• «Իրավիճակը Տավուշի մարզի սահմանային գոտում գնահատում եմ կայուն, կրակոցները պարբերական բնույթ են կրում, բայց դա պայմանավորված է գյուղատնտեսական և շինարարական որոշ աշխատանքներով»,- այս մասին ռազմական լրագրողների հետ զրույցում նշեց նախարար Դավիթ Տոնոյանը, ով մասնակցում էր ՊՆ-ի կողմից «Ռազմական լրագրություն 2018» դասընթացի մասնակցության հավաստագրերը հանձնելու միջոցառմանը: Դավիթ Տոնոյանն ասաց, որ մեր ԶՈւ կողմից իրավիճակը վերահսկվում է:  Շատ է խոսվում և քննարկվում ղարաբաղյան ճակատում Ադրբեջանի սադրիչ գործողությունների մասին, սակայն ոչ պակաս կարևոր է նրանց «ակտիվությունը» Տավուշի մարզի ուղղությամբ։ Ադրբեջանը ՀՀ-ԼՂՀ դեմ գործողություններում Տավուշը կրակի տակ պահելու մի շարք «պատճառներ» ունի։ Ադրբեջանի զինված ուժերը, կրակելով սահմանամերձ գոտում գտնվող գյուղերի ուղղությամբ, ցանկանում են ստիպել տեղի սահմանապահ բնակչությանն արտագաղթել՝ սոցիալ-տնտեսական ծանր վիճակին, ինչի մասին Ադրբեջանը շատ լավ տեղյակ է, գումարել նաև վախի մթնոլորտ ստեղծելու ռազմավարությունը, կրակելով նաև դպրոցների, մանկապարտեզների վրա, ստիպել բնակչությանը կրակի տակ գտնվող գյուղից դեպի այլ ապահով՝ Դիլիջան, Իջևան, Նոյեմբերյան քաղաքներ (ներքին միգրացիա) տեղափոխվել կամ ընդհանրապես արտագաղթեցնել ՀՀ-ից։ Հաշվի առնելով այն հանգամանքը, որ գյուղերում հիմնականում մնացել են ծերերը, սակավաթիվ երիտասարդները պետք է կա՛մ զբաղվեն գյուղատնտեսությամբ` օգնելով ծերերին, կա՛մ դառնալ պայմանագրային, ինչը «կտրելու» է նրանց հիմնական զբաղմունքից` տնտեսական գործունեությունից, ու առաջնագծում գտնվելը դառնա տեղի բնակչության հիմնական զբաղմունքը՝ անմշակ թողնելով դաշտերը, կրակի տակ պահելով գյուղերը՝  «վանել» ցանկացած ներդրողի այդ գյուղում, հակառակորդի ուղիղ նշանառության տակ, որևէ աշխատատեղ բացելու ցանկությունից։ Հենց այդ բացերը լրացնելու համար էլ որոշում կայացվեց ներքին զորքերի որոշ ստորաբաժանումներ ուղարկել Տավուշի մարզ՝ հայ-ադրբեջանական սահման` առաջին գիծ: Ադրբեջանը ցանկանում է Տավուշով անցնող միջպետական ՀՀ-Վրաստան ճանապարհը, նրա որոշակի հատվածներ դարձնել դժվարանցանելի ու վտանգավոր (Ոսկեպար և այլ հատվածները պահելով կրակի տակ՝ ստիպել կառուցել պաշտպանական պատեր և շրջանցող ճանապարհներ), երկարացնելով ճանապարհը, լրացուցիչ միջոցներ ուղղել բյուջեից` այդ ճանապարհների շինարարության և հետագայում պահպանման ուղղությամբ։ Խախտել կոմունիկացիաները` վտանգելով մեքենաների տեղաշարժը, ինչն էլ կարող է ազդել զբոսաշրջության (ՀՀ–Վրաստան, հատկապես Թիֆլիս մեկնողների համար) հոսքի վրա։ Տավուշի մարզի հարևանությամբ է գտնվում Ադրբեջանի Գյանջա-Ղազախական տնտեսական շրջանը, որտեղով անցնում են ռազմավարական նշանակության նավթամուղներ, գազամուղներ, երկաթգիծ և միջպետական ավտոմայրուղիներ դեպի Վրաստան, Թուրքիա և Սև ծով։ Այդ շրջանի պաշտպանությունն Ադրբեջանի համար ունի կենսական նշանակություն, և այդ շրջանի կորուստը նրանց համար «կփակի» ճանապարհը դեպի Վրաստան, Թուրքիա, ինչն էլ էականորեն ազդելու է ապագա պատերազմի ելքի վրա։ Այդ պատճառով Տավուշի ուղղությամբ Ադրբեջանը պահելու է զգալի զինված ուժեր ու շարունակելու է իր սադրիչ գործողությունները։ Նույն ռազմավարությունն Ադրբեջանը հետագայում կարող է կիրառել նաև Նախիջևանից՝ կրակի տակ պահելով ողջ Սյունիքը` Իրան–Հայաստան մայրուղին, Վայոց Ձորը և այլն։ Նյութի աղբյուր՝ https://www.facebook.com/artem.balasanov/posts/1894574780621592 ...

