• Սա բավականին հարմար է և ավելի պրակտիկ: Նախ՝ օգտվողն արդեն հնարավորություն ունի ավելի արագ գտնել իրեն հետաքրքրող տեսանյութը. բացում ենք պատուհանը, արագ թերթելով՝ փնտրում ենք տեսանյութը:  Նախկինում խոսել եմ սրա մասին, և հիմա արդեն այս հնարավորությունը հասանելի է: Ֆեյսբուքը նման հնարավորություններով փորձում է ավելի հարմար վիդեո հարթակ ստեղծել: Դրա միջոցով սոցկայքում կավելանան մեծ ալիքներ, «վիդեո փեյջեր»: Չնայած նրան, որ այս պահին ֆեյսբուքը տեսանյութերի ամսական դիտումների թվով առաջ է Youtube-ից, այնուամենայնիվ, նման հնարավորություններով ֆեյսբուքը կարճ ժամանակահատվածում կկրկնապատկի գրանցված ցուցանիշները: «Բարեփոխումները» դեռ երկար կշարունակվեն: Շատ շուտով, կարծում եմ, ֆեյսբուքն ուղիղ հեռարձակման հնարավորություն կստեղծի՝ ևս մեկ քայլով մոտենալով յութուբին: Չնայած որ կան մի քանի փեյջեր ամբողջ ֆեյսբուքում, որոնք ուղիղի հնարավորություն ունեն: Նյութի աղբյուր՝ https://www.facebook.com/photo.php?fbid=943445882357458&set=a.205325222836198.45361.100000761655799&type=3&permPage=1 ...

    Կարդալ ավելին
  • Բոլորս տարված էինք հանրաքվեով և մի ուշագրավ լուր անտեսեցինք:Ավելորդ մարդասիրությամբ չեմ տառապում և չեմ ձևացնի ,իբր չեմ ուրախացել. Լավ էլ ուրախ եմ: Ասվեց, որ ազիկստանի նավթահորերից մեկում հրդեհ է բռնկվել և կան տասնյակ զոհեր: Աստված մեկը տաս անի: Ակամայից հիշեցի վայրկյանների ընթացքում ամբողջությամբ բոցավառված երկու շենքերը Բաքվում: Մի խոսքով պատերազմի ժամանակ չեմ նախանձում Բաքվի բնակիչներին, որոնց շենքը մեկ լուցկուց է բոցավառ դառնում, իսկ նավթահորերը օրերով հանգցնել չի լինում: Բաքվի անվան ծագումը հրաժարվում են ընդունել, որ Բակուր իշխանի անունից է և ասում են, կրակի քաղաք է, դե պատկերացնում եմ ինչպիսին կլինի կրակի քաղաքը յուր նավթահորերով ,երբ առաջին հրթիռը հասնի այնտեղ: Հ. Գ. Հեսա մեկը կասի, իրանց Երևանին խփելու մասին չես մտածում? Կամ բլա բլա բլա: Մենք նավթահոր չունենք, քարերի վրայի կրակը շուտ է մարվում: Նյութի աղբյուր՝https://www.facebook.com/tigran.mkrtchyan.378/posts/526040664244230?pnref=story ...

    Կարդալ ավելին
  • Այսօր առավոտյան Գյումրու Տերյան փողոցում, Արարողոթյունների սրահ-ի սանդուքներին, ցրտից սառչած վիճակում հայտնաբերվել է մերձակա տնակներից մեկում բնակող տղամարդ։ Նյութի աղբյուր՝https://www.facebook.com/vahan.tumasyan/posts/10204203983339424?pnref=story ...

    Կարդալ ավելին
  • Բավականին արագ աճում է whatsapp-ը: Ամսեամիս մեծանում է օգտատերերի քանակը:  Վերջին տվյալներով 2015 թվականի սեպտեմբերի դրությամբ whatsapp-ն ունեցել է 900 միլիոն ակտիվ օգտատեր: Հունվար ամսվա համեմատ ակտիվ օգտատերերի թիվն աճել է 200 միլիոնով:  Նկատենք, որ 2013 թվականին whatsapp-ն ուներ ընդամենը 200 միլիոն օգտատեր: Տարերությունն ավելի տեսանելի դարձնելու համար տեսնենք vider-ի ցուցանիշները: Սա ամսական ակտիվ օգտատերերի թվով զիջում է whatsapp-ին: Մասնավորպաես այս տարվա ապրիլ ամսին ունեցել է 250 միլիոն ակտիվ օգտատեր: Ընդ որում` տարվա սկզբից այս ցուցանիշն աճել է ընդամենը 20 միլիոնով: Մի հետաքրքիր դիտարկում էլ անեմ. viber-ից հիմնականում օգտվում է Ասիայի ժողովուրդը: Whatsapp-ի ամենամսյա աճի տենդենցը հուշում է այն մասին, որ կարճ ժամանակում ու շատ արագ, այս հավելվածից օգտվողների թիվը հատելու է միլիարդի շեմը: Նյութի աղբյուր՝ https://www.facebook.com/rubo.khachatryan/posts/943293009039412 ...

