• Հանրապետական պատգամավոր Արմեն Աշոտյանը ֆեյսբուքյան իր էջում գրում է․  «Ներքաղաքական անցուդարձի մեջ իրավունք չունենք երկրորդ պլան մղելու արտաքին քաղաքական հիմնահարցերը, որտեղ իշխանության բոլոր ճյուղերը համատեղ ջանքեր գործադրելու հնարավորություն ունեն Հայաստանի շահերը առաջ տանելու համար: Մասնավորապես, խիստ կարևոր եմ համարում ԵՄ-Հայաստան Համապարփակ և ընդլայնված համաձայնագրի վավերացման գործընթացի ինտենսիվացումը ԵՄ անդամ երկրների խորհրդարաններում: Ամառային արձակուրդներից հետո խորհրդարանական դիվանգիտության խողովակներով այս հարցի առաջխաղաղացումը կրկին աշխուժացել է: Կարծում եմ, գործադիր իշխանությունը նույնպես պետք է ուշադրության կենտրոնում պահի այդ խնդիրը: Հիշեցնեմ, որ այս պահին համաձայնագիրը այս կամ այն կերպ վավերացրել են ԵՄ 28 անդամ երկրներից 8-ը: Հայաստանի համար շատ կարևոր է, որպեսզի ԵՄ-Հայաստան նոր շրջանակային համաձայնագրի վերջնական վավերացումն ավարտվի մինչև Եվրախորհրդարանի նոր ընտրությունները, որոնք տեղի կունենան 2019 թվականի մայիսի 23-ից 26-ը»: Նյութի աղբյուր՝ https://www.facebook.com/armen.ashotyan/posts/10216500697048077 ...

    Կարդալ ավելին
  • ԵՐԵՎԱՆ — Հանրապետության հրապարակում այսօր կայացավ կառավարության ամենակարճ ճեպազրույցը լրագրողների հետ, որի ընթացքում վարչապետը ևս մեկ անգամ արձանագրեց, որ բանանի գներն իջել են։ «Բանանի գներն իջել են»,- նշեց Նիկոլ Փաշինյանը և հեռացավ՝ խոսքը փոխանցելով կառավարության մյուս անդամներին։ Ճեպազրույցի մասնակից նախարարները հաստատեցին վարչապետի խոսքերը։ Տնտեսական զարգացման և ներդրումների նախարար Արծվիկ Մինասյանը նշեց․ «Եթե 1000 դրամով նախկինում 7 բանան էինք գնում կամ 6, եթե մի քիչ մեծոտ էին, այժմ 9-10 բանան կարելի է գնել»։ Առողջապահության նախարար Արսեն Թորոսյանի խոսքով՝ շատ մոտ ապագայում բնակչության մոտ կնկատվի կալիումի շեշտակի աճ․ «Բանանը պարունակում է մեծ քանակով կալիում, որը դրական ազդեցություն ունի արյան ճնշման դեպքում և կանխում է արյան ճնշման բարձրացումը և սրտխփոցները»։ Իսկ արտակարգ իրավիճակների նախարար Ռոստոմյանը վստահեցրեց, որ նախարարությունը տիրապետում է իրավիճակը և կանխատեսել է բոլոր վտանգները․ «Որքան շատ բանան ուտենք, այնքան հաճախ փողոցում կհանդիպենք բանանի կճեպի։ Բայց մենք կանենք ամեն ինչ, որ պլստալու դեպքերը մնան նորմայի սահմանում, օրը 3-4 պլստալու դեպք։ Ոչ ավել»։ Իսկ մշակույթի նախարար Լիլիթ Մակունցը նշեց, որ երկրի առաջատար խոհարարներին առաջադրվել է ավանդական մի քանի ճաշատեսակ հարմարեցնել բանանին․ «Բանանի խորոված, բանանի ամառային տոլմա․ ոչ մի սահմանափակում խոհարարական մտքին»։ Մի շարք այլ ապրանքատեսակների թանկացմանը վերաբերող հարցերին պատասխանելու ժամանակ այդպես էլ չմնաց։ ...

