• Մերկելը Վրաստան էր բերել շուրջ 200 մլն եվրոյանոց ներդրումային ծրագիր։ Թբիլիսիում անգամ եթե լեզգինկա պարեին սաղ կառավարությունով նրա դեմը, կարելի էր հասկանալ։ Իսկ Հայաստանում, բացի հերթապահ հայտարարություններից ու Հյուսիսային պողոտայի՝ աչք շոյող զբոսանքից, գերմանական կողմի հետ բանակցությունների արդյունքում՝ ինչ-որ շոշափելի արդյունք, ծրագիր, ներդրում, խոստում եղա՞վ։ Գոնե նման հայտարարության չեմ հանդիպել։ Թե չէ ազգովի ուրախանում ենք, որ Բաքվում նրան օդանավակայանում Ալիեւը չի դիմավորել, այլ Մամեդյարովի զամը, ու դա Մերկելին հեչ հաճելի չի լինի։ Ի դեպ, ըստ դիվանագիտական էթիկայի՝ պետք է ԱԳ նախարարը դիմավորի, բայց դե կա հասկանալի քաղաքական իրողություն։ Ուստի, այո, Մերկելին դա հաստատ հաճելի չի լինի, բայց նաեւ հստակ է, որ Ադրբեջանում շատ լավ հասկանում են նման քայլի իմաստն ու հնարավոր հետեւանքները։ Պատահական էլ չէ, որ Թբիլիսիում դեռեւս Մերկելը հայտարարել էր, որ ռուսական գազն ավելի մատչելի է, քան ադրբեջանականը, թեպետ մշտապես Եվրոպայում բողոքում են «ռուսական գազային իմպերիալիզմից» ու Ադրբեջանով անցնող զանազան ՆԱԲՈՒԿԿՕ, Հարավային գազային միջանցք ու այլ նախագծեր մոգոնում։ Բաքվի հետ հարաբերությունները կդզվեն, հանգիստ լինենք։ Եվրոպայի հետ «դարի գործարք» ունեն կնքած։ Հիմա ազիկներն ատամներ են ցույց տալիս, ավելին են ուզում Եվրոպայից, ձեռքի հետ էլ Թուրքիային ու ՌԴ-ին են բարեկամական ժեստ անում։ Դե հակաարեւմտյան կրքերը երեքին հիմա միավորում են։ Ու կրկին հարցս մեզ է վերաբերում՝ մենք հիմա ի՞նչ ստացանք կամ կստանանք Մերկելի այցից, գոնե ինչ-որ կոնկրետ ծրագիր դեմ տվի՞նք՝ հստակ ու փաստարկված, որ ֆինանսավորեն, ստացվե՞ց գոնե Նիկոլ Փաշինյանի բրյուսելյան այցից հետո առաջացած որոշակի լարվածությունը հարթել։ Նյութի աղբյուր՝ https://www.facebook.com/arshaluys.mghdesyan/posts/10215461743129386 ...

