• ՄԱԿ-ում Սաուդյան Արաբիայի դեսպան Աբդալլահ ալ-Մուալիմը, պատասխանելով լրագրողների հարցերին, անդրադարձել է նաև արաբական երկրների և Թուրքիայի հարաբերություններին։ «Մեր թուրք եղբայրները պետք է հասկանան, որ ժամանակները, երբ նրանք միջամտում էին արաբական երկրների ներքին գործերին, վաղուց անցել են։ Եթե Թուրքիան կառուցողական դեր է խաղում, ապա մենք դա ողջունում ենք, բայց ռազմաբազաների տեղակայումն ապակառուցողական են և լուրջ կվնասեն Թուրքիայի հեղինակությանը արաբական աշխարհում»,- ասել է ալ-Մուլիմը. հաղորդում է Daily Mail-ը։ Սա Էր Ռիադի առաջին և բացահայտ դեմարշն է և նախազգուշացումը Անկարային, որը Կատարի շուրջ արդեն երկու ամիս ձգձգվող ճգանածամի ընթացքում փորձում է ամրապնդել իր դիրքերը Արաբական թերակղզում՝ ռազմաբազա տեղակայել Քաթարում, որը և մեծ բացասական գնահատականի է արժանացել Էր Ռիադում, Աբու Դաբիում, Մանամայում և Կահիրեում։ Թուրքիայի փորձերն՝ ամրապնդվել արաբական երկրներում և ստանձնել մահմեդական աշխարհի օմբուդսմենի դերը, պատահական չեն։ Թուրքիայի բռնապետ Էրդողանն առաջնորդվում է նեոօսմանիզմի և նեոպանթյուրքիզմի քաղաքականությամբ, որը նախ և առաջ նախատեսում է վերականգնել Թուրքիայի ազդեցությունը նախկին Օսմանյան կայսրության տարածքներում։ Թուրքիան մինչ այդ էլ բավական ակտիվ էր Արցախյան, Չեչենական, Բոսնիական և Կոսովոյի ճգնաժամերի ժամանակ, սակայն Անկարայի նկրտումները բացահայտ և ավելի ագրեսիվ բնույթ ստացան 2003թ․-ից հետո, երբ Թուրքիայի վարչապետ դարձավ Ռեջեփ Էրդողանը։ 2010 թ-ի մայիսի 30-31-ի դեպքերը, երբ Անկարան փորձում էր «Մավի Մարմարա» նավով օգնություն հասցնել Գազա, որը շրջափակված էր Իսրայելի կողմից, հանգեցրեց նրան, որ Անկարայի և Թել Ավիվի հարաբերությունները 5 տարով գրեթե դադարել էին։ 2011թ․-ի մարտից Էրդողանը բավական ակտիվ ներգրավվեց նաև նախկին Օսմանյան կայսրության մաս կազմող Սիրիայում տեղի ունեցող իրադարձությունների մեջ՝ փորձ կատարելով գրավել, որքան հնարավոր է, շատ տարածքներ, այդ թվում նաև՝ Հալեպը, որն, ի դեպ, ավարտվեց անհաջողությամբ։ Եգիպտական «արաբական գարնան» ժամանակ Անկարան բացահայտ միջամտում էր Կահիրեի ներքին գործերին՝ պաշտպանելով ահաբեկչական «Մահմեդական եղբայրներ» կազմակերպությանը և նրա առաջնորդ Մուհամեդ Մուրսիին, ով 2012թ․-ի ամռանն ընտրվեց նաև Եգիպտոսի նախագահ։ 2013թ․-ի հուլիսի 3-ին Մուրսիին իշխանությունից զրկելուց հետո Էրդողանը քննադատեց Եգիպտոսի նոր իշխանություններին, որի պատճառով թուրք-եգիպտական հարաբերությունները բավական սառեցին, իսկ Կահիրեն էլ նախազգուշացրեց Անկարային, որ չփորձի միջամտել երկրի ներքին գործերին։ 2016թ․-ի ապրիլի սկզբին հենց Անկարայի հովանավորությամբ ևս Ադրբեջանը սանձազերծեց կարճատև պատերազմ Արցախում։ Քաթարի շուրջ ճգնաժամը, որն սկսվեց այս տարվա հունիսի 5-ին, ևս օգտագործվեց Անկարայի կողմից էլ ավելի ուժեղացնելու իր դիքրերն արդեն Պարսից ծոցի տարածաշրջանում և Արաբական թերակղզում, որոնք նախկինում ևս եղել են Օսմանյան կայրության մաս։ Սակայն այստեղ կենացները շատ թանկ են, որ տարածաշրջանի երկրները և կոնկրետ Սաուդյան Արաբիան, որը փորձում է արաբական աշխարհի հեգեմոնի դերը ստանձնել և վերահսկել արաբական երկրների նավթային առևտուրը, թույլ տա, որ Անկարան ակտիվանա աշխարհի ամենահարուստ երկրներից մեկում՝ Կատարում։ Սաուդացիները բավական երկար չէին արձագանքում Անկարայի նկրտումներին։ Սակայն այն, ինչ ունի սկիզբ, ունի և վերջ։ Էր Ռիադի համբերությունը սպառվում է։ ՄԱԿ-ում Սաուդյան Արաբիայի դեսպանի բավական կոշտ արձագանքը կարելի է համարել որպես նախազգուշացում։ Իրականում, Թուրքիայի կողմից Կատարում ռազմաբազա բացելու և այնտեղ 200-250 զինվորական տեղակայելը ավելի շատ քարոզչական, հոգեբականան և դիվանագիտական նշանակություն ունի։ Ռազմավարական և անվտանգության առումով Կատարը գրեթե ամբողջությամբ կախված է ԱՄՆ-ից, որի կատարյան Ալ-Ուդեիդ ռազմաբազայում ծառայում է 11 հազար զինվորական։ Ինչպես նաև Կատարի անվտանգության համար կարևոր է նաև Թեհրանի դիրքորոշումը։ Պատահական չէ նաև այն, թե ինչու ալ-Մուալիմը այս հայտարարությունն արեց հենց հիմա։ Հուլիսի 23-24-ը «խաղարարական» այցով Սաուդյան Արաբիա, Քուվեյթ և Կատար է մեկնելու Էրդողանը, որը, ինչպես ներկայացնում են իշխանամետ թուրքական ԶԼՄ-ները, «գնում է բարիշեցնելու արաբներին»։ Դե ինչ։ Էր Ռիադից արդեն հասկացրին Անկարային իր տեղը և դերը տարածաշրջանում։ Այսինքն՝ Էրդողանը անելիք չունի այնտեղ։ Նյութի աղբյուր՝ https://www.facebook.com/gagik.hambaryan/posts/1430219833728628 ...

