• Այս մասին հայտնել է Ռուսաստանի նախագահի մամուլի խոսնակ Դմիտրի Պեսկովը։ Սակայն կոնկրետ օր չի հայտարարվել, քանի որ այցը դեռ համաձայնեցվում է։ Ռուսաստանում կայացած Պուտին-Փաշինյան հանդիպումից հետո, Հայաստանի վարչապետ Փաշինյանը Հայաստան էր հրավիրել Ռուսաստանի նախագահ Պուտինին և հույս էր հայտնել, որ նա կընդունի հրավերը և պաշտոնական այց կկատարի Հայաստան։ Փաստորեն Պուտինը ընդունել է հրավերը։ ...

    Կարդալ ավելին
  • Այն ինչ կատարվել է այսօր, իհարկե, կդառնա (ավելի ճիշտ արդեն դարձել է) լայն հասարակության քննարկման առարկա: Կարծում եմ, որ գործը բացահայտելու մեջ ամենաշատը պետք է շահագրգռված լինի ԱԱԾ-ն: Համաշխարհային պրակտիկայում նման դեպքեր եղել են... և շատ են եղել: Սկսած 70-նների <<Ուոթերգեյթից>> մինչև մի քանի տարի առաջ ի հայտ եկած ԱՄՆ հատուկ ծառայությունների կողմից Գերմանիայի կանցլեր Մերկելին գաղտնալսելուց: Այսինքն գաղտնալսել կարող են ինչպես ներսից, այնպես էլ դրսից: Բայց ես չեմ ուզում մտնել կոնսպիրոլոգիայի դաշտ: Պարզապես պետք է հասկանալ, թե ո՞ւմ է այս ամենն ավելի ձեռնտու: Իհարկե ինձ շատ դուր եկավ <<կռուտիտ>> չլինելու քաղաքականությունը և ազնվորեն շտապ արձագանքելու մոտեցումը: Բայց եթե այս պատմությունը շտապ չբացահայտվեց, ապա սա կոնկրետ ինձ համար հետևություններ անելու առիթ կդառնա, որովհետև ես վստահ չեմ լինի, որ չի գախտնալսվում ՊՆ նախարարը, շտաբի պետը, վարչապետը և երկրի անվտանգության համար պատասխանատու այլ պաշտոնյաներ: Նյութի աղբյուր՝ https://www.facebook.com/kocharyankaren/posts/2275453575830527 ...

    Կարդալ ավելին
  • Քարոզարշավի մեկնարկից արդեն պարզ է որ թե Նաիրան և թե Հայկոն չունեն սեփական բարձր վարկանիշ: Նաիրայի համար ձայն է խնդրում Գագիկ Ծառուկյանը, իսկ Հայկ Մարությանի համար` Նիկոլ Փաշինյանը: Հ.Գ. Այս է պատճառներից մեկը, որ ընտրելու եմ Արտակ Զեյնալյանին, քանի որ նա իր իսկ դեմքով է ներկայանում ընտրություններին: Նյութի աղբյուր՝ https://www.facebook.com/edgar.tumanyan.56/posts/171232697105112 ...

    Կարդալ ավելին
  • Պուտինը սեպտեմբերի 25-ին կայցելի Ադրբեջան: Այս մասին հայտնել է ՌԴ Դաշնային ժողովի պետական դումայի ԱՊՀ գործերով, եվրասիական ինտեգրման և հայրենակիցների կապերի կոմիտեի նախագահ Լեոնիդ Կալաշնիկովը «Մոսկվա-Բաքու» տեսակամուրջի ժամանակ: «Ադրբեջանի և Ռուսաստանի նախագահները Ռուսաստանի ղեկավարի այցի ժամանակ Բաքվում սեպտեմբերի 25-ից անցկացնելու են աշխատանքային հանդիպում, որ ժամանակ քննարկվելու են այն խնդիրները, որոնց մասին կողմերը պայմանավորվել կամ չեն ավարտել խոսակցությունը Սեպտեմբերի 1-ին Սոչիում» - ասել է Կալաշնիկովը։ ...

