Գովազդի համար զանգահարել 099 999 409
  • Ադրբեջանում «աշխատող» հերթական դեսպանը, որոշեց հայտնել իր կարծիքը Արցախի հարցի շուրջ: Նախկինում արդեն Ադրբեջանում Ֆրանսիայի դեսպանը հայտարարել էր, որ Ֆրանսիան չի ճանաչում Արցախի անկախությունը, հիմա էլ Իրանի դեսպանն է կարդում Ալիևի գրած տողերը ու ամբողջ ազգի անունից հայտարարում, որ նրանք չեն ճանաչում Արցախի անկախությունը: Ճիշտ է մենք չենք կոտորվել Ադրբեջանում «աշխատող» դեսպանների կարծիքները լսելու համար, ավելին դրանք մեզ նույնիսկ չեն հետարքրքում, բայց Ադրբեջանը, միջազգային կառույցներից հույսը կտրած, մնացել է սեփական երկրի դեսպանատների հույսին: Նյութի աղբյուր` https://www.facebook.com/ashot.asatryan.7549/posts/1216407335074667 ...

    Կարդալ ավելին
  • «ԵԼՔ» դաշինքի կողմից թիվ 2 ընտրատարածքում (Արաբկիր, Աջափնյակ, Դավթաշեն) առաջադրվել է Վիկտոր Ենգիբարյանը, ով FBH.am կայքում ունի 50-ից ավել գրառումներ: FBH.am-ը Ձեզ է ներկայացնում Վիկտոր Ենգիբարյանի կենսագրությունը: Վիկտոր Լևոնի Ենգիբարյանը ծնվել է 1981թ. հուլիսի 11-ին Թալինում: Միջնակարգ կրթություն է ստացել Թալինի համար 1 դպրոցում: Սովորել է Երևանի Պետական Համալսարանի Սոցիոլագիայի ֆակուլտետում, այնուհետև ուսումը շարունակել է Բոխումի Համալսարանի (Գերմանիա) հասարակագիտության ֆակուլտետում՝ նեղ մասնագիտացումը եվրոպագիտություն և տրանսնացիոնալ կորպորացիաների կառավարում: Հետագայում վերապատրաստվել է Լոնդոնի Պառլամենտական միջազգային կենտրոնում, Հագենի հեռակա համալսարանում, մասնակցել է բազմաթիվ կրթական ծրագրերի: Ուսումը ավարտելուց հետո աշխատել է ՀՀ Պաշտպանության նախարարության և ՄԱԿ համատեղ ականազերծման ծրագրում, իբրև ականների քարտեզագրող: Գերմանիայում ուսանելու տարիներին ակտիվ մասնակցություն է ունեցել հայ համայնքի գործունեության մեջ, ընտրվել է Հայ Ակադեմիականների Միության գործադիր խորհրդի անդամ (հիմնադրվել է 1860 թ.-ին): 2005-ին հիմնադրել և ղեկավարում է Միջազգային Եվրոպական շարժման հայաստանյան խորհուրդը: Աշխատանքային գործունեության ընթացքում իրականացրել է զարգացման և բիզնես խորհրդատվություն բազնաթիվ տեղական և միջազգային կազմակերպությունների, այդ թվում GIZ, UNDP և այլ: Ներկայումս Եվրոպական Միության արտաքին հարաբերությունների ամսագրի խմբագրական խորհրդի անդամ է, հանդիսանում է Տնտեսական համագործակցության Եվրոպական լիգայի Հայաստանյան կառույցի գլխավոր քարտուղար: Գերազանց տիրապետում է Հայերեն, անգլերեն, գերմաներեն և ռուսերեն լեզուներին:  Բազմաթիվ հրապարակախոսական հոդվածների հեղինակ է:   Ամուսնացած է ունի մեկ որդի և մեկ դուստր:   Հիշեցնենք, որ FBH.am-ը ներկայացնելու է ձեր ուշադրությանը ֆեյսբուքահայերի ովքեր առաջադրվել են ԱԺ ընտրություններին և ունեն մեր կայքում արված գրառումներ: ...