    Կարդալ ավելին
  • ԱՀԿ եվրոպկան տարածաշրջանային հանձնաժողովի 68-րդ նստաշրջանում նախարարի ԱՐՏԱՀԵՐԹ ելույթի վերաբերյալ... Հետևելով առողջապահության նախարարության վերջին ամիսների գործունեությանը՝ ինձ համար սպասելի էր, որ որևէ լուրջ ձեռքբերում չի ներկայացվելու, քանի որ այդ ձեռքբերումները բացակայում են: Փոխարենը ներկայացվեց «ռազմավարություն», որն արդեն 20 տարի է՝ գերակայություն է հանդիսանում ԱՀԿ անդամ երկրների համար: Շեշտը դրվեց նաև այն փաստի վրա, որ գյուղական համայնքներում հիվանդությունների վաղ հայտնաբերումն ավելի մեծ հաջողություններ է գրանցել, ինչն ինձ համար տարօրինակ էր, քանի որ թե՛ բժիշկների հանրությունը, թե՛ ժողվուրդը և թե՛ կառավարությունը գիտակցում և բարձրաձայնում են մարզային առողջապահության խնդիրները...  Սա Հայաստանի Հանրապետության հպարտ քաղաքացիների համար գրված և ներկայացված «100 օրվա գործունեության ամփոփում» չէ, որտեղ կարելի է դեմագոգիայով զբաղվել և ունեցած այս կամ այն հանդիպումը որպես արված աշխատանք ներկայացնել: Ուղղակի ԱՐՏԱՀԵՐԹ ելույթ պահանջել և իմաստային առումով ասել, որ «իրավիճակ է փոխվել, և հիմա բարենպաստ պայմաններ են...»․ լուրջ չի և լուրջ չի ընկալվում միջազգային հանրության կողմից: Դա նման է, որ ասվեր․ «Այսօր Երևանում ծնվել է 436 երեխա` 213 տղա և 223 աղջիկ»... Ամեն դեպքում նման ելույթներն առաջացնում են անվստահություն և անլուրջ վերաբերմունք մեր երկրի առողջապահական համակարգի նկատմամբ: Նյութի աղբյուր՝ https://www.facebook.com/431267584014616/posts/504019746739399/ ...

    Կարդալ ավելին
  • Կադրերն արվել են Ադրբեջանի Աղջաբեդիի շրջանում.. Հեռավորությունն Արցախի Մարտունու շրջանից մոտ 30 կիլոմետր է։  Վերջին օրերին տարածված կադրերը խոսում են դրա մասին, որ Ադրբեջանի սահմանամերձ շրջաններում գազի հետ կապված լուրջ խնդիրներ կան։ Նյութի աղբյուր՝ https://www.facebook.com/alen.ghulyan/videos/263742037804039/ ...

    Կարդալ ավելին
  • Չեմ հիշում մի դեպք, երբ Ռուսաստանը Հայաստանի և Ադրբեջանի հետ բարձրաստիճան փոխայցելությունների պարիտետը չպահի: Այսինքն՝ հիշում եմ: 1999-ի հոկտեմբերի 27-ին Պուտինը Երևան եկավ, Բաքու չգնաց: Հատուկ առիթ կար․ գործընկերոջ հոգեհանգստին էր եկել մասնակցելու: Մնացած դեպքերում մշտապես մի պետություն այցելությունից հետո այցելում է նաև մյուս պետություն, մի ղեկավարին հյուրընկալելուց որոշ ժամանակ անց անպայման հյուրընկալում է նաև մյուսին: Նյութի աղբյուր՝ https://www.facebook.com/sargsyansuren/posts/1015670664875542 ...

