Գովազդի համար զանգահարել 099 999 409
  • Հետաքրքիր զարգացումներ են ընթանում եվրոպական քաղաքական հարթակներում: ԵԽԽՎ-ն իր մոնիթորինգի ներքո է առել Թուրքիային մի կողմից, չի հանդուրժում մի քանի անձանց կողմից Վեհաժողովը մի քանի անձ-գործիքների միջոցով ադրբեջանական կրքերին ծառայեցնելու գործընթացը մյուս կողմից: Ագրամունտը հրաժարական կտա։ Սրան զուգահեռ՝ Հայաստանում ԵՄ ներկայացուցիչն է հայտարարել, որ սկսվում են դեպի Եվրոպա հայաստանցիների մուտքի դյուրացման բանակցությունները: Ակնհայտ է ՝ Եվրոպային քրիստոնյաներ են պետք համատարած մուսուլմանիզմը բալանսավորելու համար: Հույժ կարևոր է այս պահից արտաքին գերատեսչության պատասխանտու մարմինների օգտվելուն ուղղված նախաձեռնողականությունը: Ժամանակաշրջանը բեկումնային է, հապաղել պետք չէ։ Նյութի աղբյուր՝ https://www.facebook.com/srbuhi.markosyan/posts/994386130694966 ...

    Կարդալ ավելին
  • Պետության կողմից ժամանակ առ ժամանակ նոր մեխանիզմներ են մշակվում հարկային դաշտի կանոնակարգման ուղղությամբ: Վերջին շրջանում պետությունը հայտարարել էր, որ խրախուսելու է օրինապահ հարկ վճարողներին՝ սահմանելով «օրինապահ հարկ վճարող» կարգավիճակը: Վերոհիշյալ նախաձեռնությունը նպատակ ունի սահմանելու որոշակի նոր, արտոնյալ պայմաններ օրինապահ հարկ վճարողների համար: Խոսքը գնում է բանկերի կողմից արտոնյալ վարկերի տրամադրման ընթացակարգերի մասին: Պետական եկամուտների կոմիտեն ամփոփել է «օրինապահ հարկ վճարող» կարգավիճակը հաստատող հավաստագրերի շնորհման 6-րդ փուլի արդյունքները, որի շրջանակներում հավաստագրեր է հանձնել ևս 8 տնտեսվարողի: Տարեսկզբից առ այսօր օրինապահ հարկ վճարողի հավաստագրի ստացման դիմում են ներկայացրել 133 տնտեսվարողներ, որոնցից 84-ի դիմումը բավարարվել է, 36-ինը՝ մերժվել, իսկ 13 դիմում ուսումնասիրության փուլում է: Նախաձեռնությունը կարևոր կլինի ինչպես հարկ վճարողների համար` շրջանառու միջոցները համալրելու նպատակով արտոնյալ պայմաններով վարկեր ներգրավելու, այնպես էլ ներդրողների համար` բիզնես գործընկերներ ընտրելու տեսանկյունից: Նյութի աղբյուր՝ https://www.facebook.com/seda.adamyan.5/posts/1869727713265654 ...

