• «Ծառուկյան» խմբակցության պատգամավոր Գևորգ Պետրոսյանն անդրադարձել է «Իմ քայլը» դաշինքի քաղաքապետի թեկնածու Հայկ Մարությանի հայտարարությանը: «Պարզվում է՝ ընտրությունները ոմանց համար ինքնադրսևորման, ոմանց համար՝ ինքնահաստատման, ոմանց համար էլ ինքնախայտառակման և ինքնաոչնչացման առիթ են... Եվ ահա, ամենավերջին առիթից օգտվելու գայթակղությանը հենց առաջին քայլից չդիմադրեց իրեն ամենաառաջինը համարող թեկնածու Հայկ Մարությանը... Նա անգրագետ մարդ չէ, որ չիմանար, որ ոգևորությունից խայտառակություն կես քայլ է, և նա կատարեց իր Քայլը...  Անկեղծ ասած, չեմ ուզում հավատալ, որ նրա այդ Քայլը ողջունել է նրան «քայլելու դուրս բերած» իր առաջնորդը՝ Փաշինյանը, ով միշտ էլ իրավամբ դեմ է եղել «մեր դեմ խաղ չկա» կարգախոսին... Այո Հայկոն ճիշտ է, իրենց դեմ խաղ չկա, քանի որ իրենց մրցակիցները բնավ էլ խաղեր տալու նպատակով չեն մասնակցում ընտրապայքարին... Հայկոյին թվում է, թե Երևանի ղեկավարումը խաղ է, այն էլ՝ բեմական, այն էլ՝ կոմիկ... Այդպես չէ, եղբայր, դուրս արի քո ամենօրյա դերից...Եվ հետո, ինձ մի հարց է հետաքրքրում. ԱԱԾ-ն կարգին զբաղվում է՞ Հայկոյով... Ինչու՞. ասեմ… Ընդամենը մի քանի օր առաջ ՀՀ վարչապետը հրապակում հրապարակավ գուժեց, որ ԱԱԾ-ն զբաղվելու է նրանցով, ովքեր սպառնալու են քաղաքացիական պատերազմի վտանգով... Ժողովրդին սևի ու սպիտակի բաժանելն ուրիշ ի՞նչ է, եթե ոչ քաղաքացիական հակամարտության սերմնացան... Մի՞թե Հայկոն արդեն այնքան է հզորացել, որ իր (և իր յուրայինների) դեմ խաղ չունի նաև երկրի վարչապետը... Եվ հետո, իրենց ճամբարում, հավանաբար, նաև կլինեն Հայկոյից դժգոհներ, քանզի սևից հեռու, բայց սպիտակին մոտ էլի հարազատ գույն կար, որը չի հիշատակվել կարգին Հայկոյի անկարգ ելույթում...», - իր ֆեյսբուքյան էջում գրել է պատգամավորը:  ...

    Կարդալ ավելին
  • Էս ի՞նչ էր:  «Մեր դեմ խաղ չկա». Վանո Սիրադեղյան «Ո՞վ է այն տղամարդը». Ռոբերտ Քոչարյան «Ինչքան ուզենք, այնքան կխփենք». Սերժ Սարգսյան «Մեր դեմ խաղ չկա». Հայկ Մարության... Կամ ի՞նչ է նշանակում՝ «պաշտոնապես հայտարարում եմ, որ մենք սպիտակներն ենք, իսկ ովքեր մեր դեմ են, սեւ են» (հիշելով եմ վերաշարադրում, քանի որ բոլոր տեղերից տեսանյութը ջնջել են): Կամ որ «մեր թիմում հավաքված են բոլոր այն ուժերը, որոնք վերջին 20 տարում պայքարել են ռեժիմի դեմ»: Սա արդեն ժպտալու էլ չէ: Սա պարզ մեծամտության, չհիմնավորված ինքնագոհության եւ պարզ ստի համադրություն է: Կարծում եմ՝ Նոր Հայաստանի մայրաքաղաքը ղեկավարել հավակնող Հայկ Մարությանը ոչ թե պետք է համացանցից մաքրի իր հայտարարությունների հետքերը, այլ պետք է ներողություն խնդրի հանուն Նոր Հայաստանի տարիներ շարունակ պայքարած, բանտերով, կալանավայրերով, հետապնդումների միջով անցած այն բոլոր քաղաքացիներից եւ քաղաքական գործիչներից, որոնց 1 տոկոսն էլ ընդգրկված չէ մեր մրցակից ՔՊ-ի/«Իմ քայլի» հարգելի թիմում եւ որոնք իրենց կյանքի լավագույն տարիներն են նվիրել այդ պայքարին՝ ի տարբերություն իրեն՝ նման պարծենկոտ հայտարարություններ անող թեկնածուի: Նյութի աղբյուր՝ https://www.facebook.com/hovsep.khurshudyan/posts/10156282825377199 ...