    Կարդալ ավելին
  • Այս տարվա սեպտեմբերի 17-22-ն Ադրբեջանի զինված ուժերը լայնամասշտաբ գործառնական-մարտավարական զորավարժություններ կանցկացնեն։ Կայքը նշում է, որ զորավարժանքների ընթացքում Ադրբեջանի ԶՈւ-ի զինվորները «կխոցեն Արցախում հայկական զինված ստորաբաժանումները, ռազմական ու ռազմավարական օբյեկտները»։ Զորավարժություններին կմասնակցի ավելի քան 20.000 զինծառայող, ավելի քան 200 միավոր տանկ և այլ զրահատեխնիկա, տարբեր տրամաչափի ավելի քան 120 հրթիռահրետանային սարքավորում, համազարկային կրակի ռեակտիվ համակարգեր, մոտ 10 միավոր կործանիչ ու ռմբակոծիչ։ Ղարաբաղյան բանակցությունները փակուղային վիճակում են կամ անգամ տապալման եզրին`տարբեր պատճառներով, որտեղ հիմնականն Ադրբեջանի ռազմատենչ քաղաքականությունն է ու մաքսիմալիզմը`կամ ամբողջ Ղարաբաղը, կամ`պատերազմ: Այս ֆոնին ուշագրավ է, որ Բաքու է այցելում Իսրայելի պաշտպանության նախարարը`հավանաբար ստորագրվելու են իսրայելական նոր զինտեխնիկաների գնման պայմանագրեր: ՀՀ-ն ու Արցախը պետք է համարժեք պատասխան տան վերոնշյալին`դրա լավագույն պատասխանը նոր զինտեխնիկայի ձեռքբերումն է, ինչպես նաև սեփական ռազմաարդյունաբերական համալիրի ձևավորումը: Արցախը ռազմական, ռազմա-տեխնիկական առումներով պետք է դառնա հնարավորինս ինքնաբավ`պատերազմական գործողությունների ընթացքում Բաքուն փորձելու է կտրել ՀՀ-Արցախ սնուցող երակները`Լաչին-Գորիս և Քելբաջար-Վարդենիս ճանապարհները, որպեսզի հայկական ստորաբաժանումները չկարողանան հասնել Արցախին օգնության: Այս պարագայում Արցախում ռազմական գործարանների կառուցումը, Արցախի ՊԲ-ի հնարավորինս ինքնաբավ դարձնելը դառնում է օրակարգի թիվ մեկ հարց`Բաքուն գնում է պատերազմի`այսօր, վաղը կամ մեկ տարուց`կարևորն այս պարագայում բոլոր առումներով`թիկունք, լոգիստիկա, մոբռեսուրս և այլն, պատրաստ լինելն է դիմակայելու ադրբեջանական ռազմական սպառնալիքին: Արցախի տնտեսական հնարավորությունների, տնտեսական հզորությունների աճն ու աշխատատեղերի ստեղծումը պետք է զուգահեռ ընթանա ռազմական շինարարության աշխատանքներին`սոցիալական խնդիրները ազդում է հասարակական տրամադրությունների վրա: Ռազմա-տնտեսական ռեսուրսների աճն`Արցախի թիվ մեկ օրակարգային հարցն է: Նյութի աղբյուր՝ https://www.facebook.com/artem.balasanov/posts/1904276006318136 ...

    Կարդալ ավելին
  • Իսրայելի պաշտպանության նախարար Ավիգոր Լիբերմանը պաշտոնական այցով գտնվում է Ադրբեջանում։ Նախարարի այցը հատուկ նշանակություն ունի, քանի որ այս անգամ փորձ է արվում Ադրբեջանի հետ կնքել «Երկաթե գմբեթ» հակահրթիռային համակարգի վաճառքի պայմանագիր մոտ 400 մլն դոլարի շրջանակներում։ Ադրբեջանի հետ այս բանակցությունները սկսել են 2015 թվականի սեպտեմբերից իսրայելական Rafael ընկերության կողմից։ Այս տարվա հունիս ամսին Ադրբեջանին այդ ընկերության կողմից մատակարարվեց իսրայելական Lora ռազմական համալիրը։ Իսրայելի պաշտպանության նախարարը նաև անձնական դրդապատճառներ ունի այս պայմանագիրը կյանքի կոչելու համար։ Իսրայելում շուտով խորհրդարանական ընտրություններ են, և պաշտպանության նախարարը ներքին լսարանին պետք է ներկայացնի իր կատարած աշխատանքները և ամեն գնով փորձում է կնքել մի շարք խոշորածավալ ռազմական պայմանագրեր։ Նյութի աղբյուր՝ https://www.facebook.com/ashot.asatryan.7549/posts/1806813786034016 ...