    Կարդալ ավելին
  • Ագրամունտի ընկերները հարձակվում են Հայաստանի վրա Հայտարարությունն այն մասին, որ ԵԽԽՎ-ում անկախ հանձնաժողով է ձևավորվելու, որը սկսելու է հետաքաննություն անցկացնել ԵԽԽՎ նախագահ Պեդրո Ագրամունտի և ԵԽԽՎ այլ պատգամավորների Ադրբեջանից կաշառքներ ստանալու փաստի առթիվ, բավական ակտիվացրել է Ագրամունտի կաշառակեր ընկերներին, որոնք պաշտպանվելու նպատակով արդեն սկսել են հարձակումներ գործել Հայաստանի վրա: «Европейская правда»-ին տված հարցազրույցում Ադրբեջանի և Ագրամունտի բարեկամ իսպանացի պատգամավոր Ժորդի Շուկլուն, ով ևս Ագրամունտի հետ մեկնել էր Սիրիա, և որի անունը ևս կար 2013 թ-ին European Stability Initiative (ESI) անկախ եվրոպական վերլուծական կենտրոնի հրապարակած ԵԽԽՎ-ում Բաքվի կողմից կիրառված ակտիվ նավթախավիարային դիվանագիտության խայտառակ բացահայտումների մեջ, որոշել է հարձակվել Հայաստանի վրա: Մեկնաբանելով վերը նշված հանձնաժողովի գործունեությունը՝ Շուկլուն հայտարարել է, որ ցուցմունք պետք է տա նաև ԵԽԽՎ փոխնախագահ, ուկրաինացի պատգամավոր Վլադիմիր Արևը, ով իրեն պատմել է, թե ինչպես են ժամանակին հայ պատգամավորները մեկ քվեարկության համար իրեն առաջարկել մեկ շիշ լավ կոնյակ: Հիշեցնեմ, որ Արևն այդ մասին գրառում էր արել իր facebook-յան էջում, իսկ երբ ԵԽԽՎ-ում հայկական պատվիրակության անդամները շատ կոշտ նրան հակադարձել էին և բացահայտել էին նրա սուտը, Արևն ասել էր, որ, քանի որ իր գրառումը եղել է ուկրաիներեն, նրան սխալ են հասկացել: Հավելեմ նաև, որ պարոն Արևն այդ գրառման մեջ նաև բողոքել էր, որ հայերի խնդրանքը չկատարելու պատճառով հայկական պատվիրակությունը քվեարկության հաջորդ օրն իր անձի վերաբերյալ կոմպրոմատներ է տարածել ԵԽԽՎ-ում, որ նրա տատին ադրբեջանցի է: Պրիմիտիվ Արևը այս գրառմամբ ինքն իրեն վատ վիճակի մեջ է դրել: Հայ պատգամավորները միամիտ չէին, որ, գիտենալով Արևի ծագումնաբանության մասին բավական տեղեկություններ, կաշառք առաջարկեին Արևի նմանին, որը երբեք չի թաքցրել իր սերտ կապերը Բաքվի հետ: Միայն այս հանգամանքը բացահայտում է, որ Արևի հակահայկական սույն դեմարշը տարրական պրիմիտիվ պրովոկացիա է: Զարմանալի է նաև այն, որ Արևի տատիի ազգային պատկանելիության վերաբերյալ ճշգրիտ տեղեկությունը սույն ուկրաինացի երեսփոխանը համարում է կոմպրոմատ: Կարելի է ենթադրել, որ Արևը կա՛մ ամաչում է իր տատիի ազերիական ծագման փաստից, կա՛մ էլ միտումնավոր է թաքցրել՝ ինչ-ինչ գործարքների պատճառով նույն Ադրբեջանի հետ: Պետք է նշեմ, որ նույն Արևը, ով ևս ԵԽԽՎ-ում ուկրաինացի այլ պատգամավորների նման «պահանջում» է Ագրամունտի հրաժարականը, իր բազմաթիվ հարցազրույցներում փորձում է ԵԽԽՎ կաշառակեր նախագահին պաշտպանել և մեղքը բարդել Մոսկվայի վրա: «Ռուսները խաբել են Ագրամունտին, տարել են Սիրիա և դա արել են ԵԽԽՎ-ն խայտառակելու համար»,- վանկարկում է Ագրամունտի ծպտյալ կողմնակից և տեղակալ Արևը, ով այս տարիների ընթացքում նույն Ագրամունտի, Վոլոնտեի, Մարկովիչի, Ուոլթերի, Շուկլուի և այլնի նման միլիոններ է դիզել՝ համագործակցելով Ադրբեջանի հետ: ԵԽԽՎ-ում հայկական պատվիրակությունը պետք է պատրաստ լինի ամեն տեսակի պրովոկացիաներիի և էժանագին պատմությունների: «Ագրամունտ և Co-ն» առաջնորդվելու է «Ամենալավ պաշտպանությունը հարձակումն է» կարգախոսով, և ինչ ասես, չեն հնարելու սեփական հանցանքները թաքցնելու համար: Ի դեպ՝ մայիսի 3-ին Կիև է մեկնում ԵԽԽՎ-ում Ադրբեջանի պատվիրակության ղեկավար, ԵԽԽՎ-ում նավթախավիարային դիվանագիտության կնքահայր Սամեդ Սեիդովը: Թե ինչի համար, երևի բոլորին է պարզ: Հ.Գ. Կիսաուկրաինացի, կիսաադրբեջանցի և էլի ինչ-որ «կիաչգիտեմինչացի» Վլադիմիր Արևը բավական սկանդալային ֆիգուր է Ուկրաինայի քաղաքական թատերաբեմում: 2006 թ-ին Վարշավայի «Օկենցե» օդանավակայանում լեհ իրավապահները և սահմանապահները ձերբակալել էին Ալիևին և նրա կնոջը՝ Նատալյա Ֆիցիչին, թմրամիջոցներ տեղափոխելու համար: Լեհ իրավապահները քրեական գործ էի հարուցել Արևի և նրա տիկնոջ նկատմամբ: Սակայն Կիևին հաջողվեց այն ծածկադմփոցի անել: 2011 թ-ի հոկտեմբերին, երբ Արևը գտնվում էր ԱՄՆ-ում, Ուկրաինայի Ռադայում տեղի ունեցած քվեարկության ժամանակ նրա անունից քվերակվել է, որը մեծ սկանդալ էր առաջացնել Կիևում: Իսկ 2013 թ-ի ապրիլին Կիևի «Delight» սուպերմարկետում Արևը հարձակվել էր գործակատարի և հաճախորդի վրա, ովքեր խոսել էին ռուսերեն: Արևին դա դուր չէր եկել: Երևի նախընտրելի էր, որ նրանք խոսեին Արևի համար հարազատ ադրբեջաներենով: Նյութի աղբյուր՝ https://www.facebook.com/gagik.hambaryan/posts/1343050132445599 ...