    Կարդալ ավելին
  • Սեպտեմբերի 4-ին ԵԱՀԿ գլխավոր քարտուղար Թոմաս Հերմինգերը նախատեսել է այցելել Հայաստան, այնուհետև՝ սեպտեմբերի 12-ին, Ադրբեջան։ Այցի հիմնական նպատակն է քննարկել արցախյան հարցը և գտնել դրա լուծման եղանակները։ Ադրբեջանական կողմին ավելի շատ հետաքրքրում է, թե արդյոք Հերմինգերը Հայաստանից հետո կայցելի Արցախ ու ինչ նպատակ դա կհետապնդի։ Նրա՝ Արցախ կատարվելիք այցը կախված է նաև Փաշինյան-Պուտին հանդիպումից՝ կապված այն թեմաների հետ, թե ինչ կքննարկեն երկու երկրների ղեկավարները: Ադրբեջանական կողմը նաև պնդում է, որ գլխավոր քարտուղարի՝ Արցախ այցելության հետ կապված հարցերը պետք է քննարկվեն Ադրբեջանի ԱԳՆ-ի հետ, ու դա պետք է ներառվի Հայաստան կատարած այցի արձանագրության մեջ։ Իրականում ադրբեջանական կողմը հասկանում է, որ Հայաստանից Արցախ այցելություն կատարելու համար ԵԱՀԿ գլխավոր քարտուղարն, իհարկե, թույլտվություն չի վերցնի ադրբեջանական կողմից, քանի որ հայկական կողմը դա թույլ չի տա։ Սակայն սեպտեմբերի 8-ին նախատեսված Փաշինյան-Պուտին հանդիպումը կարող է մեծ ազդեցություն ունենալ ԵԱՀԿ քարտուղարի հետագա գործողությունների վրա, քանի որ Հերմինգերը ղեկավարում է այն կառույցը, որն անմիջապես ներգրավված է այդ տարածաշրջանի հակամարտության կարգավորման մեջ, իսկ Պուտինի և Փաշինյանի հանդիպումը կարող է մի շարք հարցեր առաջացնել կամ լուծումներ տալ որոշակի հարցերի։ Նյութի աղբյուր՝ https://www.facebook.com/ashot.asatryan.7549/posts/1796655747049820 ...