    Կարդալ ավելին
  • Երեկ, որպես հայ-գերմանական խորհրդարանական բարեկամության խմբի նախագահ, մասնակցել եմ Անգելա Մերկելի պատվին հրավիրված ընթրիքին և հրապարակել եմ համապատասխան լուսանկարը: Այս փաստը արձագանք գտավ համացանցում, մասամբ Մերկելի, մասամբ Նիկոլ Փաշինյանի, մասամբ իմ պատճառով: Հաճելի էր, որ արձագանքների և գնահատականների ճնշող մասը դրական էր և համարժեք այս քայլին: Բայց տեղ գտան նաև հարցադրումներ, որոնք կարելի է բաժանել երկու խմբի. 1. Ինչու էր Նիկոլ Փաշինյանը հրավիրել Արմեն Աշոտյանին  2. Ինչու էր Արմեն Աշոտյանը գնացել Նիկոլ Փաշինյանի միջոցառմանը: Օգտագործեմ այդ առիթը հետևյալ տեսակետս վերահաստատելու համար: Անկախ ներքաղաքական տարաձայնություններից, ներքին թեժ պայքարից և քաղաքական գնահատականներից՝ մենք պետություն ենք ներկայացնում: Լինելով ՀՀ ԱԺ արտաքին հարաբերությունների հանձնաժողվի նախագահ՝ արել և անելու եմ դա իշխանափոխությունից առաջ և հետո: Ինձ լավություն չեն արել, երբ ի պաշտոնե հրավիրել են այդ միջոցառմանը: Ես էլ լավություն չեմ արել, երբ ընդունել եմ հրավերը: Ինձ լավություն չեն արել, երբ իմ քննադատությունից և ահազանգից հետո Նիկոլ Փաշինյանի որոշմամբ կրկին ներգրավել են Հայաստան-ԵՄ համաձայնագրի իրագործումը ապահովող հանձնաժաղովի մեջ: Ոչ էլ ես եմ լավություն արել, երբ համաձայնել եմ աշխատել այդ ձևաչափով: Ես լավություն չեմ անում կառավարությանը, երբ ԵՎՐԱՆԵՍԹ-ում, Եվրոպական խորհրդարանում կամ այլուր պայքարում եմ Հայաստանի ազգային շահերի համար: Ոչ էլ վատություն եմ անում օրվա իշխանություններին, երբ այդ նույն միջազգային հարթակներում քննադատում եմ իրենց գործողությունները: Նման հարցերում լավություն հասկացություն չկա: Մենք՝ պետական բոլոր պաշտոնյաներս, պարտավոր ենք աշխատել մեր պատասխանատվության ոլորտներում՝ օգտագործելով մեր գիտելիքները, փորձը, հմտությունները և կապերը հանուն ավելի լավ Հայաստանի, հանուն մեր քաղաքացիների: Ասում եմ սա՝ որպես քաղաքական աքսիոմ, պարզ ճշմարտություն, որպես պետությունը սիրող մարդ: Այդպես շարունակելու եմ վարվել այնքան ժամանակ, որքան օգտակար կլինեմ իմ երկրին, մասնավորապես՝ արտաքին քաղաքականության մեջ և միջազգային պարտավորությունների կատարման հարցում: Կառավարությունները գալիս են ու գնում են, Հայաստանի Հանրապետությունը պետք է լինի մշտապես և բոլորինը: Նյութի աղբյուր՝ https://www.facebook.com/armen.ashotyan/posts/10216321298403223 ...

    Կարդալ ավելին
  • Գերմանիայի կանցլերը Հայաստան կատարած այցից հետո մեկնել է Ադրբեջան, որտեղ իրեն դիմավորել են երկրի փոխվարչապետ Յագուբ Էյուբով և ԱԳՆ փոխնախարար Խալաֆ Խալաֆովը։ Հայաստանում Անգելա Մերկելին դիմավորել էին առաջին դեմքերի մակարդակով՝ վարչապետ, ԱԳ նախարար, հետագայում նաև նախագահ, տարբեր կառույցների նախարարներ։ Նման ընդունելության արժանանալուց հետո Ադրբեջանում փոխվարչապետի և փոխնախարարի մակարդակով ընդունելությունը իհարկե Գերմանիայի կանցլերի համար այդքան էլ հաճելի չի լինի։ Նյութի աղբյուր՝ https://www.facebook.com/ashot.asatryan.7549/posts/1784661821582546 ...

    Կարդալ ավելին
  • Ռեգիոնալ նշանակությամբ մի քանի առաջնահերթությունների քննարկման արդյունքում առաջիկայում ճանապարհաշինական կարևոր ծրագիր կիրագործվի, որը մոտակա 5 համայնքների կողմից դեռևս 2 տարի առաջ էր բարձրաձայնվել և հայտնվել կառավարության օրակարգում: Խորհրդակցությանը նաև մերձակա համայնքների ներկսյացուցիչներն էի մասնակցում, որոնց հարցադրումներին նախագահ Սահակյանից բացի նաև կառավարության անդամներն էին պատասխանում: ...