    Կարդալ ավելին
  • Ադրբեջանական անդրադարձը Փաշինյանի հարցազրույցին և Պուտինի հետ հանդիպմանը: Ադրբեջանական կողմը շատ մեծ հույսեր էր կապում, որ Փաշինյան-Պուտին հանդիպումը կանցնի շատ լարված մթնոլորտում, որտեղ թեման թելադրողը կլինի ռուսական կողմը և Փաշինյանը գլխիկոր կվերադառնա Ռուսաստանից իսկ այնուհետև Պուտինը կայցելի Ադրբեջանը ու կսկսվի բուն բանակցությունները: Սակայն «թագավորի տղեն մատը կծեց» ու Իլհամ Ալիևին հասցեական ազդանշան տրվեց հենց հանդիպումից ժամեր առաջ Զինուժ ծրագրի ժամանակ վարչապետ Փաշինյանի կողմից: «Ադրբեջանը շատ երկար տարիներ իր դիրքորոշումներով ապացուցում է, որ իր պատկերացումը պատերազմն է՝ Լեռնային Ղարաբաղի հարցի կարգավորման: Սա նշանակում է, որ ոչ միայն Հայաստանի Հանրապետությունը, այլև ողջ հայ ժողովուրդը պետք է պատրաստ լինի՝ տալու անհրաժեշտ հակահարված, և որ որևէ մեկը չի կարող մեզ հետ խոսել սպառնալիքների, հարկադրանքների, ուժի լեզվով:»,- ասել է Փաշինյանը հարցազրույցի ժամանակ: Մեսիջը իրականում շատ արագ տեղ էր հասել ու ադրբեջանական կողմը հասկանում էր, որ Պուտինի հետ հանդիպումից առաջ նման հայտարարությամբ հանդես եկող գործիչը չի պատրաստվում գլուխը կախ վերադառնալ Ռուսաստանից: Երկրորդ «հարվածը» արդեն բուն հանդիպման ընթացքն էր, երբ Փաշինյանը և Պուտինը խոսեցին հայ-ռուսական հարաբերություններից ու հանդիպումը անցավ իդեալական մթնոլորտում: Տեղեկատվական քարոզչության դաշտում արդեն պարտված ադրբեջանական կողմը այժմ փորձում է հասկանալ, թե ինչ կատարվեց այս օրերի ընթացքում, ինչպես ստացվեց, որ կրկին իրենց վերլուծաբանները սխալվեցին: Նախկին ցինիկ հոդվածներին եկան փոխարինելու ՝ «Փաշինյանը սպառնում է Ադրբեջանին», «Փաշինյանը Ռուսաստանին թույլ չի տալիս խառնվել երկրի ներքին գործերին» և նմանատիպ հոդվածներով: Հիմա առավել անհանգիստ սպասում են, թե Ադրբեջանում կայանալիք Ալիև-Պուտին հանդիպումը ինչպես է ընթանալու: Նյութի աղբյուր՝ https://www.facebook.com/ashot.asatryan.7549/posts/1801390506576344 ...

    Կարդալ ավելին
  • Կայացել է Պուտին - Փաշինյան հանդիպումը․ «Այսօր Հայաստանի ու Ռուսաստանի միջև հարաբերությունները վերընթաց զարգացում են ապրում բոլոր ուղղություններով, դա վերաբերում է քաղաքական հարաբերություններին, ռազմական ոլորտին, անվտանգության, տնտեսական համագործակցության հարցերին»,- ՌԴ նախագահ Վլադիմիր Պուտինը։ «Հակառակ այն վատատեսության, որն առկա է և հայկական, և ռուսական մամուլում ու սոցցանցերում, ես կարծում եմ, որ մեր հարաբերությունները զարգանում են շատ դինամիկ ու բնական»,- ՀՀ վարչապետ Նիկոլ Փաշինյան։ Նյութի աղբյուր՝ https://www.facebook.com/ashot.asatryan.7549/posts/1801024693279592 ...