    Կարդալ ավելին
  • Աֆղանստան-Թուրքմենստան-Ադրբեջան-Վրաստան-Թուրքիա` Lapis Lazuli տրանսպորտային միջանցքով աֆղանական առաջին ապրանքները կտեղափոխվեն հոկտեմբերին: Այդ մասին հայտնում է Աֆղանստանի արդյունաբերության նախարարությունը: Նշվում է, որ կոնտեյներներով տեղափոխվելու են գորգեր և թանկարժեք քարեր, որոնք առաքվելու են Թուրքիա և Հոլանդիա: Lapis Lazuli տրանսպորտային միջանցքն անցնելու է Աֆղանստանով, հետագայում՝ թուրքմենական Թուրքմենբաշիի նավահանգստով ու Բաքվով ու երկաթգծային կապով դեպի Փոթի, Բաթումի և Թուրքիա: Ադրբեջանը նավթ և գազ արտահանող երկրից դառնում է տարանցիկ միջանցք տարբեր կենտրոնների համար` մի կողմից՝ Թուրքիայի, ՌԴ-ի ու Իրանի, մյուս կողմից` Չինաստանի, Կենտրոնական Ասիայի և արդեն իսկ Աֆղանստանի համար: Բաքուն, միլիարդավոր դոլարներ ներդնելով լոգիստիկայի մեջ (Բաքու-Թբիլիսի-Կարս երկաթգիծ, Ադրբեջան-Վրաստան միջպետական ճանապարհի վերանորոգում, Բաքվի մերձակայքում Ալյաթիի նոր բազմաֆունկցիոնալ նավահանգստի կառուցում և այլն), փորձում է տարանցման համար գումարներ ստանալ և դրանք ուղղել արդյունաբերության և այլ ճյուղերի զարգացման մեջ` հասկանալով, որ նավթի գների տատանումներն ուժեղ ազդեցություն են ունենում այդ երկրի բյուջեի վրա: Նավթագազային ռեսուրսներ արտահանող երկրից` նավթային ասեղից, Ադրբեջանը փորձում է իջնել՝ շեշտը դնելով տրանսպորտային միջանցք` Հյուսիս-Հարավ, Արևելք-Արևմուտք ուղղություններով վերածվելու վրա: Մոտակա տասնամյակում Բաքվի համար առաջնային են լինելու Հյուսիս-Հարավ տրանսպորտային միջանցքը` ՌԴ-Ադրբեջան-Իրան-Պարսից ծոց-Հնդկաստան ուղղությամբ ապրանքների տարանցումը, Տրանսկասպյան միջանցքը` Չինաստան-Ղազախստան-Ադրբեջան-Վրաստան-Թուրքիա-ԵՄ ուղղությունը, Կենտրոնական Ասիա (Ուզբեկստան, Թուրքմենստան, Աֆղանստան)-Ադրբեջան-Կովկաս-Թուրքիա-ԵՄ ուղղությունը, ինչպես նաև Բաքու-Թբիլիսի-Կարս երկաթծի անխափան աշխատանքի իրականացումն ու սեփական նավթագազային խողովակներով ղազախական, թուրքմենական գազի ու նավթի տարանցման իրականացումը դեպի Թուրքիա և ԵՄ: Նյութի աղբյուր՝ https://www.facebook.com/artem.balasanov/posts/1893413050737765 ...

    Կարդալ ավելին
  • Ալիևը ստել է Ղրղզստանում․ Ադրբեջանի նախագահ Իլհամ Ալիևը մասնակցել է Ղրղզստանում կայացած թուրքալեզու երկրների համագործակցության խորհրդի VI գագաթնաժողովին, որտեղ հայ-ադրբեջանական հարցի շուրջ հայտարարություն տարածելուց սուտ տեղեկություն է հայտնել մասնակիցներին։ Մասնավորապես, երբ Ալիևը խոսել է հայ-ադրբեջանական հակամարտության մասին , նա հայտարարել է, որ Հայաստանի նախկին հանցագործ ռեժիմին փոխարինել է նոր իշխանությունը, իսկ նոր իշխանությունը՝ ժողովրդի հետ միասին, նույն կարծիքը ունեն Արցախի հարցի լուծման հետ կապված ինչ Ադրբեջանը։ Նա իր հերթին հույս է հայտնել, որ շուտով Արցախը կմաիանա Ադրբեջանին։ Հայաստանում ոչ հին, ոչ ներկա իշխանությունները, առավել ևս Հայաստանում ու սահմաններից դուրս ապրող որևէ ՀՀ քաղաքացի, երբեք չի մտածել ու չի մտածում Ադրբեջանի նման ու երբեք որևէ մեկը չի հայտարարել, որ Արցախը պետք է հանձնվի Ադրբեջանին, քանի որ այն օկուպացրած է։ Արցախը երբեք չի օկուպացվել , քանի որ այն ազատագրվել է իր իսկական տերերի կողմից ու երբեք որևէ մեկին հանձնելու մասին խոսք անգամ գնալ չի կարող։ Նյութի աղբյուր՝ https://www.facebook.com/ashot.asatryan.7549/posts/1796185443763517 ...

    Կարդալ ավելին
  • Օգոստոսի 28-ին Ադրբեջանի ԱԱԾ հատուկ նշանակության զորքերի կատարած գործողությունների արդյունքում սպանվել է Նիզամ Նաջաֆովը, ով մեղադրվում էր ահաբեկչական գործողություններ ծրագրավորելու մեջ։ Պարզվում է, որ Նաջաֆովը դեռ 2013 թվականին ձերբակալվել է ապօրինի զենք և զինամթերք պահելու և առևանգման փորձ կատարելու համար։ Նրա հետ ձերբակալվել էին նաև նրա երկու բարեկամները։ Նրանց նկատմամբ դատարանը 7 և 8 տարվա ազատազրկման որոշում էր կայացրել։ Հետագայում նրանք արդարացվել էին առևանգման փորձ կատարելու գործով և ազատազրկվել էին ընդամենը 3 տարի ժամկետով։ Սակայն Նաջաֆովին և իր երկու բարեկամներին ձերբակալել էին այն բանից հետո, երբ նրանք համացանցում վիրավորել էին այդ ժամանակվա ԱԱԾ տնօրեն էլդար Մախմուտովին։ Նաջաֆովը իր էջում տեղադրել էր Մախմուտովի լուսանկարը և այն վերնագրել էր վիրավորական արտահայտություններով, դրանից հետո նրա բարեկամ Վաֆանուր Մահմեդովը նույնպես վիրավորական մեկնաբանություններ էր գրել այդ լուսանկարի տակ։ Դրանից հետո նրանք ձերբակալվել էին։ Վերջին շրջանում ադրբեջանական ԱԱԾ զորքերի կողմից սպանվել են արդեն 6 անձիք, ովքեր մեղադրվել են ահաբեկչության մեջ, սակայն ամենայն հավանականությամբ որևէ կապ չեն ունեցել ահաբեկչության հետ։ Նյութի աղբյուր՝ https://www.facebook.com/ashot.asatryan.7549/posts/1795370263845035 ...