    Կարդալ ավելին
  • Իրան-Հայաստան 400 կՎ Իրան-Հայաստան էլեկտրահաղորդման երրորդ երկշղթա օդային գծի` Հայաստանում կառուցվող հատվածի երկարությունը մոտ 279 կմ է: Ծրագրի նպատակն է նաև միացնել հայկական և վրացական էներգահամակարգերը: Նշենք, որ Իրան-Հայաստան 400 կՎ երրորդ էլեկտրահաղորդման գծի և համապատասխան ենթակայանի շինարարությունը նախատեսվում է ավարտել 24 ամսում: Իրանի և Հայաստանի հետ իրականացվող «գազ՝ էլեկտրաէներգիայի դիմաց ծրագրի» շրջանակներում կառուցվող էլեկտրահաղորդման երրորդ գծի շինարարության համար 107 մլն եվրո գումար է նախատեսված, որի մեծ մասը 83 միլիոն եվրոն հատկացրել է Իրանի «Արտահանման և զարգացման բանկը»: Նյութի աղբյուր՝ https://www.facebook.com/permalink.php?story_fbid=1648056615490465&id=100008584260507 ...

    Կարդալ ավելին
  • Գյուղատնտեսության նախարարությունն այս տարի պարարտանյութի սուբսիդավորման համար կհատկացնի 900 մլն դրամ: Լրագրողների հետ հանդիպման ժամանակ ՀՀ գյուղատնտեսության նախարար Պետբյուջեով նախատեսված էր 2 մլրդ 110 մլն դրամ, արդյունքում կտնտեսվի 1 մլրդ 210 դրամ: Պարարտանյութ մատակարարող մեկ ընկերության կողմից ներկայացվել է 6580 դրամ, իսկ ռուսական և իրանական ընկերությունների կողմից` 7000 դրամ: Նախատեսվում է սուբսիդավորել այնքան, որպեսզի պահպանվի նախորդ տարվա գինը, ասել է թե` գյուղացիներին պարարտանյութը կտրամադրվի նորից 6000 դրամով: Տնտեսված գումարի որոշ մասը կհատկացվի գյուղտեխնիկայի լիզինգային ծրագրի տոկոսի սուբսիդավորմանը: Նախատեսվում է նաև ապահովել շատ ցածր տոկոսներ, որպեսզի գյուղացիական տնտեսությամբ զբաղվողների համար ոչ մի սահամանափակում չլինի, եթե նրանք վարկունակ են:  Պատկան մարմինների հավաստմամբ` դիզելային վառելիքի սուբսիդավորում չի նախատեսվում, իսկ դրանից տնտեսվող գումարների հատկացումները կներկայացվեն հետագայում: Նյութի աղբյուր՝ https://www.facebook.com/tntesakan.ankyun/posts/1625164841125540 ...

    Կարդալ ավելին
  • Չնայած ՄԱԿ-ի միաժամանակ մի քանի բանաձևերով հայտարարված պատժամիջոցներին, մի շարք աղբյուրների համաձայն, իրանական քաղաքական կյանքի գորշ կարդինալներից մեկը հանդիսացող Իրանի իսլամական հեղափոխության պահապանների կորպուսի (ԻՀՊԿ) «Ղոդս» ուժերի հրամանատար գեներալ Ղասեմ Սոլեյմանին փետրվարի 14-ին հերթական անգամ այցելել է Մոսկվա և հանդիպումներ անցկացրել մի շարք բարձրաստիճան պաշտոնյաների հետ: Ըստ շրջանառվող տեղեկատվության՝ Սոլեյմանին Ռուսաստանում է մնալու մի քանի օր. հանդիպումների հիմնական թեմատիկան մերձավորարևելյան հակամարտություններն են, մասնավորապես՝ սիրիական, իրաքյան հիմնախնդիրները, տարածաշրջանի սուննիական երկրների շրջանում ուրվագծվող ռազմաքաղաքական համագործակցության նոր հնարավոր ձևաչափերը, Ռուսաստանի հետ հարաբերությունները և այլն: Չի բացառվում նաև, որ իրանական կողմի համար հանդիպումների հեռանկարային նպատակներից է ԱՄՆ-ի նոր վարչակարգի հակաիրանական քաղաքականությանը հակազդելու եղանակների մշակումը կամ նոր իրավիճակային պայմաններում պաշտոնական Մոսկվայի դիրքորոշման շոշափումը: Պետք է նշել, որ Ղասեմ Սոլեյմանիի անվան հետ են կապվում հատկապես Իրանի անուղղակի ներգրավվածությամբ տարածաշրջանային մի շարք հիմնախնդիրներում՝ սիրիական, իրաքյան, եմենական հակամարտություններում, ԻԻՀ հովանավորյալ դերակատարների արձանգրած լրջագույն հաջողությունները:  Մի ուշագրավ հանգամանք ևս, չնայած գեներալ Սոլեյմանիի ազատ տեղաշարժն արգելող միջազգային բանաձևերի առկայությանը, նա 2015թ. գարնանից ցայժմ միայն 3 անգամ այցելել է Ռուսաստան, իսկ տարածաշրջանային մի շարք երկրներ իրականացվող պարբերական այցերը նրա աշխատանքային գործունեության անհրաժեշտ մասն են կազմում: Նյութի աղբյուր՝ https://www.facebook.com/armen.petrosyan.05/posts/1253323224704889 ...