    Կարդալ ավելին
  • Իրանի և Պակիստանի սահմանին տեղի ունեցած զինված միջադեպի հետևանքով Իրանի սահմանապահ ծառայության 8 ծառայող է սպանվել։  Իրանի ոստիկանական ուժերի խոսնակի տեղեկացմամբ՝ իրանցի սահմանապահները սպանվել են ահաբեկիչների կողմից, Պակիստանի տարածքից, հեռահար զենքի միջոցով։ Նյութի աղբյուր՝ https://www.facebook.com/armen.israyelyan.9/posts/1358397937577543 ...

    Կարդալ ավելին
  • Ուկրաինայի Գլխավոր դատախազությունը քրեական գործեր է հարուցել ադրբեջանական տնտեսվարող 17 սուբյեկտների դեմ, որոնք խախտելով Ուկրաինայի «Ժամանակավորապես օկուպացված տարածքների մասին» օրենքը ապրիլի 20-22 մասնակցել են Ղրիմի Յալթա քաղաքում տեղի ունեցած III Միջազգային տնտեսական համաժողովին: Յալթայում Բաքուն բավական ճոխ է ներկայացված եղել: Համաժողովին մասնակցել են Ադրբեջանի բանկերի ասոցիացիան, Ադրբեջանի միջազգային բանկը, Ադրբեջանի պետական նավթային կորպորացիան (SOCAR), Ադրբեջանի Առևտրային ներկայացուցչությունը ՌԴ-ում, խոշորագույն Azersun Holding և Azerbaijan Methanol ընկերությունները և այլն:  Այս հարցին չէի անդրադառնա, եթե նույն Իլհամ բեյի գրպանային կայքերը գրեթե ամեն շաբաթ չանդրադառնային հայ-ուկրաինական հարաբերություններին, չհիշեցնեին իրենց ընթերցողներին, որ Ուկրաինայի ՆԳՆ նախարար Արսեն Ավակովի և նախկին վարչապետ Յուլիա Տիմոշենկոյի պատմական Հայրենիքը՝ Հայաստանը, ժամանակին, երբ ՄԱԿ-ում քվեարկում էր Ուկրինայի տարածքային ամբողջականության մասին բանաձևը, դեմ է քվեարկել: Նույն ալիևյան մամուլը Ղրիմը ներկայացնում է ՌԴ-ի կողմից օկուպացված տարածք՝ հաճոյանալով Կիևին:  Չմոռանանք, որ Ուկրինան «Ժամանակավորապես օկուպացված տարածքների մասին» օրենքը գրեթե արտագրել է Ադրբեջանի նույնաբովանդակ օրենքից: Ուկրինայի ԱԳՆ-ն իր «սև ցուցակ»-ի գաղափարը ևս ընդօրինակել է Բաքվի տխրահռչակ «սև ցուցակ»-ից: Ղրիմում տնտեսական գործունեություն ծավալողների դեմ քրեական գործերը Պորոշենկոն ևս վերցրել է Իլհամ Ալիևի օրինակից:  Մասնակցելով Ղրիմի Յալթա քաղաքում տեղի ունեցած III Միջազգային տնտեսական համաժողովին պաշտոնական Բաքում գործով ապացուցեց, որ նրա համար միևնույն է Ուկրաինայի տարածքային ամբողջականությունը: Դե ֆակտո Ադրբեջանի համար Ղրիմը ՌԴ տարածք է և նա այնտեղ բավական ակտիվ փորձում է ներդրումներ անել, ինչպես նաև թքած ունի Ուկրինայի ԱԳՆ-ի «սև ցուցակ»-ի վրա: Դե յուրե Ադրբեջանը ծիծաղում է Կիևի վրա:  Իլհամ բաբան իր այս քայլով բոլորին ապացուցեց, որ երկերեսանիի մեկն է: Որ նրա խոսքերի և գործերի միջև սարերի տարբերություն կա:  «Ուրիշի համար փոս փորողն ինքն է ընկում իր փորած փոսի մեջ»: Այն, ինչ խորհուրդ էր տալիս Ալիևը Պորոշենկոյին, հիմա վերջինս կիրառելու է Ադրբեջանի դեմ: Նյութի աղբյուր՝ https://www.facebook.com/gagik.hambaryan/posts/1341035292647083 ...