    Կարդալ ավելին
  • Երեկվանից որոշ անհատներ և մարգինալ քաղաքական հոսանքների ներկայացուցիչնր նեղսրտում են, թե ին՞չու չենք ասում, որ ընտրությունները կեղծվել են, կամ այլ կերպ ասած ին՞չու եղածին «քաղաքական գնահատական» չենք տալիս: Անկեղծ մինչ այս պահը անտեղի եմ համարել խոսել ակնհայտ իրողությունների մասին, քանի որ դրանք առանց այդ էլ պարզ և հասկանալի են բոլորին բայց, այնուամենայնիվ, փորձեմ հնարավորինս ամփոփ ձևով ներկայացնել իմ տեսանկյունից ամենակարևոր փաստերը:  1. Պետք է հստակ արձանագրել, որ հերթական անգամ համապետական ընտրությունները հանրային ընկալումներում մնացին, որպես հերթական կեղծված ընտրությունները: Այս առումով մեր քաղաքական համակարգը 1995-ից սկսած գտնվում է նույն շրջապտույտի մեջ: 2. Ընտրությունների ընթացքում արձանագրվեց ևս մի շատ կարևոր հանգամանք. այն տեղամասերում, որտեղ կար քաղաքաքացիական վերահսկողություն հնարավոր եղավ առավելագույնս վերահսկել գերծընթացը: Կարևոր եմ համարում հստակ առանձնացնել քաղաքացիական հասարակության ներկայացուցիչներին քաղաքական ուժերի ներկայացուցիչներից: 3. Իշխանությունները հերթական անգամ գործի դրեցին քրեական տարրերին: Ես անձամբ 20-ից ավել ընտրատեղամասերում ականատես եմ եղել թաղային հեղինակությունների ակտիվ գործունեությանը: Այս խնդիրը եղածներից, թերևս, ամենաբացասականն է և առաջինը վնասելու է հենց իշխանություններին: Թաղային հեղինակությունների առկայությունը տեղամասերում և «հարց լուծողի» կարգավիճակը վերացնում է ընտրական համակարգն ու առաջինը իշխանություններին: 4. Հերթական անգամ արձանագրվեց, որ մենք գործ ունենք կատարյալ իմպոտենտ ընդդիմադիր ուժերի հետ: 75 տոկոսից ավելի ընտրատեղամասերում ընդդիմադիր քաղաքական ուժերը կամ՛ չունեին ներկայացուցիչներ (հանձնաժողովի անդամ կամ վստահված անձ), կամ՛ ունեին, բայց չունենալու հաշիվ էր: Մեր կազմակերպության դիտորդներն ու լրագրողները յուրաքանչյուր տեղամասում փորձում էին հանդիպել Ժառանգության կամ ՀԱԿ-ի ներկայացուցիչներին և նրանցից փորձել ճշտել տեղամասում առկա խախտումները:  5. «Ոչ»-ը պաշտոնապես ստացավ 421,593 քվե, բայց ընդդիմության հանրահավաքներին մասնակցում են, լավագույն դեպքում, 3000 քաղաքացի: Այս ակնհայտ փաստը ևս գալիս է փաստելու այն ակնառու իրողությունը, որ քաղաքական համակարգի ընդդիմադիր հատվածն իրեն ուղղակիորեն սպառել է և արդեն ժամանակի հրամայական է դարձել նոր որակի ընդդիմադիր հատված ձևավորելը: 6. Ազատության հրապարակում հավաքված մարգինալների խմբակը այս իշխանությունների հարատևությունը ապահովելու գրավականն է դարձել: Հենց այդ ուժերն են սպասարկում ՀՀԿ-ի իշխանության վերարտադրությանը: Ոչ մի սահմանադրական փոփոխություն այդքան արդյունավետ ձևով չի կարող ապահովել Սերժ Սարգսյանի վերարտադրությունը, որքան Ազատության հրապարակում «սեզոնային հեղափոխության» դաշտային հրամանատարներն իրենց 2-3 հազարանոց հետևորդներով: Նյութի աղբյուր՝https://www.facebook.com/narek.samsonyan/posts/1022982854431539 ...