    Կարդալ ավելին
  • Ում է ձեռնտու Հայաստանի ու Արցախի միջև բաժանարար գիծը:  Հարցս հռետորական չէ, քանի որ վերջին ժամանակները ակնհայտ քաղաքականություն է վարվում այդ ուղղությամբ:  Այդ իսկ պատճառով այս գրառմամբ ուզւոմ եմ ահազանգել ու հարցի վրա հրավիրել վարչապետ Նիկոլ Փաշինյանի ուշադրությունը : Ամիսներ առաջ, երբ ասել եմ չեմ հավատում ՆԻկոլ Փաշինյանին, ասել եմ կանխատեսելով այսօրվա իրողությունը և վաղվա իրավիճակը, որ գալու է այսօրվա սխալները չշտկելեու դեպքում: короля делает свита  ռուսերենում հայտնի այս ասածվածքը արդիական է ցանկացած ղեկավարի համար : պարոն Փաշինյան, այսօր ձեր շուրջ հավաքված պատասխանատու այրերի մասին ձևավոված կարծիքին, համոզված եմ, տիրապետում եք : Սակայն, այս պահին հարցը ոչ միայն կոնկրետ ամենանեղ շրջապատի , այլ իրենց ձեր իշխանության համակիր հայտարարող հեռու- մոտիկ վտանգավոր էլէմենտների ազգադավ պահվածքի ու սխակների մասին է: Այս վտանգավոր ալիքն անհապաղ չկասեցնելու պարագայում հայտնվելու ենք անդունդի եզրին ` մեր գլխին կախված յաթաղանով: Գիտեմ, որ խոսքերս նախկինների պես կարող եք քամահրանքով ընդունելլ: Բայց նրանց պես մի օր կհամոզվեք, որ մտահոգությունս երբեք անհիմն չի լինում: Եվ ուրեմն,  մի կողմ թողնելով վերջին ժամանակները ԼԳՏՊ ակտիվանալու տենդենցը, բանակ-հավատ-մշակույթ` ազգային արժեքների արժեզրկումն ու ոտնահարումը / սրանցից յուրաքնաչյուրը գոի խնդիր է/ , ուզւոմ եմ կանգ առնել ազգի համար ճակատագրական խնդրի վրա: Այսօր ինչ –ինչ կազմավորումներ կամ անհատներ , չգիտեմ` ուղղորդված, թե ինքնաբուխ, նպատակային խորացնում են Հայրենիքի երկու հատվածի` Հայաստանի ու ԱՐցախի միջև բաժանարար գիծը: Կարող եմ ենթադրել, որ այդ մարդկանց գործունեության հիմքում իրենց տգիտությւոնն է և փառքի ճանապարհին ոչ մի նողկաի երևույթի առջև չընկրկելու հատկությունը, բայց և այնպես` տգիտությունը դավաճանության համար մեղմացուցիչ համգամանք չէ : Այս մարդիկ ամեն գնով ցանկանալով կապկել Ձեզ, իրենց վրա հրավիրել Ձեր ուշադրությունը , ժողովրդի լեզվով ասած` մտնել ձեր աչքը, հանդես են գալիս տեղի-անտեղի` երբեմն նույնիսկ տխմար-իմաստազուրկ հայտարարություններով, որոնք ոչ միայն նպաստավոր չեն կոնկրետ ձեր հեղինակության համար, այլ ուղիղ խփում են Հայաստան –Արցախ միասնությանը: Հույս եմ պահում, որ սրա տակ պետական թաքնված քաղաքականություն չէ : Այդ իսկ պատճառով ահազանգում եմ: Ես հիշում ե մ , թե ինչպես Լ.