    Կարդալ ավելին
  • ՀՀ նախկին վարչապետ Հովիկ Աբրահամյանը ֆեյսբուքյան իր էջում գրել է․ Մոտ մեկ ամիս առաջ մի խումբ դիմակավորված անձինք իբր օպերատիվ տեղեկությունների հիման վրա ներխուժեցին ինձ և ազգականներիս պատկանող բնակարաններ և շինություններ: Ո՛չ իմ փաստացի բնակության, և ո՛չ էլ հաշվառման վայրերում իրականացված խուզարկության արդյունքում որևէ անօրինական առարկա չհայտնաբերվեց, սակայն չնայած դրան իրավապահներն առգրավեցին իմ անձնագիրը՝ կոպտորեն խախտելով ՀՀ օրենսդրությունը: Ավելին՝ խուզարկություն կատարվեց Մխչյանի մեխանիկական գործարանի տարածքում և նախ հրապարակայնորեն փորձ արվեց տարածքը կապել իմ անվան հետ, իսկ այդուհետ՝ այդ տարածքում հայտնաբերված զենքերը կապել Մարտի 1-ի հետ: Ակնհայտ է, որ փաստերի նման շղաթայական խեղաթյուրման թիրախը ես էի: Թերևս դա է պատճառը, որ առ այսօր հրապարակված չեն փորձաքննության արդյունքները: 2018թ.-ի սեպտեմբերի 4-ին, կայքերից մեկին տված հարցազրույցում քննադատեցի ՀՀ իշխանությունների այդ գործելաոճը: Ի պատասխան դրա, հարցազրույցից ընդամենը մեկ օր անց ծանուցում ստացա՝ մեկ այլ քրեական գործով որպես վկա ՀՀ հատուկ քննչական ծառայություն հրավիրվելու մասին: ՀՔԾ-ում ինչ-որ շինծու քրեական գործով ինձ նախ հարցաքննեցին որպես վկա, ապա դրանից անմիջապես հետո անհիմն մեղադրանք առաջադրեցին և ստորագրություն վերցրեցին՝ երկրից չհեռանալու մասին: Զավեշտալի է, երբ ոչ ականջահաճո հարցազրույցից հետո մարդուն հրավիրում են ՀՔԾ, ակնհայտ կեղծ մեղադրանք առաջադրում՝ նպատակ ունենալով լռեցնել ցանկացած այլակարծություն: Այս պահին նպատակահարմար չեմ համարում ավելին ասել, հետագայում այդ անհիմն մեղադրանքին և անօրինականություններին առավել մանրամասն անդրադառնալու առիթ կունենամ: Առայժմ արձանագրեմ, որ ՀՀ իշխանությունների կողմից իրականացվող «մարդաորսը», ազատ խոսքի ու այլակարծության ճնշմանն ուղղված գործողությունները լավ հանգրվան չեն ունենալու: Նյութի աղբյուր՝ https://www.facebook.com/permalink.php?story_fbid=2029568857064689&id=203473279674265 ...

    Կարդալ ավելին
  • Նյարդերի պատերազմ՝ Պուտին - Փաշինյան և Պուտին - Ալիև հանդիպումներից առաջ․ Սեպտեմբեր ամսվա մեջ նախատեսվում է ՌԴ նախագահ Վլադիմիր Պուտինի և Հայաստան հանրապետության վարչապետ Նիկոլ Փաշինյանի հանդիպումը, այս ընթացքում նաև նախատեսված է ՌԴ նախագահի և Ադրբեջանի հանրապետության նախագահ Իլհամ Ալիևի հանդիպումը։ Այս փաստերը ադրբեջանական կողմը փորձում է օգտագործել տեղեկատվական և նյարդային պատերազմներում։ Ամեն գնով փորձ է կատարվում տարածել, որ Ռուսաստանի նախագահ Պուտինը Հայաստանից խլելու և Ադրբեջանին է նվիրելու Արցախի որոշ շրջաններ։ Իհարկե ադրբեջանական կողմը վստահ է, որ նմանատիպ քայլ տեղի չի ունենա, բայց նրանք խաղում են հայկական կողմի զգացմունքների և տրամադրվածության վրա, որպես թիրախ ընտրելով ամենացավոտ կետերից մեկը՝ Արցախը։ Հանդիպումից առաջ ամեն գնով փորձ է արվելու ազդել Հայաստանի ներկայացուցիչների տրամադրվածության վրա, որպեսզի ամեն գնով այդ հանդիպումը անցնի անառողջ և որոշակի սահմանափակ մթնոլորտում։ Սակայն ադրբեջանական կողմի նման անիմաստ հոդվածների շարանը մենք տեսնում , կարդում և լսում ենք արդեն մոտ 30 տարի ու ամեն անգամ նույն պատմությունների առաջ ենք կանգնում։ Արդեն երևի իմունիտետ ենք ձեռք բերել։ ...

