• Այսօր, մենք (Երևանի ավագանու Բարգավաճ Հայաստան խմբակցություն) ստացանք տարօրինակ մի զանգ : Զանգահարողը ցանկություն հայտնեց զրուցել ինձ հետ: Երբ ֆրակցիայի գործավարը պատասխանեց, որ ղեկավարը տեղում չէ, զանգահարողը անմիջապես դիմեց հայհոյանքների և բացահայտ սպառնալիքների: Կասկած ունեմ, որ սա կապ ունի մեր երեկվա ՝ 13.11 Երևանի ավագանքու նիստին մեր ֆրակցիայի կողմից հնչեցված ելույթների հետ: Առայժմ զերծ կմնամ անուններ հնչեցնելուց, չնայած նրան, որ գրեթե 100 տոկոսով գիտեմ, թե որտեղից են ոտքերը աճում: Այս փաստի առնչությամբ այսօր դիմելու եմ ոստիկանություն: Պաշտոնապես հայտարարում եմ, որ ժողովրդի կողմից ընտրված ավագանուն հնարավոր չէ վախեցնել կամ ահաբեկել: Ասեմ ավելին, եթե ինչ որ մեկը կարծում է, որ կարող է մեզ վախեցնել կամ խանգարել ,ապա նա միանշանակ պատժվելու է օրենքի ողջ խստությամբ: Նյութի աղբյուր՝ https://www.facebook.com/100026958313017/posts/195801187995157 ...

    Կարդալ ավելին
  • Արցախում ներդրումների ներգրավման համար ստեղծված պայմանները գնալով ավելի բարենպաստ են դառնում։ Ադրբեջանի կողմից եկող սադրանքները ոչ միայն չեն կարողանում խոչնդոտել նոր ներդրումային նախագծերի իրականացմանը, այլ հակառակ էֆեկտ են ունենում։ Եվ պատահական չէ, որ վերջին շրջանում Արցախի ուղղությամբ ներդրողների հետաքրքրությունը մեծացել է։ Առաջիկա ներդրումային խոշոր նախագծերից մեկով, որը ներառում է 100 մլն դոլարի ներդրում, նախատեսվում է Սարսանգի աջափնյա ջրանցքի կառուցում, որը թույլ կտա ջրամբարի ջուրը կասկադի միջոցով ինքնահոս կերպով տեղափոխել դեպի Մարտակերտ շրջկենտրոնի հարակից դաշտեր՝ հիմնելով 3 նոր ջրամբար և ոռոգովի դարձնելով ավելի քան 10,000 հեկտար հողատարածք: Ներդրող ընկերության բաժնետերերը, որոնք հայկական ծագում չունեն, հետաքրքրված են նաև Արցախում այգեգործության զարգացման գործում:  Պայմանավորվածություն է ձեռք բերվել, որ ջրատարն ապահովող կասկադի վրա կառուցվելու են նոր ՀԷԿ-եր, ինչը կավելացնի էլեկտրաէներգիայի արտադրության ծավալը՝ խթանելով դրա արտահանումը: ՀԷԿ-երի գործարկման արդյունքում արտադրվող էլեկտրանէներգիայի ծավալը նախատեսվում է հասցնել մինչև 1 մլրդ ԿՎտ-ի։  Այս նախագծի իրականացման միջոցով Մարտակերտի դաշտավայրային հատվածում էներգետիկայի և գյուղատնտեսության զարգացումը մեծ թափ կստանա, կստեղծվեն տասնյակ վերամշակող ընկերություններ և հազարավոր նոր աշխատատեղեր։  Օտարերկրյա ներդրումների մասին իր ֆեյսբուքյան էջում տեղեկացրել է նաև Արցախի խորհրդական-հատուկ հանձնարարությունների գծով ներկայացուցիչ Արայիկ Հարությունյանը։ Նյութի աղբյուր՝ https://www.facebook.com/photo.php?fbid=1966127193500634&set=a.149784388468266&type=3&theater ...