Տ . Պետրոսյանը հիմք դրեց ղարաբաղցի-հայաստանցի եզղրույթին:  ևվ հույս եմ պահում, որ նոր թափ ստացած այս ալիքը նա չի բարձրացրել: Անկախության հռչակումից ի վեր մենք չկարողացանք իսպառ վնասազերծել ամբողջ հայության ճակատագիրը հարցականի տակ դնող այդ ախտը: ՈՒ այսօր այն նորից սկսել է գրոհել մեր շարքերը: Խայծը հեշտությամբ կուլ են տալիս մարդիկ/իսկ նրանք քիչ չեն/, ովքեր արդարացիորեն կամ անհիմն դժգոհ են նախորդ իշխանություններից և իրենց բոլոր դժբախտությունների մեջ մեղավոր են համարում Արցախն ու ազատագրկան պայքար-պատերազմը, չգիտակցելով, որ Արցախի սահմանում կանգնած զինվորը հսկում է ոչ թե Արցախի, այլ Հայաստան աշխարհի սահմանը: Ուստի և . ակնհայտը ապացուցելու կարիքից զերծ մնալով , նորից ահազանգում եմ ու ձեր ուշադրությունը հրավիրում եմ մարդկանց վրա, ովքեր շահարկելով ձեր անունը, հանդես են գալիս ազգադավ, բաժանարար-կործանարար հայտարարություններով: Իհարկե, ցանկացած ժողովդրավար երկրի համար բնական է ընդվզումներ, պայքար, մրցակցություն և այլն: Իհարկե , այդ իրավունքը ունեն նաև նրանք, ովքեր իրենց պայքարի ճանապարհին չեն խորշի ամենանողկալի մեթոդներից:  Սակայն , մեզ պես երկիի ղեկավարի համար օրակարգային հարց պիտի լինի ազգին ու պետությանը դեմ ուղղված վտանգավոր էլեմնետների չեզոքացման հարցը: Ուզում եմ նաև ընդգծել, որ Արցախից նման հայտարարությունների հեղինակները, ովքեր ներկայանում են որպես ձեր իշխանության կողմնակից, իրականում իրենց քաղաքական ամբիցիաների հարցն են լուծում: Որպեսզի մերկապարոնց չթվա ասածս, մի երկու օրինակ բերեմ. Արցախում հակահեղափոխական ուժ է ձևավորվում պետության մակարդակով – խոսքերի հեղինակ վերծնունդ կուսակցության ղեկավար Խանումյան Հայկը միևնույն ժամանակ ողջունելի է համարում Ռոբերտ Քոչարյանի վերադարձը քաղաքականություն / հետագա զարգացումներով/ Հայաստանի ու ԱՐցախի միջև անդունդ առաջացնող հայտարարությունների մեկ այլ հեղինակը Բադասյան Վահանն է : Երկար կարելի է խոսել այս մարդու քաղաքական ուղու մասին` իշխանամետությունից / պետական միջոցների մսխումով/ մինչև ընդդիմություն :  Բայց ընթերցողի ու ձեր ժամանակը խնայելու համար միայն հուշեմ, որ նախկին պատգամավորը նախախորհրդարան- սասնա ծռերի համախոհն է ու մոլի պաշտպանը: Չգիտեմ, ինչքանով է Ձեր ՔՊ-ն ու այս խմբավորումը համախոհ,  երևի դուք ավելի լավ կիմանաք: Ամեն դեպքում, կոչ եմ անում ձեզ` ձեռնարկել համաատասխան միջոցներ  և կանխել ազգադավ -բաժանարար ցանկացած երևույթ չափազանց ծանր այս ժամանկահատվածում, երբ ահագնանում են արտաքին մարտահրավերները, ժամ առ ժամ մեծանում է պատերարզմի վտանգը:  Դեռևս ոչ մեկը չի չեղարկել` ,,մասնատիր, որ տիրես,, կարգախոսը Նյութի աղբյուր՝ https://www.facebook.com/bella.lalayan/posts/2241348295894565 ...