    Կարդալ ավելին
  • Հայաստանի հանրային ռադիոյի սիրելի աշխատակիցներ,  1997 թվականից սկսած, իսկ շատերի հետ դեռևս հեռուստատեսությունում աշխատանքի տարիներից, անցել ենք երկար ճանապարհ:  Այդ ճանապարհին արձանագրել ենք բազմաթիվ ձեռքբերումներ, ստացել ենք մրցանակներ, պարգևներ, արժանացել ենք մեր ունկնդրի ջերմ ու շնորհակալ գնահատականին, ունեցել ենք ոգևորության, երբեմն էլ հիասթափության շրջաններ:  Շուրջ 19 տարի մենք ապրել ենք նաև ընտանիքի պես: Կարեկցել ու սատարել ենք միմյանց դժվարին պահերին, ուրախացել ու հրճվել ենք մեր զավակների, հարազատների, ընտանիքի անդամների հաջողություններով: Միշտ էլ գալիս է պահը, երբ ամեն սկիզբ իր ավարտն է ունենում:  Սիրելի գործընկերներ , ես աշխատանքից ազատվելու դիմում եմ ներկայացրել և մասնակցելու եմ հանրային հեռուստառադիոընկերության խորհրդի անդամի թափուր պաշտոնի համար հայտարարված մրցույթին: Հույս ունեմ, որ մեր աշխատանքային սկիզբը կունենա ոչ թե ավարտ, այլ շարունակություն` մի փոքր այլ ձևաչափի մեջ:  Կուզեի ընդհանուր ժողովի ժամանակ բոլորիդ անհատապես շնորհակալություն հայտնել, սակայն հաշվի առնելով իմ հուզվող տեսակը, թույլ տվեք գրավոր ասել այն, ինչ թերևս չեմ հասցրել ասել Ձեզ: Շնորհակալություն Ձեր մասնագիտական բարձր որակը և կարողությունները Հայաստանի հանրային ռադիոյի ծրագրերում ներդնելու համար:  Շնորհակալություն Ձեր մարդկային բարի և գնահատող տեսակի համար, շնորհակալություն ունկնդրի հանդեպ Ձեր անկեղծության, անաչառության և նվիրումի համար:  Համոզված եմ, որ այսուհետև ևս շարունակելու եք Հայաստանի հանրային ռադիոյի ունկնդիրներին փոխանցել անաչառ լրատվություն, բացելու եք մեր մշակութային հարուստ գանձարանի դռները, առաջնորդելու եք մատաղ սերնդին, երիտասարդներին` նպատակներն ու ցանկություններն իրականացնելու գործում և շարունակելու եք բարության, գեղեցկության, հայրենասիրության ու հայրենապաշտության կենարար հունդերը սերմանել մեր ժողովրդի սրտերում ու հոգիներում:  Շնորհակալությամբ` Ընդմիշտ Ձեր  Արմեն Ամիրյան Նյութի աղբյուր՝ https://www.facebook.com/photo.php?fbid=891585657576849&set=a.473483212720431.1073741825.100001762699880&type=3&permPage=1 ...

    Կարդալ ավելին
  • Լավ լուր ազգիս համար:Իգդիրում անհայտ անձիք գիշերը հրկիզել են ազերիներին պատկանող մի շարք խանութներ ...

    Կարդալ ավելին
  • Հիսուսը, շրջակա գյուղերը շրջելով, ուսուցանում էր։ Նա, իր մոտ կանչելով տասներկու աշակերտներին, սկսեց զույգ-զույգ ուղարկել նրանց՝ չար ոգիների վրա իշխանություն տալով, ու պատվիրեց. -Ճանապարհի համար, բացի գավազանից, ձեզ հետ ոչ մի բան չվերցնեք. ո՛չ պարկ, ո՛չ հաց, ո՛չ էլ դրամ ձեր գոտիների մեջ, այլ հագեք հողաթափեր և ավելորդ հագուստ մի՛ վերցրեք։ Ապա ավելացրեց. -Ո՛ր տունը որ մտնեք, և ձեզ ընդունեն, այնտե՛ղ իջևանեցեք, մինչև որ մեկնեք այնտեղից։ Իսկ երբ դուրս ելնեք որևէ տեղից, որի բնակիչները ձեզ չեն լսի ու չեն ընդունի, թա՛փ տվեք ձեր ոտքերի փոշին՝ իբրև վկայություն նրանց դեմ։ Աշակերտները գնացին և սկսեցին քարոզել ժողովրդին, որ ԱՊԱՇԽԱՐԵՆ։ Նրանք բազում չար ոգիներ էին հանում, շատ հիվանդների օծում էին յուղով և նրանց բժշկում։ (Մարկոսի ավետարան 6:6-13) Նյութի աղբյուր՝ https://www.facebook.com/ruben.zargaryan/posts/1209339795759797 ...