    Կարդալ ավելին
  • Այսպես՝ ադրբեջանական տխրահռչակ կայքերից մեկը «վերլուծական» հոդված է գրել Շահին Միրզաևի մասին, որտեղ մեկ այլ ադրբեջանական կայքի վրա հղմամբ, նշում է, թե թալիշ գործիչն ամենևին էլ ազգությամբ թալիշ չէ, իսկ նրա նախնիները իբրև թե Երևանից տեղափոխվել են Իրան, իսկ հետո՝ ներկայիս Ադրբեջանական Հանրապետության տարածք: Երբ բացում ես հղման աղբյուրը, ապա այն նույնպես հիմնված է «հղման» վրա, բայց արդեն ֆեյսբուքյան ինչ-որ անհայտ օգտատիրոջ մեկ տողանոց տառասխալներով գրառման, ինչից պարզ է դառնում, որ «տեղեկատվության» սկզբնաղբյուրը հենց այս ակնհայտորեն շինծու նախադասությունն է: «Տրամաբանությունը», ինչպես ցանկացած պարզունակ ապատեղեկատվության պարագայում, մեկն է՝ ընթերցողներից շատ քչերը կփնտրեն և կգտնեն հղման սկզբնաղբյուրը և հիմնականում կուլ կտան ակնհայտ ստահոդ քարոզչական խայծը: Ուշագրավ էր նաև երեկ ԵՊՀ իրանագիտության ամբիոնում կայացած հանդիպման ընթացքում Շահին Միրզաևի արձագանքն այս ապատեղեկատվությանը՝ «Եթե իմ նախնիները Երևանից են, ապա ես վերադարձել եմ հայրենիք, էլ ինչու՞ են իրենց պատռում»: #բիզմիդիր Նյութի աղբյուր՝ https://www.facebook.com/vardan.voskanian/posts/1357708194267636 ...

