• Աննորմալություն համար մեկ. Հայաստանում կուսակցությունները չունեն գաղափարակից հետևորդներ: Որովհետև ընդունելի գաղափարներ չունեն: Ունեն գաղափարներ, որոնք լավն են, բայց գաղափարի լավ լինելը դեռ հիմք չէ այն ընդունելու համար, քանի որ ամեն լավ գաղափար չէ, որ կիրառելի է: Իսկ եթե ունեն կիրառելի գաղափարներ, ապա դրանք չեն լուծում մեր հանրային խնդիրները և, ուրեմն, անընդունելի են: Աննորմալություն համար երկու.Մեր կուսակցությունները չունեն գաղափարակից հետևորդներ, բայց զարմանալիորեն ունեն ընտրողներ: Դա շատ, շատ աննորմալ է: Աննորմալություն համար երեք. Զարմանալու բան է, որ ՏԻՄ ընտրությունների ժամանակ ընտրվում է այն կամ այն կուսակցության ներկայացուցիչը, սակայն հենց ՏԻՄ ընտրություններում կուսակցության գաղափարախոսությունն առհասարակ որևէ դեր ու նշանակություն չունի, քանի որ ՏԻՄ ընտրությունների ողջ գաղափարախոսությունն ուղղված է ոչ թե համապետական, այդ թվում և՝ արտաքին քաղաքական, այլ՝ տեղական-սոցիալական խնդիրների լուծմանը: Աննորմալություն համար չորս. Կուսակցության ղեկավարները մինչև հիմա մտածում են, թե հաջողության գրավականը շատ գաղափարակից անդամ ունանելն է: Դա այդպես է, բայց ոչ մեր պարագայում, քանի որ մեր ընտրողն առաջնորդվում է այլ՝ բոլորիս հայտնի, չափանիշներով: Հետևաբար, պետք չէ շատ հետևորդ ունենալ, պետք է շատ ընտրող ունենալ:  Դե, իսկ այս հարցը Հայաստանում հեշտ է լուծվում փողով, ծանոթով, աշխատանքի տեղավորելու կամ աշխատանքից չազատելու խոստումով և այլ ձևերով: Աննորմալություն համար հինգ. Կուսակցություններից և ոչ մեկը ադեկվատ պատկերացում չունի Հայաստանի ներքին իրականության և արտաքին հարաբերությունների մասին: Ավելի ճիշտ՝ հնարավոր է, որ ունեն, բայց համենայն դեպս ադեկվատ չեն խոսում: Իսկ մենք ստիպված ենք առաջնորդվել կուսակցությունների ներկայացուցիչների հրապարակային ելույթներով, որոնք չեն դիմանում տրամաբանության և առողջ ողջախոհության քննությանը: Աննորմալություն համար վեց. Որքանով մեծանում է կուսակցությունների թիվը, այնքան մեծանում է իրականությանը քաղաքական համակարգի ոչ ադեկվատության չափը: Այսինքն, յուրաքանչյուր նոր կուսակցությունը ոչ թե կարգավորում է դաշտը, այլ ընդհակառակը՝ այն ավելի քաոսային դարձնում: Բայց քաոսը մանևելու ավելի մեծ հնարավորություններ է տալիս, քան կարգավորված համակարգը: Դրա հետևանքով Հայաստանում ոչ թե քաղաքական գործիչներ են, այլ կուսակցության գործ անողներ: Նյութի աղբյուր` https://www.facebook.com/permalink.php?story_fbid=877958722333341&id=100003576633868&from_close_friend=1&notif_t=close_friend_activity&notif_id=1459425283986674 ...

