• Սպառազինության մրցավազքը և ոչ մի կերպ չի կարող ԼՂՀ կոնֆլիկտի լուծման համար դրական ֆոն ապահովել։ Ահա այստեղ է ամենամեծ բացթողումը, որի նախաձեռնողը, հաստատ, հայկական կողմը չէ։ Ադրբեջանի հռետորաբանությունն է խոսել հակառակորդի հետ զենքի լեզվով, ինչին պատասխանելը հայկական կողմի համար մնում է ուղղակի ստիպված քայլ։ Երեկ Ռուսաստանում ադրբեջանական լոբբինգի գլխավոր կուրատորներից մեկը՝ ռուս ազգայնական քաղաքական գործիչ Ալեքսանդր Դուգինը, հարցազրույցում նշել է, որ Հայաստանը այլընտրանք չունի ու պետք է տարածքային զիջումների գնա՝ ելնելով ռացիոնալ քաղաքականությունից։ Պարոն Դուգինի խոսքերին շատ չենք ուզում անդրադառնալ (դա մեծ ճոխություն կլիներ վերջինիս համար), պարզապես մեկ հարցի կանդրադառնանք։ Այս մարդը նշում է, որ Ադրբեջանն Ապրիլյան պատերազմում տարածքային խնդիրներ է լուծել ու որոշակի հաջողությունների հասել, ինչը հայկական կողմի համար պետք է որ հիմք հանդիսանար, որ տարածքների զիջումն այլընտրանք չունի։ Դա միակ ճանապարհն է տարածաշրջանում խաղաղություն հաստատելու համար։ Հիմա տեսեք, Դուգինը սրանով կա՛մ փափուկ բարձ է դնում Ադրբեջանի գլխի տակ, կա՛մ էլ իսկապես մոլորված է։ եթե Ապրիլյան պատերազմից հետո Ադրբեջանն իրապես հավատում է, որ հաջողությունների է հասել, ուրեմն՝ թող այդպես էլ շարունակի կարծել, պարզապես հաջորդ էսկալացիայի ժամանակ, հուսանք, չեն բողոքի հայկական ագրեսիայից։ Այս անգամ, հաստատ, կեսից չի կանգնելու հայկական զորքը։ Սրա վերաբերյալ պարոն Դուգինը նշում է, թե ապրիլյան դեպքերի ժամանակ Ալիևն է կանգնեցրել կռիվը, ու չի էլ հիշում, թե ինչպես էր Զաքիր Հասանովը գլխապատառ հասել Մոսկվա ու զինադադար էր կնքում։ Մի խոսքով՝ մեր ռազմավարական դաշնակից երկրում, փաստորեն, իրենց ուղեղային կենտրոն համարող մարդիկ կան, որոնք կա՛մ կարծում են, կա՛մ իմիտացիա են անում, որ Ադրբեջանն ի վիճակի է կարգավորելու ԼՂՀ խնդիրը, իսկ Ռուսաստանը կարող է նպաստել դրան։ Այս ամենի հիմքում նա տեսնում է Ռուսաստանին, քանի որ առանց նրա այս հարցը լուծում ունենալ չի կարող։ Նյութի աղբյուր՝ https://www.facebook.com/karen.hambardzumyan.3910/posts/268981596842240 ...