    Կարդալ ավելին
  • Ադրբեջանի սուլթան Իլհամ Ալիևը բազմակողմանի է պայքարում հայերի և Հայաստանի դեմ։ Հակահայկական քաղաքականության գլխավոր թեզերից մեկը՝ մահմեդական աշխարհին Հայաստանի դեմ տրամադրելն է և Արցախյան պատերազմը կրոնական կոնտեքստից ներկայացնելը։ Հարցազրույց տալով արաբական Al Jazeera հեռուստաընկերությանը՝ ապշերոնյան բռնապետը, բացի «շաբլոն» արտահայտություններից, որ Բաքուն թույլ չի տա, որ Արցախը անկախանա և այլն, նաև փորձել է կրոնական երանգավորում տալ Արցախյան կոնֆլիկտին։ «Լեռնային Ղարաբաղում հայերը ոչնչացրել են մեր պատմական հուշարձանները, թանգարանները, մզկիթները, այդ թվում նաև՝ Աղդամում և Շուշիում։ Այդ գործողություններն ուղղված չեն միայն Ադրբեջանի պատմական ժառանգության, այլև միևնույն ժամանակ մահմեդական արժեքների դեմ։ Արդյունքում, տարակուսանք են առաջացնում Հայաստանի փորձերը կարգավորելու և ամրապնդելու հարաբերությունները որոշ մահմեդական երկրների հետ։ Մահմեդական երկրները, որոնք մտադիր են զարգացնել հարաբերությունները Հայաստանի հետ, պետք է հաշվի առնեն «Իսլամական կոնֆերանս կազմակերպության» ընդունած բանաձևերը, որոնք Հայաստանը ճանաչում են որպես ագրեսոր պետություն»,-ավարտել է իր ճառը Ադրբեջանի բռնապետը։ Իլհամ Ալիևը «որոշ մահմեդական երկրներ» ասելով ի նկատի է ունեցել հիմնականում Իրանին, որի հարաբերությունները Հայաստանի հետ ուղղակիորեն հիստերիա են առաջացնում «մահմեդական» Ադրբեջանում։ Բաքվում, փորձելով մահմեդական երկրներին մեղադրել քրիստոնյա Հ այաստանի հետ համագործակցելու և դրանով Ադրբեջանին «ցավացնելու» համար, մոռանում են, թե ինչպես են դարձել մահմեդական աշխարհի ամենամեծ թշնամի և ատելի երկիր՝ Իսրայելի ֆորպոստը տարածաշրջանում։ Հիշողությունից շատ թույլ Իլհամ բաբան լավ կլիներ՝ «Իսլամական կոնֆերանս կազմակերպության» հակահայկական բանաձևերը հիշելիս նաև չմոռանա նույն կազմակերպության հակաիսրայելական հարյուրավոր բանաձևերը, որոնց առկայությունն անտեսվում է Բաքվի կողմից։ Ադրբեջանի կողմից հրեական պետությունից գնված 4-5 միլիարդ դոլարի զինտեխնիկան ուղղված չէ միայն Հայաստանի, այլև հարևան մահմեդական երկրների դեմ, կոնկրետ՝ Իրանի և Թուրքմենստանի։ Այսքանից հետո ազերիները կարող են իրենց թույլ տալ որևէ մահմեդական երկրի մեղադրել Հայաստանի հետ սերտ կապեր հաստատելու համար։ Ինչ վերաբերվում է Ալիևի կողմից ակնարկած Աղդամի (Ակնայի) և Շուշիի մզկիթներին, ապա դրանք ավերված չեն և բացարձակ կապ չունեն իրենց ադրբեջանցի անվանողների հետ։ Սա է հենց հակաիսլամական քաղաքականության կոնկրետ դրսևորում, երբ Բաքուն յուրացնում է այլ ազգերի, իսկ այդ մզկիթների պարագայում՝ պարսկական կրոնական և պատմական հուշարձանները։ Հ.Գ. 99 ամյակը դեռ չբոլորած եկվոր, ԱԹԵԻՍՏ ազերի «ազգը» շատ ծանր է տանում Հայաստանի բազմադարյա սերտ կապերը Իրանի և արաբական աշխարհի շատ ներկայացուցիչների հետ։ Նյութի աղբյուր՝ https://www.facebook.com/gagik.hambaryan/posts/1270653556351924 ...

    Կարդալ ավելին
  • Հայաստան այցելող ցանկացած զբոսաշրջիկ, բնականաբար, նախօրոք ճշտում և ծանոթանում է այն վայրերին, ուր պետք է այցելի: Ընդունենք` զբոսաշրջիկ եք, և որպես հանգստի վայր ընտրել եք Սյունիքը, հատկապես` Սիսիանը: Փորձում եք Սիսիանի, նրա տեսարժան վայրերի մասին համացանցից տեղեկանալ, ասենք, օրինակ, Շաքիի ջրվեժի մասին: Շաքի ջրվեժը գտնվում է Որոտան կիրճում, Սիսիանից 3 կմ դեպի հյուսիս-արեւմուտք, Որոտանի վտակ Շաքի գետի վրա: Բարձրությունը 18 մ է: Շաքե անվանումը ստացել է ի պատիվ գեղեցկուհի Շաքեի: Համաձայն ավանդության՝ մի զավթիչ, տեսնելով Շաքեի գեղեցկությունը, սիրահարվում է և հրամայում նրան բերել իր մոտ: Ըստ լեգենդի՝ հայուհին, չկամենալով ենթարկվել զավթիչի բռնությանը, գցում է իրեն մի բարձր ժայռից: Անկման պահին գեղեցկուհու երկար զգեստը քամուց բացվում է և վերածվում ջրվեժի, որը և անվանել են Շաքիի ջրվեժ: Շաքին Հայաստանի ամենաբարձր ջրվեժն է: Անհիշելի ժամանակներից ջրվեժն այցելուներին գրավել է իր յուրօրինակ գեղեցկությամբ: Շաքեի ջրերը միշտ էլ օգտագործվել են հիդրոէներգետիկ, գյուղատնտեսական, կենցաղային և այլ նպատակներով: Սակայն վերջին 4-5 տարում ջրառեսուրսի մեջ հնարավոր էկոլոգիական թողքը չի ապահովում ջրվեժին անհրաժեշտ ջրի քանակությունը, և այն, որպես այդպիսին, չի գործում: Օրերս զբոսաշրջության պետական կոմիտեի նախաձեռնությամբ տեղի է ունեցել քննարկում «Շաքի ՓՀԷԿ»-ի և Հայաստանում ներգնա տուրօպերատորների միության ներկայացուցիչների մասնակցությամբ: Հանդիպմանը «Շաքի ՓՀԷԿ»-ը ներկայացրել է ցերեկային և գիշերային ժամերի աշխատանքների նախնական կարգավորման ծրագիրը: Քննարկվել են Շաքիի ջրվեժը զբոսաշրջային նպատակներով առավել արդյունավետ օգտագործման հնարավորությունները, ինչպես նաև՝ ջրվեժի տարածքում անհրաժեշտ զբոսաշրջային ենթակառուցվածքներ ձևավավորելու հարցը, նշվել է նաև ենթակառուցվածքների ձևավորումը իրականացնել գործող ՀՀ օրենսդրության համապատասխան: Նյութի աղբյուր՝ https://www.facebook.com/permalink.php?story_fbid=173264226500192 ...