    Կարդալ ավելին
  • Բաց նամակ Արթուր Վանեցյանին Հարգարժան պարոն Վանեցյան, Այսօր հայտնի դարձավ Հայաստանի ֆուտբոլի ֆեդերացիայի գործադիր կոմիտեի առաջիկա հնարավոր կազմը, որը, անկեղծ ասած, տարակուսանք է հարուցել հայկական ֆուտբոլի ներկայացուցիչների շրջանում: Անկախ Ձեր հանդեպ ունեցած անվերապահ վստահությունից՝ ստիպված ենք արձանագրել, որ փաստացի, պաշտոնապես հաստատվեց մեր մտահոգություններն ու մամուլի հրապարակումները, համաձայն որոնց՝ շարունակվում է ՀՖՖ գործադիր կոմիտեն իշխանության յուրայիններով համալրելու նախորդների արատավոր պրակտիկան: Ինչպես նախորդ իշխանության օրոք, այս անգամ ևս գործկոմի կազմում են ընդգրկվել իշխանական պատգամավորներ, նախարարներ ու կառավարության այլ անդամներ: Այլ կերպ ասած, մարդիկ, ովքեր որևէ առնչություն չունեն ֆուտբոլային աշխարհի հետ և նրանցից որոշների միակ արժանիքը կառավարության անդամ լինելն է: Եթե նախկինում ֆերդերացիայի գործկոմի կազմում ընդգված էին ՀՀԿ-ականներ, այսօր արդեն «Քաղաքացիական պայմանագիր» կուսակցության անդամներն են նրանց փոխարինել: Այսինքն՝ մոտեցումներն ու սկզբունքները նույնն են մնացել: ՀՀ վարչապետի ու նոր կառավարության հանդեպ ունեցած հարգանքով հանդերձ՝ խնդրում ենք բացատրել ի՞նչ սկզբունքով է որոշվել Հայաստանի ֆուտբոլի ֆեդերացիայի գործադիր կոմիտեի կազմում ընդգրկել, օրինակ, Առողջապահության նախարարին, ով նախարար նշանակվելուց անմիջապես հետո բազմաթիվ սկանդալների հեղինակ է և իր գործողություններով ու հայտարարություններով արժանացել իր իսկ ղեկավարած ոլորտի մասնագետների, մեղմ ասած, բացասական վերաբերմունքին: Եթե իրոք նախարարն ուներ զինվորական ծառայության հետ անհամատեղելի առողջական խնդիր, ինչո՞ւ էր զորակոչվել, իսկ եթե չուներ խնդիր ու ծառայության ընթացքում է ձեռք բերել այդ ծանր հիվանդությունը, ինչպե՞ս է այն համատեղում ՀՀ նախարարի պաշտոնի հետ և ինչպե՞ս է այն համատեղելու ՀՖՖ գործկոմի անդամի պարտականությունների հետ: Ուսումնասիրեք, պարո՛ն Վանեցյան, բժշկական հանրությունը վստահ է, որ հաստատ հետաքրքիր բացահայտումներ կլինեն:  Հիմա դառնալով բուն թեմային՝ ժամանակն է, որ ՀՖՖ գործադիր կոմիտեում ընդգրկված լինեն ոլորտի ներկայացուցիչներ ու պրոֆեսիոնալներ, այլ ոչ թե օրվա իշխանության յուրայիններ ու պաշտոնյաներ: Ժամանակն է գործնականում ապացուցեք, որ Հայաստանի ֆուտբոլի ֆեդերացիայում ու ֆուտբոլի նկատմամբ պետության վերաբերմունքի հարցում ևս իրավիճակ է փոխվել: Վերջապես,բոլորս էլ ուզում ենք ուրախանալ մեր ֆուտբոլի հավաքականի հաջողություններով: Նյութի աղբյուր՝ https://www.facebook.com/gagik.hambaryan.71/posts/258910888287264 ...