    Կարդալ ավելին
  • Նախագահ Բակո Սահակյանի այցը Մեծ շեն համայնք հատկապես գյուղական համայնքներում ապրող մարդկանց համար կենսական անհրաժեշտության ուղերձներ է պարունակում։ Մասնավորապես, կառավարության աջակցությամբ, 2019 թվականից, շրջաններում տուն կառուցող մարդիկ հնարավորություն կունենան օգտվել վարկային արտոնյալ պայմաններից՝ վարկ-1% տոկոսադրույքով (մնացածը պետությունը կսուբսիդավորի), 5% կանխավճար և պարզեցված ընթացակարգ։ Նյութի աղբյուր՝ https://web.facebook.com/tigran.abrahamyan/posts/2014476891951152?_rdc=1&_rdr ...

    Կարդալ ավելին
  • Փաշինյանի կառավարման շրջանում Հայաստանը հետեւողական զիջում է իր անվտանգության դիրքերը: Այս մասին, հայտարարություն է տարածել ԱԺ փոխնախագահ, ՀՀԿ մամուլի խոսնակ Էդուարդ Շարմազանովը: Նա, մասնավորապես, նշել է. «Փաստորեն նոյեմբերի 8-ն էլ անցավ, բայց Հայաստանը ՀԱՊԿ-ում գլխավոր քարտուղար չունեցավ: Մի բան է պարզ դառնում. Փաշինյանի կառավարման շրջանում Հայաստանը հետեւողական զիջում է իր անվտանգության դիրքերը: Ավելին, բացահայտ նշվում է, որ գլխավոր քարտուղարի պաշտոնը Բելառուսին է տրվելու: Սա Փաշինյանի կառավարության հերթական բացահայտ ձախողումն է: Իսկ ի՞նչ է լինելու: Ասեմ, սեփական ձախողումը քողարկելու համար կարծում եմ՝ մենք ականատես կլինենք,  այսպես ասած, կոռուպցիայի դեմ պայքարի, նոր բացահայտումների կամ սեւերի ու սպիտակների հերթական բաժանման: Պարոն վարչապետ, կոռուպցիայի ու ցանկացած ապօրինության դեմ էլի  պայքարեք, բայց ոչ ի հաշիվ Հայաստանի ու Արցախի անվտանգության: Հա, մեկ էլ մի բան՝ էդ նորմալ ու կիրթ տպավորություն թողած Ալիեւը հերթական անգամ խոսել է ինչ-որ տարածքներ վերադարձնելու, Արցախը ադրբեջանական հող լինելու, Հայաստանից զիջումներ կորզելու մասին: Ես սպասում էի Ձեր արձագանքին, բայց Ձեր խրոխտ ու վճռական խոսքի փոխարեն ստացա լռություն: Մտահոգիչ է, եղբա՛յր: Հայաստանի թիվ մեկ մարտահրավերը եղել եւ մնում է ՀՀ անվտանգության ամրապնդումն ու Արցախի հարցի արդար եւ հայանպաստ լուծումը»: ...

    Կարդալ ավելին
  • Թշնամու պաշտպանության նախարար Զաքիր Հասանովը հավաքել է գեներելաներին ու քննարկել են մի շարք հարցեր։ Հավաքի հիմնական թեման եղել են ռազմական խաղերը, որոնք, Իլհամ Ալիևի կողմից հաստատված պլանի համաձայն, նոյեմբերի 12-ին մեկնարկելու են։ Հասանովը նաև քննարկել է առաջնագծում տիրող իրավիճակը, փոխանցել է Ալիևի ներկայացրած պահանջները։ Հատկապես այս շրջանում կարևոր է ուշադրություն դարձնել Ադրբեջանի պաշտպանության նախարարության ձեռնարկած քայլերին։ Հաշվի առնելով Փաշինյան-Ալիև զրույցը՝ մենք պետք է ստիպենք, որպեսզի ադրբեջանական կողմն առաջնագծում լարվածությունը մեղմացնի։ Իսկ նման հավաքներն ադրբեջանական բանակում միշտ հատուկ նպատակներ են ունենում, որոնց մասին չի բարձրաձայնվում, սակայն մոտակա օրերին պարզ է դառնում նրանց գործողությունների արդյունքում։ Նյութի աղբյուր՝ https://www.facebook.com/ashot.asatryan.7549/posts/1877694388945955 ...