    Կարդալ ավելին
  • Մեկ շաբաթ առաջ Ադրբեջանից Հայաստան է փախել ու ապաստան խնդրել ադրբեջանցի մի կին՝ Գյուլնարա Թարվերդիևան։ Կնոջ մասին հայտարարությունը հայկական կողմից տարածվեց երեկ, սակայն պարզ է, որ ադրբեջանական կողմը դեռ մեկ շաբաթ առաջ գիտեր այս տեղեկության մասին, ավելին՝ կինը բազմիցս զգուշացրել էր, որ եթե Ադրբեջանի իշխանությունները շարունակեն իր հետ վատ վարվել, նա փախչելու է Հայաստան։ Սակայն պաշտոնապես տարածված տեղեկությունից գրեթե մեկ օր հետո էլ դեռ ադրբեջանական կողմը հայտարարություն չի տարածում իր քաղաքացու մասին։ Ճիշտ է, մենք ամեն ադրբեջանցու չենք համարում ահաբեկիչ ու դիվերսանտ, ինչպես իրենք ներկայացնում են մեր գյուղացիներին, ովքեր պատահաբար անցնում են սահմանը, սակայն շարքային ադրբեջանցի քաղաքացու համար գոնե պետք է մտածի իր պետությունը։ Նյութի աղբյուր՝ https://www.facebook.com/ashot.asatryan.7549/posts/1781688938546501 ...

    Կարդալ ավելին
  • Վաղը տարածաշրջանային այցի շրջանակներում Հայաստան է ժամանելու Գերմանիայի կանցլեր Անգելա Մերկելը: Հայաստան այցելելու հրավերը վերահաստատվել է դեռ 2017 թվականին Բրյուսելում Արևելյան գործընկերության գագաթնաժողովին Հայաստանի նախագահ Սերժ Սարգսյանի կողմից: Այցի կարևորությունը Հայաստանի և տարածաշրջանի համար բազմաբաղադրիչ է: Ընդգծեմ մեզ համար մի քանի սկզբունքային հարցադրումներ․ 1. Գերմանիան մշտապես առավել զգույշ և կշռադատված քաղաքականություն է վարել Հարավային Կովկասում՝ փորձելով չհակադրվել ավանդական ռուսական ազդեցությանը տարածաշրջանում: Ներկայիս գլոբալ աշխարհաքաղաքական և աշխարհատնտեսական քաոսում կարևոր է հասկանալ Գերմանիայի նոր դիրքավորումը տարածաշրջանում: 2. Լինելով Մինսկի խմբի անդամ երկիր՝ Գերմանիան մշտապես բարձրաձայնել է Լեռնային Ղարաբաղի հիմնախնդրի խաղաղ կարգավորման գործընթացում իր անվերապահ աջակցությունն համանախագահների միջնորդական առաքելությանն ու սկզբունքներին: Ամռանը գերմանական ընկերություններից մեկի և Ադրբեջանի միջև ռազմատեխնիկական համագործակցության մասին լուրը խիստ անհանգստացնող էր: Այս առումով Մերկելի այցը կարող է նպաստել տարածաշրջանում խաղաղության պահպանմանը: 3. 2016 թվականին Գերմանիայի Բունդեսթագը, ճանաչելով Հայոց ցեղասպանությունը և ընդունելով նաև Գերմանական կայսրության մեղքի բաժինը, ոչ միայն քաղաքական, այլև քաղաքակրթական ուղերձ հղեց Թուրքիային: Գերմանիայի նման դիրքավորումը առ այսօր ուժեղ ազդակ է Հայոց ցեղասպանության ճանաչման գործընթացի հետագա հաջող ընթացքի համար և ոչ միայն ազգային, այլև միջազգային մակարդակներում: 4. 