    Կարդալ ավելին
  • Չեմ ուզում Հայկ Մարությանի առաջին քաղաքական ելույթը քննարկեմ՝ լավ ու վատ որոշեմ, քանի որ մարդը դեռ նոր մտնում է մի աշխարհ, որտեղ այլևս չի կարելի բառերը և նախադասությունները առանց մտածելու ասել, բայց կցանկանայի , որ Մարությանը հիշեր, որ բոլոր նրանք, ովքեր ասում էին՝ մեր դեմ խաղ չկա, մեկա չեն կարա ոչ մի բան անեն․․․վերջում ընկան իրենց այդ փորած փոսի մեջ։ Նյութի աղբյուր՝ https://www.facebook.com/ashot.asatryan.7549/posts/1794988250549903 ...

    Կարդալ ավելին
  • Քաղաքագետ և հեղափոխության ակտիվ մասնակից Արա Պապյանը գրառում է կատարել, որտեղ խնդրել է, որ իրեն չշնորհավորեն Արցախի անկախության համար, ինչը սոց․ ցանցում բուռն քննադատության առիթ է դարձել։ Նա մասնավորապես գրել է՝ Խնդրում եմ ինձ չշնորհավորել Արցախի, այսպես կոչված, անկախության առիթով: Դա տոն չէ՝ սեփական հայրենիքի պառակտումը չի կարող տոն լինել: Առավել ևս, այդ իբր խելամիտ քայլի և ոչ մի նպատակի չենք հասել: Միայն բացասական հետևանքներ: Հիշեցնենք, որ երկարատև պատերազմից հետո՝ 1991 թվականի սեպտեմբերի 2-ին հանրաքվեյի միջոցով Արցախը առանձնացավ Ադրբեջանից և դարձավ ինքնավար հանրապետություն։ ...

    Կարդալ ավելին
  • Մեղադրանք է առաջադրվել Արցախի Հանրապետության նախագահի խորհրդական, Արցախի հերոս, գեներալ-լեյտենանտ Արթուր Աղաբեկյանին։ Մենք քաջատեղյակ ենք և ականատեսը «Մարտիկ» հիմնադրամի հայրենանվեր բազում ծրագրերի, որոնք իրականացվել են Արցախում՝ հանուն Արցախի պաշտպանության և անվտանգության, հանուն հայ զինվորի մարտունակության և ազատամարտիկի արժանապատվության։ Միևնույն ժամանակ տեղյակ լինելով, որ Արթուր Աղաբեկյանը չի ընդունել մեղադրանքը՝ մենք պատրաստակամ ենք դեպոզիտ հատուկ հաշվեհամարին մուտք անել մեղադրանքում նշված գումարը՝ վստահ լինելով, որ «Մարտիկ» հիմնադրամը այսուհետ ևս գործելու է հանուն Արցախի անվտանգության և հայ զինվորի ու սահմանապահի մարտունակության։ Արցախի Հանրապետության նախկին վարչապետ Արայիկ Հարությունյան և ընկերներ Նյութի աղբյուր՝ https://www.facebook.com/ArayikHarutyunian/posts/231322630898451 ...

