• Հայաստանում ընաթացող լարված ներքաղաքական իրավիճակի և տարածաշրջանում աճող հակասությունների ֆոնին Ադրբեջանում ձեռնարկում են հերթական «ուշագրավ օրենքի» փոփոխության գործընթացը։ Ադրբեջանական խորհրդարանը փոփոխություն է մտցնում ռազմական դրության ժամանակ գրաքննության ու ինֆորմացիայի տարածման սահմանափակումների մեջ։ Ըստ որի՝ ռազմական դրություն հայտարարված տարածքներում կարող է սահմանափակվել ԶԼՄ-ների գործունեությունը։ Նման փոփոխությունները կարելի է դիտարկել մի քանի տեսանկյունից. ադրբեջանական իշխանությունը աստիճանաբար ինչ-որ գործողության է պատրաստվում, բանակի մասին ցանկացած տեղեկության տարածում, որը չի բխում ՊՆ ղեկավարության շահերից բացառվում է, սահմանափակվում է Ադրբեջանի իշխանության և հանրության ամենացավալի կետերից մեկի՝ բանակի իրական խնդիրները լուսաբանելու իրավունքը։ Օրենսդրական նման փոփոխությունը նաև դաս է, որը հակառակորդը քաղել է 2016թ. ապրիլյան ռազմական գործողություններից։ Նյութի աղբյուր՝ https://www.facebook.com/ashot.movsissyan/posts/1912137448857915 ...

    Կարդալ ավելին
  • Հույս ունեմ Նիկոլը այս անգամ իր խոսքի տերը կլինի։ Նայելով հավաքված մարդկանց ու ժողովրդի ոգևորությանը, վաղը Հայաստանում, որպես քաղաքական գործիչ կամ Փաշինյանը պետք է մնա կամ Սարգսյանը։ Մնացած բոլոր արդարացումները անիմաստ են։ Կամ հեռանում է Սերժ Սարգսյանը կամ Նիկոլ Փաշինյանը։ Նյութի աղբյուր՝ https://www.facebook.com/ashot.asatryan.7549/posts/1608374009211329 ...

    Կարդալ ավելին
  • Նիկոլը հոգնած է, սպառված ու ցայտնոտի մեջ…Բնականաբար ձեռքը գցելով փրփուրներին, որոշեց շրջափակել ՀՀ դատախազության, Վճռաբեկ դատարանի և կառավարության նոր մասնաշենքերը…Գործողությունները շարունակվում են… Սա նման է, երբ ճահճում խեղդվողը փորձում է հուսահատ իրեն դուրս քաշել ցեխաջրից իր իսկ մազերից քաշելով, սակայն այդ շարժումներով ավելի է նպաստում իր խրվելուն ցեխաջրի մեջ… Տեսնելով, որ չկարողացավ ոչինչ անել նա գնում է բացահայտ բախումների, վտանգելով իր հետևից գնացող տաքարյուն, անփորձ ուսանողներին… Դե ինչ, եթե հիմա նրան զրկեն պատգամավորական անձեռնմխելիությունից, ապա չեմ զարմանա… Նյութի աղբյուր՝ https://www.facebook.com/robert.melkonyan.9/posts/1241564519307530 ...

    Կարդալ ավելին
  • Նիկոլը գրավեց ռադիոն- Սերժ Սարգսյանը հանգիստ ընտրվեց ՀՀԿի թեկնածու Ծաղկաձորում։ Նիկոլը էլի ինչ-որ տեղա հիմա մտնելու- Սերժ Սարգսյանը հանգիստ ԱԺում ընտրվում ա վարչապետ։ Խաղը իհարկե ավարտված չի, բայց ավարտին մոտ է։ Նիկոլը, միշտ ասել եմ, Հայաստանի լավագույն հռետորների է , դուխով է, լիդեր է, բայց շախմատում այս ամեն ինչը ավելի շուտ խանգարիչ հանգամանք է։ Շախմատային գամբիտները մի առանձին ու շատ հետաքրքիր տեսություն է։ Այս գրառումը ոչ ուրախանալու, ոչ էլ տխրելու նպատակ ունի, ուղղակի ներկա պահի իրավիճակային նկարագրությունն է։ Նյութի աղբյուր՝ https://www.facebook.com/tigran.kocharyan/posts/10216295391642830 ...