    Կարդալ ավելին
  • Քանի որ արդեն որոշ «հայկական լրատվականներ» բառ առ բառ թարգմանել են Ադրբեջանի ՊՆ Զաքիր Հասանովի հայտարարությունն այն մասին, որ իրենք ցանկացած պահի կարող են խոցել Հայաստանում գտնվող «Իսկանդերները», այսինքն՝ իրենք ցանկացած պահի կարող են խոցել Հայաստանում գտնվող ցանկացած բան, ապա կարելի է նաև դրա ցնդաբանությանը անդրադառնալ: Մինչ այս հայտարարությունը Զաքիր Հասանովը տարբերվում էր իր բանակի ներկա և նախկին գեներալներից, որոնք ժամանակ առ ժամանակ կոչեր էին անում հարվածել Երևանին, հարվածել Մեծամորի ԱԷԿ-ին և այլն: Հարվածել ինչ-որ կարևոր օբյեկտի բոլորն էլ կարող են: Զաքիր Հասանովը՝ որպես ՊՆախարար, շատ լավ գիտի Մինգեչաուրի ջրամբարի և Բաքվում գտնվող նախագահի նստավայրի մասին և Ադրբեջանի համար կարևոր այլ օբյեկտների մասին: Հասանովը նաև շատ լավ գիտի, թե մեր հրետանին կոնկրետ որ տարածքից նշվածներից որը կարող է խոցել: Իրականում շատ վատ է , որ Ադրբեջանի 8-րդ պաշտպանության նախարարը, ով 2013 թվականից ղեկավարում է այդ կառույցը և հաստատ բավարար ռազմական գիտելիքներ ունի, խոսում է սպառնալիքի լեզվով: Ես, իհարկե, հասկանում եմ, որ այդ հայտարարությունն ուղղված էր ներքին լսարանի՝ բնակչության ու բանակի մարտական ոգին տեղը պահելու համար: Ստացվում է այնպես, որ աշխարհի երեսին ցանկացած երկրի ՊՆախարար կարող է նմանատիպ հայտարարություն անել, քանի որ բոլորն էլ ունեն ինչ-որ զենք, որով կարող են ինչ-որ բան խոցել, բայց այս հայտարարությունը զուտ սիրտ մխիթարելու համար է, ոչ ավելին: Ու սիրտ մխիթարելու համար է ինչպես իրենց համար, այնպես էլ մեզ համար: Մոտակա մի քանի տարին հաստատ նման զենքերով նման կարևոր թիրախների ո՛չ մենք, ո՛չ իրենք չեն խոցի: Նյութի աղբյուր՝ https://www.facebook.com/ashot.asatryan.7549/posts/1353735191341880 ...

