էլ է բարձրանում՝ փորձելով կոմպենսացնել վնասները: Իսկ ի՞նչ էր անում Թուրքիան՝ սուբսիդավորում էր արտահանողներին ապահովելով գյուղմթերքի մրցունակությունը: Այս բոլոր գործոնները հաշվի առնելով, եթե ուզում ենք այդ բացի զգալի մասը լրացնենք պարտավոր ենք ստեղծել նոր գերժամանակակից տեխնոլոգիաներով հագեցած այգիներ, ջերմոցային տնտեսություններ, քանի որ ժամանակակից տեխնոլոգիաները նվազեցնեւմ են արտադրական ծախսերը ապահովելով արդյունավետության բարձր ցուցանիշ: Որպեսզի հետագայում խուսափենք այն ռիսկից, երբ նորից ռուս-թուրքական հարաբերությունները կմտնեն մեղրամսային փուլ ու թուրքական գյուղմթերքները կլինեն մրցունակ այդ ժամանակ մենք կարող ենք լինել հավասար մրցակցային պայմաններում, ինչու չէ նաև շահեկան դիրքերում, քանի որ ԵԱՏՄ անդամ ենք ու անդամ երկրների միջև սահմանին մաքսատուրքեր չկան, այսինքն՝ ինքնարժեքը ցածր կլինի: Նյութի աղբյուր՝ https://www.facebook.com/gor.markosyan/posts/946791452041069 ...

    Կարդալ ավելին
  • Ինձ հարցնում են, թէ ի՞նչն է պատճառը, որ ՈՉ-ի կողմնակից ցուցարարների թիւը կտրուկ նուազում է: Ես էլ պարզ քաղաքացի լինէի ու յստակ պատասխան չստանայի, թէ ինչ պիտի արուի դեկտեմբերի 6-ին, ես էլ չէի մասնակցի այդպիսի միջոցառմանը: Մեկն ասում է ՈՉ քուէարկել, միւսն ասում է բոյկոտել՝ չգնալ: Շատ պարզ ու յստակ պիտի ասուեր եւ պիտի ասուի այսօր քանի դեռ ժամանակ ունենք :Անպայման պէտք է գնալ ընտրական տեղամասեր ու ՈՉ ասել, իսկ եթէ բոյկոտելու ցանկութիւն կա, ապա պէտք է բոյկոտել ակտիւ՝ գնալ ընտրական տեղամաս եւ ստանալ քուէաթերթիկը, եւ թէկուզ այն փչացնելով վերաբերմունք արտայայտել, պատռել՝ եւ այդպէս բոյկոտել: Տանը նստելը հաւասարազօր է ԱՅՈ քուէարկելուն: Միւս մանրամասները տեսէք էջիս նախորդ գրառումներում: Նյութի աղբյուր՝ https://www.facebook.com/paruyr.hayrikyan.1/posts/939953279413749 ...

    Կարդալ ավելին
  • Էրդողանի՝ երկու օր առաջ Իրանին հասցեագրած սպառնալիքները և երեկ, արդեն, թուրքական ցամաքային ուժերի մուտքն Իրաք (ըստ իրանական ԶԼՄ-ներում շրջանառվող լուրերի՝ Թուրքիան 1200 հոգուց բաղկացած անձնակազմ է ուղարկել, 12 հրասայլ) անշուշտ փոխկապակցված են: Իրանի պատասխան քայլը երկար սպասեցնել չի տա, կարծում եմ... Թուրքիայի նախագահն իր խոսքում նշել էր, որ Իրանը տարածաշրջանային հարցերում, մասնավորապես Սիրիայի հետ կապված, մեծագույն սխալ է գործում և եթե այդպես շարունակի, թանկ գին կվճարի դրա համար: Ավելին, Էրդողանը նաև նշել էր, որ պաշտոնական Թեհրանն առաջնորդվում է ստով և կեղծիքով: ...

    Կարդալ ավելին

ՖԲՀ

Քաղաքականություն