    Կարդալ ավելին
  • ԵԱՀԿ համանախագահները Հայաստանի և Ադրբեջանի ԱԳ նախարարների հետ առանձին-առանձին, ապա նաև միասին հանդիպումներից հետո հայտարարություն են հրապարակել: Հայտարարությունն իր ուժգնությամբ չի տարբերվում իր բացառիկությամբ, չի ծակում ոչ մի ադրբեջանական նորակառույց քարոզչական գյուղ, չի պակասեցնում ոչ մի D44-ի արկ, սակայն իմաստալից և դիվանագիտական լեզվով հիանալի շարադրված են հանդիպման տպավորություններն ու մինչև այս եղած ուղերձները, ինչպես նաև աչքի է ընկնում իր գոյությամբ: Սակայն հայտարարության մեջ մի փոքր անդրադարձ կա նաև Արցախի Հանրապետությունում անցկացվելիք սահմանադրական բարեփոխումներին: Նրանք նշել են, որ չեն ընդունում հանրաքվեի արդյունքները, նաև ընդգծել, որ դրանք չեն կարող կանխորոշել Լեռնային Ղարաբաղի վերջնական կարգավիճակը կամ հանգեցնել հիմնախնդրի խաղաղ լուծման։ Դե, բնականաբար, այդպես էլ պետք է լիներ. Արցախը միջազգայնորեն ճանաչված սուբյեկտ չէ: Որ ճանաչող լինեին, Արցախում կայացած ցանկացած ընտրություն կճանաչվեր դե յուրե: Սակայն միջազգային կառույցների դիտորդական առաքելությունների ներկայությունն արդեն ինչ-որ բանի մասին խոսում է: Ի գիտություն բոլորի, այդ թվում՝ նաև հարգարժան համանախագահների, Արցախը կենսունակ պետություն է պետական բոլոր ինստիտուտներով և զարգացման հեռանկարով: Արցախում որևէ որոշում, ընտրությունների արդյունքներ, վարչապետի կամ նախագահի կարգադրություն, առավել ևս՝ համապետական ընտրություն հանրաքվեի տեսքով արվում է, որպեսզի էլ ավելի որակով դարձնի հանրային կյանքի կազմակերպումը: Արցախում ընկալումն այսպիսին է՝ ունենք պետություն, ընդունում ենք, որ պետության զարգացման ուղին ժողովրդավարական ուղին է, ուստի գնում ենք այդ ուղղությամբ: Դինամիկ կերպով զարգանում ենք... Հ.Գ. Հայտնի ֆիլմից մեջբերում անեմ՝ «Մի սովորեցրու ապրել, թե կարող ես, օգնիր նյութապես»: Նյութի աղբյուր՝ https://www.facebook.com/vahagnavan/posts/1557534027620365 ...