    Կարդալ ավելին
  • Երևանում հետաքրքիր իրավիճակա ստեղծվել՝ կենտրոնական փողոցներից շատերը փակ են ու կողքից կարող է թվալ թե եսիմինչ սարսափելի բան է կատարվում քաղաքում։ Բայց իրականում շատ ու շատ քիչ մարդիկ են փողոցում, իսկ փողոցներն էլ փակ են մնում զուտ որովհետև ոստիկանությանը հրահանգավորել են չընդդիմանալ։ Փաստացի 2-3 հոգով փողոցում նստած մարդիկ համարվում է, որ փողոց են փակել։  Կարանք ասենք, որ թե՛ իշխանությունները, թե՛ ընդդիմությունը որդեգրել են գանդիի մոտեցումը՝ չդիմադրել․․․ Բայց կարմիր գծերը հստակ գծված են՝ բաղրամյանը բարիկադավորված ոստիկանների կողմից։ Անձամբ ինձ մտահոգում է մի քանի բան․  ա) որքանո՞վ է օրինական ցույցի մասնակիցներին մտցնել դպրոց ու անչափահասներին դասադուլի կոչ անել բ) որքանով են այս ակցիայի կազմակերպիչները վերահսկում տարբեր փողոցներում նստած մարդկանց ու արդյոք կկարողանան արագ արձագանքել անկանխատեսելի զարգացումներն՝ ապահովելով իրենց համախոհների անվտանգությունը գ) ինչպես է Փաշինյանը 18-ին տուն ուղարկելու ցուցարարներին՝ ընդունելով, որ ոչինչ չստացվեց։ Այլ հարց է, որ իսկզբանե ցույցերի առաջ դրված նպատակներն անհասկանալի էին ու ոչ հստակ։ Ու արդյոք էլի չի ասի, որ դե ծախված ժողովուրդն էր էլի մողավոր, քիչ մարդ դուրս եկավ փողոց, ինքն էլ շատ էր ուզում բայց չէր կարող․․․ Մի խոսքով, փողոցում այսօր ավելի շատ շոու ու էմոցիաներ են, քան քաղաքականություն ու քաղաքացիական պայքար։ Պատահական չի, որ Նիկոլը փողոց է կանչում աշակերտներին ու ուսանողներին, որոնց համար դրայվա էս ամենինչը, ուղղակի վառ հիշողություն ապագայի համար Նյութի աղբյուր՝ https://www.facebook.com/artsaxuhi.simonyan/posts/1998452553753247 ...

    Կարդալ ավելին
  • Փոքր երեխան էլ, առաջին անգամ որ կրակ է տեսնում, մատը մոտեցնում է առանց հասկանալու, վառվում, լացում ու երկրորդ անգամ նույնը չի անում։ Դասեր է քաղում՝ ի տարբերություն մեր «ընդդիմության»։ Ուղղակի այս պարգայում այս մարդիկ անգամ չգիտեն՝ ինչ է խաղաղ անհնազանդությունը, ու կարծում են՝ հնարավոր է բռնությանը տրվելով մնալ խաղաղ անհնազանդության տրամաբանության մեջ։ Հարգելիներս, գոնե մարդկանց արձագանքներին հետևեք, լայվերում գրածներին նայեք ու կհասկանաք՝ ուր եք գնում։ Նյութի աղբյուր՝ https://www.facebook.com/vahagn.aghabekyan/posts/880032975500890 ...

    Կարդալ ավելին
  • Այսօր տեղի ունեցող իրադարձությունների հանգուցալուծումը պետք է փնտրել ՀՀ Սահմանադրությունում: Այսպես` ՀՀ Սահմանադրության 89-րդ հոդվածի 3-րդ մասի համաձայն`Ազգային ժողովն ընտրվում է համամասնական ընտրակարգով: Ընտրական օրենսգիրքը երաշխավորում է կայուն խորհրդարանական մեծամասնության ձևավորումը: ՀՀ ընտրական օրենսգրքի 96-րդ հոդվածի 1-ին մասի համաձայն` կայուն խորհրդարանական մեծամասնություն է համարվում պատգամավորների ընդհանուր թվի 54 տոկոսը: ՀՀ Սահմանադրության 148-րդ հոդվածի 1-ին մասի համաձայն` Կառավարության անդամը պետք է բավարարի պատգամավորին ներկայացվող պահանջները: ՀՀ Սահմանադրության 149-րդ հոդվածի 2-րդ մասի համաձայն`Վարչապետի հրաժարական ներկայացնելու կամ վարչապետի պաշտոնը թափուր մնալու այլ դեպքերում Կառավարության հրաժարականն ընդունվելուց հետո` յոթնօրյա ժամկետում, Ազգային ժողովի խմբակցություններն իրավունք ունեն առաջադրելու վարչապետի թեկնածուներ: Ազգային ժողովը վարչապետին ընտրում է պատգամավորների ընդհանուր թվի ձայների մեծամասնությամբ: Վերոնշյալից կարելի է անել հետևյալ հետևությունները` ա. Խորհրդարանում վարչապետի թեկնածու կարող են առաջադրել բոլոր խմբակցությունները. բ. վարչապետ է դառնում խորհրդարանում կայուն մեծամասնություն ունեցող քաղաքական ուժի ներկայացուցիչը. գ. վարչապետի թեկնածուի անձի հետ կապված առանձնահատուկ պահանջներ չկան, բացի պատգամավորին ներկայացվող ընդհանուր պահանջներից, այն է` լինել առնվազն 25 տարեկան, վերջին 4 տարում լինել ՀՀ քաղաքացի և վերջին 4 տարին մեծապես բնակվել ՀՀ-ում: 2017թ. ապրիլի 2-ին Ազգային ժողովի ընտրությունների արդյունքներով ՀՀԿ-ն Ազգային -ողովում ձևավորել է կայուն մեծամասնություն և միանգամայն լիազորված և նույնիսկ պարտավորված է ձևավորել կառավարություն` վարչապետի գլխավորությամբ: ՀՀԿ-ն կարող է վարչապետի պաշտոնում առաջադրել նշված պահանջներին բավարարող ցանկացած անձի, այդ թվում ՀՀ նախկին նախագահ, ՀՀԿ նախագահ Սերժ Սարգսյանին: Որևէ սահմանադրական կամ օրենսդրական արգելք այս հարցում գոյություն չունի: Հաջորդը. եթե ցուցարարների կողմից նախաձեռնված գործողություններն ստեղծեն այնպիսի վիճակ, որ հնարավոր չլինի Ազգային ժողովում վաղը նիստ անել և կազմակերպել վարչապետի նշանակման գործընթացը: Ավելի կոնկրետ. կարող է Ազգային ժողովն արտագնա նիստ անել:  Պատասխանն է. այո': ՀՀ Սահմանադրությունը և Ազգային ժողովի կանոնակարգ-սահմանադրական օրենքը չեն սահմանում Ազգային ժողովի կոնկրետ գտնվելու վայրը` հասցեն, ինչը հիմք է տալիս եզրահանգելու, որ Ազգային ժողովի գործառույթների իրականացման շենքային պայմանները, այդ թվում հասցեն կարող են փոփոխվել: Այս նույն տրամաբանության ներքո տեղի ունեցավ ՀՀ նոր նախագահ Արմեն Սարգսյանի երդմնակալության արարողությունն Ազգային ժողովի հատուկ նիստում` Մարզահամերգային համալիրում: Ոսւտի` սխալ է այն տեսակետը, որ եթե Ազգային ժողովի նիստը գումարվի այլուր, դա կխախտի ՀՀ Սահմանադրությունն ու օրենսդրությունը: Նյութի աղբյուր՝ https://www.facebook.com/artashes.khalatyan/posts/1679025012162703 ...