    Կարդալ ավելին
  • Ալիևին սխալ են զեկուցում, նա իրավիճակին չի տիրապետում։ Ադրբեջանի նախագահը կրկին ադրադարձել է հայ-ադրբեջանական հակամարտությանը ու կրկին խոսում է թեմաներից, որի մասին արդեն տարիներ շարունակ հայտարարում է։ Սակայն Ադրբեջանի նախագահը մի փոքր իրավիճակին չի տիրապետում, ավելի ճիշտ՝ անձամբ ինքը տիրապետում է, սակայն ժողովդրին խափում է։ Արցախի հարցի լուծումը նշված անձը տեսնում է բացառապես հայկական զորքը Արցախից դուրս բերելու եղանակով։ Տարիներ շարունակ այս հայտարարությունը կատարելով նա միշտ դա համեմում է ինչ-որ անհասկանալի ռազմական հաջողություններով։ Կոնկրետ այս դեպքում խոսվում է 2016 թվականի ապրիլյան մարտերի մասին ու շեշտվում է, թե ադրբեջանական բանակը կատարել է իր առջև դրված խնդիրը ու հիմա էլ իրենք պատրաստ են ցանկացած գործողության։ Նախ մի փոքր կոպիտ է հնչում «բանակը կատարել է իր առջև դրված խնդիրը» արտահայտությունը, քանի որ կան անհերքելի փաստեր, որտեղ պարզ երևում է շատ կոպիտ ձախողումներ։ Առաջին հերթին ադրբեջանական ուղղաթիռներից երկուսը օդ բարձրանալուց րոպեներ անց շարքից դուրս են եկել հայկական բանակի զինծառայողների կողմից և դրա արդյունքում ընդհանրապես որևէ մարտական գործողություն չեն կարողացել կատարեն։ Ադրբեջանական բանակի հրետանու կրակոցների մեծ մասը ձախողվել է, քանի որ արկերի մի մասը պարզապես չեն գործել՝ չեն պայթել, մի մասի կորդինատները ընդհանրապես սխալ են եղել ու կրակը կոնկրետ թիրախից շատ հեռու է ընկել։ Հրետանին ևս ձախողել է իր առջև դրած խնդիրների մի մասը, այն ընթացքում , երբ փաստեր կան, թե ինչպես է հայկական բանակի հրետանին անթերի կատարում առաջադրանքները։ Ադրբեջանի «Յաշմա» հատուկ բրիգադի 50 տոկոսը ոչնչացվել է հայկական բանակի զինծառայողների կողմից։ Հատուկ բրիգադի զինծառայողները իրենցից ներկայացնում էին շատ լուրջ ֆիզիկական տվյալներ ունեցող, շատերը Թուրքիայում վարժանքների անցած, արնախում ահաբեկիչներ, ովքեր հոգեմետ դեղերի ազդեցությամբ հարձակվում էին հայկական դիրքերի վրա, սակայն նույնիսկ այդ պայմաններում ձախողել են իրենց առաջադրանքները։ Սա եղած դեպքերից ընդամենը երեքն է, որոնց վերաբերյալ կան ապացույցներ և ականատեսներ։ Այս ամենից բացի նաև վարկած կա, որ գաղտնալսվել է Թուրքիայի ԶՈւ ԳՇ պետի և Ադրբեջանի պաշտպանության նախարարի խոսակցությունը, որտեղ ԳՇ պետը հայտարարում է, թե իրենց կողմից ուղարկված օգնությունը՝ ռազմական և ֆիզիկական, ադրբեջանական կողմը չի կարողացել ճիշտ օգտագործել և ամեն ինչ ձախողել է։ Իսկ Ադրբեջանի նախագահը խոսում է անթերի կատարած գործողությունների մասին։ Ու սրա նմանը դեռ հույս ունի, որ մենք զորք ենք դուրս բերելու Արցախից։ Չնայած ժամանակին, եթե 800 հեկտար տարածքը միանգամից հետ վերցնեինք ու դրան գումարած նաև մի փոքր էլ առաջ գնայինք, հիմա հո Ալիևը դրանով չէր կարողանալու պարծենար։ Նյութի աղբյուր՝ https://www.facebook.com/ashot.asatryan.7549/posts/1875342055847855 ...