    Կարդալ ավելին
  • Ուշագրավ և բավական անկանխատեսելի հետևանքներով դիմակայություն է սպասվում Սիրիայի հյուսիսարևմտյան Իդլիբ նահանգում, որը համարվում է սիրիական հակակառավարական տարաբնույթ խմբավորումների (տարբեր տվյալներով՝ ավելի քան 4 տասնյակ խմբավորումներ՝ շուրջ 50 հազ. զինյալներով) վերջին կարևոր հանգրվանը: Բանն այն է, որ սեպտեմբերի 7-ին Թեհրանում սիրիական հակամարտության հանգուցալուծմանը նվիրված Իրանի, Ռուսաստանի, Թուրքիայի նախագահների գագաթնաժողովից հետո Անկարան անցել է կտրուկ գործողությունների՝ զգալիորեն ավելացնելով և դիվերսիֆիկացնելով Իդլիբում գործող սիրիական թուրքամետ խմբավորումներին տրամադրվող ռազմական աջակցությունը: Փաստորեն, կարելի է ենթադրել, որ Իդլիբի ճակատագրի հարցում Աստանայի ձևաչափի գործընկերների հետ ընդհանուր հայտարարի չգալուց հետո Անկարան սեփական խաղն է նախաձեռնում՝ ստիպելով մի կողմից Մոսկվային և Թեհրանին, մյուս կողմից՝ Արևմուտքին հաշվի նստել իր շահերի հետ։ Վերջին ուղղությամբ Թուրքիայի բարձրագույն իշխանութունների մի քանի ներկայացուցիչներ, նաև նախագահ Ռ.Թ. Էրդողանը պարբերաբար դիմում են արևմտյան երկրներին՝ գուժելով սպասվող հումանիտար աղետի մասին, եթե սիրիական կառավարական ուժերը և նրանց արտաքին հովանավորները սկսեն նահանգի ազատագրման լայնամասշտաբ ռազմագործողությունը: Անշուշտ, որևէ կասկած չկա, որ Իդլիբի ռազմագործողության հետևանքով արտաքին դերակատարներից առավելապես տուժելու է Թուրքիան՝ առնվազն դառնալով տասնյակ հազարավոր փախստականների, նաև տարբեր գաղափարական ուղղվածություն ունեցող զինյալների հանգրվան՝ պատճառ դառնալով հումանիտար և անվտանգային ճգնաժամի: Այդ հիմնավորմամբ կանխատեսելի են նաև թուրքական իշխանությունների գործողությունները, որոնց նպատակը առնվազն կարճաժամկետ հեռանկարում լինելու է հնարավորինս երկարաձգել հավանական դիմակայությունն Իդլիբում, ինչը բարդություններ կստեղծի հարձակվող կողմի համար, ինչպես նաև կհանգեցնի հումաիտար աղետի՝ հարկադրելով արևմտյան պետություններին առավել գործնական միջամտություն ցուցաբերել խնդրին և ավելի մեծ ճնշում գործադրել Դամասկոսի հանդեպ: Իրադարձությունների՝ նման սցենարով զարգացման պարագայում խնդրի հագուցալուծումը, հնարավոր է, կրկին տեղափոխվի քաղաքական-բանակցային հարթություն, որի շրջանակում Անկարայի համար առավել դյուրին կլինի պաշտպանել սեփական շահերը: Նյութի աղբյուր՝ https://www.facebook.com/armen.petrosyan.05/posts/1841706862533186 ...

    Կարդալ ավելին
  • Ադրբեջանի ԱԳ նախարարությունն անդրադարձել է Հայաստանում տեղի ունեցող «Շանթ 2018» զորավարժությանը, որի ժամանակ Հայաստանը պատերազմ է հայտարարում Ադրբեջանին, ու պետական կառույցներն անցնում են այդ զորավարժությունը։ Ադրբեջանական կողմին անհանգստացրել է զորավարժության հենց պատերազմ հայտարարելու գործընթացը։ Ադրբեջանի ԱԳ նախարարությունը հայտարարել է, որ սա ապացուցում է իրենց այն պնդումը, թե հայերն օկուպանտներ են։ Նման հիմարություն միայն ադրբեջանական կողմը կարող էր տարածել։ Ըստ ԱԳՆ ներկայացուցիչ Հիքմեթ Հաջիևի՝ Հայաստանի նոր իշխանությունը շարունակում է նախկինների կատարած ռազմական գործողությունները, և Հայաստանում հեղափոխությունից հետո Արցախի հարցի շուրջ ոչինչ չի փոխվել։ Ադրբեջանական մի շարք կայքեր արդեն տարածում են նյութեր «Հայաստանը Ադրբեջանին պատերազմ է հայտարարում» վերնագրերով, որը խուճապ է առաջացրել քաղաքացիների շրջանում։ Մի շարք օգտատերեր իրենց անհանգստությունն են հայտնել այս հարցի շուրջ։ ...

    Կարդալ ավելին

ՖԲՀ

Քաղաքականություն