    Կարդալ ավելին
  • Այսօր՝ հուլիսի 19-ին, Թուրքիան կրկին վերահաստատել է իր դիրքորոշումը Հյուսիսային Իրաքի քրդական շրջանում անկախության հանրաքվեի անցկացման վերաբերյալ: Ինչպես հայտնի է, քրդական տարածաշրջանային կառավարությունն անցած ամիս հայտարարեց, որ սույն թվականի սեպտեմբերի 25-ին անցկացնելու են անկախության հանրաքվե, ինչին շատ ցավագին արձագանքեց Թուրքիան: «Մեր արտաքին քաղաքականության անխախտ սկզբունքն է Իրաքի տարածքային ամբողջականության և քաղաքական միասնության պահպանումը և ամեն հնարավորն անել, որ պահպանվի Իրաքի ամբողջականությունը»,- այսօր հայտարարել է Թուրքիայի ԱԳՆ մամլո քարտուղար Հուսեյին Մույթյուօղլուն:  «Մենք դեմ ենք Իրաքյան քրդական տարածաշրջանում անկախության հանրաքվե անցկացման որոշմանը, և մեր նախնական դիրքորոշման մեջ փոփոխություն չկա»,- հստակեցրել է նա: Թուրքիայում մի քանի վերլուծաբաներ կարծում էին, որ Թուրքիան կարող է ճանաչել Իրաքյան Քուրդիստանի անկախությունը, սակայն այս հայտարարությունը և մելիմեջլիսում Քուրդիստան բառի օգտագործման արգելքը լրիվ հակառակն է ապացուցում: Իսկ ահա ԱԳՆ-ի պաշտոնյայի վերջին հայտարարությունն ամեն ինչ իր տեղն է գցում. «Անկախության հանրաքվեն կլինի լուրջ սխալ, որը կհանգեցնի անցանկալի արդյունքների տարածաշրջանային խաղաղության և անվտանգության առումով»: Այսինքն՝ Թուրքիան սպառնում է պատերազմով և տարածաշրջանում նոր, ակտիվ ռազմական գործողության ևս մեկ օջախի ավելացումով... Նյութի աղբյուր՝ https://www.facebook.com/kilkiahayastan/posts/448636892182924 ...