    Կարդալ ավելին
  • Այսօր ՊԲ կենտրոնական ենթակայության մի շարք զորամասերի ներգրավմամբ մեկնարկել են մարտավարական զորավարժություններ և կշարունակվեն մինչև նոյեմբերի 10-ը: Տարվա պատրաստության պլանով նախատեսված միջոցառման նպատակն է կատարելագործել ընդգրկված ուժերի և միջոցների մարտական ներդաշնակության մակարդակը, ստուգել զորամասերի մարտական պատրաստականության բարձր աստիճանների բերման պլանների իրատեսությունն ու նոր հաստիքապաշտոնային կառուցվածքի պայմաններում զորքերի մարտական կիրառման արդյունավետությունը: Չորս փուլով անցկացվող զորախաղերի ընթացքում առանձնահատուկ ուշադրություն կդարձվի հրամանատարների և կառավարման մարմինների գործնական ունակությունների բարձրացման և ժամանակակից մարտում ստորաբաժանումների, զորատեսակների ու ծառայությունների միջև նպատակային փոխգործողության իրականացման վրա: Ավարտական փուլում կխաղարկվի «Մխրճված հակառակորդի ջախջախումը, առաջնագծի վերականգնումը, հարձակման զարգացումը և բարենպաստ բնագծերի գրավումը» թեմայով մարտական հրաձգությամբ զորավարժություն: Նյութի աղբյուր՝ https://www.facebook.com/permalink.php?story_fbid=608451139570896&id=100012180459090 ...

    Կարդալ ավելին
  • Հունան Պողոսյանը և նրա նշանակումը որևէ կերպ չէր կարող ազդել ընտրությունների վրա: Եթե Հայաստանի մյուս քաղաքներում մարդիկ Նիկոլ Փաշինյանի խաթր ընտրում էին ՔՊ թեկնածուին ու հաղթում էր ՔՊ թիմը, ապա Կապանում ՔՊ թեկնածուի պարտությամբ հաղթել է Նիկոլ Փաշինյանը, քանի որ Հայաստանի համար հրաշքա, երբ իշխանության ներկայացուցիչը պարտվում է ընտրություններում: Նյութի աղբյուր՝ https://www.facebook.com/ashot.asatryan.7549/posts/1851644144884313 ...