    Կարդալ ավելին
  • ՀՀ պաշտպանության նախարարի տեղակալը զորացրված սպաների հետ հանդիպման ժամանակ բնակարանների փոխհատուցման ծրագրի շրջանակներում առաջարկել է հողատարածքների հատկացում, որը լիովին օրենքով սահմանված կարգ է: Առաջարկի իրավականականությունը ծագում է Զինծառայողների և նրանց ընտանիքի անդամների սոցիալական ապահովության մասին օրենքի 34-րդ հոդվածի պահանջներից: Հոդվածը սահմանում է, որ զինծառայողներն ապահովվում են բնակարանով կամ տնամերձ հողամասով: Առաջարկը ներառում է տիպային հողատարածք կոմունալ մոդելավորմամբ, ինչպես նաև քննարկվում է հողամասի գրանցումը իրականացնել պետության հաշվին: ՀՀ ՊՆ տեղակալի առաջարկությունը բխել է այս օրենսդրական դրույթից, և այն որևէ կերպ չի սահմանափակում նրանց բնակարան ստանալու համար հերթում գտնվելը, եթե հրաժարվում են տնամերձ հողատարածքից: ...

    Կարդալ ավելին
  • Թուրքական «Սյոզջու» պարբերականը տեղեկություն էր հրապարակել, ըստ որի Թուրքիան ցանկանում է ռազմաբազա տեղադրել Նախիջևանում։ Նախիջևանում իհարկե միշտ մեծ է եղել թուրքերի դերը և նշանակությունը, սակայն ռազմաբազայի առկայության դեպքում իրավիճակը էլ ավելի կփոխվի։ Տարիներ շարունակ Իլհամ Ալիևը փորձել է իր ձեռքի տակ պահել Նախիջևանի ռազմական և քաղաքական ղեկավարությանը։ Վերջին շրջանում Ալիևի իշխանությունը նույնիսկ փորձեց իր ռազմավարությունը օգտագործել նաև Նախիջևանի բանակում և սադրել առաջնագծում իրավիճակը։ Բանն այն է, որ դա նրան չհաջողվեց, քանի որ հայկական բանակի կողմից ստացավ համարժեք պատասխան, Նախիջևանի ղեկավարությունն էլ ուրախությամբ չէր ընդունել Հայաստանի հետ հարաբերությունները նման ձևով լարելու որոշումը։ Դրանից հետո պաշտոնից ազատվեց Նախիջևանի ղեկավարը և նշանակվեց նոր ղեկավար։ Նույնիսկ ռազմական ոլորտում տեղի ունեցան մի շարք փոփոխություններ։ Սակայն նույնիսկ այս ամենից հետա Ալիևը չի կարողանում իր ցանկությամբ պահել Նախիջևանը և այնտեղ ևս լարել իրավիճակը։ Այս ամենը հաշվի առնելով և որոշ բանակցությունների արդյունքում թուրքական կողմը ռազմաբազա հիմնելու մասին լուրեր տարածելով փորձում է ստուգել տարածաշրջանի արձագանքը։ Քանի որ ռազմաբազա տեղադրելու դեպքում նա կանգնում է ոչ միայն Հայաստանի այլ նաև ռուսական բանակի դիմաց։ Այդ միտքը կարող է դուր չգալ նաև Թեհրանին։ Եվ վերջապես, թուրքական կողմը չի ցանկանում ռազմական բախում ունենալ Հայաստանի հետ։ Այս քայլով Թուրքիան կվերահսկի Նախիջևանի ղեկավարությանը իր ռազմական ղեկավարության միջոցով և փաստացի իրենք կլինեն այդ տարածքի ղեկավարները։ Իսկ թե դրա արդյունքում ինչպես կզարգանա հետագա հարաբերությունները դեռ պարզ չէ։ Նյութի աղբյուր՝ https://www.facebook.com/ashot.asatryan.7549/posts/1798464410202287 ...

    Կարդալ ավելին

ՖԲՀ

Քաղաքականություն