    Կարդալ ավելին
  • Վարչապետ Կարեն Կարապետյանը, անդրադառնալով սննդամթերքի անվտանգության խնդիրներին, ասաց՝ շանտղություն է, երբ մենք չենք վերահսկում, թե մեր երեխաները, մայրերն ու քույրերը ինչով են սնվում: Վարչապետի շատ կոպիտ, բայց դիպուկ բնորոշումից հետո փոխվեց ՍԱՊԾ պետը, այդ լուրից հետո շատերս հույս հայտնեցինք, որ սննդի անվտանգության ոլորտում դրական տեղաշարժ կնկատվի, բայց արի ու տես, որ Վարչապետի «շանտղություն» բնորոշումը որևէ կերպ չի ազդում մարդկանց արժեհամակարգի վրա: Չգիտեմ՝ խնդա՞մ, թե՞ լամ: Պետական կառույցը փորձում է դատի տալ նույն կառույցի նախկին աշխատակիցների, ովքեր համարում են, որ ապօրինի են ազատվել աշխատանքից ու հիմնավոր փաստերով, թափանցիկ ներկայացնում են պրոբլեմը հասարակությանը: Դատի են տալիս զրպարտության թեմայով, առանց հասարակությանը տեղեկացնելու, թե ինչումն է զրպարտությունը: Տղերք, շանտղությունից է պետք վիրավորվել, ընդ որում՝ հասարակությունը չէ, որ շանտղություն է որակել ձեր արածը, վերին օղակի բնորոշում է դա, բայց պահը հասունանում է, ու գուցե ժողովուրդն էլ սկսի շանտղություն եզրույթն ավելի շատ օգտագործել: Իսկ «շանտղությունը», եկեք խոստովանենք, իսկապես վատ բան է: Հ.Գ. Ահա թե ինչ է լինում, երբ պատահական մարդկանց գլխին շատ պատահական պատասխանատու չինովնիկի պաշտոն է ընկնում՝ պոպուլիզմ, որի ժամանակ պատրաստ են ուրանալ անգամ ազգային անվտանգությունը։ Նյութի աղբյուր՝ https://www.facebook.com/kh.edgar/posts/1184118761693470 ...

    Կարդալ ավելին
  • Լեզվի շուրջ շահարկումները շարունակվում են, հավանաբար, այլ թեմաներ չլինելու պատճառով։ Շարունակվում են, երբ պաշտոնական մակարդակով նշվում է, որ Հայաստանում գործող «Լեզվի մասին» օրենքում որևէ փոփոխություն չի նախատեսվում։ Ի դեպ, Եվրասիական տնտեսական հանձնաժողովն արդեն առաջարկել է Ռուսաստանին վարորդական իրավունքի հետ կապված փոփոխություններ սահմանել առկա օրենքներում` բացառելով օրենքի կիրառումը ԵԱՏՄ անդամ պետությունների քաղաքացիների համար:  Թեման քննարկման ընթացքում է, կողմերը փնտրում են տարբերակներ՝ խնդրին լուծում տալու համար։  Խնդիրը միայն վարորդներին է վերաբերում, կրթական և մասնագիտական այլ փաստաթղթեր Ռուսաստանում վավեր են և ճանաչելի։ Նյութի աղբյուր՝ https://www.facebook.com/avagyankaren/posts/1546454862094824 ...