    Կարդալ ավելին
  • Հարկային նոր օրենսգրքի նախագիծը, որը հաստատվել է կառավարության նիստում, դրական սպասումների տեղիք է տալիս: Նախատեսվում է, որ նոր օրենսգիրքը պետք է ապահովի տնտեսության երկարաժամկետ աճը՝ չկարևորելով կարճաժամկետ արդյունքները: Օրենսգրքի ընդունումից հետո ոչ միայն արտահանողները հնարավորություն կունենան ստանալ ավելացված արժեքի հարկի գումարները, որոնք վճարված են մատակարարներին, այլև այն տնտեսվարող սուբյեկտները, ովքեր տնտեսությունում կատարել են ներդրումներ և ներդրումների մեծածավալությամբ պայմանավորված՝ հնարավորություն չեն ունեցել օգտագործելու իրենց մատակարարներին վճարված ԱԱՀ-ն: Այսինքն՝ վեց ամսվա կտրվածով այս սուբյեկտներին կվերադարձվի ԱԱՀ գումարները, որպեսզի կարողանան դրանք օգտագործել: Բացի այդ, նոր հարկային օրենսգրքի ընդունումից հետո արտադրական նշանակության սարքավորումներ, ինչպես նաև երրորդ երկրներից հումքի տեսակներ ներմուծելու դեպքում ԱԱՀ-ն մաքսային մարմիններին կվճարվի ոչ թե ներմուծման օրվանից 10 օրվա ընթացքում, այլ կվճարվի հարկային մարմիններին՝ մինչև հաջորդ ամսվա 20-ը: Օրենսգրքի շրջականերում սկզբունքային է եղել նաև հարկման այլընտրանքային եղանակների կիրառությունը: Այս նորամուծությունների հետ մեկտեղ՝ փոքր բիզնեսը շարունակելու է օգտվել այն արտոնություններից, որոնցից այսօր օգտվում է: Նյութի աղբյուր` https://www.facebook.com/permalink.php?story_fbid=1699200803693181&id=100008098336391&__mref=message_bubble ...