    Կարդալ ավելին
  • Այսօր Ադրբեջանի օմբուդսմեն Էլմիրա Սուլեյմանովայի ծննդյան օրն է։ Դա ուշադրություն չէր գրավի, եթե չպարզվեր, որ 15 տարի Ադրբեջանի մարդու իրավունքների պաշտպանի պաշտոնը զբաղեցնող սույն տիկինն այսօր չնշեր իր 80-ամյակը։ Ես բացարձակ դեմ չեմ, որ տարիքով մարդիկ զբաղեցնեն պաշտոններ, բայց դա չի նշանակում, որ ամեն տարիքում կարելի է պաշտոն զբաղեցնել։ Չեմ ուզում որևէ մեկին վիրավորել, բայց համոզված եմ, որ 80-ամյա մարդը չի կարող լավ ղեկավար լինել։ Չի կարող լավ ղեկավար լինել նաև նա, ով երկար տարիներ ՆՇԱՆԱԿՈՎԻ պաշտոն է զբաղեցնում։ Այսինքն՝ չի ընտրվում ժողովրդի կողմից։ Նրանք էլ տարրական լճանում են և կտրվում հասարակությունից, քանի որ ստիմուլ չունեն և պատասխանատու չեն հասարակության առաջ։ Սակայն պարզվեց, որ Էլմիրա Սուլեյմանովան եզակի դեպք չէ Ադրբեջանում։ Ալիևների ընտանեկան կալվածք համարվող Ադրբեջանում բոլոր պաշտոնյաները ենթարկվում են հենց այդ ընտանիքին։ Հենց դրանով է պայմանավորված, որ բռնապետական երկրներին բնորոշ ոճով որոշ ազերի պաշտոնյաներ ոչ միայն շատ երկար են զբաղեցնում իրենց պաշտոնները, այլև բավական ծեր են։ Դրա պատճառները և՛ օբյեկտիվ են, և՛ սուբյեկտիվ։ Օբյեկտիվն այն է, որ կան պաշտոնյաներ, որոնց հայր և որդի Ալիևները անվերապահորեն վստահում են։ Սուբյեկտիվն էլ՝ համապատասխան պաշտոնյաները երկար են ղեկավարում, քանի որ սուլթան Ալիևների ընտանիքն արդեն չի ցանկանում այդ պաշտոններում այլ մարդկանց տեսնել և սպասում է, որ սրբացված ընտանիքի անդամները մի փոքր մեծանան և այդ պաշտոններում նրանք նշանակվեն։ Օրինակ՝ Ադրբեջանի վարչապետի պաշտոնը։ Այն զբաղեցնում է 82-ամյա Արթուր Ռասիզադեն, ով այդ պաշտոնին է արդեն 21 տարի։ Կամ Բաքվի քաղաքպետի պաշտոնը, որն արդեն 16 տարի է՝ զբաղեցնում է 73-ամյա Հաջիբալա Աբութալիբովը, ով, ըստ ազերիական ԶԼՄ-ների, առողջական խնդիրներ ունի։ Համոզված եմ, որ Իլհամ Ալիևն ապագայում այդ պաշտոններում կնշանակի իր ընտանիքի անդամներին։ Ինչու ոչ։ Ինչո՞վ է պակաս դեբիլ Հեյդարչիկը մարազմատիկ Աբութալիբովից, կամ մանկամիտ Արզուն՝ իրականությունից կտրված Ռասիզադեից։ Վարչապետի և Բաքվի քաղաքապետի պաշտոնները շատ գայթակղիչ են, որ Իլհամ և Մեհրիբան Ալիևները որևէ մեկին վստահեն։ Կան պաշտոնյաներ, որոնք Ալիևների ընտանիքին երկար տարիներ հլու-հնազանդ ծառայում են և նրանց կամակատարներն են ու հանցակիցները։ Օրինակ՝ 70-ամյա Ռամիլ Ուսուբովը՝ Ադրբեջանի Ներքին գործերի նախարարը, ով այդ պաշտոնը զբաղեցնում է 16 տարի։ Կամ Վասիֆ Թալիբովը՝ Նախիջևանի տիրակալը, ով 23 տարեկան հասակում Հեյդար բաբայի կողմից նշանակվել է այդ ինքանվարության ղեկավար և մինչ օրս համարվում է անփոխարինելի։ 57-ամյա Թալիբովը Նախիջևանը ղեկավարում է 24 տարի և հայտնի է իր տարօրինակ որոշումներով։ Կային պաշտոնյաներ, որոնք երկար տարիներ Ալիևներին ծառայելուց հետո հայտնվել են նրանց սև ցուցակում։ Այդ պաշտոնյաները նաև Ադրբեջանում ունեին Ալիևների ընտանիքի քսակներ կոչումը։ Դա տրանսպորտի նախկին նախարար, միլիարդատեր Զիա Մամեդովն էր և Ազգային անվտանգության նախարար Էլդար Մահմուդովը, որոնք զրկվեցին իրենց պաշտոններից երկար լեզու ունենալու և բամբասելու պատճառով։ Սակայն Ալիևները և նրանց կամակատարները չեմպիոններ չեն երկարակյաց ղեկավարելու մեջ։ Նրանք դեռ շատ հաց ու պանիր պետք է ուտեն, որ հասնեն Զիմբաբվեի 93-ամյա նախագահ Ռոբերտ Մուգաբեին, ով երկիրը ղեկավարում է 1987 թ.-ի դեկտեմբերի 31-ից։ Հեյդար և Մեհրիբան Ալիևները կարող են ռեկորդը խլել Մուգաբեից, եթե դիմանան մինչև 2033 թ.-ը։ Բայց հուսամ՝ մինչ այդ ո՛չ Ադրբեջան կլինի, ո՛չ էլ Ալիևների ընտանիքը։ Նյութի աղբյուր՝ https://www.facebook.com/gagik.hambaryan/posts/1425783537505591 ...

    Կարդալ ավելին
  • Առաջնագիծը մշտական ջրով ապահովելու ծրագիրը մտել է շինարարական փուլ: Այս կարևոր ծրագրի մասին արդեն մի քանի առիթով խոսել եմ: Նախօրեին առաջնագիծ էի մեկնել՝ տեղում ծանոթանալու շինարարական աշխատանքների ընթացքին: Բավականին բարդ տեղանքում հողային աշխատանքներ են տարվում, ստեղծվում են անհրաժեշտ ենթակառուցվածքներ՝ ջրի մշտական հոսքը խողովակաշարով դեպի մարտական հենակետեր տեղափոխելու համար: ...