    Կարդալ ավելին
  • Իրանի խորհրդարանը հաստատել է Հայաստանի և Իրանի միջև «Մեղրի-Նորդուզ սահմանային դարպասի համատեղ օգտագործման մասին» համաձայնագիրը: ԻԻՀ խորհրդարանի այսօր կայացած լիագումար նիստում ներկայացված օրինագծին կողմ է քվեարկել 145 պատգամավոր, 5 պատգամավոր էլ քվեարկել է դեմ և ձեռնպահ: Իրանի տարածքով շուրջ 10 տարանցիկ ճանապարհ է անցնում, Հայաստանը գտնվում է «Պարսից ծոց-Սև ծով» միջանցքում: Ինչպես նշվում է համաձայնագրի փորձագիտական եզրակացության մեջ, Մեղրի-Նորդուզ անցակետն Իրանի համար կարևոր է ոչ միայն երկկողմ առևտրաշրջանառությունն ապահովելու, այլև տարանցիկ բեռնափոխադրումներ իրականացնելու նպատակով: Նյութի աղբյուր՝ https://www.facebook.com/armen.israyelyan.9/posts/1446693188748017 ...

    Կարդալ ավելին
  • Այսուհետ Թուրքիայի դպրոցներում 5-9 դասարաններում կներդրվի նոր ուսումնական ծրագիր, ըստ որի դպրոցները կշարժվնեն «իսլամական օրենքներով» և կուսուցանվի ջիհադի ուսմունքը: Նշեմ, որ ըստ ղուրանի յուրաքանչյուր մուսուլման պետք է ներդրում ունենա իսլամի տարածման, պահպանաման գոծում, իսկ վտանգի դեպքում դուրս գա զինված պայքարի: Հենց սրանք էլ կոչվում են ջիհադներ:  Բացի այս, նախատեսվում է դպրոցներում ունենալ նաև աղոթասենյակներ: Այս ծրագիրը Թուրքիայում կներդրվի 2018-19 ուսումնական տարվանից: Ծրագրով նաև նախատեսվում է անդրադարձ PKK-ին, Ֆեթուհալլիստներին և ԻՊ-ին: Նյութի աղբյուր՝ https://www.facebook.com/kilkiahayastan/posts/448585405521406 ...

    Կարդալ ավելին
  • Երեկ Ադրբեջանի պաշտպանության նախարարությունը ապատեղեկատվություն է տարածել, թե իբր ոչ կանոնադրական հարաբերությունների հետևանքով Մատաղիսի զորամասի ժամկետային զինծառայողներից մեկը կրակել է վաշտի հրամանատար ոմն Վահե Գրիգորյանի վրա, այնուհետև փորձել ինքնասպան լինել։ Ադրբեջանցիք նշել են նաև, թե իբր վիրավոր զինծառայողներին տեղափոխվել են Մարտակերտի զինհոսպիտալ։ Իրականում միջադեպը տեղի է ունեցել ոչ թե Արցախի պաշտպանության բանակում, այլ Ադրբեջանի զինված ուժերում։ Ադրբեջանական ընդդիմադիր Kanal13.TV լրագրող Թեյմուր Քերիմը (Teymur Kerim ) երեկ իր ֆեյսբուքյան էջում գրել է, որ Ադրբեջանի N զորամասում 3 զինվորի միջև վեճ է տեղի ունեցել, որի ժամանակ զինվորնեիից մեկը կրակել է մյուս 2 զինվորի վրա։ Ըստ լրագրողի՝ վիրավորները ողջ մնալու շանսեր չունեն: Նյութի աղբյուր՝ https://www.facebook.com/archakh.armenia/posts/1396834307069512 ...

    Կարդալ ավելին
  • Ինչպիսի՞ արձագանքների կարելի է սպասել, երբ լրագրողը սխալմամբ «տուրիստ»-ի (توریست) փոխարեն գրում է «տեռորիստ» (تروریست), :) Իրանական կայքերից մեկը, վկայակոչելով Իրանի ԱԳՆ մամլո խոսնակի հայտարարությունը, գրել է, թե, «Իրանի և Ռուսաստանի միջև ձեռք բերված պայմանավորվածության համաձայն, ահաբեկչական խմբերի (նկատի ունենալով տուրիստական խմբերը) համար կգործի հեշտացված կարգով վիզային ռեժիմ»: Նյութի աղբյուր՝ https://www.facebook.com/armen.israyelyan.9/posts/1445920548825281 ...