    Կարդալ ավելին
  • “Բարձրախոսը միացրեք կոստյումին եւ, խնդրեմ, նստեք, պարոն պրեզիդենտ” . փոքր նեղ աչքեր, մի քիչ կարմրած դեմք, սպիտակող շեկ մազեր ու ճարպիկ շարժումներ` հավանաբար իռլանդիամերիկացի. մի հայացքն էլ բավական էր, որ երեւա` միստր Էլիսոնը կարծրատիպային Հարվարդի կարծրատիպային դասախոս է: Այս բուհի մասին յուրաքանչյուրն ունի իր կարծրատիպը, բայց բոլորի մոտ նույնն են երեւի “ամենա” եւ “ագույն” գերադրական աստիճանները` ամենաառաջադեմը, լավագույնը… անկախ երկրի մեծությունից ու նշանակությունից, դրա նախագահի այցելությունն էլ Հարվարդ ինքնին այստեղ իրադարձություն չէ, իրադարձություն կարող է դառնալ այն` ինչպես կընթանա հանդիպում-դասախոսությունը: Միստր Էլիսոնը պետք է վարեր այս միջոցառումը, այդ պատճառով նախ մոտեցավ նախագահին, ձեռքը սեղմելիս նայեց ուղիղ աչքերի մեջ. տպավորություն էր, որ մտքով անցկացրեց նախագահի կենսագրությունը, որը քիչ անց պետք է ներկայացներ բոլորին: Անցնել տասնյակ հեծանիվների արանքով, հետո մտնել կարմիր աղյուսե պատերով շենք, մտածկոտ եւ խաղաղ դեմքերով ուսանողների միջով բարձրանալ հինգերորդ հարկ ու անցնելով գաղտնի ծառայության աշխատակիցների խիստ հայացների կողքով` մտնել Քենեդու անվան կառավարման դպրոցի մեծ դահլիճ-լսարան: Նախագահ-դասախոսին այստեղ թուղթուգրիչներով ու լիցքավորված պլանշետներով արդեն սպասում էին առաջին կուրսեցիներից մինչեւ իրենց աշխարհահռչակ դասախոսները. նաեւ լրագրողներ, լոբբիստներ, պաշտոնյաներ ու գուցե հարեւան երկրի տեղական ներկայացուցիչներ: Միստր Էլիսոնը շուրջը նայեց, երբ տեսավ, որ լսարանը պատրաստ է` սկսեց ՀՀ Նախագահի կենսագրությունից, մեր օրերից քայլ առ քայլ մինչեւ նախորդ դարի ութսունականների վերջ: Տպավորություն էր, որ թվարկում է կոչումները, ոչ թե պաշտոնները. չէր թաքցնում` հետաքրքրված է իր պրոֆեսոնալ հյուրով եւ ուզում է` նա շուտ սկսի իր դասախոսությունը: Ամեն ինչ տեւեց մոտ մեկ ակադեմիական ժամ, գուցե մի քիչ ավելի: Սկզբում տեսական` զեկույց այն մասին, թե ով ենք մենք եւ ինչ ենք ուզում, հետո գործնական աշխատանք` հարց ու պատասխան: Եթե հարեւան երկրի ներկայացուցիչներ կային, հենց սկզբից լսեցին հարազատ բառերը` “օկուպացիա” եւ “տարածքային ամբողջականություն”. այս անգամ այդ մասին մենք էինք խոսում. թվում էր` նախագահ-դասախոսը հարվարդցիներին պարզագույն ճշմարտություններ է բացատրում` այդ Ստալինը ժամանակին օկուպացրեց Արցախը` ի շահ Ադրբեջանի, բայց ազատ մարդկանց երկիրը երբեք չդարձավ տարածքային ամբողջականության մի մաս Ադրբեջանի համար… Ու այդ ամենը ներկայացվում էր առանց կաթիլ անգամ ագրեսիայի զեկուցողի կողմից. խիստ լսարանը հավանությամբ գնահատեց նախագահին, միստր Էլիսոնը նշումներ արեց նոթատետրում ու շարունակեց լսել: Դասախոսող նախագահը նրան նոր հետազոտման թեմա էր հուշել: 38 րոպեանոց դասախոսությունը գիտական չէր, բայց ադեկվատ էր` առանց զգացական ձեւակերպումների ու շեղող բառախաղերի նախագահը միստր Էլիսոնին ու մյուս հարվարդցիներին պատմում էր Հայաստանի ու հայերի երազանքների եւ իրականության մասին, հպարտանում էր հիմնական հաջողություններով ու առանց կեղծ հեգնանքի` խոստովանում թերությունները: Ելույթը խաղաղ էր ու հավատով լցված: Այդպես էլ շարունակվեց` երբ սկսվեցին հարցերը: Դրանց թիվը յոթն էր: Գուցե նախապես մարտական տրամադրված հարց տվողները մի տեսակ մեղմացել էին ելույթից հետո: Հարցերին նախորդող ելույթը բարձրացրել էր նշաձողը, էժան հարցերը մոռացվել էին, չկային նաեւ պոպուլիստական պատասխաններ` միստր Էլիսոնը ժիր ու փոքր աչքերը անվերջ խոնարհում էր` ի նշան հավանության… Սրտացավ ու մտածող մարդկանց մտքերի փոխանակում էր` Հայաստանի, Արցախի, ԱՄՆ-ի ու աշխարհի, անցյալի ու ապագայի, նաեւ` հայկական ֆուտբոլի մասին… Ու ամենահաճելին այն էր, որ դա պրոիշխանական լրատվամիջոցի կամ միջին վիճակագրական չինովնիկի ձեւակերպում չէր ու ոչ էլ անգամ հյուրընկալող կողմի քաղաքավարություն. հարվրդյան ախտորոշում էր` Հայաստանը իր անկախության 25 տարիների ընթացքում ֆենոմենալ զարգացում է ունեցել ու սա դեռ սկիզբն է: … Երբ ամեն ինչ վերջանում էր, փոքր աչքերով ու ճարպիկ շարժումներով կարծրատիպային հարվարդցի միստր Էլիսոնը անսպասելի խոստավանություն արեց` ով կմտածեր, որ գիտնականը զգացական գնահատական կտա գուցե հենց գիտական հիմնավորմամբ, որին ականատես եղավ. “պարոն պրեզիդենտ, հարգելի հյուրեր, ուրախ եմ, որ Հայաստանը այսքան առաջադեմ է ու լայնախոհ, ուրախ եմ, որ դուք այսպիսի առաջին դեմք ունեք”: Անկախ երկրի մեծությունից ու նշանակությունից, դրա նախագահի այցելությունը Հարվարդ ինքնին իրադարձություն չէ, իրադարձություն կարող է դառնալ այն` ինչպես կընթանա հանդիպում-դասախոսությունը: Ակնհայտ էր միստր Էլիսոնը տպավորված է: Նախագահը կոստյումի վրայից բարձրախոսը զգույշ հանեց, հայկական ժպիտով հարվարդցիների ձեռքը սեղմեց ու …մեկնեց հայկական համայնքի հետ հանդիպման: Նյութի աղբյուր՝ https://www.facebook.com/nikoyan/posts/1042426359137689 ...