    Կարդալ ավելին
  • «Ծառուկյան» խմբակցության պատգամավոր Գևորգ Պետրոսյանն անդրադարձել է «Իմ քայլը» դաշինքի քաղաքապետի թեկնածու Հայկ Մարությանի հայտարարությանը: «Պարզվում է՝ ընտրությունները ոմանց համար ինքնադրսևորման, ոմանց համար՝ ինքնահաստատման, ոմանց համար էլ ինքնախայտառակման և ինքնաոչնչացման առիթ են... Եվ ահա, ամենավերջին առիթից օգտվելու գայթակղությանը հենց առաջին քայլից չդիմադրեց իրեն ամենաառաջինը համարող թեկնածու Հայկ Մարությանը... Նա անգրագետ մարդ չէ, որ չիմանար, որ ոգևորությունից խայտառակություն կես քայլ է, և նա կատարեց իր Քայլը...  Անկեղծ ասած, չեմ ուզում հավատալ, որ նրա այդ Քայլը ողջունել է նրան «քայլելու դուրս բերած» իր առաջնորդը՝ Փաշինյանը, ով միշտ էլ իրավամբ դեմ է եղել «մեր դեմ խաղ չկա» կարգախոսին... Այո Հայկոն ճիշտ է, իրենց դեմ խաղ չկա, քանի որ իրենց մրցակիցները բնավ էլ խաղեր տալու նպատակով չեն մասնակցում ընտրապայքարին... Հայկոյին թվում է, թե Երևանի ղեկավարումը խաղ է, այն էլ՝ բեմական, այն էլ՝ կոմիկ... Այդպես չէ, եղբայր, դուրս արի քո ամենօրյա դերից...Եվ հետո, ինձ մի հարց է հետաքրքրում. ԱԱԾ-ն կարգին զբաղվում է՞ Հայկոյով... Ինչու՞. ասեմ… Ընդամենը մի քանի օր առաջ ՀՀ վարչապետը հրապակում հրապարակավ գուժեց, որ ԱԱԾ-ն զբաղվելու է նրանցով, ովքեր սպառնալու են քաղաքացիական պատերազմի վտանգով... Ժողովրդին սևի ու սպիտակի բաժանելն ուրիշ ի՞նչ է, եթե ոչ քաղաքացիական հակամարտության սերմնացան... Մի՞թե Հայկոն արդեն այնքան է հզորացել, որ իր (և իր յուրայինների) դեմ խաղ չունի նաև երկրի վարչապետը... Եվ հետո, իրենց ճամբարում, հավանաբար, նաև կլինեն Հայկոյից դժգոհներ, քանզի սևից հեռու, բայց սպիտակին մոտ էլի հարազատ գույն կար, որը չի հիշատակվել կարգին Հայկոյի անկարգ ելույթում...», - իր ֆեյսբուքյան էջում գրել է պատգամավորը:  ...