    Կարդալ ավելին
  • Ապշերոնյան բռնապետը որոշել է վերջնականապես Ադրբեջանում «թաղել» այն ԶԼՄ-ներին, որոնք չեն վերահսկվում իր աշխատակազմի կողմից: Իլահմ Ալիևը որոշել է գործել բավական պարզ՝ հաստատ իմանալով, որ ոչ մի այսպես կոչված միջազգային կազմակերպություն դրա համար չի կշտամբի և պատժամիջոցներ չի կիրառի նրա հանդեպ: Այսպես, Ադրբեջանի Տրանսպորտի, կապի և բարձրագույն տեխնոլոգիաների նախարարության Էլեկտրոնային անվտանգության կենտրոնը դիմել է դատարան և պահանջել է Ադրբեջանի տարածքում արգելափակել Azerbaycan saati, «Ազատություն» ռադիոկայանի ադրբեջանական խմբագրության, «Ազադլիք» թերթի, Turan հեռուստաընկերության, Meydan TV-ի և այլ ընդդիմադիր ԶԼՄ-ների կայքերը: Որքան հասկանալի է, Ադրբեջանի բռնապետը բավական շտապում է և ցանկանում է որքան հնարավոր է արագ այդ կայքերն արգելափակել երկրի տարածքում: Առաջին դատական նիստն արդեն տեղի կունենա ապրիլի 27-ին ժամը 11:20, Բաքվի Սաբայիլի շրջանի դատարանում: Չեմ կասկածում, որ աշխարհի «ամենաանկախ և մարդասեր» ադրբեջանական դատարանը դատավոր Նուրեդին Բագիրովի գլխավորությամբ կընդունի «ամենաարդար» դատավճիռը և Ալիևներին քննադատող և նրանց նյարդերի վրա ազդող բոլոր այս ընդդիմադիր ԶԼՄ-ների կայքերը կարգելափակվեն:  Իլհամ բաբան իր այս օրինախախտ որոշումները չքննադատելու նապատակով որոշել է մի քանի միլիոն դոլլար ծախսել և գնել որոշ եվրոպացի իրավապաշտպան պաշտոնյաների և նրանց բերանները փակելով հանգիստ ապրել, քան թույլ տալ, որ հարազատ ընդդիմադիրներն անընդհատ իրեն պահեն քննադատության թիրախում: Նյութի աղբյուր՝ https://www.facebook.com/gagik.hambaryan/posts/1341475432603069 ...