    Կարդալ ավելին
  • Թուրքիայի հարավ-արևելյան գրեթե բոլոր նահանգներում չեղյալ է հայտարարվել պարետային ժամ ռեժիմը: Չնյած չեղարկվել է պարետային ժամ ռեժիմը, այնուամենայնիվ բնակիչներին թուրքական անվտանության ուժերը չեն թույլատրում վերադառնալ իրենց բնակավայրերը: Շըրնաքում պարետային ժամի չեղարկումը հետաձգվել է մինչև ժամը 16:30: Հարավ-արևելյան նահանգները միմիյանց կապող մայրուղիները փակ են քաղաքացիական ավտոմեքենաների համար: Նյութի աղբյուր` https://www.facebook.com/kilkiahayastan/posts/199397277106888?from_close_friend=1&notif_t=close_friend_activity&notif_id=1459422663739393 ...

    Կարդալ ավելին
  • ՀՀ ջրավազանային տարածքների կառավարման ու ճիշտ պլանավորման հարցն ունի կարևոր նշանակություն: Հայաստանում ձկնաբուծության ոոլորտը զարգացման մեծ պոտենցիալներ ունի: ՀՀ-ից բավականին մեծ քանակությամբ ձկնատեսականեր են արտահանվում մի շարք երկրներ: Բացի այդ, Հայաստանում գերակա ճյուղ համարվող գյուղատնտեսության համար կարևոր է ոռոգման համակարգերի ճիշտ կառավարման ու բարելավման հարցը: Այսօր կառավարության նիստի ժամանակ հավանություն է տրվել Արարատյան ջրավազանային տարածքի կառավարման պլանին (2016-2021): Նախ հասկանանք ինչ չափերի է հասնում զբաղեցնում Արարատյան ջրավազանային տարածքը և որոնք են այս ծրագրի հիմնական նպատակաները: Արարատյան ջրավազանային կառավարման տարածքը ընդգրկում է Արփայի, Վեդիի և Ազատի գետավազանները և կազմում է 4389 կմ2: Արարատյան ՋԿՏ-ն վարչատարածքային տեսակետից ընդգրկում է Արարատի մարզի Արտաշատի և Արարատի տարածաշրջանները, Վայոց ձորի մարզը և Կոտայքի մարզի Գառնի, Գեղարդ, Գողթ համայնքների տարածքները: Ներկայացված կառավարման պլանի նպատակներից մեկը՝ աջակցել ջրային ռեսուրսների կառավարման համար պատասխանատու մարմիններին, վարչական մարմիններին և հանրությանը՝ ջրային ռեսուրսների ոլորտում որոշումների կայացմանը, և վերջին հաշվով դրանց ռացիոնալ և արդյունավետ օգտագործմանը: Արարատյան ՋԿՏ-ում 2015թվականի հունվարի դրությամբ խմելու կենցաղային նպատակով ջրառը կազմել է 37,3 մլն. մ3: Ծրագրով նախատեսվում է, որ 2021 թվականին Արարատյան ՋԿՏ-ում խմելու կենցաղային նպատակով ջրառը կաճի մոտ 10%-ով և կկազմի 41 մլն. մ3:  Ինչու՞ 10%: Արարատյան ՋԿՏ-ում խմելու կենցաղային նպատակով ջրառի քիչ տոկոսով աճը պայմանավորված է բնակչության ցածր աճի միտումներով. 2015 թվականի հուվարի դրությամբ Արարատյան ՋԿՏ-ում ոռոգման նպատակով տարեկան ջրառը կազմել է 290,5 մլն. մ3: Ոռոգելի հողատարածքների տարեկան 3,5% աճի դեպքում՝ ըստ ելակետային սցենարի, 2021 թվականին Արարատյան ՋԿՏ-ի ոռոգման նպատակով ջրառը կկազմի 348,7 մլն. մ3. Արարատյան ՋԿՏ-ում ձկնաբուծության զարգացումը մինչև 2021 թվականը՝ 2014 թվականի համեմատ, ակնկալվում է, որ Արփայի գետավազանում ջրօգտագործումը կաճի մոտ 3 անգամ՝ 11,62 մլն. մ3-ից հասնելով 34,86 մլն. մ3: Նշենք նաև, որ 2015 թվականի հունվարի դրությամբ Արարատյան ՋԿՏ-ում արդյունաբերության նպատակով ջրառը կազմել է 3,4 մլն. մ3: Ծրագրով նախատեսվում է, 2021 թվականին արդյունաբերական նպատակով ջրառի աճը հասցնել մինչև 62%, այսինքն մոտավորապես 5,5 մլն. մ3: Վերոնշյալ ծրագրի բարեհաջող իրականացումը բացի վերը թվարկված առավելություններից, հնարավորություն կտա նաև Արարատյան ջրավազանային կառավարման տարածքում հավասարակշռել ջրային ռեսուրսների առաջարկը և պահանջարկը, բացահայտել ջրավազանում արտակարգ իրավիճակների հնարավոր ռիսկերը, դրանց կանխարգելման և նվազեցման միջոցառումները: Նյութի աղբյուր՝ https://www.facebook.com/permalink.php?story_fbid=1596593160664550&id=100009416433418&__mref=message_b ...