    Կարդալ ավելին
  • Այսօր լրացավ մեկ տարին՝ Թուրքիայում ռազմական հեղաշրջման ձախողված փորձի: Ֆեթուլլահիստ անվանումը ստացած այս ձախողված հեղաշրջման փորձից հետո դեռևս շարունակվում է պարետային ժամը ողջ Թուրքիայում, ինչպես նաև լայնամասշտաբ ձերբակալությունները:  Հ.Գ. Ձերբակալվածների թվերի մասին միտումնավոր չեմ գրում... Նյութի աղբյուր՝ https://www.facebook.com/kilkiahayastan/posts/446668112379802 ...

    Կարդալ ավելին
  • Մի քանի օր առաջ 2 քաղաքական գործչի դեսպան նշանակեցին: Ես մեր դեսպանատների մասին սեփական պատկերացումներն ունեմ, փորձեմ կիսվել: Ո՞վ կարող է ասել՝ Հայաստանն ի՞նչ քաղաքական շահեր ունի Դանիայում, իսկ Կանադայու՞մ: Ընդհանուր առմամբ՝ նման երկրներում ՀՀ քաղաքական շահը հիմնականում սկսվում և ավարտվում է Ցեղասպանության հետ կապված որևէ պրոցեսներ գեներացնելով (առանց ֆունկցիոնալ նշանակության), մեկ-մեկ էլ հնարավոր է Ադրբեջանին գործողություններին պատասխաններ մտածելով: Կարծում եմ՝ ՀՀ դեսպանատների ֆունկցիան 70-80%-ով տնտեսական գործառույթները պետք է լինեն, իսկ դեսպանների գլխավոր խնդիրը՝ ՀՀ տնտեսության զարգացումը: Օրինակ՝ ամեն դեսպանատանը կից պետք է լինեն ՀՀ-ում որևէ արտահանող ոլորտի պատասխանատուներ, որի գլխավոր գործառույթը տվյալ երկիր հայկական ապրանքների արտահանման կազմակերպումն ու աջակցությունն է: Օրինակ՝ լինեն գինու, կոնյակի, չորացված մրգերի կամ մեղրի պատասխանատուներ, որոնց գործը տվյալ ապրանքների արտահանման կազմակերպումն է: Իսկ եթե մեկ տարվա ընթացքում արդյունք չունեցան, ապա այլ թեկնածուներ առաջարկվեն: Տվյալ պաշտոնյաները պետք է հանդիպումներ կազմակերպեն երկրների գործարարների միջև, էքսպոներ կազմակերպեն, ներդրումներ ներգրավեն, կապեր հաստատեն վաճառք իրականացնող ընկերությունների հետ և այլն: Հիմա պատկերացրեք, Արզումանյանը քանի տարի ընդդիմություն է խաղացել, իշխանություններին է քննադատել ու հանկարծ հասել է իր նպատակին, գնացել է մեր գումարներով կյանք վայելելու, ու մեկ էլ մի հայկական բիզնես գալիս է, թե ուզում եմ Դանիա արտահանեմ: Կասի՝ բալիկ ջան, ուզում ես, արտահանի, ինձանից ինչ ես ուզում, ոնց որ արվում է հիմա, հիմնականում: Նյութի աղբյուր՝ https://www.facebook.com/vahram.miraqyan/posts/1473981145981475 ...

    Կարդալ ավելին
  • Ցավ եմ ապրում, երբ տեսնում եմ, որ մարդիկ փորձ են անում ամեն կերպ իմաստազրկելու ու հեղինակազրկելու Հայաստանի առաջին հանրապետությունը՝ ի դեմս իր քաղաքական ղեկավարության: Հուշարձանագետը, մերակապարանոց հայտարարություն անելուց բացի, լավ կլինի՝ փաստերով հիմնավորի իր ասածը, վերջապես ինքը, ելնելով իր մասնագիտությունից, պետք է խոսի միայն փաստերով: Պատմության կեղծարարները կեղծում են նորօրյա պատմությունը, ուստի այլևս չեմ զարմանում արդեն 100 տարի առաջ տեղի ունեցածների պատմության կեղծման ջատագովների վրա: Նյութի աղբյուր՝ https://www.facebook.com/kilkiahayastan/posts/446674322379181 ...