    Կարդալ ավելին
  • Իրանում ամենամեծ տարածում ունեցող «Տելեգրամ» սոցիալական ցանցի պարսկալեզու ալիքներում բավական ընդարձակ արշավ է սկսվել այժմ Ռուսաստանում Ադրբեջանական Հանրապետության դեսպան Փոլադ Բյուլբյուլօղլիի թեկնածության՝ ՅՈՒՆԵՍԿՈ-ի ղեկավարի պաշտոնում առաջադրվելու դեմ: Մասնավորապես, «Իրանական քաղաքակրթության ժառանգորդ երկրների միություն» տելեգրամյան ալիքով այսօր տարածվել է ադրբեջանցի դեսպանի լուսանկարը հետևյալ մակագրությամբ՝ «Փոլադ Բյուլբյուլօղլի՝ Ռուսաստանում Բաքվի Հանրապետության այժմյան դեսպան և Հայաստանի ու Իրանի պատմության կեղծարար»: Ուշագրավ է նաև, որ նշված ալիքի կարգավարներն Ադրբեջանական Հանրապետություն պաշտոնական եզրի փոխարեն գործածել են Բաքվի Հանրապետություն տարբերակը, քանի, որ պարսկերենում Ազարբայջան անվանումը հնարավորություն չի ընձեռում տարբերակում մտցնել Ատրպատականի (Արաքսից հարավ գտնվող իրանական երկրամաս) և Ադրբեջանի (19 Նյութի աղբյուր՝ https://www.facebook.com/vardan.voskanian/posts/1429405693764552 ...

    Կարդալ ավելին
  • Չեխիան դատապարտեց Հայոց ցեղասպանությունը։ Բոլորս միանգամից ուրախացանք, սկսեցինք ոգևորության գրառումներ անել։  Այդ ճանաչումն ու դատապարտումը պտուղն է հայկական փայլուն դիվանագիտության տարիների աշխատանքի, որի անբաժան մասն է խորհրդարանական դիվանագիտությունը։ Այս տարիների ընթացքում առիթ եմ ունեցել անձամբ տեսնելու այդ ահռելի աշխատանքը։ Հպարտ եմ, որ իմ չնչին ներդրումն եմ ունեցել խորհրդարանական դիվանագիտության լայնածավալ աշխատանքում։ Նյութի աղբյուր՝ https://www.facebook.com/arsenbabayan.am/posts/654453428097783 ...

    Կարդալ ավելին
  • Աշխարհի ամենաանվտանգ քաղաքների մեջ Երևանը 88-րդն է, Թբիլիսին 19-րդն է, Բաքուն՝ 71-րդը:  Թուրքիայի մայրաքաղաք Անկարան գտնվում է 179-րդ, իսկ Մոսկվան՝ 205-րդ հորիզոնականում:   Աշխարհի ամենաանվտանգ քաղաք է ճանաչվել Աբու Դաբին: Նրան հաջորդում են գերմանական Մյունխենը, թայվանական Թայբեյը, շվեյցարական Բազելը, դանիական Օրհուսը, գերմանական Հայդելբերգը, Քաթարի Դոհան, Սինգապուրը, Հնդկաստանի Մանգալուրն ու շվեյցարական Ցյուրիխը: Նյութի աղբյուր՝ https://www.facebook.com/shahmanvel/posts/1396048313771839 ...