2017 թվականին Հայաստան-ԵՄ նոր շրջանակային պայմանագրի ստորագրումից և այս տարի հունիսի 1-ից նրա ուժի մեջ մտնելուց հետո մինչ այս պահը համաձայնագրով պայմանավորված որևէ բարեփոխման մեկնարկ կառավարության մակարդակով տրված չէ: Հիմք ընդունելով Գերմանիայի առաջատար կարգավիճակը ներկայիս ԵՄ-ում՝ Մերկելի այցը փայլուն հնարավորություն է կառավարության համար վերջապես զարկ տալու կոնկրետ աշխատանքներին և հստակ գործնական ուղերձ հղելու ԵՄ-ին՝ մեղմելով նաև վարչապետ Նիկոլ Փաշինյանի բրյուսելյան այցի բացասական արդյունքներն ու առկա անորոշ մթնոլորտը: 5. Ներքաղաքական վերջին զարգացումների համատեքստում և երեկ Նիկոլ Փաշինյանի կողմից հանրահավաքային հակաժողովրդավարական սպառնալիքները մեղմելու փորձից հետո նման մակարդակի համաշխարհային առաջնորդներից մեկի այցը պետք է նպաստի սահմանադրականության, իրական ժողովրդավարության և հանդուրժողականության խարխլված մթնոլորտի վերականգնմանը Հայաստանում: 6. Գաղտիք չէ, որ Հայաստանը Եվրոպական միությունից այլ կարևոր ակնկալիք նույնպես ունի: Խոսքը վերաբերում է վիզաների ազատականացման երկխոսության մեկնարկի շուրջ քաղաքական որոշում կայացնելուն: Գերմանիան, մի կողմից լինելով փախստականների ճգնաժամի հիմնական թիրախ, մյուս կողմից՝ աջակցելով Արևելյան գործընկերության ծրագրերին՝ անկյունաքարային նշանակություն ունի Հայաստանի համար՝ ԵՄ-ի կողմից դրական որոշում կայացնելու համատեքստում, այդ թվում՝ ազդելով Բրյուսելում, Փարիզում, Պրահայում և այլուր խնդրի դրական լուծման համար: Նյութի աղբյուր՝ https://www.facebook.com/armen.ashotyan/posts/10216306621516310 ...

    Կարդալ ավելին
  • Մոլորության նկատմամբ հանդուրժողականությունը ես դեռ հասկանում եմ, համենայնդեպս ուրիշների մեջ, բայց ոչ իմ մեջ, սակայն ստորության նկատմամբ հանդուրժողականությունը ես ոչ հասկանում եմ, ոչ էլ՝ հանդուրժում:  Խոսքը Խանումյան Հայկ անունը կրող պատգամավորի մասին է, ով տեսնելով Արցախում իր ու իր արբանյակների միջոցով անկայության մթնոլորտ չակորղացավ առաջացնել, չկարողացավ Արցախում իր սադրանքներով իրենց նկատմամբ ուշադրություն գրավել, տեսնելով որ թե՛ հասարակական և թե՛ գործող իշխանությունների համընդհանուր արհամարհանքը չի ստացվում ճեղքել, անցել է ստորաքարշ մեթոդների կիրառմանը: Այն է՝ Հայաստանի և Արցախի իշխանությունների միջև «սև կատու» միֆ ստեղծել ու շրջանառել իրականության տեղ և դրանով իսկ ձեռքերը տաքացնել այդ հնարավոր հակասության վրա, արդյունքում անկայունացնելով Արցախում և Հայաստանում ներքաղաքական իրադրությունը:  Ահա թե ինչի մասին է խոքը: Հայկ Խանումյանը երևանյան լրատվամիջոցներից մեկին տված հարցազրույցում նման հայտարարություն է արել, մեջբերում եմ՝  «Մայիսին ԼՂ ԱԺ և նաև մեր խմբակցության հետ հանդիպման