    Կարդալ ավելին
  • Իսլամական պետությունը պատասխանատվություն ստանձնեց հունիսի 19-ին և 20-ին Փարիզում և Բրյուսելում իրականացված ահաբեկչական հարձակումների համար: Հիշյալ ահաբեկչական հարձակումներն ԻՊ-ի կողմից իրականացված «ամենաանհաջող» բռնարարքներն էին, որի ժամանակ սպանվեցին միայն հարձակվող իսլամականները: Նյութի աղբյուր՝ https://www.facebook.com/sargis.grigoryan.50/posts/1495274100534373 ...

    Կարդալ ավելին
  • Սա պետություն է, թե՞ «13-րդ թաղամասը» Հուլիսի 12-ին «Սասնա ծռերի» անդամ Արեգ Կյուրեղյանը դատարանից տեղափոխվել է պատժախուց։ ԱՆ Քրեակատարողական հիմնարկների վարչությունը հայտարարություն էր տարածել, որում ասվում էր՝ Կյուրեղյանի մոտ արգելված իր են հայտնաբերել: Կյուրեղյանի փաստաբանը տեղեկացրել էր, որ իրենք չեն մեկնաբանում տարածված հայտարարությունը, սակայն Կյուրեղյանը խնդրել էր փոխանցել հետևյալը․«Եթե հնարավորություն ունենայի «Կալաշնիկով» ավտոմատ տեղափոխել, կտեղափոխեի»։ Կյուրեղյանը սիրալիր տրամադրված չէր լինելու ու բարեհամբույր մտքեր չէր արտահայտելու, բայց, այնուամենայնիվ, մի կարևոր դիտարկում անենք․ Պետք է հասկանալ՝ ինչպիսի պետություն ենք ցանկանում ունենալ ու պետք է կարողանալ տաբերակել թացը չորից։  Հասկանալի է ծռերի դատավարության քաոսի շուրջ ձևավորված հուզական մթնոլորտը, սակայն Արեգի՝ «Եթե հնարավորություն ունենայի «Կալաշնիկով» ավտոմատ տեղափոխել, կտեղափոխեի» արտահայտությունը ոչ մի տեղ տանող ձևակերպում է։ Սա պետություն է վերջապես, թե՞ «գետտո», որ ով ցանկանա կալաշնիկով վերցնի ու գնա այնտեղ, որտեղ ճամփեն կտանի։ Դե լավ է էլի ՀՀ քրեակատարողականներում բոլոր դատապարտվածներն էլ թող մարդա մի հատ իսկանդեր վերցնեն, գնան բանտախուց, թեման փակենք, գնանք։ Կարծում եմ անթույլատրելի է նման մոտեցումն ու հանրային պահվածքը։ Նյութի աղբյուր՝ https://www.facebook.com/tigranuhi.davtyan.7/posts/1897666237225065 ...

    Կարդալ ավելին
  • Այս օրերին ԵՊՀ-ի հերթական հաջողված միջոցառումն է Արցախում՝ 160 ուսանողների մասնակցությամբ: Դասախոսություն, 2 ժամ հարցուպատասխան, ուսանողները բավականին հասուն հարցադրումների էին հնչեցնում: Նկատելի էր, որ հանդիպմանը լավ պատրաստվել էին. ակտիվ քննարկում ստացվեց: Բանակցային գործընթացից մինչև ապրիլյան մարտական գործողություններ, ռազմաքաղաքական իրավիճակ և բանակում իրականացվող փոփոխություններ: Հ.Գ. Հանդիպումը երեկոյան էր, ես էլ Ջրականից (Ջաբրայիլ) էի վերադառնում, անկեղծ ասած շատ հոգնած էի: Սակայն լավ մթնոլորտ էր՝ ուժեղ էներգետիկայով, միջավայրն էլ ինձ աշխուժության մղեց։ Նյութի աղբյուր՝ https://www.facebook.com/tigran.abrahamyan/posts/1465413173524196 ...

    Կարդալ ավելին

ՖԲՀ

Քաղաքականություն