    Կարդալ ավելին
  • Իրաքում պաշտոնապես մեկնարկվել է խորհրդարանի ընտրությունների քարոզարշավը: Քարոզարշավի հենց մեկնարկման օրից սկսվել է ժողովրդի դժգոհությունը: Բանը նրանում է, որ թեկնածուները իրենց նախընտրական քարոզչական պաստառները փակցրել են ուր պատահի, անգամ ԻՊ-ի դեմ պայքարում ընկած զինվորների նկարներն են հանել և փոխարենը փակցրել իրենց պաստառները: Իրաքի խորհրդարանի 329 տեղի համար պայքար են մղելու 7000 թեկնածու: Խորհրդարանական ընտրությունները տեղի են ունենալու 2018թ. -ի մայիսի 12-ին: Նյութի աղբյուր՝ https://web.facebook.com/kilkiahayastan/posts/559214454458500 ...

    Կարդալ ավելին
  • Մոտ 60 պատգամավորներ բանակցություններ են վարում միմյանց հետ, Սերժին չընտրելու հարցով։ Երկու պայմանի առկայության դեպքում նրանք չեն ընտրի Սերժին։ 1․Երաշխիք, որ իշխանափոխությունից հետո սեփականության վերաբախշում չի լինելու 2․ Բավարար քանակով ժողովուրդ փողոցում Նյութի աղբյուր՝ https://web.facebook.com/bujak.yan/posts/1643919245661149 ...

    Կարդալ ավելին
  • Հայաստանի ժողովրդագրական համամասնությունը փայլուն ցուցադրվում է վերջին համեմատաբար բազմամարդ հանրահավաքներին: Դժվար չի նկատել, որ այդ հանրահավքներին մասնակցում են գլխավորապես երիտասարդներ և տարեցներ: Համարյա բացակայում է 30-50 տարեկանների սերունդը: Եթե դրանք կան, ապա մեծ չափով տղամարդիկ են, գլխավորապես՝ քաղացիական հագուստով ոստիկանները: Սա ոչ թե հասարակության տարիքային շերտերի հետաքրքրությունների՝ համակրանքների-հակակրանքների ցուցադրություն է, այլ բնակչության գործնական ժողովրդագրական առկայության: Եթե նայեք ՀՀ նույնիսկ պաշտոնական վիճակագրությունը, կտեսնեք, որ ՀՀ ժողովրդագրական տարիքային խմբերում 30-50 տարեկանները 25-30 տոկոսով զիջում են 10-30 և 50-70 տարիքային խմբերին: Ինչպես բազմիցս գրել եմ՝ Հայաստանի տարիքային ՛՛միջին սերունդը՛՛ ուղղակի բացակայում է երկրից: Սա Հայաստանի ջարդվող ողնաշարի դրսևորումներից մեկն է: ՀՀԿ-ի նիստերին մասնակիցներով չդատել՝ դա դասական ծերակույտ է: Նյութի աղբյուր՝ https://web.facebook.com/hranush.kharatyan/posts/1015322885286654 ...

    Կարդալ ավելին
Загрузка...

ՖԲՀ

Քաղաքականություն