    Կարդալ ավելին
  • Կամա, թե ակամա՝ բոլորս այսօր արթնացանք նոր Հայաստանում՝ նոր Մայր օրենքով, զարգացման նոր տեսլականով ու հեռանկարներով, բազմաբովանդակ ու քրտնաջան աշխատանքի անհետաձգելի հրամայականով:  Այո, ոմանք հիասթափված են, շատերը՝ ոգևորված, մի մասը՝ մեծ սպասելիքներով, ոմանք էլ պարզապես անտարբեր ու անհավատ. զգացողությունները տարբեր են, ճիշտ այնչափ, որչափ տարբեր էին մոտեցումները՝ սահմանադրական փոփոխությունների գործընթացի հետ կապված: Եվ այսուհանդերձ, որպես ՀՀ շարքային քաղաքացի, այս ողջ թոհուբոհի վերջնահանգրվանին ցանկանում եմ խորը երախտիքի խոսքս հղել նախ մասնագետների այն ողջ խմբին, ովքեր, հիրավի, մեծ աշխատանք են տարել՝ նոր սահմանադրության նախապատրաստման գործում, այն փորձագետներին ու մասնագետներին, ովքեր իրենց մասնագիտական գիտելիքների ողջ խորությամբ հասարակությանը հասու են դարձրել նոր Մայր օրենքի առավելություններն ու թերությունները, քաղաքական գործիչներին՝ գործընթացին կողմ, թե ընդդիմադիր, ովքեր իրենց պարբերական բանավեճերի միջոցով ողջամիտ կերպով մղել են ընտրողին՝ մտածելու, համեմատելու կշռադատելու... Անշուշտ, շնորհակալությունս եմ ուզում հայտնել հատկապես վերջին շաբաթվա ընթացքում Ազատության հրապարակում բոլորիս համար պայքարած ու պահանջատեր հայրենակիցներիս, ովքեր, չնայած հայաստանյան ձմռան անողոք ցրտին, չընկճվեցին, պայքարեցին՝ փորձելով հասու դարձնել իրենց տեսակետերն, առավել մեծ ծավալի պատասխանատվություն պահանջելով հանրաքվեի կազմակերպման պատասխանատուներից: Շնորհակալ եմ բոլոր այն լրագրողներին, ընտրական գործընթացի մասնակիցներին, ովքեր բացահայտեցին, հնարավորինս վեր հանեցին գործընթացի ընթացքում արձանագրված իրական թերություններն ու ապօրինությունները, որոնք, հուսամ, համարժեքորեն կպատժվեն իրավապահ մարմինների կողմից: Ուզենք, թե ոչ, բայց հանդիսանալով ՀՀ քաղաքացի՝ հետայսու յուրաքանչյուրս պարտավոր ենք հետևելու նոր սահմանադրությանը, իսկ քաղաքական դաշտի դերակատարները՝ գործելու նոր խաղի կանոններով: Ուզում եմ հավատալ, որ և՛ սահմանադրական գործընթացի նախաձեռնողները, և՛ դրա բոլոր սուբյեկտները ամենայն խորությամբ գիտակցում են իրենց վրա դրված պատասխանատվության լրջագույն չափաբաժինը՝ նաև մայր օրենքի ընձեռած հնարավորություններով ու լծակներով զտելու մերօրյա իրականությունում առկա արատավոր երևույթները, և ամենակարևորը՝ երկրում իրականացվելիք բարեփոխումների ողջ շղթան հնարավորինս շոշափելի դարձնելու շարքային քաղաքացու առօրյայում: Նյութի աղբյուր՝ https://www.facebook.com/armen.petrosyan.05/posts/944768352227046?pnref=story ...

    Կարդալ ավելին
  • Մարդիկ ջան, ազգն (Էն էլ գոնե հասարակությունը չէ, հենց ազգը) «անասուն, ստրուկ, ծախված և 5000 դրամանոց» անվանելուց առաջ գոնե հիշեք, որ ցանկացած ընտրությունից, հանրաքվեից հետո շարունակելու եք ապրել էս հասարակությունում, դուրս գալ փողոց, բարձրանալ տրանսպորտ, իրար աչքերի մեջ նայել ու բարև տալ մարդկանց ու էդ ազգի գյուղացու աճեցրածն ուտել... Ձեզ կա՞յֆ ա «անասուն, ստրուկ» ազգի գենոֆոնդի կրող լինելը։ Գոնե ասեք՝ քաղաքական ցածր մշակույթ ունեցող հասարակություն, էլի հասկանալի ա.... Ու... բանը... 270 լայքանոց ստատուս գրելը դեռ քաղաքական կարիերայի սկիզբ չի, ի գիտություն որոշ «քաղաքական գործիչների», ու ռեալ պոլիտիկ գործընթացի հետ առհասարակ ոչ մի կապ չունի... Նյութի աղբյուր՝ https://www.facebook.com/nana.gndoyan/posts/881802558584661 ...

    Կարդալ ավելին

ՖԲՀ

Քաղաքականություն