    Կարդալ ավելին
  • Վերջին օրերին քննարկման է հանվել կուսակցական դպրոց ստեղծելու գաղափարը և չգիտես ինչու կրկին քննադատություններից և անլուրջ մեկնաբանություններից բացի այլ բան աչքովս չընկավ։ Հետաքրքիր է,որ այդ գաղափարից դժգոհողները միայն օրինակ են բերում ԽՍՀՄ կոմկուսի կուսդպրոցը և առանց պատկերացնելու դատողություններ անում։ Հարգելի դժգոհներ կուսակցական դպրոցներ կան նաև Չինաստանում,Ղազախստանում,Մեծ Բրիտանիայում,ԱՄՆ-ում դարեր շարունակ դրվել են քաղաքական և կուսակցական դպրոցների հիմքերը և բացի Ռուսաստանից շատ այլ երկրներում։  Կուսակցական դպրոցները կուսակցությունների կայացման և առողջ սերնդափոխության գրավականն են տարբեր երկրներում և ողջունելի կլինի ,որ Հայաստանում բացվի կուսկցական բարձրագույն ղպրոց։  Հ.Գ. Ինչքան  շատ դպրոց լինի մեր երկրում,այնքան զարգացած հասարակություն կունենանք։ Նյութի աղբյուր՝ https://www.facebook.com/vahan.babayan.7/posts/961931060549303 ...

    Կարդալ ավելին
  • Փաստորեն մաթեմատիկայից ուժեղ են միայն հասարակական սեկտորի ներկայացուցիչները: Իրենք էլ ժամային խնդներ ունի ու օրենքներին փորձում է չհետևել: ԱԺ մուտք գործելիս փաստաթուղթ թողնելը պարտադիր է պարոնայք ու գոնե այդ հարցում անիմաստ պաթոսային քայլերի մի դիմեք: 4+4+4 Ֆորմատը ի վերջո վերածվեց 4+3+6-ի: ՀՀԿ-ն ու ՀՅԴ-ն 4-թիվը 6-ի տեսքով են պատկերացնում: Լևոն Զուրաբյանն էլ, ով իրեն միասնականության ու կոնսոլիդացման արքա է հռչակել, կրկին ձախողվեց ու իր առաջարկաց 4-ի մեջ գտավ 3-ին և ինքն իր ասածը չկարողացավ ապահովել: Մեր մոտ նույնիսկ դժվարանում են 4+4+4-ը հասկանալ.... Նյութի աղբյուր՝  https://www.facebook.com/kh.edgar/posts/811617848943565 ...

    Կարդալ ավելին
  • 4+4+4 բանակցությունների ձևաչափը քաղաքականի ու քաղաքացիականի համագործակցության լավագույն օրինակներից մեկն է.... Տարիներ շարունակ այս երկու ուժերը տարանջատելու ջանք չխնայած ՀՀԿ-ն պարտադրված է հաշվի նստել նրանց միասնական պահանջի հետ: Ու ինչքան էլ գոռգոռան ու փորձեն ինքնավստահ երևալ, ակնհայտ է, որ ՀՀԿ-ի վիճակը այս հարցով բավականին բարդ է: Նյութի աղբյուր՝ https://www.facebook.com/aregface/posts/1162241093820969 ...