    Կարդալ ավելին
  • 2017 թվականի առաջին կիսամյակի տվյալներով՝ ԱՀ զբոսաշրջության բնագավառը աճ է գրանցել բոլոր ուղղություններով: ԱՀ արտաքին գործերի նախարարության տվյալներով՝ 2017 թվականի հունվար –հունիս ամիսներին Արցախում գրանցվել է օտարերկրյա զբոսաշրջիկների քանակի 46 տոկոս աճ՝ 2016 թվականի նույն ժամանակահատվածի համեմատ, իսկ 2015 թվականի համեմատ աճը կազմել է 26%:  Այցելությունների քանակն ավելացել է նաև հիմնական զբոսաշրջավայրերում. օրինակ՝ Տիգրանակերտի պետական արգելոց է այցելել ավելի քան 5000 զբոսաշրջիկ, ինչը 62 տոկոսով ավելին է 2015 թվականի նույն ժամանակահատվածի համեմատ: Հաշվարկային գնահատականներով՝ զբոսաշրջությունից ստացված եկամուտները կազմել են 1.7 միլիարդ ՀՀ դրամ (աճը կազմել է 35 տոկոս՝ 2015թ. համեմատ): Հարկ է ընդգծել, որ վերոհիշյալ ժամանակահատվածում զբոսաշրջության բնագավառի զարգացմանն ուղղված ծրագրերի համար, բացի պետական բյուջեի միջոցներից, հաջողվել է ներգրավել նաև 25 միլիոն ՀՀ դրամ ներդրումներ միջազգային դոնորների կողմից: ԱՀ էկոնոմիկայի նախարարության աշխատակազմի զբոսաշրջության վարչություն #ԵկԱրցախ Նյութի աղբյուր՝ https://www.facebook.com/artak.beglaryan/posts/1527959207242311 ...

    Կարդալ ավելին
  • Արդեն չեմ էլ հիշում, թե երբ էր նման բան եղել վերջին անգամ, բայց պետք է խոստովանեմ, որ այսօր ես հպարտություն զգացի, որ ԱԺ նախագահ ունենք։ Ճիշտն ասած՝ Բաբլոյանին այդքան էլ չեմ ճանաչում, ու երբ նրան ընտրեցին ԱԺ նախագահ, ապա մեծ ակնկալիքներ չունեի։ Թերևս բավարարվում էի այն մտքով, որ, Գրիգորիչից ու Արգամիչից բացի, ով էլ լինի, էլի լավ է։ Բայց արի ու տես, որ Բաբլոյանն անսպասելիորեն դրսևորեց արդեն այդքան մոռացված, բայց այդքան կարևոր վարք, որը հարիր է պետական այրին, այն էլ՝ բարձրաստիճան պետական այրին։ Կարդալով երեկվա ու այսօրվա մամուլի տեսությունները՝ մի տեսակ հպարտությամբ ես լցվում, որ ՀՀ քաղաքացի ես, ու քո շահերը արտասահմանում ներկայացնում է Բաբլոյանը։ Չեմ ուզում դատարկ հաճոյախոսություններ շռայլել, բայց լռել էլ չի ստացվում։ Մեր հիշողության մեջ էլ ե՞րբ էր եղել, որ խորհրդարանի նախագահը ոչ միայն չընկրկի ռուսաստանցի կոլեգաների մոտ, այլև լիկբեզ կարդա ժողովրդավարության ու ինքնիշխանության մասին։ Դե իսկ ռուսաց լեզուն պաշտոնական ճանաչելու առաջարկին տրված Բաբլոյանի պատասխանն ընդհանրապես կարելի է ներառել քաղաքագիտության դասագրքերում ու ձեռնարկներում՝ հղփացած ու լկտիացած բանակցորդին կարգի հրավիրելու մասին բաժնում։ Հիշեցնեմ՝ Բաբլոյանը Վոլոդինին բաց տեքստով ասել էր, որ ոչ մի օրենք էլ չենք պատրաստվում ընդունել, որովհետև Հայաստանում ռուսերեն անցնում են 2-րդ դասարանից, ինչն առավել քան բավարար է ռուսաց լեզվի համար մեր երկրում։ Հուսանք, որ թասիբով այս գիծը չի փոխվի ու վերջին առիթը չի լինի, որ մեր ժողովուրդը, գոնե բացառության կարգով, չի ամաչի իր պետական այրերի վարքից ու բարքից։ Նյութի աղբյուր՝ https://www.facebook.com/permalink.php?story_fbid=467523233607744&id=100010502131048 ...

    Կարդալ ավելին

ՖԲՀ

Քաղաքականություն