    Կարդալ ավելին
  • Նիկոլ Փաշինյանի առաջին «քննությունը» Երբ խոսում ենք իշխանության անկախության և սուվերենության մասին, ապա պետք է հաշվի առնենք աշխարհաքաղաքական խաղի կանոնները, որոնք ենթակա են կատարման պետությունների կողմից՝ անկախ միջազգային ազդեցությունից (Հայաստան, ԱՄՆ, Իսրայել, ԵՄ բոլոր պետություններ, Կոսովո և այլն ) և կառավարման մոդելից: Ինչպես գիտենք տևական ժամանակ է, ինչ նոր իշխանությունները Նիկոլ Փաշինյանի գլխավորությամբ պնդում են, որ Հայաստանում պետք է տեղի ունենան արտահերթ խորհրդարանական ընտրություններ: Այս հարցի շուրջ բոլոր խորհրդարանական և արտախորհրդարանական ուժերի միջև առկա է կոնսենսուս: Միակ խնդիրը թերևս ժամկետներն են: ԱԺ-ի կողմից ընդունված նոր կառավարության ծրագրի համաձայն արտահերթը պետք է կայանա մեկ տարվա ընթացքում (մինչև 2019-ի մայիսի վերջ): Ընտրությունների գնացող Նիկոլ Փաշինյանը փորձեց մեկ հարվածով երկու թիրախ խոցել, այն է՝ ԸՕ բարեփոխումներ կատարել և դեկտեմբերին անցկացնել այդ ընտրությունները: Այս կոնտեքստում Վենետիկի հանձնաժողով ուղարկված Ընտրական օրենսգրքի բարեփոխումներ պետք է որ կանաչ լույս վառեն նոր ընտրությունների համար: Այսօր ՀՀ փոխվարչապետ Արարատ Միրզոյանը և ԸՕ բարեփոխումների հանձնաժողովի քարտուղար Դանիել Իոաննիսյանը հայտարարել էին, որ ԸՕ փոփոխությունների վերաբերյալ Վենետիկի հանձնաժողովի սպասում են դրական լուրերի: Լուրերը սակայն ավելի նման էին նոր իշխանությունների միջազգային քննական թեստի: Դրա մասին փաստեց հանձնաժողովի հայտարարության հետևյալ կետը. • Հանձնաժողովը շարունակում է մնալ այն դիրքորոշմանը, որ ընտրական համակարգի էական փոփոխությունները, այնպիսին ինչպիսի են տարածքային ցուցակների վերացումը, այլ կերպ ընտրակարգի փոփոխությունները, պետք իրականցվեն ընտրություններին նախորդող մեկ տարվա ընթացքում։ Նշենք, որ հանձնաժողովի եզրակացությունները լայնորեն կիրառվում են ԵԽԽՎ կողմից՝ որպես ժողովրդավարության ոլորտում «եվրոպական չափորոշիչների» դրսևորում: Այս կոնտեքստում Նիկոլ Փաշինյանի իշխանությունը ունի երկու տարբերակ. ա. Գնալ ընտրությունների և անտեսել սահմանադրական իրավունքի վերաբերյալ խորհրդատվական մարմնի եզրակացությունը, դրանով իսկ առաջ քաշելով այն թեզը, որ նոր իշխանությունների կողմից ուղարկված փաստաթղթի գործընթացը կրում էր ֆորմալ բնույթ, ինչը կարող է բացասաբար ազդել Հայաստանի միջազգային հեղինակության և այդ ընտրությունների արդյունքում ձևավորվող իշխանության լեգիտիմության ճանաչման վրա բ. Հետաձգել ընտրությունները՝ ի ցույց դնելով պետական գործչին հատուկ հատկանիշներ, որոնք պետք է ունենա երկրի ղեկավարը: Սպասենք նոր կառավարության արձագանքին: Նյութի աղբյուր՝ https://www.facebook.com/hayk.derzian.9/posts/119307985721046 ...

    Կարդալ ավելին
  • Այսօր ամբողջ օրը քննարկվեց ՀՀ -ում ԱՄՆ հեռացող դեսպան Միլսի հայտարարությունն Արցախի մասով առ այն, որ առանց «գրավյալ տարածքները» հանձնելու կոնֆլիկտի կարգավորում չի լինելու: Սա, իհարկե, լուրջ հարց է, սակայն Միլսի հարցազրույցում կար շատ վտանգավոր այլ հայտարարություն, որն անուշադրության մատնվեց թե հայ հասարակության, թե ԱԳՆ-ի կողմից: Միլսն ասել է, որ Հայաստանից ԱՄՆ-ն ակնկալում է միջազգային հանրության մեջ ամուր դիրքերի հաստատում և պարտականությունների ստանձնում: Դիվանագետի խոսքերով, այդ պարտականությունները ներառում են այն, որ երբ միջազգային հանրության մեկ այլ անդամ «զբաղվում է ապակառուցողական վարքով, որը խախտում է միջազգային իրավունքը կամ վարքագծի նորմերը», ապա պետք է արձագանքել: Միլսը նշել է, որ ԱՄՆ կառավարության դիրքորոշումն Իրանի մասով այն է, որ Իրանը ներգրավված է աշխարհում ահաբեկչության տարածմանն աջակցելու գործընթացում՝ նշելով, որ ԱՄՆ-ն կուզենար, որ ՀՀ-ն նույնպես ստանձներ պատասխանատվություն նման դեպքերում և քննադատեր միջազգային հանրության ընդունված վարքագծի խախտման դեպքերն առանձին պետությունների՝ այս դեպքում Իրանի կողմից. «Մենք հասկանում ենք, որ երբեմն դժվար է լինում, բայց դա այն է, ինչը մենք ակնկալելու ենք»: Նյութի աղբյուր՝ https://www.facebook.com/100001805376369/posts/2215986161804875/ ...

    Կարդալ ավելին

ՖԲՀ

Քաղաքականություն