    Կարդալ ավելին
  • Թուրքիայի գլխավոր շտաբը կտրականապես հերքում է այն լուրը, որ իբրև մի շարք բարձրաստիճան զինվորականներ պատրաստվում էին Թուրքիայում իրականացնել պետական ռազմական հեղաշրջում: Հիշեցնեմ , որ երկու օր առաջ ձերբակալվել են մի շարք բարձրաստիճան զինվորականներ, որոնց առաջադրված մեղադրանքը գաղտնի է պահվում: Այսպես ասած, Ֆեթուլլահ Գյուլենի շարժման անդամները պնդում են, որ զինվորականները ակտիվ դերակատարություն են ունեցել Թուրքիայում նախատեսվող պետական հեղաշրջման նախապատրաստական աշխատանքներում, սակայն առանցքային դերակատարություն չեն ունեցել, և չեն կարող ազդել շարժման հետագա գործունեության վրա: Նյութի աղբյուր` https://www.facebook.com/kilkiahayastan/posts/199266270453322?from_close_friend=1&notif_t=close_friend_activity&notif_id=1459408679284256 ...

    Կարդալ ավելին
  • Մեկնարկել է նոր Ընտրական օրենսգրքի նախագծի շուրջ 4+4+4 ձևաչափով բանակցությունները՝ 4-ական ներկայացուցիչ ընդդիմությունից, իշխանությունից և քաղաքացիական հասարակությունից: Այդ առթիվ օրերս ԱԺ ՀԱԿ խմբակցության ղեկավար Լևոն Զուրաբյանը լրագրողների հետ հանդիպմանն ասել է, թե Հայաստանի նորանկախ պատմության մեջ առաջին անգամ ստեղծվել է պահանջների միասնական պլատֆորմ: Ընդդիմություն ու համագործակցությու՞ն… Ինչպես ռուսը կասեր. <<Ей-богу, не верю>>… Նախ՝ այնտեղ, որտեղ ՀԱԿ-ն է միասնություն չի լինի, ՀԱԿ-ը ՀԱԿախմորիչ է…Նրանք իրենց ճուտիկբուլիկների հետ միասնական չեն, ինչ մնաց ուրիշների հետ…Ինձ թվում է հակականները մանկուրտ են…Նրանք մոռացել են, թե ինչպես էին ժամանակին Նիկոլի, Սասուն Միքայելյանի, Խաչիկ Սուքիասյանի, հայտնի գեներալների, մյուսների արևով երդվում, գովասանքներ ձոնում, ժամերով մի ոտքի վրա կանգնած ծափահարում նրանց բուռն, կրակոտ ելույթներին, հիանում նրանցով, նրանց գործերով, ֆինանսական օգնություններով: Ի՞նչ պատահեց…Չէ որ Նիկոլը ձեր զոմբիացնող աղոթահավաքների, թունաքիմիկատ արտանետող հանրահավաք-ցույցերի ամենահաջողված <<դիջեյն>> էր, իսկ այսօր արդեն ձեր ոխերիմ թշնամի՞ն, գաղափարական հակառակո՞րդը… Հետաքրքիր է նաև, որ Լ.Զուրաբյանը <<Ազատություն>> ռ/կ-ով հայտարարում է, թե ստեղծվել է շանս այս խաղը առաջ տանելու համար…Փաստորեն, ըստ ՀԱԿ-ի կարդինալ Ռիշելյեի՝ 4+4+4 –ը խա՞ղ է, ֆա՞րս…Իրենք գնացել են խաղալու՞… Գոնե լուրջ վերաբերվեք այն բանին, ինչին մասնակցում եք, խաղալով ողջամիտ առաջարկներ չեն ծնվում… Իսկ դուք միասնական չեք կարող լինել՝ սպանեք էլ, չեմ հավատա… Հիմա էլ համագործակցության անվան տակ կոնգրեսականների ֆինանսների փնտրտուքը ՀԱԿառակ ուղղությամբ գնաց՝ Կոտայքից դեպի Ռուսաստան, Մոսկվա՝ համայն հայության կոնգրեսական Արա Աբրահամյանի դուռը…Փաստորեն <<Կոնգրեսականը զկոնգրեսականին գտնանի>>… Նյութի աղբյուր՝ https://www.facebook.com/robert.melkonyan.9/posts/787157114748275?notif_t=close_friend_activity¬if_id=14594063996 ...

    Կարդալ ավելին
Загрузка...

ՖԲՀ

Քաղաքականություն