    Կարդալ ավելին
  • Մի խումբ ադրբեջանցիներ Բարդա-Աղդամ ավտոմայրուղու 4-րդ կիլոմետրից լուսանկար են հրապարակել։ Գրում են, որ «ակցիայի» կազմակերպիչներից մեկին` Ջամալ Ահմադովին, տարել են ոստիկանության Աղդամի բաժին, իսկ Աքիֆ Նաղիին` Թարթառի բաժին։ Գրում են նաև, որ «ակցիայի» մասնակիցները չեն կարողանում 4-րդ կիլոմետրից շարժվել դեպի Բաշ Ղարվանդ, քանի որ 4-րդ կիլոմետրում ոստիկանական ուժեր են կուտակվել։ Նյութի աղբյուր՝ https://www.facebook.com/photo.php?fbid=255041915340718&set=a.118577808987130&type=3&theater ...

    Կարդալ ավելին
  • Վաղվա, Սեպտեմբերի մեկի ադրբեջանցիների կազմակերպած սադրանքի հիմքը մենք ենք տվել` Հունիսին նրանց Նախիջևանի հատվածում թույլ տալով «այցելել իրենց պապական գերեզմանները» : Թուրքը միշտ էլ հույսը դրել է Հայի «խղճի խայթի» վրա, որն իրենք կոչում են հարիֆություն: Ցանկացած հանդուրժողականություն մեր կողմից թուրքն ընդունում է որպես թուլություն: Ցանկացած «փոխզիջում» մեր կողմից հաստատ նրանք ընդունելու են որպես ավելին պահանջելու և ստանալու նախապայման!!! Նյութի աղբյուր՝ https://www.facebook.com/arshak.zakaryan.9/posts/10155740874003837 ...

    Կարդալ ավելին
  • Սեպտեմբերի 1-ին Սոչիում կկայանա Պուտին-Ալիև հանդիպումը. Հասկանալի է, որ կքննարկվեն արցախյան հիմնախնդիրը, տարածաշրջանային էներգետիկ վերջին զարգացումները. Բայց ինձ ավելի շատ հետաքրքրում է Խաչատուրովի գործի և ՀԱՊԿ-ին Ադրբեջանի հնարավոր անդամակցության հարցերը, որոնք նույնպես կլինեն քննարկման օրակարգում` միգուցե ոչ հրապարակային. Նյութի աղբյուր՝ https://www.facebook.com/permalink.php?story_fbid=2223093627921239&id=100006618695607¬if_id=1535707119182568 ...

    Կարդալ ավելին
  • Ցանկացած մարդ, ով միջազգային ճանաչում ունի և այցելում է Հայաստան և Արցախ, արժանանում է նաև մեր հարևանների ուշադրությանը, ու ամեն անգամ Արցախ կատարած այցը պատասխանվում է կոպիտ հայտարարություններով և սև ցուցակով վախեցնելով։ Անկախ այն հանգամանքից, թե տվյալ անձn ինչով է գումար վաստակում կամ ինչով է զբաղված, նրա այցը միշտ դառնում է գովազդ մեր երկրի համար, որի կարիքը 21-րդ դարում ունեն բոլոր երկրները։ Եթե մենք չենք ցանկանում առանձնանալ աշխարհից ու ապրել միայն մենք մերոնցով, ապա ցանկացած մեկը պետք է գնահատի ու հասկանա, թե Հայաստանի մասին քանի միլիոն մարդ իմացավ միայն մեկ մարդու այցելությամբ։ Իսկ ադրբեջանական կողմը գոնե այս անգամ մի փոքր իրեն զուսպ է պահել։ Ադրբեջանի ԱԳՆ ներկայացուցիչ Խիմքեթ Գաջիևը հայտարարել է, որ Բիլզերյանին Արցախ տանելու փոխարեն հայկական կողմn ավելի լավ կլիներ` այդ ժամանակը ծախսեր Արցախի հարցի խաղաղ լուծման աշխատանքների վրա։ Նա այլ կերպ չի ցանկացել մեկնաբանել այդ այցը, սակայն այդ քայլը համարել է կրկեսային ներկայացում։ Գաջիևը, ով ամեն անգամ լեզուն աջ ու ձախ շաղ է տալիս իրեն չվերաբերող հարցերի շուրջ, այս անգամ պարզապես «բարի» խորհուրդ է տալիս հայկական կողմին։ Իրոք այս հոգեկան հիվանդի հետ մի բան պատահել է, վերջին շրջանում սա շատ զուսպ է՝ կա՛մ ընդհանրապես չի խոսում, կա՛մ ինչ-որ անհասկանալի կմկմում է։ Նյութի աղբյուր՝ https://www.facebook.com/ashot.asatryan.7549/posts/1789244484457613 ...