    Կարդալ ավելին
  • ԵԱՀԿ Մինսկի խումբը ամեն անգամ, երբ Արցախի Հանրապետությունում (ի գիտություն ԵԱՀԿ Մինսկի խմբի՝ նման Հանրապետություն կա), ընտրություններ կամ հանրաքվեներ են տեղի ունենում, մշտապես հանդես է գալիս հայտարարությամբ, որտեղ հատուկ շեշտում է, որ Խումբը չի ճանաչում այդ ընտրության կամ հանրաքվեի արդյունքները: Սա միշտ է եղել: Հետեւաբար, երբ սահմանադրական փոփոխությունների արցախյան հանրաքվեից առաջ Մինսկի խումբը այդ հանրաքվեի արդյունքները չճանաչելու մասին հայտարարություն է անում, պետք չէ զարմանալ կամ հիասթափվել, թե ինչու չեն ճանաչում Արցախի սահմանադրական փոփոխությունների հանրաքվեի արդյունքները: Պետք է այնպես անել, որ Մինսկի խումբը նախ ճանաչի Արցախը, հետո՝ նրա Սահմանադրությունը, հետո արցախցիների՝ սեփական Սահմանադրությունը փոփոխելու իրավունքը, հետո նոր՝ այդ իրավունքի իրացման արդյունքը: Ինչպե՞ս անել... Չգիտեմ, բայց գիտեմ, որ Ստեփանակերտում կարգին, հիմնովին նորոգված եւ պատրաստ օդանավակայան կա, որը կարող է ամեն օրը, անգամ օրը մի քանի անգամ քաղաքացիական ինքնաթիռներ ընդունել եւ ճանապարհել՝ Երեւանից եւ Երեւան: Ու ոչ միայն Երեւանից ու Երեւան: Փարիզից էլ, Վաշինգտոնից էլ, Մոսկվայից էլ... Նյութի աղբյուր՝ https://www.facebook.com/hovik.afyan/posts/1407268872646266 ...

    Կարդալ ավելին

ՖԲՀ

Քաղաքականություն

  • /uploads/photos/dOubOTkTUuj2U2oDKPJU.jpg

    Ազգային վիճակագրական ծառայության հրապարակած տվյալներից կարող ենք տեղեկանալ, որ 2017 թվականի հունվարին Հայաստանում արձանագրվել է 6,5 տոկոս տնտեսական ակտիվություն: Բնականաբար, հիմնվել մեկ ամսվա տվյալների վրա սխալ կլինի, սակայն ուսումնասիրելով մի շարք այլ գործոններ ևս՝ կարող ենք փաստել, որ այս տարի տնտեսության «կազդուրման» հավանականությունը բավականին բարձր է: Ինչ վերաբերում է պղնձի միջազգային գներին, ապա դրանք ներկայումս հատել են 6 հազար դոլարի սահմանագիծը և անհամեմատ բարձր են նախորդ տարվա ցուցանիշներից, ինչը շատ կարևոր է Հայաստանի՝ որպես այդ տեսակ գունավոր մետաղը արտահանող երկրի համար: Հիշեցնենք, որ նախորդ տարիներին Հայաստանը ստիպված էր ավելացնել գունավոր մետաղների արդյունահանման ծավալները՝ ֆինանսական մեծ հոսքերի կորուստ չունենալու և նախկին ցուցանիշների բալանսը պահելու համար: Դրական միտում է առկա նաև արտահանման ոլորտում: Պատճառներից մեկն այն է, որ բացասական միտումները ՌԴ շուկայից նվազել են: Ինչ վերաբերում է ներքին շուկային, ապա այստեղ պետության կողմից տնտեսական գործունեության պայմանների բարելաման, գործարար միջավայրի ակտիվացման, բիզնես-ծրագրերի կենսագործման ուղղությամբ ձեռնարկած քայլերը ևս կարող են զարգացնել տնտեսությունը: Հստակ կանխատեսում անելը շատ բարդ է, բայց այն, որ այս տարվա համար նախատեսած մի քանի հարյուր միլիոն դոլար բյուջե պարունակող ծրագրերը ազդեցություն կունենան տնտեսության վրա, դա փաստ է: Ոչ պակաս կարևոր է բանկային համակարգի բարեփոխումները, որոնք ուղղակիորեն կարող են ազդել տնտեսվարողներին ներդրումային քաղաքականության վրա: Ավելի բարենպաստ պայմաններով վարկավորումը կարող է «ստիպել» ներդրողներին ավելացնել իրենց կապիտալը բիզնես միջավայրում: Նյութի աղբյուր՝ https://www.facebook.com/permalink.php?story_fbid=179353035891311&id=100014498460492

    Կարդալ ավելին