    Կարդալ ավելին
  • Oil and Gas Journal հեղինակավոր ամսագրի վերջին համարից տեղեկանում ենք, որ Ադրբեջանի հում նավթի ապացուցված պաշարները կազմել են 7 մլրդ բարել: Այս գնահատականը կրկնում է բրիտանական British Petroleum ընկերության էներգետիկ վիճակագրական տեղեկատուների այն հայտնի պնդումը, որ Ադրբեջանի հում նավթի ապացուցված պաշարները չեն փոխվել 2002-ից ի վեր և կազմում են 7 մլրդ բարել: Ադրբեջանում նավթի ապացուցված պաշարների առյուծի բաժինն Ադրբեջանի ափեզրյա (offshore) նավթադաշտերինն է: Հում նավթի ապացուցված պաշարների տեսանկյունից ամենահարուստը Կասպիցի Ազերի-Չիրագ-Գյունեշլի նավթադաշտն է  Դեռ ԽՍՀՄ տարիներին պեղված նավթադաշտն, այսպես կոչված, «գերդաշտ» է: Համաձայն մի շարք առավելապես շատ մեջբերվող աղբյուրների՝ այն գտնվում է Բաքվից մոտ 120 կմ արևելք-հարավ-արևելք: Ընդհանուր մակերեսը կազմում է 432.4 կմ2, 100-400 մ ջրի խորությամբ: Հիմնական նավթաբեր շերտերն ընկած են ծովի հատակից 2.5-3.0 կմ խորության վրա: 1990-ականների սկզբին մասնագետները հակված էին կարծելու, որ գործ ունեն 3-4 առանձին նավթադաշտերի հետ: Հետագա ուսումնասիրությունները հերքեցին այս տեսակետը, և ներկայումս այն դիտարկվում է որպես ածխաջրածինների միացյալ, այսպես կոչված, «գերդաշտ»: Անմիջապես ընդգծենք, որ բաց աղբյուրներում և համացանցում հասանելի Կասպիցի նավթադաշտերի գրեթե բոլոր քարտեզներում Ազերի-Չիրագ-Գյունեշլի նավթադաշտ դիրքը ներկայացված է աղավաղված, այն արհեստականորեն մոտեցված է Ադրբեջանի ծովափին: Նույնը վերաբերում է «Բաքվից մոտ 120 կմ» հեռավորության գնահատականին: Բայց, օրինակ, թուրքմենական ԱԳՆ տվյալներով՝ այն գտնվում է ոչ թե 120, այլ 160 կմ հեռավորության վրա: Բանն այն է, որ նշված նավթադաշտն ինքնին ձգվում է արևելք-հարավ-արևելք ուղղությամբ՝ մոտ 100 կմ երկայնքով: Համաձայն Գլոբալ սեքյուրիթի կազմակերպության տվյալների՝ 2010թ. Ադրբեջանում Ազերի-Չիրագ-Գյունեշլի նավթադաշտ էր արդյունահանվել այդ տարի հում նավթի ընդհանուր ծավալի 80%-ից ավելին: Անցած տարիներին այս համամասնությունն ընդհանուր առմամբ պահպանվել է: Համաձայն Statoil ընկերության տվյալների՝ 1994թ. կնքված Արդյունքի բաշխման hամաձայնագրի (PSA) կողմից սահմանված տարածքում և համաձայնագրի գործունեության ժամանակահատվածում (1994-2024թթ.) Ազերի-Չիրագ-Գյունեշլի նավթի հասանելի պաշարները գնահատվում են 5.4 մլրդ բարել, այսինքն՝ Ադրբեջանի ապացուցված պաշարների 77%-ը: Ընդ որում, համաձայն նույն աղբյուրի, 2009թ. վերջի դրությամբ այստեղից արդեն արդյունահանվել էր 1.4 մլրդ բարել նավթ, այսինքն՝ նավթադաշտի հասանելի պաշարների 26%-ը: Այս գնահատականներն ընդհանուր առմամբ հաստատվում են նաև Wikileaks կայքի հրապարակած՝ Ադրբեջանում ԱՄՆ դեսպանության հաղորդագրությունների տվյալներով: Դեռ 2002 թվականից Ադրբեջանի նավթի ողջ ապացուցված պաշարները BP ընկերության տարեկան տեղեկագրերում գնահատված էին 7 մլրդ բարել: Այդ ցուցանիշը մնում է անփոփոխ մինչև օրս: Այստեղից կարելի է բխեցնել երկու հետևություն: Կամ BP ընկերության՝ Ադրբեջանի նավթի ողջ ապացուցված պաշարների 2002-07թթ. գնահատականները կրում էին ուռճացված բնույթ և քիչ թե շատ հիմնավորվեցին միայն 2007թ.` Ազերի-Չիրագ-Գյունեշլի նավթադաշտի արդյունահանելի պաշարների վերանայումից հետո, կամ 2007թ. նավթադաշտի արդյունահանելի պաշարների վերանայումն իրականացված էր այնպես, որ համապատասխանի Ադրբեջանի նավթի ապացուցված պաշարների դեռ 2002թ. տրված գնահատականին: Հետաքրքրական է նաև, որ Statoil ընկերության 2011թ. հունվարի 18-ի Ազերի-Չիրագ-Գյունեշլի արդյունահանելի նավթի պաշարների վերը նշված գնահատականը (5.4 մլրդ բարել) համապատասխանում է Wikileaks-ի 2007թ. ապրիլի 27-ի 07 BAKU 522 հաղորդագրությունում բերվող գնահատականների տիրույթի (5.4-6.3 մլրդ բարել) ստորին արժեքին: Համաձայն մասնագիտական բազմաթիվ գնահատականների՝ Ազերի-Չիրագ-Գյունեշլի հասանելի պաշարներն արդյունաբերական մասշտաբների արդյունահանման համար կսպառվեն 2018-20թթ. ժամանակահատվածում: Այս առումով առավել հաճախակի նշվում է 2018-19թթ.: Նյութի աղբյուր՝ https://www.facebook.com/armen.hovasapyan.5/posts/1422323671183163 ...

    Կարդալ ավելին
Загрузка...

ՖԲՀ

Քաղաքականություն