    Կարդալ ավելին
  • Ադրբեջանցի բարձրաստիճան զինվորականները անհանգստանում են Արցախի հարցի համար․ Ադրբեջանում արդեն որոշ զինվորականներ սկսել են իրենց անհանգստությունը արտահայտել Արցախի հարցի լուծման շուրջ։ Հայաստանում կատարվող փոփոխությունները ամեն գնով ներակայցվում էին, որ իբր Հայաստանի նոր իշխանությունը խաղ ու պարով լուծելու է այդ հարցը ու որոշակի տարածքներ են հանձնելու։ Այդ ամենը իհարկե ամենից շատ ուրախացրել էր բարձրաստիճան զինվորականներին, սակայն օր օրի իրենք իրենց մաշկի վրա սկսեցին զգալ, որ նման տեղեկությունները կեղծ են ու պարզապես փափուկ բարձ է դրվում իրենց գլխի տակ։ Ադրբեջանցի զինվորականները զգացին, որ փոփոխությունից հետո հայկական կողմի պատասխանները ավելի են պստացել, զարմացած էին, որ ՀՀ ԶՈւ-ն կարող է նույնիսկ Նախիջևանի ուղղությամբ նման գործողություններ իրականացնել։ Առավել զարմացան, երբ Հայաստանի պաշտպանության նախարարը սկսեց կոշտ հայտարարություններով հանդես գալ, որը ընդհանրապես տարածք հանձնող նախարարի խոսքեր չէին։ Ադրբեջանցի գնդապետ Շաիր Ռամալդանովը, այն զինվորականներից է, ով փորձում է բարձրաձայնել իրենց շարքերում առաջացած անհանգստությունը։ Ռամալդանովը հայտնում է , որ Հայաստանի նոր իշխանությունները ընդհանրապես չեն էլ փորձում որևէ զիջողական քայլ կատարեն ու ընդհակառակը նրանց քայլերը էլ ավելի կոպիտ են, քան նախկիններինը։ Նրանց անհանգստացնում է այն փաստը, որ Հայաստանի նոր վարչապետը ավելի հաճախ է պաշտոնական այցով գնում Արցախ։ Փաշինյանի որդու Արցախում ծառայելու փաստը նույնպես անհանգստացնում է բարձրաստիճան զինվորականներին, քանի որ ոչ մեկ իր որդուն չի կարող ուղարկել մի վայրում ծառայելու, որը շուտով պետք է հանձնի։ Այս ամենը աչքի տակ ունենալով ադրբեջանական կողմը խիստ անհանգստանում է այդ փաստերից։ Նյութի աղբյուր՝ https://www.facebook.com/ashot.asatryan.7549/posts/1788309454551116 ...

    Կարդալ ավելին

ՖԲՀ

Քաղաքականություն