    Կարդալ ավելին
  • Էս ի՞նչ էր:  «Մեր դեմ խաղ չկա». Վանո Սիրադեղյան «Ո՞վ է այն տղամարդը». Ռոբերտ Քոչարյան «Ինչքան ուզենք, այնքան կխփենք». Սերժ Սարգսյան «Մեր դեմ խաղ չկա». Հայկ Մարության... Կամ ի՞նչ է նշանակում՝ «պաշտոնապես հայտարարում եմ, որ մենք սպիտակներն ենք, իսկ ովքեր մեր դեմ են, սեւ են» (հիշելով եմ վերաշարադրում, քանի որ բոլոր տեղերից տեսանյութը ջնջել են): Կամ որ «մեր թիմում հավաքված են բոլոր այն ուժերը, որոնք վերջին 20 տարում պայքարել են ռեժիմի դեմ»: Սա արդեն ժպտալու էլ չէ: Սա պարզ մեծամտության, չհիմնավորված ինքնագոհության եւ պարզ ստի համադրություն է: Կարծում եմ՝ Նոր Հայաստանի մայրաքաղաքը ղեկավարել հավակնող Հայկ Մարությանը ոչ թե պետք է համացանցից մաքրի իր հայտարարությունների հետքերը, այլ պետք է ներողություն խնդրի հանուն Նոր Հայաստանի տարիներ շարունակ պայքարած, բանտերով, կալանավայրերով, հետապնդումների միջով անցած այն բոլոր քաղաքացիներից եւ քաղաքական գործիչներից, որոնց 1 տոկոսն էլ ընդգրկված չէ մեր մրցակից ՔՊ-ի/«Իմ քայլի» հարգելի թիմում եւ որոնք իրենց կյանքի լավագույն տարիներն են նվիրել այդ պայքարին՝ ի տարբերություն իրեն՝ նման պարծենկոտ հայտարարություններ անող թեկնածուի: Նյութի աղբյուր՝ https://www.facebook.com/hovsep.khurshudyan/posts/10156282825377199 ...

    Կարդալ ավելին
  • Չեմ ուզում Հայկ Մարությանի առաջին քաղաքական ելույթը քննարկեմ՝ լավ ու վատ որոշեմ, քանի որ մարդը դեռ նոր մտնում է մի աշխարհ, որտեղ այլևս չի կարելի բառերը և նախադասությունները առանց մտածելու ասել, բայց կցանկանայի , որ Մարությանը հիշեր, որ բոլոր նրանք, ովքեր ասում էին՝ մեր դեմ խաղ չկա, մեկա չեն կարա ոչ մի բան անեն․․․վերջում ընկան իրենց այդ փորած փոսի մեջ։ Նյութի աղբյուր՝ https://www.facebook.com/ashot.asatryan.7549/posts/1794988250549903 ...

    Կարդալ ավելին
  • Քաղաքագետ և հեղափոխության ակտիվ մասնակից Արա Պապյանը գրառում է կատարել, որտեղ խնդրել է, որ իրեն չշնորհավորեն Արցախի անկախության համար, ինչը սոց․ ցանցում բուռն քննադատության առիթ է դարձել։ Նա մասնավորապես գրել է՝ Խնդրում եմ ինձ չշնորհավորել Արցախի, այսպես կոչված, անկախության առիթով: Դա տոն չէ՝ սեփական հայրենիքի պառակտումը չի կարող տոն լինել: Առավել ևս, այդ իբր խելամիտ քայլի և ոչ մի նպատակի չենք հասել: Միայն բացասական հետևանքներ: Հիշեցնենք, որ երկարատև պատերազմից հետո՝ 1991 թվականի սեպտեմբերի 2-ին հանրաքվեյի միջոցով Արցախը առանձնացավ Ադրբեջանից և դարձավ ինքնավար հանրապետություն։ ...

    Կարդալ ավելին
  • Մեղադրանք է առաջադրվել Արցախի Հանրապետության նախագահի խորհրդական, Արցախի հերոս, գեներալ-լեյտենանտ Արթուր Աղաբեկյանին։ Մենք քաջատեղյակ ենք և ականատեսը «Մարտիկ» հիմնադրամի հայրենանվեր բազում ծրագրերի, որոնք իրականացվել են Արցախում՝ հանուն Արցախի պաշտպանության և անվտանգության, հանուն հայ զինվորի մարտունակության և ազատամարտիկի արժանապատվության։ Միևնույն ժամանակ տեղյակ լինելով, որ Արթուր Աղաբեկյանը չի ընդունել մեղադրանքը՝ մենք պատրաստակամ ենք դեպոզիտ հատուկ հաշվեհամարին մուտք անել մեղադրանքում նշված գումարը՝ վստահ լինելով, որ «Մարտիկ» հիմնադրամը այսուհետ ևս գործելու է հանուն Արցախի անվտանգության և հայ զինվորի ու սահմանապահի մարտունակության։ Արցախի Հանրապետության նախկին վարչապետ Արայիկ Հարությունյան և ընկերներ Նյութի աղբյուր՝ https://www.facebook.com/ArayikHarutyunian/posts/231322630898451 ...

    Կարդալ ավելին

ՖԲՀ

Քաղաքականություն