ժամանակ Բակո Սահակյանն ասել է, որ ապրիլի 23-ից հետո ամեն գիշեր լացում է, բարձրաձայն ողբում է, և կարծում եմ, որ այդ ողբը մինչ օրս շարունակվում է։ Թեև դրանից հետո սկսել է ինչ-որ հայտարարություն անել, որ ողջունում է Հայաստանի նոր իշխանությունների կոռուպցիայի դեմ պայքարը։ Ուրիշ խմբեր էլ բացահայտ շանտաժներով են զբաղված, ինչ-որ կեղծ օրակարգեր են առաջ քաշում, փորձում են ինչ-որ ակցիաներ անել, հետո վախենում են չեն անում… Մի խոսքով, վստահ եմ, որ Բակո Սահակյանը և իր շուրջը հավաքված թիմը սպասում է Հայաստանում ֆորսամաժորային իրավիճակի, որպեսզի մասնակցություն ունենա Նիկոլ Փաշինյանի դեմ գործողություններին»: Մեջբերման ավարտ:  Արցախում անկայունության ձգտողները որոշակի մոլորություններ էին փորձում փաթաթել հանրության ընկալումներին, որն իհարկե չստացվեց, հիմա այդ փորձերը արդեն ստոր քայլերի իրականացմանն են միտված: Պատգամավորին բացատրել է պետք, որ Արցախում առաջացած ցանկացած սթրեսային իրավիճակ Հայաստանի իշխանությունների թույլ կողմն են: Քանզի այդտեղ ցանկացած անկայունություն կարող է սահմանում սրել իրավիճակը, ուստի այդ անկայությունը որպես Արցախի անվտանգության երաշխավորի, ՀՀ իշխանություններին ոչ միայն պետք չէ, այլև վտանգավոր է:  Կարծում եմ, ՀՀ իշխանություններին հաճոյանալու և ՀՀ իշխանությանների ձեռքով Արցախում երևակայական կրակներից շագանակներ հանելու այս դրևսրումները ՀՀ-ում լավ են գնահատում, և պատգամավոր աշխատող, հեղափոխականի իմիջ երևակայող, ընդդիմադիրի պատմուճան հագած գրանտակերը խորը հիասթափության նոր մեծ ալիք պետք է դիմավորի իր ու իր արբանյակների համար: Քանզի ՀՀ և ԱՀ իշխանությունները իրար հետ ավելի մտերիմ են շփվում, քան Արցախի պերիֆերիան և ՀՀ իշխանությունը: Արջի ծառայությունը միշտ էլ եղել է ավելորդ ու իզուր: Ուստի սև կատուներ մի հորինեք Արցախի և ՀՀ-ի իշխանությունների ղեկավարների մեջ ու մի շողոքորթեք մեկին, մյուսի հաշվին: Դա ամենաստոր բանն է:  Մեկ կարևոր հանգամանք ևս, «հարգելի» պատգամավորը չի գիտակցում նաև, որ նմանատիպ հայտարարություններով ինքը խորացնում է արցախցի-հայաստանցի բաժանարար գիծը: Նա չի գիտակցում, որ կառավարող էլիտան է հանրային օրակարգի ու կարծիքի մոդերատորը, ուստի նրանց միջև երևակայական տարանջատումները որոշակի տրամադրություններ կարող են ստեղծել, որը միայն ու միայն վնասում է՝ ջուր լցնելով արցախցի-հայաստանցի միֆային տարանջատման ջրաղացին:  Հ.Գ. Ընկույզը ինչքան էլ ամուր լինի ու դրսից չկոտրվի, բավական է, նրա մեջ որդ տեղադրել, այն կթուլացնի այդ ամրությունը և հեշտ կլինի կոտրել այն: Նյութի աղբյուր՝ https://www.facebook.com/groups/140242052811698/permalink/1078021232367104/ ...

    Կարդալ ավելին
  • Ադրբեջանում ԱԱԾ հատուկ նշանակության զորքերը շարունակում են ահաբեկել քաղաքի բնակիչներին։ Գյանջա քաղաքում տեղի ունեցած ցույցերից հետո բնակիչների նկատմամբ խիստ հետապնդումներ սկսվեցին։ Չնայած այն հանգամանքին, որ հետախուզում էր հայտարարվել ընդամենը 2 անձի նկատմամբ, իրականում ձերբակալվել են 200 քաղաքացի, ևս 30 քաղաքացու հանդեպ միջազգային հետախուզում է հայտարարված։ Կատարված գործողությունների արդյունքում, պաշտոնական տվյալներով, սպանվել է 5 քաղաքացի։ Ձերբակալված անձանց հարազատները հայտնում են, որ նրանց պահում են Ադրբեջանի ամենախիստ բանտերից մեկում, որտեղ նրանց պահում են դաժան պայմաններում։ Որոշ կառույցների պնդմամբ՝ սպանված քաղաքացիներից մեկը նույնիսկ ընդհանրապես կապ չի ունեցել Գյանջայում տեղի ունեցող դեպքերի հետ, իշխանությունը նրա հանդեպ անձնական հաշվեհարդար է տեսել, սակայն հետագայում ներկայացրել է որպես ահաբեկիչ։ Մարդու իրավունքի պաշտպանները նաև հետաքրքրվում են, թե ինչ պայմաններում են սպանվել 5 քաղաքացիները, քանի որ, ոստիկանության օրենքի համաձայն, ոստիկանները չպետք է սպանեն հանցագործին, զինված դիմադրություն ցույց տալու դեպքում կրակ պետք է բացվի նրա մարմնի այլ հատվածներին, այլ ոչ թե գլխին կամ սրտին, որպեսզի կյանքին վտանգ չսպառնա, սակայն Ադրբեջանի հատուկ նշանակության զորքերը քաղաքացիներին սպանել են հենց գլխին և սրտին կրակելով, նույնիսկ մահանալուց հետո կրակ են բացել նրանց վրա։ Բոլոր մասնագետները պնդում են, որ այս գործը շատ տարօրինակ և ավելի շատ բնակչությանն ահաբեկելու համար է արվում։ Նյութի աղբյուր՝ https://www.facebook.com/ashot.asatryan.7549/posts/1779924795389582 ...

    Կարդալ ավելին
  • Ռուսաստանի պաշտպանության նախարար, բանակի գեներալ Սերգեյ Շոյգուն օգոստոս ամսվա ընթացքում երկու անգամ Մոսկվա է հրավիրել Հայաստանի պաշտպանության նախարար Դավիթ Տոնոյանին: Երկու այցելությունների ժամանակ Դավիթ Տոնոյանն արժանացել է ռուսական բանակի ղեկավարության ամենաբարձր մակարդակով ընդունելության, իսկ «Միջազգային բանակային խաղեր-2018»-ի փակման հանդիսավոր արարողությանը ՀՀ պաշտպանության նախարարը հետևում էր Ռուսաստանի պաշտպանության նախարարի հետ՝ առաջին շարքում, որտեղ, բացի իրենից, մնացած բոլոր զինվորականները ռուսական բանակի գեներալներ էին: Այս փաստը նաև անհանգստացրել էր ադրբեջանական կողմին և արդեն մի շարք լրատվականներ և փորձագետներ փորձել են վերլուծել Տոնոյան-Շոյգու հարաբերությունները: Ադրբեջանական կողմին ավելի շատ հետաքրքրում է, թե այլ պաշտոնյաների հանդեպ ոչ միշտ նման հարաբերություններով աչքի ընկնող Սերգեյ Շոյգուն, ինչպես ստացվեց, որ այդպես մտերմացավ Դավիթ Տոնոյանի հետ այսքան կարճ ժամանակահատվածում: Սակայն նրանց համար առավել անհասկանալի է, թե ո՞վ է այն անձնավորությունը, ով մտերմացրել է երկու երկրների նախարարներին: Այս հարցի շուրջ, իմ կարծիքով, ադրբեջանական կողմը դեռ երկար կմտածի, չնայած մի նորմալ վերլուծաբան որ գտնեն, հնարավոր է՝ գլխի գցի: Նյութի աղբյուր՝ https://www.facebook.com/ashot.asatryan.7549/posts/1778881468827248 ...

    Կարդալ ավելին

ՖԲՀ

Քաղաքականություն